ليش انتو جيه يالشباب..حرررام عليكم

[بنت الحناه]

رد : ليش انتو جيه يالشباب..حرررام عليكم

انا مع راي العوسج
وت>كروا إن أصابع إيدينكم مو نفس الشي

والشكر الجزيل لك من يساعد الآخرين في محنهم.....

مع تحياتي

 

[زعيم شحه]

رد : ليش انتو جيه يالشباب..حرررام عليكم

,,,,,,,,,,,,,,, تتكلمين عن فئه بسيطه من الجهله في المجتمع العربي المتخلف ’’’’’’’’’’’’’’’’’’’’’’’’’’’




..........................................والسموحه......................





.........................................تحياتي : زعيم شحه

 

[قاريءالكلمة]

رد : ليش انتو جيه يالشباب..حرررام عليكم

شيء نفتخر فيه ولا غرابه طالما أنه يمثل جزء من شهامتنا ورجولتنا..ولكن لماذا أمام المرأه فقط......الجواب..لضعفها ولقلة حيلتها أمام المواقف التي تتعرض لها في شتى مجالات الحياه....أما الجانب السلبي منه فهو باعتقادي قله قليله لاتمثل نسبه تذكر..

تحياتي

 

[CoOl ZeRoO]

رد : ليش انتو جيه يالشباب..حرررام عليكم

السلام عليكم

الصراحة موضوع جميل و يستحق الثناء و المناقشه ....

بقولكم موقف صار لي قبل سنوات على شارع دبي- العين ... كانت سيارتي (( مبنشر )) فيها التاير
و صفت بجانب الطريج أغيره و كان الوقت بالليل و سبحان الله .. كانوا الشباب لما يطوفون يخفون
السرعه و لكن يوم يشوفون أني ريال هب بنية يكلمون طريجهم ...؟!!

و كم مرة الشاب أسمعهم يرمسون و يقولون أنهم يتمنون (( فرصه )) انه وحده صافته على الشارع
عشن يظهرون على قولتج الشهامة جدامهم و المروة و اونهم يساعدونها ... أنا ما بقول كل الشباب
نفس الطيبنه يتمصلحون أو يظهرون لي موب في باطنهم و موب كل الشباب جي و لكن وايد منهم
يحبون يسوون لي ذكرته الاخت للأسف ...!!!!

حتى في معاملات البلدية أو أي مؤسسة حكومية على قولت الشباب لي يمشي المعاملات الحريم ..؟!!!
يعني الموضفين ما يمشون أمورهن عسب الشهامة و ها السوالف لا و الله لي بان أنها فشخره و لعب
على الاخلاق ... يعني كنا أنا و ديمون في مرور راس الخيمه و خصنا و يلنا على معاملة تافهة و وحليلنا
يايين من الساعة سبعة و نص عشان نخلص أمورنا .. و لين الساعة 12 و نحن ما زهبنا شغلنا و يت عقبنا
على الساعة 12 و ربع وحده لابسه ذاك المرصص ويا ذيج الضحكة و مشت (( معاملاتها )) موب معامله
و طلعت و نحن نخيس ليش لأنا شباب ...؟؟!

أعتقد انه ما شيء عدل بها الشيء و أنا بروحي سمعت الموضف الكحيان بعد ما سارت البنية ... يقول
و يتمشخر جدام ربعه الموضفين عن البنت و أنه مشا لها معاملاتها ...؟!!!

أي درجة من الحقارة هاي ما أدري صراحة و لكن للأسف أنها تحت عباية المساعدة و الشهامه و هي تشل
كل معاني التملق و النفاق في أخلاق الموضفين ...!!!

الصفر البارد

 

[الـبـاديـسـي]

رد : ليش انتو جيه يالشباب..حرررام عليكم

شكرا على الموضوع

واقول مو كل اصابع ايدج مثل بعض

 

[الجرح]

رد : ليش انتو جيه يالشباب..حرررام عليكم

والله اللي يوقف عشان يساعد وحدة ماعنده سالفة ترا عندها ليسن خليها تبدل بروحها التاير
انا سمعت عن واقعة حقيقية ان واحد ساعد وحدة فاعجب فيها والحين ماشاء الله عندهم عياال
بالنسبة لي لو كانت وحدة خربان موترها والله ماراح اوقف لها يوم بوصلون اهلها بتقول تحرش في
اللي محتاج شي يتصل الشرطة ماراح يقصرون احسن من المذلة

 

[فتى شعم]

رد : ليش انتو جيه يالشباب..حرررام عليكم

اتعرفي اختي انا وايد الاقي حريم مواترهم خربانه

بس ما اقف لاي وحده اتعرفي ليش لان لو حد شافك بيقول هذا واحد عسب هي وحده

يعني تجنب كلام الناس ما اساعد حد الا اذا هو زقرني والحمدلله امريح عمري

بس صدقيني اختي مب كل اصابع اييدج نفس الشي


والسموحه



فتى شعم

 

[البـ شما ـطرانه]

رد : ليش انتو جيه يالشباب..حرررام عليكم

مشكورين على المرور

و حياكم الله
حــــــــ صاحب السمو ـــرم

 

[المـهــــــا]

رد : ليش انتو جيه يالشباب..حرررام عليكم

لا زلت أرى أن هناك مجموعه من الشباب لا تنتمي إلى هذه الفئه .. و لهم من الاخلاقيات الجميله ما تجاوز اخلاقيات البنات

عزيزتي .. هذا الشاب اللي بيوقف عشان يبدل التاير حق البنيه الفلانيه .. ترا يا بيكون يحب المساعده او بيكون يبا الرقم ، و إذا كانت البنت من النوع اللعاب فما بيغلبها شي انه تعطيه الرقم حتى لو ما قدم لها اي خدمه .. و اذا كانت البنت محترمه .. ما بترضى انه شاب يغير لها تايرها الا بحضور أي شخص ثاني وياها .. يعني ما بتوقف حضرتها و يا مجموعه من الشباب الا اذا كانت ....َ!!!!

أما عن موضوع انه الشاب ياخذ اوراقها و يخلص لها شغلها .. فليش هييه اصلا يايه و رازه ويها يوم انها ما تروم !! خل تخلي حد من الرياييل اللي في العايله يسيرون !! و من الأساس ليش تسير هييه مكان عارفه انه فيه رياييل بالهبل !!!!!!

شما .. انا في منظوري شي واحد .. انه الريال ما بيتجرأ بأي خطوه ناحية أي بنت إلا إذا البنت عطته ال ok يعني العيب هذي الايام صار من البنات يا حلوه مب من الشباب ..

هذا رأيي و مشكوره على الموضوع ..

و دمتم سالمين
المهــــــــا

 

[الحنونه]

رد : ليش انتو جيه يالشباب..حرررام عليكم

يعطــــــــــــيج العــــــــــافيه الغاليه