{{ أهم الحقايق }}

[بحر الأمل]

السلام عليكم ورحمة الله وبركاته


الصراحه هالقصيده .. طلعت مني في دقايق ..
في أحد الأشخاص العزيزين على قلبي و انا اتكلم معاهم بالتيلفون .. قالولي ..
قولي بيت شعر جي على الطاير حقنا .. يلست افكر و افكر ...لأني تفاجئت بالطلب..
المهم كنا على استعجال .. فما طلع الكلام و كنت افكر و ياني الشطر الأول ..و جذ بندنا ..
و علىطول زخييت الدفتر و كتبت و قلت :-

حبك وسط قلبي سكن فــــي دقايق..يا لــيت لـي تبقى حبيبي و خلي

يلي خذيت القلب بإحساس صادق..خذ نور وجهي خذ حياتي و كلي

أحب وجــــودك و الحلا فـــيك فايق..لقيت الحب الحقيقي وصـــل لي

اسكن ضلوعــــي و أبق لي دوم رايق..ودي أشـ،وفك إبطلوعي تهلي

لو تبتعد تلق الــصدر حيل ضايق..يا من بقربك صرت فرحي و ظـــلي

لك من نجومي نور و النـــور بارق..يضوي دروبك ع الــفرح لك يدلي

اشـــف جروحي داوني بالمعانق..و اترك حزونك و المـــــواجع تولي

كلمة أحـــبك من أهــــــم الحقايق..قــــل لي أحبك بالثوانــي و قل لي

بحر الأمل

 

[مشاعر شاعر]

رد : {{ أهم الحقايق }}

.


ابدعتي يا بحر واثيرج بحر مو بسمج بس ظهرتي بحر بغزر معانيج ورقة كلامج ..

بهديك كلمتين والقلب رايق ... يا ورد يا نجرس يا عودٍ وفلي
تكتب وحلو الصدق الحقايق ... يبين بحر ومن حبره يهلي



.

 

[حنايــــــــــن]

رد : {{ أهم الحقايق }}

صح السانج يا بحر الأمل
واسلمتي يا الشاعرة
على فكرة لازم تكتبين هذه القصايد بديوان
الله يعطيج العافية

 

[حبيبت الشحي]

رد : {{ أهم الحقايق }}

لو تبتعد تلق الــصدر حيل ضايق..يا من بقربك صرت فرحي و ظـــلي

تسلمين بحر الامل
على القصيده

 

[بحر الأمل]

رد : {{ أهم الحقايق }}

مشاعر شاعر...

هذا المرور ..جوهره اود الاحتفاظ بها ..فلا تبخل عليه به ..

شاكره لك تواصلك الرائع

_ _ _

حناين

صح بدنج

و ان شالله يكون لنا ديوان ..ما نمانع ..مشكور ه على الكلام الطيب و التشجيع الاطيب

_ _ _

حبيبت الشحي..

الله يسلمج من كل شر..و اشكر مرورج الغالي

دمت يالطيبه

بحر الأمل

 

[العوسج]

رد : {{ أهم الحقايق }}

الأخت الكريمة

بحر الأمل

وتألق مستمر من هذا القلم البارز
هذا القلم الذي يجيد التحليق
في فضاءات الأبداع
شكراً سيدتي الرائعة
على هذة الكلمات الرائعه.
وعلى هذا الأسلوب العالي.

لك من نجومي نور و النـــور بارق..يضوي دروبك ع الــفرح لك يدلي

اشـــف جروحي داوني بالمعانق..و اترك حزونك و المـــــواجع تولي


تسلم الأيادي


تقبلي فائق احترامي وتقديري..

العوسج

 

[بحر الأمل]

رد : {{ أهم الحقايق }}

العوسج

إطلاله تسر القلوب..

فحضورك أخي الكريم ,,, ينقذ الزهر من الذبول...و يشفي القلب من علته ...

قمه في الذوق و الروعه .. أنت و إسلوبك ..

شاكره لك كل ما قلته .. الذي أخجل منه ..

و الروعة أخي .. أنت ..

كل إمتناني و شكري

بحر الأمل