برزة الشحوح - Barzat alshohooh

برزة الشحوح - Barzat alshohooh (https://www.alshohooh.ws/vb/index.php)
-   ارشيف قسم الرياضه (https://www.alshohooh.ws/vb/forumdisplay.php?f=58)
-   -   يوميات "أم صويلح" (16) (https://www.alshohooh.ws/vb/showthread.php?t=66731)

ولهانة زايد 17-01-2009 11:00 PM

يوميات "أم صويلح" (16)
 
السلام عليكم ورحمة الله وبركاته

يوميات أم صويلح (16)
(الجوهر أم لوروا)

السبت، 17-01-2009
جريدة الإتحاد: للكاتبة بنت المنهالي


http://up1.m5zn.com/photo/2009/1/12/...pivded.jpg/jpg



أم صويلح: خخخخخ .. صدق يستاهل.

زليخة: ليش تضحكين ... ومنوو هذا اللي يستاهل؟؟

أم صويلح: منو بعد .. ميتسو.

زليخة: مدرب قطر .. مو استوى به؟

أم صويلح: طاحت فيه الصحافة القطرية .. قطعوه عدل .. اللهم لا شماته.

زليخة: إشله بعد (اللهم لا شماته) تراش تشمتّي وأنتهت السالفة.

أم صويلح: تعرفين هذا من حسن حظ العنابي .. لو إن ميتسو أوصله النهائي .. جان بيقول عقب أنه
هو اللي خذ الكآس مب القطرين .. عادي .. ترا هاي سوالفه المعروفة.

زليخة: بخبرج .. انتي منو يعجبش من المدربين؟

أم صويلح: صراحة هذا الجوهر السعودي رهييييييييييب مررررة.

زليخة: أوووه .. قلبتي سعودي!

أم صويلح: شخصية شخصية .. ما شفتيه يوم ما حضر المؤتمرات الصحفية .. ما يداني القوول . مااال فعل وبسس .. ماله بخراط المدربين الهبلة.

زليخة: هاااا ... وبعد؟

أم صويلح: تشوفين السعوديين يوم يلعبون .. منظمين منضبطين في نقل الكورة وفتح اللعب عن طريق الأطراف.

زليخة: شو؟!!!

أم صويلح: أنتي شو فهمج فهالكلام؟

زليخة: ومنو بعد يعجبش؟!

أم صويلح: ناااصر الجوهر .. وبـس.

زليخة: ليش .. ولوروا؟!

أم صويلح: هذا يعجبج انتي .. انا ما يعجبني .. كيفي.

زليخة: كيفش كيفش .. قومي ما باقي شي على أذان الظهر .. خلنا نلحق المباراة.

أم صويلح: حرام عليج بعده وقت .. وأصلا أنا ما بسير وياج .. نحن ما ارتحنا من يومين.

زليخة: قومي بلا دلع .. إنتي أصلا جيتي السلطنة عشان تحضري فرحة الأحمر فالنهائي.

أم صويلح: وهذا اللي نسويه من ثلاث أيام شو اسمه .. مب فرحة! خلاااص حضرت فرحتكم .. بسني.

زليخة: أهون عليش أسير روحيي؟

أم صويلح: تهونين ونص .. عيل انا هنت عليج وخذيتيني سياحة في عمان وأنا مريضة..!

زليخة: يعني ما بتشوفي المباراة؟

أم صويلح: بتابعها في التلفزون .. 22 كيمرا تـكفّي وتوفـّي.

زليخة: أفاااااا .. وهذا وأنا متفائلة بش.!

أم صويلح: صدق؟؟ .. يعني لو ماييـت .. بتخسرون؟!

زليخة: عافانا الله من لسانش .. كل السالفة إني اتفائل بش.

أم صويلح: زين زين بسير .. بس أذكرني أن اليوم بنتعشى الشوا .. فزتوا أو خسرتوا!!





بانتظـااار تعـلـيقاتكم لأم صويلح ....

وتـرقـبوا .. "أم صويلح (17)" والأخــيــيييييـرة .. بـاجـر إن شاء الله ..




سندريلا الشحوح 17-01-2009 11:41 PM

رد: يوميات "أم صويلح" (16)
 
تسلم خيوو ع الطرح الغااوي

ونترقب الجزء الاخير باجر

عنابة 17-01-2009 11:50 PM

رد: يوميات "أم صويلح" (16)
 
هههههههههههههههههههههه

رووووووووووووووووووعه

اتعيبني شخصية العيوز .. اذكرني بربيعتي وااااااااايد

ولهانة زايد 18-01-2009 12:39 AM

رد: يوميات "أم صويلح" (16)
 
اقتباس:

المشاركة الأصلية كتبت بواسطة سندريلا الشحوح (المشاركة 1261141)
تسلم خيوو ع الطرح الغااوي

ونترقب الجزء الاخير باجر


الله يسلمج سندريلا ...

وحـيااااااااج الله ..


همسـه: حـرام عليج .. أنــا كلي على بعضي ... بــنــوووووتـه :h_em:

ولهانة زايد 18-01-2009 12:42 AM

رد: يوميات "أم صويلح" (16)
 
اقتباس:

المشاركة الأصلية كتبت بواسطة عنابة (المشاركة 1261151)
هههههههههههههههههههههه

رووووووووووووووووووعه

اتعيبني شخصية العيوز .. اذكرني بربيعتي وااااااااايد



عنــااااااااابـه ...

انــزيـــــين الحــيـن أنــا شـكيت فعــمري ..!! :050103hm_


خخخخخخخخخخخخخخ


عنابة 18-01-2009 01:33 AM

رد: يوميات "أم صويلح" (16)
 
عيل هازه طولج منزله موضوع بالرياضيه .. اكييييد بتقول بخاطرها هذا ريال مب بنت

ما انتبهت وحليلها ع النك

وش لج بالرياضه انتي .. كابتن ماجد واايد عليج

خخ

ولهانة زايد 18-01-2009 02:06 AM

رد: يوميات "أم صويلح" (16)
 
اقتباس:

وش لج بالرياضه انتي .. كابتن ماجد واايد عليج

خخ




عــنــااااااااااااااابــووه...!!؟؟؟

شـيدي بتـزعليني منج؟؟

أنـــا أم الريااضة ... (الكووورة اللإماراتية بس)



خخخ

عنابة 18-01-2009 02:09 AM

رد: يوميات "أم صويلح" (16)
 
واااااااااااااههووووووه ريح

خخ

ReaL DaY 18-01-2009 03:09 PM

رد: يوميات "أم صويلح" (16)
 
شو خرب الكوره غير الحريم يوم رزوا ويهم


خصوصا في الملاعب ايام ماكانوا يدشون


والحين تشجيع جنس اللطيف

مااااااااالت

ٱڵڛھڔ 19-01-2009 02:58 AM

رد: يوميات "أم صويلح" (16)
 
ويك ويك



نكته ام صويلح



الهجرتس


الساعة الآن 05:16 AM.

Powered by vBulletin® Version 3.8.11 - Copyright ©2002 - 2022, Jelsoft Enterprises Ltd.
لا تتحمل برزة الشحوح أي مسئولية حول المواضيع المنشورة لأنها تعبر عن رأي كاتبها