• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

بقـَشةْ عِيَايـزْ ;`

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
alshohooh-717094fca1.jpg




هَبتْ رِياحْ الصِيفْ وتغيّرْ الجَوْ . .
وأنا وِليفي مَايدَاني سهُومه ;`


هُو يَحسبْ إنْ شَمسْ الضِحى سَيدي ضَوْ !*
. . . ريّان عُوده زَايدٍ بالنعُومه . .



شكراً مع وردة جوري نقيّه :bt:




الكَمزاري ; بوحمده ; عيوز مشتطه ; قطوة سوده . . ~


شُكرْ خاص دايماً لـ : الشحي :wrd:
تسلم مديرنا الفني . . ماتقصر دوم . . والسموحه تعبناك . . ;



alshohooh-0bdd0cd392.gif



وحده مريضه نفسياً . . سجلت في منتدى ثاني وسوت حق مدونتي copy paste :Afkr:
الله يسامحها . . مالومها ماعندها شخصيه منفرده لدرجة انها تنسخ شخصيات الآخرينْ . .


قمة القهر . . يوم شغلك يسير لـ غيركْ بالراحات . .
مافي اليد حيله :eh_s(1):


alshohooh-0bdd0cd392.gif




وصلت منى أمريكا . . ويااااه كيف مظلمة بوظبي بدونج . .
واليومْ مايمر بدون مسجاتج وسوالفنا :)


أمس طرشت لي ورد المكتب قبل ماتسير المطار . .
يعلني ماخليت منج يا الذوق كله :a050:





alshohooh-0bdd0cd392.gif



أمسْ سرت بيتنا . . بتفقد شو آخر الأشيا اللي استوتْ . .
حدرت غرفة اخويه الكايد . . شوفو شو محطي :h015:




سرت حجرتيه الجديمه اطمن على ثروتي . . [ كتبي و دواويني ]
كنت من قبل محطتنهن في بكسات . . مادري شو ظهرهن خاري :1577_1186768770:

خذت لهن مكتبتين صغار . .
وايد متحمسه اني ارتبهن :)






alshohooh-0bdd0cd392.gif



سرت life style اوني باخذ وانتو بكرامه اكسسوارز حق الحمام . .
خذت هاذيلا . . يناسبن مع مالي . . ذهبي . .




بس طبعاً ماكون غناتي اذا ما اشتريت خرابيط . . احب اجمّع mugs . . :==:
امايه دوم تحشرني . . عاده استغليت الفرصه انه بيكونن في مطبخ اخويه . .
وخلاف يوم بنتقل بشلهن حجرتيه :eek:io:




الثلاث اللي فوق هن اليداد . .
وعندي غيرهن بس في بيتنا . . واحد عليه علم قطر وايد احبه :a050:


alshohooh-0bdd0cd392.gif




يوم تكون انت انسان شراتي . .
ترد من الدوام سيده ترقد . . وتنش جريب المغربْ وتبى تاكل . .
مالك الا حل واحد . . الوصفه السحريه :ay:





مايخصكم في السفن آب . . هذا تشربونه . . هب تخلطونه معاه :eh_s(6):
روب + بطاطس عمان . . واذا الدقوس مش ممنوع عليكم . . حطوه بعد فنّان . .


أو بإمكانك تستوي صحي شراتي احم احم . .
وتيلس ادلع عمرك وتاكل فواكه ;





alshohooh-0bdd0cd392.gif




باقة هذا الإسبوع :)





Try to learn something about everything and everything about something ;
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
alshohooh-b9c3005a8e.jpg




alshohooh-644c1bca8c.jpg


فِي ميلةْ عقَالكْ عَداله أكيدهْ . .
رَبي عسى يَكفيكْ شر النَكايدْ !*

إنْ كَان للفخرْ سيدْ فـ أنتْ سِيده ;`
. . متسيّدْ يا سلطَانْ كِل سَايدْ . . . ~

model : my brother bu mayed <3


merci لـ :00100:

الجارح 2003 ; ولـ بوظبي ـد ; ٱڶظپے ; خيماوي صغيرون ; »ǾùTlâw« . .
جدايل ; بوحمده ; Bado Queen ; شوشو ; سفاحة راك . .
بنت ناس ماتنداس ; رهف ; عيوز مشتطه ; bella adolescente ; رعشة هدب . .


,`


يُوم كنت صغيره . . يقولون اني كنت وايد شيطانه :Afkr:
الصراحه ما صدّق . . آآآحــــــمْ . .

امايه علنيه افداها تقول ربيت اخوانج الأولاد قبلج . .
ماسووّ فيه شرات ما انتي سويتي :ah:


في 3 مواقف ما أنساهنْ ولا أهليه . .
لانه عواقبهم مازالت ظاهره علي :eh_s(6):


,`


كَان عمري تقريباً 3 سنواتْ . .
يبت السوبر جلو وجحلت به عيوني :h015: ~> بكل ثقه . .

عاده تخيلو سوبر جلو شو يفجّه . . ؟
والعنز استاهل تميت اباغم واصيح . . جفوني تلصقت ومارمت افجها :a050:


خلاف امايه يابت مقص . . وقصولي رموشي :h015:
~> تضحك ع سواد ويها . .


بس اللحينه ماشاءلله رمووشي كثيفه وطويله . .
اللي يبى رموشه يطولن لا يتردد . . خل يقصهن :eek:io:


,`

كنت في الروضه . . وسايرين بيت خالتيه . .
عاده انا ضاربه بهاذيج المخوره . . احيد ع ايام النيسان ويالسه في الدبه . .

~> شي مكان جدام . . بس الغجر مشكله :h015:

قوم خالتيه عدال بيتهم الأرضيه كلها كنكري . .
ويايه بحوّل من الدبه . . وشو ماتشير لكم المخوره في مكان القلص . . وطبااااخ ع ويهي :cm:


طريت حنجي كله من تحت والصياح ع صوت واحد . .
ودوني الدختر وامايه هب طايعه يخيطونه لي وانا اصييح . .
خلاف رضت . . اللحينه يوم ارفع ويهي طشونه ع طول يبين مكان الضربه :ah:


,`


هالموقف مادري كم كَان عمري . .
بس راكبه فوق [ الدروازه ] باب الحوي العود ~> سباله مادري شو تسوي . . :bad:


واطيح سيده ع قفل الباب . .
وشو استوى . . لااااااااا تشوه جمالي ~> انجلعي :h015:


لا صدق . . واشحف لكم حاجبي اليمين loooolz . .
لين اللحينه الضربه مبينه ع حاجبي ماشي مكانها شعر . . :ah:


,`



بسكمْ فضايحْ . .
اللي ضحكْ عليّه ياويله [ :h035: ] ;



بقَالكْ كِلمتينْ تَحتهنْ خطْ ومابينْ أقواسْ :
( فَمانْ الحبْ ) يا أطهرْ واصدقْ قلبْ حبيته ;
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
رد: بقـَشةْ عِيَايـزْ ;`






فِي ظَني وتَقديري ; مَحدْ يعشقكْ غيري . . . ~
لَو كِلهمْ يحبونكْ . . مب مثلي يحبونكْ !*

فكّر واسأل اظنونكْ . . بتخبركْ بالأسرَارْ ;`
إسكنْ حلّي يا طيري . . مَالكْ في الفلكْ دوّار . .




السلامْ عليكمْ ورحمة الله وبركاته . . ;
إخترتْ لكمْ اليُومْ :wrd:



أولْ شي لعبه للبناتْ فقطْ [ :eek:io: ] ;
اللي في خاطرها حرّه من عضُو تيلس تتخيله وتفلعه بالحصا . . :h015:


http://www.davidandgoliathtees.com/games/throwrocks.html


,`


كتابْ السر [ The Secret ]





هَالكتاب من تأليف [ Rhonda Byrne ]
أول جمله في غلاف الكتاب من الخلف . . [ إنكْ تمسك بين يَديك بسرْ عَظيمْ ] ;

وبالعفل هو كذلك :)
الكتاب جداً ممتع ومفيد . . يعلمك كيف تعيش السر في حياتك . .
بشتى تفاصيلها . . علاقاتك . . السعاده . . الصحه . .


يعلمك سر الجاذبيه للأشياء . .
في تجارب واقتباسات من و معلمين ومصممين وناشرين . .


في منه نسخه باللغه الانجليزيه . . وشي منه CD وفي له فلم أيضاً . .
اذا حابين تزورون موقع الكتاب www.thesecret.tv


انصحكم بقرايته :gooddw:


هذا كل مالدينا لليومْ . .
والسموحه ع القصور :bt:
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~




الله جَابكْ وصِرنا سوَا . . ;
ضمنّي يالعنبُو حي العِتابْ !*

. . . ضمنّي واشرحْ لمنهوْ مانكوى . . ~
وشْ مَعنى الضمْ منْ بعد الغيابْ . .





مَساء \ صباح الوَرد :00100:
My top 2 and 4 favorites ;`




شُعارئي ;




أحب في الطَبيعه ;




خاطريه يكونْ عندي ~> كل ممنوع مَرغوبْ :eh_s(6):





مَشروباتي السَاخنه ;






أجملْ مَاقرأت ;







مَشروباتي البارده ;






فَاكهتي ;





مَطاعمي ;






Random things :ah:





مِشتَاقْ لكْ ; كِثرْ التَعبْ ما خنَقني . . ~
وأكثرْ شوي مِنْ الأمَانْ بـ وجودكْ ;`
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
alshohooh-717094fca1.jpg



أمَره غَريبْ وأنا أمري بَعدْ أغربْ . . ;
يصـرْ عَلى الهَجرْ وأنا أصرْ عَلى وصِاله . . ,

. . يقولْ حَاشاكْ مـ التقصِـيرْ ثُمْ يذهبْ !*
وأقولْ أنا أكرهكْ ثم أقبضْ حبَاله ;`


alshohooh-0bdd0cd392.gif



شُكراً نقيه من القلبْ لخواني وخواتي :g_mest7ya


جلنار ; عيوز مشتطه ; عميراوي ; راعي فزعه ; شيخة البنات ; الزبرجد ; بنت ناس ماتنداس . .
سفاحة راك ; الحوريه ; ِ~همـِسـِة الشـِـِووووقـِ~ ; Pure She7iya . .


alshohooh-0bdd0cd392.gif



وينها رعشة هدب :h_negab:
مطرشه لي رساله امسات . . تقول لي صدق فصتلي نظاره يديده . . ؟!


بخبركم ليش . . آخر كشمه خذتها كان لونها احمر ناقع . .
والكل مقهور منها . . ويعيب عليه . . انزين ياخي كيفي انا عايبتني :h_um7yat:


قمت اعق العدسات والبسها غياض بس :h_love:
وهاي الكشمه اليديده لعيونج . .





alshohooh-0bdd0cd392.gif




مبروكْ ع المُوتر اليديد علنيه أفداج ْ . .
يعطيج خيره ويكفيج شره :h_love:






alshohooh-0bdd0cd392.gif




اليُوم نشيت من الصبح وسيده سرت فوق . .
ابويه يروووغنا يبانا نخلص . . دهدييه دهدييييه . . هلكت من الغبره . .

قمت اعاطس . . الجيوب الآنفيه تعبانه :h_dam3ah:
اشوفهم يايبين قشي من غرفتيه الجديمه ومكودينه . .





تعبت صدق . . كل هالكتب لازم تنمث من الغبره كتاب كتاب . .
غير البكسات والترتيب . . ماخلصت الا جريب العصر . .


وانا ارتب الكتب . . شفت كتبي ايام الكليه . .
طرى عليه اقول حق البشكاره توري فيهن التنور :h_em:





وشو ريت بعد . . ؟
ههههههههه شهادتيه ايام الروضه . . بس أبى افهم ليش الصوره ابيض واسود :h_afaker:
مع اني لي صور اصغر عنها وكانت ملونّه . .

سقى الله ذيج الأيام . .
احيد كان معايه اخو Pure She7iya بس اصغر مني بسنه . . كنّا اصدقاء :h_kaak:






بعد الترتيب . . والشكل النهائي :g_mest7ya
هانت ان شاءلله كم يوم وبنتقل خلاص :)








أنا كلّـما ونيـّت ظنّيــت غيري وّن !
أثـرْه الونين يشق دربـه . .
ويرجـع لي :*~
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
alshohooh-956ec4c878.jpg



سَلامينْ رضايفْ بَلغهنْ يَانديبْ . . ;`
. . عَلى سِمرْ العَكايفْ لِي مَابدَاهنْ شِيبْ !*


Special thanks :wrd:


Bado Queen ; الرحبي ; جلنار ; شيخة البنات ; ظبية الوحده . .
M!ss_Maharee ; شحشوحة صغيرونه ; الزبرجد ; سفاحة راك ; طير الشوق . .


alshohooh-2823601918.gif
listen : جابرْ جَاسمْ [ غزّيل فلّه ] ;



يسعد لي أيامكمْ ياربي :)
السبت \ 15 اغسطس . . ;


اليوم ناشه من وقت . . مادري شو أسوي . . مع اني امس رقدت متأخر . .
اشوف ختيه تقول لي تبين تسيرين معانا دراجن اللي هو السوق الصيني :Afkr:


عاد انا هالمكان خاطريه اسيره . . اسمع الكل يرمس عنه . .
دام ماعندي شي وخل اقزر وقتي . . فـسرت . . من زمان ماطلعت مع ابويه :212:





هم سايرين يشوفون الثريات وهالسوالف . .
وانا اطمش . . وابويه يعرفني ادور الخربطان هب طااايعني احدر مكان :1577_1186768770:









هالثريا اللي ع اليمين وايد عايبتني . .
اذا طاحت في المحل اليوم انا مايخصني :yaw:


خذت لي كم شي حق التصوير . . بالدس :eek:io:
ولا هم عندهم وااايد اشيا حلوه ; بس يبالنا سيره بدون ابويه . .


شوفو شو خذت . .
الكايد لابسنها يستهبل :eh_s(6):





اتخيل ألبسها يوم أظهر . . ؟
بيقولون تبى الجواز . .


المهم . . وايد حطنا وانا ريولي خلاص ماحس ابها . .
ياليتني ماسرت :cry:


رجعنا البيت ع جريب العصر . .
اشوف عيال اخويه مشترين لهم حمسه . .

So Cute . . :ah:




كلهم يخافون منها . . الا انا ايودها . .
اشلها حق ميره . . ماشوف الا غبرتها تربع بعيييد :h015:



وأنا يوم قلت حق امايه ابى آخذ لي همستر ماطاعت :bad:
~> ماشي وجه شبه بينه وبين الحمسه . .



سرت فوق المغرب وخليت الكايد يساعدني . .
تميت اركب اللي خذته من IKEA ع اليدار . . وجيه طلع شكله :eh_s(1):






بَاجر دوام >.<
اتمنى انش باجر الصبح يتصلون بي يقولون لي خلاص ترى اجازه لين عقب العيد :Afkr:


,`


بَعمل معاه رحله في البرْ وعمَاني . .
وأصبحْ حليلْ له وتمُوتْ عدوَاني ;


:yola:
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~



كِيكْ وعَسلْ ولَكنْ مَاهو في صحُونْ . .
ودعاكْ منْ عينْ الحسودْ غَطاكْ له ;

. . الله لا يَعطيه نَاسْ ينضلون . . ~
ويَسترْ عَليه مِنْ النَحلْ لا يَاكله !*





سجّل يا تاريخْ وسجّل يا تاريخْ :yaw:
وقت الطبخ ~> لادخيلج . .


مساكم طيبْ وزهرْ :00100:
صدّق او لا تصدق . . الغَناه اليومْ بتعلمكمْ تسَونْ كيك [ :ah: ] ;


هي هي سويت كيك ليش جيه اطالعوني :1577_1186768770:
بيني وبينكمْ يعني آحم كنت اطالع اكثر من اني أسوي . .





بنسوي cheese cake بالـ snickers . .
وااااااااااااااااايد لذيذه . . :D:


هاتو ورق وقم واكتبو شو نحتاج . . :yaw:
بنحتاج لـ :



- بسكوت

- 2 دريم ويب . .

- 2 قيمر ~> مال أول تراج . .

- 2 ونص زبده . .

- نص كلاس حليب نيدو ; 3 خواشيق . .

- قالب . . ويفضل انه يفتح من تحت عسب مايتكسر البسكوت . .

- 8 حبات جبن كيري . .

- 6 سنكرز . .







أول شي بنطحن البسكوت . . او ترومون تكسرونه بيديكم . .
لين مايستوي جيه . .





خلاف نضيف عليه 2 زبده [ صغار ] . .
ونخلطهم لين مايتماسكون مع بعض . . ونفرده ع القالب شرات الصوره ونحطه في الثلاجه . .
كل ماطوّل كل ماكان افضل وتماسك . . لين نخلص شغلنا الباقي . . تقريباً نص ساعه . .





نزّهب الخليط اللي في النص ~> عجبتي الخليط :^^:
نحط 2 دريم ويب و2 قشطه ونخلطهم . .

نضيف حبات جبن الكيري [ 8 ] . . وخلاف نحط حليب النيدو تدريجياً . .
نظّهر البسكوت من الثلاجه ونفرد عليه الخليط . .






ندخله وديه ثانيه في الثلاجه لين نزهب الطبقه الأخيره . .
بنحتاج حمام مائي . . نحط جدر فيه ماء وثاني اصغر منه ونسيّح في نص قطعة زبده . .
نكسر السنكرز . . ونضيفها ع الزبده + ربع كوب حليب نيدو . .





نحوثه لين يختلط السنكرز مع الحليب ويذوب كله . .
ومانصبه وهو حار ع الكريما والبسكوت . . نهيّد عليه طشونه . . ونرد نحطه في الثلاجه . .







شرات ماقلت لكم قبل . . كل ماتم في الثلاجه اكثر افضل عسب يتامسك . .
يباله ساعتين لين يجمد . . ونظهر الكيكه ونسرطها . . آ آ آ قصد بالعافيه :ah:



 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
alshohooh-717094fca1.jpg



هَذا إنتْ كِل ماضَاقتْ بي الدِنيا تغيبْ . . . ;`
وكِل ْ مَاضاقتْ بكْ الدِنيا تِجيني !*


alshohooh-0bdd0cd392.gif



شكراً أكثر شي في الدنيا لـ :yaw:

Bado Queen ; عيوز مشتطه ; Bdaaaw ; رهف ; »ǾùTlâw« ; سفاحة راك ; القاضي . .
بوحمده ; الزبرجد ; رعشة هدب ; ღالنشميღ ; شيخة البنات ; M!ss_Maharee ; bella adolescente . .


alshohooh-0bdd0cd392.gif




مساكمْ ورد :wrd:
على طاري الورد والحلا والذوق ~> بتعد قصيد . .


قولو منو مطرش لي باقه اليوم المكتب [ :cry: ]
منى فديت روحها . . حتى وهي في أمريكا . . تفاجئني . .

بذمتكم شفتو حد ذوق شراتها . . ؟
لا آسفه ماسلفها حق حد :h015:


شليتها البيت . . لانه المكتب مافيه مكان . .
شي ورود غيرها . .








alshohooh-0bdd0cd392.gif







خاطريه أشارك في هالمسابقه :a050:
من 3 أسابيع ابى اسير ليوا وتتأجل السيره . . واللحينه رمضان ياي . .

أحس ماشي أفكار في مخّي . .
مادري شو أصوّر . . :Afkr:




alshohooh-0bdd0cd392.gif




اليُومْ مديري من أصبح يقول لي بييني [ عبدالله رشيد ] . .
وانا تم الإسم في خاطري اردده وأقول مش غريب عليّه . . ~> زهايمر مؤقت . . :h015:


خلاف يوم حدر المكتب تذكرته . .
كاتب عمود دبابيس في جريدة الإتحاد سابقاً . .




كنت أحب أقرا له اسلوبه وايد حلو . .
اكتبو في google [ مخاوي شمّا و راعي الرنج ] هاي مقاله من مقالاته :122:


وسلّم عليه وانا جيه [ :eh_s(6): ]



alshohooh-0bdd0cd392.gif




متولهه ع شي من الخاطر . . [ الرسمْ ] ;
كملت سنه مارسمت . . ومن قبلها كنت موقفه فتره طويله . .
ماشي وقت . . واحس اني بديت انسى كل شي يخص الرسم . .









alshohooh-0bdd0cd392.gif




 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~






يِرتَاحْ سَربْ الهمُومْ إن صوّتو بالأذَانْ ;`
وترقْ نَفسْ الرَجل لَو كَانْ قَلبه حجرْ !*

. . الله يِباركْ لِكلْ المسِلمينْ رمضَانْ . . . ~
وتطيحْ منّا الخَطايا ويتبقى الأجرْ ;


alshohooh-0bdd0cd392.gif



يسعد لي مساكمْ وأيامكمْ يارب . .
اشحالكم كلن بحاله . . ؟


مَبروك عليكم الشهرْ :)
الله يعيده علينا وعلى المسلمين جميعاً باليمُنْ والبركات . .



في البدايه شكراً بحجم السماء :wrd:


جلنار ; دمعة حزن ; الجارح 2003 ; القاضي ; أبو البراء ; عيوز مشتطه . .
شيخة البنات ; Pure She7iya ; »ǾùTlâw« ; رعشة هدب . .
الزبرجد ; الكاشخ ; ReaL DaY . .


alshohooh-0bdd0cd392.gif







يالسه أفكر اني كيف استويت مدمنة قهوه ونسكافيه ومشتقاته . .
قبل كنت أشرب بس مب بهاي الطريقه . .

اللحينه من أوصل الدوام لازم قهوه . .
أمس ماشربت تميت مصدعه . . لازم شي يقند راسي [ :ha: ]

لازم انتهز الفرصه في رمضان وابطّل من هالخرابيط . .


alshohooh-0bdd0cd392.gif




باقة هالإسبوع [ :ax: ]




سويت عليها تجربة تصوير سريعه . .





alshohooh-0bdd0cd392.gif



شوفو الزبرجد فديتها شو مطرشه ; أهم شي الصحراء . . [ :h015: ]
لاخليت يا قمر الرياض ~> احس اني بتصفع . .






alshohooh-0bdd0cd392.gif






سرنا ناخذ زوالي . . اللي يبيعون هناك بكستانييين . .
يضحكووون . . يرمسوون حضري عدلْ . .


عاده يوم قلنا له نزّل . . قال [ انتو مواتن واجد فلوس ] . . الله واكبر عليك :eh_s(6):
خلاف نزلّنا الدريول اونه يسوي واسطه . . الهرم صدّق نزّل عسب خويّه . .


alshohooh-0bdd0cd392.gif




كنّا نسوي جلسة تصوير انا والكايد . .
ماطلعت بـ نتائج كنت أباها :Afkr:


لازم اضاءه خارجيه وتصوير برّع . .
مكان تراثي او شي من هالقبيل . .





لاتسئلوني ليش ميّت من الضحك :h015:
i <3 my camera and lenses ;

 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
alshohooh-b9c3005a8e.jpg



اَللّهُمَّ قَرِّبْني فيهِ اِلى مَرضاتِكَ ، وَ جَنِّبْني فيهِ مِن سَخَطِكَ وَ نَقِماتِكَ . .



شكراً نقيه من القلب :

عيوز مشتطه ; رعشة هدب ; الجارح 2003 ; الفارس ; ^^someone^^ . .
راعي فزعه ; 【 فارس 】 ; بنت ناس ماتنداس ; شحشوحه صغيرونه . .


يسعدْ لي أيامكم جميعاً . . :ax:
اشحالكم وشو الصُومْ معاكم . . ؟


كم اشتقتْ لمدونتي الحبيبه [ :ah: ] ;
أدري اني مقصره بتواجدي بشكل عام مش بس في المدونه . . ماشي وقت :eh_s(1):


♥ ,`


في نشيده . . مش نشيده . . شبه نشيده :eh_s(6):
يطلعونها من العام على قناة بوظبي بعد الأذان . . بصوت الوسمي . .
اللي يقول فيها [ يارب إقبل صيامي وصيام امة محمد ] انا وايد تعيبني . . فـ يبتها لكم :)




♥ ,`

انا مش من النوع اللي أحب اتابع مسلسلات . .
في خاطريه اشوف [ فنجان الدم ] بس يظهر متأخر الساعه 2 :1577_1186768770:
منو المتفيج اللي وراه دوام بيسهر هالكثر . .


الصراحه . . المسلسلات بدون جابر النغموش مش حلوه ابداً :122:
ولو الواحد فكّر يتابع شي . . كم بيوّبل . . عز الله انه بيخطف اليوم وهو مجابل التلفزيون . . لاصلاه ولادين . .


وكل المسلسلات تييب الهم . .
سواء من اسماء ولا دعايا . . كلها تنحدر تحت هالمسيات [ قهر ; ظلم ; فقر ; شقى ; حزن ]
الواحد مل من هالنكد . . ودّه بشي يونّس ع الأقل . .

♥ ,`


من قبل يوم أشوف الدعايا وأنا اتريا البرنامج . .
[ ادخلوها بسلام ] . . لفضيلة الشيخ الدكتور عائض القرني . .





يظهر الساعه 6 ونص على قناة دبي . .
بس تفاجئت انه مدة البرنامج تقريباً 3 دقايق وشوي بس :212:


ليييييييييييش !!
والمسلسلات والأشيا الثانيه بالساعات . . ؟!



♥ ,`


في برنامج ثاني اسمه [ إني صائم ] ;
يظهر على قناة قطر . . مش متأكده من وقته . . يمكن 6 . . مالحلق عليه من أول . .
لـ [ محمد العريفي ] . .




يتلقى اتصالات ويجاوب عليهن . . مش عن شي محدد . .
وايد استفيد منه :)


♥ ,`


اللهمّ اجعل وجوهنآ مسْفِره ضاحكةٌ مستبشره ;
 
عودة
أعلى