• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

نصيحة لوجه الله ..العين حق

عيوز مشتطه

๑ . . مشرفه برزة المواضيع العامه. . ๑
مشرف
التسجيل
1 يونيو 2006
رقم العضوية
4813
المشاركات
23,709
مستوى التفاعل
3,005
الجنس
الإقامة
فـ بونيت الكلوزر
السلام عليكم ورحمة الله وبركاته

انا عمري ما صدقت ان فلان حسد فلان لانه علق عليه بتعليق عادي ..

اشوف الناس وايد يبالغون في هالموضوع .. أنا أأمن بالحسد لكن مب ماخذه الموضوع بكل جديه ..

بخبركم عن سالفه صارت لي من ساعتين ..

انا طلعت من البرزه 2 ص على اساس اني بروح ارقد ..

دخلت الغرفه واسمع صرااخ بنت اختي الصغيره مكمله 45 يوم ..

ركضت وشليتها وساندتها على جتفي بدون ما اشوف ويها ..

صياح البنت ما كان طبيعي .. يوم شفت ويها حصلت النمل متيمع حوالين عيونها ..

مب مستوعبه الي اشوفه .. النمل ما كان شوي .. كان وااايد واااااااايد منتشر حوالين عيونهاا

يوم شفت المنز حصلته ممزو نمل .. ياناس ابا افهم كيف هالنمل كله دخل فالمنز والام ما صار لها دقيقتين وهي طالعه عن بنتها ؟

شليت البنت وركضت بها صوب امها صرخت عليها الحقي بنتج النمل كل عيوووونها

مسحت ويها كفختها عشان اخوزه .. والله العظيم يا اخواني وخواتي ان النمل يا على جتفي وما تحملته ..

قرصني واحمر جتفي وانتفخ .. كيف هالبنت تحملته على عيونها .. وياليته كان شويه !

البنت كانت تصيح بصوت عالي وفجأه ما سمعت لها نفس ..

يلست اصيح ما اعرف شو اسويبها

غسلت ويها بماي بارد وانا ارتجف مادري كيف قدرت امسكها هذيج الساعه والله على بالي البنت راحت فيها :h_dam3ah:

الام مب في حالتها .. لانها مستغربه من الوضع ..

وصلت البنت المستشفى بأقصى سرعه .. مادري كيف وصلت والجو فيه ضباب ..

من الزيغه ما لبست الا شيلتي وسايره حافيه .. بس عشان اتلاحق البنت صخت علينا فجأه ..

يلست اتريا فالسياره وانا على اعصابي .. والله لو كنت لابسه نعال ع الاقل جان نزلت ..

يوم يت خبرتني شوصار ..

الدكتوره استغربت وكأنها كانت تستهزئ باختي تقولها كيف النمل وصل عينها !!!

عينها فيها سكر ؟ كان عليها حلاوه ؟ قالت لها لا البنت ويها نظيف ..

فحصت عليها وتأكدت ان النمل ما وصل اذنها .. بس عيونها محمره ومنتفخه ..

تخيلو بيبي 45 يوم بهالحاله !!

والله العظيم ما كتبت الموضوع الا عشان تتعضون وتاخذون حذركم من الناس ..

انا كنت اقول ان الناس يبالغون .. شو بنحسد ؟ على شو نحسدهم ؟ من زينهم ؟

عيون الناس ما ترحم .. والله ما ترحم ..

الي يقولها هذي احلى عيالج .. والي يقول عيونها حلوه .. والي يقول انتي اتربين ورى بعض مستويه فقاسة بيض !!

هالاحداث كلها كانت من 2 لين 4 الفجر ..

الله واكبر عليهم .. والله محد يذكر ربه .. حسبي الله عليهم .. والله لا يسامح الي صكتها بعين ..

نصيحتي لكن خواتي .. لي عندها عيال لا تيلس تقول انا عندي 2 3 4 5 .. خاصة اذا كانت اعمارهم متقاربه ..

هذا زمن الحسد والناس ياكلون في بعضهم بدون ما يحسون .. حتى لو علقو بتعليق عادي .. عينهم ما ترحم والغيره مازره قلوبهم..

يحسدون الناس على نعمة العيال والرزق والحلال ..

الله يحفظكم ويحفظ كل غالي عليكم من العين ..



 
التعديل الأخير بواسطة المشرف:

عنابة

๑ . . حسناء البرزة . . ๑
التسجيل
25 مارس 2008
رقم العضوية
8669
المشاركات
26,063
مستوى التفاعل
4,383
الجنس
رد: نصيحة لوجه الله ..

واعلي علييها نونو

سلامتهااا ما اتشوف شرر .. الله يحفظها لكم
 

رهف

♣ القلمـ الخجول ♣
التسجيل
27 نوفمبر 2004
رقم العضوية
2513
المشاركات
21,478
مستوى التفاعل
1,455
الجنس
الإقامة
ღ. راك .ღ.
رد: نصيحة لوجه الله ..

i238189_Untitled1.gif

.


.
فديتها .. سلامتها ما تشوف شر

العين حق فاحذروها


حصنوا عيالكم بادعية الصباح والمسا

اقرواا عليهم ..

والي بيفر عليهم رمسه قولوا له خل يقول ما شاء الله لا تستحون منه ..



وشخبارها الحين ؟؟
.


.
i238190_Untitled2.gif
 

وصـلآويۓ كآشـخۓ

๑ . . عضو ماسي . . ๑
التسجيل
23 ديسمبر 2007
رقم العضوية
8238
المشاركات
1,158
مستوى التفاعل
21
العمر
33
الجنس
الإقامة
مملكة لا يراها إلا البؤسـاء
الموقع الالكتروني
رد: نصيحة لوجه الله ..

الحمدلله ع سلامتهاا..

والعين تصيب الكل. .. الصغير والكبير
 

الجارح2003

::مشرف الصوتياتـ الاسلامية و برزة المناقشات الجاده
مشرف
التسجيل
16 فبراير 2003
رقم العضوية
143
المشاركات
8,116
مستوى التفاعل
1,808
الجنس
الإقامة
في قلبكـ
الموقع الالكتروني
رد: نصيحة لوجه الله ..

الله المستعان

ربي يشافيها ويعافيها يااارب..

صدقتي اختي الناس ما ترحم..والعين حق..لاحول ولا قوة إلا بالله..

في موضوع محطاي اسمه يهال بيتكم ..انا هالموضوع احب اطالعه واذكر الله يوم اشوف طفل حليو..
بس ما أأمن احط فيه صورة اختي الصغيرة بس عسب العين..

في ناس فيها الخير ..تذكر الله وتسمي عليه وفي ناس أعوذ بالله منها..ويمكن بدون قصد تصيبه بالعين..

في مرة وحدة حطت صورة ولد ربيعتها في احد المنتديات وبنفس اليوم هالصغيرون ف المستشفى

فالواحد يحاسب ..

بارك الله فيج أختي عيوز مشتطة ع الطرح الرائع..

أخوكم الجارح203
 

نبـ الروζ ـض..~

๑ . . عضو إمبراطوري . . ๑
التسجيل
28 سبتمبر 2008
رقم العضوية
9604
المشاركات
4,173
مستوى التفاعل
262
العمر
33
الجنس
الإقامة
حَيثُ يُمكنْ أنَ أَكوُنْ ,~ سَاَكُونْ
الموقع الالكتروني
رد: نصيحة لوجه الله ..العين حق

عيوز ذكرتيني باختي الصغيرونه جوجو

لما كانت صغيره اللي يشوفها يقولون تركيه وحد مصريه وحد شاميه

لين بالاخير فجأه حصلنا عيونها منتفخه حمرا وويها قالب ازرق

وكانت تصيح صياحها طبيعي بس فجأه صارت ما تقدر تصيح الا شوي ونشوفها قلبت لون ثاني

لكن الحمدلله ابوي قرا عليها فماي وزيت والحمدلله الحين احسن


وبعد اعرف وحده من ربعاتي لما كانت صغيره كانت حلوه وايد مااا شاء الله عليها ونفس الشيء العين صابتها فعيونها والحيت صارلها حول الله المستعان ولا عرفوله علاج ابد
وكله من عيون الناس اعوذ بالله من شر هالعيون



حصنو عيالكم كلهم وربي يشفيها من كل شر اقرولها فماي

ومثل ما قلتي العين حق

ربي من عالي سماهـ يشفيها ويرزقها العافيه ولا يصيبها مكروهـ ياااارب ويحفظها لكم يارب
 

طير الشوق

๑ . . عضو ماسي . . ๑
التسجيل
10 أغسطس 2006
رقم العضوية
5277
المشاركات
1,073
مستوى التفاعل
180
العمر
32
الجنس
الإقامة
[ ..؛
رد: نصيحة لوجه الله ..العين حق

عيوزتنـآ اول شي الحمدلله على سلامتها
وربي يبعد عنكم الحسد وعن الجميع ان شـآء الله
. .

والعين حق والله
ونصيحه
. . اقري عليهم المعوذات . . وآيه الكرسي . . قبل لـآ يظهرون من البيت
او اي حد يشوفهم ويقول عنهم شي
. . كبري بـ ويهم . . !!

وعيون النـآآآس ما ترحم والله . .


طيرووه . .~

.
.
.
 

فارس

Ω وما توفيقي إلا بالله Ω
التسجيل
10 نوفمبر 2008
رقم العضوية
9781
المشاركات
2,399
مستوى التفاعل
1,838
الجنس
الإقامة
الإمارات
رد: نصيحة لوجه الله ..العين حق


وعليكم السلام ورحمة الله وبركاته

نعم . العين حقٌ ولا ريب .. ثابتة بالكتاب والسنة
وبعض الناس له سهام قاتلة ، ونظرة كأنها شرر ، وعينه داء عضال ونار آكلة

أختي الكريمة / العيوز
جربتُ علاجاً للعين على نفسي وآخرين ، وكان له نفع عظيم
جاءت به السنة ، واقتبسته من كتاب الصارم البتار للشيخ / وحيد عبد السلام بالي
يقول :
تحضر إناء فيه ماء ، وتقرأ عليه المعوذات ، ثم تقول : ( اللهم رب الناس أذهب البأس ، واشف أنت الشافي
لا شفاء إلا شفاؤك ، شفاء لا يغادر سقما ) أخرجه البخاري
3 مرات
( بسم الله أرقيك ، والله يشفيك ، من كل داء يؤذيك ، ومن كل نفس أو عين حاسد الله يشفيك )
صححه الألباني
3 مرات
ثم يُسكب الماء على رأس المحسود من خلفه بحيث يعم الماء جميع الجسد

تُشفى بإذن الله

ملاحظة :
يجب أن يكون الموضع الذي سيُسكب فيه الماء طاهراً ، وتجنبوا دورات المياه


و حصنوا الطفلة دائماً بهذا الدعاء الذي كان يُحصن به النبي ـ صلى الله عليه وسلم ـ سِبطيهِ الحسن والحسين ـ رضي الله عنهما ـ
أعيذك بكلمات الله التامة ، من كل شيطان وهامّة ، ومن كل عين لامَّة
صحيح أبي داود

عصمني الله و إياكم من حسد الحساد
 

ولد الحكومه

๑ . . زائر . . ๑
التسجيل
17 ديسمبر 2005
رقم العضوية
4511
المشاركات
3,580
مستوى التفاعل
558
الجنس
الإقامة
وعطر الجو تملاهـ الجيف
رد: نصيحة لوجه الله ..العين حق

تستاهلوون سلامتها العيووز


خل خل فالمنتدي اعرف كم واحد عينهم حارهـ حارهـ حارهـ وميربنها




بس الواحد شو بيقول غير اعوذ بالله منهمـ
 

»ǾùTlâw«

๑ . . صأحب السمو . . ๑
التسجيل
23 سبتمبر 2004
رقم العضوية
2222
المشاركات
10,338
مستوى التفاعل
2,112
الجنس
الإقامة
دِيْـرَةٍ
الموقع الالكتروني
رد: نصيحة لوجه الله ..العين حق

الحمد الله ع سلامت النونو

و صدق ناس ما اتصلي ع النبي
 
عودة
أعلى