• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ولــد بوظبي ..

  • بادئ الموضوع A.D
  • تاريخ البدء
  • الردود: الردود 86
  • المشاهدات: المشاهدات 64K

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
بخبركم قصة شخص مع شخصيه كلنآ نحبهآ ونعرفهآ

هالولد خل نقول اسمه محمد ..

المهم محمد ع ايآآم الدرآسه صف سادس.. كآن كثير الشردآت يدآوم يومين في الاسبوع كآن يشرد ويرقد في المسيد اهو وصديق الطفوله

عقب فتره لقوآ مكآآآن حللو بس بعده مآخلص بنآءه يعني ينفع حق الشردآت والخش خخخ

فـ انفتحت الدنيآ جدآمهم واستآنسوآ عالمكآن وكل يوم مطيحين فيه .. يوم امتحآن الريآضيآت قآل لصديق الطفوله شرآيك نسحب عالامتحآن وبنقص عالاستآذ عشآن ايعيده لنآ
ربيعه كآن خآيف لنه هالاستآذ يعرف ابوه فـ حضر الامتحآن المهم كآنت اول مره يشرد فيهآ محمد بروحه

وسآر كالعآده يلس في المكآن اليديد ويآكل ويتمشى فيه ..

قررب وقت انتهآء الدوآم الا وشوي يسمع حشره في المكآن ونآآس يآآيه ووآحد مصري يتفلسف بكل صوته <<المهندس شكله

المصري شآف محمد وقآله : ايه اللي جآبك يآبني وامشي برآ أبل مآتعملنآ مصيبه

محمد: بكل قلة ادب قآله اسكت يالمصري خخخ

بعدهآ بثوآني صوت غريب دخل رآس محمد يقوله عيب <<الصوت غريب غير عن صوت الوآلد والاعمآم وكل الريآييل اللي فالفريج من الخوف محمد قآله انشآالله خخخ << لاآ ارآديآ
يآه هالشخص وقرصه قرصة الابو ..محمد ايقول يآآ الله هالشكل شآيفنه في اكثر من قنآآه لكن مب متآكد منو هو المهم

الشخص الغريب : شو اسمك ؟
محمد : محمد
الشخص الغريب: عطني اسمك كآمل
محمد : محمد بن فلان بن فلان ..

الشخص الغريب بنبرة زعل : مآعندك مدرسه الحين !! ليش طآلع برآ المدرسه
محمد: سآآكت
الشخص الغريب : ارمس ابوك ؟
محمد: لاآ كله ولا ابوي خلآص الحين برد المدرسه
الشخص الغريب يبتسم : يقوله وعد ؟
محمد : وعد والله <<خآآيف
الشخص الغريب : انت بآين عليك ولد نآس وحبوب والدرآسه اهم شي عشآن تشتغل وتستوي دكتور انشآ الله عقب بتعآلجني ببلآش ؟؟
محمد: هيه
الشخص الغريب يظحك : آمرني
محمد : ؟؟ <<نظرآت استغرآب وحيره
الشخص الغريب : اطلب قول شـ تبي
محمد : مآبي شي بروح المدرسه <<زاد الخوف
الشخص الغريب يبوس رآس محمد: لاتخآف بعطيك اللي تبغيه بشرط انك ماتشرد من اليوم ورآيح
محمد: والله مآبشرد ومآبغي شي <<الدموع بدت تنزل
الشخص الغريب : يبتسم ويقول له عطني رقم ابوك
محمد : يعطيه الرقم ..
وعقب ردوه المدرسه وطآف اليوم

بعدهآ بكم يوم اتصل هالشخص ع ابو محمد وقآله باللي حصل

ومحمد عرف منو هالشخص وانصدم ..وتم طول اليوم ايقول ليتني طلبته اللي ابغيه

الشآطر فيكم ايقولي منو هالشخص ويكتشفه:^^:
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
حييكم ياللي فالتقيم خخخخ في اجآبآت صحيحه ..اهي السآلفه مب في دبي <<سهلتهآ ^.^
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
مسآكم ورد وجوري ويآسمين وفرآوله مع توت بينهم كرز هآع

السآعه 9 صبآحآ .. دق التلفون ..رديت

المتصل : انت مآتبآ تنش ؟؟ موعدك الحين انت وضروسك المحفره << ضروسي مآفيهآ شي والله خخخ
انخآف من دكتور الاسنآن ..لكن غييير يوم اختك ادآويك وتحس فيك .. 5 ضروس تنظيف وحشو <<معني استعمل سيجنآل بالتركيبه الغنيه بس مآشي فآيده خخخخ

سرت المطبخ ولقيت ...



طويلة العمر كنت برفسهآ بالغلط هع

المهم خلصت من الاسنآن وشكلي غلط طلعت من عندهآ مآقدر آكل ولا ارمس مثل النآس البنج قوي هالمره

وانا رآد صوب بيتنآ شفت كآرثه.. جآرنآ يبني ومعدي شوط كبير في البنآ..

للآسف شوفوآ شو صآر .. اترككم مع الصور





لو اتلآحظون شي نفرآت فوق سطح البيت مب قآدرين ينزلون .. نزلت اشوف .. الشرطي قآلي اطمن مآشي اصاآبآت اونه خخخ
يبآ يزحلقني الله يهديه



واخوكم شوفوآ شو يسوي :ah:



قآلتلي لآتآكل الا عقب سآعه عشان الحشوه ..يلست احآوط لين مأخلصت السآعه وعقب سرت هيــرفي:^^:<<تورتلآ ديآي ..دمآر طعمه

الله يعين الريآل رآعي البيت ويعوضه<<حزين عليه اسميني والله

وبس حبآيبي تعبت وانا ارفع الصور :212:
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
من اشوي كنت في موضوع زوآج الهآتف والنت ..

وانا ارد تذكرت قصه لوآحد من الشبآب .. قصة زوآج غريبه صآرلهآ فتره الحين

وآحد كآن ويآنآ دوم بس مب من المقربين ..يحب اليلسه ويآنآ والورقه ..بس طبآعه مول مختلفه عنآ
من النوع البيتوتي ومؤدب يحليله ..نآدر مآنشوفه

هالمسكين غآب عنآ شهور .. نتصل عليه نسلم ونسأل ايقولنآ مشغول ومسآفر وجيه ..
عقب فتره وصلنآ خبر انه حب وحده احذآل بيتهم وخلآص هآآيم وغرقآن ..كيف عرفتهآ يآفلآن قآل خذت ايميلهآ من الاهل بدون مايدرون خخخ<< ذكي

مرت الايآآم .. واخونآ اخترب مآعآده القبلي ..دوآخه وكشيـخ حده اتغير 1000 درجه

نحن مآسآلنآه ليش بالعكس استآنسنآ لنه تغير ..

في العشر الاوآخر من رمضآن للحين مآ انسآ هالموقف ..يآ عندنآ قآل ابغي اشوف البنت خلآص مليت من التلفون كل يوم,, واهي مآتبغي اطرش الصوره

كل وآحد فينآ طلع عذر ..<< بنت الفريج وابوهآ يعرفنآآ بنآآكلهآآ ..اهو يبغي سيآرة حد فينآ مآكآن عنده سيآره ولا ليسن

قلنآ حرآم مسكين خله ايشوفهآ مآنبغيه يرد نيرد شرآت قبل ..سرنآ كلنآ ويآه ونحن نتريآه في الصوب الثآني
مآعرف كيف يشوفهآ .. قآلتله تعآل فوق السطح وبفج لك الجآمه وبنسولف .. هو عفد السور ووصل عندهآ .. تم تقريبآ نص سآعه فوق

اشوي وينفج بآب البيت الخآرجي.. شو السآآآلفه ؟؟ ابو البنت طلع برآ يدوخ نحن قلوووبنآآ طآآحت دقينآ سلف بنحرك وبنخلي الريآل بروحه فووق خخخخ

نتصل عليه مآيرد ونتصل زود واهو خبر خيير مآآيرد علينآ .. << قآل مآبرد عليهم وبنزل بسرعه.. الحين قبل لآينزل شآفه الابو .. وزخــه يحليله

المهم الابو قآله تعرس عليهآ ولا تكبر السآلفه ..نحن في هالوقت في الميلس يآلسين انفكر مآنبغي الابو يشوفنآ يعرفنآ كلنآ ..

وقرر ربيعنآ انه يآخذهآ مجبور..كآن رآيي ..يآفلآن دآم انجبرت عليهآ فـ حآول انك تتأقلم قد مآتقدر وكلن قآل رآيه المهم
قآلنآ : محد فيكم يحضر عرسي مآآبغي اشووفكم من اليوم ورآآيح <<صدمنآآ

واآحد من اللي كانوا وياي ذيج اليوم كتب فيه قصيده ع سآلفته مع البنيه يحكي فيهآ حآل الريآل خخ <<بس مآرآوآهآ حد وطرشهآ للريآل .. وقآله اتريآ بتتغنى في عرسك هذي خخخ

القصيده مآتسآعد انهآ تنحط في البرزه خخخ

والريآل ين ..

وقآل : مآبغي اشوف حد فيكم في عرسي <<يحليله متحطم نفسيآ كآن

بمآ انه جيرآن نحن .. هله عزموآ اهآلينآ .. قلنآ فرصه ويت

سرنآ العرس المهم وشفنآه بغترته وعقآله والبشت السنع ..

يينآ انسلم عليه اتغير ويهآآ في العرس ..

نحن معظم اعرآسنآ ايكون فيهآ سمرة طرب .. يلست ويآه ارآضيه على جو السمره خخخ ..قلتله كلآآم طويل عريض خلآصته انه لآتخآف نحن بنسترك اكثر من هل العروس وهلك ..شفت الابتسآمه ع ويهه ..قآلي: والقصيده؟ قلتله عقب شوي بتتغنآ خخخخ عقب قلتله نسولف وجيه ..

الحين الريآل عنده بنتين منهآ وصآر انسآن ثآني اتغير واللي سمعته انهم مستآنسين وآيد وحيآتهم حلوه

انا منقص من السآلفه وآآيد لنهآ طويله وتفرعت لفروع مآلهآ دآعي

انشآ الله يعتبرون منهآ الشبآآب .. ويعرفون وين خلآصهم وانهم معرضين لهآ الموقف سآعتهآ ينجبر يعيش عمره كله مع وحده مآيبغيهآ والسبه نص سآعه او سآعه سببهآ طيش
ولين اهنيه ستوب.. <<مدونتي كلهآ نبش من المآضي خخخ مآبهآ درر
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
صبآحكم نور وسرور .. زآد بي الشوق يآهل البرزه << مآدري ليش مآشآرك في البرزه برمضآن ..<< من زينهآآ المشآركآت

مبآرك عليكم الشهر مؤخرآ ..:ah::ah: ينعآد عليكم انتوآ بصحه وعآفيه ومعرسين انشآ الله هآع:^^:

بآركولي خذيت الـ i pad.. جميييل جدآ جدآآ ..apple مبدعيين يآنآس كل شي منهم رزين وجووده تستآهل

فيه الختمه كآمله حللو وآيد ..



بسوي به بلآوي .. :^^:

بمآ انه شهر الفضيله والصيآم فـنحآول انحط اكس علـى >>



والله يعينآ .. الوآلده مستآنسه لني رصيتهم وبقطعهم هالفتره ..نآسيه انه عندي غيرهم >>:^^:.. حآطنهم في حجرة الدريول اللي برآ .. والدريول بآي بآي صآرله سنه فـ بلآده


هالثلأأث يدآد ..لكن اللي فوق صآآرلهم فتره طويله معآي ..<<انشآ الله محد يشوفهم ويفتن علي :1577_1186768770: هع



وهذا الحنيـن مآلي خآشنه تحت السرير بشنطته ماقدرازخه الا يوم البيت يفضآ صوته عآلي وحآد :ah:,, شي الابيض شرآته بس مآقدرت اصوره لنه رآآح ويآ اللي فوق والوآلده بندت عليهم الحجره :cry:<<اتقولي رب العآلمين يربط الشيآطين وانا اربط هييل cat:)<< تعآملني معآملة اليهآل :eh_s(1)::eh_s(1):

هذآ اقدم وآحد فيهم كلهم .<<عطآني ايآه ابوي وعمري 11 سنه :^^: << ترآث:yola:



شي البيآنو وآله ثآنيه في الحجز لين عقب رمضآن,, مآلحقت اصورهم ..

عقب رمضآن بصور الحجره كلهآ والبلآوي الزرقآ اللي فيهآ ..:^^:

خذوآآ عمري ووــقتي وتعبي وفلوووووووسي خخ ..<<< مآحرموهم عالفآضي

بآجر صلآة جمعه .. الله يستر شكلي بتآخر و بصلي برآآ في الحر شكلي

جمعه مبآركه .. والله يعينكم ويعينآ عالصيآم

فـي حفظ الله
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
%D9%81%D9%8A%D9%84%D9%85+The+Expendables+2010.jpg


مجموعه من المرتزقه يبون يسقطون نظآم حكم في المكسيك
شوفوآ منو موجود في الصوره .. كبآر الممثلين
وآرنولد موجود في الفلم بس مب حآطين صورته ..
هالفلم متوقعين ايحطم مبيعآت تآيتنك
وcoming soon
مآوصيكم شوفوه لنه مآظن ينزل شرآته الا عقب كم سنه
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
مبآركن جمعتكم يآرب ..

السهر هلآك وهد حيل اسميه .. سرت الصلآه وانا مب بحسي مآعرف شو انقآل فـ الخطبه ..

لآ والامآم زآد عوقهآ .. قرآ سوره غير الفآتحه نهآيتهآ ولآ الضآلين .. المسيد كله قآل آمــين ورآه خخ << نحن نآقصين يآ الامآم !!

بسير العب grand theft ونكمل القصه :) .. عقب لي عوده للمدونه يمكن تستفيدون من التجربه اللي بكتبها :ah:

في ودآعة الرحمن
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
يـمــه فـديـتـك مـــن هـمــوم الـيـالــي ii"

" يـمـه عـسـى مــا شــر شـفـتـك iiتـونـيـن

يـمــه خـــذي مـالــي واخـــذي حـلالــي "

" يـفــداك يـــا يـمــه وأنـتــي iiتـعـرفـيـن

يـمــه تـــرى مـنـسـى خـيـالـك قـبـالـي ii"

" يـمــه خـيـالـك مسـكـنـه داخـــل iiالـعـيـن

إلـيــا سـمـعـت الـصــوت يـنـسـر بـالــي "

" انـسـى هـمـوم الـوقـت وانـســى iiالـدواويــن


يـمــه تـــرى الـجـنـه مـعــك والمـعـالـي ii"

" يـمـه قــدم رجـلـك أحـطـه عـلــى iiالـعـيـن

أذكــــر زمــــان اول وانــــا فـالـدَلالــي "

" أذكــر تعـبـتـي مـعــي وانـتــي iiتـربـيـن

مـن كثـر مــا ركــض مــن يمـيـن وشمـالـي "

" واتعـبـك مــا هـمـي ســوى اللـعـب تـدريـن

وتقـولـي اجـلــس يـــا ولـيــدي ومـالــي "


" وانــا مــع الـشــارع ولـعــب iiالـوراعـيـن

احـيـان اقـــول إنـــي صـغـيـرٍ وسـالــي ii"

" الـعـب مـــع الـجـهـال لـعــب الشيـاطـيـن

يــوم اتـذكــر وش جـــرى فـــي خـيـالـي "

" مــدري عـــن الأيـــام وشـلــون iiتمـشـيـن

يــوم إنــي اكـسـر خـاطـرك مـــا ابـالــي ii"


" مـــا هـمـنـي يـمــه صـغـيـر ومسـكـيـن

واذكــر زمـانــي يـــوم اشـــق الـريـالـي ii"

" يــوم الهـلـل والـقـرش يـســوى المـلايـيـن

يــا حسـرتـي يــا وقـتـي الـلـي مـضـالـي ii"

" يــوم(ن) اشـوفـك طـــول الأيـــام iiتبـكـيـن

مـــدري مـــرض ولا هــمــوم تـصـالــي ii"

" مــدري تـعـب مــدري كـثـر مــا iiتحـسـيـن

يـمـه عـســى روحـــي وحـالــي ومـالــي ii"

" فـــدوه لـدمـعـك يـــوم لـلـدمـع iiتخـفـيـن

يـمــه لـــو الأيـــام تـشــرح ســؤالــي ii"

" سـألـت أنــا الأيــام ويـنـك وانـــا iiويـــن

وسـألــت دمـعــك يـــوم بـــل الشـيـالـي ii"

" دمــعــة تــســوى كــنــوز الـسـلاطـيـن

وسـألـت حــر الـشـمـس ويـــن الـظـلالـي ii"

" وسـألـت قـمـرى اللـيـل مــا نــورت iiزيـــن

يـمــه أبـــي مـنــك السـمـوحـه ولا لـــي "

" مطـلـب ســوى تعـفـيـن عـنــي وتـرضـيـن

واخـــذي مـــن الـدنـيــا ودوك الـعـيـالـي "

" أنـتــي لـنــا الـراعــي وحـنــا iiرعـيـيـن


وستـأذنـك وقـتــى تـــرى مـــا صـفـالـي ii"

" ادعــي لـمــن ضـاقــت عـلـيـه الفـلاتـيـن

ادعــــي لـمـنـهـو بـيـدتــه الـلـيـالــي ii"

" عـســى زمـــان راح يـرجــع iiوتـرضـيــن

وصـــلاة ربـــي عـــد رمـــي النـبـالـي ii"


" عـلــى نـبــيٍ وضـــح الـحــق iiوالـديــن
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
قبل الفطور بدقآيق .. او عقب مآ يآذن بكم دقيقه ..

شفت اربع حوآدث قدآمي وانا كنت الخآمس فنفس اللحظه كلهم دآعمين بعض

3 مآتوآ << قدآم عيني .. وآحد طلع من الجآمه طآآير .. مستحيييييييل يعيش الا بمعجزه والثآني علآمة الدوآر دشت في صدره
والثآلث مرمي فالرمله .. والسبه شو .. الفطور انحط نبي نلحق عليه

انا كنت بدخل فيهم وبدعم مآدري شو سويت وحسيت روحي اتجآوزتهم << مآعرف كيف سلمت
مب حرآم عليهم ..اللي امه تتريآه وهله يتريونه يوصلهم بالسلآمه وهو يدآآعس .. شو فيهآ لو اتآخرت عن الفطور كم دقيقه ..
آذن وانا فالسيآره وقفت الدكآن خذتلي عصير وجبس اهم شي اسد اليوع وارد البيت سآلم

نزلت وانا لآبس وزآر وفآلينه << مجبور

يلست اتريآ لين مآيت الدوريه .. ع فكره قبل آذآن المغرب الدوريآت اتزيد الدوريآت اول مره توصل الدوريه في 4 دقآيق معجزه
مآرديت البيت قلت لآبوي بفطر عند وآحد من الشبآب
ويلست فالسيآره احآوط لين مآهدت النفس
حرآم وربي .. صح انه مكتوب
بس ليش الاستعجآل .. والقهر انه كلهم بيوتهم قريبه ..
اللي طآر من الجآآمه نفس الافلآم بالضبط ..طآآآآآآآر مسآآفه مب هينه
الله يعين اهآليهم ..
وبشكل عآم هاللحظه في رمضآن النآس كلهآ تسرع مآيخلون الوآحد يمشي في امآن الله ..

السآلفه طويله واختصرتهآ ..
الله يرحمهم اذآ مآتو ..ويشفيهم اذآ بعدهم بآقيين

مدونتي الحزينه ..
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
اشكر كل من قيمني ..وكل من ضآع تقيــيمه << اعذروني:122:

8ycnkymfpxn4.png


v4exekd1suy9.png

يزآكم الله خير .. اسعدني التوآجد الطيب
 
عودة
أعلى