• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

قضيه مهمه (( للنقاش ))...

  • بادئ الموضوع ذياب
  • تاريخ البدء
  • الردود: الردود 18
  • المشاهدات: المشاهدات 2K

ذياب

بو سهيل
التسجيل
29 نوفمبر 2003
رقم العضوية
744
المشاركات
11,775
مستوى التفاعل
50
العمر
41
الجنس
الإقامة
دار زايد
الموقع الالكتروني
السلام عليكم ورحمة الله وبركاته...


الله حيكم يا اخواني اهل البرزه ويا هلا ويا مرحبا فيكم جميع...


وشحالكم عساكم بخير ونعمه وان شاء الله الجميع مستانس بالاجازه...


المهم يا اخواني حبيت اعرض لكم قضيه محيرتني وان شاء الله اشوف الحل عندكم!!!


الصراحه انا مستغرب من بعض البنات في السوق ولا اي مكان عام لما تشوف الاجنبي ( الهندي ولا الباكستاني ....الخ ) تكون الشيله طايحه وهب متغشيه وماخذها راحتها تقول قاعده ويا اخوها في البيت ولما تشوف المواطن تتغطى من فوق لين تحت تقول الاجنبي ما بحرم لها والمواطن يحرم لها...


انا ما اعم جميع البنات لكن اقصد فئه من البنات وانا ما اقصد بموضوعي انه المفروض تعاملنا ( المواطنين ) نفس الشي ولكن المفروض البنت تتستر لكل غير محرم لها من دون ما اتقول هذا هندي ولا ما ادري شوي فالنهايه يطلع رجل...


والسموحه منكم اخواني ع الاطاله وان شاء الله اشوف الحل او الاسباب عندكم...


تحيـــــــ ذياب ــــــــاتي
 

شهودة

๑ . . عضو فعال . . ๑
التسجيل
21 يونيو 2004
رقم العضوية
1869
المشاركات
458
مستوى التفاعل
1
الجنس
الإقامة
دار بابا زايد
رد : قضيه مهمه (( للنقاش ))...

مشكورأخوي ع الموضوع ..

وصدقت أخوي ذياب وأنا بعد شفت وايد من هالأشكال .. وما أدري الهندي مب ريال وإلا شو السالفة !!


والله يهدي الجميع ..

تحياتي : شهودة ..
 

مطلع_الشمس

๑ . . عضو ملكي . . ๑
التسجيل
17 مايو 2004
رقم العضوية
1640
المشاركات
2,402
مستوى التفاعل
11
العمر
38
الجنس
الإقامة
الامــ shj ــارات
رد : قضيه مهمه (( للنقاش ))...

تسلم اخوي ذياب على عرضك لهذا الموضوع ..

انا فعلا اشوف هالشي حاصل ..

ومادري ليش البنت ماتسوي اعتبار وما تتحجب جدام الريال الاجنبي .. و الحشمة بس تكون جدام ريال البلد ؟

ليش الهندي مب ريال و ولد البلاد ريال ..

المفروض انها تحشم نفسها وتتستر جدام الكل ..

ويعطيك العافية ..


واتمنى ان الظاهرة هاي تختفي ..

اختكم : مطلع الشمس ..
 

شهلة

๑ . . عضو نشيط . . ๑
التسجيل
21 أبريل 2003
رقم العضوية
280
المشاركات
317
مستوى التفاعل
5
العمر
42
الجنس
الإقامة
دبي
رد : قضيه مهمه (( للنقاش ))...

انا بخبرك ليش ...

ترا في مجتمعنه الهندي شرات الكرسي محد يعتبره ريال .. يعني وجوده وعدمه سوى .. والبنيه بتتحجب جدام ولد بلادها لانه بروحها الكندوره البيضه رهبه .. وثاني شي ولد البلاد هو اللي بيرمس بنت فلان سوت ولبست وهو فالنهايه اللي بياخذها فهي يهمها شكلها جدامه اما جدام الهندي كله واحد مممممممم انا اعرف وايد بنات من هالنوع وما نقدر الا نطلب لهم الهدايه من الله ..

تحياتي ..
شهلة ..
 

ذياب

بو سهيل
التسجيل
29 نوفمبر 2003
رقم العضوية
744
المشاركات
11,775
مستوى التفاعل
50
العمر
41
الجنس
الإقامة
دار زايد
الموقع الالكتروني
رد : قضيه مهمه (( للنقاش ))...

مشكورين اخواني ع المشاركه الرائعه وابداء الراي...


مهما كان جنسية الرجل المفروض البنت تحتشم والله يهدي ها الفئه من المجتمع يا رب...


تحيـــــــ ذياب ــــــــاتي
 

العوسج

:: شخصية هامة ::
التسجيل
2 نوفمبر 2003
رقم العضوية
678
المشاركات
18,144
مستوى التفاعل
1,175
العمر
40
الجنس
الإقامة
أينما حل الظلم !
رد : قضيه مهمه (( للنقاش ))...

صدقت وياسبحان الله

شي غريب وعجيب

والبنت تاخذ راحتها بالسوالف والهذربه والضحك وتشق الابتسامه من الاذن هذي للاذن الثانيه ويا الهندي والباكستاني ولا الفلبيني وغيرهم

مجرد دخول المواطن تصيبها رعشه تشوفها تقوم تتغشى وتنشعم ولاتسمع لها حس وتسوي عمرها ولا كانه شي صار

المطلوب منكم خواتي هو ان نبي نوصل لكم معلومه عن هالشي اللي حاصل

يعني الهندي ترا ريال شرات المواطن............ماشي فرق بينهم ........ الغشوه مطلوبه لامحال

هذا مايبيله مسالة مواطن ولا هندي وغيره

يبيلها دين واخلاق.............البنت اللي بيكون وازعها الديني قوي مستحيل تحصلها تسوي جيه

الا الشابات اللي وازعهم الديني ضعيف

قووا ايمانكم بالله ورسوله وانشالله يحصل خير والله يهدي الجميع
 

قلب تيبات

:: شخصية هامة ::
التسجيل
9 مارس 2004
رقم العضوية
1444
المشاركات
5,213
مستوى التفاعل
9
الجنس
الإقامة
¨°o.O (دار الأجواد ) O.o°"
رد : قضيه مهمه (( للنقاش ))...

وعليكم السلام ورحمة الله وبركاته


تسلم اخوي ذياب على الموضوع المهم

الصراحه هاي الظاهرة وااايد منتشرة بدولة الامارات

وانا استغرب الصراحه من الي يسون جي

ترى المواطن ريال والهندي ريال

هذا شي من الاشياء الي يستهين فيها الناس

الله يهدينا جميع انشاء الله

وتسلم اخوي ذيــــــــــاب لمناقشة موضوع مهم الصراحه








اختكم الشحيه الصغيرونه

قلب تيبااات
 

شعماوي20

๑ . . عضو موهوب . . ๑
التسجيل
20 يونيو 2003
رقم العضوية
420
المشاركات
766
مستوى التفاعل
1
العمر
40
الجنس
الإقامة
الوصل(الامبراطور)
الموقع الالكتروني
رد : قضيه مهمه (( للنقاش ))...

مشكووووووووووووووووووور يا دياب

صدق البنت يجب انها تحتشم في كل مكان وجدام الجميع


والسموووووووووووووحة
 

المـهــــــا

๑ . . عضو نشيط . . ๑
التسجيل
6 فبراير 2003
رقم العضوية
120
المشاركات
286
مستوى التفاعل
2
العمر
41
الجنس
الإقامة
الامارات
الموقع الالكتروني
رد : قضيه مهمه (( للنقاش ))...

سيدي ذياب .. شكرا على طرح القضيه

صحيح ان تفكير الفتيات في هذا الشأن غريب .. و لكن سأقول لك لماذا يتصرفون بهذا الشأن .... يتصرفون كذلك لأنهم يعرفون انه الهندي لن يتكلم عنهم بسوء في شيء و لن يرمي عليهن من كلام الغزل الفاحش و ما شابه .. و لن يلاحقها من مكان الى مكان و يضع الشبهات حولها ... هكذا هو حال شبابنا .. فهل يستطيع الهندي ان يفعل مثلهم !!!!!

مثلا سيدي .. دخلت احدى المحلات التي تبيع فساتين السهره .. هذا المحل لا يمس للشباب بشأن .. و لكني صدمت حينما رأيت مجموعه من الشباب قد دخلوا المحل و أخذوا يلاحقون الفتيات اللواتي في المحل .... هل يستطيع الاجنبي أن يفعل ذلك !!!!

هذا هو تفكير الفتيات .. و هذه هي الاجابه عن تساؤلاتك ...

لك جزيل الشكر سيدي الفاضل .. و تقبل تحياتي

المهـــــا
 

ذيبـــه

:: شخصية هامة ::
التسجيل
3 يونيو 2004
رقم العضوية
1779
المشاركات
5,092
مستوى التفاعل
8
الجنس
الإقامة
قلــــ أمــي ــــــب
رد : قضيه مهمه (( للنقاش ))...

وعليــــــــــكم الســــــــــــــــــلام

تســـــــلم ذيــــــــــــاب

انا مستغـــــــــــــــربه اعــــــــــــــرف واايــــــــــــد مـــــــــــــــن البنـــــــــــــات جــــــــــــــــــي

احسهـــــــــم مــــــايفكــــــــرون عـــــــــــــــــــــــدل

^_^
 
عودة
أعلى