• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

+[ آه.. لو أنـا فـزاع .. و فـزاع أنـا ]+

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..
بسـم الله الرحـمن الرحيـم


إحـم ..



212_01242467472.png





:eh_s(6):


----
[ للتعليقْ . . التقييمات أو الرسائل الخاصه ]

قبل لا ابتدي فالمدونة ياخي ما نقدر نعلق إلا فالرسايل الخاصة
التعليق فالتقييمات موقوف !!

وانا ابصراحة من النوع اللي يستحي
يعلق على شي فالرسايل الخاصة
احس اني بزعج الشخص اللي بعلق عليه ..!!



وانتظروني فالرد القادم .. :20:

elgadee © 2009​
 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..
رد: +[ آه.. لو أنـا فـزاع .. و فـزاع أنـا ]+

شكرا ً لكل المتابعيين .. :20:


---

ما شاء الله عليكم .. البارحة مفتتحين القسم
وعدد المواضيع فيه 18 .. شادين حيلكم ..


آآ طبعا ً معظمكم يسأل عن سبب تسمية المدونة بها الاسم ..
الله يسلمكم سبب التسمية يعود بنا إلى 3 مدري 4 سنين إلى الوراء ..
لما كنت في برنامج السكايب مجتمع ويا الشلة و نسولف ..

المهم كنت كل شوي اغير نكي فالسكايب ، كل مرة احط نك
لكن فالاخير رسيت على نك آه.. لو أنـا فـزاع .. و فـزاع أنـا
الكل سألني شمعنى ها النك ، وليش وكيف !؟!
طبعا ً السبب واضح .. انا احب قصايد فزاع .. المهم
وشت علي وحدة من المعجبين بفزاع و تتحرطم وتعصب ..
وانه ليش كاتب جي وانا ما ارضى ..
واقولها يا بنت الناس هذا مجرد نك .. حاولت وياها يمين ويسار
بس ماشي فايدة البنية معصبة .. طنشتها
ومن يومه قلت عناااد فالكل ما بغيره ..
وتركت السكايب ، و اشتركت فكذا منتدى
و اول منتدى حطيت فيه مدونتي كان سمانا قبل لا ينغلق
من يومه حبيت هذا العنوان .. وهو حبني بعد P:

.
.


البطاقة الشخصية ( الهوية ID )

الأسـم : سعود محمد ..
العمـر : 23 من كم يوم صرت 23 D:
ترتيبي فالعائلة : الرابع ..
تربعت على عرش الدلع فالبيت لكذا سنة لأن ولدت
بعد وفاة اخ لي ، الله ما كتب له الحياة .. توفى عقب ولادته بفترة ..

نبـذة عنـي :

خريج كليـة الشريعة و القانون ..
طموحي الوصول إلى منصب قضائي .. ( حلمي من يوم كنت صف خامس )
عشان يوم اتزوج .. ينادون زوجتي .. حرم القاضي سعود D:

بس حاليا ً بقدم لدورة محاماة وامري لله :cry:

الهـوايات : التصوير و تقليـد الشعــراء ..
الحـالة الإجتماعيـة : متزوج وعندي 3 عيال ..
ولد وبنتين .. ويسموني بو عبدالعزيز
آآآآ اقصد يعني بعدي اعزب .. عن تصدقون بعد ..

ارغب بالزواج من فتاة ، مواصفاتها كالآتي :
العيون زرق ، الشعر بني ، ان يكون فيها شبه من بينلوب كروز
أو إليشيا كاثبرت او نيكول كيدمان و الافضلية للي تشبه اليشيا كاثبرت
جامعية ، عمرها ما بين الـ 20 و الـ 25 ، تعرف تلعب سوني بجميع اصداراته
تشتغل وراتبها 20 وفوق ، تقدر الحياة الزوجية ..

اللي تشوف في نفسها ها المواصفات لا تبخل بنفسها علـي .. :eh_s(6):

.
.


من فترة كنت ملان ..ومـا اعرف شو اسوي ..
فسـويت هذا ..


alshohooh-25b42b718d.jpg



آآآ زوجة المستقبل .. :eh_s(6):



وبس ها كل اللي عندي فهذا الرد ،
ما اباكم تملون من سوالفي ..

حاليا ً انا مشغول شويه .. اجهـز عمري حق السفر
بسافر ها الخميس لـ ماليزيا لمدة 10 ايام يمكن ..!

D.gif




هاي هدية بسيطة بمناسبة فتـح المدونة ..

فخر الاجيال بصوتي

القصيدة


elgadee © 2009


:20:​
 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..
رد: +[ آه.. لو أنـا فـزاع .. و فـزاع أنـا ]+

لكل من يتابع يومياتي ..
سواء برسالة خاصة أو بتقييم او بمشاهدة ..

شكرا ً .. :20:


-----

طبعا ً كلنا في يوم من الايام كنـا صغااار ..
ما اعتقد حد يعني اول ما طلع لـ الدنيا كان كبيير ..

إلا اذا كان هناك حالات استثنائية .. مثل : فلم هندي مثلا ً
نفس هاييج النكتة اللي تقول : اونه 2 هنوود شافوا ياهل صغير عدال بيتهم
اتفقوا يـربونه ويسكن وياهم .. آخـر شي اكتشفوا ان ها الياهل هو ابوهم ..
38.gif




انزييين ..
كل واحد يوم كان صغير عنده افكاار غريبة وعجييبة ..
بالنسبة لي انا .. كانت افكاري مثل ويهي ..
kk_ed.gif


من ضمن افكاري العجيبة يوم كنت صغير :

1-مرة رقدت وما تعشيت وحلمت ان فرعون عدال بيتـنا وكان يبى ياخذني .. مدري ليش
عقبها نشيت ، المهم تكونت فبالي فكرة .. ان اللي ما يتعشى بيحلم كوابيس
ومن ذاك اليوم اقولكم ما فاتني ولا عشى ..
38.gif



2- لما كنت صغير وفي بيتنـا الجديم كنت دوم العب فالحصى
افرره فووق و أونه يوصل للسما و يطلع للفضاء وخلاص ما يرجع للأرض مرة ثانية
عقب كم سنة ، اكتشفت ان الحصى لا يوصل للسما ولا شي ..
كان يطيح وراي بس انا ما كنت منتبه له ..
laugh.gif



3- كنت اعتقد ان عايلتنـا هي العايلة و الوحيدة من عوايل الشحوح
الموجودين فها العالم ..وان باقي العوايل محد انقرضوا ..
وتم ها الفكر وياي يمكن لين صف اول ثانوي ..
بعدها اكتشفت ان احنا عايلة وحدة من بين الف عايلة
kk_ed.gif



وعــاد هاي صدق قوية (بالنسبة لي انا )
هذا مش من ضمن الافكار الطفولية ..

4- تخيلو اني قبل لا ادش الجامعة ما كنت اعرف ان آخـر اسمي الكامل فيه الشحي
لأني طوول ما انا كنت فالمدرسة وعلى مدار 12 سنة .. كنت اكتب لقب عايلتنا
بدون ما اكتب القبيلة اللي هي الشحي ..
يوم دشيت الجامعة اكتشفت ان آخر اسمي الشحي
ومن يومها صرت معرووف فالجامعة بأسم الشحي وخاصة فكلية القانون
لدرجة ان شي طلاب ما يعرفون شو اسمي بس ينادوني الشحي ..
aa_coffee.gif





إيميل أعجبني ..




الحب ..



قالت الزوجة : بعد مضي 18 عاما من الزواج وطهي الطعام , أعددت أخيرا أسوأ عشاء في حياتي
كانت الخضار قد نضجت اكثر مما يجب , واللحم قد احترق , والسلطة كثيرة الملح

وظل زوجي صامتا طوال تناول الطعام
ولكني ما كدت أبدأ في غسل الأطباق حتى وجدته يحتضنني بين ذراعيه ويطبع قبلة على جبيني ,

فـسألته : لماذا هذه القبلة ؟
فـقال : لقد كان طهيك الليلة أشبه بطهي العروس الجديدة ,
ومن ثم رأيت أن أعاملك معاملة العروس الجديدة


أليست الزوجة بحاجة الى
مثل هذه اللمسة الرومانسية
لتصحيح أخطائها
أكثر من السب أو السخرية ؟!

هذا هو الحب ..




الثقة

في يومٍ من الأيام قرر جميع أهل القرية أن يصلوا صلاة الاستسقاء
تجمعوا جميعهم للصلاة لكن أحدهم كان يحمل معه مظلة!
تلك هي الثقة..



التصديق

يجب أن تكون كالإحساس الذي يوجد عند الطفل الذي عمره سنة
عندما تقذفه في السماء يضحك
لأنه يعرف أنك ستلتقطه ولن تدعه يقع.....

هذا هو التصديق..




الأمل


في كل ليلة نستعد للخلود إلى النوم ولسنا متأكدين من أننا سننهض من الفراش في الصباح
لكننا مازلنا نخطط للأيام القادمة....

هذا هو الأمل ..






و نشووفكم عقب اسبوعين ان شاء الله ..
اليوم فليل مساافر ..




elgadee © 2009

:20:
 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..
رد: +[ آه.. لو أنـا فـزاع .. و فـزاع أنـا ]+



لكل من يتابع يومياتي ..
سواء برسالة خاصة او برسالة زوار أو بتقييم او بمشاهدة ..
ولكل افتقدني اثناء فترة غيابي ..

شكرا ً .. :ax:

-----



يااااااه ويين فارييين مدونتي ..
لا جان حذفتوها بعد !!!:ha:


انزيين فها الرد بتكلم عن رحلتي في ماليزيا بعنوان
kk_ed.gif


Bye Bye Malaysia


يوم الخميس 6/8/2009 .. الساعة مابين الـ 10 ونص و الـ 11
اتجهزت عشان السفرة لـ ماليزيا ..لبست الجينز
و أول ما شافوني اهلي .. استوى الضحك ..:ha:
اول مرة البس جينز لاه ..
kk_ed.gif


المغادرون :

القـاضي
اختي الكبيرة و اختي الصغيرة
يدتي ( فاكهة الرحلة بكل معنى الكلمة )

سرنــا المطـار وخلصنـا كل الاجراءات ،
وما بقى غير انـّا نركب الطيارة ..

alshohooh-80fef9537b.jpg



كنت يومها مطقـم
قميص ابيض وتي شيرت ابيض و بنطلون ابيض وجوتي ابيض ..
kk_ed.gif


المهم طارت الطياارة ..
وصاار اللي كنت خايف منه .. المطبات الهوائيـة ..
مسكت عمري مرة ، ومرتين ..
لكن بعدين ما تحملت و زاوعت :a050:


اول ما وصلنا كوالالمبور .. كنت معصب
اقوول حق خواتي هاي آخـر مرة اسافر فيها
والوالدة اتصلت بي تقول لي : هـااااا سلااااامـااااات ..
وانا اقولها : خلاااص ما بسافر مرة ثاانية تووووبه
تقول : لا لازم تتعلم عشان يوم تعرس تودي مرتك شهر العسل
وانا اقولها : شهر العسل بخليه فراس الخيمة ..
ماشي شهر عسل عن طريق بطيارة ..
kk_ed.gif


المهم بعدين سرنـا الفندق وارتحنـا
صدقوني اول ما وصلت الفندق قلت حق خواتي
اوفففف يالله متى بيي يوم السبت عشان نرد الامارات
ترا اول ما وصلت ماليزيا وانا انتظر اليوم اللي بنرجع فيه الامارات .. :Cr-Y:

وفالفندق كل شوي العوزهم
اهددهم .. افتح الدريشة و اطلع ريولي و اقولهم
هـاااا بتردوني الامارات ولا انط ..
kk_ed.gif


بس ابصراحة ماليزيا صدمتني .. ما توقعتها جي
ويقولون فالاعلانات Malaysia truely Asia
ولاااااااااااا طشه .. يعني ابصراحة كمدينة
مووول موول مب شي ولا حتى مطاعمها بعد ..
إلا المطاعم المشهور مثل كنتاكي وماكدونالدز


صدق ياخي كرهت السفر بسبب ماليزيا ..
والبارحة خواتي يحاولون وياي يقولون لي
سعــود ها المرة بنوديك النمسـا يقولون وااايد حلوة
اقولهم لا تحاولون قلتوا لي ماليزيا حلوة وطلعت مب شي ..


فالرد الياي بتكلم عن الاماكن اللي سرنا لها ..:Afkr:


elgadee © 2009

:20:
 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..
رد: +[ آه.. لو أنـا فـزاع .. و فـزاع أنـا ]+

لكل من يتابع يومياتي ..
سواء برسالة خاصة او برسالة زوار أو بتقييم او بمشاهدة ..


شكرا ً .. :ax:


-----

أولا ً مبرووك عليكم الشهر ..
وينعاد علينا كل سنة وكل حول ..
وعسى الله يتقبل صيامنـا وقيامنــا ..:ax:


انزيين ونكمل لكم مأساتي مع ماليزيا ..
kk_ed.gif


اول شي بخبركم عن اسباب كرهي لماليزيا
ولا حتى افكر اروح لها مرة ثانية بعد ..



1) ماشي أكل نفس اللي عندنا فالبلاد ما عدا الوجبات المشهورة
مثل ماكدونالدز و كنتاكي و ربعهم ..

2) ع بالهم ان الخليجي يوم كان
صغير يشرب بترول مايشرب حليب
kk_ed.gif

يستغلونه استغلال فضييع .. وخاصة إذا كان توه يديد ع المنطقة

3) المنطقة اللي سكنـا فيها هي نفس
المنطقة اللي فيها الـ Twin Towers و الظاهر ان
ماشي مسايد فها المنطقة .. شي مسيد واحد
بس اونه يسوون له صيانة ..

4) توقعتها مثل اوروبا .. مع اني ما سرت اوروبا
يعني توقعت اشوف حدايق حق العائلات و اليلسة
بس موووووول ..

5) بـلاد ابصراحة مب نظيفة ..
و شوارعها ذكرتني بشوارع راس الخيمة ..
kk_ed.gif



المهم بخبركم بالأمـاكن اللي زرناهـا
فأول يوم ما سرنـا مكان محدد ..
كانت فترة جس نبض المنطقـة ..

ثاني يوم على طوول ع السوق ..ماشي ون توو
تعرفون بعد دام ان اللي وياي حريم
فمن عادات وتقاليد الحريم ان اول ما يسيرون بلاد لازم يشوفون سوقها
kk_ed.gif


اليوم اللي عقبه بدأنـا المغامرة برحلة لحديقة الحيوان ..Nagara Zoo
وانا ذاك اليوم بعدي معصب شويه .. قاعد اقوول شو اليديد اللي عندهم ؟
نفس حديقة حيوان الهيلي اللي فالعين .. لا يمكن هاييج بعد احسن ..



و باقـي الايــام كلها فالسووق ..

الأسـواق و المولات اللي رحنـا لها :

1 ) رحنـا مول التايمز سكوير ..

من براا

alshohooh-8671ebf042.jpg



من داخل


alshohooh-740074bae5.jpg



التايمز سكوير فيه 10 طوابق للتسوق
احنا بس سرنـا حق اول 3 طوابق ..:yaw:


2) السوق الصيني اعتقد اسمه شنغاهي سنجوي مدري شي جي
المهم ها السوق يقولون انه رخيص حسب كلام وحدة تعرفت عليها اختي فالطيارة
kk_ed.gif

للأسف ما صورته ..!

3) بي بي بلازا BB Plaza
هـذا بعد نفس السوق الصيني


السوق الصيني و البي بي بلازا بيستانسون عليه الحريم
kk_ed.gif



4) سوق الالكترونيات
انا اول ما سمعت فيه قلت اهني الالكترونياات ..
بروحه ولا طشه .. كأني داش كارفور ..
kk_ed.gif



بس ها الاسواق اللي رحنا لها .. حسب ذاكرتي الضعيفة :yaw:

وعلى آخـر الايام زرنـا مصنع كاكاو اسمـه
Beryl's Chocolate Kingdom

alshohooh-47b8c50eca.jpg




اممم .. طول الاسبوع اللي قضيناه فماليزيا واحنا كنا اندور
فندق فيدرال .. ها الفندق طويل العمر سكن فيه
قبل 26 سنة هو وطويلة العمر ( حفظهما الله وراعهما )
kk_ed.gif


وكل ما يتصل فينا الوالد يقول هـا حصلتوا الفندق
نقوله لا لا الفندق خلاص عفى عليه الزمن مب موجود ..

لكن وبالصدفة حصلناه

alshohooh-19d033aaaf.jpg


صورته عشان الوالد ..
وبعد تصورت عدال اسـد موجود عدال الفندق
لأن الوالد قبل 26 سنة تصور عداله ..
>> على خطى الوالد ..
kk_ed.gif
[/IMG]



ومن اهـم الاحداث اللي صارت هناك لي انا لما كنا فمطار ماليزيا ولما كنا ننتظر يفتحون لنا باب العبور للطيارة

كنا يالسين ننتظر و إذ بفتـاة من الخليج تمـر عدالنـا
وكانت اطالعني واااايد ، بس انا اطالعتها شويه ..
وخواتي يقولون شو هااي تقهـاااااااااار ليش تتطالع
انا اقولهم خلوها ياخي يمكن تبى تحبني
001_tongue.gif


ما علينا ، بـذاك الوقت انا خبرت اختي تعطيني حبة
بندول نايت عشان ارقد فالطيارة لأني كنت خايف
من المطبات الهوائيـة ..
kk_ed.gif



المهم
ركبنا الطيارة ، وانا قاعد ادعي .. يالله يالله تكون عدالنا ها البنية
وسبحان الله .. وللمرة الثانية تصير لي .. البنية عدالنا يا محاسن الصدف
kk_ed.gif

هي فالكرسي اللي جدام واحنا وراهم ..
Cr-Y.gif

وبعدين اختي تعرفت عليها هي و اهلها ..

فالطيارة اختي استغربت من شي واحد ، اني مارقدت
تقول لي انته كيف ما ياك الرقااد ..
ها الحبة ( بندول نايت ) تخدر الواحد ..
وانا أول مرة آخذها يعني لازم ع الاقل 8 ساعات ارقد ..
اقولها الحـب اقوى من حبة البندول .. P:
وصدقوني ما رقدت فالطيارة غير ساعتين ..
وبالغصب رقدت عمري بعد ..D:




وســلامتكم ..

وسحورا ً هنيئا ً يتمناه القاضي لكم ..:20:

elgadee © 2009​
 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..
رد: +[ آه.. لو أنـا فـزاع .. و فـزاع أنـا ]+

لكل من يتابع يومياتي ..
سواء برسالة خاصة او برسالة زوار أو بتقييم او بمشاهدة ..

ولكل من افتقد تواجدي

شكرا ً ..:20:

----------

من هـذا المنبر اود ان أهنئ نفسي
لتعييني بوظيفة كـاتب عدل في إمارة عجمـان
إبتداء ً من يوم الاحد القادم ..:ah:

استقبل التهاني و التبريكات فبيتنـا اوكيه
وما ابى حد ايي البيت ويهنييني وايده فاضيه
بشوته تراا هـااا :eh_s(6):

اليوم السـاعة 9:52 صباحا ً
وبينمـا كنت نائمـا ً واحلم ها الكوابيس اللي ما تخلص ..
تخيلوا حلمت ان حرارة سيارتي مرتفعة واختربت علي السيارة
وانا كنت ويا واحد من الشباب فمدينة كأنها مدينة عنابة
اقولكم احلامي غريبة عجيبة ..
و بعد مرة حلمت ان وحدة يت صوبي وانا كنت فالسيارة
وانا عاد اونه استحيت منها ونزلت راسي ..
حتى فالحلم شي مستحه .. الله يعين إذا داومت

المهم نرجع لموضوعنـا ..
اتصل بي واحد من وزارة العدل
مدري عاد شو اسمه .. هو اذكر قال لي ناصر الصفر
و الوالد يقول محمد الصفر .. تلخبطت عااد انا ..
المهم اول ما شفت الرقم .. تميت اعدل صوتي
واسوي بروفـه ..عشان ما ابين له اني راقد و الموبايل يرن وانا بعدي اسوي بروفه :eh_s(6):

رديت عليه وقالي شو تختار الشارقة ولا عجمـان
قلت له والله الاقرب لراس الخيمة عجمـان ..
قال خلاص ما عليه .. شرايك اداوم يوم الاحد قلت له ان شاء الله
وسكر و سكرت وكملت رقادي

عااد الحين اواجه مشكلتين ..
ما اعرف وين المحكمة ولا عندي حساب فالبنك
يوم السبت ان شاء الله بسير اشوف وين المحكمة وبفتح لي حساب

خلاص من اليوم انا ما برمس ويا الصغار اللي بعدهم يدرسون
اللي يشتغلون بس يرمسوني .. :eh_s(6):


وهيه بعد بيكون عندي دورة محـامـاة يعني اشتغل واسير الدورة
الله يعين والله ..اطلع من الصبح و ما ارد البيت إلا ع الساعة 9 تقريبا ً

يالله المهم حصلت الوظيفة وان شاء الله الله بيسر الامور ..
وهيه ع طاري الوظيفة .. انا ابصراحة حسيت اني على خطى الوالد
ترا الوالد اول ما توظف كان كاتب عدل .. سبحان الله لاه ..
ان شاء الله بعد انا عقب كم سنة اصير مثل الوالد



:20:​
 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..
رد: +[ آه.. لو أنـا فـزاع .. و فـزاع أنـا ]+

لكل من يتابع يومياتي ..
سواء برسالة خاصة او برسالة زوار أو بتقييم او بمشاهدة ..


شكرا ً ..:20:


----------

اممم .. براويكم شي ..



img3384b.jpg



خيييييييييبة شوفوا كم عدد الرسايل انتو بس !!
ترا موبايل جديم لاه .. يمكن كمل وياي 3 سنين الحين :eh_s(6):

ما عليكم من الموبايل الحين شوفوا الرسالة انتو بس ..:ah:

ياخي افهموهـا .. يعني فتحت لي حساااااب فالبنك .. :a040:

عـااااد ما اوصيكم .. حولو بيزات على حسابي
عشان اتـأكد خدمـة المسجـات تشتغل ولا لا ؟ :eh_s(6):




انزيين ها الرد انا مخصصنـه عشان اخبركم عن فلم
ابصراحة ما اتمنى حد يشوفه .. وخااصة اصحاب القلوب الضعيفة
لأن ها الفلم صدق صدق بيكون كابوس بالنسبة للي بيشوفه !

الفلم هو Paranormal Activity

هـذا هو غلاف الفلم


**الصوره مخالفة**

بداية الفلم بيقول المنتج : نشكر والدي ميكا وكيتي و شرطة لوس انجلوس
على تزويدهنـا بشريط الفيديو


ناس قالوا انه جذب ومجرد فلم عادي ومخلينه كأنه واقعي
وناس قالوا ان هـذا تمثيل بس مطابق للواقع للي صار للريال و الحرمـة ..
يعني ان ها القصة حقيقية .. :a050:

انا من النوع اللي أحب اشوف افلام الرعب وعاادي عندي
بس ابصراحة هـذا غيير .. شفته مرة وحدة وما ابى اشوفه مرة ثانية .. :a050:






ويالله باجر وراي نشة الساعة 5 ونص ..:a050:
غسلت سيارتي
وجهزت اغراضي وباقي
واستعد نفسيا ً ومعنويا ً حق باجر :eh_s(6):




نشوفكم على خير .. :20:
 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..
لكل من يتابع يومياتي ..
سواء برسالة خاصة او برسالة زوار أو بتقييم او بمشاهدة ..


شكرا ً ..
20.gif



----------

يااااااااااااه .. آخــر رد لي فالمدونة اهني ، قبل سنة !!

واايد اخبار و علووم طافتكم ..
واااضح يعني من آخـر رد لي ..



اول شي

فشهر 2 .. انـا دخلت دورة محــامــاة
واستمرت ها الدورة 6 اشهر فالمعهد القضائي فالشارجة ..
كــانت اصعب فترة .. اطلع الصبح من البيت ومـا ارد إلا آخـر الليل !
والحمدلله تخرجت وافتكيت ..

والحين باقي لي احضر كم من جلسة فالمحكمة
وبعدين بيعطوني رخصة محامـاة
و اول ما احصلها برد اقدم لوظيفة قانونية فبوظبي
122.gif





ثـاني شي

بتاريخ 19/5/2010 يـوم الاربعــاء ، كــان حفل تخرجي من جـامعـة الامــارات
بحضور الشيخ محمد بن راشد ، و حمدان بن محمد ، والشيخ نهيان بن مبـارك

وهاي صورة من بروفة الحفل ..

img000802010051812026.jpg



وهـاي بطاقة الدعوة حق اهل الخريجين ..

img3480g.jpg



للأسـف محد من اهلي حضر الحفل ..الكل كـان مشغول

فيوم الحفل
اول ما دخلنا قاعة التخرج .. اول واحد طاحت عيني عليه الشيخ محمد بن راشد
عقب شوي .. انتبهت ان فزااع بعد موجود مع اني ما قلت له ان ذاك اليوم حفل تخرجي
بس الظاهر انه كان يبى يسوي لي مفاجأة ، وانا احب المفاجآت P:


عقب الحفل .. صورت اربيعي كم من صورة
وهو صورني بعد كم من صورة ..
كنا كاشخين بالبشت ..وما حبينا نفوت ها اللحظـة : )




وثالث شي

الحمدلله الله وفقنـي و ســرت الحـج ها السنة ومع اني ساير قبل
وشايف الزحمة بس نفس ها المرة ما شفت ..!!
والسعودية بعد لعوزونـا ها السنـة واعتقد الكل سمع عن سالفة التأخير فالمطـار
احنا المفروض طيارتنـا اطير الساعة 6 الصبح يوم اليمعــة ..طيروها الســاعة 11 تقريبا ً ..
يعني لا صلينا اليمعة فالسعودية ولا فالامارات



امممم ..وبس
هــاي كـانت اهــم الاحداث اللي صارت لي في سنـة 2010 ..



وإن شاء الله تكون سنـة 2011 سنة خير وسعــادة للكل ..
و ان شاء الله نلقـاكم في رد آخــر..
20.gif


 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..

لكل من يتابع يومياتي ..
سواء برسالة خاصة او برسالة زوار أو بتقييم او بمشاهدة ..

شكرا ً .. :20:
--------------



اليوم كملت سنـة على تعييني بـوظيفة كـاتب عــدل
الحمدلله كـانت سنـة خير ..
خــلال ها السنــة قدرت اكـون صداقات مع جميع الموظفين اللي فالمحكمة
وخصوصا ً فقســم الكــاتب العـدل

لدرجة ان بعض الموظفين صاروا يفضلوني على كتاب العدل اللي اقدم مني
حتى احد الموظفين قال لأحد كتاب العدل ليش ما اييبون سعـود عندنـا

طبعا ً انـا اهني صدقت عمري شويه :eh_s(6):

ابصراحة يعني اهـل عيمــان والنعـم فيهم
ماشفت منهم إلا كل خيير..
بس للأسـف ما اقدر اطول وياهم وايد ..
سنة ولاسنتين وإذا كثرت 3 ،وعقب ان شاء الله بقدم اوراقي فمكان ثاني :)


امممم .. كنت ناوي اسافر اوروبا بشهر 12
بس من عقب ما رجعت من الحـج كنسلت السفر
لأن الطيار اللي ودانا السعودية لعب فينا فالجو على كيفه
فأنـا فكرت فالموضوع وقلت : هذا ساعتين فالجو ولعب فينا جي
عيل لو سافرت اوروبا ست ساعات ولا سبع.. شو بيسوي فينا !؟

الحين عـاد فكرة السفر رجعت لي مرة ثانية ..
وحاليا ً افكر اسافر تركيا ..صوب نور ومهند ونهال وسمر ومرينا وخليل ..P:



... ( :20: )
 

سعود دلك

๑ . . عضو إمبراطوري . . ๑
التسجيل
14 ديسمبر 2004
رقم العضوية
2656
المشاركات
4,036
مستوى التفاعل
488
العمر
37
الجنس
الإقامة
بين راك وعجمان على شارع الامارات..


لكل من يتابع يومياتي ..
سواء برسالة خاصة او برسالة زوار أو بتقييم او بمشاهدة ..

شكرا ً ..:20:
--------------


من تاريخ 26/1/2011 إلى 30/1/2011
كنت فـ بلاد نور ومهند ونهال وسمر ومرينا وخليل
kk_ed.gif


ويوم خبرت ربعي اني ساير تركيا
كل واحد يقول لي : سعود سلم لي ع لميس
والثاني : صور لنا لميس ..
المهم كل واحد وصاني ع لميس .. مع اني ما اعرف كيف شكلها أصلا ً !؟
حتى واحد من الشباب قال لي : إذا تقدر هات لميس وياك واكفلها ..
la_f.gif


المهم
يوم الاربعاا السـاعة 6:15 صباحا ً انطلقنا انا واخوي الصغير من راك إلى بوظبي
عشان انييب جوازه من السفارة البريطانية
ومن عقبها إلى مطار دبي ..وصلنا تقريبا ً 12:30
رحلتنـا الساعة 3:30 ، ..
سوينا الجيك ان وخلصنا امورنا وتغدينا وصلينا الظهر والعصر جمع وقصر ..
وطـارت الطيارة متجهة إلى استنطبول تقريبا من دبي إلى استنطبول 4 ساعات و20 اعتقد
وانا طول الوقت فالطيارة وشكلي جي ..
bored.gif

لا اسمع لا ارى لا اتكلم .. لأن الطيارة تسبب لي صداع مب طبيعي !

المهم الحمدلله وصلنا مطار اتاتورك ..ومنها على طول ع الفندق
حطينا الشنط وكل اغراضنا فالفندق .. وعلى طول طلعنا براا .. عشا تايم
kk_ed.gif



هذا كله كان فأول يوم من تواجدنا فالامارات إلى وصولنا لـ تركيا كله كان بدون تصوير
التصوير بدا فاليوم الثاني


الجو فـأستنطبول كـان وايد بارد ..
درجة الحرارة بين الـ 2 و ال6
لدرجة ان ايدي ما تثبت فالتصوير ..
حتى بتلاحظون ان بعض الصور اللي بحطها فيها اهتزاز ..


المهم
فـ ثاني يوم .. سرنا وتحطونا .. 5 ساعات تقريبا
اول شي سرنا صوب مسيد سلطان أحمد
هناك فالمسيد لما سرنا نصلي .. شفت مكتوب
الحسن و الحسين و علـي ..
confused1.gif

اول شي خفت ! قلت شكلنا دشينا بالغلط مسيد شيعة ..
لكن اطمنت لما شفت اسم ابوبكر وعمر وعثمان
kk_ed.gif



وهاي صورة المسيد من بعييد


ahmetj.jpg


عقب عـاد تمينا نحاوط صوب الحدايق و صوب البحر
وباقي الايام كــانت عـادية يعني ما صورت واايد
بس اكثر يومين صورت فيهم .. اول يوم لنا فتركيا
وثاني يوم ..لمـا سرنا متحف آيـا صوفيا ..

وهاي صورة داخلية لمتحف آيـا صوفيـا


sofya2.jpg





اغلب طلعـاتنـا كـانت من الصبح ليين العصر
فليل ما نطلع إلا إذا بنتعشى بس
وبتلاحظون بعد ان كل الصور تقريبا صباحية
يعني ولا صورة ليلية ..




وهذيلة هــم رفقاء الرحلة..


img4031w.jpg




اخوي عبدالله .. وعبدالعزيز





اممم تقييمي لتركيا

يعني اشووف البــلاد حلوة وجوها ولو انه باارد لكنه ابصراحة رومنسي
ويصلح للتصوير وخاصة الصور الشخصية و الصور التراثية
واحس ان تركيا تصلــح للبنـات .. حق السوق يعني
وفووق كل هـا الرحلة كلها ما كلفتنـا اكثر من 15 الف درهم

بس المشكلة الوحيدة فتركيا انهم إذا عرفوا انك من دبي مصيييبة
xD.png

يعني هذا راضع بترول مب حليب
احنا لما حد كـان يسألنـا من وين انتو .. نقول لهم احد دول بلاد الشام
فـ إذا اي حد فكر يسافر تركيا ..وسألوه الناس فالسوق من وين
يختار له دولة من بلاد الشام ويتم عليها طوول ما هو فتركيا
kk_ed.gif





وشكرا ً لحسـن متابعتكم وقرائتكم
:20:​
 
عودة
أعلى