إكمال الدراسه أم الزواج !!! أيهما في مصلحة الفتاه !!

[عايشه سالم سعيد]

الدرسه لا باااااس بس الزواااااج احلى

 

[المـهــــــا]

(( قارئ الكلمه ))

لا أبالغ حين أقول أني لا أدخل موضوع و أرى ردك .. إلا أحسست أن لهذا الموضوع قيمه خفيه .. لاني أعتقد انك لا تشارك الا في المواضيع المتميزه .... فرحت كثيرا بنقاشك و ردك .. و فرحت أكثر بقبولك تبريري .. و أتمنى أن تعلق دائما على مواضيعي ...
لك كل شكري و احترامي سيدي ...

(( عاشه سعيد ))

مشكوره حبيبتي على الرأي ... بس أنا أشوف انه الدراسه أحلى .. لأنك بتفتكين منها بسرعه .. بس الزواج !!! ما ترومين تفتكين منه
مشكوره حبوبتي على الرد .. و لج تحياتي


المهـــــــــا

 

[غاية]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين
من رايي انه الزواج في هذا السن مو مشكله واهم شيء انهم يكوووونووون متفقين على هذا الراي من قبل الزوج والزوجة ... لانهم هم المستفيدين وفي اي وقت ممكن الزوج يخلي زوجته تشتغل وتعينه اذا احتاج الامر ... لانهم هم الاثنين بيكونون مسؤولين عن العائلة المستقبلية مو بس الريال لازم الحرمة تسوي شيءبعد لازم يكون لها دور ... فهي بانية للمستقبل بشكل اكبر بعد فكيف اذا دخلت مجال العمل والدراسة....

وجزاكم الف خير على الموضوع الرائع المطروووووووووح مع كل احترامي

 

[الوزير]

السلام عليكم ورحمة الله وبركاته

على الرغم من تأكدي من تكرار الموضوع في شهور مضت الا اني أردت أن أبدي رأيي الشخصي فيه هنا

هناك فرق شاسع بين بناء الأخلاق وبناء الشخصيه. فلاشك ان معظم فتياتنا خلوقات وتربين على حسن العادات والتقاليد وديننا الكريم في بلادنا الأسلاميه في معظم البيوت والأغلبيه جاهزة لفتح بيوت زوجيه.

لكن معظم الفتيات الغير متعلمات بلا شخصيه .وصاحبات الشخصيه يختلفن ويتميزن كثيرا من حيث الرد والأسلوب والأعتماد على النفس وقدرة على النقاش والحوار الذي تفتقده الفتيات الغير متعلمات ! وأنا أقصد بغير المتعلمات هنا هن الفتيات اللواتي لم يكملن من التعليم سوى الثانويه العامه.فالعلم ليس بالكتابه والقراءة فقط ومعلومات قليله في مواد بسيطه في اطار المدرسه , بل ما نكتسبه من ثقافه وسلوك وقدره على الحوار والمشاركه والتفاهم وقوة الشخصيه في التفكير والتدبير في كافة الأمور اليوميه وهذه امور لا تكتسبه فتاة لم تخرج وتختلط في الجامعه مع طالبات من تخصصات ومدن مختلفه ودكاتره وشخصيات كثيره في المجتمع في السن المناسب لذلك وهو سن الجامعه.

أنا شخصيا لا أفضل الفتاة الغير متعلمه فأنا لا أثق بها ولا أجد فيها المتنفس الذي استطيع أن ألجأ اليه في حياتي فلا أتصور أن أعيش مع فتاة لا تتقن غير الطبخ والثرثرة الفاضيه. وللأسف الكثيرات من نسائنا اذا كان لها لسانا طليق تجدها تستخدمه عبثا بقصد تقمص دور المثقفه بدون موازنه ولا تحليل وتراها غير ثابته في الرأي و سريعة التأثر برأي من له علم أفضل منها.

فلو أراد الله أن أبحث عن شريكة حياتي سأصر على أستكمالها لدراستها وسأساعدها على ذلك بالتوفيق بين حياتها الزوجيه والدراسيه. ولا أكترث لأي أمر أخر سوى أخلاقها وشخصيتها التي تعكس تعليمها وبالتالي تكسها في تربية أبنائي كما أتمنى.


شكرا لك أختي المها

الوزير

 

[LuLu Rose]

[c]

Hi

مـوضـوع رائـع ومهــم..

ورأيــي انـو البنـت تكمــل دراستـها وبعـديـن تتـزوج

لكـن تـدرس ومتـزوجـه فـي نفـس الـوقـت صعبـه

و بكـدا حاتهمـل الـدراسـه او بيتهـا..

فـا أحسـن شـئ انـهـا تكمـل دراستهـا وبعـد التخـرج تتـزوج..

لان فـي وحـده تـزوجـت و مـاكملـت تعليمهـا

وانجبـت 5 اطفـال..وبعـد كـم سنـة مـن زواجهـا توفـى زوجهـا

والمسيكنـه ماعنـدهـا فلـوس عشـان تصـرف علـى اطفـالهـا ومـالقيـت وظيـفه

لانـها ما كملـت دراستـها..

يعنـي لـو كملـت واشتغـلت كـان مـاسـار حـالهـا كـدا..


ومشكـوره حبيبتـي عالمـوضـوع الـرائـع..

الله يحميـك..
.

.

.

.
بكــل الــود
شوشو

[/c]

 

[313]

انا من رايي في الحقيقه والواقع وبصراحه يعني وبدون زعل ان

انتي مثل ما انتي على كثر مامر

هذا بالنسبه لهذا اما لذك فوه كالتالي

ان تتزوج البنت اول ما تنخطب وتحدد المهر الي تبيه مثل مليون دولار ايراني تعرفون ليش لانها صغيره ومن حقها تدلع اما الي تكمل دراستها وتبا تشتغل هذا اذا حصلت وظيفه ولا واسطه وحليلها بتكون عيوز ومحد يباها

المشكله الحينه في الشباب اللواتيه الي يدورون البنات الموظفات عشان ينهبون الراتب ويشفطونه شفاط بحجه ان الرجل المتصرف اما البنت المتعلمه وما اشتغلت احسن لها اسير اتبيع خبز ارقاق عشان يمشي سوقها

اما بالنسبه للبنت الي ما تشتغل وما متعلمه وحلوه وعبيطه فهذي يا حظها الاقبال عليها وايد تعرفون ليش؟؟

قولوا ليش

لا اول قولوا لييييييش

اوكي الحينه بقولكم ليش

لانها زي الأطه المغمزه

بالعربي اقصد بالمحلي

لانها مثل القطه المغمضه

فانا انصح البنات انهن يرسبا اعمارهن في المدارس عشان المستقبل الزاهر

وتقبلوا تحيات محدثكم واحد متزوج 3

 

[شحي (بخي)]

المووضووع مميز بصرراحه ورايي هووو ان البنت تتزوج احسن لان زوجهاا غصباا عليه بيصرف عليهااا لانه ام عياله وبعدين البنت تكفيهاا الثاانويه العامه علشاان ماا تكوون اميه على الاقل عندهاااا ثقااافه وبعدين اكثرر البناات الحين معاهم شهاادات بس للاسف وهذاا وااقع معظم البناااات ماا جنوو شيء من الشهاادة يعني بلها واشرب ميتهااا يعني اذاا حصلت شغل اكييد عندهاااا واو واللي ماا عندهاا واو والحين الشباب ما محصلين شغل اتقوولي البنااات الله يكون بالعوون
والسموووحه هذااا مجرد راي ***15 ***15 ***15

 

[عاشقة التراث]

مشاركة: إكمال الدراسه أم الزواج !!! أيهما في مصلحة الفتاه !!

السلام عليكم ورحمة الله وبركاته

المـهــــــا

بخصوص هذا الموضوع... إكمال الدراسة أم الزواج ..!! أيهما فى مصلحة الفتاه..؟؟

بخصوص الموضوع بشكل عام وبالوقت الحالي الاثنين...لو خصصناه الزواج للبنت أهم..لأنه الإنسان كل يوم يتثقف ويتعلم والي يبي يصلي ما تفوته الجماعة...الحين الوضع تغير الواحد يقدر يكمل دراسته من بُعد والجامعات المفتوحة والانتساب...وااايد منهن نجحن بإتباع هذه الطريقة وهن متزوجات...الشهادة مهمة بهذا الوقت أي نعم...بس الحين البنات مشاء الله يالسات فالبيت عندهن شهادات جامعية وعليا...ومب معرسات؟؟!

حتى لو متزوجة أو حتى لو اطلقت يعني ما تقدر تكمل....بلا تقدر...لو تبي...!!..وتوفق بين دراستها وبيتها..مثل المعرسات ويشتغلن....الضمان الاستمرار بالحياة لتحقيق الأفضل مب الضمان عندهن هالشي وخلاص...صح اطلقت وعندها شهادة وما اشتغلت..شوو راح تسوي..؟؟ وحده اطلقت وكملت واشتغلت على طول..؟؟

الحين المهم النية والعزيمة..الي يبي بيظهر الشي الحي من الميت..والي ما يبي بيتذرع بأي شي..؟؟؟!


وجهة نظر

اختج
عاشقة التراث​

 

[الأزد]

مشاركة: إكمال الدراسه أم الزواج !!! أيهما في مصلحة الفتاه !!

حقيقه موضوع طيب وجميل وانا اشارك الاخت عاشقة التراث في وجهة نظرها............

لا شي مستحيل وإن أردت تستطيع.....أهم شي صدق النيه والعزيمه

 

[بنت راس الغول]

مشاركة: إكمال الدراسه أم الزواج !!! أيهما في مصلحة الفتاه !!

السلام عليكم والرحمه
والله موضوعكم جدا رايع وحبيت اشارك به
انا من وجهه نظري انه البنت ما يمنع انها تدرس واذا ابوقت دراستها اتقدم لها شخص ريال محترم وتكانه تقبل به افضل من انها اتقول دراستي ودراستي ،،، واكبر مثال على كلامي حرمه اخويه انسانه جامعيه وخطبناها وهي بالجامعه وباجي لها سنه بس وتتخرج لكن تركت الجامعه وخذت اخويه والحمدلله ما خسرت شي لانها البنت تبغي اتكمل نص دينها مع زوج بيحافظ عليها وبيوفر لها ما تحتاجه فشو اللي يمنعها انها ترفضه واتقول بكمل دراستي ؟؟؟؟؟؟؟؟؟؟؟
وبعدين انا اعرف مدرسات ومتخرجات ومب صغار والله والله تصرفاتهن وحركاتهن اتقول مراهقات يعني جامعيه بس ما شوفها اتعلمت واستفادت من ورا هالشهاده شي ولا تصلح اتكون زوجه (البعض طبعا مب الكل)
لانه بعضهن يفكرن انهن يشتغلن ويسوقن ويطلعن ويطلعون الكيف من راسهن وعقب اتقول بتزوج وبحتكر بالزواج يعني اتفكر انها اتسوي كل ها قبل ما تتزوج ويمنعها الزوج وايد بنات ومنهن صديقاتي يفكرن ابهالاسلوب
والله يعينهن الصراحه...

يعني انا اشوف انه الوحده لو ياها نصيبها وكان زين تتوكل ع ربها وتتزوج والله اخير لها لا اتقول شهاده ولا غيره الحين الشهايد بفلوس يشترونها ومثل ما اتقولون الشباب مب امحصلين وظايف وين البنات الا لو بالواسطه والله وانا وحده اقدر اشتغل وعندي الواسطه بس ما ابغي ومع اني املك شهاده الثانوية العامه بس والحمدلله هب جاهله الحياه اتعلم الانسان مب اشويه كتب ... والاخ اللي قال انه اللي عندها شهاده الثانوية بس يعني اتعرف المطبخ واتعرف اتهذرب اقولك اخويه مب شرط :smile:
وعلى العموم احترم رايك
وكل الحالات انا مارة عليي وشايفه عشان جي حبيت اطرح رايي ابموضوعكم

واسمحولي عاد ها رايي الشخصي ومني احترم كل راي

اختكم
بنت
راس
الغووووووووووووووووووووووول :smile:
:mf_death: