رياح الاقدار

[امـيـرالـجـيـر]

فارقتني يابوي والدمع أنهار

تسيل من قبرك وتوصل لبيتك

قل لي يابوي الحين من يحيي الدار

وشلون تسمع لو نويت وشكيتك

لو يوم أخطي كيف توصلك الاعذار

وشلون أصرخ لك بكلمة فديتك

رحلت عني آه ياشين الاسفار

خذني معك للموت والا خذيتك

مع غيبتك ماعاد ابي أعرف اخبار

من له أببكي بعد انا مابكيتك

أرض الفرح ماعاد تنبت بالامطار

والروح لو تعطى بروحي عطيتك

ماخذت من بنتك سوى الحزن تذكار

وهي خذت حبك وطيبك وصيتك

ماعاد تنفعني مع الليل الانوار

يانوم لاتقرب لعيني نسيتك

يابوي خذت فعالم الموت مشوار

لولا غضب ربي على الموت جيتك

أذكر صدى آهاتك تهز الاسوار

واذكر ضلوعي تنصهر لارجيتك

واذكر سرير ابيض عليه الألم جار

دورت عن حزني يابوي ولقيتك

يااغلى بشر راحت به رياح الاقدار

يالله عسى الجنه قرارك وبيتك

همي على فرقاك منثور باشعار

جعل الشعر للموت لو مارثيتك

 

[دهن عود]

هلا وغلا فيك أخوي في مشاركتك الأولى معانا وفعلا تمتلك حس مبدع أتمنالك التوفيق ويانا
أخوك دهن عود

 

[ذياب]

السلام عليكم

صح لسانك يا امـيـرالـجـيـر

مشكور ونتظر منك المزيد

ذياب

 

[بحر الأمل]

ابداع شعري لا يوصف..

و احساس منبعه القلب و اساسه العاطفه ..

استمتعت بكلماتك يا امير الجير..

فلا تبخل علينا بجديدك ..

في الانتظار

الاخت .. بحر الأمل

 

[بنت دبي]

تسلم يمناك اخوي امير الجير

بصراحة ماشاءالله عليك كلماتك جميلة ورائعة والى الامام دائما

 

[بحر الشوق]

يــــــا هلا بك أخويه..

قلم جديد أضفى علينا أحساس جميل ...وكــــــــلمات لــــــها طابع الخصوصيه

إلى الأمام وننتظر الجديد

بحر الشوق

 

[الكاتب الوافي]

قرأت كلماتك ..

بصراحة لا أستطيع أن أردّ عليها


لأنها تحتاج لاستدراك من كاتبها ..

وبالاخص في هذا المكان

(( ماخذت من بنتك سوى الحزن تذكار

وهي خذت حبك وطيبك وصيتك

ماعاد تنفعني مع الليل الانوار

يانوم لاتقرب لعيني نسيتك ))




مع العلم ان الكتاب هنا هو ...

امير الجير


فهل استطيع ان اقول ان

الكاتبة هي اميرة الجير ؟؟؟؟؟؟؟



شكرا

وعذرا