• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

أنا طبعي جيه

لســـــان الحـــــق

๑ . . عضو نشيط . . ๑
التسجيل
28 يناير 2009
رقم العضوية
10076
المشاركات
300
مستوى التفاعل
11
الجنس
الإقامة
فديــــــــــــــت تـــــــــــــــرابها
موضوع وصلنى عبر الايميل وحبيت احطة بالمنتدى ..... واتمنى ان اجد تعليقاتكم

السلااام عليكم ورحمة الله وبركاااااته



حيا الله البناااات الزييينااات الحلواات المؤدبات الغاويات



كييييف حالكن ؟ وشو الاخبـآر؟؟





.

.

.




بغيت أخبركم مواقف عجيبة مرتبي هالأيام ( وحدة الله يستر عليها) المهم،،



يمكن وايد منا يقول "عادي"



لكن ... خلنا نسأل عمارنا ليش استوا شي "عادي" ؟





مثلا



الشخص العادي والتدخين.. شو يقول ؟

استغغغغفر الله.. أنا مستحيل أدوخ.. لنه الدين حذرنا.. والطب حذرنا!





الشخص المدخن... شو يقول؟

"عااااااااااااااااااااااااااااااااااااااااااااادي!"



هنيه خلنا نوقف شويه.. ونسأل.. ليش صار هالموقف عادي؟

والكل بيجاوب.. لنه الواحد منا لما يتعود عالغلط، وينسى إنه هالشي غلط.. يصير "عاااادي"



وعند هالنقطة بالذات تبدا قصتنا









كأي بنت عادية، إماراتية









أحب العدول

أحب الدخون والعطور...

وأحب دهن العود..

أحب الطلعة والكشتة،

وأحب سوالف البنات

والظحك ..

أحب أسوق السيارة حتى لو ماعندي ليسن، بس في البر

أحب أسبح في البحر خاصة عقب صلاة الفجر،

أحب ربعي..

أجب الحفلات..

وأحب أسمع أناشيد وأطرب وياها

أحب اطالع أفلام رسوم..

أحب الروج الفوشي وايد.. والأرواج بكل ألوانها ودايمن بنات العايله الصغار يقولولي

"حطيييييييلنا روووووووووج"

وأحب الميكب اللى داستنه أمي عني من كثر ما ألعب به

ومثل أي بنت .. أحب كل حاقه وردية << مال أول

ومثل أي بنت، أحب كل حد يقول عني:



حلوة



فنانة



كشيخة



أحب.. الاكسسورات والذهب (الأبيض) والألماس









ومثل أي بنت إماراتية، تربت في بيت خلق وأدب



أحب الستر والحيا



أحب الحجاب وأحب عباتي الساترة



وحتى الصروال اللى وايد صاروا يطنزون عليه





وأحب وأحب وأحب وأحب.. أشيااااااااااااااااااء وأشيااااااااااااااااااااااااء وأشياااااااااااااااااااااء





كبرت و شفت الدنيا حوليني تتغير.. لكني إنصدمممممممممممت إنه في أشياء وايد من البنات غيروها، لكنها من ظمن الأشياء اللى أحبها وما أقدر أتخلى عنها..



تميت محتارة.. أتم شرات قبل.. أستوي وفية للأشياء اللى أحبها؟ ولا أمشي ورا التغيير.. ومثل ما يقولون "وين ما دار الهوا درنا" ؟



لازم نتغير؟



واكتشفت الجواب

هو

"طبعا"





واكتشفت إني لاااااااااااااااااااااازم أتغير

بس.. اتجاهي في هالتغيير يكون للجهة الصح..



وفي جانب التغيير، مرتبي مواقف كثيرة في الحياة ..

خلنا نشوفها عالسريع



http://rekaaz.com/audio/playmaq-330-0.html

(افتحي النشيدة وخليها تشتغل)


=)


(1)




دخلت الجامعة، وحبيت البنات اللى فيها، لكني استغربت من شيء عجيب..

ليش البنات يلبسون بنطلون مرصص.. هذاك اللى اسمه "لقنقز" والعباة تكون مفتووووووووحة،

يمكن في البداية ما كنت قادرة أستوعب..

لكن مع مرور الوقت، اكتشفت انه هالشي "عاااااااااااااااااادي"





أتعجب ليش هاللقنقز بالذات انتشر بعد ما كان قبل فترة شي اسمه "عيب" بسبة انه يطلع كل التفاصيل بوضوح وبدون "حياء"



التقيت مرة مع بنت



وسألتها: إذا انتي حابه هاللبس، ومثل ما تقولين وااايد مريح وعملي، ليش ما تلبسين عباة مسكرة "مراعاة لمشاعر أي رجل تمر جدامه بنت جميلة مثلج بهاللباس؟"



وردت عليه "بس عباتي مسكرة!"



حجيت عيني، عشان أتأكد إني ما اتهمت البنت بشي هي ما ارتكبته،



لكني بعد فترة استوعبت إنه عباتها مسكرة، بسبة الثلاث عقم اليتامى اللى كانن في أعلى العباة، لكن عند اللقنقز الجميل، اختفت العقم!





وفكرت.. كل حد يلبس جيه! بيتم شكلي غلط... وأنااااا اللى أحب الكشخة والعدول تفوتني هالموضة.. !

الصراحة كنت محتارة وايد..



ومرت عليه مرة جملة ... وحسيت بــ !



قال الرسول صلى الله عليه وسلم : ((إنَّ الله حيي سِتِّير يحب الستر والحياء)). (( سنن أبي داود والنسائي.))



وفكرت.. كيف تهون عليه نفسي؟ كيف أرضى لعمري.. يشوف جسمي بهالطريقة.. اللى يسوى واللى ما يسوى.. أنا أغلى وأرقى بوايد







(2)




أمشي في ممرات الجامعة مع مجموعة من الأحبة، وانصدم بوجود شخص جدامي بكندورة قلت يمكن يكون حد من الرياييل اللى يشتغلون عندنا

وانصدم



لما أصد لورا، إنها طالبة من طالبات الجامعة.. والكندورة ما كانت إلا نوع من أنواع العبي الشبيهة بالكندورة!



لما أتناقش ويا البنات في هالسالفة .. أتم ساكته وأسمع "هاي البنت تلبس، وهاي البنت تسوي، وهاي البنت مسويه عمرها ولد وقاصة شعرها بالطريقة الفلانية، وتلبس بدل أولاد واتغلظ صوتها .. و و و إلخ ..



وبعدها.. يختمون كلامهم بـ "قلبهاااااااااااااا أبييييييييض، وحليلها ما تنلام هي جي تربت، وكبرت على هالشي"



واكتشفت إنه الأمر صار

"عااااااااااااااااااااااااااااااادي"



أستغرب من نفسي، أنا ليش مب قادرة أتقبل إنه تكون عندي صديقة من هالنوع، لنه قلبهم أبيض الصراحة، حتى أنا احتكيت بوحده وما شفت شي غلط فيها إلا شكلها ..



لكنـيـ حصلت الجواب فيـ:

قال رسول الله صلى الله عليه وسلم : { ثلاثة لا ينظر الله عز وجل إليهم يوم القيامة: العاق لوالديه، والمرأة المترجلة، والديوث } [رواه النسائي]

وفي: { لعن رسول الله المتشبهين من الرجال بالنساء، والمتشبهات من النساء بالرجال } [رواه البخاري]



شو يعني اللعن ؟

يعني الطرد من رحمة الله

يعني.. الجنننننة.. اللى ما بندخلها إلا برحمة الله.. ننطرد منها ؟!



يمكن وايد يقولون.. هي بس شكل.. لكن .. هل يرزى إني أضحي بسمعتي في الدنيا، وبالجنة في الآخرة.. علشان "شكل" ؟

(3)










أمووووووووووووت عالمكياج..

وحبيت موضة الروج الفوشي والأحمر والبرتقالي.. وووووووووووكل الألوان



اتخبلت عليها.. لكن تساءلت.. ليش البنات يحطونه في الجامعة ؟

ليش الوحده اتي الجامعة، وهي حاطه ميك أب؟



واكتشفت إنهن بنات مثلي.. يحبن الكشخة والعدول، هن يصلن، ويصومن ويحجن.. و و و..



لكنهن بس يحبن العدول حتى لو جدام العالم كله .. إحم أقصد ما يهم لو كان شي رياييل..



تميت أفكر وأقول صح كلامها البنت.. ليش ما أتكشخ وأتعدل، وأنا تراني أصوم وأصلي وأتصدق و و و .. مب لازم في هالجانب بالذات أرص على عمري..



دارت بي الدنيا.. خبلوبي البنات .. كل يوم يطلع تغيير يديد وأنا مب قادرة أستوعب..



هل اللى ربيت عليه كان هو الغلط؟



.
.
.



ليش ما أعيش حياتي، وأنا البنية الحلوة اللى بعدني ما كملت العشرين!



ما يهم لو كان شي ريال ياي يقضي حاجه في السوق، وشافله بنية بعدولها وهو ساير المسيد، وغير اتجاهه من المسيد، وبدا يمشي وراها.. هي ما تقصد ها كله.. والله أدري ! لكن..



تميت أفكر.. وأسوي مقارنات ومسااااااااااائل حسابية ورياااااااضياااات



أبا أكون حلوة وفي نفس الوقت "غالية"



فمر عليّه هالبيت، اللى دوم عيايزنا يقولنه:



العين ترغب بالمغطاي *** وتعاف شي دوم مكشوف



يا بنات خلنا نتأمل البيت، بنكتشف أشياء عجيبة، يمكن ما خطرت على بالنا واحنا نحط هالعطر والمكياج واحنا سايرين السوق ولا الجامعة





اسئلي كل "ولد مقبل عالزواج" : كيف تباها ؟ .. بيقول أباها حشيمة



صدقيني يالغالية ما بتخسرين شي إن ما حطيتي هالمكياج، أو لفيتي شيلتج عدل ولبستي اللبس الساتر الغاوي وانتي سايره الجامعة ولا السوق..

لكن لو سويتي العكس..



خلنا نحسب.. كم خسرتي؟



كم شخص شافج وعلق؟ كم شخص شافج وانفتن ؟ كم شخص رمس؟ وكم شخص غمز؟ والأدهى كم بنت شافتج وقلدت؟



تتخيلين انج بتشلين أوزار هذيلا كلهم؟



والله صعبة والله..











عشان جي.. في هالمجال في التغيير... قررت ما أتغير.. وأتم ثابته عاللى ربيت عليه.. وعلمتني إياه أمي من صغري..



قال النبي صلى الله عليه وسلم: (( أيما امرأة استعطرت فمرت بالقوم ليجدوا ريحها فهي زانية ))

قال النبي صلى الله عليه وسلم : ((الحياء لا يأتي إلا بخير )) ((أخرجاه في الصحيحين ))









(4)

كنت سايره جهة الكافتيريا، وأتفاجأ بوجود أشخاااااااص أحبهم وايد، وكنت حزينة على وحده من بينهم، ما كانت تتحجب عدل، لكني اتفاجأت بهاليوم بحجاب جمييييييل يزين ويهها الجميل.. كانت شيلتها هالمرة ملفوفة بشكل أنيق وساتر..

فرحت من كل قلبي لها .. ضميتها بسعادة،

تدرون ليش؟

حسيت إنه هالنوع من التغيير اللى كنت أترياه

هالنوع هو اللى أنا كنت دايخه وأدوره

طرشتلها مسج أعبر فيه عن مشاعري والصراحة ما قدرت

كيف أقدر أعبر لوحده كيف إنها فااااااااااااااااااااااااااااااااااااااااااااااازت ، كيف أعبر إنها كانت أقوى وأجمل من كل اللى كانوا موجودين بعدولهم ومكياجهم في الجامعة



قالتلي: أنا ألحين مرتاحة !




تساءلت

متى بوصل لمرحلة إني راضية عن نفسي؟




أنا ما أبا أخسر دنيايه ولا بخسر آخرتي.. كيف أرضي الاثنين








يا بنات



يا الوقت اللى نفكر فيه عدل، ونفرق فيه من بين الصح والغلط




ويكفي اللى حولينج.. كم بيقدروووووووووون إنج غالية لنج كنت قوية وقررتي "تتغييرين" للأحسن..

صدقيني بتسمعين كلمات المديح من كل صوب، حتى يوم بتمرين جدام أي ريال، يوم بينزل راسه احتراما لج، يحق لج هنيه ترفعين راسج بفخر .. لنج لـولـوة "محفوظة" في المحار



خلناا نستانس في حياتنا، خلنا نسوي كل شيء حلو ، لكن خلنا نستانس صح ونعيش صح
 

مهرة بلا فارس

{ . .عَناقِيدَ الجِرُوحَ. . }
التسجيل
1 مارس 2005
رقم العضوية
3176
المشاركات
40,118
مستوى التفاعل
1,478
العمر
19
الجنس
الإقامة
[ فِي بِِطنِ الحُوت. . ♥
الموقع الالكتروني
رد: أنا طبعي جيه


alshohooh-f3df898fd2.gif

.



.

حطيت رد شطوله وانحذف :cm::cm::cm:
.



.

alshohooh-0bee7234cf.gif

 

شيخة البنات

๑ . . عضو مؤسس . . ๑
التسجيل
5 فبراير 2004
رقم العضوية
1190
المشاركات
10,911
مستوى التفاعل
687
الجنس
الإقامة
عمانية
الموقع الالكتروني
رد: أنا طبعي جيه

اقص ايدي اذا انته قريت هالايميل كله

وصلت لين الصروال وتعبت ماقدر اكمل




شوشو
 

عين الصقر

๑ . . عضو مؤسس . . ๑
التسجيل
26 يونيو 2004
رقم العضوية
1903
المشاركات
20,372
مستوى التفاعل
2,189
الجنس
الإقامة
في دياار الأسود
رد: أنا طبعي جيه

حشا لله


شو هذا موضوع ولا قصص عالميه
 

مهرة بلا فارس

{ . .عَناقِيدَ الجِرُوحَ. . }
التسجيل
1 مارس 2005
رقم العضوية
3176
المشاركات
40,118
مستوى التفاعل
1,478
العمر
19
الجنس
الإقامة
[ فِي بِِطنِ الحُوت. . ♥
الموقع الالكتروني
رد: أنا طبعي جيه


alshohooh-f3df898fd2.gif

.



.

{ لسان الحق ..
.
.
.
رديت اكتب الرد مرة ثانية :a050:
.
.
.
موضوعج طويل وايد والحلو فيه انج حطيتينه عقب ماخلص مسلسل ليلى :^^:
.
.
بخصوص الموضوع كلنا نحب التغير بس بحدود
.
انا وحدة احب التغير بس بحدود
.
وايد بنات جيه .. اذكر أيام الدراسة كانوا يوصلونهم اهاليهم وهم متسترات ومتغشيات ومن يوصلون على طول الحمام
.
وكل وحدة تلبس بنطلون جنز وعباة مفتوحة وميك اب
.
انزين ليش !!!
.
الله يهديهم
.
.
بخصوص الصروال صح الحين كل ماشافوا وحدة لابسة صروال قالوا عنها انتي ماطورتي
.
الوالدة لو ماشافتني لابسة صروال بتركض وراي بالخيزرانة :a050:
.
الحمدلله ولا مرة جربت مالبسه :212:
.
والحين قمنا نشوف من هالبنات بكل سكة عفانا الله
.
الله يهديهم ان شاء الله
.
واخر شيء شفته كانت وحدة لابسة عباة قصيرة وتحتها بنطلون وهيه اماراتية >> أشك الصراحة :D:
.
.
.
مشكورة اختي على الموضوع
.
الله يهدينا جميعا
.
ويستر علينا

.



.

alshohooh-0bee7234cf.gif

 

رهف

♣ القلمـ الخجول ♣
التسجيل
27 نوفمبر 2004
رقم العضوية
2513
المشاركات
21,478
مستوى التفاعل
1,455
الجنس
الإقامة
ღ. راك .ღ.
رد: أنا طبعي جيه

i238189_Untitled1.gif

.


.
موضوع قيم الصراحه
وطريقة السرد اكثر من رائعة


والله يهدينا ويهدي كل بناتنا ..~
.


.
i238190_Untitled2.gif
 

عنابة

๑ . . حسناء البرزة . . ๑
التسجيل
25 مارس 2008
رقم العضوية
8669
المشاركات
26,063
مستوى التفاعل
4,383
الجنس
رد: أنا طبعي جيه

بنشوف اكثر من جي عقب كم من سنه .. والزمن تغير

والله يهدينا جميعا
 

عين الصقر

๑ . . عضو مؤسس . . ๑
التسجيل
26 يونيو 2004
رقم العضوية
1903
المشاركات
20,372
مستوى التفاعل
2,189
الجنس
الإقامة
في دياار الأسود
رد: أنا طبعي جيه

عنبووه انتو كيف قريتوه


انا يوم انزل وانزل وانزل تعبت فما بالج لو قريته


هب هب هب
 

بطليموس

๑ . . عضو مؤسس . . ๑
التسجيل
7 مارس 2005
رقم العضوية
3228
المشاركات
15,984
مستوى التفاعل
3,816
الجنس
الإقامة
بـغـداد
رد: أنا طبعي جيه

عين الصقر


مي تووو




خخ
 

عنابة

๑ . . حسناء البرزة . . ๑
التسجيل
25 مارس 2008
رقم العضوية
8669
المشاركات
26,063
مستوى التفاعل
4,383
الجنس
رد: أنا طبعي جيه

مب لازم تقروه لانه للبنات فقط

حيا الله البناااات الزييينااات الحلواات المؤدبات الغاويات

خخ
 
عودة
أعلى