برزة الشحوح - Barzat alshohooh

برزة الشحوح - Barzat alshohooh (https://www.alshohooh.ws/vb/index.php)
-   مدونات اعضاء برزة الشحوح (https://www.alshohooh.ws/vb/forumdisplay.php?f=78)
-   -   مدونتي الخاصة ...<<< أقربوا يا حيكم (https://www.alshohooh.ws/vb/showthread.php?t=90303)

تدرون ليش ...؟؟ 08-11-2010 01:21 PM

مدونتي الخاصة ...<<< أقربوا يا حيكم
 
بسم الله الرحمن الرحيم .....


السلام عليكم ورحمه الله و بركاته ......... و بعــــــــــــــــــــد ........<<<<








البطاقة الشخصية :::





الاسم : صقر الشحي

العمر : 18

ترتيبي الاسري : السابع

هواياتي : السفر و الانترنت و المراسلة بكافة الوسائل و القراءة << طبعا دوووم أقره ....... و طبعا هوايات غير...
أفضل منتدى بالنسبة لي : منتدى برزة الشحوح





و بااااااااااااااااااااااااااااااااااااس

تدرون ليش ...؟؟ 08-11-2010 01:32 PM

طبعا تبغوووون تعرفون أشياء أكثر عني .......تفضلوا حياكم ....






طبعي ما أغيره ويه كل الناس ,, يعني نفس الاسلوب و التعامل ويه كل الناس .....

ما أحب الكذب ,, و أحب الصراحة و لو أن الصراحة تكون مجرحة لي ...... <<<< الصراحة راحة

طبيعتي حبوب و فكاهي و أحب أضحك دوووم و متفاءل بالحياة و أحب أقدم لكل شخص يطلب مني العون أني أساعده و أكون عون له ....

أهم شي عندي أني أرضي ربي و أكون مثال الشخص المؤمن بالله ....



أموااااااااااااااات بشي أسمه أم .....لاني أحب ماماتي بشكل فضيع ....و يوم أشوفها تحزن أصيح عن ظهر غيب .....

الام مدرسة و لازم تعرف تتعامل وياها....



حكمتي بالحياة هي حكمتين ...


الحكمة الاولى : لا تعطي كثيرا حتى لا تندم و لا تعطي قليلا حتى لا تخسر ...

الحكمة الثانية : لا تكن ضعيفا حتى لا تنعصر و لا تكن قويا حتى لا تنكسر ...

و طبعا الحكمة الاولى هي من كتابتي الخاصة ....





شخصية محبوبة .......<<<<< لا تقولون خقاق بعد ...


أسرتي أسرة جدا مميزة .... لكل وااااااحد أنطباعة الخاص ....و شخصيته الخاصة ...



درست بمدرسة الرمس للتعليم الثانوي ..... و تخرجت بشهادة ثانوية عامة .... بنسبة ...... 80,8 أدبي

تدرون ليش ...؟؟ 08-11-2010 01:41 PM

مدرستي .............مدرسة الرمس في رأس الخيمة .....









طبعا أونو درست بهاي المدرسة ثلاث سنوات ....و أستوت لي بعض المشاكل فيها ....ضاربات و جي ...



المهم هاي المدرسة كانت مدرسة واااايد مميزة بالنسبة لي و مستحيل انسها ,, لانها تركت بصمة خاصة فيها بقلبي ....و البصمة ما تنمحي ....


شي واااااايد مدرسين تركوا مكان خاص فيهم بقلبي و ما أعتقد أني أنساهم ,,, لانهم فعلا كانوا محترمين و طيبين .....و شي منهم ما يشرح زين بس يكون طيب ....



بعطيكم بعض أسماء المدرسين بس أحس ماله دااااعي ........<<<<< يعني شو الفايدة من أبراز الاسماء .......




مدير المدرسة .....واااااااايدين ينتقدوه ....بس انا الصراحة واااااايد أحبه لانه هو ساهم بتقدم المدرسة.....و هو طيب.....بس هم فاهمينه غلط.....



و بعدين مشاكلي المدرسية بخلها مستورة أحسن لي <<<<< خخخخخ

تدرون ليش ...؟؟ 08-11-2010 01:47 PM

قبل أسبوع و شي تقريبا .....سرت مستشفى سيف بن غباش ألي براس الخيمة .....


و شفت الممثل ألي يمثل بمسلسل أوراق الحب .....

زوج البنت الصغيرة ...
و شفته ماخذ أبوه المستشفى و أبوه مسكين قاعد على كرسي <<< شيبة يعني ......الله يحفظه....

وشكل هذا الممثل عصبي ,, بس سرت و سلمت عليه و أستغربت من تواضعة الكبير و أهتمامه بأبوه و الله فيه الخير .........

المهم و بعدين طلعت من المشفى و سرت صوب الاشارات ....و شفت ريال شيبة ميود يروز ومحطنها فوق ظهره و يمشي فيه بالشوراع .......<<<< أسميه ضحك

الرزق نفس ما يقولون ......

تدرون ليش ...؟؟ 08-11-2010 01:54 PM

(((الاعضاء ألي لفتوا أنتباهي بالبرزة )))





هم







حكيمة زماني

مزيونة البدوو

استراتيجية مفكر

أل بهلول

ذوق و نظرتي فوق

الصياد

زيتونة

رفيع الشان

مرفوعة الراس

سحروته

لون المطر

الجارح

الخنبولي 77

حكومي

جدايل

بلوشية راك

راك بوي

نظرة غرام



و شي واااااايدين بس عااااااد ما أقدر أذكرهم لانهم ما شاء الله وااااايدين .....


أسمحولنا عاااااااد

تدرون ليش ...؟؟ 08-11-2010 02:03 PM

أبغي أشوووووف تقيماتكم عااااااد ........؟؟



لا تبخلوا علينا بالتقييمات..... أترياها ....

تدرون ليش ...؟؟ 09-11-2010 02:39 PM

اليوم الصبح .....



دشت حقي أماية غرفتي ....و قالت لي عطني من عندك خمسين درهم لان ما عندها خردة ....و طلعت من البوك و عطيتها و طبعا يوم بتخرد بيزاتها بتعطيني الخمسين مالي....

ألحين محطي مسلسل أهل الراية ... ياخي واااااايد كانوا متعقدين و ظالمين الحريم واااايد .... بمعنى ان الحرمة لازم تطلع بنقاب و مغطيه كل شي بحالها ....
الرسول صلى الله عليه و سلم <<<< أمر المرأة تغطي كامل الجسم ألا الوجه و اليدين .....

تدرون ليش ...؟؟ 09-11-2010 02:46 PM

طبعا عايلتنا عندها ثلاث بيوت .... أسرة البيت يعني......


واحد باليبل
وواحد بمنطقة ........؟
وواحد براك


و الخميس الياي ,, بنسير منطقة ...... ,, لتغيير الجو طبعا و دوووووم بالاجازات نسير هناك .....

و طبعا هناك عندنا هووووش واااايد ما شاء الله ... و عندنا حمام تارص القفص .... و قبل كان عندنا أدياي بس عطيناه حق أختي المتزوجة لانها واااايد تحب الدياي .....

و الهووووش ألي عندنا ... طبعا غنم عربي مال اليبل يعني و هذا يعتبر من افضل النوعيات للذبح و نحن كله نذبح و ناكل منه طبعا ....و عندنا غنم باكستاني و مال ايران و مال عمان ....بس غنم عمان وااااااايد حلوة أشكالها و نشيطة ما شاء الله ......

ألي يبغي لحم عربي .... يزورنا بعيد الاضحى و فاله الطيب .....


يمكن أحطي لكم صور أغنامنا بس بعد فترة .....

تدرون ليش ...؟؟ 09-11-2010 02:49 PM

و أنا طبعا ما أحب أحطي بمدونتي أشعار و قصايد .... عشان ما أملل بالواحد .....لاني أدري أن الناس تحب المواقف و جي .......و ما تحب واااااايد الاشياء المملة .....

تدرون ليش ...؟؟ 10-11-2010 01:32 AM

قبل شوي أختي بارك الله فيها .......محطيه حقنا العشاء و ترى نحن بالبيت نتعشى بأوقات متأخرة .....نتعشى الساعة 12 و الساعة 1 .....

و بقولكم شو عشاء اليوم بس بليز لا تضحكوا ......

العشاء هو : روب عليه دهين , و بيض و طماط , و خبر لبنان .....

و طبعا الشغالة راقدة مسكينة ....كككككك....... و هي ما تدريبي انا كاتب عنها بلبرزة....و الله بتسوي تحقيق ويايه .........خخخخخ

تدرون ليش ...؟؟ 11-11-2010 11:35 AM

((( جولتي اليوم الصبح )))





قمت من رقادي ,, و تعدلت و كشخت ,,و سخنت الموتر ,, و طلعت سوق الكويتي ألي براس الخيمة ,, و طبعا الحين جونا جو أعياد ,,

و الصبح أمايه قالتلي سير سوق الكويتي ييب تخاوير العيد يعني كنادير حريم مخورة يعني مطرزة ,, و يبت الكنادير و أكيد مخرب بعضها ,, دومهم الخياييط جي ’’ يخربون بس .........

و أنا كنت ساير أخذ عطور بعـــــــــــــــــــــد ..... حبيت أنوه لموضوع العضو أل بهلول ألي يختص بالعطور ,, ووايدين أعضاء كاتبين عن عطور و أنا سجلتها عندي حتى أشم ريحتها ..... و سرت دشيت محل العطور <<<<< و قلتله عطني عطر ( كارولينا هريرا ) و ما عيبني أبدا ....و قلتله عطني عطر ( أسكادا ) و ما عيبني .....و قلتله عطني عطر ( غوتشي ) و ما عيبني بس عالاقل هو احسن عنهم ......ما أدري كيف أذواقهم جي ......<<<<< الصراحة هاي العطور المذكورة موب شي ......و شي عطور واااااايد أحسن عنها .......بس بالاخير ترى كل واحد له منطق و ذوق معين ....و لازم نحترم أذواق الاخرين ....لان لكل شخص ميل في الحياة .....و طبعا سرت محل عطور ثاني ....و دشيته ....طلعلي عطور موب لذاك الذود ..... يلست أشمشم لين ما يأست .....<<<<< لان ما عيبني شي .....و خذت عطرين أعرفهم من قبل .....و أنصحكم بهذا العطرين و ما أتوقع حد يقول أن أرواحهم موب شي .....لان بالفعل أرواحهم طرر.....ووااااااااااايد حلوة .........و أساميها .....

أول عطر أسمه : جينفر لوبيز
ثاني عطر أسمه : أي غنر

و روائحها على ظمانتي .....





المهم يوم أنا كنت بمحل العطور ....دشوا واااااااايد حريم ......<<<<< حسيت أن وحدة منهم هي عضوه ببرزة الشحوح <<< ككككك



ونتظروا اليديد اليديد من سوالفي الحلوة >>>>>>>> مداح نفسه <<<<<<< خخخخخ

تدرون ليش ...؟؟ 12-11-2010 06:56 PM

طبعا اليوم صليت صلاة الجمعة أنا و الوالد ....صلينا بالمسيد ....و بعدين طلعنا و سرنا لعموتي ....دشينا لها البيت ....و أنا تره لحيتي أسويها على شكل سكسوكة....
و يوم شافتها عمتي هزبتني ....قالت لي ( شو ها , نحن شحوح و الشحوح يخلو أو يخنيروا اللحي ) <<<< تدرون عاد الكبار أول كله يبغون عادات نفس قبل <<<< ككككك


و قلتلها أنا بعدي صغيرون و هذا ستايلي .... و قالت لي ( لا خليها مرة ثانية أو خفها ) خخخخخ <<<<<<<< شكلي مرة ثانية ما بسير لها .......؟؟؟


و ما شاء الله عليها ..... قربت بنا و حطت حقنا عسل يبل أصلي .....و خلتنا نتغدى وياهه .....طبعا عيش و سمج .....





أدري أن مدونتي حلوة < موب لازم تقولولي .......؟

تدرون ليش ...؟؟ 14-11-2010 04:12 PM

بكمل سوالفي الاكثر عن حلوة





طبعا أيامنا هاذي أيام أعياد و الكل مشغووول بشراء الاغراض ,, و الاسواق زحمة ,, بس تصدقون هاي الايام واااااااايد حلوة ........

أشتريت أغراض حقي و خلصت ....و الاغراض هي .... عطرين و 3 كنادير و 3 غتر و ساعة و نعال و كريم .....بس نتريه العيد عشان نكشخ ....و عااااد صقور كشخته غير ......؟؟؟ ككككك


و قبل العيد بيوم بسير أغسل موتري <<<< أكيد المغاسل زحمة بس شو نسوي .....و بسير بعد أتحلق و هاي المرة ما بحلق عمري بروحي .....بسير الحلاق لانها مناسبة مهمة .....أخاف يتخبلوا البنات يوم يشوفوني ......خخخخ ........و عاااااااد بعدين الليلة ألي تكون قبل صباح العيد <<<< أنا أحطي فيها روب بويهي لان الروب وااااايد مفيد للوجه و يصفيه و يخليه لامع و يبيضه و يزيل الجراثيم .....؟ أنصحكم تحطونه ......




تابـــــــــــعوا مدونتي و نتظروا اليديد مني ......بكتب لكم عن أول أيام العيد ويانا ....من الصبح لين فليل .....و كيف كان ....

تدرون ليش ...؟؟ 21-11-2010 10:33 PM

أول يوم من أيام العيد عندنا






يمكن تأخرت عليكم شوي <<< بس ما عليه .....

رقدنا فليل متأخرين ....أنا رقدت الساعة ثلاث الصبح ,,, يعني متأخر واااااايد .....و طبعا انا و اخوي راقدين بغرفة وحدة ....واسميه هذاك اليوم كان اللرقاد عميق و مريح .....المهم <<<<< فجأة <<<<<< دشت أمايه فديتها ,, يالله قوموا صلاة العيد بتسبقنها ....و طلعت و نحن بعدنا راقدين ......و ردت دشت (( أقولكم قوموا تعبتوني تراكم ؟ )) .......و بعدين يلست انا اتحرقص بالفراش و قمت بغصب حتى اني فكرت اني اكمل رقادي و ما اصلي <<< كككك

سبحت و لبست كندورة سودة من قماش الختم و غترة سودة ويه احمر ....و نعال ماركة البربري لها شرك من وره.....و شليت وياي سجادة صلاة ....و طلعنا اسرتنا الكريمة يعني ....أول ما وصلنا مصلى العيد الناس تصلي ...أول ركعة يعني ....لحقنا على ركعة وحدة بس ....الله كريم ....
و رديت البيت من بعد الصلاة ....و شليت جدر صغير من البيت عشان الاهل يبغوني أحطي فيه هريس من مطبخ أطايب <<<< حد يعرفه <<< هريسة فنان أموووووت بطعمه الحلو .....حطيت فيه هريس و رديت البيت حطيته بالمطبخ .....و بعدين سرت بالموتر سلمت على عموتي واسميه كانت عندها زحمة بالبيت ....و رديت فريجنا و طلعنا أنا وولد خالي نتقهوى بالبيوت .....بيوت جيرانا يعني و أهالينا ....و خلصنا القهوة و سرت أرقد و قمت فليل ....و عاد فليل يلست ويه ربعي صوب البحر يلسنا نسولف و نضحك و أنكت و أحلى شي كان باليلسة الاحترام بينا و المحبة ......و هذا يوم للعيد ......

تدرون ليش ...؟؟ 28-11-2010 09:32 AM

تصدقووون أن أحلى وقت باليوم هو وقت الصبح لان فعلا الواحد يحس ببداية حياة يديدة مثل تفتح الزهرة .....و العصافير و الاشجار و تحس أن حياة برع .....



اليوم صليت صلاة الصبح بالمسيد و ما شاء الله وااااااايدين صلوا اليوم ,,, و ألحين بهذا الوقت فاتح قناة دبي و أتابع برنامج الصباح <<< ما شاء الله عليهم المذيعتين وااايد محترمات و طيبات و بعدين يوم أتيي الساعة 10 اتابع برنامج صباح الخير يا بلادي على سما دبي <<< تعيبني المذيعة عليا ......بس الحين اعتقد ما تطلع .......و احب اتابع برنامج صباح الخير يا عرب حلو بعد يطلع بأم بي سي .....المذيعة لوجين طيوبة وااااااااايد و متألقة بالتقديم و لبسها بالبرنامج واااااااايد حلو ......

طلبت من المطعم قبل شوي ,, سندويش بيض مقلي ثلاثة و سندويش جبنة واحد .....و سرت حق شغلتنا و قلت لها يوم تسمعين صوت الجرس أطلعي حق الهندي و ييبي عنه الاكل و عطيتها بيزات طبعا مال الاكل .....





بقولكم شي <<<<< أنا الصراحة وااااااااااااااااايد أفرح يوم أشوفكم مهتمين و تقيمون مدونتي ....و أتمنى أنكم تكونوا جي دووووم و أتابعوا مدونتي ....

تدرون ليش ...؟؟ 29-11-2010 08:17 AM

قبل شوي سرت حق الشغالة و قلتلها (( شي روب بالثلاجة ؟ )) و قلت لي ما شي ,, و قلت لها أوكي خلاص ,, و بعد عشر دقايق ,, أشوف أبوي داش و يايب وياه درزن روب ,, السالفة : هو سمعني يوم أقول حق شغالتنا شي روب ......و الله فيه الخير و هذا الاب الحقيقي ....يحب ولده و يتمنى له الخير .....الله يحفظه ....




شفت أختي اللصغيرة تتجهز حق المدرسة ,, و قالتلي (( باجر أبغيك توديني المدرسة لاني بسوي هداية حق ربيعاتي بالصف بمناسبة العيد الوطني للامارات ؟ )) ,, ما تقدر تسير بالباص لان الكيسة بتكون كبيرة و ما تقدر تحملها .......و قلتلها فالج الطيب .....أذا ما شالتج السيارة بتشيلج عيوني .....فرحت و ضحكت ......الحمدلله .....


أنتوا البنات كله حياتكم <<< شلني شلني طلعني طلعني .....شلني صالة الافراح - شلني الصالون - شلني السوق - شلني الحديقة .........ألخ

بس بتم دووووووم أقول <<<<<< المرأة ثم المرأة ثم المرأة ...........و أتريوا دوووم اليديد مني .........تحياتي لكـــــــــــــــم.........










و أشكر كل من قيمني ......و كل من تابع مدونتي الغالية علي .......لكم شكر من صميم قلبـــــــــي......

و الشكر لـــــــــ




مزيونة البدوو

زيتونة

الجارح 2003

خيمينا

دلوعة الوصل

ذوق و نظرتي فوق

تدرون ليش ...؟؟ 03-12-2010 07:46 AM

صباح الخير لا أكثر ,, صباح العود اللمعطر







كنا يالسين بالصالة سهرانين نطالع التلفزيون و نسولف و ناكل و الاكل هو خفايف من الدكان .....و فــــــــــجــــــــأة سمعنا قفص العصافير مالتنا يهتز بقوة و القفص كان بالليوان ...سوى حشرة ؟ .....و طلعنا حق العصافير <<<<< توقعـــــــــــوا شو شفنا ؟؟؟؟


شفنا قطو يهز و يحاول يفتح القفص علشان ياكل العصافير <<< صدق ما يستحي على ويهه ......و طبعا هيرناه من مكان القفص و سار حزين مسكين (( ككككك )).....




أمس فليل متصلين حقي ربعي ,,, تدرون عاد الخميس اجازة و طلعات ....و أنا طبعا كالعادة راقد و رقادي يدووووم ساعات ما تتوقعونها .....أرقد بشكل فضيع << الله يهديني .....شو نسوي بعد بطاليين ؟؟؟؟ ......حياتي كلها فون و تلفزيون و نت و سوالف و أكل و رقاد ......

و قالت لي الوالدة أمس أن الشتاء باجي له شهر واحد بس ...و أنا أنصدمت ....توقعت يتأخر الشتاء .....بس الله كريم .....








أشكر المقيمين لي و همــــــ





الصياد

زيتونة

دلوعة الوصل

غلا قلبي شحي

أنا و قلبي

خيمينا

تدرون ليش ...؟؟ 05-12-2010 10:01 AM

صباحكم فراولة و عنب ...صباحكم عوود و عنبر....




حياتي جدا جميلة و أنا الصراحة وااااايد فرح و سعيد لان أبتسامتي دوووم مشرقة >>>


بكتب لكم مسج كاتبنه حقي حبيب القلب و هو طبعا خليفة ولد خالي ....و المسج هو <<< الله يخليك و لا يحرمني منك و صداقة أبدية أن شاء الله ....
و يوم شفت هذا المسج حسيت بالراحة و الامان و بالسعادة .....





أمس عزمت أسرتي الكريمة ,,و قلت لهم جهزوا أعماركم بنطلع بعد صلاة العشاء ( حمرا مول ) ألي بالجزيرة الحمرا ,, و طبعا طلعنا و شغلت لهم اغنية مرة سنة و حسين الجسمي و ميحد و هيفا وهبي ,, وصلنا المول و دشينا داخله و يوم شفناه من داخل مووول ما عيبنا و قلنا يا ريت ما ييناه لان طبعا أول مرة ندشه ؟

مرة ثانية بحضر لهم رحلة و بخليهم يستانسوا و يضحكوا دوووم .....و طــــبـــــعــــا الياي أجمــــــــل ...









وبــــالاخير طبعـــــا أشــــــكــــــر كل من قيمني .......و همــ




بلوشية راك << أشكرج شكرا جزيلا لانج دوووم متفاعلة وياي وويه مواضيعي ....و أن شاء الله دوووم ....


دلوعة الوصل << ايضا متفاعلة وياي ....و أشكرج



الاميرة <<
أشكرج بالشكر الوفير

خيمينا << متافعلة ويه مدونتي و لج جزيل الشكر و التقدير

تدرون ليش ...؟؟ 15-12-2010 01:20 PM

عااااااااد صقوور ألى مدونته الجميلــــــــــــــــــة <<<



بذكر لكم قصتين قالهم حقي ربيعي و أثرت فيني واااااايد ....و هي قصص حقيقة طبــــــعا .......




القصة الاولى ::


يقولي أن ربيعه شاف هندي يموت عدال عينه ,, ربيعه كان واقف ويه المغسلة و شاف دعمه وراه و ألتفت على طول و شاف هندي طار بالهوى بمسافة بعيدة و عقب طاح بالارض و أنفجر راسه و مات على طوول و طبعا الهندي داعمتنه سيارة <<< صدق موقف صعب جدا ؟؟





القصة الثانية ::



قالي أن أخوه و كانوا عنده شباب بعد..... شافوا أيراني بالجبل و كانت حالة الايراني تعبانة واااااااااااااايد.......كان عطشان لاخر درجة......و قال لهم ابغي ماي بسرعة....و هم على طوول نزلوا من اليبل عشان اييبون له ماي........نزلوا يابوا الماي له و طلعوا له اليبل .......و يوم وصلوا عنده ......الايراني شاف الماي و يبغي يمسكه عشان يشربه.....و نقز على الماي يبغي يشرب و ما لحق يمسكها << مات على طول من شدة العطش ؟؟

تدرون ليش ...؟؟ 22-12-2010 03:21 AM

أشكر كل من متابعني دوووووم و يقيمنــــــــي......الشكـــــــر من قلبـــــــــي لـــــــكــــــــم..........



من أيام غيرت روتيني شوي .....العصر أركض عالبحر و أمشي للحركة شوي لاني مليت من الكسل ,, و البحر ألي أمشي عليه يكون فيه ربشة و ناس يمشوون و يركضون و يسولفون و يصيدوون .......حلوة الحياة........

المهم رديت اليووم من البحر و سبحت و صليت المغرب و عقب كلت أندومي و شربت ديو ’’ و بعدين سرت أرتاح عالفراش و وياي أكتاب أقراه .....و بعدين و انا عالفراش دش حقي ولد خالي الغرفة و قالي باجر الصبح الساعة ست الفير بنسير الجبل و ابغيك تسير وياي....و هو ياي خصيصا عشان أنا أسير وياه اليبل...فيه الخير......
و أنا طبعا قلتله ما أقدر أسير لاني موب متفيج....و قالي سير وياي ياخي......و قلتله بفكر و فليل برسل لك رسالة عالفون بخصوص بسير و الله لا.......ورسلت له رسالة بأني ما اقدر اسير و تسامحت منه.....و هو طبعا بسير ويه واحد ثاني بعد...........




و شكــــــــــــــــــــــــرا..........

تدرون ليش ...؟؟ 05-01-2011 08:37 AM

كاره عمــــــري هاي الايام .....كله رقــــــــاد ونت .....أيه ده ؟؟


بغيـــــــــر أن شاء الله.....الامل بالتغير بعده موجود .....و هل للامـــــــــــل حــــــــدود ؟؟




أمس فليل يـــــــوم كنـــــــت راقــــــد ياني رقم واحد غريــــــب ....و متصلييــــــن حقــــــي ربعـــــــي ثلاثـــــــة و ما رديــــت عليهم لاني كنت رقاد فديتني ......الله يحفظنـــــــي دوووم ............... <<<<<< شو السالفة خخخخخخ





من بعد نشتــــــــي من اللرقــــــــاد ....طلعــــــت صالـــــة البيــــــــت جــــــان أشوف قطــــــوة شيرازيــــــة .....و قلت لهم حق منو هـــــاي من وين يايبينــــــــها....و قالـــــــــوا أن أخوي يايبنها للبيت.....و العايلة كلها فرحانة فيها....ما مصدقيين << خخخخخ





المشكلة بالقطوة الشيرازية أنها حساسة واااااايد و تبغي حد يعتني فيها زين بزين .....أونــــــه يسوون حقها ريجيم بعــــــد << صدق الدنيا مخبية بلاوي <<<< ككككككككككككككككككككككككككك







أشكـــــــــــــــــــــــــــــــــر كل من قيمني بس للاسف ما أقدر أكتب أسمائهم لانها كلها نزلت تحت.....السمووحة مني عااااااد





أتريـــــــــــوا المزيد المزيد المزيــــــــد من مدونتي الاجمــــــل عــــن الجمـــــــــــال.....سي يـــــــــو

تدرون ليش ...؟؟ 19-01-2011 01:42 AM

بما أن اليوم الجو طرر و جو طلعات << عزمت الاهل بطلعة لمسافي ,, سرنا مسافي وواااايد كان الجو حلو هناك و كانت مواتر زحمة و ربشة الناس...طبعا بركنا حذال سوق الجمعة...و نزلنا كلنا و الوالدة أشترت وااااايد خضروات و فواكه مثل <<<


صنطرة - موز - فراولة - فندال .......ألـــــــــخ



و أنا بعد فديتني خذت لي شيرتييـــــن ......الاولى : شجرة وردة لونها أصفر الثانية : شجرة عباد الشمس








تعــــــــــــــــــالو شوفــــــوا ....؟؟؟






طبعا يووم كنا نشتري خضرة و فواكه ,, أنا سرت أنعزل عنهم شوي ,, سرت بروحي لموقع بيع الاشجار و الورود و كانوا هناك كله هنود ,, و أنا كنت أشووف الورود و الشير و فجأة شفت وحدة موقفة عدالي بالموتر << بركنت عدالي يعني... ووايها ثلاث أو أربع بنات أعتقد أنهم من السمر ,,, أول ما شفت البنية ألي تسووق ,, أشوفها تطالعني بنظرة أعجاب و قاعدة تضحك و أنا منصدم طبعا و كان شعرها فلافل و كله برع.... الشيلة تحت الرقبة ....و يا ريت كان فيها مصدر من مصادر الجمال ,, كلها على بعضها سم ؟؟؟؟

المهم يوم تجدمت أنا شوي أشوفها لاحقتني و يوم وقفت انا الصوب الثاني أشوفها مبركنة بعد .......و يوم أنا ساير حق أهلي أسمع ألي وراها تقوول (( تعــــــــال )) ......و أنا طبعا منصـــــدم ...أقوول بقلبي معقوولة بنت البلاد تكوون جي....أحس انها وحدة مجنسة ؟؟


أكيـــــــــــد هي موب أصـــــــل....و طبعا أنا عطيتها طاااف و تهربت منهـــــــا لاني و الحمدلله أتميز بالاخلاق و الادب....و هاي أعتبرها نعمة كبيرة .....






.................................................. ................................................




اليوم الساعة 12 ونص فليـــــــــل كنت راقد على سريري ,, أتابع مسلسل باب الحارة الجزء الاول على قناة أم بي سي دراما ....


و فجـــــــــــــــأة و أنا مندمج ويه التلفزيوون ....



توقعـــــــــــــــــوا شو أستــــــــــــوى.....









شي ما كان بالحسبـــــــــــــــان....









فجــــــــــــــــــــأة...










أستوت هزة زلزالية خفيفة...حسيت أني أرقص عالسرير و شفت الوردة و الشيرة تتحـــــــرك...و سرت أراكض برع بالصالة من الرعــــب؟؟؟



الله لا يقرب منا الزلازل و المشاكل البيئية يا رب ...اللهم أمين...









بالاخير أشكـــــــــــر كل من قيمني و ما شاء الله واااااايدييــــــــن....أنتظروا اليديـــــــد دائما و أبــــــــدا منـــــــي....سي يو

تدرون ليش ...؟؟ 07-02-2011 03:47 AM

احـــم << احـــــــــم << احــــــــــــــــــم




بقولكـــــم شو أستوى لي ..؟؟؟





يووم الخميس ::


كنت أنا وولد خالي حبيبي سايريين عرس بصالة الافراح ...يلسنا لين ما دشينا الصالة ..طبعا يلسنا عالطاوولة و أول ما يلست كلت عيش على طوول ..و أول أكلة للعيش لي أنشرقت فيها لدرجة أن عيوني دمعت و أحمرت و جسمي وويهي عرق وااااااايد ...يا الله فضيحة كنت كاشخ و محطي كريم << أخاااف يذووب << خخخخخخخ
يعني اكيد بيكوون فشلة << ناااس يالسيين بالطاولة و حضور دايريين عليك ,, المهم ,, الحمدلله شغلت عقلي و حطيت أيدي على حلجي و بلعت العيش عشااان لو ما حطيت أيدي جااان أنبلع العيش عالطاوولة عدال الخلق ؟؟؟
و الحمدلله بعد أن ولد خالي كااان محطي لنا مااي بالكوب جاهز أول ما يلسنا ,, و شربت مااااي على طوول وولد خالي يقولي شوي شوي عن حد يسمعك لا تسعل وااايد ...و طبعا ما تهنيت و كلت براحتي و طلعنا على طوول ...حروووووووووم أهم



ملاحظة : يمكن قززتكم السمووحة عاااد ....







يووم الجمعة ::


سرنا القرية العالميــــــة كاانت حلوة وااااااايد ربشة و زحمة موب كنت متوقعنها ,,, المهم شفت العجب << ياااخي شو ها البنات كل شعرهم برع و أستغربت أن شي منهم متمكيجيين بالصالون ,, و القهر أن البنات ألي متعدليين أوفر يبين عليهم صغارية مال الاعدادية و الثانوية << ويـــــــــن الرقابـــــــــــة ؟؟

لعبت لعبتييـــــــن بس لاني هاذاك اليووم كنت مريض موب راضي أروح بس المشكلة أن الكل جاهز فموب حلوة أقوول ما أقدر أسير قلت بسير و ألي فيها فيها لكن يوم وصلت الحمدلله سااار المرض ....و حلت العااافية ....





أسمحــــــــولي عالصراااحة القوويــــــة ؟؟

الصرااااحة شفت وحدة تلعب وياي باللعبة و عيبتني وااااايد كنت أطالعها بس بشكل محترم طبعا ...و أحسها مديرة بوزها ...خخخ

كانت سمارية شوي و متحجبة زين و محطيه مكياج خفيف و عباتها فيها خطوط زرق << حــــد يعرفـــــها ؟؟


سخيـــــــــف صــــــح ...عالعموووم هذا ألي بقلبـــــــــي و حطيتـــــه لكـم ...










واااحد اليووم من ربعي متضااايق مني و منقهر ما أدري ليش <<< و حبيت أقوله من مدونتي الخاصة << أسف أسف ثم أســـــــــــــــــــــــــــــــــف ....و أتمنى أنه يقبل أعتذاري ؟؟







تابعــــــــــــــوا المزيد مني في الايام القادمة << ألى اللقـــــــــاء...

تدرون ليش ...؟؟ 10-02-2011 12:27 PM

مرة من المرااات كنت ساااير مكااان عاام ...و شفت ريالييـــــن كانوا واقفيين صوب اليداار و أنا مريت صوبهم ساير ؟؟

سلمت عليهم و يوم طفتهم شووي سمعت واااحد يقوول (( أختربــــــوا الشبـــــاب )) ...

و جااان أنا أقوول في نفسي (( ليش قالي جـــــي يا تــــرى << أحيدنــــي ما سويـــــــت شـــي سلمـــت بـــس ))...


و عقـــــب فكـــــرت أنه ليـــــش قالــــــي جي ....و
طلعـــــــت النتيجـــــــة ...










تدرون ليـــــــــــش ...؟؟


























لاني كنت لابس كندورة ضيجــــــــة << خخخخخ



بس أحسها عااادي موب ضيقة وااايد ...بس طبعا الحمدلله ما ماخذ بخاطري منه و ألي يبغي ينتقد ينتقد المجال مفتووح أمامه للانتقــــاد و أنا مستعد أتقبـــــل بصدر رحب...



و أتعلمت من ها الموقف أن الثقة بالنفس تريح الشخص و تجعله سعيد و فرح...أما الشخص ألي يتحسس من هاي المواقف و الانتقادات طبعا بيكوون متضاايق و متعصب و بالاخير هو الخسراان ...







بس تصدقووون كندورتـــــي حلوووة وااايد و ألي يبغي يفصل شراتها يقولي بوصف له الخياااط و شكرا لحسن تعاونكم ...خخ

تدرون ليش ...؟؟ 13-03-2011 07:23 AM

يااااخـــــــي الشمــــــس ما ترحــــــم اليـــــووم << حاارة وااايـــــد ؟؟

و أبووي يقولي غريبة المفروض بعده يتم بـــــرد ...
:ay::ay::ay:





الشغالـــــــــة تســـــووي خبـــــز خميــــر و أنا أتريـــــاااااه يخلــــــــص ...و بويه على خبزهاااا و الله أنه عسل..أكله بسكر ...

السكـــــــر دووم ربيعــــــــي ..


:gooddw::gooddw::gooddw:







أبغــــــــــي شي براااااسي يتحـــــــقق أدعولــــــــــــــي ...


:ax::ax::ax:








أمــــــــس بعــد منتصف الليـــــــــل ,, رمســـــــت واااحد عزيــــــز علــــــي و كنت يالس بالحووي على طااابووقــــــــة شوفوا التوااضع كيف خخ
و كنت أشووف جدااامي و فجأة شفت شي شرااات البرق يلمع بالسماااء ,, و السالفة أن نجم أنفجر ,, بس يوم أنفجر كااان شكله رووعة ,, ما صدقت يوم شفتـــــه ....و أستوى بالووقت المناااســـــــــب خخخ...


:a040::a040::a040:








أشكـــــــــررررر كـــــــل متاابعييـــــــــن مدونتــــــــــــي و أرفـــــــــع لكــــــــم قبعتـــــــــي ...


:bt::bt::bt:

تدرون ليش ...؟؟ 31-03-2011 05:26 AM

دووم بووقت الليل أتيلس ويه ربعي على شط البحــــر و دووم يكوون عندنااا هوى قووي و الجوو لطيـــف و مريح للنفس ..

و دووم طبعااا يوم أطلع لهم أتكشخ عشااااان
يمدحووني خخ :3nb:




المهم ,, سرت عنهم ورديت البيت السااعة 2 ونص فليل ,, و يووم دشيت فريجنااا شفت شي مدعـــــــووم أسميـــــه كسر خاااطري ..




تدرون شو المدعــــــــــــــووووم ؟؟













المدعووم هـــــــــــوو >>>>











سخلـــــة صغيرة يمكن صاار لهاا يومين ثلاث مولودة يا حراااااام و القهر أنهااا مفرورة بالشااارع و يوم ييت صوبهااا وقفت بنص الشااارع جاان أشل الكلاينكس و علقت السخلة و حطيتهااا بجنب الشااارع عشاان ماا حد يدعمهاااا و يأذيهااا ...

همتني والله أسميهاااا تكسر الخااااطر :cry::cry::cry:


قلبــــــي واااايد حن عليهااا ,, ,, برقد بعـــــد شووية ...مع السلامـــــــة ...

تدرون ليش ...؟؟ 11-04-2011 06:06 AM

محاااولـــــة في عالم التصويـــر ,, أبغــــي أشووف شو رايكــــم بالصوورة ..





http://up4.al-qatarya.org//uploads/i...ad5b07018c.jpg

تدرون ليش ...؟؟ 12-04-2011 02:47 AM

اليوم رقدت من السااعة ثلاث وربع الظهر لين السااعة 11 فليل خخ
أسميــــــه حلوو اللرقــــــاااد:212:
بنعيـــــش الكســـل ترى مالنااا غنى عنـــــه :eh_s(1):



عقب ما قمت من اللرقااااد حضرت لي العشـــى << برووحــــي طبعااا




هذاااا عشـــــــــاااي


http://www.alshohooh-upload.com/up/u...8dcef11157.jpg





وعقب ما تعشيت الملح ,, لازم أحلي بالسكـــر شووي :122:


http://www.alshohooh-upload.com/up/u...c9545c41ad.jpg






خلصت أكـــــــل و سرت شفت باب الحاارة الجزء الرااابع و يوم خلــــص قريت لي كتاااااب ثلاث صفحاات و عقب دشيت لكــــــم خخ

تدرون ليش ...؟؟ 16-04-2011 04:58 PM

الجوو أمس فليــل كاان رووعة بما فيهاا الكلمة من معنــى و أحلى شي الطلعة بأجواء المطر وه بس

دشيت السينمااا ,, شفت فلم هندي حلوو و له معنى كبيــر و بالاخيـــر وصل لناا الحكمة من الفيلـــم

و الفيلم يتحدث عن الزواااج ,, بأأأن الحرمة بفطرتهاا تبغي تحفظ بيتهاا و ريلهاا و عيالهااا بس المشكلة الريال << بنظرة أنه يخوون حرمته و يسير حق بناات غيرهااا يغاازل و جـــــي ؟؟

أنصحكم أتاابعواا الفلم بالاخص الرياييل لانه يتحدث عنااا خخ

و أتمنى الرسالة وصلت للشبااب ألي تابعووه مــــــع أعتقااادي أنه ما حد بيعطي الرسالة سالفـــة ...




تميت أتحيس بالكرسي لانه ضايق فينـــي مارتحت وااايد عليــــه ,, يالله يالله يخلص الفلم عشااان أطلع ..و خلص السااعة وحدة ونص و سرنااا البيووت و أسميني كنت مرهـــــق ,, تعشيت و سولفت شووي خخ وصليت الفيـــــر و رقدت ...و الحياااة حلــــووة خخ

:122::122::122:

تدرون ليش ...؟؟ 04-05-2011 04:11 AM

الــــيووم بعد ما خلصت حواطــــــة ,, سرت أطلب لي من الكافتيريــــــاااا ,, طلبت و تميت مبركــــن طبعااا
و أنا بالسياااارة أشووف ريال شيبة يتمشى برع يدوور حـــــد ,, جاان يأشر لي من بعيــــــد
أنا أستغربت طبعااا و خفت بعد خخ << شكلــــه يخووف شووي ؟؟ خخ
فتحـــــت له الدريشـــــة جاان أقووله أمر تبغي شـــــي ؟؟

و قالـــــي أوونه دااش محل التيلفوناات و يايبتنـــــه حرمة جيرانهم وولدهاا ويااهااا ,, هو طبعاا ما يسوووق
و يوم طلع من المحل شاف الدنياا فااضية:212:
الحرمة شردت عنـــــــه :1577_1186768770:

و جاان يقوولي << ولدي تقدر توصلني صوب الشارع الرئيسي يمكن احصل حد من ربعنااا بيوصلني البيت أو تااكسي بس مشكلتي ما عندي بالمخبى غير ثلاث درااهم و تم يكرر سالفة الثلاث درااهم طوول الطريج و أنا مستغرب طبعااا خخ ,, جاان اقووله أركب حيااك ,, و ركب ويااااي ,, و أناا طبعاا مااخذ حرصـــي لان ابوي و امي دووم يقولولـــــي أتحمل من أي حــد تشووفه و أحرص و أنتبــــه ترى واايد ناااس ملووثـــــة بهااا الزمااان ....
طبعااا انا مسند ظهري على ورى على أخر حد حتى اشووفه بطرف عيني يمكن عنده سكين شي ههههههه
ومحطــــي أيدي على اليرز cat:)
الحــــــرص وااااجب و الاحتيااط مطلــــــووب :d7aim:

المهــــــم طوول الدرب تم يقوولي << انته منو وين ساكن شو اسمك واسم قبيلتك << الله يحفظك ويكرمك أنته ولد اصل و فيك الخير يوم وصلتني ,, أشكرك <<< واااااااااايد تم يمدحنـــــــي:ah::ah:

عطيتــــــه مبلغ بسيط و قلت له وقف لك تكســـــي وسير بيتك و الاموور طيبــــــــــة خخخ
لا و كــــــــــــــــــل هذااا مطلق حرمتييـــــــن ومااخذ الثالثـــــــــــة cat:)

الشوراااع فيهااا أشكــــــــــــال متنوعــــــــــة خخ

تدرون ليش ...؟؟ 21-05-2011 01:05 PM

امس فليل ,, كان وااايد حلووو

حاوطت وخلصت عقب سرت أيلس ويه ربعي بالمقهـــــــى و يا ريتني ما دخلته << حشرة و ريحة شيش ><:shompe:
ودش لناا وااحد ربيعهم جان اطيح فيه من غير سبب << صدق عبط يمكن لاني مرهق ومسطـــــل:bad:
عوورني راااسي ,, و تووكلت عنهم يالله يالله اووصل البيت لشدة ارهاااااااقي وصلت رقدت على طوول
و أسميني رقدت زين أرتحت الصراااااحة:Afkr:

احلــــــى رقااااد الصرااحة ويا زين اللرقااد من بعد التعب خخ



البيـــــــــت بيظل أحسن عن كــــــل مكاااان ,, يلســـــة البيت هوااايتـــــــي ^_^

:bt:

تدرون ليش ...؟؟ 22-05-2011 04:43 PM

مساااء الورد للــــــــــووورد:chek:




أكثــــر مكاان أحب أيلــــس فيه بالبيــــت ,,, طبعااا علـــــى سريري:ha:






http://www.alshohooh-upload.com/up/u...2d007e9da4.jpg






شو راايكــــــــم :msgplusimg1434pm9:

تدرون ليش ...؟؟ 22-05-2011 04:53 PM

من فترة قمت أجمــــــع بيزااات بالحصالـــــــة خخ
اسلــــــي عمري :oio:

يوم ترجع عندي درااهم احطيهاا فيهاا و احطي بالشهر بعض الاورااق النقديــــــة خخخخ

بتم اعبيهاا لين ما تنترس :bo_mher:

ابغي اجمع اكثر دراااهم ابغيهاا تووصل لالاف الدراااهم خخخخ






http://www.alshohooh-upload.com/up/u...263183ed7d.jpg

تدرون ليش ...؟؟ 26-05-2011 03:18 AM

اليووم وأنااا طالع من الحلاق ,, دشيت السيارة وسقتهاا شوي وجان أحس ان فووق ريوولي شي يمشـــي:bo_mher:
نفضت ريوولي وساااااار:h015:
طنشت <<<
وجااان اشووفه مرة ثانية على كندورتـــــي وأرتعبت جاان أعطيــــه بطرااااااااااااااق:ha: ,, وماا مااات خخ


بالاخيــــــــر طلـــــع صرصووور :h035:

و لحد الحييـــن بعده بالسياارة << يا ترى شو الحـــــل كيف أطلعــــــه:ha:







بغرفتــــــي ماعرف كم فاااااار وكلهم صغاريـــــة داااشيين طالعييـــــن على مزاجهـــم:h035:
يتحروون غرفتــــــي كورنيـــــــش فيراااااان:h015:

يهمووني أذبحهــــم هههههههههههههه
وبعدين مسوييـــــن لي جوو بالغرفــــــة:bad:


بييهــــــم يووم بيتربعوون فيه على حبــــــل المشنقــــــة:bo_mher:

تدرون ليش ...؟؟ 01-06-2011 02:59 AM

مرة كنت وااااعي الصبـــح أتووقع يالس عالنت ,,
سمعت الجرس يدق <<<<

جاان اسير افتح البااااااب << شفت عامل نظافة جاان أقوول له أمر :Afkr:
جان يقوولي أنه يبغــــــي مااااااي و أنا بهااي اللحظـــــة تجمدت ماااعرف ليش
وااحد فقير يطلب مني ماااي:00100:
والله اعتبره شي كبير وفرحت وااايد لاني بااخذ اجر وبرضي تعبـــــه وبخليه يرطب جووفـــه
جااان أدش المطبخ وأدوور كووب قد رااااسي ماحصلت لان كل الاكواااب ألي عندناا بحجم عاادي خخ
دوورت دوورت دووووووووورت:oio:
وماحصلت كوب كبيـــــر
جااان اشووف شي جي يشبه الكوب بس حجمه كبيييير << وهو المطلووب:00100:

جان اغسلــــــه زين وترستـــــه ماااي عشاااني ادرري انه عطشاان بالقوو
خليتـــــه يشررب وقلت له << كلمااا يبغي شي يدق الجررس وبس
ودشيت البيت فرحااااااان:sheer:

أتمنـــــــى يكررهاااا مراااات








......((( صدقــــــة الماااااء أعظـــــم من صدقـــــــة المـــــــال ))).....

تدرون ليش ...؟؟ 07-06-2011 08:40 AM

صبااااااح الحب لحباايبـــــي أعضااااااء البرزة :wrd:



صليت الفيــــر بالمسيد وطلعناا انا وربيعـــــي كاااتم اسرااااري:00eek:
جاان يقولي انه هو واخووه بيسوون رياااضة (( ركض ومشي عالشااااااارع )):chek:
وقلت له اووكي انا بسيـــــر وياااكم بعد :122:

من فترة نوعاا ما طويلة ما مشيت كله البيت والسياااارة:012:
كسل بكســــــــــل:hm00mm:

تلبست وطلعناااا مشيناا سوالف وجـــــي خخ
مشيناا تقريباااا ثماان كيلومتراات واحسني ما مشيت وااايد ماعرف ليش :ha:

حلووو المشـــــي الصبح عالفير مااحد غير الهنود بالشواارع والعمال
والناااس اغلبيتهاا رقوود بالبيووت:012:

والحييــــــــن كلت مرقوووق و بعد شووي برقد وبنـــــــش بوقت متأخر :012:









أشكــــــــر كل من يتاابع مدونتي بأستمراااااار من قلبـــــي ,, ومااا أصدق اشووف تقييـــــم منكم خخ
أحسن الله عزكم ومقداااااااركــــــــم و لكم احترااااااامي وتقديــــري:bt:


بس ليش كل التقاييم من البناات بس :wrd:

تدرون ليش ...؟؟ 08-06-2011 04:09 AM

اشكر كل من قيمنـــــي

ام الخير

مزنة

اماراتية كلي برستيج

شيبة محتشر

زيتونة

:bt::bt::bt:


.................................................. .......




أيااام ما كنت أدرس بالثانووية ,, كنت اسير المدرسة بالاسبوع ثلاث مراات وسااعات مرتين وساعات أكمله كاامل بس ناادر جداااا:012:
كنت كسووول وكله ابغي ارقد بس :yaw:

تعبت ويااااي امي واااايد كل يوم تنش الصبح تهزبنــــــي وتشل عني مفتااح الغرفة عشاان ما اقفل علي وارقد :00eek:
وابووي مدلعنــــــي شووي :chek:

الاختصاااصي الاجتماعي مالنااا والوكيل مدلعيني بعد خخ
لاني كنت واااايد طيب وحبوب وياااهم واحترمهم << يقولون اسلووبي سااااااااحر:00100:

تميت على هااا النحوو :012:

ويوم نجحت الكل استغرب كيف انجح وانا اغيب و ألعب:yaw:

بالاخير اكتشفت ان الكلمة الطيبــــة والضحكة تملي قلب البشــــــر:00cool:

بس الحييــــــن أفكر بالمدرسة و مشتااق لهاااا مهماا كان بيناا عيش وملح خخ

واهم شي اني ما طلعت خسراااان بالاخيــــــــر :wrd:









اتذكر زميلي المصري كاانواا يلعوزون فيه بالصف ,, ودووم ايي ييلس صووبي ويرمسني
ومرة قالي انه يحبني انا اكثر واااحد بالصف لاني ما اغلط على حد لي بنفسي وبس
يمكن اسوولف واتمصخر بلسااني بس ما أمد أيدي << مستحيـــــــــل اسويهاااا:122:

وكانوااا شباااب الصف يلعوزون فيه << يشلون غترته من راااااسه ويضاربوونه وهااي الاشياااء ألي يسوونهاا كله علشاانه على نياااااته وطيب ومستغلينــــــه << بس فيه اشياااااااء تقهر فيه مثل الخرط ...............ألخ << مع وجود السلبيااات فيه نحن شو لنااا بالناااس
كل واااحد حر بعمره :wrd:
لازم يظل عندكم ذوووق وأدب واحتراام للنااااس مهمااا غلطواااا :bt:

والحيين هو مسكين يشتغل بمحــــــل زينة السياااراااات :122:

تدرون ليش ...؟؟ 13-06-2011 05:14 AM

المرة ألي فااااتت واااايد قيمووني:122:
اشكركم كلكــــم عالمتاابعة و أستاانست واااااايد لان الاغلبية قال ان مدونتــــــي طرر:wrd:
أنا بمتااابعتكم أتشجع بالكتااابة اكثر :00100:








أمـــــس شفت ربيعـــــي من فترة متزاعل منه جان اشوفه امس بالصدفــــة وسولفت ويااه وكان ويااي ربيعي الطبجة طبعااا خخ
جان يعزمناا نطلع ويااه << وطلعناااا وياااااه
بس كانت سواقته أكشن:yaw:
عنده نيسااااان وقير عااادي تم يفرنااا فرررررررر فيه:ha:
طبعاااا النيسان القير عااادي نكهته غير بالاخص يوم يكون الواااحد كاااشخ ويسووقه احم احم:wrd:
وردناااا وقبل شوووي رد يقولي باااااجر بنطلع مرة ثاانيـــة و قلت له يستووي خيـــر :012:

قلت له خف شنبك واااايد طوويــــل:00eek:
وواايد نااس قالوااا له خفه وهو مووب طاااااايع << جان اقول له اهم شي راحتك وبسسسس ماعليك من النااااس:122:

نفسي اناااا يقولون لي خل لحيتك كبيرة وانا طبعااا استايلي غيييييييير
احب اغير ساعات اشلهاا كاامل وساعات اخنجر وساعات سكسووكة
بس بالاغلــــــــب أخنجرهاااا وتكون صغيرة موب عريضة :012:
بعدنااا بعز الشباااااااب وبعمر الزهوور فالافضـــــل نطلع بشكل شباااااابي:chek:







شفت وحدة بدكاان شيشة البترووول ,, شيلتهاا بالنص ومكياااااج .......ألخ
وكنت ابغي اخذ جريدة مال اليوم ألي طاااااف وربيعي وياااااي يالسين نضحك وأنكت بالمحــــل
والبنت تشوفنااا وتضحـــــك بدرجة كبيرة :00eek:
وتمت تضحك ليييين ما دشت السيارة ويه وحدة يااااايبتنهاااا:wrd:
الله يديم الضحكة مسكينـــــــة تهم








ساعات ابغي اكتب واااااايد سوالف بس انسى واتعااايز واليوم شهيتي مفتوحة عسب جي متذكر زين :012:

تدرون ليش ...؟؟ 15-06-2011 07:54 AM

اشكر كل من يقرى ويستطلع على مدوونتــــي و لو ما عطيتوني تقييمااات موب مشكلــة أهم شي تفكروون فيهاا وبس :122:
بس طبعااا التقييمااات تزيدنــــي تفاااااعل و كتاابة أكثر :yaw:




بأيااام الابتداائيـــــة << ضربتني أبله ( ........ ) على أيدي ولحد الحييــــن مبينة علامة الضربة :012:
كلماا اشوفهاا اتذكرهااا خخ
بس كااانت قااسية احس فيها حالة نفسية او متمرضة من ضغوط التدريس :cry:
بالاخيــــــر ألي فاات مااات :wrd:



اذكرهااا كانت كل حصة أطلع وااحد من طلاب الصف وتقووله سير غرفتي ( مال المدرسيين ) عشاان اييب لهاا زنوبة تلبسهااا ,,
ويوم توصلهاا الزنووبة تبطل الكعب مالهااا الاسوود وتلبسهاا بالصف بس لانهاا يوم تشرح تلفلف بالصف وترتاح فيهاا اكثر :00eek:
وعقب يوم تخلص الحصة تطلع الزنوبة وتلبس الكعب :122:












(( ليس من العقل ان تكون مؤدبا دائما فالانحراااااف له لذة احياناا ))





وصالتنـــي عالبيبي ,, وولد خالي علق عليهااا الله يحفظه متقي ربه واااااايد ,, قال هاااي العباارة غلط
و انا برااايي انهااا صـــــح ,, صدق الانسااان ساعات ينحرف حتى يسلي عمره بس طبعااا ضد الانحراااف الفااسق
أنا قصدي الانحراااف المعقوول :122: << براائة يعني :wrd:

على فكرة شخصيتـــــه تشبه شخصية عين الصقر بشكل كبيييييير نفس الافكااار والطبع :yaw:

تدرون ليش ...؟؟ 19-06-2011 08:33 AM

صباااااح الخــــــييير لكل متاااابعيين مدونتـــي الثمينــــــــــة:gooddw:






يتني فرصة أني أسير مكة المكرمة العمرة ( كمحرم ) ,, بس رفضت لاني احس اني موب عاااازم و ماااقدر ماعرف ليــــــش يمكن لاني بسير بروحي والبااااجي كله حريم فصعبة شووي :oio:
مايصير اسير وماعندي نيــــــة ,, ونحن طبعااا تقريبااا عدة مرات قلنا بنسير واخر شي نقول ما بنسير :msgplusimg1434pm9:

قلت لهم السنوااات يااايه وان شاء الله بنسير و بنرد بالسلامــــــة :gooddw:








رسلت لهم عالبيبي << ألي يبغي منكم بسكويت ( ساندو ) يقوولي ,, وطبعاا هاي السوالف نااخذهاااا من منهج الدعاابة والتسلية
وجااان يقولي ولد عمي انه يبغي وقالي أنه ببوظبي جان اقول له ماقدر اسير بعيد عني خخ
وقال انه بيي رااااك وقلت خلاص تـــــــــــــم ,, اليوم بييب لك ساااااندوو :h015:
وصدق يبت ويااااااي البسكويت ووقفته لين ما يوصل و الريال تأخر علـــــــــي
يا ترى ليـــــــش تأأأأأأأخر واااااااااااااايد:a050:
جاان اتصل له :gooddw:


انا : هاا وينك
ولد العم : اسمحلي انا رديت الذيد
انا : شو تسوي الذيد
ولد العم : ربيعي سووى حااادث قبل شووي وسيارته تكنسلت والقهر انه ماخذنهااا وكالة قبل ايااام معدودة


وقالـــــــي أنه مستهم عليه واااايد وعيبني يوم قال جي تميت اشكره على هاا التصرف النبيــــــل :bt:









و طبعااااا بنفس الوقت تقريبااا تعرفت على ثلاثة شبااااااب ربــــــع ( خنزوري , خنبولي , شميلي ) ,, ماشاء الله عليهم أدب وذوق وتربية
ارتحت لهم بدرجة كبييرة ,, و الحيين اتواصل وياااهم عقبال الطلعة :00100:

الناااااااااس الطيبــــــة بعدهااا ما مااااتت :gooddw:


و أنااا يرتفع مقداااااري يوم ارمس ناااااااس تتميز بالاخلاق والادب ويحصل لي الشرف طبعاااا :bt:









يااااااااااااا ترى شو السالفـــــــــــــــــة ؟؟؟




واااحد من الاصدقاااااااء المقربييـــــن << طلب مني ( يرز ) << عصى تحمل باليد
يبغي يكشخ فيه بالعرس :msgplusimg1434pm9: وجاااااان أقوله انا عندي يرز ابيض واحمر
أي لون تختاااااار << قال يبغي اليرز الاحمر :h035: وعطيتــــــه له


وواااااحد ثاااااني بعد طلب مني نظاااارتي يبغي يكشخ فيهااا بالمدرســــــــة:h015:
يا هي حالـــــــــة << عطيتهااا لــــه:Afkr:


الساعة الآن 02:46 AM.

Powered by vBulletin® Version 3.8.11 - Copyright ©2002 - 2022, Jelsoft Enterprises Ltd.
لا تتحمل برزة الشحوح أي مسئولية حول المواضيع المنشورة لأنها تعبر عن رأي كاتبها