برزة الشحوح - Barzat alshohooh

برزة الشحوح - Barzat alshohooh (https://www.alshohooh.ws/vb/index.php)
-   مدونات اعضاء برزة الشحوح (https://www.alshohooh.ws/vb/forumdisplay.php?f=78)
-   -   مدوناتي في ذكرياتي (https://www.alshohooh.ws/vb/showthread.php?t=79990)

شيبه محتشر 03-12-2011 11:09 PM

السلام عليكم ورحمة الله وبركاته


بسم الله الرحمن الرحيم

أحبكم دوت كم - حلال المشاكل - شيبه محتشر - القلم الناقد
شخصيات مختلفه لشخص واااااحد

كلامي هذا ليس موجه لشخص معين انما للجميع
باب الزعل حذفته من حياتي
كل هالشخصيات كان لها دور في هذا المنتدى
وكل شخصية اختفت لنفس السبب لي من اجله تركت هالشخصية المنتدى ودخلت بأسم ثاني
ليس هروبا من واااقع ولا وقوع في خطأ لا يغتفر

احببت كل شخصية لذاتها وكل شخصية كان لها متابعين
لكني شخصيا احببت شخصية شيبه محتشر لانه في قرارة نفسي يمثلني في شخصيتي المكبوته
اقدم اعتذاري الشديد لشخصيات موجود الي الان وشخصيات اختفت في احوال الدنيا المتغيرة
كانوا لي مثل البلسم في تعاملهم
والله الشاهد اني اعزهم يمكن اكثر من نفسي
ولكل منهم علاقة جميله مع شخصية من هذه الشخصيات


سؤالي لكم ايه الاعضاء الكرام زوار المدونة
ما هو الشي الذي يهمك لو عرفت ان الشخصية الفلاني ابن فلان او علان او انه الشخص الفلاني
ما هو الذي سوف تستفيد منه
وما هو الشي الذي سوف تجنيه


عزيزي الذي تحسب اني اعنيك لكني لاعنيك بالموضوع لانه الموضوع لكل الشخصيات التي اختفت
والله الشاهد اني اعزك معزة الله العالم فيها والله الشاهد اني ما شفت منك الا كل خير ومحبة
وما شال بقلبي الا كل معزة لك لانك جدير بها



كلامات كانت مكبوته في قلبي
اكتبها لكل من اعز في هذا المنتدى
والسموحة على صراحتي


وعودة الي شخصية شيبه محتشر من جديد
:shebah:

شيبه محتشر 18-01-2012 05:06 PM

السلام عليكم ورحمة الله وبركاته


خلصت السوالف والذكريات القديمة
وبحاول اجدد بالجديد من حيث اتى

لمهم هاليومين شايف خميس والله عنها وزعلانه وبعيده عن اختها
فحبيت اسألها
بابا شوفيك
قالت لي فطوم تكلم انيس وما تكلمني
ليش
لانه نحن درنا بحصه العلوم مكانهم وابله قالت لهم يرجعون ورا
قلت لها زين يمكن مو زعلانه
قالت بلا زعلانه حتى اسال انيس
لمهم قلت لها ولا يهمك انا بخبر ابوها وبشوف شو السالفة
وطبعا ابو فطوم ربيعتي
وبصراحة اكثر انا لما تتصل فطوم البيت تيلس تقرقع وتسولف وياااي لين ما افتن عليها واقول لها سكتي وسكري التيلفون والا ما تسكر
مرة قالت لي انت احسن من بابا :ml7:
قلت لها زين جان ما اخبر ابوك
لمهم انيس وخميس وفطوم ربع بالمدرسة من يردون من المدرسة للمغرب وهم يقرقعون بالتيلفون اونه يحلون الواجبات مع بعض
لمهم كلمة ابوها
ليوم الثاني يايتني خميس فاجه حلجه وبينطر من الوناسه
قلت لها شو فيك
قالت لي فطوم كلمتني وعطتني رسالة
انا استغربت
وما صدقتها الا لما شفت بعيني
تعالوا شوفوا الرسايل بين البنيات الصغارية
عاد لي ما يفج الخط لا ييلس يعقد فيني
هم راووني رسايل البنات
عاد رسايل بناتي مادري فيهم شو يكتبون

لمهم تعالوا شوفوا


http://www.alshohooh-upload.com/up/u...41d580f632.jpg


احلفي بس انت
اكيد بتفتح الصفحة ما بتطرها


http://www.alshohooh-upload.com/up/u...d67d663762.jpg


حاولت احل المعادلة ماعرفت
لي اعرفه
واحد زايد ثنين يساوي ثلاثة
وما توقع
واحد زايد خمسة يساوي ثلاثة


http://www.alshohooh-upload.com/up/u...ef8e96e73e.jpg


صراااااحة سبب مقنع :D:
يعني اذا ماتييب لك هدايا مو ربيعتك


http://www.alshohooh-upload.com/up/u...6f7c61ccdd.jpg



مادري منو قالها عيد الاضحى
اكيد حد حج من اهلها


http://www.alshohooh-upload.com/up/u...f083e9f7da.jpg


هذي رسالة الاعتذار مال فطوم
يا ويلي انا على التعبير
:^^:


http://www.alshohooh-upload.com/up/u...f3968b8b15.jpg


اصلا هي تنافس انيشتاين بالمعادلات



http://www.alshohooh-upload.com/up/u...4fd4da3c12.jpg


وهذي شكل الرسالة وتعديلها وتزيينها


مع تحيات يوميات انيس وخميس

:shebah:

شيبه محتشر 10-03-2012 12:33 PM


السلام عليكم ورحمة الله وبركاته

فضفضه في وقت فاضي

مرات كثيرة اسال نفسي
ليش ما اكون مثل ما يبوني الناس ان اكون
ليش لما ما يعجبني شي انسحب بدون لا اصلح المشلكة او ابين موقفي
ليش اسوي عمري مسئول عن تصرفات غيري مع انه كل شخص حر بتصرفاته
مرات لما يعز عليك شخص تتمنى يكون هو الشمعه في البيت المظلم
بس تجري الرياح بما لا تشتهي طباعي


احاول بوقات كثيرة اني اكون مو انا بتصرفاتي وما اقدر
اتقمصت شخصيه غير شخصيتي وشفت اني وصلت لمرحلة الانفصام في التعامل مع الناس
شخصية الانسان تولد معه ويكسب طباعها من المحيط الذي يتعامل معه
نعم شخصيه غريبة وعجيبة وقد تلقيت كثير من الانتقادات عليها
ولكني انا انا

اقدم اعتذاري للذين اساؤا فهمي
بكلمة او بحرف او بمعنى او بمغزى او باسلوب

يا كثر ما احاسب نفسي بمثل هالمواقف والومها
وقولها ليش
بس بعد ما تتوب
بظل انا مثل ما انا
والحمدلله على كل حال
بس من قلبي اتمنى انه محد شايل بخاطره مني
بأي زله زليتها واي موقف صار بيني وبينه
وانه يسامحني فيها مثل ما انا مسامح كل شخص عرفته هني ولا شايل بقلي الا كل معزة واحترام وتقديره له
كائن من كان










شيبه محتشر 05-04-2012 08:37 AM

السلام عليكم ورحمة الله وبركاته


http://www.alshohooh-upload.com/up/u...3227f2e622.jpg


يا كم اعشق
هذا المكان
وهذا التوقيت
وهذا الجو
وهذه السيارة
وهذه القعده
على شرط







































اني اكون وحدي ولا ييني ياهل يشخط ويلات
ولاتطوفي لي كل حين سيارة وتضرب هرن تيت
يعني مد يدك وسلم هو رايح وهو راد
ولا ييني واااحد من الربع ويسألني السؤال البايخ لي هو
شو يالس تسوي


:3jeb:

شيبه محتشر 29-04-2012 09:56 AM

السلام عليكم ورحمة الله وبركاته


ما اجمل ان تكون بينك وبين اخوتك غمامة


فيتدخل بعض الاخوة لازالتها

فتزول بإذن الله

:rose:


فما اجملها من اخوة


عسى الله يديمها

شيبه محتشر 08-05-2012 12:10 PM

السلام عليكم ورحمة الله وبركاته


محادثة بيني وبين بنيتي


http://www.alshohooh-upload.com/up/u...02bd03dceb.jpg



http://www.alshohooh-upload.com/up/u...28f39d8b3e.jpg



http://www.alshohooh-upload.com/up/u...097ce07932.jpg



http://www.alshohooh-upload.com/up/u...9f130e3b71.jpg


:msgplusimg1434pm9:

شيبه محتشر 17-05-2012 09:35 AM

السلام عليكم ورحمة الله وبركاته

يا كثر ما احب هالمكان
تحس انك في مكان غير من العالم
مكان سبحان من حبب الينا زيارتها
لما تصير له تقول كأنك طالع متسبح ونظيف
مصداق لقول حبيبنا ورسولنا لكريم صلى الله عليه وسلم
العمرة الي العمرة كفارة لما بينهما

اترككم مع الصور لي اتوقع تفتح نفس اي شخص ينظر لها


http://www.alshohooh-upload.com/up/u...a4e3c5b033.jpg



http://www.alshohooh-upload.com/up/u...d9a1c28aa1.jpg


http://www.alshohooh-upload.com/up/u...55f7420e9a.jpg



http://www.alshohooh-upload.com/up/u...1215a48229.jpg


http://www.alshohooh-upload.com/up/u...0ae3675cb4.jpg


http://www.alshohooh-upload.com/up/u...f06bfb5746.jpg



دايم سؤال يراودني بحياتي
ليش لما ندخل فندق نشوووفه انظف واحلى مكان واحلى من اي بيت دخلناه
بس من نحط فيه ريلنا يصير
جي



http://www.alshohooh-upload.com/up/u...2782a4324e.jpg




http://www.alshohooh-upload.com/up/u...866fc3cb4e.jpg

اخر يوم كنا في بجده دخلنا نصلي العصر
يعيبنا لما اشوف الشياب بأول السطر تطالع بويوهم البركة

http://www.alshohooh-upload.com/up/u...cb119d99f0.jpg


وبعد الصلاة كنا نييلس باخر المسيد نسمع للمطوع القران
كل هالامور كانت تصير عندنا واختفت
محلاااها من ايااااام
راحت ومضت والله يعيدها


http://www.alshohooh-upload.com/up/u...09c5da26d8.jpg




للي ما جرب مطعم ريدان
لا يفوته يسأل عنه وخااااصه لي يحب العيوش


http://www.alshohooh-upload.com/up/u...d994919cc3.jpg



معلم من معالم جده


http://www.alshohooh-upload.com/up/u...a360c84fa0.jpg


وطبعا لي يروح السعودية شو ييب هديه من هنااااااك
غير السسسسسسسسح



http://www.alshohooh-upload.com/up/u...f095efeb0e.jpg



http://www.alshohooh-upload.com/up/u...59ff861328.jpg



http://www.alshohooh-upload.com/up/u...a63b0597d4.jpg



وما شاء الله شوفوا حجم هالسحه


http://www.alshohooh-upload.com/up/u...d8d305933a.jpg




موقف باااايخ يدل على دفاااااشتي مادري هل كان موقفي صح والا لا


بعد يومين نزلت مجمع الابراج رحت ادور ماكينة صرف حتى اسحب فلوس
هناك يمكن عشر مكاين صرف لمهم شفت بنت مع خواتها الصغارية تسأل شخص كان يسحب وراااح عنها
لمهم انا ما اهتميت للموقف ورحت ماكينه ثانية اسحب
جربت ماكينة الراجحي ما رضت تسحب رحت لبنك الانماء ما رضت تسحب رحت للرياض بعد ما رضت تسحب
ما سمعت الا البنت تسألني اخوي انا ابا اسحب وما راضيه الماكينة تعطيني
قلتها انا بعد اجرب وما راضية تعطيني
لمهم اتصلت على البنك قلت لهم شو السالفة
قالوا انه نظام المصرف المركزي ما يشتغل مع النظام السعودي وفيه عطل
لمهم قلت لها انت كم كنت تبين تسحبي
قالت الف
لمهم طلعت الف وعطيتها
الا تطالعني بعين قالت لي انا ما يايه اطلب
قلت لها ولا انا ياي اعطيك
البطاقة عندك والماكينة ما تسحب وانت ما سألتي الا لحاجه
قالت لا ما باخذ
قلت لها وانا اقول دامها طلعت من جيبي ما بترد
قالت لا ما باخذ
قلت لها بتاخذين وراسك فوق ريلك
بققت عيونها
قالت لا ما باخذ
لمهم قلت بعطيها لاختها الصغيره
وهي تقول لها لا تاخذين
قلت لها
انت تعرفيني
قالت لا
قلت لها انا اعرفك
قالت لا
قلت لها خلاص انت من تاخذي الفلوس انا بغوص بزحمة الناس وانت بتغوصي بزحمة الناس
وكل منا بيختفي وانتهى الموضوع
قالت لا ما بأخذ
طبعا اتيمعوا الناس
وهي انحرجت وانا لوووووح
قالت بيون رجال الامر بالمعروف
قلت لها خل يسجنوني وبنسجن من ورااااااك
قالت لا تحرجني
قلت لها ما بحرجك خذي وخلني واروح ولا تلوعي جبدي
لمهم كثرواا الناس يبون يعرفون شو السالفة
فلما شافت الموضوع ما بينتهي الا لما تاخذ
اخذتها
ومن اخذتها سويت للخلف دووور ورحت


ومادري رديت اعاتب نفسي هل لي سويته صح والا غلط

اعتذر عن موقفي
بس عااااده البنت مهما كانت تكسر الخاطر
ولو ما كانت محتاجه بهالموقف ما سألت
بس لما كلمت اختي بالموضوع
قالت احرجت البنت
قلت لها شسوي فيها
انت اختي وتعرفين كيف تصرفاتي
ولو كنت وياااي بهاك الوقت كنت حليتي لي المشكلة

:ta'7:

شيبه محتشر 17-05-2012 11:59 PM

السلام عليكم ورحمة الله وبركاته


ما توقعت انه اللوم بيكون علي بهالطريقة

انا روحي الوم عمري وخاصه لما يلست اتكلم ويا اختي

بهالموضوع

شفت اغلبكم متبع كلامها

الحمدلله على كل حال

بس سؤال لكل شخص

لو سافرت بمكان لبلد من بلدان العالم وفي يوم صار لك موقف محرج او احتجت شئ وكانوا ناس حواليك من مختلف الجنسيات

يا ترى لمن بتلجأ

ما اقول اني ما غلطت باسلوب تعاملي

لانه كان الموضوع بينتهي لو قبلت الموقف وراحت

وكل منا بيختفي في شدة الزحام

فمعنى الاحراج لابيكون لها ولا لي

انما سوء الحوار او التخاطب يمكن هو لي خلاني اراجع نفسي

لاني تكلمت بالطيب فما نفع

فغير العين الحمرا ما عندي

ماقدر اعتذر لها بس اتمنى انها تتفهم موقفي

فكلنا عيال بلاد وحدة

والله عطانا شيخ يده مفتوحه للبعيد قبل القريب فكيف ما تبون نكون مثله

الله يرحمك يا زايد

ويحفظك يا خليفه

:ta'7:

شيبه محتشر 30-09-2017 03:34 PM

السلام عليكم ورحمة الله وبركاته

دار على بالي هالسؤال
لحين تقريبا هالمنتدى من اكثر من عشر سنين


يعني لو توه متخرج لحين صار موظف قديم وعرس وعنده ولد او بنت عمرهم ثلاث او اربع سنين

ولي كان معرس عياله كملوا فوق العشششر سنين هذا اذا ماكان معرس قبل :yaw:

وعاااد غيري يمكن صار جد
ويا ويله اذا عياله عرفوا سواد ويهه وانه كان يتضارب هني ويا الاعضاء

اما

البنات

لي كانت بالثانوية
اكيد تخرجت وتوظفت وعرست وصارت ماما

اما
المعرسااات :yaw: قريما

حالكم كسسسيفه

يوووه حبووووه شخباركن


:firs1::firs1::firs1:

شيبه محتشر 14-03-2018 03:25 AM

نسيت كيف يحملون الصور




:ta'7:
wahhwahhwahh


الساعة الآن 12:34 PM.

Powered by vBulletin® Version 3.8.11 - Copyright ©2002 - 2022, Jelsoft Enterprises Ltd.
لا تتحمل برزة الشحوح أي مسئولية حول المواضيع المنشورة لأنها تعبر عن رأي كاتبها