حصري للبرزة .. تقنية أورتون

[غيـث]

بسم الله الرحمن الرحيم ..

السلام عليكم ورحمة الله وبركاته ..

أول شي هالشرح مستحيل تحصلونه في أي مكان نظرا لكونه أجتهاد شخصي ..
مما يعني آنه موجود حصريا فقط في برزة الشحوح..

وهو بسيط جدا.. بس يباله شوي تركيز..


تقنية أورتون

هي تقنية أخترعها المصور الفوتو غرافي الشهير ميشيل أورتون، وهي تضفي على العمل أو الصورة مسحة عميقة وحالمة..
طبعا التقنية كان يستخدمها المصور المذكور على الصور الفلمية ، يعني قبل أختراع وأنتشار كاميرات الديجتال المستخدمه حاليا..
وقرأت عنها في السابق في بعض المراجع المكتوبه بالأنجليزية.. وخطر في بالي أني أطبقها على صورة ملتقطة بواسطة كاميرا ديجتال..
خطوات العمل بحسب أورتون أنك تأخذ لقطتين لنفس الكادر..واحدة بتعريض مناسب،والثانية تخلي التعريض فيها زيادة وتعطيها شوي بلور..يعني تخليها مشوشة..وعند طباعة الصورة يطبع النسختين على بعض ليحصل على الأفكت المطلوب..
حاولت أطبق نفس الخطوات..
طبعا كانت عندي صورة وحدة بس..

خذت منها نسخة في الفوتوشوب بواسطة ctrl+j لمستخدمي الويندوز.. أو cmd+j لمستخدمي الماك..

تخلي أفكت النسخة Screen وتدمج الصورتين مع بعض بواسطة ctrl+e لمتسخدمي الويندوز أو cmd+e لمستخدمي الماك..
وتاخذ نسخة من الصورة بعد الدمج بواسطة ctrl+j لمستخدمي الويندوز.. أو cmd+j لمستخدمي الماك..

تطبق الفلتر التالي على النسخة..بحيث أن الصورة تكون مشوشة ولكنك تستطيع تمميز جميع الألوان الموجوده فيها..

أنا أخترت القيمه 15 بيكسل للــ Radius .. وعندكم مجال أقل أو أكثر لين 30 .. عشان لا يكون التشويش زيادة عن المطلوب..

بعدين تختار Multiply وتدمج النسختين مع بعض ..

وبس..

وهذي النتيجة بعد تطبيق التقنية..

أتمنى تكون الطريق سهله..
وأشوف تطبيقاتكم..

 

[الصيـاد]

رد: حصري للبرزة .. تقنية أورتون


..
..
..
..
السلام عليكم ورحمة الله وبركاتة
.
.
.
كفيت وفيت يا غيث

وبجرب الطريقه,,, مشكور على المجهود الطيب
.
.
تحياتيـ لكمـ
الصيـاد
..
..
..
..

 

[مدوي]

رد: حصري للبرزة .. تقنية أورتون

[read] وعليكم السلام ورحمة الله وبركاته

تسلم يمناك خويه غيث

والله يعطيك العافيه على جهودك الطيبه

تقبل مروري [/read]

 

[ولهانة زايد]

رد: حصري للبرزة .. تقنية أورتون

::: الشمــالي :::


تسلم على الدرس الفنان ..

يعطيكـ العافية ..

عندي سؤال: شو ممكن نستفيد من هالدرس .. أو متى نستخدمه..؟؟

تعقيب: ليش تكلمنا شرات المحترفين، غالق ومااا غالق :ha: .. شوي شوي علينا خخ

تطبيــقي السريع:

--->

صح لاااه :a050: ..!!



متااابعه لدرووسك، استاااذي

^_^

​

 

[الشيـــخ]

رد: حصري للبرزة .. تقنية أورتون

تسلم يا غيث

كفيت وووفيت

 

[غيـث]

رد: حصري للبرزة .. تقنية أورتون

الصياد..
الله يبارك فيك ياخال..
تسلم على الحضور الطيب..







مدوي..
الله يسلمك ويبارك فيك..






ولهانة زايد..
أكلمكم بلغة المحترفين لأنكم محترفين..
وأن شاء الله نوصل مع بعض لمستوى متقدم جدا..
بس تابعوا الدروس..
وأسألوا..
بالنسبة لمتى نستخدم التقنية هذي..
يوم تحسين أن التعريض في الصورة زايد شوي..يعني تم ألتقاطها الظهر مثلا وهو أسوأ وقت للتصوير..
أو تشوفين الألوان في الصورة ميته وتبغين تعطينها عمق ولمسه حلوه..
طبعا الطريقة هذي ماتنفع مع كل الصور..
وهو شي يرجع لذوق المصور..

ولاحظي الفرق بين الصورتين في تطبيقك .. وأنتي تحكمين أي وحدة أحلى..
تسلمين على وجودك هنا وسؤالك وتطبيقك..







مسابق الريح..
الله يسلمك..
من ذوقك ياخوي..

 

[ولهانة زايد]

رد: حصري للبرزة .. تقنية أورتون

ولهانة زايد..
أكلمكم بلغة المحترفين لأنكم محترفين..
وأن شاء الله نوصل مع بعض لمستوى متقدم جدا..
بس تابعوا الدروس..
وأسألوا..
..
...

::: غــيــث :::


ان شاء الله عااد نوصل عالأقل لدور الثمانية للاحتراف

برووحكـ جان لاحظت فووق .. أنا محتشرة من مصطلح غالق ..

<< وانت متكلم عن التعريض io:

خخخخخخخ .. صج ماااأصلح خخ

وعن صورة العلم .. بالفعل .. بعد التعديل أحلى ..!!

مشكوور أخووي عالشرح الاضااافي ..

لاهنت :bt: ..

 

[چھٱٳڒ ٱٳݥݩ ٱڷډۇڵہ]

رد: حصري للبرزة .. تقنية أورتون

تسلم اخوي غيث

الله يعطيك العااافية

 

[عيوزكم الشايب]

رد: حصري للبرزة .. تقنية أورتون

يزاك الله خير غيث


الصراحه محتاجين لمثل هذى الدرووس



اممم فالمره اليايه بنزل موضوع وكلها علي نفس تطبيق الدرس وكله لجل عيونك

 

[عيوزكم الشايب]

رد: حصري للبرزة .. تقنية أورتون

الغالق اممم يبالكم درس كامل ووافي عن ادوات الكميرا الاحترافيه جاري العمل