أم الخير
๑ . . عضو إمبراطوري . . ๑
- التسجيل
- 20 مارس 2011
- رقم العضوية
- 13442
- المشاركات
- 4,969
- مستوى التفاعل
- 689
- الجنس
- الإقامة
- أرض الله الواسعة
السلام عليكم ورحمة الله وبركاته
بديت اجمل حكايه شالها عمري
طرزت فيها مقابر شبه مهجوره
زينت كل المقابر ماعدا قبري
بس الله الله عساها ترقد طيوره
والميزه اني كتبت الشعر من صغري
فتحت عيني لقيت اشياء منثوره
عجزت اميز بعض أشياء من طهري
ماغير اقلب بهالأشياء مبهوره
كنت الفتاه البريئه ظافره شعري
أكبر عيوبي عبثت وشلت طبشوره
رسمت فيها بداية حلمي المغري
على جدار (ن) واظنه كان سبوره
أذكر رسمت السما لونتها خمري
ورسمت نفسي بدون الوان مذعوره
كبرت فجأه وشفت المعمعه بدري
أشياء كانت بذاك الوقت محظوره
لقيت نفسي كبيره ياحلا كبري
أعلنت رفع الشراع وحملة الثوره
عمدت لجل الحياه العالم السحري
والعالم الثاني فيه كلاب مسعوره
وجهت يم الخيال مسلمه نحري
لقيت كل الجنون بناس مسحوره
ذهبت للجانب المسعور من قهري
لقيت بعض الكؤوس اشباه مكسوره
قامت تمايل ويعبث لونها الزهري
لين ارتمى من طعمها فاقد شعوره
كسرت كل الحواجز وانكسر صبري
لقيت بعد الحواجز ناس مقهوره
ماهمني من رماني دون ما أدري
والورد لامن رميته فاحت عطوره
مما راق لي