• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

{تحارب الحب }...رواية من وحي الحجاز / أميرة قلب

#أميرة قلب#

๑ . . عضو بقراطيسة . . ๑
التسجيل
29 أغسطس 2009
رقم العضوية
10880
المشاركات
30
مستوى التفاعل
1
العمر
31
الجنس
الإقامة
مملكتي }~
بسم الله الرحمن الرحيم ...
كعادتي ...
كثيرة الترحال كثيرة التجوال بين عالم المنتديات ...
واستقررت هنا ....
لاعرض ما لدي ...من نبض قلمي
في كل مرة تتغير عبارتي ...
لكنها تحمل ذات المضمون ...
رواية عشت معها أروع اللحظات ...
عاما وثمانية اشهر من نقرات متتابعة ..
كانت هذه نتيجتها ..

كل ما ارجو ان تنال نقراتي اعجابكم
قد تختلف اللهجة وتشكل عليكم أرجو ان لا يكون هذا سببا في فشلي هنا !!

تحياتي لكم
#أميرة قلب#
 

بن الشحي

๑ . . عضو مجتهد . . ๑
التسجيل
20 ديسمبر 2006
رقم العضوية
6015
المشاركات
898
مستوى التفاعل
151
الجنس
الإقامة
في سحابـہ " راك "
رد: {تحارب الحب }...رواية من وحي الحجاز / أميرة قلب

السلام عليكم ورحمة الله وبركاته

أهلا وسهلا بج .


نحن متشوقين لإبداع قلمج .

وبإنتظار كل جديدج بالقصص .


يا هلا ويا مرحباا ^ـــ^


.


بن الشحي
 

#أميرة قلب#

๑ . . عضو بقراطيسة . . ๑
التسجيل
29 أغسطس 2009
رقم العضوية
10880
المشاركات
30
مستوى التفاعل
1
العمر
31
الجنس
الإقامة
مملكتي }~
رد: {تحارب الحب }...رواية من وحي الحجاز / أميرة قلب

تحارب الحب
البارت(( 1 ))
قصتي الأولى ... هذه القصة جلست لسنتين أرسمها في خيالي ...... قصتي تدور بداية أحداثها في مدينة جدة تلك المدينة التي تميزت بحضارتها فستنشق ابطال قصتي جوها الممزوج بالحضارة والأصالة ربما ما يعرفه الجميع عن اهل جدة الأنفتاح الشديد ولاكن هناك طبقة لازالت محافظة ع بيئتها النقية والمتماسكة تعالوا معي وابحروا بين احداث قصتي ...
ديمة: عمرها 18 شكلها : مممممم شعرها طويل لركبها ومو ناعم مرة لونها ابيض وبياضها حلو عيونها واسعة ورموشها كثيفة الي يشوفها يحسبها مكحلتها جسمها حلو ولبسها احلى صفاتها بنت مجتهدة مررررة وذكية هادية وعاقلة وحنونة ع الصغار خجولة وصداقتها مو مرة كثيرة اكثر صديقاتها قرب لها رجاء ودي البنت اتزوجت وانشغلت عنها والثانية هيفاء وماتت قبل 3 سنوات
........ العشاء ديمة تذاكر كالعادة الأخت تالت ثنوي ومحد قدها
يرن الجوال ... تطالع الرقم ( المزعج الغالي ) طبعا دا اسم اخوها مازن أصغر منها بسنة وحدة عمره 17 شكلة جنااااااان ابيض مررررة وعيونه واسعة وعسلية وشعره بني ناااااعم الى رقبته وهو حتى احلى منها كنه بنت من جماله الي طبعا مو عاجبه لأنو سبب مضايقة البنات له في المولات هو طبعا مايحب الحركات دي رغم انو رومنسي مررررررة بس محترم
ديمة- ردت نعم.. بحدة شوية
مازن _ هلا والله بأختي الغالية القاطعة
ديمة في نفسها ( اشبو دا انهبل مني معاه في البيت ) لا والله يا شيخ مهي غرفتي جنب غرفتك ولا فقدت الذاكرة
مازن : هههههه ايش بتسوي دحين
ديمة اذاكر .... بعصبية
مازن من متى الشطارة ؟؟؟
ديمة طبعا عصبت وقالت ... انت واحد رايق وفايق وفاضي وتموت ع تضيع الوقت والفلوس لو عندك شي قدامك ربع ساعة بس تتكلم فيها معاي في الغرفة ولا انقلع
مازن رد بصوت تعبان .. دحين تبغيني اقوم من السرير والبس الشبشب (الله يكرمكم ) واقوم واقف وامشي لمن البا.... طبعا رخت في وجه جبلها المرض
دخلت دينة اخت ديمة اصغر منها بسنتين وعكسها مرة تحب الإزعاج بكل انواعه وتعشق السوق لكن قلبها طيب واعصابها شوية مفلوتة وهاذي الصفة تخليها هي و مازن طول الوقت يتضاربوا هي تخينة شوية لكنها قمر شعرها بني ناعم لنص ظهرها وعيونها بنية قالت.... ليه معصبة ؟؟؟
ديمة: أخوك البقرة يتصل من الجوال وقاعد يستهبل
دينة: ليه هو فين ؟؟؟
ديمة : في غرفته !! تقولها بعصبية
تضحك دينة والله مازن دا شي عجيب
ديمة: ليه ؟؟ دينة حركاته الهبلة ولا كولو كون لمن يتضايق من البنات لمن يأشروا عليه أو يعجبوا فيه
ديمة: بالعكس كدا احسن عشان ما يتعب تعيسة الحظ الي حتقبل فيه
دينة: ليه تعيسة حظ ؟؟
بالعكس حتعيش في جو رومنسي ما ينتهي....
قعدوا الإثنين يحشو في اخوهم الي مايحب من البنات غيراخواته وخاصة ديمة بس طبعا مولدرجة انو مايتزوج بس هو شعاره ( كما تدين تدان ) ويخاف يحب وحده وقصده شريف يجي واحد ويلعب بشرف اخواته وهذا الشي مخليه يكبر في نظر أبو وأعمامه وخيلانه وكل واحد يدعي انو وحده من بناته تكون من نصيبه
ديمة حبت تغير الموضوع: ايش الي في الكيس ؟؟
دينة شبس وميرندا .. تبغي ؟؟
ديمة أكيد من زمان >>فرصة ثمينة<< ما شتريت بس مين جابو ماشالله من دون ماتطلبي ؟
ضحكت دينة وقالت : مروان لأنو امس سلفته خمس ريال وقالي انو ماراح ياكل في المدرسة ويشتريلي شبس وعصير بس الكذاب راح اخذ من بابا واشترى
ديمة: ههههههه وما جبلنا ؟؟
إلا هو يقدر يروح البقالة وما يشتري لدكتورة ديمة قالت دا الكلام دانية وهي داخلة وتعطي ديمة الكيس حقها
(مروان أخوهم عمره 15 سنة سمين شوية بس نشيط وحيوي وفرفوش وكمان ما شالله حلو ويجنن اسمر سمار خفيف عيونه واسعة وشعره بني محمر زي دينة مرررة في الصفات والشكل كمان قريب بس لايقارن بجمال أخوه ابدا رغم انهم الإثنين ملفتين لنظر من جمالهم دانية هاذي ينطبق عليها المثل ا ( جات تطل غلبت الكل ) ماشالله عليها بنت تجنن شعرها أشقر وعيونها خضر وجسمها جنان ومؤدبة وخلوقة لكنها جريئة ولا تطيق أحد يغلط عليها مهما كان وعمرها 14 سنة )
قالت دانية بسخرية يابنتي متى حتطلعي من الصومعة دي الناس راحت وجات وماتت وولدت وانتي جالسة هنا ولانتي دارية عن أحد
ديمة بغرور ... انا جالسة هنا عشان أرفع راس بابا وابني نفسي مو زيكم
دينة والله حبيبتي نحن عايشين حياتنا وبابا الله يخليك له أنتي ومازن و مروان ما شالله دوافير مانقدر عليكم ههههههه
دخل مروان و عامل نفسه معصب قولي ماشالله وإذ تبغي تحسديني احسديني بس بعد ما أموت
دانية وايش راح تستفيد بعد ما تموت
مروان واليه تحسدني دحين واتعذب بقية حياتي
يدخل مازن وليه ياخوية ما تبغى حبيبة البي تعذبك>>داخل عرض<< خليها تطلع حرتي فيك
مروان دحين أنت يا عنترة في أحد جاب سيرة عبلة وهو يأشر على ديمة (وهي مهي معاهم ) أنا أتكلم مع دينة
يضحكوا كلهم على غباء أخوانهم
ويقول مازن :لا لو دينة أحسلك أنها ما تحسدك ترى عينها والقبر على طول
دينة: لا والله طيب يابو عين باردة شوف مين راح يعمل لك الكيك يوم الإثنين لأصحابك
مازن حتى لو عملتيه ماراح ادخله لهم اخاف يموتو عندي وابتلش فيهم
ديمة يعني دي سبه ولا مدح * قالتها وعينها ع الكتاب *
مازن: والله عاد يا أختي العزيزة لمن تطالعي فينا حتعرفي اذا كانت مدح ولا سب وانتي من يوم ما دخلت وانتي عينك ع الكتاب إلي يشوفك يقول خلاص دي البنت حتألف موسوعة بكرة
ديمة: والله لو راح أألف موسوعة راح تكون عنك
مازن : من جد والله لدي الدرجة أنا كائن غريب
مروان: أكيد اجل في واحد بالغباء دا والهبل يمكن عندك صواميل مفتوحة في دماغك وديمة لمن راح تسير دكتورة بإذن الله راح تعالجك صح ؟؟
مازن:والله ياا خوية يا ولد امي وابوية أنا لمن انولدت ما كان في شي بس من يوم ما جيت صدموني لمن قالو دا الثور اخوك (لانه تخين )
وطبعا كانت الحرب البيتية المليون ناوية تقوم والحمدالله
دخلت أمهم( ام مازن (حياة )) انسانة طيبة مرة وحنونة وصبورة صبرت ع زوجها واهله الي كانو شوية سيئين معاها وهي حلوة شعرها ناعم وطويل وعيونها واسعة وخشمها واقف وووو ماشالله ملامحها طيبة وصبرت ع زوجها العنيد العصبي وربي عوضها اهل زوجها سارو اكتر وحده يحبوها وزوجها خف شوي بعد ما شاف بنته ديمة الي سارت دبل لابوها يعني زيه مرتين (الله يعين امها ) على ايه بتضحكوا طبعا
مروان شافها فرصة عشان يشكي من مازن لأنها كانت مرة تحبو وتقول عليه العاقل وحكاها ومازن مو مهتم لأن امو عارفة انو مايحب يغلط ع احد
ضحكت الام وقالت: يلا العشاء
ابوهم (محمد) رجال طيب مررررررة وكل عياله طالعين عليه من الشكل لأنو ما شالله حلو واحلى من امهم كمان تبغو تسألو كيف اتزوجها والله هو رجال عاقل وما تهمو لأشكال ابدا واولاده طالعين زيه لكن ورغم الصعوبات الي واجها في بدايت زواجه مع اهله الإ نو متمسك بزوجته الأنو عارف معدنها وربنا ما ضيعلو تعب زوجته كانت نعم الزوجة اتحملت كل شي عشانه
نزلوا كلهم للعشاء وسمعوا كالعادة صوت أختهم دانة أخر العنقود( انا جنب بابا ) عمرها 5سنين طبعا هي الدلوعة ولكن مهي زي دلع ديمة أبدا ومحد يقدر عليها غيرها وهاذي العبارة كل وجبة يسمعوها ومحد يقدر يعاندها غير ديمة وبما أنها طفشانة من الدراسة حبت تعاندها شوية قامت طيران على الكرسي الي جنب ابوها وطبعا دانة ماتت قهر وقعد تصرخ قووووووووووووووومييييييييييي وهي تقولها: (قل موتوا بغيظكم ) وابوها يقولها خلاص قومي
ديمة _ بابا خليني امارس هواتي
قام ابوها ضحك ع بنته
|أم مازن :ا قالت والله ما جيتي تاخذي امن أبوك الا العناد كان أخذتي حاجة أحسن
ديمة _ العناد اكثر حاجة أحبها في الأني أسيطر ع الدلوعين
وفي هذه اللحظة يرن التلفون طبعا واكيد بيرد الستنرال مروان
ألو السلام عليكم (كانه مقدم في برنامج )
وعليكم السلام كيفك مروان؟
؟ مروان الحمدالله يا أماااااااااااااااااني وقولها بصوت عالي عشان ديمة تسمع وتقوم تسيب الحرب الي عملاها
اماني ههههههههههههه ليه بتقولها بصوت عالي ؟
مروان: أبدا بس عشان الهانم((ديمة )) تسمع
ومن غير مايتكلم قامت ديمة واخذت السماعة وردت عليها(اماني) بنت خال ديمة وهي أصغر منها بسنة عمرها 17 قد مازن وهي بنت حلوة شعرها بني ناعم وقصير لمن كتفها وغزير وعيونها عسلي وهي نعووووووومة مرة ورغم انها و ديمة يموتوا فبعض الا انها و مازن يكرهوا بعض من يوم ماتولدو الين دحين وحتى بعد ما غطو على بعض لساتهم مايطيقوا بعض ولمن تتصل اماني ويكون هو الي يرد حتى السلام ما تقولوا على طول اعطيني ديمة بدون نقاش وهو يحب الشي دا لأنها البنت الوحيدة في العايلة الي ما تحاول تلفت انتباهو لها ) طبعاديمة و اماني قعدو يتكلمو ع التلفون والناس خلصو العشاء وشبعو وهم ما خلصو اتكلمو فكل شي الانو لهم 4ايام ما تكلموا *معذورين * جاءمروان قولي لاماني تعطيني فراس بسرعة
ديمة : ليه ؟
مروان: عندنا موضوع عاجل
ديمة: نو وي
مروان: اوووووووووووووف بابا شوف العنيدة دي
أبوهم الي طفش من عناد بنته : بس اعطيه لكي ساعة تتكلمي
ديمة : ما قدرت تقول شي دا ابوها وشكله معصب واعطته
وقالت لاماني نكمل كلامنا عالماسنجر بسرعة
مازن أووووووف انتي وياها متى راح تعتزلوا الكلام مع بعض يأمي طفشت من دي البنت ما عندك غيرها عندي تكلمي أولاد أحسن من دي البنت طبعا ديمة اعطته نظرة خلته يسكت بعدها وعلى وجه ابتسامة انتصار لأنو عارف ان اماني سمعت (فراس هدا طبعا ولد خالهم هو ومروان مرررررررررة اصحاب شكله عادي جدا لاكن شخصيته حلوة فرفوش وصبور وبار جدا بوالديه وكل الناس تحبوا الي يعرفو ولي ما يعرفوه كمان ) الأخوان قاعدين يتكلموا عن اهم موضوع في الدنيا كيف يختم المرحلة المدري كم في شريط المدري ايه طبعا
دينة اذ نها معاهم لأنها تمووووووووووووت في البلاستيشن
\\
//
\\
//
 

#أميرة قلب#

๑ . . عضو بقراطيسة . . ๑
التسجيل
29 أغسطس 2009
رقم العضوية
10880
المشاركات
30
مستوى التفاعل
1
العمر
31
الجنس
الإقامة
مملكتي }~
رد: {تحارب الحب }...رواية من وحي الحجاز / أميرة قلب

اليوم التاني يوم الأحداث (خميس يوم الجمعة عند أهل أبوها )
طبعا بعد مناحلة طويلة رضيت انها تروح بيت سيدها لأن لها اسبوعين محد شافها وراحت وهي لابسة بنطلون جينز وبلوزة بينك عادية وشعرها رفعاه والي يشوفها مايقول دي وحدة رايحة عند احد المهم دخلت البيت وسلمت ع جدتها وقعدت تتكلم شوية معاها وراحت بعدين عند عمانها تسلم بعد ما خرجو الشباب برا وأول ما دخلت شافها سيدها والي مرة يحبها والا يقول
_ يا محمد ليه ما بتخلي البنت تاكل هي ناقصة ما يسير كده تبغوها تنجح أكلوها مو تموتها جوع ( وفي هاذي معاه حق الأنه كان شكلها نحفااااااااااااان مرة )
_ والله يابويه هي الي ماترضى تاكل والكل يحاول معاها مافي فايدة تقول بذاكر ولا تاكل لقمتين وتمشي كلمها ايمكن تسمع
__ ليه دحين ما بتاكلي انشا الله كيف راح نزوجك ايش يقول الولد مزوجيني خيزرانة طبعا
ديمة انحرجت مررررررررة خصوص قدام عمانها وهي رافضة الزواج حاليا لكن ردت: ياسيدو دحين انت تبغى تدفني
حية
_ وليه
_ تبغى تزوجني من دحين حراااااااام (هي ما خذه ع سيدها مرة وعادي )
رد عمها الكبير – ومين قال دا الكلام
_ محد انا اقول (قالتها بإحراج لأنها تعرف انو عمها ناوي يخطبها لولده عبد المحسن رغم ان ابوها وهي ما يحبو زواج الأقارب )
طبعا في ديك اللحظة دخلو اخواتها الي انقذوها من احراجات مالها داعي ابدا وقامت جري عند بنات عمها
وجلست كالعادة مع عبير وهادي بنت عمها عمرها 15 سنة ماشا الله عليها جريئة ومؤدبة وحلوة وكمان تحب اخو ديمة مروان مرررررررة لانهم قد بعض ومن هم صغار مع بعض أما هو يميل لها لكنه مايحب يبين ابدا الأنو ما يبغى يستبق الأحداث ومحد يعرف بحبهم غير ديمة كل واحد فيهم قلها وامنها ما تقول لثاني وهي اكيد حفظت السر وهذا طبعها تحفظ اسرار العائلة كلها ولا حد يدري عن سرها ابدا والكل ما شالله يحب يتكلم معاها وجلسوا يتكلمو عن كل شي يخطر في البال وكالعادة كل البنات اتقسموا عشان كل مجموعة تتكلم براحتها وحتى الشباب نفس الحكاية
ماعدا عماد(عماد شاب عمره 23 سنة لونه برونزي عيونه خضراء وشعره بني ولد هاااااادي ومحترم لكنه جبان وضعيف بسبب امه الي دايما تحطمه لانه يحب اهل ابوه ودايما تقوي اخته امجاد عليه طبعا هو له دور في حياة ديمة ولكن بالمقابل ديمة راح تغير شي من حياته ) كان يفكر في ديمة وهو بصراحة ينجن عليها وما يحب غيرها بس هي على نياتها ماتدري وهو كان عازم انو يصرح لها بحبو بس مو عارف كيف خصوصا وان علاقته بأخته امجاد مو مرررررة قوية و كان جالس في مجلس الرجال لوحده لأنو كلهم خرجو الحوش عشان بعضهم كان يدخن وما حبو يكتمو المكان
وتذكرو لمن ديمة دخلت تسلم كانت نسيت جوالها والبنت داخله وهي ماتدري والمشكلة كانت قبل شوي بتجري في الحوش وطبعا الشعر مظلة ودخلت وهي تلم شعرها ( بركة ) ومهي منتبها للأخ الي جالس ومن يوم ما دخلت وهو فاتح فمه ماتوقع امنيته تتجقق بدي السرعة
ياترى ايش راح يصير ؟؟ حي قولها ولا لا ؟؟ كيف حتكون ردة فعلها
ايش حتسوي فالإختبارات وايش حيكون تاثير النتيجة ع حياتها
 

#أميرة قلب#

๑ . . عضو بقراطيسة . . ๑
التسجيل
29 أغسطس 2009
رقم العضوية
10880
المشاركات
30
مستوى التفاعل
1
العمر
31
الجنس
الإقامة
مملكتي }~
رد: {تحارب الحب }...رواية من وحي الحجاز / أميرة قلب

(البارت2 )
دخلت ديمة المجلس وهي تعدل شعرها الطويل وتبحث عن جوالها وما انتبهت لعماد الي جالس وحيد يفكر بها وكيف يقولها عن حبه الشديد لها .... ولمن دخلت لم يستطيع ان ينبها بأنه موجود كان متعجب كيف تحققت امنيته بسرعة وكان يردد بينه وبين نفسه ماراح اضيع الفرصة ابدا مستحيل وفي نفس الوقت حست ديمة بأنو في احد في الغرفة التفتت وتفاجأت لقت جوالها جنبه ما عرفت تهرب او تاخذ الجوال اتجمدت مكانها حاولت تتحرك بس كل عضلة كانت مهي راضية تتحرك وجلست لعدة ثوان مبلها (مصدومة ) فيه وفي نظراته الغريبة عليها واستجمعت قوتها وخرجت وما وصلت لعند الباب الا وصوت عماد المرتبك _ د... ديمة لحظة اوقفي
- ردت من ورا الباب بصوت خائف عماد اعطيني جوالي الي جنبك _
عماد _ راح اعطيك ولكن بشرط
ديمة _ خير
عماد _ اسمعيني لمن النهاية عندي موضوع مهم لازم أقولك اياه
ديمة استغربت من متى بينه وبيني مواضيع _ انا .... ايش الموضوع ؟
عماد _ ديمة الموضوع إلي راح أقولك اياه لازم تفكري مزبوط لأنو مصيري وانا يمكن اخترت الوقت غلط لأنو يعني اختباراتك و....
ديمة _ عماد لو سمحت انا ما أحب المقدمات ترى وترت اعصابي
عماد _ اسف .... ديمة انت بنت ......ما شاء الله.... فيك الصفات الي يتمناها أي شاب (ديمة بدأ قلبها يدق بعنف اكبر من أول ) ديمة معايا حس عماد بأنها راحت فهز الباب _ دييييييييمة
ديمة _ معاك عماد كمل
عماد _وانا يعني ... (زاد توترها وخوفها ) ديمة أنا أحبك
كانت هذه الكلمة بالنسبة لديمة كالقذيفة التي تفجر الأجساد وفجرت هي الذكريات لقد تذكر ذالك اليوم الكئيب
راحت الصور تتابع ... والذكريات تتدافع والأصوات ..... ودموع تجري على خدها
وراحت تجري وتركت عماد في حيرة وجوالها يرن في يده
دخلت ع بنات عمها والدموع تجري
صرخت أمجاد _ ديمة ايش بك * الجميع مندهش أول مرة يشوفوها في دي الحالة تبكي وجسمها يهتز
دينة جرت لأختها وحضنتها _ ديمة ايش حصل برى
ديمة ردي وديمة مهي حاسة بشي ... فقط تتردد في أذنها كلمة أحبك ... وذاك المشهد الذي حضرته في ذالك اليوم
ساعدتها عبير ودينة وطلعوها فوق وعلامات الإستغراب على وجوه الجميع
دانية دخلت ع الحريم ووجهها مصفوق والخوف يرسم معالمه ع وجهها البريء
سألتها عمتها (نجاح ) دانية اشبك ؟؟؟
دانية والخوف واضح في صوتها_ ماما دينة تبكي ومنهارة مدري ايش صار
قامت جدتها وهي تقول _ بسم الله ... فين بنتي ...
حياة (امها ) _ فينها دحين ؟؟
دانية _فوق فغرفة عمو ريان
قامت أمها وجدتها وعمتها وباقي الحريم بسرعة للغرفة وشافوا المنظر الي يقطع القلب ديمة تبكي بنهيار وماسكة عيونها وتقول حرااااااام حراااااام
الكل مستغرب ... قامت جدتها وحضنتها بقوة وامها تسمي عليها جات عبير بكاسة موية وهم يهدوها
اتصلت دينة ع مازن ... ماتعرف ليه عملت كده ... بس كان عندها احساس انه مازن هو الوحيد الي يقدر يفهم الي صار
دينة بخوف _ ألو مازن
مازن يستغراب _ نعم دينة ايش صاير
دينة _ الحق ع ديمة
مازن بعصبية _ خير ايش صار
دينة _مدري ديمة جات من برى وهي تبكي وحالتها حالة
مازن بسرعة _ طيب دحين داخل
وقفل وقام من عند الشباب وهم مستغربين من تغير حالته المفاجئ من الفرفشة للعصبية دي
سارة (بنت عمتها أروى ) والدموع من عيونها_ ديمة قولي اشبك حرام ستي وامك قلبهم بيتقطع عليك اتكلمي الله يخليك
وديمة لا حياة لمن تنادي بكاء مستمر
وكل البنات والحريم يهدوها حتى دانة تقول _ ديمة لا تبكي الله يخليك خلاص حخليك تجلسي جنب بابا والله بس لا تبكي >>ياقلبو عليها
_ دموعك غالية يا ديمة وما في شي يستاهل دموعك قالها مازن وهو يدخل للغرفة
وقتها كل البنات اتعلقت عيونهم فيه وهو مو مهتم أهم شي عنده الآن يفهم ليه ومين الي يخلي دموع ديمة تنزل وحالتها تسير كده
بعدت سارة وامجاد عن طريقه وجلس ع السرير ورفعت راسها لوقت مازن أكثر شخص تحتاجه في ديك اللحظة اتحررت من يد امها وجدتها ورمت نفسها في حضن مازن أخوها وكاتم اسرارها الوحيد الي ما يحسها زي الجميع غامضة لأنها قدامه زي الكتاب المفتوح
حضنها بقوة أكبر وجلس يمسح دموعها وهي تتمسك في أكثر وتقول ... حرام الي عمله يا مازن ما كانت تتستاهل حراااااااااااااام
مازن فهم اتذكر ذاك اليوم الي من بعده ديمة كرهت الحب بس ايش الي فكرها فيه لايكون شافت حبيبين فالشارع وابتسم ع تعليقه السخيف وقال _ ستي ماما معليش اخرجو انتو والبنات ابغى اقعد مع ديمة لوحدنا وافهم الموضوع
امه طبعا عارفة ان ديمة ماراح تخبي شي يخصها عن مازن وقالت _ طيب بس حتقولنا ايش السبب
تنهد وقال _ ما قدر
_ وليه ؟؟ وعندها زاد تمسك ديمة في مازن وكنها تقوله خلاص خليهم يطلعوا تعبت
قال بنبرة عصبية _ ماما خلاص ديمة تعبانة ارحموها
خرجوا كلهم وكل واحد قاعد يفكر ايش الشي الي ممكن يأثر على ديمة ويخليها بهذا الإنيهيار
الكل محتار ولحد يعرف غير ديمة ومازن و......(أنا طبعا )
اما عماد فهومذهول مو عارف ايش الي صار خرج عند الشباب وسأل عن مازن قاله عبد المحسن _ دخل جوا وشكله الله يعلم ايش الي صاير
تنهد وشاف مروان _ وكان يتكلم في الجوال واثار الحزن ع وجه
_| طيب دانية خلاص لا تبكي مدام مازن معاها هي بخير خلاااااااااااص وسكر وهو في حالة من التفكير
جلس ... جاه عماد _مروان دخل الجوال جوا شكله حق وحدة من البنات >>بريء مو عارف
طالع مروان في الجوال ... وقال هذا حق ديمة ايش جابو عندك؟؟
عماد _ مدري لقيته في المجلس
_ تنهد مروان وقال طيب
طالع لقى أمونة(اماني ) بتتصل
ارسلها رسالة (ديمة نايمة ولا تتصلي عليها اليوم )
أماني انقهرت وقالت_ أكيد هاذي حركات الزفت مازن طيب انا اوريه اذا دق ع فراس >>>فراس داخل جو مع كل العايلة كبيرهم وصغيرهم والكل يتصل عليه عااااااااااادي يتكلم ماهمه شي
وعند ديمة ... مازن دودي دحين البكا دا كله والحالة عشان قالك أحبك
طالعت ديمة فية بحقد ... مازن انت تعرف دا ايش بعني يعني ممكن الي سار لهيفاء يسيرلي
مازن بجدية _ موشرط هيفاء الظروف هي الي سوت فيها كدا
دينة _ لا مو الظروف الحب يا مازن الحب وراحت تبكي
مازن قام وحضنها _ يعني أنا احبك حعمل فيك كده
ديمة _ انت غير انت اخويه وماراح اهون عليك
ابتسم مازن وقال _ يعني موكل حب نهايته زي هيفاء
ديمة _ أنا ماقلت كده بس الحب الي قبل زواج نهايته كده
مازن _ موشرط ديمة ... هيفاء لو كانت تدري انو كل دا راح يسرلك كان مافكرت تصاحبك حتى خلاص هي راحت وانتي مو لازم تروحي كمان وتسيبيني وحيد .... ديمة انتي لازم تفكري اكثر في كلام عماد وكلامي مو شرط عماد يكون هو الحبيب بس أنتي يا عمري راح تواجهي ناس وحياة يمكن انا ماراح اكون جنبك فيها ديمة قومي صلي ترى حترتاحي ... وابتسم مو دا كلامك
ابتسمت ديمة ابتسامة صافية رغم الدموع الي بتجري ع خدها مسح مازن الدموع وقال يلا يا دكتورة
قامت واتوضت وحست ان كل الإنفعلات راحت مع الوضوء وحرارتها كلها اتبخرت وقامت وصلت ومازن يفكر
ياترى يديمة ايش راح تسوي ؟؟ الحياة كبيرة ومحد ضامن عمره واذا سبتك مين راح يفهمك ويعرف ليه انتي زعلانة
مين الإنسان المناسب لك عماد ما أظن ... عماد ضعيف الشخصية وامه متسلطة وراح يزيد جراحك
عبد المحسن .... طايش ومو داري ربنا فين حاطه ومعتمد كليا على عمي انتي تحتاجي رجل أقوى مني يحتويك وقت الحاجة يضحك وقت الضيقة شخص يفهم الرجولة عشان ما تكرهي الرجال أكثر .... الله لا يوفقك ياعبدالله زي ماكنت السبب في الي ديمة فيه
ياربي ... وتنهد كانت ديمة خلصت صلاتها وكانها فهمت اخوها بفكر في ايش
ديمة _ مازن اعرف نحن الإثنين معتمدين ع بعض كثير بس لازم يامازن راح يجي اليوم الي كل واحد فينا يبعد ويروح اما للقبر او لحياه اختارها بإرادته ... مازن لا تفكر في أنا يامازن راح امشي في الدنيا بقناعتي ... سيبني اتحمل نتيجة أفكاري سيبني أجرب وأغلط واكسب
مازن _ ديمة بس في أخطاء الواحد يندم عليها عمره كله وانا ما ابغاكي تندمي ابدا
ديمة _ مازن 17 سنة معايا ما فهمت ديمة يامازن انا راح اوعدك زي ما وعدت نفسي اني عمري ماراح اندم على قراراتي مهما كانت النتيجة لأني كنت مقتنعة وخلاص
مازن _ ديمة فكري أكثر نحن في زمن الحياء اختفى والكل يتمنى أنهى يعيش قصة حب وخاصة مع وحدة زيك
فيها العقل والحكمة والعاطفة والحنان ديمة الرجل يحتاج انثى زيك تحتويه وتخفف مصايبه
ديمة _ مازن اتركني للأيام يمكن تغيرني
ابتسم مازن فهو يعرف اخته وانها مدام قالت دي العبارة في أمل ولكن كيف ؟؟؟
خرج مازن وأعين البنات تتابعه دانية ودينة كانو يبغوا جواب يشفي حيرتهم وخوفهم على أختهم سارة وأمجاد كالعادة يتفحصو شكله الوسيم ... ولبسه ومشيته وهاذي عادتهم مع كل الرجال رغم أنهم في غرفة ثانية الا انو عيونهم ع الباب يراقبونه وهو يتكلم
أمه _ ها يا مازن قالت لك شي
سكت مازن وقال بعد ثواني _ ماما لاتخافي هي بخير
سته (جدته ) _ كيف بخير ةهي حالتها ماتسر عد ولا صديق
مازن _ يا ستي هي بخير صدقيني ولا حد يتكلم معاها في الموضوع سيبوها هي قالتلي وخلاص
عمته نجاح _ كيف يعني ما تبغانا نطمن عليها ونعرف ايش الي صار
مازن وبدء يغلي من القافة حقتهم _ عمتي بختصار اتذكرت صحبتها الي ماتت وخلاص مقدر اقول اكثر من كده وخرج
عند الرجال _ ابوه ايش فيها ديمة يا مازن
مازن وهو يطالع في عماد _ ولاشي افتكرت صحبتها الي ماتت
أبوها _ الله يرحمها ويعني كلمها ماتكون حساسة كدا فجعتنا عليها
سيدها (جدها) _ ايوة الدنيا مايبغالها ضعف وكيف حتدخل طب وهي كده ايش حتبكي اذا شافت الولد مسخن
ابتسم الجميع من كلام جدهم الي يحاول انو يحدد مستقبل ديمة زي ما حدد مستقبل أولاده وهو يعتبرها أكثر من بنت له
مازن _ بس يا سيدي لا تفتح معاها الموضوع ترى يدوب هدئت
سيدهه بغيظ _ طيب
جا مازن وجلس عند عماد _ عماد
عماد بطراب _ نعم
مازن _ عماد الي صار بينك وبين ديمة اليوم لا تقوله لأحد
عماد_ ليه هي بكيت انا ماقلت شي وكلامي مايفكرها بصحبتها مالو علاقة أصلا
مازن _ عماد صحبتها ماتت في نفس اللحظة إلي اتقدملها فيها ولد عمها بعد قصة حب وهي شافت الموقف كامل وصحبتها ماتت قدامها وانت عارف كيف ديمة حساسة وتتأثر بسرعة والمواقف الحزينة ترسخ في دماغها >>>ترقيعة حلوة فيها شي من الصحة والكذب
عماد _ الله يعينها ع الدنيا ومو الي راح يسير لصحبتها راح يسي رلها بس يعني ايش مصيري معاها >>>سؤال يقهر
مازن _ احسن لك تنساها والحالة الي مرت فيها هي عدتني انها تتخلص من الذكريات المؤلمة
عماد يشي من التعجب _ مدام في امل ليه ما استنى
مازن _ ديمة ر افضة زواج الأقارب
سكت عماد لانو حس مافي فايدة من الكلام مع مازن وكان مستغرب ان مازن يتكلم بثقة وكانه واثق من ردود ديمة مرة
وفتكر الكلام الي يسمعه من اخواته وامه وابوه عن العلاقة بين مازن وديمة كيف قوية وحلوة والكل يتمنى انها تكون بين عياله >>>كل ذي نعمة محسود <<<وبكذا انتهى اليوم والكل بين استغراب ومو مصدق مازن وخوف ع ديمة من حساسيتها
لكن مازن كان واثق من أخته بشكل كبير بأنها راح تنجح وتتغلب ع الماضي وأن نفسيتها راح تتحسن لأنها بكرة راح تروح عند اماني الي يكرها واخته تحبها
مووووووووت
وفي اليوم الثاني راحو عند اهل أمهم ودينة وصت امها انها ماتقول أي شي عن الي سار أمس مهي ناقصة اسئلة ومن أول ما دخلت لقت أماني عند الباب وبعد السلام بدأ الكلام أماني _ دحين أمس كم مرة اتصل ليه ما تردي
دينة _ أسكتي أمس تعبت عليهم ودوني المستشفى >>>كذبة أتفقت مع اهلها عليها <<<لقو عندي هبوط في الضغط والحمد الله عدت على خير
أماني ... مممممممم عشان كده عمنا مازن خايف عليك
ديمة _ ليه ايش صار عسى اضاربتو
اماني _ ابدا راسلي دي الرسالة من جوالك (ورتها الرسالة )
ديمة _ هههههههه أصلا دي الرسالة رسلها مروان حرام ظلمتيه
أماني _ليه مروان انعدى من المغرور
ديمة _ لابس كان معصب وزعلان علي (تقولها بغرور)
أماني _أيش بك سرتي زيه
ديمة _ أموت واعرف ليه ما تطيقوا بعض ؟؟
أماني _ أن عن نفسي لأنك تحبيه أكثر مني وتقليلوه أشياء ما تفكري تحكيلي عنها وهو شايف نفسه
ديمة _هههههههههههههههههه غيرة والله أنكم سخفا بشكل الله يعنني عليكم
وعدى اليوم ع خير ولا أحد حس بشي والحمد الله
والآن حبايبي توقعاتكم ..... ايش هو السر الي محد يعرفو غير ديمة ومازن ؟؟ وكيف ديمة حتتغلب على ذكريات الماضي ... والعلاقة بين أماني ومازن في أمل أنهم يحترموا بعض
 

#أميرة قلب#

๑ . . عضو بقراطيسة . . ๑
التسجيل
29 أغسطس 2009
رقم العضوية
10880
المشاركات
30
مستوى التفاعل
1
العمر
31
الجنس
الإقامة
مملكتي }~
رد: {تحارب الحب }...رواية من وحي الحجاز / أميرة قلب

البارت 3
بعد شهرين ....
ديمة نسيت أو تناست الي صار وانشغلت بالدراسة وارتاحت لمن عرفت ان مازن كلم عماد وخلاص حست انو عماد حيشيل الفكرة رغم انه عماد كان مستحيل ينساها مهما حاول ومسكين مو قادر ابدا وكل ما يسمع اسمها اوصوتها يحس بسكاكين لانه اتخلى عنها وهو حاسس انها محتاجه أحد غير مازن وانه كمان مو قادر يوصل للي بيغاه دايما يستسلم بسرعة وحس بالغيرة من اولادعمه وخاصة مازن وعبد المحسن الأول يحقق كل شي بإصراره والثاني بفلوس أبوه وقرر انه يتكلم مع مازن بعد الإختبارات لان امه عاملة حظر ع الجولات كالعادة كل سنة
أما ديمة رجعت تذاكر وتجتهد خاصة وانها خلاص ايام اختبارات والكل متأمل فيها خير وهي بذات متأملة خير عشان تحقق حلمها
طبعا أمهم عملت حظر تجول >>> متأثرة بالأخبارعشان ديمة تذاكر وتركز أكثر وكمان دينة ممنوع تدخل غرفتهم المشتركة عشان ديمة تذاكر والتلفون محد يرد عليه عشان ديمة تذاكر ووووووووووو كثير من الأشياء الي خلت الباقين تجيهم هسترية من الدراسة ويدعو انو الإختبارات تخلص على خير وانها تتوفق ويرتاحوا
ومرت الإسبوعين بسرعة ع ديمة (طبعا مو الدنيا قايمة عشان حضرتها) وبثقل ع الباقين وجا اليوم المنتظر الأربعااااااااااااااااااااااء
مروان ومازن ودانية ودينة متحمسين مرررررررررة وحتى ما قعدو في مدارسهم كالعادة كل سنة س 11كلهم في السيارة ما عدا ديمة الي جلست عشان تودع صحباتها
وطيران كلهم ع الحمراء راحوا فطروا في الشامي >> يالتني معاهم
وراحوا اشتر ولهم اسكر يم من جيلاتو >> من تأثير الجوع
وشوية مشيوا على البحر وطبعا أنواع الهبالة في السيارة والسواق مطرطع خلاص ولع منهم وقال( انا لازم روه جيب ديمة ) >>يبغى يرتاح
رد عليه مازن الي طبعا موعاجبه الوضع لأنو متعشم انو هو الي يسوق بس أبوه رفض _ سوق وانتا ساكت اصلا ديمة قالت الساعة وحدة ويا حبيبي نحن حنروح نتغدى معاها ومنا راجعين الا الساعة 2:30 وهذا اذا رجعنا أصلا البيت اليوم >>حابب يرفع ضغطه
سكارنو (السواق) _ ليه ديمة في قول يبغى روه كلو هدا
مروان _ ايوة
سكارنو استغرب ديمة اصلا ما تحب تخرج ايش الجنونان دا
اما الباقين خافو يتفشلوا من ديمة الي اتوقعوا تكون معصبة او زعلانة زي كل يوم
\\
//
نسبهم شوية ونروح نشوف ديمة ايش بتعمل
في المدرسة كانو كل تالت ثنوي حالتهم هو كلهم يبكو وكل وحدة تتسامح من الثانية وكانت ديمة مع صحباتها تاكل من كيكة كبيرة مررررررررة حطو عليها صورهم وهم صغار وكانت اشكالهم فللللللللة وقعدو يقارنو اشكالهم في الصور ودحين وعزمو المدرسة كلها ع الكيك وحتى الأبلات والمديرة والدنيا كلها وقالت وحدة من البنات الله يرحم هيفاء كانت حتنبسط ديمة نزلت من عينها دمعة وحاولت تبعد عن التفكير وكملت الحفلة
س1:00 جو ياخذو ديمة الي من يوم ما نادا اسمها سمعو صوت صرخة قوية كانت من توالت كلهم رغم ان ديمة مهي شخصية الا ان المدرسة كلها كانت تحبها بسبب طيبتها وحتى الناس الإلي علاقتهم فيها عادي قامو وحضنوها بقوة وكلهم يدعولها انها تحقق احلامها وتفرح اهلها وتفرحهم وصحباتها يوصوها وهي خارجة_
_ دودي لا تنسينا_
_ كلمينا
وجا دور صحبتها رجاء وهي اعز صحباتها حضنتها بقووووووووووووووة وقعدو يبكو خصوصا ان رجاء حتخلص ثنوي وتسافر الدمام بسبب عمل زوجها
خرجت ديمة وعيونها حمراء وتشهق من البكاء
ودخلت السيارة سلمت وقعدت حاولو كلهم يخرجوها من جو الكائبة وقعدو يغظو ا (يقهرو)في سكارنو عشان تضحك
_مروان _ سكوكي (يدلعه)
سكارنو_ مايرد
مروان _ سكوكي حبيبي روح اشتريلي من بننوس ( وهو يأشر ع المحل )
سكارنو بعصبية _ طيب هات فلوس
مروان بدلع _ لا اااااااا اليوم اخر يوم نبغى على حسابك
سكارنو _ لا والله ليه انتا في شوف انا مدير بنك
كلهم يضحكوا ...... ههههههههههههههههههههههههههههههههههههههههههههه
مازن _ امسك روح اشتريلنا بسرعه ( وهو يعطيه فلوس )
سكارنو _ ايش يبغى ؟؟
كلهم قالو له طلباتهم ........ وخرج
مازن _ يا حلوين ايش رايكم نفلللللللللللها
دينة _ ليه عندك أكتر من كده فلة
مازن _ لا تتحدي يا دينة
وقام وراح مكان السواق وشغل السيارة ودعسسسسسسسسسسسسس وطبعا طار مو ساق وقعدو ربع ساعة ورجعوا ع المكان والسواق معصب مررررررررة ولا اشترالهم حتى ودخل ورمى الفوس وحلف انو ليرجعهم البيت الآن >>>طبعا مستغربين ليه هو مرررة شايف حاله معاهم بس هو من زمااااااااان معاهم له 18 سنة يعني يحقله <<<< المهم راحوا وقالوه خلاص ودينا تشلز لكن مارضي وقالهم _ اشان انتا في سوي مشكل انا راه ودي انتا بوفية هدا بس اعشان اكر (اخر ) يوم مدرسة
دينة _ شكرا عمو سكارنو ع هدا كرم انا ما يتوكع(يتوقع) أنو انتا كدا
طبعا كلهم ضحكوا وسكارنو كتم ضحكتوا ونفذ وعده ورجعهم البيت بس وداهم مكدونلز ( رحمة بهم )
\\
//
نسبيهم ياكلوا براحتهم ونروح عند فراس واماني
فراس _ أمونة ... اتصلي ع ديمة
أماني _ وليه
فراس _ هم خارجين يتمشوا ويعني يمرو علينا
أماني _ طيب قوم نروح نحن لوحدنا ما يحتاج نتصل ونزعجهم ونرفع الضغط لنفسنا
فراس _ ايش اسوي اقعد معاك ؟؟؟ على الأقل مازن ومروان يحبوا يتريقوا ع الناس ويضحكوا
أماني _ اصلا لو المغرور معاهم مني رايحة واذا تبغى اتصل بنفسك
فراس _ أحسن ... أصلا مازن مسكين يسكت لك عشان ديمة واذا رد عمري ما حسيت انه حاول يأذيك بس عشان ديمة وانتي عارفة انه يقدر يرد عليك ويخليك تبكي
أماني بعصبية _ أحسن انه في أحد يوقف بوجه وانت ايش الحب الي نزل عليك
فراس بثقة _ لاني خايف تخسري ديمة وانتي عارفة انه أكثر واحد تحبه ويهمها زعله
أماني _ دحين نحن ع دا الحال من نحن صغار وديمة عارفة انو عشان نحن نحبها وكل واحد يبغى يكون هو الأقرب لها يعني نحن متفاهمين وعاااااااااااادي وانا بصراحة ما أزعل من كلامه لانو تبلد عندي الأحسااااااااس وعادي
فراس طفش من أخته وحس بمروان لمن يقوله عن اسلوب ديمة ومازن _ اقول الحمدالله انك وحدة الله يعين مروان عنه اثنين
نرجع لشلة الأنس الي اتفقوا مع فراس وعبير انهم يفلوها في الليل
رجعو البيت وأكيد مت غدو ولا حتى سلمو ع امهم وابوهم كل واحد طار ع غرفته ويدوب ناموا
العشاء ....س 10 .. امهم _ قوموا يلا خلاص نوم ايش دا ؟؟
وساعة الين ما قاموا صلوا الي عليهم ولبسو استعدو ا
أمهم _ على فين انشا الله
ديمة _ نتمشى
قالت بحزم _ طيب تاخدو دانة معاكم ولا مافي سهر
فهمو قصد أمهم لأنها عرفاهم ميحبو يطلعو مع دانة الدلوعة
إلا ديمة ردت بسرعة _ طيب هي لابسة
أمهم_ دقايق وراحت لبستها
كلهم لامو ديمة على كدا مازن _ ايش الذكاء دا في احد ياخذ الهم معاه
ديمة عااااااااادي اهم شي مانرجع البيت الا 8 الصبح عشان دانة معانا
دانية _ والله تعرفي تردي ديمة _ تربيتة أحمد وخالد لا تخافي ( أجدادها )
وخرجوا ع بيت فراس واماني الي مارضيت تروح تقول ما لها خلق لمازن ( أحسن..... مازن كان مخطط انو يوريها الشغل زي الناس لأنه كان ساكتلها كثييير خايف تدعي عليه وبعدين ما يجيب درجات عدله ومايشتري السيارة الي نفسه فيها ) واخذو عبير
وفعلا راحو يتمشو في شارع التحلية وراحو الصريفي ميجامول >>> ياحظهم <<< ولعبوا واشتروا وبعض البنات (الله يهديهم ) عيونهم مانزلت عن مازن ومروان >>> حتى البريء دا ........ دانة لمن طفشت وبأدت نوبة الدلع وخلاص قرروا يروحو يتعشوا وعشان يطول الطريق راحو تشلز وطبعا زحمة
في تشلز دخلوا وجلسو ع الطاولة الي لقوها فاضية
كان قدامهم في طاولة بنات أشكالهم لا حول ولا قوة الا بالله مكياج والعباية فستان والدنيا دنيا وعيونهم ما نزلت عن مازن
وقاعدين يحاولوا يلفتو الانتباه بأي طريقة ساعة يضحكوا بصوت عالي مازن _ يا الله ع ضحكة سيد قشطة دي
الجميع _ ههههههههههههههههههههههههههههههههههههههههه
وحدة منهم _ والله لا اوريكم فيه اذا ما سمعتكم المكالمة اليوم
الثانية _ بس شكله ثقيل من أول نحاول ولا فيه فايدة وقاعد يضحك مع المعقدات الي معاه >>>لانهم متغطيات شوفو الزمن
رن جوال ديمة .... طبعا أماني .... ردت وهي ميتة ضحك لان مازن ومروان وفراس ما سابو شي الا وتكلمو فيه
مروان _ مازن ليه الأسهم نازلة دي الأيام
مازن وهو يطالع في عبير الي عاملة فيها عاقلة وتضحك بهدوء >>>من زمان ما طلعت مع مروان اعذروها
_ يقولو ان وحدة اسمها عبير جعفر >>>عمهم الكبير ابو عبد المحسن <<< جلست عليها وطاحت
ضحك مروان وفراس الي زاد عليها الإحرج من مروان وردت بجرئة متوقعة _ لا يشيخ اسكت بس يا بنت شكلك انت الي حطيح الي وراي
يرفع حواجبه بغرور _ قولي انك غيرانة من جمالي ورقتي ونفسك يكون عندك ربعها
ديمة _ بسسسسس هههههههههههه خلوني ارد
ديمة _ هههههههه ايوة ههههههههه امونة
أماني _ اشبك تضحكي ..... دا كله فرحة عشان ما جيت
ديمة _ مهي قاااااااااادرة لأن مازن ومروان قاعدين يستعبطوا
مازن _ شوف دي كنها لابسة روب نوم وقلك موضة
مروان _ ايوة شكلها نعسان وقالت مرة وحدة البسه عشان ابو العيال
فراس _ أي ابو عيال ياعسل هاذي حتروح بعد شوية عند دحيم
مروان _ لا الإسم قديم قول هتان ريان سلطان كده ينفع
وكلهم يموووووووووتوا ضحك على التعليقات الي ما هي راضية تخلص وهذا بالإضافة الأنهم كانو في حبسة لمدة اسبوعين >>اعذروهم
ديمة مهي قادرة تكلم اماني ... قام مازن واخذ الجوال (مهو داري انها أماني )
مازن _ الو
اماني _ ليه ماخذ الجوال رجعه
مازن انصدم كان يحسبها أمه أو أم فراس أو حتى ام عبير ارحم من الكريه دي (بالنسبة له ) لانو ماكان سامع من الضحك _ ولا شي بس نحن نبغى نستمتع بدون صوتك النشاز ورخى وأماني ولعت
و الباقبن يضحكو ع شكل مازن الي انقلب من أول ماسمع صوت أماني و طبعا البنات مستغربين ليه بضحكوا من أول
نسبيهم يضحكوا ونروح لمكان ثاني مو مرة بعيد عند أبوها
جا له عمها ابو عبد المحسن جعفر
أبو مازن _ أهلا وسهلا بابو عبد المحسن نور البت
ابو عبد المحسن وهو يتأمل البيت _ الله يسلملك
أبو مازن _ لا تتأمل البيت زي ماهو ماتغير نفسه من قبل ما قطعتنا
ابو عبد المحسن _ الله لا يعيدها من أيام وانا جاي اعيد الايام الحلوة
ابو مازن _ كيف ( وهو يمد له كاس الشاي )
ابو عبد المحسن_ شكرا ... والله انا جايك عشان اخطب بينتك ديمة لعبد المحسن وانت عارف ان عيني عليها من زمان
أبو مازن _ والله ياخويه بصراحة ديمة ما تنفع لعبد المحسن
ابو عبد المحسن_ وليه
ابو مازن _ يعني عبد المحسن ماعنده وظيفة ولا معاه شهادة وديمة الله يحفظها ما شالله من المتفوقات
ابو عبد المحسن_ لو على الوظيفة فلوسي مو جودة والي تبغاه انا حاضر
أبو مازن _ أنا ابغى ازوج بنتي لرجال مو لولد لساته ياخذ المصروف
ابو عبد المحسن انقهر _ ع العموم انت شاور البنت وردلي في أقرب فرصة
أبو مازن _ يسير خير بس لا تتوقع الوافقة
ابو عبد المحسن_ طيب مع السلامة
ابو مازن _ اجلس اتعشي
ابو عبد المحسن_ مشكور عشاكم ناكله يوم الملكة مع السلامة
أبو مازن _ مع السلامة والله يكتب الي فيه الخير
أبو مازن مو عارف كيف يفتح الموضوع مع ديمة لكنه اتوكل على الله وكلم امها ومها ما قالت شي اصلا متعودين ان ديمة تاخذ قرارتها لوحدها ومهما عارضو رايها راح يمشي وابوها طلب هو الي يكلمها
نرجع لشلة الأنس....
و الا ومروان ومازن وفراس وعبير والبنات كلهم خلاص شالو ثوب الحياء من فراس( الا ديمة الي من يوم ما صار الي صار مع هيفاء وعبدا لله وهي ما تتكلم معاه كثير وبالصدفة اذا مزحت او اعطته وجه ) طايحين في البنات تريقة
ولمن جا الويتير بالاكل لقو ورقه مكتوب فيها (يابو اسود خيلتني ... بياضك محيرني ... وعيونك عذبتني ... وشعرك مخيلني .. حرام عليك عبرني ) وتحته رقم ومكتوب لميس ( مازن كان لابس بنطلون جينز وبلوزة سودا كم طويل وعليها كلام بالفضي وشعره مطيره على ورا شوية وابتسامة الواثقة الي تذوب الرجال ولا تفهموه غلط ابدا ماقصده يلفت الإنتباه بس دي تسريحة ديمة الي دايما تعمله هيا )
مازن انغاظ ( أي دي الوقاحة )
الباقين استغربو لأن حواجب مازن طاااااارت فوق وباين ع الوجه الإستهزاء مروان وفراس بسرعة أخذو الرقم وقال فراس لمييييييييييييييييييس
مازن كتم غيظه وابتسم ابتسامة جذابة ولا احد يقدر يقاومها
وراح لعندهم وقال بصوت ناعم مين لميس
قالت وحدة منهم بخجل مصطنع : أنا لميس
ابتسم بثقة _ كنت متوقع
ضحكت بنعومة
ابتسم مازن وجلس وتحول صوته من ناعم الى زئير اسد _ وقال لو تبطلي ضحكة سيد قشطة دي ترى احسن وترى السخافة الي بتعمليها انتي والقطيع االي معاك ما تجذبني ابدا ومو عشان ربي اعطاني شي من الجمال اقعد العب ع بنات الخلق
ردت وحدة منهم بعصبية وبدون تفكير _ والي قاعد معاهم ايش يتسموا
ضحك بشكل مستفز وقال _ ما كنت متوقع انو لمن ندخل المطعم لازم نطلع بطاقة العايلة
ولو سمحتي يا ست لميس أقترح تغيري اسمك لتميز
قامت وردت لميس بقهر شدييييييييييد وعصبية _ وليه ياسيد مغرور
ابتسم ابتسامة الإنتصار وقف _ لأنو ما يعمل الحركات دي الا الي حاس بالنقص واتي تشوفي البنات الي جالسين معايا ترى والله انك ما تساوي ضفرهم في الجمال لاكنهم واثقين جدا من نفسهم وما يرمو نفسهم على خلق ربي
وتاني مرة لا ترقمي ولد متربي عشان لا يمسح مكياجك بديتول
ورمى الورقة ع الأرض واتعمد انه يدعس عليه
والبنات ماااااااااااااتو من القهر وما عرفوا ايش يردو وطلعو
اما هو فرجع لشلة الانس وكملاو السهرة وكل شوي أمهم وام فراس يدقوا
_متى حترجعوا
_ شوية
_دحين
_الطريق زحمة
الى ما يئسوا الأمهات وهم طفشو وقفلو الجولات
وقعدو يتمشوا الى الفجر وراحو يفطرو ع البحر وكانت ديمة عاجبها البحر مرة في الفجر واقفة تتفرج وعيونها تراقب الشمس
سألها فراس وهو يحاول انه يتقرب منها لأنه مرة كان يعزها أكثر من أماني وامه وفجاءة اتغيرت_ ايش الي يحسسكِ فيه البحر وقت الشروق ؟
ديمة _ ردت بدون تحس بأن هذا فراس: البحر بإن الدنيا كبييييييييرة ولازم تغدر فينا ونحن لازم نكون ربان ذكي عشان نتغلب عليها والفجر انه في امل اننا ننسى الماضي ونبدأ حياة جديدة
سكت فراس لأنو ديمة في اللحظات دي تسير أديبة وهو مايحب الشي دا
وقعدو الى الساعة 8 ورجعوا وطبعا البيت هدوء
دانة _ ديمة أنا أحبك مررررررررة عشان خليتني اتمشى معاك ولعبتي معاي مو زي اول بس تصرخي علي عشان الإختبارات
ابتسمت ديمة وباستها ونامت جنبها
اليوم الثاني .......... ساعة 2 الظهر
الاولاد دوبهم صاحين بعد ما سمعو صراخ ابوهم ع السفرة
ابو مازن _ ماشالله دا ايه غدى ولا فطور كل اجازة ع دى الحال ما سارت ومع الأيام ماراح اشوفكم
ديمة وصوتها كله نوم وداخلة بكوب الحليب _ ليه ماراح تشوفنا
أبو مازن _ عشان راح تصحو الساعة 4 وتنامو مدري متى
مازن _ اوعدك يابويه اني راح استفيد
ام مازن _ وكيف
مازن _ مممممم ابغى اشتغل في الشركة مع ابوي وجدي
أبو مازن _ بس بشهادتك راح نحطك في السنترال
مازن _ عادي اهم شي فلوس وتغير
ديمة _ وانا ممممممم يا اما راح احضر للجامعة او راح اتجهز للمفاجأة
مروان _ ايت مفاجاة
_ مفاجاء وبس اذا سار الي في بالي راح اقولكم واذا ما سار خلااااااص انسو
دانية _ طبعا مدام خططتي خلاص محد يكلمك الله يعين الي راح ياخذك
ديمة سكتت لاتها تكره دا الموضوع وماتبغى تتنكد ع الصباح
أبو مازن _ ع طاري الخطاب (ديمة قلبها يدق حست ان الصايع عبد المحسن ) والله امس عمك جعفر جا وقال بيغاك لعبد المحسن
ديمة _ لا لان عبد المحسن صايع وعيونه طويلة وحركاته زفت ومغرور
مروان _ الله الله دا كل العيوب بس خلاص لو قعدتي العمر كله حيموت من كثر عيوبه
ديمة بعصبية _ انكتم لسه محد ضربني عشان اوافق ع السخيف دا وقامت
ابو مازن _ اشبها دي ايش الي عصبها محد قال شي
مازن _ سيبوها هي كده لاحد يفتح الموضوع انا حتصرف معاها وافهم لا تخاف يابويه ديمة دقيقة تفرح ودقيقة تزعل عااااادي
أم مازن _ والله مدري من يوم ما ماتت هيفاء وهي اتغيرت ماسارت زي اول فين ديمة الرومنسية سارت وحش حتى في تعاملها مع أي رجال حتى فر اس الصغير تعامله زي كنه عمره عشرين سنة
مازن _ ادعيلها يا ست الكل
وطلع فوق دخل ديمة فاتحة شعرها وجالسة تكتب في الدفترها الي هو السر الدفين حتى مازن مايقدر يلمسه جلس ع طرف السرير
_ دودي ليه عصبتي مروان كان يمزح
_ انا ماعصبت من مروان او من بابا بس انا افتكرت هيفا وكيف عبدالله الحيوان عمل فيها
_ديمة مو كل الرجال زي عبدالله ديمة انت راح تظلمي نفسك وغيرك حرام عماد ونظراته الي تحسسني بالذنب لاني كذبت عليه هو يحبك وراح يساعدك وعبد المحسن كمان يعزك
_ محد راح يساعدني ابدا هيفا راحت وعبد الله شرد وبقيت انا وانت وبس الي نعرف الحقيقة
_ ديمة ماينفع جربي يمكن هيفا بندفاعها كانت السبب ديمة فكري فكري فكري عشاني أنا الي بتعذب أنا بشوفك بدا الضعف وعشان اخواتك وامي وابويه وانت حتفضحي سر هيفا باسلوبك
وراح الى عندها _ ممكن اقراء ( ديمة هزت راسها ولاول مرة تسمح لاحد انه يقرا )
قرأ
أيا هيفاء ماذا بعد ...... لازالت وصياك ترن في اذناي
عيشي حياتك تلك وصيتك .... لازلت اكتبها في مر ازماني
كيف اعيش والغادر حي ...... لن اموت قبل ان اعذب الحيوان
وسأنسى الحب والقيه ......... في طيات نسيانِ
ابتسم مازن وحط يده على كتف ديمة ....... دودي تبغي تنتقمي عيشي حياتك وراح تنتقمي
وخرج ديمة جلست تفكر كيف ممكن يكون كلامك صح يا مازن انا مقدر كل ما شوف رجال احس بانه عبدالله وصورة هيفا دايما قدامي يااااااااارب رحمتك
بعد العشاء كانو عند سيدها احمد
جعفر _ ها يا محمد مارديت (وعيون عبد المحسن مركزة ع عمه ورده المهم بالنسبة له )
محمد _ بصراحة البنت ماوافقت لنفس الأسباب الي قلتلك عليها
عبد المحسن لا شعوريا اتجمعت دموعه وخرج في الحوش ولقى ديمة جالسة لوحدها وتلعب بشعرها وكانت تفكر في رد عبد المحسن وعمها وياترى حتسير قطيعة زي اول
_ ديمة ....
_ ديمة سمعت صوت رجولي فحطت طرحتها بسرعة واتلثمت ولتفتت
_ نععع .............. عبد المحسن
_ حلوة بكل اشكالك غطيتي او لا عمري ماراح انسى شكلك
ديمة بخوف وعصبيتها الي دايما تخفي خوفها بها _ عبد المحسن بطل سخافة وقول خير ايش تبغى
عبد المحسن بكل جراءة مسكها من كتفها _ ديمة ليه رفضتيني ديمة احببببببببببك ديمة انا مجنون فيك ديمة حرام حرام
ديمة بخوف من قرب عبد المحسن _ انت فاشل وصايع وابعد عني
عبد المحسن _ انا مستعد اتغير بس اني ابعد عنك مستحيل انسي انت لي وبس
ديمة والدموع في عينها_ أنا مني ملك احد ملك نفسي ولاتمثل علي بحركاتك انت صايع وتقول دا الكلام لاكثر من وحدة
عبدالمحسن _ ديمة واقسم بالي خلقني اني احبك من صغري صدك عني خلاني اعشقك ديمة انت لي وبس افهمي
ديمة _ ههههههه والله مسكين صدقتك انا ( وهي تحرر نفسها من يده وتدفه ع الأرض ) حرة نفسي الصايعين ما يحكموني افهم
وراحت تجري ومهي شايفة طريقها من الدموع الي منصدمت بشخص رفعت راسها لقت ..... عماد كانت في حاله انهيار من حركة عبد المحسن والي ذكرتها بهيفا اكثر مسكها عماد _ ديمة خير ايش صار
ديمة من الخوف اتمسكت بعماد اكثر _ ععععممماد الحقني الوقح عبد المحسن وراحت تبكي عماد اتقطع قلبه ع ديمة والي طول عمره يشوفها قدوة ومثل في القوة والان من كلمة زواج او حب تنهار عصب عماد وجا يروح لعبد المحسن الي طايح ع الارض وشكله اتعور
ديمة مسكته _ عماد لا تروح خليك انا خايفة
استغرب عماد من كلام ديمة الي معروف عنها الخجل والقوة تستنجد بعماد الضعيف _ ديمة لا تخافي انا راح افهم الحكاية بس
ديمة بين دموعها وشهقاتها وبنبرة طفولية _ يبغاني غصبا عني يقول انا له انا حرة يعماد صح
عماد بحنان _ صح ياديمة خلاص لا تبكي ترى بعدين أزعل واروح ( وكان يتأمل في عيونها الحلوة حتى بدموع تجنن وهي الشي الوحيد الباين من وجهها الي يتذكره طفولي وبريء )
ديمة انتبهت لنفسها وطريقة مسكتها لعماد وحست بالحرارة في يدها وجسمها وتعدلت وقالت _ عععع مااااااااد انا اسفة ( وهي تطالع في يدها ) ما حسيت بنفسي بس انا خايفة من جد
عماد _ ديمة لا تعتذري انا اول مرة احس بأهميتي وياريت اقدر اساعدك عشان ترجعي قوية حتى لو ظليت ولد عم
ديمة حست براحة ولكن نظرات عبد المحسن الحاقدة _ ايش تسوي مع خطبيبتي ( د يمة رجعت لحالتها من الدموع والبكاء )
ديمة بصراخ _ يا حمار افهم انا مني لاحد انا لنفسي ( ديمة خايفة اول مرة تتكلم مع اولاد عمها ولوحدها حتى مازن مو معاها )
عبد المحسن _ مين الحمار يا....... ( وجا يضربها كف الا يد عماد كانت اسرع _ اياك تمد يدك على ديمة )
مازن _ تحسب نفسك مين يا سيد عشان تمد يدك انت حمار وست وستين حمار في بعضك >>>> سبة عجيبة
مدام تتعامل مع البنات بدا الشكل ولولا عماد كان ديمة راحت فيها من يدك الرقيقة ( قرب من وجه ) والله لو تقرب منها مرة تانية اعرف ان قبرك ان حفر جنبك فاهم .... ومشي هو وديمة الخايفة وعماد وتركوا عبد المحسن يغلي منهم
هدوها الى مارجعت الفلة مازن بعد ما عرف الحكاية
_ عماد شكرا لك انا بجد ما اعرف كيف ممكن اشكرك ديمة كانت بحاجة للي يوقف جنبها والرجال مواقف زي ما يقولوا
عماد بخجل _ صدقني ما عملت شي دا واجب
_ بس برضي اشكرك وديمة ماراح تنسى وقفتك البسيطة في نظرك الكبيرة في نظري ونظر ديمة
_ تسلم وبلا ندخل ليجي عبد المحسن ويلبسنا تهم كالعادة
_ صادق ههههههههه يلا
عماد فرحان انه قدر يعمل شي حس بقيمته وعلاقته سارت قوية بمازن ديمة تغيرت نظرتها لرجال واعترفت لمازن ان فيهم خير حتى تعاملها مع فراس اتغير شوي مازن مبسوط من تغير ديمة وحاسس ان دي الإجازة مرحلة حلوة في حياة ديمة وانها راح تحرر من عقدة لازمتها تلات سنوات عبد المحسن مقهور بانه ولاول مرة مايقدر يوصل للي يبغاه بالفلوس وخصوصا وان سيده احمد عرف بالي صار وحلف انه لو اتعرضلها راح يحرمه وابوه من الجية عنده وراح يغضب عليه جعفر مقهور من حركة ولده عبير راحت تحكي ديمة كالعادة عن كل احساس حست فيه اتجاه مروان يوم الربوع سارة وامجاد ونظرات الغيرة والحسد اتجاه ديمة واخواتها لكن يبقى السؤال هل فعلا ديمة راح تتغير على يد عماد وهل راح يظل ولد عم ام حاجة تانية ............. احداث جديدة في البارت الرابع راح تغير مسار حياة ديمة ويمكن الكل تابعوني[/color]​
[/u][/u]​
[/SIZE][/FONT]
 

جدايـــــل

๑ . . عضو مخضرم . . ๑
التسجيل
6 مايو 2007
رقم العضوية
6801
المشاركات
8,424
مستوى التفاعل
578
الجنس
الإقامة
مني.. مناك
رد: {تحارب الحب }...رواية من وحي الحجاز / أميرة قلب

ماشاءالله هاي كلها قصه..لنا عوده عقب
 

#أميرة قلب#

๑ . . عضو بقراطيسة . . ๑
التسجيل
29 أغسطس 2009
رقم العضوية
10880
المشاركات
30
مستوى التفاعل
1
العمر
31
الجنس
الإقامة
مملكتي }~
رد: {تحارب الحب }...رواية من وحي الحجاز / أميرة قلب

السلام عليكم ورحمة الله وبركاته

أهلا وسهلا بج .


نحن متشوقين لإبداع قلمج .

وبإنتظار كل جديدج بالقصص .


يا هلا ويا مرحباا ^ـــ^


.


بن الشحي

أهلا وسهلا فيك خيو ...
هذه روايتي الاولى بتشجيعكم
وانتقادكم
وتوجيهكم

راح تكون لي بصمة بعالم الروايات ^_^
الله يعطيكم العافية
 

#أميرة قلب#

๑ . . عضو بقراطيسة . . ๑
التسجيل
29 أغسطس 2009
رقم العضوية
10880
المشاركات
30
مستوى التفاعل
1
العمر
31
الجنس
الإقامة
مملكتي }~
رد: {تحارب الحب }...رواية من وحي الحجاز / أميرة قلب

ماشاءالله هاي كلها قصه..لنا عوده عقب


هذه رواية عسولتي ...

مكانها مناسب ولا شو ؟؟؟:hm00mm:

بنتظارك ^_^​
 

AL_MTHWER

๑ . . عضو ماسي . . ๑
التسجيل
6 نوفمبر 2008
رقم العضوية
9763
المشاركات
1,958
مستوى التفاعل
222
الجنس
رد: {تحارب الحب }...رواية من وحي الحجاز / أميرة قلب

ما شاء الله روايه رائعه
يسلمووووووووو
 
عودة
أعلى