My eyes be late

[ahmed alshehhi]

[

B]اسهري ياعين وافرح ياقدر *** غلطتي بالحب قلبي ما يتوب
غلطتي حاولت اوصل للقمر *** بالأمل سافرت مع ريح الجنوب
مركبي دمعه ومجدافي سفر *** بين موج الليل ابحث عن دروب
لو فؤادي من حديد او من حجر *** ماتحمل كان ياروحي يذوب
وعسى ماشفت من هم وكدر *** من عقب فرقاك تكفير الذنوب
صرتي لي في الحلم في الثوب الحمر *** اسمك المعروف نهاب القلوب
والعيون اللي فيها سحر وسهر*** لي مشى مياس القد الطروب
الخدود اللي لها لون الزهر *** والعيون النجل والرمش اللعوب
زارني طيفك وجاب أحلا خبر *** موعد منك لو وعدك كذوب
المكان اخترت لي شط البحر *** والزمان اخترت لي وقت الغروب [/B] ​

undefined

 

[بن جديد]

رد : My eyes be late

تحياتي



تعجبني والله .................... نتريا المزيد ................

تحياتي لك موصولة


يا حسافة لو ما تبع ذاك الخبر .................. شان خبرك بالغضي كلة كذوب
لا لقى وشوف على شاطي البحر...................... لا هوى ينفح لكم وقت الغروب
كلها اوهام وتتبعها بكدر ........................... لاتظن اللي تحبة لك يثوب


سوالف





ننتظر مشاركاتك الجديدة




بن جديد

 

[ظبيه]

رد : My eyes be late

قلبه مثل الحجر قاس ......... وقلبي من نظره اعيونه يذوب


تسلم يا احمد الشحي علي الابيات الحلوه



تحياتي


ظبيووه

 

[بحر الأمل]

رد : My eyes be late


أحمد الشحي

داعبنا بأحساسك..

و إسقنا رونق كلماتك..

أبحر بنا لعالم أفكارك..

و أعزف لنا أرق القصائد..

حتى لا يجف شوق القلب لجديدك

صـــح إلســـانك

بحر الأمل

 

[CoOl ZeRoO]

رد : My eyes be late

السلام عليكم

مرحبا بك أخويه أحمد الشحي ... لك حضور جميل صراحة في برزة الشعر و الأدب
أشكرك على وجودك الطيب .. كلمات جميلة .. و نتمنى نشوف أبداعاتك الشخصية


و لكن حبيت لو تذكر يا بوشهاب مصدر المشاركة لو كانت من كلماتك او منقولك
تحياتي موصولة
الصفر البارد :mf_scotsm