• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

خبر عاجل .............اخر مواضيعي

البـ شما ـطرانه

๑ . . عضو ملكي . . ๑
التسجيل
24 أكتوبر 2003
رقم العضوية
660
المشاركات
2,888
مستوى التفاعل
12
الجنس
الإقامة
عن بوظبي ..لا تعوضني لا ديره و لا دبي
الموقع الالكتروني
السلام عليكم و الرحمه
كيف الحال و الصحه ..انشالله تمام ..
كانت اول مشاركاتي هو ترحيب فيني في البرزه ..و كانت عدد المشاركات 1 ..و اللحين اخر موضوع لي في البرزه ..هو هذا الموضوع ..اللي قاعده اكتبه لكم .. و بتكون يمكن عدد مشاركاتي و صلت 750

المهم بغيت اعطيكم خبر على الطاير .
الخبر هو :. هو ان البـ شما ـطرانه بتتغيب عن المنتدى ..ما تدري انا بتتغيب و بترجع .. و يلا بتغيب و ما بترد للبرزه .. ما نعرف شو المكتوب لنا .. اذا الله عطانا عمر يديد انشالله ارد لكم

سبب التغيب : هو اني بسافر للعلاج .. و اتمنى انكم ما تبخلون لي بدعائكم .. ترا وراي عمليه جراحيه
و اسمحولي .. اذا ضايقت احد منكم و يلا غلط عليكم

الفتره اللي بتغيب فيها : ما ادري يمكن اسبوعين او اكثر على حسب الدكاتره اللي هناك هم اللي يقررورن هالشى

استفسار و طلب من الاداره : و هو اذا بتخلوني في الاشراف ويلا بتشيلون هاللقب عني ؟؟ في هالشى يرجع لكم .. و انا ابصراحه ماادري اذا بطول فتره غيابي ..و اخاف اهمل البرزه ..و بتقولون القصور مني ,, فانا ما عندي مانع اذا بطلعوني من الاشراف
و اذا بتحطون احد بدالي فانا ارشح العوسج لعد اسباب : تواجده الدايم فيالبرزه .. و مشاركاته في جميع المواضيع و الاقسام .. و اهم شى اسلوبه في الرد مع الاعضاء
هاي الشى اللي لاحظته فيه ..و عدد مشاركاته زاددة ..ابصراحه يستاهل ..

اللحين ادري طولت عليكم .. بس اخر شى اقدم بطاقات شكر لكل الادارين..و المشرفين و الاعضاء القدامي و الاعضاء اليدد


قارى الكلمه :mf_cupid: : مشكور اخوي على طول صبرك .. و اسمحلي على القصور في الفتره الاخيره .. و انشالله عرفت الاسباب اللحين .. اتمنى لك كل التوفيق و السعاده و يسر لك امورك..

الصياد :mf_cupid: : اخوي الصياد .. اول موضوع كتبته هو موضوع يخصك..و طلب منك .. بس لين اللحين ما شفت شى منك ..هههههههه .. يا رمضار و راح .. و ياك العيد و عيدنا ...و و دخلنا على سنه يديده ,,, و ما علميتني شى .. هههههههههه لا اتحط بخاطر .. بس كنت قاعده اذكر الموقف .. و الحشره اللي سويتها
لا تضايق منا اخوي .. و انشالله الله يوفقك و يسعدك و يحقق لك اللي تباه ..لا اتعصب عليه


المشرفين و المشرفات :
سواح :mf_cupid: : هلا اخوي .,, سواح .. مثل اسمك .. ما تنشاف بالمره .. مثل ما يقولون زورونا كل سنه مره .. و هذا انته ..ما انشوفك.. المهم اسمحلنا على القصور و اذا قلناللك شى ..و حشرناك في برزه السيارات و الرياضه .,,ادري ما خليت صوره عن السياير و حطيتها .. شى بعد سيايير ,, بس ما علينا
.. الله يوفقك في حياتك

بن ماكس :mf_cupid: : السموحه اخوي.. و اتمنى انك مب شايل في خاطرك علينا ,, و يلا قلناللك كلمه ازعجناك فيها .. ابصراحه اتمنى انك تستمر في طرح مثل المواضيع اللي تطرحها في البرزه العامه .. مواضيعك جريئه و تطلب فيها المناقشه .. الله يسعدك و يفتح لك ابواب الخير انشالله

فتي الحرات :mf_cupid: مشكور اخوي على كل شى .. تعرف كنت انافسك في عدد المشاركات
بس سبحان الله .. صرنا مشرفين في وقت واحد .. المهم اتمنى لك كل التوفيق و النجاح .و ترد البلاد و انته عندك الشهاده و تاخذ الوظيفه اللي ترفع الراس ..و اسمحلي اذا ضايقتك بشى و يلا بكلمه

بحر الشوق :mf_cupid: اول انسانه ردت عليه في اول مشاركاتي و رحبت فيني .. مشكوره يالغاليه .. بس لا اتغيبين عن البرزه واايد ..و جودج يعطر البرزه ..تراني ما اجامل ..و اسمحيلنا
الزرافي :mf_cupid: لك كل الشكر و التقدير ..ما اتعاملت و ياك بس .. انا ما انسى اسم كان له اطلاله و ردود هادفه و قويه و مشاركات طيبه في كل البرزات
ديمون :mf_cupid: نفس الشى .. ما اتعاملت وياك.. بس اسلوبك و وجودك .. احس فيه نوع من التشجيع للمشاركه

الصامته :mf_cupid: اختي اسمحيلي .. على القصور .. الله يحفظج.. تراج و ايد اتغيبتي .اتولهنا عليج .. احلى شى القصيده اللي كاتبتنه تحت توقيعج .. :mf_bluesb

كول زيرو :mf_cupid: قلم رائع في البرزه .. السموحه منك اخوي اذا زعلناك بشى و يلا قلنا شى
اتمنى لك كل التوفيق و النجاج ..و يلا عاد ارجع للبرزه و للمشاركاتك ..
ابن الامارات :mf_cupid: ما اتعاملت و ياه .. بس كان من الاعضاء اللي رحبوا فيني يوم طرحت اول موضوع .,, و اصلن ما ينشاف
بنت دبي :mf_cupid: ويـــــــــــــــــــــــــــــــنج ..ما تنشافين وايد .. المهم السموحه منج يالغاليه ..و الله يوفج
نور الشحوح :mf_cupid: صج يوم سموج نور البرزه ,, الله يعطيج العافيه ,, و صج عيبتني روحج الطيبه و اسلوبج الحلو في الرد .,, الله يحفظج اسمحيلنا اذا زعلناج بكلمه ..ترانا ما نقصد

اخيرا اقدم الشكر لك الاعضاء اللي تميزو و حملو الالقاب .. العضو الملكي .. العضو الذهبي .. العضو المتميز .. العضو المحترف,, العضو الحبوب ,, العضو الفضى

نبدا بالعضوات
الحنونه :mf_cupidh
اول وحده خبريتها عن الخبر.. هي الحنونه .. و اول وحد رديت عليها هي الحنونه ,,اول اربيعه اتعرفت عليها هي الحنونه .. اختي الحنونه .. بتوه عليج مووووووووووووووت و اتمنى الله يوفقج في حياتج اليديده .. و انشالله انشوفج اذا مريتي على ديارنا ,, اوكي لا تنسين .و بيكون من بينا اتصال انشالله ..
احلى شى عيبني فيها ,, هو اليوم .. سالتها مضايقه من احد في البرزه ..؟؟ قالت انا ما اضايق من احد و ما اعرف اشيل في خاطري على احد .. قلتها .. ترا هالشى اللي امحلي اسلوبج :mf_eat_ar

عاشقه الجميرا :mf_cupidh .. اميره البرزه .. تعرفين تراج علمتيني اشيا ,, و عطيتني شى من غير ما تعرفين .. و اشكرج هالشى . ما انكر اسلوبج كان يزعلني .. بس حسيت بقوه من خلال ردودج ..و هذا اللي احبه .. ما احب الوحده اتكون ضعيفه .,, اتمنى اله يوفقج ..و يسعدج يالغاليه و اسمحيلنا اذا زعلناج و قلنالج شى يزعل .. اقول ما اوصيج على الحنونه ,,

غلا :mf_cupidh .. اللي يعرفها يوصل لها سلامي ..و اقولها لج و حشه يالغاليه

شحيه البرزه :mf_cupidh ..مااعرف شو اقول .. بس مشكوره على ردودج الطيبه ,,ماادري شو المغزي من هالشى .. بس المهم كل مره نكسبج في موضوع .. الله يوفقج اختي

نجمه السهره :mf_cupidh :mf_cupidh
..نفس الشى نجمه ..مشكوره على تفاعلج الدايم في برزه السوالف .. الله يعطيج العافيه ..و اسمحلنا

الحلوه . :mf_cupidh .مشكوره على مواضيعج الطيبه في برزه الاسره .. كنت احب اشوف مواضيعج .. الله يحفظج و ينجحج يالغاليه و السموحه منج

عواشه :mf_cupidh .. اتغيبتي فجئه .. كانت تعيبني ردودج و مواضيعج ..و ينج .. المهم اسمحيلنا على القصور


غايه :mf_cupidh .. انتي وينج .. ما تنشافين بالمره ,, اتمنى يكون المانع خير .. و اتردين شرات قبل ., الله يحفظج و بنت دبي اتمنى توصللج سلامي ....و السموحه

بحر الامل :mf_cupidh مادري احب اشوفج دووم في البرزه .. صحيح ما اتعاملت وياج ,, بس هذا ما يمنع .. انه اميل بشى من المحبه لج .. اتمنى لج التوفيق و النجاح

قمر رووس اليبال :mf_cupidh ....كنتي صج قمر .. و بعد فوق ,,و مره اختفيتي عنا .. وينج يالغاليه ,, لج وحشه .. اتمنى نسمع عنج الاخبار اللي اتسر . الله يسعدج و يحفظج

اسمحولي اذا نسيت وحده منكن


الاعضاء
الكمزاري :mf_charli :كنت اشوفه و اشوف مشاركاته .. بس اللي شد انتباهي .. هو في كرسي الاعتراف .. من خلال االاسئله اللي طرحه لي ..ما ادري .. شكله واحد شال بخاطره علينا .. المهم و في مره اختفى ,,اتمنى انه موضوع كرسي الاعتراف يستمر ..الله يحفظك اخوي ..و السموحه اذا ضايقناك بشى

القعقاع :mf_charli .. هههههههههه ماادري .. بس حبيت اقول .. لا اتخاف بستغني عن الاشراف ,علشان ترتاح.. عنبوه كلهم صاروا مشرفين وما حطيت على سالفه اشرافهم اشمنه انا ,,,,و المهم ما بيكون واسطات و لا شى .,و تزعل من ردي عليك.. او قلت شى ,, ترا في البدايه اتضايقت من ردك في موضوع ,,,و انته عارف شو هو .. المهم اسمحلنا ,.. بس صج الحمدالله اتعدل اسلوبك.. و كتبت كلام مفهوم ..ما خربط عقلي و شتت افكاري..ابصراحه راسي يعورني يوم اشوف ردك ..
الله يحفظك اخوي و السموحه

الشرجاوي. :mf_charli ........... كنت اتحراه ..واحد عمره في العشرينات .. ما اتوقعت واحد في اول ثانوي عنده مثل هالاسلوب اللبق في الرد من بين الاعضاء ..و احلى شى .. يوم يحط موضوع ..و لازم يحط رد .. او ضحكه .. تسلم اخوي .. الله يوفقك فيامتحانات ..و اتبشر الاعضاء عن النتايج اللي اتبيض الويه
و السموحه منك


ذياب >> :mf_charli .. اسلوب رائع في الرد .. و تواجد اروع ., اتمنى له كل التوفيق ,,السموحه اخوي

سرمود . :mf_charli .لازم ارد بالانجليزى ..thanx bro for every things><>>and am verey sorry if i said something bad for u >>alsmoo7ah a5oy ..anshallah allah yawfgek o yas3dek


الزير :mf_charli ..مشكور اخوي على ردودك في المواضيع اللي اطرحها .. اتمنى لك السعاده و النجاح ...اقول لا اتحط بخاطرك.. اذا ردينا باسلوب جاف .. اوجيه

صقر الشحيين :mf_charli ويـــــــــــــــــــــــــــــــــــنك اخوي,, ابصراحه تستاهل الشكر .. اول واحد لبى طلبي .. يوم طلبت توقيع ..اخوي صقر .. و هذا التوقيع موجود في توقيعي.,ما ادريبه ليش اختفى هالايام .. اتمنى انه انشوف مشاركاته الطيبيه في البرزه

عباس :mf_charli :: اخونا من مملكه البحرين الشقيقه .. اشوفه قلت مشاركاته .. اتمنى لك التوفيقو السعاده و اسمحلنا
:mf_charli alshehhi: لك الف شكر و تحيه اخوي,, بس لا تقطع وايد عن البرزه ..و السموحه

و اخيرا ...............مثل ما يقولون و ختامها مسك
العوسج :
شفت اخوي..هاي المفاجئه ............. ها شورايك .. اتمنى انك فرحت فيها ,, خلاص بتخوز عنك صدعت شما .. السموحه اخوي .. اذا بعتذر حج احد بيكون لك النصيب الاكبر من الاعتذار.. تراك اتحمليت .. دفاشتي و اسلوبي الجاف و الحاد لك.. بس صج كنت استانست يوم يوم خلاف و رورد ساخنه من بينا
و اسمحلي اذا زعلتك و اذا سويت شى ضايقتك فيه
اله يوفقك و يسعدك دنيا واخره .. و يحقق اللي تتمناه و انشوفج ماخذ الماجستير ..بس لا تتكبر على اعضاء البرزه (اذا الله عطانا العمر .. نقرا موضوعك اتبشرنا عن هالشي)
السموحه اني طولت عليكم ..و اتمنى اني ما نسيت احد .. اذا نسيت احد فسمحولي

اختكم : شما البطرانه (( انا بنت الجود و العز ** انا قدري رفيع الشان **انا ابوي الفخر زايد **و امي هي اماراتي )))
في وداعــــــــــــــــــــــــــــــــــ الله ــــــــــــــــــــــــــــــة
 

الزرافي

๑ . . عضو نشيط . . ๑
التسجيل
15 أغسطس 2003
رقم العضوية
524
المشاركات
215
مستوى التفاعل
1
الجنس
السلام عليكم ورحمة الله وبركاته

الله يحفظج ان شا الله وترجعين لنا بالسلامة

أجر وعافية وطهور ان شا الله وما تشوفين شر ، ونسأل الله ان يآجرك في صحتك ويكتب

لج الراحة ، اللهم رب الناس، اذهب البأس، واشف أنت الشافي، لا شفاء إلا شفاؤك،

شفاء لا يغادر سقماً ونسأل الله أن يكتب لكٍ الأجر والعافية .

ومكانج محفوظ اختي وان شا الله اول ما ترجعين بإذن تطمنينا على صحتج ومشكورة

على ذكر اسماءنا وفعلاً موضوعك هذا رائع ومعبر ولا يمكن اننا ننساه ..

وتقبلي مني كل دعاء ورجاء وانتظار .
 

بن جديد

๑ . . عضو مجتهد . . ๑
التسجيل
22 يوليو 2003
رقم العضوية
486
المشاركات
803
مستوى التفاعل
13
الجنس
الإقامة
الامارات
الموقع الالكتروني
تحياتي



بحفظ الله يا اخت شما البطرانة تسيرين وتردين بالسلامة وبصحة وعافية وتوكلي على الله وان شاء الله تعودين بالسلامة حيث الجميع بانتظارش تراش احزنتيني وانا صعب احزن صعب وايد وايد لكن ما ادري كيف اليوم حزنت ياالله شو نسوي

الله كريم


سيرة وعودة بالسلامة


المخلص


بن جديد
 

العوسج

:: شخصية هامة ::
التسجيل
2 نوفمبر 2003
رقم العضوية
678
المشاركات
18,144
مستوى التفاعل
1,175
العمر
40
الجنس
الإقامة
أينما حل الظلم !
تسلمين والله يابنت الجود على اروع واجمل كلام خطته انامل ايدج....


انشالله تروحين وتردين لنا بصحه وسلامه وعافيه وتتحسن صحتج للافضل باذن الله وماتشوفين شر....

السموحه مب عارف كيف ارد احس اني عاجز عن الكلام....


وعن مسالة التعذر تراني مب شال ابخاطري ابد..والله العالم .. كلكم ياللي فالمنتدى اعتبركم اخواني..


يالله من هالحزه انشالله ابدي ادعيلج اختي ومافينا نفتقد اخت عزيزه شراتج ومانبي غير رجوعج لنا بالسلامه..

اخوج العوسج
 
التعديل الأخير:

الحنونه

๑ . . عضو ماسي . . ๑
التسجيل
28 أكتوبر 2003
رقم العضوية
668
المشاركات
1,174
مستوى التفاعل
2
العمر
44
الجنس
الإقامة
الامارات
الموقع الالكتروني
الله يحفظج الغاليه...ويرجعجتج لى لاهلج فى البرزه بالسلااااامه
والله انا واااااااااااااااااااااااااااااااااااااااايد حزينه لانج راح تفارقينا ....وراح افتقدج لانج اول انسانه
تعرفت عليها بهالمنتدى..عرفت فيج الطيبه والحنان والصدق..واحترامج للجميع..حبوبه..
(!_!)
والله مب قادره اتخيل انج راح تفارقينا بهالفتره..
يارب ترجعين لنا بالسلااااامه وانتى باحسن حااااااااااااااال..

شمــــــــــــــــــــــا ربى يحفظج ويرعااااااااااااااج ويردج لاختج واربيعتج الحنونه سالمه ...

الحزينه موووووووووت
دمعـــــــــــ حزن ـــــــــــة
 

العوسج

:: شخصية هامة ::
التسجيل
2 نوفمبر 2003
رقم العضوية
678
المشاركات
18,144
مستوى التفاعل
1,175
العمر
40
الجنس
الإقامة
أينما حل الظلم !
السلام عليكم

لوسمحتي شمشوم لاتقولين ولاتتكلمين عن الاشراف..تراج مابتتغيرين ... لاتحاتين انشالله الصامته بتسد .

وثاني شي وين بيكون العلاج؟

والسموحه اختي.
 

الحنونه

๑ . . عضو ماسي . . ๑
التسجيل
28 أكتوبر 2003
رقم العضوية
668
المشاركات
1,174
مستوى التفاعل
2
العمر
44
الجنس
الإقامة
الامارات
الموقع الالكتروني
شمـــــــا نور الحياه وشمس الاصيل



والارض بعدك لا تدور



والحب بعدك مستحيل



لا ترحلي فالحب بعدك تائه



بين البكاء وبين العويل




لا ترحلي يا شمـــــــــــا



تضيء ليلي واليوم الطويل



لا ترحلي فالقلب بعدك



ليس يبقي فليس له



غير حبك اي بديل



ولتبقي اختاتنير الليالي



ولتبقي حنانا وفجرا جميل



لا ترحلي فانا احبك



وني لي ان اجداختاوصديقه مثلك



يا زهرة الجوري الجميله



يا احلي ازهار الخميله



يا فجر ايامي الجميله



يا نور عيني لا تغيبي



قالشمس بعدك



لا تشرق والحب بعدك مستحيل




لا ترحلي وابقي معنا



فليس لدمعك غير كفيك



مداوي او بديل




لا ترحلي فقلبي هنا



ينتظر روحا تساعده



كي يبقي حيا بين اعساف النخيل



لا ترحلي فنحن نحبك



وسنبقي نحبك ما بقي في الحياه



شيء جميل
 

قاريءالكلمة

๑ . مؤسس برزة الشحوح . ๑
طاقم الإدارة
التسجيل
12 ديسمبر 2002
رقم العضوية
12
المشاركات
2,500
مستوى التفاعل
54
الجنس
الموقع الالكتروني
السلام عليكم ورحمة الله وبركاته...

الصراحه تفاجأت بالموضوع..كم تحزنني لحظات الفراق خاصه مع اخوه واخوات جمعتنا بينهم أخوة الدين وأيام رائعه ...كنا نتمنى استمرارها الى الأبد....ولكن يظل كل شخص منا يمشي تلك الخطوات التي رسمت له...ومع ذلك نظل مؤمنين بما هو مكتوب لنا...ونحمل من التفاؤل جله ومعظمه...

أختى شما البطرانه...أتمنى لك كل التوفيق والسداد والشفاء العاجل ان شاء الله والعوده لربوع برزتنا وانتي تنعمين بكل الخير...وبما تحملين الينا من جديد...يا دكتوره

فنحن في انتظارج وراح تظلين مشرفه على البرزه حتى عودتك ...قريبا جدا

مع ارق تحياتي
 

العوسج

:: شخصية هامة ::
التسجيل
2 نوفمبر 2003
رقم العضوية
678
المشاركات
18,144
مستوى التفاعل
1,175
العمر
40
الجنس
الإقامة
أينما حل الظلم !
الله يردها لنا بالسلامه والعافيه..
 

ذياب

بو سهيل
التسجيل
29 نوفمبر 2003
رقم العضوية
744
المشاركات
11,775
مستوى التفاعل
50
العمر
41
الجنس
الإقامة
دار زايد
الموقع الالكتروني
السلام عليكم ورحمة الله وبركاته


اول شي حبيت اقولج الله يحفظج ويجعل لج في كل خطوه سلامه انشاله ويعافيج ويردج لهلج بالسلامه ويحشم غربتج بعد

ثانيا اقولج يا شمه مشكوره على توادج الرائع في برزة الشحوح وماشاله كنتي تستحقي الاشراف بجداره ولازم الاداره تراعي هذا الشي وباقي المشرفين ما بيقصرون بغيابج ونتظر ردتج بالسلامه انشاله

ذياب
 
عودة
أعلى