• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

َهالْعَمِر ِسكه وَ صَدْري َصارْ نَِقطَة َعبورْ !*

  • بادئ الموضوع M!ss_Maharee
  • تاريخ البدء
  • الردود: الردود 6
  • المشاهدات: المشاهدات 2K
الحالة
مغلق و غير مفتوح للمزيد من الردود.

M!ss_Maharee

๑ . . عضو ماسي . . ๑
التسجيل
27 مايو 2009
رقم العضوية
10499
المشاركات
1,162
مستوى التفاعل
224
الجنس


:bt:

أستقبل تعليقاتكم على الرسائل الخاصه
والتقيمات .. !*

 

M!ss_Maharee

๑ . . عضو ماسي . . ๑
التسجيل
27 مايو 2009
رقم العضوية
10499
المشاركات
1,162
مستوى التفاعل
224
الجنس
رد: َهالْعَمِر ِسكه وَ صَدْري َصارْ نَِقطَة َعبورْ !*

السلام عليكم ورحمة الله ..
يسعد لي مسـاآكم / صبـاآحكم بكل خير وبركه .. !*

..



:00100:

أستقبل تعليقاتكم على الرسائل الخاصه
والتقيمات .. أي أسئله أنا حاظره ^.^
 

M!ss_Maharee

๑ . . عضو ماسي . . ๑
التسجيل
27 مايو 2009
رقم العضوية
10499
المشاركات
1,162
مستوى التفاعل
224
الجنس
رد: َهالْعَمِر ِسكه وَ صَدْري َصارْ نَِقطَة َعبورْ !*

السلام عليكم ورحمة الله وبركاته
يسعد لي صبـاآحكم / مسـاكم بكل خير وبركه ..

:bt:













..

أخيرا ..



شكر خاص لـ .. »ǾùTlâw« , ٱڶظپے , الجارح2003

وشكرا لكل التابعين وللي قيموني ..

•●Ł7n๑ДŁm6r●• , مرفوعة الراس , رعشة هدب , عيوز مشتطه
خيماوي صغيرون , الكمزاري , ولهانة زايد , غنَاتْيـے .. !*

أرق تحيه لكم جميعا ..
:00100:


أستقبل تعليقاتكم على الرسائل الخاصه
والتقيمات .. !*​
 

M!ss_Maharee

๑ . . عضو ماسي . . ๑
التسجيل
27 مايو 2009
رقم العضوية
10499
المشاركات
1,162
مستوى التفاعل
224
الجنس
رد: َهالْعَمِر ِسكه وَ صَدْري َصارْ نَِقطَة َعبورْ !*




السَّلامْ عَليڪْم وَ رحمـهْ الله وَ بَرڪْآته ..
وَ يَسعدْليْ مساكم / صَباحِِكمْ بَكلْ خيرُ وَ بَركةٌ . . .~


يَا مَرْحِبًــا مَليُونْ وَ أمْثالَـهْ عشِـرْ
وِ إنْ تِضاعَفْ هُوبْ بالنسبَة ڪْثيـِر ..!*


* المود اليوم :


منورين المدونه بطلتكم الطيبهْ ..

^.^

على فكره ما أدري كيف فتحت مدونه ، ما كنت حاطه هالفكره مول في مخي
بس لعيون اللي طلبوا منيه .. ما رمت أكسر بخواطرهم ^__^ ..

اليوم حبيت أتكلم عن حياتي بشكل عام ، أغلب الأعضاء اللي هنيه ما يعرفوني زين ..





من يوم أنا صغيره معروف إني شيطانه ، بس يوم كبرت تغير كل شي والله ، طفولتيه كانت غريبه جدا
ما كنت مثل باجي البنات ، يمكن لأني ربيت مع أولاد عسب جيه ما كنت أهتم بسوالف البنات بشكل عام


نحنا أساساً بدو كنا نسكن في منطقه أسمها [ المرموم ]
.. وألحين أسمها [ اللسيلي ] بس عقب فتره أنتقلنا للعين
مع إن هلنا مازالوا في المرموم .. بس لين باجر ما أعرف السبب ..
وكنت دايما أسأل أبويه بس يقول ليه لأن هناك أرض كلها
عزب وما أدري شوه ، وبعدين هذيج الأيام أبويه كان في الجيش
عسب جيه يينا العين بدال ما يضرب خطوط لين المرموم

وهالمنطقه موجوده بين دبي العين بس تعتبر تابعه لـ دبي ، الحياه هناك تختلف عن حياتنا في العين واايد ، هناك جو بر
وعزب وجيه ، ماشي لا مولات ولا شي ، جمعيه وحده وعياده ، وثلاث مدارس ثنتين للبنات ووحده للأود ..

لا جامعات ولا شي .. بس حياتهم حلوه صراحه ، اللي يعيش فيها ما يروم يظهر منها ..
بس لا تزال العين لها المقام الأكبر في قلبي ، أنا من ييت على هالدنيا وأنا أعرف العين ، واللي يعيش في العين ما يقدر
يخليها .. حبي لا ينوصف للعين ، لو سرنا مرات دبي ولا الإمارات الشماليه ، ما أرتاح لين أرد العين ..



عايلتنا ما شاء الله كبيره ومتفرعه ومتشابكه
ربيت بين 6 أولاد .. كلهم أكبر عني إلا واحد أصغر عني ..
عندي خواتي .. بس أكبر عني بوايد ومعرسات .. عسب جيه ما كنت معاهن وايد
وأقربهم لي أخويه اللي أكبر عني بسنه [ حميد ] ..
وكنت طبعا دلوعة البابا ..



طبعا هالسنه متخرجه من الثانويه العامه قسم علمي والحمدلله يبت نسبه بيضت بها الويه
وإن شاء الله بدش الجامعه وناويه مثل ما قلت لكم أدرس It إن شاء الله



إجتماعيه ، أحب اليهال واايد وخصوصا ولد أخويه علني أفداه [ سعيد ]
أغلب يومي مع اليهال يوم يكونون عندنا في البيت ، وباجي الأيام نطلع وجيه يعني





شلتيه بس للأسف تفرقنا كل وحده منا سارت مكان

بنت عمي

أخويه حميد


أخيراً ..



شكر خاص لـ .. :00100:

»ǾùTlâw« , الظبي , ~همـِسـِة الشـِـِووووقـِ~ , غزالة الجبال , الجارح2003

ولكل من قيمني :wrd:

غنَاتْيـے , جلنار , بنت ناس ماتنداس , شحي عز وفخر , جدايـــــل , عيوز مشتطه .. !

..


أستقبل تعليقاتكم على الرسائل الخاصه
والتقيمات .. !*


:bt:


 
التعديل الأخير بواسطة المشرف:

M!ss_Maharee

๑ . . عضو ماسي . . ๑
التسجيل
27 مايو 2009
رقم العضوية
10499
المشاركات
1,162
مستوى التفاعل
224
الجنس
رد: َهالْعَمِر ِسكه وَ صَدْري َصارْ نَِقطَة َعبورْ !*







السَّلامْ عَليڪْم وَ رحمـهْ الله وَ بَرڪْآته ..
وَ يَسعدْليْ مساكم / صَباحِِكمْ بَكلْ خيرُ وَ بَركةٌ . . .~

كيف أديـم الصمت ؟ و الدنيا حناجر ..
.. كيف أديـمـه ؟ دام غيري ما يديـمه ..!

بين شكّي و اليقين إنسان فاجر ..
.. بس نـيّاته و عاداته حشيمه ..!*


كيفكم حلوين ؟ منورين المدونة في ذمتيه .. !
أحس إني من قرن ما كتبت شي ، غبرت حليلها ، مب من شي والله بس مشغولة هاليومين ، ما قعدت وايد
في البيت ، تعرفون رمضان + العيد + الجامعة .. لازم نلحق وناخذ أغراض .. !

عشقي الـ shopping ما خليت شي ما خذته ، جنيه ما عندي شي موول ..
بس بعدها الجولة ما خلصت اليوم آخر يوم وبنرد العين إن شاء الله ، تولهت عليها فديتها .. !

إنزين براويكم الجولة الأولى ..

هذا الله يسلمكم سرت إمارتس مول ، يخرب بيت بيته كيف زحمة .. كريـه واللهي ..
دشيت ..



خذت لي نعال وحدة ما عيبني عندهم شي ، كله جديم .. !

بعدين ..

سرت محلات المكياج .. وما خليت شي ، مع إني ما أستخدمهن وايد بس حب إمتلاك خخخخخخ







عقبها سرنا دبي مول .. العيال من شافوا الأوكواريوم وهم مستخفين إلا تودونا ..
ما خذت شي منه غير ..



نحنا عاة ما نسوي حفلات عيد ميلاد ، بس لأن عندنا بيبي واحد في البيت اللي هوه ولد أخويه فديته
كمل سنة وحبينا نفرح اليهال شويه .. فقلنا نسوي حفلة مب عيد ميلاد .. بس جيه .. !

وأنا قمت بالترتيب للحفلة ، ما رمت أصور لكم واايد ..
بس صورة الكيكة وصورته فديته .. ^__^



هذا اللي عندي .. ما فيه أكمل جولة المشتريات
المرة الياية إن شاء الله ..

أخيرا ..



شكرا من القلب لـ ..

الجارح 2003 , bella adolescente , »ǾùTlâw«

ولكل من قيمني ..

غنَاتْيـے , بنت ناس ما تنداس , عيوز مشتطه , مرفوعة الراس , بخاويه
ٱڶظپے , جدايل , شحي عز وفخر .. !

ولكل المتابعين ..

حياكم الله

:bt:

 

M!ss_Maharee

๑ . . عضو ماسي . . ๑
التسجيل
27 مايو 2009
رقم العضوية
10499
المشاركات
1,162
مستوى التفاعل
224
الجنس
رد: َهالْعَمِر ِسكه وَ صَدْري َصارْ نَِقطَة َعبورْ !*




السَّلامْ عَليڪْم وَ رحمـهْ الله وَ بَرڪْآته ..
وَ يَسعدْليْ مساكم / صَباحِِكمْ بَكلْ خيرُ وَ بَركةٌ . . .~


قآلُوا تًرىْ مآلكِ اًملْ فيْ قربهًآ لًو يومْ . .
ابعِدْ وجنبّ دربهًآ هَذآ هوً المقسُومْ . .

قِلتْ اتركُونيْ واسكتُواْ خلُوا العًتبْ واللٌومْ . .
قدنِيْ غرقتْ فبحرهًآ ولآ عًآد يفيدْ العُومْ . .

..

احم احم .. أنا هنيه .. ما شاء الله عليكم نشيطين ، في يوم واحد
ألقى مدونتيه وراا .. >> قلت ما شاء الله عن أعطيكم بعين

جيف الحال ؟ إن شاء الله بخير وما تشكون باس ؟
طول الإجازه وأنا ملااانه ، أما ألحين يوم جدها بتخلص ، ماشي يلسه موول تولهت على بيتنا
وعلى العين ، ما صدقت اليوم ردييت .. حسيت إني :yaw: جيه ..

ما عندي سالفة اليوم ، توني راده من السوبرماركت .. فاجين سوبر ماركت يديد عندنا .. حبيت من دلب
قمة في الروعة .. ما خليت شي فيه أنا ..
كله خميته .. من يومين وأنا أطبخ عشياآت .. يا بوكم شوه أسوي هذا أخويه حميد معزر عليه إلا تطبخين
عاد أنا أحب الطبخ ، بس ماشي وقت أدش المطبخ << يا عيني على البزنس ومن ..

خلوني في السالفة هيه .. اليوم وأنا أحوط في مكتبتيه الحبيبه ، كنت شاريه كمن كتاب يديد ، وأدور لهن مكان
أحطهن .. قلت بما أني مش لايقه شي أحطه هنيه ، فكرت وفكرت وفكرت وآخر شي ..
قررت إني بين فتره وفتره أحط لكم شي من كتبيه ، مجموعة جيه ، أكلمكم عنها ، واليوم أخترت مجموعة من كتب مقالات
كاتب رائع .. ومعروف أكيد ..

شسمه نسيت أقول لكم كنت أبى أظهر الكتب كلهن ، لكن تعايزت خذت اللي تحت ما فيه أرقى بالدري فوق وأييب الباجي
كلهن في الرفوف اللي فوق ..

الموهيم بلا هذره زايده .. ونبدأ ..




نبذه بسيطه عنه .. للي ما يعروفنه ^__^



وهذا جزء من كتب مقالاته اللي عندي ..



وأخيرا مؤلفاته ..

أبو بكر الصديق (1935)
أخبار عمر (1959)
أعلام التاريخ (1-7) (1960)
بغداد: مشاهدات وذكريات (1960)
تعريف عام بدين الإسلام (1970)
الجامع الأموي في دمشق (1960)
حكايات من التاريخ (1-7) (1960)
دمشق: صور من جمالها وعِبَر من نضالها (1959)
ذكريات علي الطنطاوي (8 أجزاء) (1985-1989)
رجال من التاريخ (1958)
صور وخواطر (1958)
صيد الخاطر لابن الجوزي (تحقيق وتعليق) (1960)
فتاوى علي الطنطاوي (1985)
فصول إسلامية (1960)
فِكَر ومباحث (1960)
في أندونيسيا (1960)
في سبيل الإصلاح (1959)
قصص من التاريخ (1957)
قصص من الحياة (1959)
مع الناس (1960)
مقالات في كلمات (1959)
من حديث النفس (1960)
من نفحات الحرم (1960)
هُتاف المجد (1960)

وقد نشر حفيده، مجاهد مأمون ديرانية، بعد وفاته عدداً من الكتب التي جمع مادتها من مقالات وأحاديث لم يسبق نشرها، وهي هذه الكتب:
فتاوى علي الطنطاوي (الجزء الثاني) (2001)
فصول اجتماعية (2002)
نور وهداية (2006)
فصول في الثقافة والأدب (2007)
فصول في الدعوة والإصلاح (2008)

وسلامتكم .. :wrd:



شكرا من القلب لـ :==:

»ǾùTlâw« , هيهي , الزبرجد, رهف , سفاحة راك ,
عيوز مشتطه , ٱڶظپے , جلنار .. !

تسلمون على المتابعه لا خليت منكم إن شاء الله
وما زلت ..

أستقبل تعليقاتكم على الرسائل الخاصه
والتقيمات .. !*
:
wrd:

 

M!ss_Maharee

๑ . . عضو ماسي . . ๑
التسجيل
27 مايو 2009
رقم العضوية
10499
المشاركات
1,162
مستوى التفاعل
224
الجنس
رد: َهالْعَمِر ِسكه وَ صَدْري َصارْ نَِقطَة َعبورْ !*



السَّلامْ عَليڪْم وَ رحمـهْ الله وَ بَرڪْآته ..
وَ يَسعدْليْ مساكم / صَباحِِكمْ بَكلْ خيرُ وَ بَركةٌ . . .~

حبيت اسجّل على بيض المواجع .. حضور
لو مالي مْن الحضور : الا التعب و العنا !
يكفيني أكسب قلوب آحباب و ارضي غرور
انسان يعني لي العالم هناك و هنا !*

جيف الحال ..؟ إن شاء الله بخير وما تشكون بااس ..؟
يا مرحبـا الســاااع والله .. / منورين في ذمتيه ..

المود اليوم :bad: .. راسي مصدع ومالي بارض على شي .. الله كريم ..
يقول لكم في نااس بيداومون الأسبوع الياي ، بما أني مستجده في الجامعة ، عندي دوام الأسبوع الياي
إن شاء الله .. صراحه أغبياء ليش يعني نداوم الأسبوع كله ، ولا عندي بس إمتحانين في يوم واحد
إمتحانات القبول في الكلية .. وباجي الأيام إلا ترحيب وما أدري شوه ، والله لو الشور شوري ما داومت !
من أولها خخخخ

عندي الأربعاء 26 أغسطس 2009 م إمتحانين عربي وIT إن شاء الله أعديهن ..
أما الإنجليزي والرياضيات من زمان ممتحنينهن مال سيبا .. الإنجليزي المستوى الثالث :eh_s(6): الحمدلله
والله ما توقعت كنت أحس إني ما بعديه .. بس سبحان الله ..
أما الرياضيات هو مستويين ، أنا الثاني .. :eh_s(6): بعد ما كنت متوقعه ..
الله يعيينا على العربي وIt ..

خلونا من سوالف الجامعة التعيسه ..
صح قرب رمضان .. << تو الناس ..
الله يبلغنا إياه وإياكم بكل خير ، ورمضان كريم علينا وعليكم ..

من كمن يوم كنت أتشاور أنزل موضوع تواقيع رمضان ، بس الهياز وما آدراك ما الهيازه ..
أنا توقيع لي متعايزه أسوي ، بس ما أدري يمكن اليوم .. !
وبعدين عندي بنت خالي يايين من السمحه ومووول ما تشجع .. من تشوفنيه يالسه على اللاب
عطتني هزبه محترمة .. هيه وحميد أخويه طبعا أيوون يغلسون عليه وكعادتهم ..

إنزيـــن .. إنتوا تتريون صور لاا ه ؟
ماشي ولا صورة في هالرد ، قولوا ليش ؟
حسيت إن المدونة ثجيله شويه ، سنه لي تفتح هذا وأنا عندي الكروم .. !
عسب جيه قلت لازم أخفف صور ..

يقول لكم ولد ختيه الصغير يبى كام .. أسميني ضحكت عليه من الخاطر ، ومحتشر وحالته حاله
ومسوي زوبعه في البييت ما خلا حد ما شاكاه ، حتى الطباخ مسكين ياي البارحه عند ريل ختيه اللي هوه
ولد عمتيه الموهيم قال له ليش ما تشتري له كاميرا .. !

جيه ويهه ولد عمتيه :h035: .. ههههه ..
وعلى قولة أبوه إنتي راس الفتنه محد رواهم الكاميرات إلأا إنتي ..
شوه أسوي يعني الولد طالع على خالته مبدع .. خخخخخخ
هذاك الوقت بغى يكفخني .. عاد ما خلوني في حالي موعيني اليوم من الصبح ..
قومي بنسير ناخذ له كام ، هذا أبويه يدلعهم .. قلت له هذا ياهل وما أدري شوه ، لكن لاا أبويه يشوفه يصيح
يبى شي وما ياخذ له .. هزلت .. !

وتوني أتريق وأشرب لي جاهي حليب ويالله قومي ماشي تفاهم قبل ما ينش أبوه
ويعارض فكرة أبويه ..

خذت له كانون اليديده :eh_s(6): ، حبيتها من دلب صراحة .. !

باجر واللي وراه عندي مواعيد أسنان ، كنت مفتكه منهن ، لك للأسف ردوا ركبوا لي التقويم مره ثانيه
والله لاعت جبدي يمكن من ثلاث سنين مركبه ، ومن فتره فجه والشهر اللي طاف ركب لي بس فوق
وباجر بيركب تحت .. ومازلت إلا يجلع ويركب .. الله يعيني عليه ، أسميني طفرت ..

أما حميد خااس في حلجه التقويم .. !
وعلى قولته باجر برشي الدكتور وبخليه يفجه ليه خخخخخ ..

إنزين ..



مب جني قلت ما بحط صوره .. هاي صوره من الأرشيف .. الداثر
هذا الله يسلمكم أخويه اللي أصغر عني بنتين جيه تقريبا حمدان ، عشقه في الحياه الألعاب الألكترونيه

من wii , psp ,Ds ,p3,p2, x box , GameCube
أي لعبة تخطر على بالكم عنده .. جذبني في الـ Ds هذا الشريط ..
أنا مب من النوع اللي يحب هالأشياء .. يعني آخر شي تلقوني أسويه ألعب بهن ..
بس هذا الفلم حلو واايد ..
تعيش حياه كامله تسوي بيت وتصيد وما أدري شوه ..
حلو صراحة أنصحكم به ، أول مره شفناه يوم سايرين أمريكا قبل 5 سنين , كانن مواعيد
على اخويه العود وعدال المستشفى كان في مول كبير .. :eh_s(6):
كل سفره نحنا خامين المول ويانا خخخخ
ترا كل سنه لازم سفرة أمريكا عسب مواعيد وكشوفات لـ أخويه .. بس من سنتين تقريباً ..
ما أسافر وياهم ، هالسنه كنت مخططه بس لين ألحين هم ما ردوا .. !
خفت يفوتني الإمتحانات .. مال الجامعه ..

وهيك يعني ، أيدي عورتني يبووكم ..
بسكم اليوم .. عاااد

أخيرا ..


أرق تحيه لـ ..

الغاليه لحن المطر .. ، سعدت بتواصلج فديتج ..

»ǾùTlâw« , الشحي , مرفوعة الراس , عاشقة التراث , الجارح 2003
غنَاتْيـے , رهف , عيوز مشتطه , KиMάήά ... !

تسلمون شيوخي على المتابعه وما قصرتوا .
.

:bt:

لَيّ فآتْ مــَـَـآ يَنفَعْ بـَہ آلَشرحْ
.. وآلَليّ آنِڪَسرْ مَآ يَفيدْ بَـہ نْوحِ
.. حِبيّ آنتّهىْ وتهـَـَـدمْ آلـــَـَـصِرحْ
.. مَسٌمِوحْ يـَـَــآ حـَـَـلمْ آلعَمرّ روَح ..!‘



أستقبل تعليقاتكم على الرسائل الخاصه
والتقيمات .. !*
 
الحالة
مغلق و غير مفتوح للمزيد من الردود.
عودة
أعلى