برزة الشحوح - Barzat alshohooh

برزة الشحوح - Barzat alshohooh (https://www.alshohooh.ws/vb/index.php)
-   مدونات اعضاء برزة الشحوح (https://www.alshohooh.ws/vb/forumdisplay.php?f=78)
-   -   مدوناتي في ذكرياتي (https://www.alshohooh.ws/vb/showthread.php?t=79990)

شيبه محتشر 23-12-2009 10:59 AM

مدوناتي في ذكرياتي
 
السلام عليكم ورحمة الله وبركاته



من لحين وساير بكتب مذكراتي


حتى تستفيد منها الاجيال القادمة


وتكون عبرة لمن لا يعتبر


لانها فيها مطارق وخيازرين وتكفيخ



حياة حلوة بحلوها ومرها



مادري بوصل لا ادق تفاصيلها والا بنساها



وبحاول باقرب فرصة احط الباب الاول منه


بحاول اكتب كل لي اعرف ولي ماعرفه


حتى اعرفه انا


ونشوفكم على خير

:wrd:

شيبه محتشر 23-12-2009 02:19 PM

رد: مودوناتي في ذكرياتي
 
السلام عليكم ورحمة الله وبركاته


مذكراتي ومدوناتي تتكون من فصول وابواب منها مكسرة ومنها مجلعه



الفصل الاول




من يابتني امي الي سن عشر سنين




الفصل الثاني





من عشر سنين الي عشرين سنه يعني فترة المراهقة
وياويلها ويل






الفصل الثالث




من عشرين سنه الي ثلاثين سنه





الفصل الرابع




من عقب الثلاثين

شيبه محتشر 23-12-2009 08:41 PM

رد: مودوناتي في ذكرياتي
 
الفصل الاول


بنسميه

ابيض واسود

ووياه الابواب كلها باقفولها ومساميرها




اتوقع هذي مجمل حياتي للعشر سنين
ولي بتلوع جبده لا ييلس يقرأ



بسم الله الرحمن الرحيم


بدأت الحياة بصياح ومباغر من صاحب الصوت الشجي :ah:
ماتوقع حد طلع من بطن امه وهو يضحك :1577_1186768770:

لمهم بدت اول البلاوي ببداية المولود لي يااا على وجه الارض

مادري امي كانت فرحانه والا تبي تفقصني ماسالتها

بعد ولادتي والكلام بلسان عمي الله يحفظه


يقول عمي انا لما خلصت الجامعة من بغداد رجعت البلاد وكان هذا اليوم يوم يابتك امك

فسالني ابوك شو نسميك

فقلت له سميه فلان ( وطبعا هو اسم غريب وعجيب بس اسم صحابي جليل )

انما كتقليد للاسامي لي كانت موجودة كان عجيب وغريب


فكبرت وكبر معاي الاسم ومع كل سنة ومع كل مرحلة كنت اتوهق بالاسم لما اقول لهم اسمي وبتييكم سوالفه جدااام


لمهم كبرت مثل ما يكبرون اليهال
يعني مالحقت على المرضعة وسيريلاك
لي شفته ولمسته لهاية مربوطبة بقبتي يقصون علي فيها
والا الحمدلله رضاعة طبيعية من امي الحنون لي كفختني :a040:


خلال الفترة من سنة الي ست سنوات قاسيت المأسي على يد اخواني الاكفاء طبعا بهدف المنافسة على كل شي
بتم التفليع بكل مكان بالراس والجسم


حتى تم تكوين فريقين اخوي الكبير ولي اصغر منه
ضد اخوي لي اكبر مني واختي
والتفليع ماله محل باي شي قابل للفر والرفس والتنطيط


كان البيت مكون من غرفتين ومطبخ وحوووش وميلس وبخار ( مستودع لحطب التنور)
دروازه مال اول وبيت كله درايش وكان يخر ايام المطر
بخبركم شو يصير بهالبيت السعيد


- كنا كلنا اخوان وخوات في غرفة وحدة والتلفزيون بو حيس جدامنا وكبت ابوابها نصها طايح الكل منا ينسدح لما يشتغل التلفزيون
ولازم تكون الريل مرفوعة على الكبت لي محطاي فوقه التلفزيون والا مابتكون المشاهدة حلوة
ومن زين عاد التفلزيون محطتين والا ثلاث ماشي غيرهم ابوظبي ودبي ومرات يلقط ايران
افتح ياسمسم عدنان ولينا سندباد
وياويلي اذا شوشت المحطة الحق على الضرابة لازم واحد يركب فوق الدري والثاني بالحوش والثالث عند التلفزيون
هاااااااااااااااااااااا اعتدلت الصورة لي فوق يصيح ولي بالحوش يستقبل ولي عند التلفزيون يجاوب
وياويلك لو كان عند التلفزيون ثنينه بينجلع مصرطهم من المزاعق والصريخ وخاصة اذا كانت الحلقة مالازم تتطوف


- الفيران وملاحقتهم



هاك الايام كانت عندنا فيران مو مثل هالفيران لي موجودة لحين رغم القحط والفقر الا انه الفيران راهيات ومربربات
ماشاء الله على اخواني كانوا تخصص قتل الفيران
اول شي ندرس خط سير الفيران
من البخار لي هو المستودع الي تحت درام الماي ومن ثم المطبخ
الحل كيف واحد ينقع شلق بالبخار الفايران تشرد لتحت درام الماي وتنخش وهذا هو المطلوب
ثلاث من المسار لي يودي من المطبخ لدرام الماي
وثنينه من المسار لي يودي من درام الماي للمطبخ
وواحد ييبي عصى طويل ويحركها تحت درام الماي وكل وكلا الجهتين عندها قب كبير والا مخمة بو عصايه وتعال للمراكض والصياح
ثنينه من اخواني حصلوا عضة بصبوع ريولهم من الفيران
بس كانت ايام حلوة لانها كلها اكشن وخاصة اذا الفار مالقى مكان ودار بالحوي



- ايام المطر السعيد



محلااها من ايام كان لما يطيح المطر كل واحد يروح ييب له طاسه ويلسها بالحوي وييلس يطالعها وهي تنترس وبعدها يشربها
والا يوقف تحت المرزاب ويتسبح اونه ماي حلو بس طبعا في غياب الوالدة والا جان تكفخ تكفيك مايحلم فيه
والا طلعنا بالفريج نخاوض بالمياة مع انه مايخلونا
الا انه حزة الصلاة هي الفرصة المناسبة وياويلي على المخاوض في المياة
تطلع من البيت محد احسن عنك ترجع البيت وانت الزبالة وحدة من كثر الملاغة ( الطين المبلل )
لما كنا نرقد بالحجرة كانت كلها تخر وهذا ويهي اذا حد رقد نص اخواني يرقدون بالحوش ويطالعون المطر بس ياويلك اذا فار طالع من مكانه ويبي يتعنطز عليك انت وحظك
كنا نحب نروح فوق اليبل بعد مايبدا الشتاء باسبوع وخاصة لما يطيح المطر نركب اليبل ونشرب الماي لي متيمع في الحصى ونقطع حميض ونرجع طبعا حمود فوق عبود




- الحياة البسيطة

كانت حياتنا جدا بسيطة البيوت حذالها بعضها حتى لو واحد يزقر الثاني ينسمع ببيت الجيران
رمضانا كان عجيب قبل لا نتعلم الصيام كانت امي تسوي خبز رقاق للفريد ومحلبية
فلي يتم منها بالجدر كنت اكله واخواني الكبار كانوا صيام فاروح الغرفة عندهم واكل جدامهم طفاسه ما ارد الا والجدر فوق راسي ومتخيس كله محلبية والا اييب خبز رقاق وهي حاره وجخ وجخ جدامهم والا مفلوع بشي لعانة صغارية
واول ماتعلمت الصيام خذ وخل الشهر 30 يوم 29 يوم فاطر ويوم واحد بالغصب يعني كنت راقد
هذي هي العزيمة والا بلاش
طبعا الحجج موجودة
امي تسوي رقاق الصبح وانا يالس حذالها اقطع وياها الخبز نص الخبز مقصوص والنص بالبطن اونه هذيك الحزة خبرونا انه من نسى واكل وهو صايم فصيامه صحيح وانا ماشاء الله علي كل يوم ناس الا يوم واحد نسيت عن النسيان ورقدت
العابنا الحلوة كنا اكثر شي نلعب تيله حتى الفريج كله يعلن التحدي بعد المدرسة وبالاجازة كل واحد وتيله
اذكرر منها اسامي ( عدنية واورطه ) تشوف كل عيال الفريج يايب قواطي التيل وياي يتيمع والحيلة محد عليها هنااك
وخاصة للي عنده تيله فيها شي مميز والا دحلة ( اكبر من التيلة ) وتستوي المزايد واللعب وكل واحد يطلع مهاراته العيال الراهيين ماعليهم كلام لو انهزموا بس عيال الفقارى ينقع البوكس لو انهزموا بمعنى اما ترد لهم تيلهم والا تتصفع

لعبتنا المفضلة وخاصة برمضان يسمونها غزولة ( استغماية )
نرسم مربع جدام بيت ونقسم الفريج الي مجموعتين وحدة بعد التراويح نبدأ اللعبة يقولون غزولة بالفريج ونحن نهايت بالبلاد كلها نروح نسأل اي واحد بالفريج شفت واحد لابس كندورة مطرطرة مني ويركض
تبدا اللعبة من التراويح وتنتهي للسحور

والا لعبنا قبة ومسطاع
دواارة وواحد ماسك قب وواحد وعنده حطبه صغيرة يضربها لابعد مكان والفريق الثاني يمسكها



- حياة الفريج



الصبح الكل قايم من الفجر شياب وكبار وصغار وحريم ورايحين السوق وكلنا الي شغله
الظهر الناس راجعه من اشغالها
من الظهر ولا تشوووف ظل شخص يمشي وخاصة لما قالوا لنا حمارة القايلة الكل منخش ببيت ولي كان يطلع الظهر مشبوه
العصر بعد الصلاة ييلسون الشياب عند المسيد وييبون الفالة ويتقهويون ونحن نلعب بالفريج
بعد المغرب طاح العشى ونيلس بالبيت
بعد العشاء تنحش ريل اي واحد يقرب من باب البيت


- المدرسة

طبعا الصياح اول يوم بالمدرسة محد له والدموع اربع اربع والمخاخيط محد لها مانبغي اروح ويهي مو ويه مدارس
اول مرة اسير فيها المدرسة لبسوني بنطلون بني وقميص بوني وكرافته :eh_s(6):
اول يوم الصف كله يبجي شو عندكم
قالوا لنا لما تروحون المدرسة ابجوا حتى يطردونكم طبعا اخواني الكبار موجودين هناااك بنروح ننخش عندهم ويسحبونا بالغصب
كشه واظافر طوال والرقبة مزغودة والشنطه تلق والجوتي يديد وقلب مبراي ويالس بالصف تقول اتكلم بحرف مافي اوني مؤدب
اسبوع الا انجلب الحال جان يالسين بالفريج
كنت احب ايلس ورا يقولون الطميم ييلسون ورا بس صفنا اثبت العكس :a040:
انه لي ييلس ورا دومه شاطر
ماشاء الله علي كنت شاطر بالمدرسة المدرس يشرح وانا احل الواجب مال باجر مابي احل شي بالبيت ولا ايلس على الكتب
كان جدامي مصري وفلسطيني وانا ثالثهم كنت اطلع الثالث عليهم
حشااا ماينغلبون
مرة بالغلط طلعت عليهم الاول جان الصياح محد له :bad:
جان اقول بخاطري التوبة مابي خلوني الثالث احسن شي
الحمدلله كان الحساب مادتي المفضلة وكنت انافس الاستاذ بالحل حتى اني احل دروس مال جدام
بالمدرسة مؤدب ماشاء الله علي
لين صف ثالث لاني توني يديد على هالشي اليديد في حياتي
كانت ايام المدرسة تعيبنا وخاصة لما يوزعون لنا التغذية بعد الحصة الثالثة كاكاو وسندويشة وموز
ويصرفون لنا قطع ثياب ايام الشتاء ويعطونا فلوس
هذا دين للكويت علينا ماننساه


- ايام العيد السعيد


ايام كااانت حلوة بكل المعاني
قبل العيد بيومين كنا نيمع فلوس المدرسة حتى نشتري شلق وصورايخ للعيد
اوبي يودينا السوق نشتري الثياب للعيد كلها كندورة وشلش بعدنا مالحقنا للوزرة وفانيلة ونعال يديدة
لازم ننظف البيت قبل وكيف يتنظف البيت
ماي وفودر وكاشي وخلقه
صب الماي على الكاشي كله وحط الفودر وروح افصخ ثيابك وتم بفانيلة وهاف
وييلس تزحلق على طول الحوي اونه ننظف وتعال للتفليع وتكسير الراس من كثر ماتزحلق بهالكاشي
ليلة العيد كل واحد مجهز ثيابه وميلسنه وامي الله يحفظها تسبحنا بالدور ولي فيه خير خل يتحرك
شلط بالليفه على ظهره ولا كفااااخ على راسه بس كل شي يهون لليلة العيد
اي واحد يطلع من الحمام فقد نجى من التكفيخ ويضحك على لي بيدخل :eh_s(6):
وسيده للفراش يناخر حتى ينش قبل الفجر ويلبس جانه يالس بطابور عسكري
من يأذن الفجر قلنا بالمسيد من نخلص الصلاة رحنا لبسنا ثيابنا وطلعنا عند باب البيت ويلسنا ننقع شلق ونلبق الصواريخ
حتى نكون اول ناس يعلنون العيد :a040:
وياويلك لو ياك صاروخ من الفريج الثاني وحرق كندورتك وهي يديده فيك خير ارجع البيت وانت جي
والا ارجع البيت وثيابك متوصخه مافي تفاهم
مو مثل لحين يحطونها بالغسالة ويغسلونها
لااااااااااااااا
هذا لحين
اول يغسلووونك انت ويغسلون شراعك وشراع شراعك وبعدها يفكرون يغسلون ثيابك ويا ويلك لو ماعندك كندورة ثانية نظيفة يعني العيد طااافك وروح عليك
كنا ندور الفريج كله والفريج لي حذالنا والفريج لي حذال فريجنا
يعطونا ريال والراهي يعطونا ريالين طبعا هذا لي يعرف اهلك
محد يرجع البيت الا اذان الظهر
ويلسنا بالغرفة نحسب البيزات لي حصلناها الاخوان الكبار يخططون لشي جايد ونحن الضحية
وطبعا كبرنا وقمنا نحن نخطط على اخوننا الاصغر
واخرتها امي تاخذها عنا اونها بتيمعها لنا ومانشوفها
الا لما نروح المدرسة تعطيها لنا :a050:





- حياتي الطبيعية الي العشر سنين


الي ان كملت ست سنين ماكنت اطلع من البيت
الا قريب البيت ويا اخواني
بعد الست سنين طلعت شوي رحت الدينية بعد الرجوع من المدرسة
نحفظ القران بعد المدرسة
والا نروح جمعية الاصلاح يعني كنا مطاوعة تعيبنا رحلاتهم
بس مشكلة ما طاع الطوع يطلع فيني
كان ابوي الله يحفظه يودينا كل جمعة دبا ونركب حمود فوق عبود بسيارة وحدة مرتصين وامي تسوي لنا غدا وناخذه ويانا
مشكلني شلتين في بيت ابوي كل شلة تدافع عن مبادئها
بالصيف نروح المزرعة طبعا نحن نسميها النخل نييد النخل
ونشل يراب السح فوق راسنا نوديه المسطاح واحسن مانسويه نروح الحيضان نسبح والا نركب على اللوزة نقطع اللوز بس وين وانت وراك مراقبين بقب فوق راسك لو ماشتغلت
ماكانت لي هواية محددة لهاك السن







لي عودة للفصل الثاني

شيبه محتشر 24-12-2009 06:48 AM

رد: مودوناتي في ذكرياتي
 
[SIZE="5"]تابع للباب الاول ابيض واسود


هذي صورتين لايام ابيض واسود

ماتوقع حد شافها لانها ممنوعة من التداول


لاتخافون حتى اخواني مايعرفون منو هذا :^^:



هذي الصورة ليلة العيد توني طالع ومخلصين من السبوح وجاني مكفخ ومصور غصب
كشختي بفانيلتي
لاني لازم ارقد جي بس فانيلة وهاف
مالحقنا على البيجامات

الويه كله اجراااام



http://www14.0zz0.com/2009/12/24/02/687127499.jpg






وهذي الصورة توني داااش المدرسة وقالوا لي يبون صورة شخصية
انا لي اتذكره انه هالغترة والعقال كانوا موجودين عند المصور فلبستهم اونه حتى اكشخ
وطلعت كاشخ جاني ياي من البصرة
غطينا عيون هالمجرم حتى ماينعرف



http://www9.0zz0.com/2009/12/24/02/325439444.jpg

شيبه محتشر 28-12-2009 12:30 PM

رد: مودوناتي في ذكرياتي
 
الفصل الثاني




ايام المراهقة والتحدي واثبات الذات



في البداية اود ان اقدم اعتذاري الشديد والندم على السنوات العجاف
لامي الحنون وابي الطيب
فكلما تذكرت ماعانا من ومني ومشاكل ابكي ندما واحاول اني انسيهما ماكان مني
امي الحنون ادعوا الله العلي العظيم اني يغفر لك ذنوبك ويجعلك في عليين
فارجو اني تسمحيني زلاتي وعيوبي التي كانت مني
ابي الطيب لكم احبك حبا لا يعدله حدود فكم قاسيت وتحملت من اجلي
فلك مني كل تقدير واحترام





الباب الاول


العمر من عشر سنوات الي 15 سنه
المدرسة من صف سادس الي ثالث اعدادي



الحمدلله كانت الامور تمشي على مايرام كبرنا وتعلمنا من اساتذه افاضل كان لهم الاثر الكبير في صقل حياتنا الثقافية والعلمية حببونا بالعلم
كان المدرس له هيبة مثل هيبة الابو نعم كان وافد بس لما يدخل كان الكل يوقف احتراما له سواءا خوف والا احترام لكبر سنه
اتذكر منهم استاذ عزت الديب مدرس لغة انجليزية كان يقول بتتعلم الانجليزي طيب او غصب ولي فيه خير مايحفظ لي اقوله له كانت عصى الخيزران قبل كتبه ودفاتره
الكل يخاف منه مع انه انسان قلبه طيب لابعد الحدود الا انه يضرب الشاطر والغبي بهذيك الفترة كنا نبجي بجي اليد من قوة الضرب لي ننضرب منه ولي فيه خير لما يرجع البيت يخبر ابوه والا يقول لها الاستاذ ضربني
الا اذا كان بعد يبي ينرغ بالبيت مرة ثانية والكلمة لي بيسمعها
اكيد يالهيس مسوي شي غلط والا ماكان بيضربك الاستاذ فالافضل انه ينطم ويسكت
اتذكر في يوم من الاسبوع لازم اشرد فيها من المدرسة لانه فيها عندنا حصتين تربية فنية ورا بعض لانه بهاك اليوم يطلع مسلسل ( حبابة ) وكنت اتابعه حتى انه الاستاذ رسبني بالفنية لاني ماكنت احضر حصصه ولا اداني الرسم ولولا الرياضة كنت رسبت بالمعدل العام
اتذكر مرة كنت مابي اروح المدرسة بسويت عمري مريض وخشيت عمري تحت الشبريه وغصيت عمري بلحافين ورقدت وامي على بالها بعد ماسوت الريوق اني رحت المدرسة وماتريقت ويت حليلها تنظف الغرفة الا تشوفني اناخر مافي واحد ثنين ولا تفاهم
بعد ماسالت ليش مارحت المدرسة
والا شوفيك فديتك عسى ماشر مسخن والا شي
لااااااااااااااااااااااااااا
اطلع اطلع طبعا وانا مسحوب
اكفاااااااااااااااااااخ فوق الصماخ وسيده الحمام
طراااااااااااااااخ وهي تفصخ ثيابي ماتبي تروح المدرسة ياهيس
طراااااااااااااااااخ ثاني بالطش مال السبوح
تبي تهايت هاااااااااااااااااااا
طرااااااااااااااااخ على خشتي
تبي تيلس يلست الحريم
خلص السبوح تقول بتخليني اروح المدرسة لاااااااااااااااا
الثقة معدومة
لبست عباتها والعسو بيدها
ومن البيت للمدرسة والتكفيخ ماله حد وانا الدموع اربع اربع والمخاخيط مخيس الكندورة مافكتني الا لما قبضتني للمدرس ورجعت البيت
وهي منتشيه بالنصر الذي تحقق
وكملها المدرس افتح يدك ليش متأخر
اقول بخاطري لا والله ماتشوف شكلي كيف صاير وتسال هالسؤال
و اقول بخاطري انا ناقص كفاني لي ياني ومع عقبها حرمت اتمارض .
تمت تمشي المدرسة على ماهي عليها والحمدلله كنت من المتميزين في الدراسة
تعرفنا على ربع واصدقاء وتكونت صداقاتنا وكبرت معانا
كنا نييلس بالصف ورااا اخر شي
المدرسين الطيبين ويانا ولي مايشيلون خيزران وياهم نخلص حصتهم مهرجان مو ثقافي الا مهرجان ضحك ولعب
يعني يخرط لي يقول فهم شي
والا يلسنا نحل واجبات مال باجر والا للي طايفنه واجب
ويافرحتنا لو قالوا لنا استاذ غايب مابيي وانه محد بيمسك حصته يافرحتنننا
رحنا سيده لمدرس الرياضة ويلسنا نلعب كره كنا نحب المدرسة لشيئين الرياضة والتغذية لي كانت تتوزع علينا
خلال هالفترة ماصار شي يذكر عن المدرسة لانه بصراحة كنا مؤدبين
طبعا ادب بخيزران مو ادب من الله
مانشرد مانشاغب مانتضارب




البيت ووضعيته




كبروا شوي اخواننا وكبرنا وياهم وظلت حياتنا مثل ماهي الا في شي كان يصير ما اكتشفته الا متأخر
لمهم كانت اختي الكبيرة هي اكبرنا وبصراحة تعتبر بمثابة امنا رغم انها كانت دلوعة الماما والبابا الا انها ما شاء الله عليه قمة الادب والاحترام والمساعدة ويا امي وويانا عمرنا ما قلنا لها شي وقالت لا
كلها تدافع عنا جدام ابونا وامنا وتغطي علينا
شوفوا شو كنت اسوي فيها طبعا لانها كانت الكبيرة والمدلله ولي طلباتها مجابه كان كل شي ينعطى لها وخاصة البيزات
وطبعا هاك الايام مافي شنط ولا محافظ فكانت تخششها بين الكتب في مكتبتها وطبعا مكتبته مليون كتاب فيها تقول مكتبة جرير من كل حدب وصوب
مرات لما احتاج بيزات وامي معطنزة وابوي ضارب بوز عني ماشي غير الاخت طبعا هي تعرف انه ابوي وامي ماعطوني لسبب فمن جي ماتبي تزعلهم وتعطيني
لحين ياااا دوري للتخطيط ويالله قوووم فتش كل الكتب الموجود بمكتبتها يمكن تحصل خمس ريال والا عشر بعد عاااد شو بعد تعب وكد
فهالشي احصل بعد مجهود وتعب مادري حلال والا حرام
ولما تفقد شي من فلوسها حليلها تقول اكيد نسيته في كتاب والا مجلد ونسيته
فمن جي ماتشك
حراااامي نمبر ون
واذكر مرة لما تحولنا من البيت انا الوحيد لي شليت كتبها اونه اساعدها وقلت لها اي فلس احصله بيكون لي
وافقت
فمادري هاااليوم كم ريال حصلت ماشي ببلاش هالايام
بس تدرون هالبنت احبها مثل امي مع انها اكبر عني باربع سنين الا اني لما اشوفها لازم احبها فوق راسها طيبتها وياي بالذات ماله حدود فمن جي اعتبرها امي الثانية
كانت طيبة طول عمرها الاولى متدينة يعني مطوعة درجة اولى



اخوي الكبير


كان طمه من صف اول لصف اول اعدادي
بعدها مادري شو استوى فيه صار من الاوائل فسبحان مغير الاحول
وخرج مهندس
انا اسميه دلوع الماما
امي واااااااااااااااااايد تحبه حتى كاتب اسمه بتيلفوني دلوع الماما
الا انه حبوب واااااايد واحترامي له مثل احترام ابوي





اخوي رقم ثنين




نفس الشي كان طمه لين ثاني اعدادي وبعدها استطوع وراح جمعية الاصلاح وطلع الاول على صفه من عقب للدواويح الحمر
دوم يعتبر نفسه المظلوم بالعايلة لليوم بعد ماكبر وياب عيل لما تقول له امي شي والا تنازعه يقول لها انت ماتحبيني وتحبي عيالك ويتم شهر مايكلم امي ولا ييها البيت في عررررره غريبة مع انه مطوع
بس بعدهاااا هالعرررره فيه
كنا نسميه التاجر يشتري نفافيخ بو حظك يانصيب لي فيها ارقام مغطايه والرقم لي يطلع لك هو حظك وطبعا في نفافيخ كبار وصغار وكنا ندور بحظنا ولي تطلع له النفاخه الكبيرة
والمشكلة انه اربع ارقام بريال ويا ويلك اذا طلعوا كل النفافيخ صغار
كنا لما تصير لنا نفس السالفة نروح نترسها ماي ونفره فيها
طبعا الصغير منا يتصفع والكبير ينجو لمكانته
غير الكاكاو والنمكي لي شتريه ويبيعه لنا
وطبعا اغلبه صبر ( سلف )
وبالعيد اكثر واحد يحصل بيزات لانه طيب غصب يحصل فلوسه
وبدل لا يطلع تاجر طلع مدرس
وتخرج مدرس

اخوي رقم ثلاثة

مصري من صغره حفيييظ من دخل المدرسة الا ان تخرج من الجامعة وهو الاول وبدرجة امتياز مع انه كانوا معاه مصريين وزلمات الا انه ماشاء الله عليه كان ابوي يحبه وااايد وكله شوفوا اخوك فلان وشوفو اخوكم فلان
اعتبره صديقي العزيز شكوااي كله عنده احب اسلوبه الهادي في التعامل انسان كتوم يحب يخفف عني وااايد مع انه بعيد عني بالسكن بس وااايد متعلق فيه يمكن لانه كان قريب مني
ماشاء الله عليه من صغره كان نبيه حتى ولده طالع عليه نفس مسكة القلم وبعد يطلع الاول الله يحفظه
وبعد تخرج مهندس



انا رقم اربعه




والخامس اخوي





لي اصغر مني هذا صديقي يقولون انه يشبهني حتى انه مرة يايب لي السيارة الدوام جان يفتحون له الباب ويدخلونه على بالهم انا زين ياحظي انا داخل الدوام كيف طلعت ودخلت وانتوا رقود قالوا ماندري على بالنا انت
الدنيا فنااااااااااااااااتك
ولد خدوووم حبوب لو اقول شو اقول فيه اعتبره صديقي اكثر منه اخوي


ترى للحين ماخلصنا ولو كتبت عنهم مابتكفي السطور لانه عندي 21 اخ واخت ( قولوا ماشاء الله )
طبعا امي مو قطوه هذين من امهات مختلفات
والله يزيدهم وينعم عليه




الفريج





كان فريجنا صغير وحلو ولي يبتعد عنه سبع بيوت يكون طلع من فريجنا ودخل الفريج الثاني فمعنى طلع من حماية عيال الفريج ودخل في الفريج المنافس
لكل فريج تقاليد وطقوس وخاصة في التنافس حتى بالتيل والغزولة وكرة القدم اذا في تحدي لازم اعيال الفريج كله يروح للفريج الثاني حتى ينافسه وخل حد منهم يخسر ينقع البوكس فاغلب المباريات تنتهي بالتعادل للحين ماعرفت ليييييش
كنا نقوم من الفجر نلحق راعي الذباب ( سيارة تابعة للبلدية ترش دخان ) كنا مدمنين على الركيض ورااه وياحظه للي عنده سيكل يدور ورا راعي الذباب كل الفرجان مادري كنا خبال والا مدمنين دخاااان بس تقول جااانا ذباب يعاوووي وراااه ياليت وااحد والا ثنينه كل بالفريج يطلعون لما يسمعون صوته ويشوفون الدخنه حليله هو يمشي واليهال كلهم وراااه
والا طلعنا من الصبح رحنا البحر لي يصيد نغارة والا يحدق ووبالاجازة يوم الجمعة جهزنا غراضنا وكل واحد ييب شي من بيتهم طبعا كله بالخش والدس وياويله لي تطلع عليه القرعة وييب الدياي
طبعا الدياي قبل مو مثل لحين متوفر لااااااااااااااا
قبل بالقوة نحصل دياية ومرة طلع دورنا وطرشوني اخواني اييب دياي من ثلاجة بييتنا وامي من الفجر تقوم والثلاجة بالمطبخ وامي مجابلتنها وانا مثل الذيب واقف بس تغفل والله يهداااها حست انه وراي شي فتمت يالسه وماعندي طريقة شو الحل وياااها
مافي غير اني اهد الهوش واخليهم يراكضون بالحوي ادري بحصل لي كم من ضربه بس بحصل بعدها لي ابيه وصدق كلامي اونه بحط الاكل للهوش جان اهد الباب وتهد امي خبزها وتقول لي سكر الباب جان اربع اسكر الباب وهي تراكض وراهم وانا رحت للثلاجة وخذيت دياية وفريتها على السطح ويلست اراكض ورا الهوش ويا امي ومن دخلتهم ماشافت رقعة ويهي
لمهم ركبت على الدري يبت الديايه ونطيت والا اخواني ابقيني فلما شافوني وشافوا ديايه وحدة قالوا بسسسسسسسسس
قلت لهم صبروا على لي بييكم من امكم بس ارجعوا البيت انتوا
وصدق حدثي من رجعنا البيت الا والمخمه واقفتنا من شفناها تقول حد وقف مثل الفيران كل واحد انخش بمكان
عااااد لحين بنقص لامي ماينقص عليها خلتنا براحتنا من رجعنا البيت ورقدنا قفلت الباب علينا وطرااااااااااااااااااااخ
المهم انه الضرب كان جماعي فخف علينا العبء

بتسألون وين الابو بمدونتك
لاااا انا ماغافل عن ابوي الحبيب بالعكس ابوي دوره بيبدأ من الباب الثاني
لانه من عرفناه وطلعنا على وبه الدنيا من بعد صلاة الفجر يتريق ويروح يشتغل الي الظهر يتغدى ويريح ونحن طبعا بالمدرسة وقبل العصر هو طالع للغشل مايي الا قبل العشاء بشوي يتعشى ويرقد
فكنا وياه ايام الاجازة لي هي يوم الجمعة
اما التربية ككل كلها كانت على راس امي الحنونة لي قاست الامرين وخاصة مني انا والحمدلله انها خرجت عيالها من المدارس وبوظايف نفتخر فيها


وبنشوفكم بالباب الثاني
لما نفتحه

شيبه محتشر 08-01-2010 09:41 PM

رد: مودوناتي في ذكرياتي
 
الباب الثاني



ايام المراهقة والشقاء




مادري كيف ابدا هالباب يمكن تكون اسوء لحظات حياتي وخاصة على اهلي لانهم تعبوا وشقوا في من مشاكلي وحياتي لي كانت بنظرهم خارج عن طاعة الاسرة
انما كانت بنظري تكوين لشخصيتي ونضوج الجسم وتكوين الشخصية الحقيقية لهذا الانسان
ابدأها في البيت
بعد ماخلصت الشهادة الاعدادية ( كانت الشهادة الاعدادية تعادل الشهادة الثانوية ولها ترتيب ومجموع مو مثل لحين ماتسوى شي )
رحت درست بالثانوية وطبعا المدرسة الثانوية ماكانت في منطقتنا انما في منطقة بعيدة عن منطقتنا كانت كل الامور تمشي على مايرام لاول يوم دخلت فيه المدرسة اتعرفت على شباب غير اخواني وربعي بالفريج اتعرفت عليهم بالصف ومع الايام كبرت علاقتنا مع الايام لمهم هالربع كانوا يشاركون في فريق بالنادي ويلعبون فيه ومع الوقت خبروني عنه وتعال شوفنا فقلت لهم انه اهلي مايرضون وانه من المحظورات علينا انه نترك جمعية الاصلاح وانه النادي كان يعتبر مكان للشيطان وانه اي واحد يسير له مشبوه
فقالوا تعال انت شوف لا تلعب لمهم رحت معاهم وطبعا يلست اشوت بالكرة وانا حافي ولابس كندورتي وكانوا ربعي معدودين على الاصابع يلست العب وياهم ورجعت البيت متأخر
اول سؤال انسأل عنه واخر جواب اقوله
من وين ياي
ويا ربعي
ليش متاخر
رحنا نلعب كرة
طراااااااااااااااااااااااااااااااااااااااااااااااا ااااااخ فوق صماخي
داش النادي يالهيس
وينك يالشردة حطيت كندورتي بحلجي وسيده شرده والريول واليد ترتجف
لمهم يلست برا البيت للعشاء قريب البيت ولما يت حزة الرقاد رحت فوق السطح واستويت مثل القطو اراقب اهلي حتى يرقدون وانزل ارقد
الا انه امي فديتها الله يحفظها ويخليها مارقدت يلست تراقبني ليش ماييت للحين
لمهم دخلت الغرفة تبي تسوي لي ( ون تو ) انا من شفتها دخلت الغرفة خمس دقايق والا انا نازل من فوق السطح توني بمر من صوب غرفتها الا هي طالعه لي
هاااااااااااااااااااا يالهيس بوين كنت طرااااااااااااااااااااااااااااااااااااااااااااااخ
شفتوا كيف حنانها
لمهم سيده للفراش وانا اتكفخ واحسابك وياااااي بعدين
اقول بخاطري للحين ماخلص افاااااااااااااااااااااا
خلصي من لحين وراي مدرسة
لمهم
تتحسبون الولد خلاص بيتوب ومابيروح النادي لاااااااااااااااااا
العناد والخبال كله عندي
رجعت المدرسة ليوم الثاني والا اقول لربعي انه اهلي كفخوني وعرفوا اني رحت النادي وصفعوني
طبعا كله من وراااا اخواني الشجعاااان
قالوا ليوم ماحد بيتكفخ خلوا اخوكم يتكفخ فخبروا امي
رجعنا لليوم الثاني مارحت ويا ربعي ويلست بالفريج ملااان
ماعيبني الوضع وانا احب العب كرة من صغري
وقررت الاسبوع لي عقبه اروووح ولي فيها فيها بتصفع تراني متعود
بتكفخ شو فيها مو اول مرة
لمهم رحت بعدها النادي وبدت حياة النادي وامي عرفت ويلست كل يوم تضرب وانا لاحياة لمن تنادي
حتى اذكر انه النادي يعطينا لبس هاف وفانيله وجوتي وانتوا بكرامه لما نروح المباريات
ولما ارجع البيت واقول للشغالة تغسلها
ما ارجع من المدرسة الا وامي عاقه الفانيله والهاف والجوتي بالتنور وحارقتنه
هي تشوي السمج وماتلقى حطب تولع فيه التنور غير فانيلتي والهاف لانهم بصراااحة كان يكرهون شي اسمه نادي
ليوم لي بعدها رحت النادي بكندوره قالوا لي وين لبسك فقلت لهم امي حرقته
لمهم ماقصروا وعطوني لبس ثاني ولبسته ولبست فوقه الكندوره حتى مايبين فلما رجعت البيت فريت الجواتي فوق السطح ورحت فصخت الهاف والفانيلة وغسلته وعلجته فوق الكبت طبعا في غياب امي
وليوم الثاني رحت المدرسة ولما رجعت من المدرسة وكنت بروح النادي الا اركب فوق الكبت ادور اللبس والا مختفي رحت للشغالة اسالها
جان تجابلني امي شووو تدور
ماشي امي
يالهيس تدور الهاف والفانيلة روح شوفهم بالتنور
خخخخخخخخخخخخخ
وانا ماصدقت رحت االتنور مادري ليش يمكن حتى اسكب دموع الحزن والعزاء
لمهم طلعت من البيت اتحرطم وامي ايا نعال جدامها تفرني فيها لين ماوصلت باب الحوي
ورحت النادي وقلت لهم امي حرقت اللبس
طبعا كان الاداري من اهلنا وكلنا قراب لبعض
ماقصروا وعطوني لبس
هني طلعت من سيطرة امي الغالية وبدت الشكوى للراس العود
ابوي الله يحفظه ويخليه ويطول بعمره
بدأ الصراع بين تكوين شخصيتي المستقلة وبين الشخصية لي اهلي يبوني اكون فيها
الشخصية لي كانوا يتمنونها اهلي فيني
ولد مصلي اخلاقه عاليه محد يشتكي منه ولا يسبب مشاكل متفوق في دراسته متدين يعني مطوع (جمعية الاصلاح )
شخصيتي انا المتمردة
الصلاة شي انغرس فينا من صغر فالحمدلله المستوى الدراسي بدا ينزل طبعا بسبب المشاكل لي كانت تصير بيني وبين اهلي بسبب النادي والنظرة التشائمية لي كانت تنظر لنادي على انه مكان للفساد وتخريب الاخلاق (بوجهة نظر اهلي )



المواجهة الاولى :



المهم بعد ما اشتكت امي لابوي وانها ماقادره علي وسوت كل تقدر عليه ولكن مافي فايدة وانا بطبعي عنيد وراسي يابس بلي انا مقتنع فيه حتى سالوا ( بوحمده )
كنت راجع بالليل من عند ربعي بحسن نية وماكان اي في شي انما ماتوقع اني سويت شي هاك ليوم لمهم دخلت وانتوا بكرامة الحمام اسبح وطلعت بروح الغرفة ويااا اخواني برقد الا ابوي معترضني
اول سؤال من وين ياي
من عند ربعي
مسكني من يدي ودخلني الغرفة ( لاتفهمون غلط ماكان يبي يتفاهم ويناقش الموضوع وياي لااااااااااااااااااا مخكم راح بعيد )
كنت اتذكر اني لابس هاف مال الرياضة وبعدي كنت بلبس فانيلتي
قفل علي الباب وحط المفتاح بجيبه وياب العقال ويلس يمرغ فيني مرااااغ مال سنة ويقول كلاام انا ماتذكره لانه الضرب كان اكبر من اني افهم
اتوقع اني كنت اتلوى حتى الضرب مايجيس اكبر مكان بجسمي وتعرفون واحد مفصخ وتوه طالع سابح ولما تعب من الضرب وانا اصيح واخواني يشوفوني من الدريشة بس محد قادر يسوي شي لانه قافل الغرفة علي
وييلسون يصيحون علي حتى اختي الكبيرة الله يحفظها كانت تصيح واسمع صياحها
وبعد ماتعب من ضرب العقال تتوقعون تركني لااا دااا كااان زماااان
ياب واير مال المسجل ولفه اربع لفااات وكمل ضربه الا ان تعب وانا خلاااص خلصت دموعي وماتم شي اقدر ابجي فيه
حتى اتذكر انه الدموع كلها جفت والصوت راح من الصياح لانه ماكان بيدي حل غيره
حتى من فتح الباب مادري كيف طلعت من البيت بانصاف الليالي مادري وين اروح ولا وين اعطي بويهي ماكان الضرب هامني بقد ماكان الخوف من مادري
دارت في نفسي وتفكيري افكار واااايد هاااك ليوم رحت على البحر ورقدت على الياخ البحر ( شباك الصيد ) لليوم الثاني من التعب ومن المجهول لي كان ينتظرني
امي الحنون حليله مارقدت طول اليوم تدور علي بالفرجان على بالها مسوي في نفسي شي

وبدأ فترة التحدي بين اني اسمع كلام ابوي وارجع للي يبيه او اني اتم على شخصيتي لي طلعت وبكونها واثبت لهم العكس
لمهم ليوم الثاني الصبح رحت البيت من الباب الخلفي وانا ادري انه ابوي يطلع الفجر غسلت ويهي وشفت اخوي الصغير طرشته ييب لي ثيابي وكتبي ورحت المدرسة ومن عقب المدرسة عقيت الكتب ورحت النادي
هذا كان اول تصادم عنيف بيني وبين ابوي الله يخليه ويحفظه
وبعد اسبوع رجعنا على نفس الموال حتى اني اتحاشى اشوف ابوي وامي كنت ادخل من الباب الخلفي اعق ثيابي وكتبي وابدلها واروح النادي
امي تعبت مني وغسلت يدها مني
وابوي كان كل مايشوفني يضربني حتى اني كنت اتحاشى اشوفه باي مكان
اخواني بعد لما شافوا علاقتي مع ابوي وامي متكهربة فضلوا الابتعاد عني حتى مايزعلوا الوالدين
وطبعا انمنع مني كل شي
بما معناااه حصاااار اقتصادي واجتماعي



المواجهة الثانية :


من طياشة المراهقين لي اذكره انه ثلاثة من ربعي عندهم سيارات ونروح ونرجع وياهم فيها يوم من الايام حبيت اتخقق بالليل شليت مفتاح ابوي ورحت الكراج وحتى مايسمع السيارة وهي تشتغل فتحت بابها وحطيتها بالخالي ودزيت السيارة انا وواحد من ربعي لمسافة 200 متر عن البيت وهي ماتشتغل ومن هناااك شغلتها لمهم رحنا نتحوط فيها لوقت متاخر وانا على بالي انه الكل راقدين ومحد يدري ومادريت انه حد من اخواني وواعي ولما ماشاف سيارة ابوي بالكراج استغرب والمشكلة انه شيك على نعال ابوي وكانت موجوده فراح صحاه وخبره بالموضوع
لمهم ابوي شك فيني وانا رجعت البيت دخلت السيارة الكراج ورحت حطيت مفتاح السيارة مكانه ورحت اتسحب للغرفة ودخلت وقفلت الباب و ياليتني ماقفلت ترى من خدايتي ابوي كان فيها
يعني روحي سجنت عمري وياليت هالمرة عقال ماشفت الا مربعه فوق راسي كرااااااااااااااخ حتى راسي نقع منها ماستعوبت السالفة ولاني ادري اني كنت غلطان بس ماتوقعت جي العقاب
وضربة ثانية على يدي وثالثة على ريولي وانا ناشب بالباب ابغي ابطل قفله وهو يضرب ومن الخوف طاح المفتاح والمكان مظلم وابوي مايشوفني الا من نور تحت الباب فشردت لداخل حتى مايشوفني
فمن شغل الليتات شفت المفتاح ركضت له وهي بالقب على ظهري حسيت بشي يتكسر لمهم طلعت اركض
وابوي ورااي بوزاره وفانيلته اركض بكل قوتي وهو وراي اتوقع انه ركضنا 700 متر وانا ياهل وهو ريال
انا اركض من الخوف وهو يركض يبي يبرد حرته
اقول بخاطري لحين بيتعب لحين بيهلك وبيرجع عني
ولا طششششششششششششششه
لين مايودني من كندورتي وطول الرجعة وهو يكفخ بيده لانه الحمدلله طاح عنه القب
ترفيس وتكفيخ وكل شي
دخلني داخل غرفة ويلس يمرغني لين ما تعب مني
حتى الجيران سمعوا صريخي والله يرحمها ويغفر لها جارتنا يت تدخل وتفججني من ابوي
وليوم الثاني حسيت بويع بيدي وريولي فرحت وشفت الانتفاخ فيها طبعا من حرة الضربة ماحسيت بها طول الليل
بس من رحت المستشف طلع عندي كسر باليد وجبسوها وكدمه قوووية بالريل فقلت لهم اني طايح تجبست ولا خبرت حد
وكانت نهاية الصراع بيني وبين ابوي
طبعا هذي الواقعتين كانت الاخص بفكري وثابته بمخي لانها كانت الاشرس
طبعا بينهم مناوشات بس لاتذكر لانها كانت بنظري خفيفة



الربع



كانوا ربعي وللحين ربعي من فريجنا والفريج لي يمنا كلنا بنفس السن وكلنا نروح المدرسة ونرجع نروح النادي
محد منهم كان عنده مشاكل ويا اهله الا انا
يمكن لانه كانت نظرة اهلي عن النادي نظرة سلبية
بصراااحة كانوا يساعدوني باشياء وايد وكنا اكثر من الاخوان وكان واحد اكبر من يرابعنا ويتمشى وياانا ويمكن لانه شبابي كان يروح ويانا
وتعرفون الشباب كنا نحب الطياشه والمهايت والمراكض بكل مكان نحب نشخط ويلات بالسيارات ونروح الحداق ونركب اليبااال ونروح دبي باي سيارة خربة
بس كانت شلتنا وااايد حلوة عمرها ماحد اشتكى منها لاي سبب من الاسباب
حتى مرة من طياشة المراهقين كنا نبي نجرب ندوخ سجاير ولي كان وياانا واكبرنا دوويخ عوود
فخذينا عنه وهو مايدري وتونا بندوخ والا ييب لنا مطرق ويراكض وراانا و صفعنا تصفيع
جزاااه الله خير كنا واااايد نعزه ونحترمه مع انه شليتي وكبير بالسن بس لما كنا نسوي شي غلط كان يصفعنا وياليت يهزبنا بس الا طرااقات ولي فيه خير يزعل منه
المهم هالشلة مشت على ماهي عليه وسارت النادي ومشت الايام
ومحد بهدل ادارة النادي مثل ما انا بهدليتهم بس مشاكلي ويا اهلي
لاتمت ثياب ماتنحرق ولا تم سب ما انسبوا فيه من اهلي
الا ان وقف واحد من الادارة وكان كبير بالسن وراح لابوي واتذكر اني كنت بثاني ثانوي وسحبني وياااه لمكان شغله
وقال له بالحرف وانا كنت ويااه ومنخش ورااه لا اتصفع من ابوي
قاله ( بلسان الادراي )
هذا الولد ولدي ومثل ما اربي اولادي بربيه بس خله ويانا بالنادي
ومن عقبها ابوي هدت سريرته وخفت حدته يمكن لانه ييا ريال عود وضمني عنده
اول سنة كنت ادخل فيها النادي لعبنا اماراة اتذكر
مع اتحاد كلبا غلبونا 13 – 0
ومع الشارجة 11 – 0
السنة لي بعدها لعبنا معاهم
غلبونا اتحاد كلبا 5 -2
ومع الشارجة 3-1
السنة لي بعدها
فزنا على كلبا 2 -0
وعلى الشارجة 4 – 1
وبداااا التحدي في مابيينا واتذكر كانت الفرق قوووية لابعد الحدود في خلااال هالفترة خلص الثانوية بس مو بالمعدل لي كان مطلوب لانه النادي ماخذ كل تفكيري لمهم اني عديت يمكن بعدها هدأ بال امي وابوي عني بعد انقطاع دام سنتين والحمدلله ربعي كلهم نجحوا بالثانوية وبهاك الايام كان لي عنده ثانوية جانه عنده دكتورااااه
بعد ماخلصنا الثانوية رحنا نجمع اوراقنا حتى نسجل بالكليات والجامعة لمهم ثلاث من ربعني انقبلوا بكلية الشرطة وثنينه حصلوا بعثات خارجية وثلاثه في الكليات الحربية وانا وثنينه من ربعي في الجامعة
دخلنا الجامعة اول كورس يطبقون في التعليم الاساسي وتوني بكمل دراستي الا واتصلوا لي مكان كنت مسجل فيه
وطلعت من الجامعة دخلت المجال العملي ومن عقبها اتغييرت النظرة من اهلي على اني انسان منحرف فاشل طالع عن طاعة الاهل
الي انسان ثاني



نكمله لكم بالفصل الثالث

شيبه محتشر 12-01-2010 09:10 PM

رد: مودوناتي في ذكرياتي
 
صور من ذكريات الماضي



http://www.alshohooh-upload.com/up/u...9fd13925cd.jpg




غرفتنا لي كنا نرقد فيه وكل حياة الطفولة قضيناها هني
رغم انها كانت صغيرة الا انه كانوا سبع اشخاص يرقدون فيها
مع كبت للثياب ومكتبة للتلفزيون ومكان لكوي الثياب وكتبنا واغراضنا
الا اننا كنا نشووووفها كبيييرة وااايد
وهالايام الواحد يرقد بغرفة لوحدة ويقوول المكان ضيج





http://www.alshohooh-upload.com/up/u...243db52c4a.jpg



مدخل الدري لي وياااه ذكريات جميلة
كان السبيل الوحيد للشردة اذا تقفلت البيبان
وكان المكان الوحيد لنا لما يطيح مطر نروح نلعب بالفدر ( طين على السطح ) ونشوف الدنيا كلها من برا
وكنا اتذكر لما يقفلون عن الباب كنا نتسلق اريل التلفزيون حتى نركب فوق





http://www.alshohooh-upload.com/up/u...1faf35549f.jpg




اخر غرفة كانت غرفة البخار ( مستودع لحطب التنور والهوش ) كانوا الفيران يتيمعون فيه وكان حذاله درام الماي من حديد وهذا هو الحوووش بس لحين يسووون بالبيت ترميم والا كان اكبر





http://www.alshohooh-upload.com/up/u...3b8bf183a3.jpg



هذي صورة فريجنا من فوق السطح للحين ماتغيرت جي كانت وللحين
مظهره يرد الرووح كان نركب فوق ونتيلس اما نيلس نفرفر فدر والا راكضنا فوق السطح




http://www.alshohooh-upload.com/up/u...1a4c57607e.jpg




هذا المكان كنا نلعب فيه تيله والا غزووولة لانه مكاان تلاقي الفرجان فمن كل فريج يونا ناس
وفي مراات نحن نروح لهم نلعب وياهم

شيبه محتشر 12-01-2010 09:17 PM

رد: مودوناتي في ذكرياتي
 
http://www.alshohooh-upload.com/up/u...2334c5cf3b.jpg



السكه لي كانت تودينا السوق لو تلاحظون السيارة بالقوة تدخل بس قبل كنااا نعتبرها كبيييييرة
وهي السكة الوحيد لي تدخل وتطلع من السوق

http://www.alshohooh-upload.com/up/u...9541c91d5f.jpg



بهالسكه كانوا اهل المزارع ولي عندهم نخيل واي واحد يبي يعرض بضاعته ييلس هني
كنا قبل لا نروح المدرسة لازم نمر على العيايز كانت كل وحده عندها جفير وتارستنه نبق وتبيع
فكنا نشتري عنهم
والا كانوا ييبون الجزر لي لونه اسود نحب ناكله مع انه لازم تتخيس ثيابنا ويدينا


http://www.alshohooh-upload.com/up/u...86921b967a.jpg



هذا الدكان من طلعنا على الدنيا وهو مفتوح والباب للحين ماتغير


http://www.alshohooh-upload.com/up/u...8e43669bb9.jpg



صورة السوق ككل كانت المحلات مفتوحه
محل البضايع الكبيرة لي يونها الشياب وحل يسوي حلوى ومحل لنا خصيصا نحن اليهال
ومححل للحطب ومحل للغليون ومحل للسح ومحل للصفافير ودجه للسمج وغيرها
يوم الجمعة تشوف هالمكااان متروووس من كثر الناس لي يايه تتشرى

ونكمل البقية بالقريب العاجل باذن الله

شيبه محتشر 23-01-2010 02:49 PM

رد: مودوناتي في ذكرياتي
 
لاتدوووررووون شي



كنت مكمل المدونه ويالس اكتب


وفجأة سوا الجهاز ريستاااار لوحده :a050::a050::a050:



وطااااح بجبدي لي كتبته كله ولاعت جبدي ولحين بيأذن العصر يعني مافي فايدة



:1577_1186768770::1577_1186768770::1577_1186768770 :


واصبرووووا لين ماتلوع جبودكم


هذا بس للي يتابع


:ax:

شيبه محتشر 26-01-2010 11:17 PM

رد: مودوناتي في ذكرياتي
 
طفاستنا





* كنا نترس النفافيخ الصغار ماي ونطلع ننخش بالسكيك واي سيارة والا هندي والا صفقناه فيه ولي في حيل يربع كنا ندور لي معصقلين حتى لو ضخ واحد منا تعاونا عليه وصفعناه ( لحين غلطانين وبعد نضارب ياقوة عيونا ) والا قوم خان او سيارة يديده مانفرها لانه نعرف شو بيصير الا اذا كان واحد منا متفيج ويبينا نتصفع



* كنا نعتبر النخيل لي تبعد عن جلفار 4 كيلو وعن الرمس 10 كيلو وعن شعم 25 كيلو كنا نعتبرها ( غاردن سيتي ) فيها مطعم السلطان لي يقول مطعم جميرا بيتش حد فلافل وناشف وكبده وكلاوي بس عاد بهاك الزمان محد ينافسه كنا نركب تاكسي نطلع من بيوتنا لها مؤدبين خلوقين نمشط المكان رايح راد واخرتها نمر شويترام ناخذ ماثقل حجمه وقل سعره تعال للرد عااد هذي هي المشكلة نوقف عند اخر النخيل وكل واحد يطلع لي بجيبه لي باجي عنده نص ولي باجي ربع ولي باجي ريال لمهم يبناه ويمعناه ويطوفون لنا التاكسيات طبعا نختار اضعف واحد والا واحد شيبه حتى ما نتلعوز لمهم نوقفه اخر كم كم اخر وكم اخر واخر كم لين مانوصل لي نبيه ويوصلنا حليله لانه هو رايح رايح ولما نوصل للمكان لي نبيه نوديه لاضيج سكه ونقول لهم هني طبعا ننزل كلنا ويتم اخرنا وبالقرعة لي عليه الدور يتصرف فيطلع من السيارة وييلس يحسب ويا راعي التاكسي
ربع وربع يساوي نص ونص وربع يساوي ريال وربع ويعطيه ربع مرة ثانية يقوله هذا ريال ونص وييلس يحسب وياه الي ان يقول خان جيب كله فلوس وروخ واذا كان الخان عصبي طلع برا السيارة وركض ورا ربيعنا ونحن نطالع من بعيد اذا ضخه ردينا له واذا نفد بيلده نفد مرات كنا نتصفع وخاصة من قوووم خااان والا تصافعنا ويااهم الي ان يحايزونا عنا
فمن جي استوى لنا حصار تاكسيات وعرفونا نحن وماقاموا يوقفون لنا لما نبي نرجع البيت فنمشي خمسه كيلو مشي الي ان تطيح ريولنا والا ركبنا اي بيك اب او تريلا وهي راده تقول عمال بناء واذكر كم مرة رجعنا لبيوتنا مشي مرة سوالف ومرة ضحك ونخلص الطريج




كانت عندنا ام سجبه ( سلاح صغير في رصاص صغير ) كنا لما نحصل كم بيزه نروح نشتري قوطي رصاص وننقع فيها والا نصيد حمام واذا اشتغلت طفاستنا يلسنا نشبح على لمبات البيوت وكانت لمبات تتدلل من وايرات فنشبح لها ونكسرها وياويلنا لو صاحب البيت طلع اركض ماتركض ولي يلحقه راعي البيت يزخه ويغسل شراعه والا يبنا قواطي بيبسي ويلسناها فوق بعض وشبحنا عليها واذكر مرة كنا طالعين نلعب فيها ويا ربعي فكسرت الام سجبه حتى احطي الرصاصة داخلها والا واحد من ربعي يسولف وياي جان يضغط على الزناد ويرتد على صبعي جان ينقص ربع الصبع من قوة الضربة والدم بدا يخر مثل النافورة لانه الشريان بين وانقطع واركض ماتركض للبيت والصراخ محد له لمهم اتذكر امي اونه بتقول شو فيني والدمان تارس ثيابي جان تكفخني طراااخ على صماخي زين انا متعور وتشوفي الدم يطلع اول سوي شي راحت حليلها يابت لي قهوة وبتسد فيه وربطته بوقاية جان يخر الدم منه الا صفق طراااااااااااخ ثاني من وين ياي تراكض كم مرة قلت لك لاتلعب والا ماعارف الا ابجي لين ما اشفتقت علي وودتني العيادة قالوا له هذا مايبي له خياطية يبي له عملية ترقيع جان تشلني بتاكسي لمستشفى صقر وسدحوني وماوعيت الا وصبعي مربوووط جالعين قطعه من ريولي وملصقينها بصبعي صرت قطع غيار لعمري




اتوقع محد عذب الهنود كثرنا تخبلوا منا لما كانوا يمرون قريب فريجنا وخاصه اصحاب السياكل جانه داشين مغارة الوحوش مايدرون شو يلاقفهم لي يفرهم بعنقاش لوز ولي يلبق له صورايخ وتلاحقهم ولي يفرفرهم بنفافيخ
عااد نحن كنا من كل ورا بيت منخش واحد والا ثنينه ومحد يركب فوق السطح الا لي يبي يندبغ دباااغ فمن جي بس بالفرجان وتعال عااد للركيض او ماتفر وينزل الهندي من سيكله ويلاحق واحد منا من يلاحقه نروح نحن ناخذ سيكله فالهندي فيرون يفكر بسيكله والا بحرته فما يهون عليه سيكله فيرجع لنا وعااد سمعوا للتشتيم الهندي مانفهم له بس لمهم يشتمنا شووو ماندري




ايام حلوة لما نروح البحر ونسمع حد ضاغي والا محلق على السمج شلينا عمرنا ورحنا على الساحل كانت عند الصيادين عاده للي يسحب وياهم الليخ ويساعدهم يعطونه من السمج فنروح كلنا نسبح ويا الشياب والهنود الليخ لين مانوصله البر وتعال على شكل السمج وهو توه طالع على السيفه كانت الفرحه ماالها حدود وخاصة اذا كان الخير وااايد راعي الليخ مايحاتي السمج فيقول لنا اخذوا قد ماتبون وحليلنا سمجتين ويالله نشلهم بس لما نرجع البيت نرجع مستانسين وثيابنا حدث ولا حرج من تشوفنا امي عيونها تلبق حمر بس لما تشوف السمج بيدنا ترد تلبق خضر فنرتاح




هذي بعض طفاستنا ايام المراهقة الصغرى
بنرد على المراهقة الكبرى في الموضوع الياي



مع تحياتي قوس قزح للديكور والتصميم

شيبه محتشر 31-01-2010 09:13 PM

رد: مودوناتي في ذكرياتي
 
بعد المعاناة لي شفتوها وعرفتوها وقاسيتها بحياتي لا تتوقعون انه مافيه شي حلو بالعكس في اشياء جميله وايام سعيدة عشتها مع ربعي واصدقائي

نمشي بلي كان متعارف عندنا

طبعا مع العشرة ويا الربع لازم لكل منا نطلع له لقب

ولاتنابزوا بالالقاب

بس شو نسوي بيكون لكل منا اسم حركي ولقب نبدا بالالقاب ومابقولكم لقبي لانه واحد من الالقاب كان لي

وبقول لكم سبب تسمية هاللقب



( عزمر ) هذا كان له صديقين عزيزين واحد اسمه عبد العزيز والثاني اسمه عمر وكان يرابعهم فمن كثر ما متعلق فيهم ومتعلقين فيه ماعرفنا شو نزقره وحتى مايزعل الاول والا يبوز الثاني الفنا له هالاسم المبسط والاختصار بين عبدالعزيز وعمر



( ام الجلي ) طبعا بتعرفون ليش هالاسم ركب عليه بهدل حياتنا نحن كنا ناكل الجلي برمضان بس ومحد يسووويه الا برمضان يطلع لنا هالبني ادم طلعات ويبي جلي بنص الصيف والا لما نروح الدكان كان يبيعون داخل اكواب صغار مثل الجلي فنحن نطلب عصير او كولا وهو يطلب هالجلي كان هالاعبرقم 3 بفريقنا



( هلباوي ) كان ولا يزال صديقنا الخدوم كان طمه بالانجليزي يصفعه مدرس الانجليزي لين مايقول بسسسس بس مافي فايده فمن جي لما كنا نروح اي مكان او نطلع كشته يحاول يتكلم انجليزي مع اي هندي والا رفيق والا اي عامل لمهم يتعلم هالانجليزي ومن اكثر الكلمات لي يرددها هلب help بكل جملة ينطقها بمعنى ساعدوني بكلم الريال انجليزي والا لما يبي فزعه من احد يقوله هالكلمة
او يسوي اي شي يخطر بباله بركبنا له هالاسم



( جخه ) طبعا هالكلمة كانت تدل على الهندام الحسن والموضة لي صايره بهاك الزمان وكانت تعني انك انسان مميز حلو جميل البهية والطلعه كان هالبني ادم اعز اصدقائي بكل ماتعني الكلمة بكل سيراتي ورداتي وياه فكان هاالانسان يحب الدلع والموضة وشو يطلع على السوق يسوويه ويلبسه وكان طيبته غير طبيعيه وكان اللاعب رقم واحد بنادي ولكن بعد ماكبرنا صار مطوع وكبر لحيته وفترقنا الا انه علاقتنا الاخوية تمت بمعنى لما يرد لنا نذكر له كل سوالفنا الاولية بدون حواجز رغم طوووعه



( كلاشو ) هذين بصوب وهذا روحه بصوب تتوقعوا هالاسم من شو والا من وين طلع والا كيف طلعوه له هالربع صدق ربع ماينبلع منهم والا فيهم شي تبون تعرفون هالاسم كان بالصيف نروح دورات عسكرية بلواء بدر لي بعد خت ب15 كيلو وكنا نتم بالشهر ونص هناك وكان من ضمن الاسلحة لي نتدر عليها سلاح الكلاشنكوف
فالحبيب زقره المدرب وقاله روح يبي سلاحك رد عليه قاله الكلاشو عندي سيدي
يبي يقول الكلاشنكوف عندي
غلط
وعااااد ماغلط الا جدااامنا وياويله



( بخش ) اسم على مسمى بهدل حياتنا هالربيع من كثر مايرابع قوووم بخش كان ابوه عندنا دكان يبيع حطب ولما نروح له كان عندهم باكستاني يسمونه بخش فلما نوصل عنده يقول لبخش انا بروح قول لابوي واذا بخش ما موجود يتم ربيعنا بالدكان يساعد ابوه فلما نروح له الدكان بناخذه ويانا يقول محد بخش انا ليوم بداله فتم هالاسم عليه



( اللمبه ) من عرفناه وهم يزقرونه اللمبه يعني مو نحن لي سميناه من صغره والشعر الابيض براسه مشيب وهو صغير بسسس لو تكلمه لحين بالتيلفون تقول هذا ماكمل ال 18 سنه حبوب قلبه كبير الكل يحبه مسمين قلبه وكالة من كثر لي يرابعهم ماشاء الله عليه عمره مازعل منا لو نعلق والا نقول عنه اي شي مايزعل قلبه كبير بكل تصرفاته حتى ضحكته ويانا تنسينا همومنا لما نشوفه ونسولف وياه نحن عنده سواسيه محد منا له معزة اكثر عن الثاني وسبب تسمينته باللمبة انه طالع لها بجبهته مثل العظم بارز فمسمينه باللمبه لها البروز


( ختي ) اللاعب رقم 2 بفريقنا مثل ما يقولون عنه المصاروة كان حتى النملة يحاورها المدرب يلعبه احتياط واخر ربع ساعة يدخله الملعب لو كنا مغلوبين يدخل اما يسوي بلنتي لنا او يحاور عن لي جدامه ويب جووول كل فريق نروح له يخاااف منه مع انه اغلب المباريات يكون احتياط بس لما يدخل يسوي لهم فيلم رعب كان يخبل فينا بين فترة والثانية يقول لنا يالله قووموا نروح خت نسبح زين وياليت خت قريبه منا خطوتين الا بعييييده بس اذا مارحنا ياويلنا منه



( بق ) كان امتن واحد فينا وكان يلعب ويانا بالفريق جناااح كيف مادري رغم متن جسمه الا ان كنتروله على الكرة عجيب اول مرة نلعب فيها بالنادي لما رحنا نلعب مع فريق لما شافوه الفريق الثاني دخل الملعب قالوا له دخلت الدبابة فزعل الريال وانتفخ وحرم من بهدها يلعب كرة فقلنا له ونحن راجعين للبيت عن تنبق علينا يعني عن تنفجر علينا ومن عقبها مشى عليه هالاسم وكان كل مايزعل ينتفخ وويهه وتقولوا قنبلة وبتنفجر فسميناه بق وكان واحد من ربعنا صديقه الصدووق مايحب حد يقول له شي فمرة من كثر ما معصب علينا قال انت جنود وهذا قايدكم وركض ورانا



وبنكمل لك باقي المراهقة

شيبه محتشر 04-02-2010 10:05 AM

رد: مودوناتي في ذكرياتي
 
نتابع مع الربع خلال هالفترة :


بعد ماتكونت هالعلاقة الحميمه بين الربع كانت نظرة الناس الي لاعبي النادي انه الفئة الفاشلة في المجتمع او انهم ادنى افراد المجتمع تعليما وربما ان اهتمامهم بالكرة يجعلهم في نظر الناس هكذا

ولكن تعاهدنا على تغيير نظرة الناس لهذه الصورة
صحيح كنا في فترة الناشئين كان الجيل القديم ومايسموون بالفريق الاول للنادي اغلبهم من اصحاب الوظائف الصغيرة او انه لم يكملوا دراستهم بسبب انتسابهم لانديتهم

وهذي النظرة التي كانت سائدة هي نفس النظرة التي كان اهلي ينظرون اليها عن النادي ومتاعبه وانه ليس الا للفاشلين
بعد خمس سنين من انتسابنا للنادي وصعودنا لمستوى الفريق الاول كان عددنا بالفرق 18 لاعب اساسيين واحتياط
6 لاعبين ضباط
5 لاعبين خريجي جامعة
3 لاعبين دراسة خارجية
3 لاعبين بهدلوا حياتنا مارضوا يكملوا لانهم مافلحوا بالدراسة وراحوا الجيش
لاعب واحد لارضى يشتغل ولا رضى يكمل دراسته وتم بطالي
هذا توزيع اللاعبين عندنا بعد ماكملنا دراستنا ورجعنا النادي نكمل المشوار وسبحان مغير الاحول بعد هالفترة كل شي تغيير بحياتي وخاصة لما كل منا تخرج وعاد يمارس حياته الشخصية
صرنا اكثر تقاربا كان يعجبنا تجمع الناس حوالينا واسلوبهم التشجيعي لنا الحمدلله من طلعنا ماكان حد يذم فينا رغم نظرة الناس لهذي المؤسسة
نرجع لحياتي الشخصية وكيف تحولت

علاقتي مع امي الحنون

مع الايام الجديمة اذا تذكرونها كانت حليلها تحرق ثيابي مال النادي ويكون مصيرها التنور علا وعسى ارجع واتوب واعود عن النادي لكن مافي فايدة
بعد سنين من العذاب وحرق الثياب والضرب لي مالقى له عندي اذان صاغية ماقامت تحرق الثياب وبنفس الوقت ماتغسلها بس تخلي الشغالة تغسلها
بعد سنه قامت ترتب لي اغراضي قبل لا اروح المباريات او التدريب ( امي الله الشاهد كم احبـــــــــــــــــــــــــــــــــــــــك )خلال هالفترة كان الفريق بدأ يتكون وكانوا حريم الفريج كلهم يسألون عن نتايج الفريق ويتكلمون عنه وتعرفون الحريم يتدخلون بكل صغيرة وكبيرة بعدها عرفت مكانة النادي عندها وعرف انه ولدها فيه وانه انعرف عن طريج النادي
السنة لي بعدها كانت تدعي لي الله يوفقني بالمباراة ولما ارجع من المباراة كانت تحط لي ماي حار وقوطي ملح بالبانيو حتى اسبح فيه مادري شو من الحكمة بس اتوقع اني لما ارجع وارقد احسسس براحة عجيبة وبنفس الوقت تسالني شو سويتوا بالمباراة وكما لنتيجة
يمكن لانها تبي تتخقق جدام الحريم انها تعرف بالكرة وكبرنا ومشت الايام وتغيرت نظرة امي عن النادي


علاقتي مع ابوي الطيب

شكثر عانيت منه حتى لما توظفت ماراضي يغير نظرته عني يعتبرني الولد الشاذ بالعايلة ومن جي كنت ابتعد نوعا ما عن مواجهته ويه لويه الا بايام اكون فيها مضطر اني اكون معاه
مادري هل اني وارث العناد منه او انه كان يبيني انا ابادر مادري لمهم انه علاقتي بابوي منقطعه مع انه توصله اخباري وكيف اعتدل مسار حياتي بس ماراضي يغير نظرته عني وعن عدم طاعته
اتذكر المرة لي غيرت مجرى حياتي مع ابوي هذي اللحظة بقولها لكم لاني عمري ما انساها ويمكن لاني طوول الليل تميت اصيح مادري كان ندم مني والا حنين لحضن ابوي
بهاك اليوم كنا نلعب مباراة ودخل علي واحد جاااامد على ركبتي قطع لي فيها الرباط الصليبي لمهم طلعت من المباراة للاسعاف سووا لي اشعة مقطعية قالوا لي انه الرباط الصليبي بالركبة انقطع عندك ويبي لك عملية
ليوم الثاني اتصلت لامي قلت لها السالفة واني بدش المستشفى اسوي عملية وقعت لعمري ودخلت دخلوني غرفة العمليات الساعة 2 الظهر عمري ماشفت غرفة العمليات الا بالتلفزيون ولما شفتها على الطبيعية قلت اتوقع اني احلم ياني دكتور سوداني قالي وشفيك خايف اقوله بالله عليك تشوفني داخل مدينة ملاهي تبيني افرح فيها
قال لاتخافي تشوف الكشاف لي فوقك قلت له اي
قال لي تشوف ويهي قلت له اي
قالي لحين الكشاف بيصير مثل ويهي توني بضحك
الا وانا في سبات عميق اثاريه الحبيب يبي يلهيني عن ابرة البنج وحليله بعد ماسويت العملية يلست اضحك على سالفته
لمهم خلصت العملية وانتبهت الساعة وحدة بالليل
هناااك حصلت الفاجعة والمفاجئة لي خلتني اصيح طوووول الليل
الصياح لي فيني اكبر من صياح جرح العملية
كان ودي ازقر الممرض يبي لي شي يخفف عني الويع بس الموقف لي كان بالغرفة منعني من اني اهمس بس همس
تمت عيوني تزرف دموووع ماراضيه تتوقف
تبون تدرون ليييش
لما صحيت من البنج ومن الويع لي فيني تفاجأت انه ابوي ( الله يحفظه ويخليه ويطول بعمره) راقد تحت
ابوي لي شبعني ضرب وكان مايداني يشوفني جدامه ويمكن ماكان يتمنى اكون انا ولده
راقد تحت السرير يجابلني ويحاتيني
تارك كل شغله واعماله وياي يبات وياي ابوي لي كنت اعتبره متحجر القلب ماكان يتعامل الا بالضرب التفاهم عنده عصا او واير او قب ابوي لي اقول انه الرحمة انتزعت من حياته وكاان يعاملني كاني مجرم
فرجعت بذاكرتي لورا بكل بأدق تفاصيلها صغيرها وكبيرها وخاصة مع ابوي وكيف كنت معذبنه بحياته بدأتالدموع تنزل من عيوني ماقادر اوقفها هي دموع متشابكه بين دموع الندم ودموع الالم
وتميت طوول الليل على هالوضعية الي ان سمعت اذان الفجر اذن بعدها حسيت انه ابوي قاام من رقاااده جان اتلحف حتى مايشوفني اني صاحي وحليله حتى ما يسوي لي ازعاج شفته يتسحبب شوي شوي ويدخل يتمسح وراح للممرض يوصيه علي وراح لشغله
كل هذا وهو على باله اني ماادري انه كان راقد ويااي
ومن عقبها قرررت اغير علاقتي مع ابوي بكل مناحيه حتى لو انه طلب مني اترك النادي او انه اسوي اشياء ما كان يبيني اسويها
بعد مارجعت من المستشفى من دخلت البيت رحت لابوي وحبيته على راسه وماتكلمت وعرف من نظرتي شو اعني وعن شو ابي اتكلم وماتوقعت هالقلب لي كنت اعتبره حجر يحضني
ومن عقبها تغيرت حياتي مع ابوي ماكان يتغدى الا يتصل لي وين انت تعال بنتغدى طبعا لانه اغلب اخواني يشتغلون بابوظبي واخوي الصغير وانا لي هني فما يهنى له الاكل الا بوجودنا بتحسننت العلاقة بكل صور حياتها حتى ما صرت اسوي شي الا لما اشاوره بكل صغيرة وكبيرة حتى ولو ماله خص فيها ولا تعنيه بس حتى احسسه اني مو انا لي كنت انا
انا خادمك وعبدك لي بين يدك متى ماقلت لااا يعني لااا
حتى لو احبه ومتعلق فيه والحمدلله ردت علاقتي بابوي علاقة صداقة حتى لما ابي امزح ويااها ازقره بلقبه وخاصة جدام امي لانه امي تزقره بهالاسم
يستانسسس واستانس لوناسته
وعادة علاقتنا لي ماكنت اتصور انها تعوود بس هذي الحادثة رجعتني لابوي
ومن بعدها قام ابوي يسالني عن النادي وعن النتايج ويمكن لانه اهل المنطقة كان يثنون ويمدحون فينا كفريق وكون اني واحد من الفريق فلازم انشمل وياهم فعرف ولده انه ما اخترب ولا خرج عن طوعه انما كون شخصيته مثل ماهو يبي
لكن في حدود الاخلاق والادب والمعاملة مع الناس
واقول الحمدلله والف الحمدلله انه ما كان احد يشتكي من تصرفاتنا ويقول انه ولد فلان كان او سوا شي
ومن بعده هالافكار تغيرت نظرة الناس للنادي وصار النادي مضرب للمثل مثل ماكانت جمعية الاصلاح مضرب للامثال في تكوين النشأ وتبيتهم
حتى كانت اغلب الاندية تمدح نادينا لانه اللاعبين لي تخرجوا من تحت يده ماكانوا حثالة المجتمع او المنفايين من المجتمع
انما تخرجوا في مناصب ورتب حلوة
وبصراحة كان الفضل لشخص بالنادي بعد فضل رب العالمين علينا انه يلس يتابعنا من كنا صغار الي ان كبرنا وتخرجنا ماكان يرضى انه حد يكون مقصر في دراسته او تعليمه وكان يتابعنا بالمدرسة
والحمدلله على كل حاااال انه وصلنا لها المرحلة



والبقية تأتي

شيبه محتشر 09-02-2010 09:54 PM

رد: مودوناتي في ذكرياتي
 

صور مال اول




بعد هالمدونه الطويله كتابتا لي مللتكم يلست ليوم ادور لكم صور عن الماضي وبحط على كل منها تعليق بسيط تحكي عن ماضي عشته وحسيته وكان له طعم ولون عندي


نبدأ بالتلفزيون لانه كانت اغلب حياتنا عليه
وخاصة العصر وهي فترة الرسوم المتحركة والا المغرب وهي فترة المسلسلات

تعالوا نشوووف شو لي صاير



http://blogs.fayobserver.com/livewir.../01/old-tv.jpg



هذا تقريبا شكل تلفزيونا بس نحن كان لها مثل الباب ينسحب من صوبين بس لو تلاحظون كانت له موجتين موجة كلها ارقام من ا - 12
والموجة الثانية على حرف U
الموجة بالارقام تذيع القنوات العربية وياكثرها كلها رقمين كنت اذكر منها رقم 6 ورقم 10 والباجي بالقوة تصفى
اما موجة U فهي تذيع القنوات الاجنبية والافلام الهندية
وكان بينهم مثل الحيس لما تششششوش القناة نحيسها اونه تصفى اكثر


http://upload.traidnt.net/upfiles/8bn91510.bmp


هذا شكل الاريل من بعيد ممدود بحديده طووويله للارض ومربوط بسنطوانه البيت حتى يسهل لفه لما تشوش القناة او تخترب طبعا قلت لكم سالفته وكيف قبل نلفه وكل يوم لوحد منا دووور طبعا البنات مايسلمون صح مايحيسون الاريل بس يزاعقون كنا لما يزيد الخبال نتسلق فوقه لين مانوصل لفوق السطح وننزل وياويلنا لو هبة ريح قوية تشوفه مايل يمين والا يسار وتعال رده حتى تصفى القنوات


http://maxtoons.com/cap641.jpg


نيي للرسوم المتحركة احب هالخبيل يموتني ضحك وكنا نقلده بكل شي ولي مرابعنه روحه اهبل بس بصرااحة كان احلى رسوم متحركة نشووفها
حشااا حد ينط من فوق برج وهو شال بنت ومايستوي له شي
والا يغووص نص ساعة بالبحر بدون نفس
والا يركب لك على جناح الطيارة ومتيود باطراف صبوع ريوله
والا ينقعون فيه قنبله ومايصير له شي
والا يركض بين الرصاص وماتجيسه رصاصة

رغم هالخبال الا انه كنا نصدقه لا ونقلده بعد
كلهم صوب وعبسي بصوب
والا نامق الاهبل
والا يد لينا
كم بنرقع فيها
بسسسس بصراااااحة عججججججججججججججيب
:ax:
شوفوا الصورة وكيف الحركة بتعرفون انا لي اتكلم عنه ونحن مبققين عيونا ومندمجين
لانه كلها اكشششششششششششن

http://img254.imageshack.us/img254/8268/99609612ui3.png




هذا العبيط الثاني بصراااحة اتفهه منه مافي
بس مجبورين نشوفه لانه مايطلع غيره
الرسوم مووول مامنها فايده لافيها اكشن ولا مغامرات ولا خرابيط

http://www.alhsa.com/forum/imgcache/295960.imgcache




غرنيدايز انطلق
هيكاروا وكوجي ودامبي
عجيييبين بصراحة كان هالرسوم تشدنا مع حرب الفضاء
كل يوم يقاتل وحش ويكسر راسهم ويحطمه
ولما نيي باخر الحلقة نقول هالسفية الام ليش تشرد ليش ما تضارب ويا غراندايزر وتغلبه
اثاريهم يبونا نكمل الحلقات وكل مابيي يلحققهم يرد
اونه سوف ننتظرهم الي ان يأتوا
ونحن مصدقين



http://www.tbeeb.com/ph/files/1/anime/majed.jpg



هذا مادري منو مألف هالرسوم
ماجد لعبة خشبية
انا اسمي ماجد ماجد
لعبة خشبية ماجد
هو ويده خبلوا فينا
بعد مجبورين نطالعه لانه مافيه غيره
بس مبققين عيونا ونطالعه




نييي للمسلسلات لي كانت تنعرض

http://www.77d.com/vb/attachment.php...2&d=1241718284




الي ابي وامي مع التحية مسلسل بصراحة هادف كانا كلنا اكبار وصغار نتابعه الاسرة كلها والجاره اللغاية
وراعي الدكان وولده الطمه الولد لي مخرب احمد
وكل مايصير شي
تقول امي شوفوا شو يستوي فيهم لي مايسمع الحجي
وعاااد خذ تعليقات علينا


http://i89.servimg.com/u/f89/11/99/45/48/115.jpg




كنت اشرد من المدرسه حتى اتابع حلقاتها
مريم الغضبان هي حبابة وجودر هو بطل المسلسل
كلهم بصوب ولما دخل المغارة ونقطع راسه وشله بيده ويتمشى بصوووب
بايامنا كان مثل فيلم الرعب
خيفانيييين
حتى مدرس الفنية كان يعايرني يقول خل تنفعك حبابة لما ارسبك
خخخخخخخخخخخخخخخخ
من زووود الرسمات لي ارسمها عااااد
بس كانت حلقاتها تشد الواحد وخاصة مريم الغضبان لما تقول كان يامكان في قديم الزمان

http://up.g4z4.com/uploads/e296069d87.bmp



هذي كانت نوع من المسابقات شخصين ضد شخصين
لون الاحمر والاخضر وكل واحد يقطع على الثاني حتى مايوصل خط كامل
وكل رقم او حرف بسؤال
وكنا مندمجين ويااااهم لانه برنامج ثقافي مفيد




وطبعا في مسلسلات ثانية مثل دليله والزئبق وغيرها تنعرض وكنا نشوفها هذا جزء منه


http://www.youtube.com/watch?v=rMlmP4ttxz8


اما المسلسلات الاجنبية فكان مسلسلين
http://www.q8hp.com/Knight%20Rider.jpg


السيارة العجيبة ولي قاصين علينا فيها وطبعا لي لحق عليها وكان في زمانها يعرف شو معنى السيارة العجيبة
حتى صارت موضة انه كل واحد عنده سيارة يركب ليتات حمرا جدام تتحرك
والا اول ماطاحت سيارة نيسان سيدريك وتتكلم قالوا هذه هي السيارة العجيبة
وبصراحة كان مسلسل مغامراته عجيييب




والمسلسل الثاني لي اذكره مسلسل شرطيان ثنينه يسوقون دراجات نارية ويكتشفون الجرايم بس نسيت اسمه
وبنتابع صور مال اول

شيبه محتشر 14-02-2010 10:51 AM

رد: مودوناتي في ذكرياتي
 
ألعاب اول





http://www.alshohooh-upload.com/up/u...db80f6613e.jpg

مروحة بلاستيك قابله للسحب لما تيرها تطيير كنا نتنافس منو يوصلها لابعد مكان المراوح االكبيرة تطير اكثر وكنا نوقف تحت اي سقف ونطريها حتى تلسق بالقف وكل ما كانت السحبة قوووية كل ماتعلقت بالسقف اكثر







http://www.carrom-rcs.de/boardsese.jpg



الكيرم لعبة معررروفة ومخبله فينا قبل وخاصه بالبودرة اونه حتى القيس يمشي بسرعة فيها لما يضيع عنا القيس لي يضربوون فيه كنا نجلع العلامة مال جينرال الكتريك للمكيفات ونلعب فيها من جي بتشششوفون اغلب المكيفات مشلول علاماتها اعرفوا انها صارت قيس للكيرم كان الفريق المغلوب يستوي لونه ابييييض من كثر ما متسبح بالبودرة ونحن نزيده

http://file8.9q9q.net/img/51294841/147279c298.jpg


طيارات من البوووه كانت سحلة التركيب نشتريها بنص ونربكبها ونيلس نطيرها والسباق منو يطيرها اكبر مسااافه
مال مقصه



http://photos-f.ak.fbcdn.net/hphotos..._7167916_n.jpg


رشاااش الماي ياما حصلنا ضرب من وراااه خشششاه بكل مكان بس عمرنا مالعبنا فيه الا تصفعنا طفاستنا غير طفااسه والمشكلة انه كنا لما نبي نغصص بواحد نشششوفه راقد نروح لخشمه والا لعيونه ونرشه بهالرشاش والا ترسناه ماي وحبر وخيسسسنا الا متضاربين وياااه



http://www.majalisna.com/gallery/55/...1249752385.jpg



هالكور كانت مشسششهورة شهرة عجيبة قابله للنفخ وماتكسسر شي بالبيت فمن جي كنا نشتريها ونلعب فيها بالبيت فما كنا ننضرب من ورااها



http://www.majalisna.com/gallery/55/...1249752355.jpg


هاللعبة كانت موجودة تعيبنا كانت تطلع لنا بالحظ يانصيب والا نشتريها ريال بلاستيك ومربوط ببرشوط نفره لفوق وينفتح البرشوط والا ركبنا الدري وفريناه من فوق ومرات كان الخبال يشتغل فكنا نتط من فوق الدري ونفره ويانا نشووف من يوصل قبل هذا المخ لي وصل لنا هاك الايام



http://www.3adany.com/up/uploads/cd1611c581.bmp



هاللعبة لعبة تركيبة نيييلس نتحدى ببعض كل واحد منا يخرب لعبة الثاني والذكي يرتبها اسرع




http://mexat.com/vb/attachment.php?a...1&d=1172089381




صلصال لين ماله مزه ولا خرابيط بس كنا نحب ريحته يقولون محششين ننفخه ولي ينفخ اكبر نفاااخه منه
بس ريحته عججججججججججججيبه




http://img211.imageshack.us/img211/8...80aebboit6.jpg


التيل لعبتنا المفضله ياما تضاربنا على شان عيونها
وياما نترس وانت بكرامه الحمام منها لانه امي لما ماتشوفنا نراجع عقت تيلنا بالحمام
اتذكر من اللعب عدنيه واورطه


http://mexat.com/vb/attachment.php?a...1&d=1172089822



خراخيش يهال يطلع مثل البلونات ولما تخلص نروح نصف فيها ماي وفودر مال الغسيل
من جي امي الله يذكرها بالخير تخش عن الفودر ونيييل ندوره لما مانلاقي



http://i90.photobucket.com/albums/k2...48416_8935.jpg




لما تطورنا شوي ونزلت هالالعاب كنا نيمع فلوس العيد ونشتري هاللعبة كان سعرها 50 درهم بس الخمسين مو مثل الحين كان يبي لها شهور حتى تتيمع وكانت تعيبني لعبة مصنع البيبسي لي ييمع الكراتين واتذكر اني احطم فيها الارقام القياسية



http://www.waraqat.net/2008/04/swar_zman2.jpg




وتطورنا شوي ونزلت هالالعاب كانت الافلام لي فيها مثل العلة وياما كثر مانفخنا فيها اونه حتى تشتغل اثاري النفاخ كلها رواوين





وهذي شوي العاب من الحجاج لما ييونا من الحج




http://www.majalisna.com/gallery/40/...1249952768.jpg



http://www.3otag.com/wp-content/uplo...ct_raygun1.jpg



http://group.eqla3.com/1/pic/1/th19.jpg



http://mexat.com/vb/attachment.php?a...1&d=1172092611




http://members.abunawaf.com/balot/GRD10/2/153.jpg


ونتابع

شيبه محتشر 21-02-2010 12:34 PM

رد: مودوناتي في ذكرياتي
 
نترك الصور شوي ونرجع للكتابة وذكريات اول
بس هالمرة على شكل مقتطفات بعنوان





اتذكر






1 - اتذكر تيلفون البيت بو حيس لما كان يرن يصمخ الفريج كله ولي يمشي بالشارع يسمعه يصيح والا لما نيي نتصل لمكان ونبي ندق رقم صفر والا تسعه ونحسيه ياويلنا لو ماكملنا الحيسه يطلع الرقم ناقص فيطلع لنا رقم غير الرقم لي طالبينه والا لما يزن ويزن ويزن نضغغط على الفصين مال السماعة اونه حتى تيينا الحرارة ولازم يكون التيلفون معلج فووق وومايكون على الارض حتى اليهال امثالنا والقصار ما يجيسونه والا حتى يفكرون يلمسونه والواير مخشش ورا المساند حتى مانيره نحن معشر القصار لانه كان بهاك الزمان شي ثمين وغالي


2 - اتذكر لما نغسل الحوي لانه بيتنا كان كله كاشي وخاصة قبل العيد بيوم اونه نساعد امي بتنظيف البيت ونحن خرطي الا كان يعيبنا التزحليق على الكاشي لما نترس الكاشي كله ماي ونييب لنا فودر ونرشه على الكاشي ونفصخ ثيابنا ونتم بهاف وفانيلة ونيلس من اول الحوي لاخره ونحن نتزحلق ومنو يوصل قبل كم واحد اندبغ على راسه وكم واحد دعم السنطوانه وكم وااحد طلع منه الدمان وهيا بنا الي المستشفى وتقول نتوووب ابد ولا شي فايده منا


3 - اتذكر لما اول مرة طلع لنا مسلسل سوبر مان كنا نركب فوق الكبت ونربط رقبتنا بوقاية امي والا بشراشف الصغار والا نربط ايدات الكندورة برقبتنا وننط من فوق الكبت بعد مانحط الفراشات تحت الكبت حتى مانكسر


4 - اول ماعلمونا الجمباز بالمدارس صارت الشباري هي محطات تعليم الجمباز وتعال للتجمبيس فوقها والتنطيط وياما تكسر الحبط مال الشباري ولما تيي امي وكنا نرقعها على السريع ولما يي ابوي ويرقد فوقها تخر فيه وتعال للاتهام منو مسوي هالشي كلنا مالنا خص عيل منو لي له خص ياحظي


5 -اتذكر لما اول مانزلت موضة الحديد او مايسمونه بحمل الاثقال كنا نتابع المصارعة كل اسبوع وكان اونه هولك هوقن هو البوس ومناك خرطي كنا نروح المطبخ وندور قواطي النيدو الكبار ونترياها تخلص واذا ماخلصت بسسسرعة حنينا فوق راس امي صبح وظهر وبليل نبغي حليب حشااا حتى تقول مرات ليش لايكون انا مافطميتكم وانا مادري ماتدري من وراها شو بنسوي بعد ماتخلص روح نييب حديده طويلة ونترس القواطي اسمنت ونحطي بكل طرف حديده قوطي ونسسويها ولازن نحطها فوق السطح والا ياويلنا لو شافتها امي ونروح نشلها وندرب فيها



6 - اتذكر لما ابوي يودينا رحلة كنا نركب بالسيارة حمود فوق عبود ولما يقولون بنروح رحلة كلنا نراكض للسيارة حتى نحجز المكان لي ورا ولي هو بين الجامه لي ورا والكرسي لي وراا لازم يكون هناك واحد منسدح منا اونه يشششوف كل شي ويسوي باباي للسيارات لي وراه اونه انا طايفنهم مع انه الشمس راقعتنه فوق ويهه ومستوي طماطه من الشمس الا انه عايبنه هالمكان ومن سبق لبق


7 - اتذكر لما كنا نطالع التلفزيون كان يعيبنا نرفع ريولنا على شاشة التلفزيون حتى نستمتع بالمطالعة ويعيبنا نشوف افتح ياسمسم يعجيا هالخوخوش كعكي لما ياكل البسكويت يم يم يم ونروح نشتري بسكويت يم يم نص ثلاث البسكويت برا بسيعبنا نقلده والا يوم الجمعة لما تطلع لنا القصص العالمية في قصص الشعوب غرائب لاتنتهي وعالم حلو نقي يسكن في القلوب


8 - اتذكر كنا لما نسبح ماكان كل واحد بروحه لا بالعكس كلنا مرة وحدة بمكان نسميه القطعه وكل واحد له دور ييلس بطشت كبير وكعد تجب فوق راسنا امي الماي وياويلنا لو كان بااارد النفضه محد لها وتعال لما تبي تغسل راسك بشامبو هناك بس مسموح لك تطلع من البانيو قصدي الطشت حتى ماتوصخ الماي بشامبو شفتوا كيف الاهتمام بعدم التبذير والاسراف بالماي والدور بالدور وعااد كلنا ماكنا نداني السبوح يالله بالجمعة مجبورين لانه صلاة الجمعة والا الباقي مانمشي الا بالضرب


9 - اتذكر كانت عندنا موضة والا عصر يسمونه عصر القمل كان شعرنا كله قمل وكانت الموضة كل واحد بجيبه مشط من الضعاف وين ما راح وياه لما يكون فاضي وماعنده شغله طلع المشط من جيبه ويلس على اقرب مكان ويلس يمشط شعره ويطيح القمل ويحطها بين صبوعه ويجتلها والا على طاولة المدرسة لما يكون الدرس ممل ييلس يجتل قمل من الملل ومادري انا امي كانت تحب هالهواية والا تبي تنظفنا لما مايكون عندها شغله قبضت راس واحد منا ويلست تجتل القمل لي براسه واتذكر لما خلاص ملوا من القمل لي فينا رشوا فليت بف باف والا يابت كاز ورشته فوق راسنا مادري شو من الحكمة والا ضختنا وودتنا الحلاق وقالت له قرعه وافهمها يافهيم وهناك القرعة مو ماكينة الا القرعة مووووووووووس مثل قحطه


10 - اتذكر الشلق كان مثل اللف نحط بالمسدس ماله ساعات المسدس يخترب فنبطل الشلق ونروح ندور حصاه والا نعال بو كعب ونييلس ننقعه مانبي تضيع فلوسنا هدر والا الصواريخ لما نبي نخبل فيها كنا نكسر الحطب مالها ونلبق فيها ماتعرف هي بتروح سيده والا بتلف عليك والا لبقنا فيه وقبل لاتوصل الفتيله للاخر فريناه وشردنا ماندري وين يروح وياما رد على راسنا


11 - اتذكر لما كنا بالمدرسة ونوقف طابور ويقولون لنا تفتيش على الاظافر كل منا يطالع يده ويقول لربيعه بشوف يدك ولي يحس انه ظفوره كبار يرد ورا والا يتسحب كنا نمد يدنا للاستاذ واذا كانت ظفورنا كبار يضربنا فوقها


12 - اتذكر حصة الفنية وحصة الموسيقى لي ملعوزينا فيها ومادري شو بنستفيد منها الفنية كانت يعيبني لما يقولون صلصال وسووو اشكال منها نحب نخيس يدنا فيها ونسوي اشكال بس ماكنت فالح بالرسم وماعرف ارسم للحين ام الفنية بحدث ولا حرج المدرس مانفع ويااي ماخلى اله ماقبضها لي وماشاف مني فايدة من اول الاكسيلفون الا اخر الطبل واخر شي لما ماشاف مني فايده قبضني المثل وياه حديده قالي لما اااشر لك دق عليه بعد مانفعت عيل تفا تفي تفا تفي تااا
هذا علم نتعلم


13 - اتذكر التغذية لي كانوا ييبونها لنا قبل لاتنتهي الحصة الثالثة ويوزعونها علينا سندويشه وكاكا وتفاحه والا موز والا برتقال كانت احلى حصه لنا نترك كل شي وناكل الكاكاو والباقي ييون الفراشين ييمعونه مادري هو للهوش والا يودونه البيت والا لما يعطونا اخر السنه طاقة ثياب و200 درهم نفصل فيها ثياب لشتاء هذا جميل من الكويت ما ننساه لهم



14 - اتذكر لما كنا بالصف اول السنة يينا المدرس يقول لنا الصفحة الفلانية والا المقرر الفلان ملغي الشطار يروحون للفهرس ويكتبون له ملغي والنص نص يروحون يشطبون عليه بقلم والا الوان والطميم يشقوون الاورااق اونه حتى يكون الكتاب ضعيف ونقدر نستوعب انتوا بالاساس ماتهبشوونه



15 - اتذكر لما كنا نرجع من المدرسة فرينا الكتب من عند الباب هي والنعله وفصخنا الكنادير ولبسنا كنادير ووصخه ورحنا نلعب كرة بالفريج وماشاء الله علينا نلعب اي مركز من اول الحارس الا المهاجم ويعيبنا لما يكون القانون اخر واحد حارس والا حارس دغاش لين اذان المغرب تعبنا رجعنا البيت تعشينا وصلينا العشا وردينا رقدنا


والي اللقاء مع الصور في المدونة القادمة

شيبه محتشر 24-02-2010 02:16 PM

رد: مودوناتي في ذكرياتي
 
اموووووووووووووووووووووت ضحك لما كنت اششششوف هالحلقة من القصص العالمية




شششششوفووووا الحلقة للاخير



:h015:



تمثيلهم ودبلجتهم عججججججججججججيبة



الله يرحم ايام العراقييييين ودبجاتهم


مو مكسيكي وهندي وتركي




http://www.youtube.com/watch?v=ZHa695hdL7A

شيبه محتشر 01-03-2010 01:55 PM

رد: مودوناتي في ذكرياتي
 
صور ايام المدرسة









برايات اول ماشي غيرها جي براياتنا اول مانزلت كانت الحصة كلها تخصل ونحن نبري الاقلام


http://www.majalisna.com/gallery/40/...1249952727.jpg




قلم الرصاص ياحظنا وياااه نيلس نبري القلم الي ان يخلص تتحسبون الاقلام قبل مثل لحين قبل يا الله نحصل قلم والشاطر لي يبريه ويوصل جي هو والمساحه ماله



http://www.webdesignideas.org/wp-con...encil-logo.jpg




مساحة تمسح بالصوبين الازرق يمسح الكتابة الرصاص والاحمر يمسح الكتابة بالقلم الجاف وتعال لما تبي تمسح المكتوب حتى ترد الصفحه نظيفه تمسح الورقة الي ان تنشق واخرتها اما ضربه باليد والا الدموع اربع اربع



http://www.majalisna.com/gallery/40/...1249952687.jpg




ضمغنا مو لحين اهو وامو وخربطان ماشي غيره تلزق الصفحة بعد ثواني والا متبطله مادري ليش بس يسمونه صمغ هذا لي اعرفه



http://www.majalisna.com/gallery/40/...1249952757.jpg




مسطرتنا ياويلي على لي ماحافظ جدول الضرب تكون احسن مسطره عنده هذي كنا ندخلها ويانا الامتحان لين ماجكونا ومنعوها




http://www.3adany.com/up/uploads/67bf1306a3.bmp




والا هذي المسطرة مال اللعبان الا طووول الحصه نيلس نطالع فيها اونه اختراع يديد



http://up.f7up.com/uploads/images/f7up-220d2efda5.jpg




ادوات الهندسة الفرجار والمنقله والمسطرة ووالمثلث لمادة الحساب واول ماطاحت




http://www.majalisna.com/gallery/40/...1249952707.jpg



نيي لحصة الفنية وتوابعها اول ماعلمونا لي احيده الاكسيلفون والاكرديون والطبله والتفتيف تفتفي تا والخرابيط لي ماكنت ادانيها مدرس الموسيقي لكل الادوات واخر شي قالي ماينفع لك المثلث كل ما ااشر لك دق عليه دقه وبعد مانفعت




http://www.alshohooh-upload.com/up/u...617b79f962.jpg




http://www.crystalshiloh.com/images/...0Xylophone.jpg




وهذا المثلث ربيعي لي اخر شي عطوني اياه



http://st-takla.org/Pix/Church-Tools...-Coptic-01.gif






ويوم الاربعاء بعد ما اطلع من المدرسة لازم اشتري هالمجلة وللحين اقراها مادري ليش
لي رافع ضغطي للحين هالنقيب والمساعد ماله خلفان وفهمان لليوم ماترقوا لي هذين من دفعة ضاحي خلفان وربعه وهم بهالرتب



http://www.alshohooh-upload.com/up/u...3c989093a3.jpg



الي اللقاء[/SIZE]

شيبه محتشر 01-03-2010 08:49 PM

رد: مودوناتي في ذكرياتي
 
نسيت احط اجمل ذكرياتي في المدرسة
اللغة العربية اول ابتدائي
اول ماعلمونا العربي
كانت اول صفحة بالكتاب لا احرف ولا خرابيط
بالويه كلمات
ونكتبها مليون مرة
ولي درسها اكيد كتبها






http://www.mnq8.com/mybox/getimg.php?image=5436







وبنتابع

شيبه محتشر 07-03-2010 10:56 AM

رد: مودوناتي في ذكرياتي
 
تم اغلاق المدونة
بعد تلقي الانتقادات اللا_عة ( مادري هي ذ والا ز ) والانتقادات المحبطة
والسموحة من المتابعين
:cry:

شيبه محتشر 12-05-2010 11:53 AM

مشكلة الواحد لما يرجع عن قراره


يمكن تصحيح لخطأ


تغيير رأي


بس ساعات الواحد يغير قراره بين لحظة وثانية


وعلشان خاطر بعض الاعضاء لي طلبوا مني ارجع اكتب المدونة


فناوي ارجع اكتبها لهم بسسسس



يعني لي ماعاجبتنه رجااااءاااا لا يدخل ويتحفنا بتعليقاته



والسموحة منك



وانا عارف اول تعليق من منو بييني وبحطه لكم



وانتظروني في القريب العاجل


لنكمل بقية المدونة

:ax:

شيبه محتشر 12-05-2010 01:36 PM

http://www.alshohooh-upload.com/up/u...d284c66eaf.jpg


لكم اسعدني مروركم وتعليقكم على المدونة


عزيزي الصياد دكتورنا فارس


لكما جزيل الشكر والثناء


:ax::ax::ax:



تقييمات ترد الروح[/SIZE]

شيبه محتشر 14-05-2010 11:41 AM

رجعنا نكتب مذكرات احب قبل لا انت تقرونها
اني استمتع فيها واستعيد ذكريات مضت في حياتي
يمكن العودة للماضي تطغي علي نوع من البهجه والسرور لما اقارن نفسي باطفال ليوم
لمهم
اسمحوا لي على الانقطاع لي طاف
وان شاء الله ابدأ صفحة يديده في كتابتها



لكل مرحلة طفوله نوع من الالعاب ونوع من الاكل ونوع من الحلويات
كانت بس في فترة زمانه
ويمكن تمتد للمستقبل حسب نوعها وجودتها وحسب مشيها بالسوق
قبل ما كنا باليوم نحصل فلوس
مثل لحين خمس والا عشر ريال تكون بجيبنا او لما نروح الدكان لازم يكون في جيبنا فلوس
بالعكس لما يكون بجيبك خمس ريال انت شيخ الفريج وزعيم الشله كل عيال الفريج يكونون ربعك وكلهم يصادقونك ولي مايعرفك بيعرفك غصب ولما تروح الدكان ماتروح وحدك يمكن شله وياك لانه لي بتشتريه اكيد بتعطي لهم منه شي الا المتان ما يودون حد وياهم الدكان:msgplusimg1434pm9:
ولو عندك ريال انت ملك لانك لي بتاخذ فيه الريال بيخلي الكل يحسدك على الاقل بترجع من الدكان باربع اشياء بيدك لو اشتريت كل شي بربع
ولو عندك نص ريال انت ملك نفسك مالك الا نفسك تخقق فيها
ولو ربع ريال دور لك الطوس لي يحطون فيها لبان وخذ لك حبتين والا كاكاو بوخاشوقه وانجلع لا يلحقق راعي الدكان بنعاله


لمهم نرجع ونشوف شو كنا ناخذ لما نروح الدكان

http://cars-club.maktoob.com/up/8-2-...b_88731062.jpg


كاكاو بوخاشوقه بربع ريال هذا لي ماعنده فلوس والا يبي يغصص براعي الدكان ييب وياه ربعين بربع ياخذ هالكاكاو وربع ياخذ لبان وتعال شوفه لما ياكله يحيس الخاشوقه بكل مكان حتى ينظفها احسن من سائل التنظيف تايد ومايعقه الا عند باب بيتهم والا ما يهنى له الاكل فيه
والا حط لسانه داخل العلبة ومشها مشها حتى تشوف باطنها من ظاهرها من النظافة لي نظفها الحبيب


http://cars-club.maktoob.com/up/8-2-...b_54881135.jpg


لبان بونفاخه اتوقع انقرض لحين قبل يحطونه لنا بغرشة ونيي ناخذ منه وما يخلينا راعي الدكان ناخذ بيدنا لانه بصراحة نحن حسابنا باللوميه لو قال خذو اربع ماتشوف الا عشر حبات لصقة بيدنا
والله يرحمه خميس كان يشوفنا اونه ما يدري بس لانه طيب وحبوب وكل الفريج يحبونه فكان عادي مايقول لنا شي
كنت لما اشوف مسلسل شحفان اتذكر بوطبر راعي الدكان
الله يرحم خميس ويغفر له ويدخل الجنه


http://cars-club.maktoob.com/up/8-2-...b_86437978.jpg



هذا اللبان طلع بعد فترة بشوي كنا نروح الدكان ونشتريه مو لطعمه ولا لانه زين
بس الزين فيه انه لما تسوي نفاخه تطلع كبيرة ويا ويلك لو انت بسوق وشافك واحد من الشياب تسوي نفاخه باقرب نعال والا حصاه فرك
ويقولك زين جان ما اخبر ابوك عرفتك انت ولد منو ومناك ولا طششششه ما يدري بس من الزيغة ما تشوف الا غبرتنا
وثاني شي فيها نوع من اللزق بظهر قرطاستها كنا نترس يدنا تفااال ونلزقها وتعال على طول الليد لزقات ولما نروح المدرسة كل واحد يتخقق ويرفع كندورته يشوف كم لزقة ملزق
وياويلك لو امك سبحتك وشافت هالخرابيط بيدك يا هو تكسير راس وظهر ويد على خشتك



http://cars-club.maktoob.com/up/8-2-...b_12109171.jpg




شربت ابو نص ريال كنا نحب نشتريه
اول ما نزل كان بربع وبعدين لما شافوا الطلب عليه زياده صار بنص
يحطونها لنا بالفريزر بالصيف ويسونه مثلج وياولينا على طعمه يروي ظمأ العطشان
وبشتاء يحطونه بالثلاجة لما نروح الدكان ناخذ ثنينه او ثلاثة واحد بالحلج وثنينه بالمخابي حتى محد يشوفك وياخذه عنك زطوووط شو نسوي وطبعا فتحه ماينفع الا بالعض والحيس وياحظك لو حد وياك قال ما عرف ابطل الشربت تعال بطله لي نص الشربت ببطنك :msgplusimg1434pm9:



http://cars-club.maktoob.com/up/8-2-...b_86458169.jpg


البيبسي من طلعنا للدنيا وهو موجود بالمدرسة
كانوا ييبون لنا كراش وارسي ودكسي وكندادري وكلها انواع من الكولا يمكن لانها كانت رخيصة
لا وبعد لازم ترد الغرشة لانه ياخذون عنك نص ريال ضمان واذا ما رديتها
النص بجيبهم ويردونها للمصنع ويعبونها مرة ثانية يعني بوزك وبوز الهندي وبوز المصري كلهم شاربين منه



http://www.waraqat.net/2008/04/swar_zman25.jpg



لليوم اكله
جام رقي او بطيخ او يح
طعمه عجيييب وخاصه مع القيمر لحين اكله مع قشطة المراعي انا ما اشتريه ابوي الله يحفظه كان ييبه البيت وناكل بس كان القوطي ما يتم من ينفتح يخلص بوقته وطعمه مع خبز الرقاق عجيب


http://img229.imageshack.us/img229/1...3ec941opt3.jpg



لازم يكون ويا لبن اب والا ما تكمل الوجبه
لما نروح الدكان ومانلاقي واحد من لثنينه ما اناخذه
كنا نبطل جيس البطاطس ونحطه بقوطي اللبن ونخضه وبعدين كورن فليكس عصرنا بذاك الزمان
وجبة الفطور للكل قبل لا يروح المدرسة



http://6.media.tumblr.com/tumblr_kuz...ty50o1_500.jpg


نفس ما يسوي الولد لي بالصورة كنا نسوي
ما كانت تعيبنا الحلاوة وايد بس كنا نلبسها لانه كانت نازله موضة النظارات هاك الزمان
فلازم نكشخ فيها
ولو كان لنا راعي الدكا مافي لاستيك ما نشتري عنه ونطنشه ونروح نربع ندور دكان ثاني
لمهم نلبسها



http://mexat.com/vb/attachment.php?a...1&d=1172090110



احلى حلاوة كنت اكلها
تحت بسكويت وفوقها مثل الطبقة الرغوة وعليها ناريل
كانت بنص ريال ما يهنى لي الاكل الا بها
كان مذاقها عجيييب
وبعد ما طعنا زمااااان قالوا لنا فيها دهن الخنزير عاااد عقب ما اخااس بطنا منها



http://img385.imageshack.us/img385/6...abbd792vn9.jpg



كلهم بصووووب وهالايسكريم فيمتو بصوووب
له ذكريات عجيبه وغريبة من طلعنا على الدنيا
بالصيف ينتشر بكل مكان ما كانوا يبيعون بالدكاكين كانوا يبيعونه بالبيوت
الله يرحمها يدوتنا تيتي كانت تبيعه حرمه عيوز حليلها لما امي تطرشنا نودي لها اكل حليلها تفتح ثلاجتها وعاد تعال شوف الثلاجه مااال اول وتطلع لنا الايسكريم وحتى تبطلع من الكاس الحديد تحط في طاسة ماي وتدوره وتعطيها لنا ونحن من الفرحة ننسى الوعيه ونعالنا وكل شي ونرد البيت جي نمصص بهالايسكريم من نوصل البيت ناخذ لنا كفخة فوق الراس
ياترى ليش
وين الوعيه لي مطرشه وياااكم صح نسيناها فكل من اخواني لما يشوفون الايسكريم بيدي يستونا شجعان وعند الخدمة نحن بنروح نيبها حتى تعطيهم ايسكريم
الله يرحمك يايدوه
لمهم كان هالايسكريم يبيعونه بنص وكل بيت يتفن في صناعته وعلى حسب لونه يكون الافضل لانه كل ما كان اسووود كل ما كان الفيمو لي فيه وايد
فكان كذا بيت يسسسسونه
وعااااد شووو يخبرونا قبل لا نطلع لما بتخلصون من الايسكريم يبو العود ماله واي واحد ييب عشر عيدان بنعطيه ايسكريم ببلاش فتشششوف عيونا كلها بالارض ندور والا رحنا عند الدكان دورنا اعواد الايسكريم ونلقطها
بالصيف مستحيل ماتشوف كندور مو متخيسه من الفيمتو والا مو متبقعه منه وخاصة اذا شافوه عيال الفريج وقالوا له نبي وما طاع يعطيهم
حوووووووووو ورااااه اما متخيس واما خذوه عنه واذا عصب فر الايسكريم بالارض وراح البيت يبجي تتحرون عيال الفريج يخلونه
بالعكس يشلونه ووووويه هذي نعمه ويودونه اقرب حنفيه ويغسلونه ويكملون اكله
وللحين بالصيف لما نروح نلعب كرة ويا الشباب يينا واحد من الشباب شاله درزن من هالايسكريم يقول لنا يايبنه من بيت فلان وطبعا هذيل مشتهرين من اول بالايسكريم وناكله


http://up.arab-x.com/pic/NwR94088.jpg



هذا تقريبا اشكال دكاكين اول حمود فوق عبود
لو تلاحظون الشامبو والكريم مال شعر تحت
واول الصورة الغرش لي كان يتحى فيها الملبس واللبان
والالعاب لي كانوا يقصون علينا فيها
والعصاير والنيدو




هذا لي قدرت ايمعه من الصور
ونشوفكم بذكريات اخرى
:bt:

شيبه محتشر 19-05-2010 03:26 PM

ماشاء الله



















مشكورين للي قيمني ورفع من معنوياتي
واشكر اكثر كل من يتابع من ورا الكواليس
فلكم مني كل شكر وتقدير :bt:



ليوم بترك الماضي شوي وبتكلم عن الحاضر القريب
من باب التغيير
وان شاء الله بكمل وياكم ماضينا الجميل :ay:



سنة الحياة انه الانسان يتزوج ومثل ماكان هو طفل اكيد بيونه اطفال
ومثل ما عاش تحت كنف اهله اكيد عيالك بيعيشون تحت كنفك

مع الايام الله رزقني بتوائم بنات تحف بكل شي
مع احترامي الشديد لشخصيتي بس بعدي ما مقتنع اني ابو
او انه بناتي يزقروني باسم بابا
بس شسوي هذي الدنيا وكل كبير يشيب
مادري مع الايام هم بيحكمون علي اذا كنت اب صالح والا طايح من عينهم


لمهم معاملة التوائم شي عجيب

http://www.alshohooh-upload.com/up/u...4eba6b259d.jpg



يمكن انا استمتع فيه
في البداية كانت الوهقه بالاسامي
فمن جي انا اخترت لهم اسمين يمكن قريبين من قلبي
اماني وامال
وحطيت لهم اسم حركي
انيس وخميس
يمكن بالبيت ازقرهم انيس وخميس لما اتوهق ووحده منهم تيني
لانه لازم يوني ثنينتهم حتى اعرف منهو انيس ومنهو خميس



http://www.alshohooh-upload.com/up/u...cf1d943a30.jpg



امال
او
انيس
حبوبة بشوشه لي يكلمها يرتاح لها اجتماعيه احسن وحده تدوس وتهمز
تعرف من اي تؤكل الكتف وخاصه وياي
اسلوبها هادي
خجولة نوعا ما
مع العشرة شفت البنات بالروضة والمدرسة وااايد يحبونها
شطورة بالمدرسة
تسمع الكلام مافيها عناد
كريمه لابعد الحدود
اعتبرها المظلومة


http://www.alshohooh-upload.com/up/u...741db19ee7.jpg



اماني
او
خميس
دايم تضرب بوز عنيده عناد اليهد
كله بتضارب واذا مالقت حد تضاربه تضاربت ويا عمرها
حسسسسساسه وايد لما اقول لها كلمة لا تصيح
تغمضني فمن جي من تصيح اراضيها :msgplusimg1434pm9:
اسلوبها عنيف
بس بنفس الوقت حبوبة وطيبه ولما تشوف حد اكبر منها تحبه فوق راسه
اجتماعيه ويا الكل
طييييوبه كريمه للي تعرفهم
بالمدرسة الابلوات يحبونها لانها تعرف تدهن سيرهم ولانها بعد اجتماعيه
اعتبرها الظالم بس ويا اختها




http://www.alshohooh-upload.com/up/u...7f12861747.jpg



هذي نسخة من الظالم والمظلوم
والمشكلة انها تضرب اختها وتتييي تصيح
المثل ينطبق عليها
ضربني وبكى
بس بنفس الوقت ما تحب حد يضرب اختها والا يقول لها كلمة
تروح تضاربه وتخمس فيهم الدنيا
حنونه مع اختها لما تبجي تحضنها وتمسح دمعتها الله عاطنها رحمة بقلبها



http://www.alshohooh-upload.com/up/u...89d608cb0a.jpg




بحبون يلعبون مع بعض
بس خميس دوم هي لي تاخذ الافضلية بكل شي
اذا ركبت سيكل لازم خميس تدزها
ولما تبي تلعب بلي ستيشن هي تاخذ الجهاز الاول
لانه يمكن بطبع انيس مسالم وحبوب وماتهون عليه زعل اختها
يحبون يلعبون مع بعض
ولما وحدة منهم تشوفها تلعب مع بنت ثانية تروح لهم وتدز ويهها لمهم لازم انا ويا اختي




http://www.alshohooh-upload.com/up/u...628d201f7a.jpg




الله يعافي الجميع
من تمرض وحدة وتروح المستشفى لاي سبب كان غير الجروح
لازم تمرض الثانية
ويجيها نفس المرض
وينقلب البيت كأبه ما تلاقي حد يلعب وياه
انيس لما اختها تمرض دوم تيلس حذالها تجابلها
خميس لا
تسوي لها اكبر طااااف :h035:



http://www.alshohooh-upload.com/up/u...850f8b8683.jpg



ام خماس وام سلوم
صار الملبس واحد
وهالشي مو مني منهم
لازم اذا خذيت لوحده شي لازم تكون الثانية نفس اللون والشكل
والا استوت الضرابة واشتعلت الحرب
على من لي ياخذ اللون الحلو
من جي لما اروح اشتري لهم شي لازم يكون نفس اللون ونفس الشكل حتى ما اطيح بوهقه وياهم :msgplusimg1434pm9:
من جي الغريب لما يشوفهم يمكن ما يفرق بينهم
بس مع العشرة وياهم
صار الموضوع عادي
الا بحالة وحدة
وهي لما تدخل لك وحدة منهم والثانية توها طالعه عنك
استوي :msgplusimg1434pm9:
وخاصة خميس دومها تقص علي
ومرات تاخذ مالها ومال اختها
طالعه كلكشيه من لحين



http://www.alshohooh-upload.com/up/u...944087564e.jpg



يمكن الشي الحلو فيهم انهم مع بعض ومتحابين
وحتى لما يتضاربون ما يزعلون من بعض
مع انه لكل وحدة منهم سرير الا انهم يرقدون بسرير واحد
وما يهنى لهم الرقاد الا حذال بعض
المشكلة لما يبون يرقدون وياي
احط وحدة يمين ووحده يسار مو مشكلة بس الويه لازم يكون لمنو
واسمع الضرابة والحشرة الي ان تقتنع وحده منهم :h035:
المدرسة كانت تتوهق بالروضة فمن جي لزقت لهم الاسامي بالصدر
ويا ويل الابلة لو مالبسوا الاسامي
وبالمدرسة الابلة يلست وحده بطابور والثانية بطابور
لانه قايل لهم يحطونهم بصف واحد
حتى مايتعبون
ومايتعبوني




http://www.alshohooh-upload.com/up/u...11cef8d27e.jpg



بالنهاية
يسلمون عليكم وان شاء الله بعد ما اكبر شيب
يكبرون ويزورونكم بالبرزة
ويشوفون اعمارهم
بعد عمر طويل
بس ما بيهم يطلعون مثل العيوز ولا ريلي داي
مع انه اغلب الصفات فيهم
:eh_s(6):




وبالمرة اليليه بنعود للماضي بس حبيت اغير شوي:bt:

شيبه محتشر 27-05-2010 02:58 PM

يلست ادور بالنت صور الاكلات
فمن جي اتمنى يسمحوا لي اصحاب الصور



نرجع للماضي القديم

نتكلم ليوم عن وجبة الفطور او الريوق
قبل الواحد مستحيل يطلع من البيت ما متريق والا ما ماكل شي لازم يسرط شي وبعدين يروح المدرسة
مافي شو بخاطرك اسوي لك تبي بيض والا خبز والا زيتون وووو
ويا ويلك لو قلت مو مشتهي تاكل او مالك نفس بالاكل
لي جدامك اسرطه وانت ساكت والا بتييك فره بطاسه والا ملاس والا صحن انت وحظك وشو اقرب شي عند امك
والا تعال لامك وهي متضايجه وتطبخ وياي تتبجبج حذالها
بالمحماس وهو حار على يدك والا ريولك
اختي واخوي لقوو لهم لسعه وحده بريلها وواحد بيده
اونه يتبجبجون لنا
عااااد روحها مالها خلق فيكم
يعني غصبا عليك تاكل
فديتك الغالي تعال على شاني كل ولو شوي
هذا بس سمعناه بالمسلسلات
حتى لو انت زعلان وماتبي تاكل
لازم تاكل والا ياويلك
وكانت فترة الريوق تتكون اكثر شي من الخبز بأنواعه بنتكلم عنه بعدين
وساعات بلاليط ويا بيض والا لقيمات
ويوم الجمعة هريس والا خبيض والا عصيده
الفريد او على قولة المتورطين الثريد ما يكون الا للعشاء


بنتكلم عن الريوق في البداية


خبز الفقارى
خبز كل واسكت
خبز سرعة سرعة
خبز مال كل وقت وكل حين
خبز ينفع بكل الاوقات وبكل المناسبات
خبز الماضي والحاضر والمستقبل

اكيد عرفتوه

http://iraqpics.net/images/wmmpfrz9jrn6lp4m066c.jpg


خبز رقاق
ماشاء الله عليه احلى خبز واجمل مقرمش
لو حطيته باللبن صار كورن فليكس
لو حطيته بالمرق صار فريد
لو حطيته بالجبن صار سندويش
لو خمصته بالحليب صار بقسم ويا حليب
ينفع مع الشي وبدون شي
اكلة الفقارى والاغنياء
حتى لو شفته جدامك وماكان وياه شي بعد بتاكله

قبل امي الله يحفظها كانت تخبز اول الفجر
ومن نرد من المسيد نيلس حذالها هي تخبز ونحن بالبطن مانتريا الين ما يوصل للصحن من التاوه لليد للحليب للبطن
وبرمضان حليلها تيلس من الظهر للمغرب وهي تخبز حتى توزع للجيران لما يكون زام بيتنا فريد
لانه كل بيت لازم عشر حبات وانت طالع واحسب عدد الجيران


كان يعيبني فريد بيت جيران كانت ام جاسم الله يحفظها ويطول بعمرها احسن وحده تسوي صالونه فمن جي نتريا متى دورهم بالفريد حتى ناكله
ماشاء الله عليها لليوم لما تسوي فريد لازم اروح بيتهم لقافة تعرف انا شو ابي
فحليلها برمضان كل يوم تسوي لي شوي

خبز الرقاق لانه سهل الصنع والعجن والخبز فمن جي سهل كل حد يسويه بس في البداية لازم تكون العينيه وايد والا خبزه محروقة والا ولا
فما عليكم منها بس ما اتوقع حد ما احب هالخبزة





http://www.up.qatarw.com/get-12-2009-wrx8xift.jpg




خبز المحلا
اخو خبز الرقاق الدلوع
او الخبز العجيب

مو كل يوم مر لازم في يوم يكون فيه يوم حلو
هني باليوم الحلو امي تسوي لنا محلى
طبعا زيادة على الرقاق شوية زعفران وهيل وشكر فمن جي ينعطي طعم حلو
ولازم ينأكل مع الجبن المالح شوي حتى يستوي طعمه ميه ميه
وما تنأكل الا وهي حاااره لانه طعمها ينفقد اذا بردت الخبزة بعد من التاوه لليد للبطن
يمكن كانت امي تسويه لنا بالمناسبات اكثر مثل يوم الجمعة والا نحن كلنا باجازة ويالسين بالبيت
والا حريم الفريج بييونا فتسويه
انما بصراحة طعم الخبزه عجيب مووول ما ينمل منه ولا يتفوت
اكلة الاغنياء ما تصلح الا اكله الا الصبح واول الصبح ماا ادري ليش بس كنا جي ناكلها الصبح ولازم مع جبن كاسات ومو اي جبن





http://www.up.qatarw.com/get-9-2009-6cvzbq9b.bmp




خبز خمير


خبز الشتاء
خبز الدبس
خبز الدفوة لما نبي ننخش تحت الكوار ندفى
خبز العييينه لي كلها عيين من داخل

كانت تسويها لنا اغلب الاحيان بشتاء لانه طبعا الدبس ما ينحفظ الا للشتاء
ومايسوونها بالغاز لا
لازم كوار عليها ثلاث قواعد وسميت فوقه وتحته مثل الحفره يحطون بالحفرة صخام ويلبقونه ويحطون التاوة الصغيرة فوقه
ويخبزون
فمن جي نحن ننخش تحت الكوار بشتاء تلاقي دفوة عجيبة وكلنا بالمطبخ والكوار بنص المطبخ
وطبعا لازم يكون وياه دبس حااااااار مطبوخ على النار ومكسور فيه بيضتين او ثلاث والا مابتصير الاكلة عجيبة
كنا نغمس الخبزة بالدبس وهو حااار وناكله ولما يبرد الدبس نرد نحطه على الكوار ونحره ونرد نكمل
كانت الخبزة كلها عييين من داخل بس بشتاء كان لها طعم خاااص
ما ادري ماكنا ناكلها بالصيف
يمكن لانه ماشي دبس او لانهم تعودوا عليها بشتاء
لحين قاموا شوي يدلعونها يسونها على الكهربا ويحطون فوقها سمسم والا زعتر
والا يسونها كبر الفطاير







http://www.up.qatarw.com/get-9-2009-wuetdpwo.jpg




خبز جباب
اموت فيه احبه لما يكون حااار وهو ما مستوي وااايد
يعني بعدها يعينته فيه من داااخل
عججججيب ويا الدبس
ماكانت تكفيني خمس خبزات الصبح
هي يمكن الخبزه الوحيدة لي تخلص عييينهتا لانها لذيذة مثل الفطاير
نسوي لها دبس مثل خبز الخمير وناكله
وبعد كانت اغلبها بشتاء


http://up.arabsgate.com/u/2889/3937/54534.jpg






اللقيمات
كل وشرد
كل تفنن
لقمة نتين ثلاث محد يحسب لك
احسن بيت يسوي لقيمات بيت جيرانا يسوونها عجيييب
والاعجب لما يطرشونها لنا ويا عسل :cry:
الله ربي محلااااها من اكله
كنا نلحس الطاسه من عقب العسسل كاننا ماشايفين خير
بس لانه طعمها كان لذيذ بشكل ما تتصورونه كنا ننتظهر اللحظة لي يطرشون لنا فيها ولما يقولون بيت الجيران ياييبن لقيمات
عيينته وطباخه سهل لابعد الحدود
حتى انا لما اكون متفيج اسوي
يمشي بوجبة الريوق
والعصر للفاله
والليل للعشاء
ماشي بكل الاوقات والمناسبات للتحلية
اتوقع اكثركم تمتع باكلها



http://i47.photobucket.com/albums/f1...3asedah/33.jpg




العصيده
لازم تكون بالسمن والا مووول مابتنفع
محد يضبطها غير مرت ابوي
كانت امي تغااار لما مرت ابوي تطرش لنا وناكلها كلها :D:
بصراحة عمتى احسن وحدة تسوي العصيدة تستوي مثل الكيكة
ماشاء الله عليها
طبعا هذي اكلة الاغنياء
يعني اما تكون في مناسبة او عيد او اجازة
والا مووول محد يسويها لنا
وطبعا مووول ما ناكل من حد لازم تكون من عمتي
والا ما بتنفع
حتى امي سمتها براون
مادري ليش
تعلمنا بالانجليزي انه براون بني
بس من وين يابت امي المسمى مادري:D:





http://www.hawahome.info/uploaded/275/1158344123.jpg





الساقوا
امك وابوك تلاقوا
مادري شو من الطبخه هذي بس جي كانوا يسونها لنا
ولما تكون حارة كنت اييب خبز رقاق واكلها وياها
ولازم يكون فوقها سمن حتى تكون حلوة ولذيذة
يمكن انقرضت شوي هالطبخه لاني مووول ما اشوف حد يسويها الا النادر
حتى قبل كنا ناكله ايام معدوده بس



http://www.uaesook.com/vb/imgcache2/9056.gif





البلاليط

وجبة كل يوم وكل ساعة
مرة ريوق ومرة عشاء ومرات بين العصر
طباخها مثل العيش ما يبي لها تعب
وكنا ما ناكلها الا فوقها بيض واذا ماشي بيض يعني ما نقرب صوبها
حتى لو كان البيض مقطع
لازم البلاليط ملحف ببيض والا مافي اكل
امي يوم مايكون لها خاطر تطبخ كانت تسويها لنا






http://www.alhsa.com/forum/imgcache2/139141.gif





بقسم او بقصم
كيف ماتنطقوه على كيفك
كانت وجبة كل وشرد لما مايكون عندك وقت غمص البقصم بالحليب وانت رايح وهذا ريوقك
والا امك متضاربه ويا ابوك وحالفه ماتطبخ
هذي وجبتك
والا مشرد من البيت وابوك والا امك ضاربنك هذي وجبتك
كنا نييبها من المخبز فيها شوية انتيبه او سنوت
طعمها لذيذ ويا الحليب
تعال لو كان الحليب حاااار وخر عنك نص البقسم بالحليب شو يطلعه :cry:
تيلس تتحيس
بس بصراحة كانت وجبة خفيفية الا انها عجيبة





http://www.hawahome.info/uploaded/275/1157652381.jpg




الهريس
اكلة كل زمان ومكان
ما شاء الله على امي احسن وحدة تسوي هريس بالعالم الكل يمدح بهريسها يستوي مثل اللبان بحلجك
الجمعة ورمضان والاعياد والمناسبات لازم تكون هريسة امي
صارت وجبة الملوك والافراع والاعياد والاعراس
مايخلوا بيت والا مكان منها
صارت من الموروث الاجتماعي والتقليدي لنا
طعمها لذيذ بالسمن البلدي ولازم يكون معاها شكر والا مووول ما تقربها :yaw:




http://farm4.static.flickr.com/3186/...f293b7bc0f.jpg






الفريد او الثريد على قولة الخقاقين
اخو الهريس من بعيد
واخو الخبز رقاق من قريب
ما يخلو حفل ولا عيد منه
دام انه صحن هريس موجود لازم يكون صحن الفريد حذال
ام جاسم يارتنا الله يخليها احسن وحدة تضبط مقادير الفريد
لا تغرقه مرق ولا تخليه يابس موول مافيه شي
وبنكهة حاااارة وعجيبة
كنا ناكله اما العصر ك فالة والا بليل من مرق الظهر :yaw:






http://www.aldalah.com/up/upfiles/qb690899.jpg





الفندال

وجبة شتاء لما يطيح المطر ويطلع الفندال
وكل ما كان المطر وايد كل ما كان الفندال حلو
ولما ما يكون حلو كنا نحط بالماي لي ينطبخ فيه شوي شكر
مثل البطاطا بس حزة الريوق يكون فنتك





ردينا نصغر الخط لانه البعض اشتكى من انه الخط وايد كبير

شيبه محتشر 29-05-2010 10:12 PM

مشكور لك من ساهم وقيم وعلق
وتابع من قريب او بعيد واسعدني اكثر تواجدكم


ولانه اكثر موضوع ياني فيه تعليقات وتقيمات فحبيت احط لكم نبذة منها
وهذا ان دل فانه يدل
على دهافتكم ومراكضتكم ورا بطونكم وحبكم للكروش والاكل
يا ابو وام بطين


:D:


اقتباس:

السمن مب زين وايد...الهريس مترووووووووووووس سمن ...

اذا ما كان السمن متروس بصحن الهريس والا ما حد هبشه
ماعلينا من خرابيط حد
لازم جي
كل من كل شي يعيبك ولي بخاطرك
ولا تنسى الرياضة


اقتباس:

ياااااربيييي الصور تشهييييي


هذا دليل الكروووووووووووش
جربي توزني عمرك يا وووويش




اقتباس:

يا عيني عالأكل ... شهيتني للأكل .... فنان و خاصة الوصف ...



عيني بعينك
عيبك الوصف والا الاكل
انا اشك الا رووواوووينك وصلت للارض :yaw:



اقتباس:

واغشيتي هالاكلات كلها امووت عليها بس نسيت خبز التنور ولا يمكن ما تسوونه انتو ؟،، الحينه كل شي خاطري فيه شو اطلب من امي الصبح ؟؟ وانا اعررف جوابها شو بيكون بتقول لي المطبخ أدلينه وينه سيري وسوي لج خخ


شسوي ياماما
محد كان يسوي لنا خبز تنور الا بالصيف لما نروح نصيف بالنخل
هناااك بس ييبون لنا
بس لما نكون بالبيت مانشوفه
وامك عندها حق
بنات مالكم حل غير المخمه فوق ظهوركم ماتبون الا الجاهز






اقتباس:

حافظ عليك يا شيبه .. والله اشياء حلوه ، والوالد لله الحمد للحين متمسكه بها الاكلات على الريوق . واسمح لي عدلت في مشاركتك ( انت كنت كاتب خبز خمبر مب خمير ) تحياتي لك



عيوني لك
انت شخط وانا ببصم وانا مغمض
:122:
والله يديم عليك الوالده بصحتها وعافيتها
بس لا تنسى عزيزي
مثل ما نقعت انا بخبز الخمير
لاتخلي الوالد يشوف هالكلام
لانه بيلحقق بمطرق
اقرى تقييمك بتشوف الجواب
:yola:







هذا حليله من المتابعين من بعيد لبعيد
جزاك الله خير على تقييمك الفاضي
ومشكور على المتابعه
:122:



اقتباس:

ههههههه عجيبه مدونتك الصراحه >> شهيتنا بالثريد



هذا واحد من قوم الخقاقين
مادري ليش هل الكلمة ينطقونها
ثريد والا فريد
بنشوووف الاغلبية
يمكن بس لهجتنا جي وننطقها فريد
:cry:



اقتباس:

يوعتني وفتحت نفسي للاكل .... خااطري بالعصيده ككك عندي حلوى الشيوخ بسير بااكل منهااا


انت بس امري
خبريني متى تبين وبخلي عمتي مرت ابوي تسوي لك
وهذا ويهي اذا ذقتي بمكان احسن من عصيتها
ماشاء الله عليها
:wrd:



اقتباس:

الله يبحصك شهيتني فالعصيده . . كبر كبر الخط انا ماشوووف


بعد انت ولا يهمك
كم عندي --------
وعن الخط ماعرفنا لك
امسات مهذوووب قالوا لي خطك وااايد كبير صغره
:cry:




اقتباس:

اخ جوعانة شهيتني ابا آكل كل اللي بالصور...

عندي لك
حل سوي لها برنت
وكلي القراطيس بدل لا تدخلي المطبخ وتسوي لك
:yaw:



اقتباس:

أبآ ساقووو .. وأبآ هرييييييس .. وأبآ فرييييييييييد .. صح تعال الهريس منو ياكلهـ ويا شكر ؟؟ الظاهر انكـ كبرت وخرفت ><"



نحن ناكله بشكر
ولو ما كان وياه صحن في شكر ما كان له لذه
كيفنا
هريسنا والا هريسكم
عيل تعالي للبدو
ياكلون خبز مفتوت ويا مرق :yaw:
نحن الا شكر







ومشكور لكل المتابعين والمقييمين
وكل من شرفني بزيارته للمدونهة

شيبه محتشر 05-07-2010 02:13 PM

اتمنى من المتابعين السموحة على التأخير بس تعرفون لازم يكون المخ رايق والجو يساعد حتى الواحد يكتب لي بخاطره ويتذكر ماضي عاشه


ليوم بنتكلم عن البيت واغراضه واشياء كنا نتذكرها وفي منها للحين موجود

بس قبل لا اكتب
براويكم صورة

http://motlaq.ws/blog/wp-content/upl.../Image(64).jpg


نحن كنا نسميه راعي الذباب
ماشاء الله قبل لما تطيح امطار من كثرها كنا نخاوض فيها ويخر السقف من المطر لغزارته
فمن جي كانت تجمعات الامطار تيمع الحشرات
فيي راعي الذباب حزة الفجر يرش هالدخان
كانت ريحته عجيبه وخباااال
مايتم حد بالفريج ما يطلع من بيته ويلحقه
لي عنده سيكل ياحظه مايخلي فريج ما يراكض وراه
ولي ماعنده يركض بريوله لين ما يتعب
ولي مووول هيييز ييلس حذال البيت حتى بس يشم ريحته
مادري هل كنا نحن مدمنين والا محششين الله اعلم
بس كانت ريحته خباااال
نحن ما عليه قلنا اولاد
بس هالكشوش البنات شو لي يطلعهن
يشمن هالدخنه
طلعن محششات مثلنا
وتصدقون للحين ماعارف ليش كنا نلحقه ولا اعرف السبب مع انه كله يدخل بصدورنا ومرض بس بتقول لمنو
خبااااااااااال




خلونا ندش البيت لحين ونشوف اغراض البيت

http://www.9ll9.com/up/uploads/f8c8c40eed.jpg


ماكينة الخياطة
لحين مو مثل اول من ينطر شي عقيناه
لا يا بابا
ساعات تشوفون الكندورة مليون رقعه فيها والا فانيلتك مترقعه من الخياطة الا ان تقول بسسسسس
وخاصه كانت الهافات والشلاشه التطرطير ببيزه
وحليلها امي تيلس تخيط وتكفخ
طبعا للي لحق عليها كانت هذي ماكينة خياطة وبنفس الوقت تجوري
كانت امي الله يحفظها تخش البيزات هناااك ولما نفلس نروح ناخذها
طبعا التكفيخ جاهز لانها اكيد بتعرف انه نشل عنها شي
ولو تلاحظون حذاله هذي ماكينة لطحن القهوة والمسمار والهال كنا نلعب فيها
والفص الصغير هو لي يشغلها بعد ما تركب الكهربا



http://mexat.com/vb/attachment.php?a...1&d=1152839642


هذي شدة الابر
للخياطة اليدوية وياها هدوووب
وتعال للضحك لما امي تبي تحط الهيط بالابرة
ماشاء الله عليها
ولما يي دورنا اونه نبي نسوي مثلها
رواوينا توصل للارض من كثر ما نرون على الخيد حتى يعتدل ويدش بالابرة
وبعد ما نفلح


http://abofahed.com/nuke/images/abomajed/63.jpg



الفنر
كانت الكهربا تبند 25 ساعة باليوم
وبعز الصيف وخاصة ايام الامتحانات
فلازم هالشي موجود بكل بيت
ومو واحد ولا ثنينه
لازم اكثر حتى الواحد يقدر يتمشى في البيت او حتى يطلع برا لانه لما تنطف الكهربا
كانت تنطف عن الفرجان كلها
فكنا نعبييه بكاز وفيه فتيله ويتم بالشهر ما يخلص
بعدها ماكانت موضة البوجلي والليتات انتشرت واذا انتشرت كانت البطارية تضعف بسرعة



http://dc02.arabsh.com/i/00092/njhy1e1unwgs.bmp


هذا المشب كانت لها استخدامات وااايد
لما تبند الكهربا والدنيا حرااا نشب فيه ويانا
ولما امي تخبز كانت تشب فيه ضو اليمر
ولما نيلس على الغدا كانت امي تشب على الغدا حتى يبرد
ولما تييلس الفاله كانت تشب حتى تخوز الذباب عن الاكل
وهلم جرا




http://www.ibtesama.com/vb/imgcache/12517.jpg


منز اليهال
هالمنز اتوقع اتشطحت فيه لما كنت صغير
ولما كانوا اخواني الصغار موجودين
كنا نهزهم بهالمنز حتى نسكتهم
والا رقدنا حذالهم وهزينا بريولنا او ربطنا وقاية بريولناا وسحبناها
ولازم الياهل يسمع صوت المنز والا ما بيهنى له الرقاد


http://img144.imageshack.us/img144/9...7087721ee8.jpg


المدخن والمخبر
للحين المدخن موجود بكل البيت وفي على الكهربا
لكن قبل كنا نييب الصخام لي هو الفحم من التنور بعد ما يشوون والا يطبخون شي بالحطب يبقى شي من الفحم نييبه ونحطه بالمدخن ونلبق فيها
ولي فوقه هو المبخر
لي يحطون فوقه الثياب حتى يدخنون الثياب
وياما صارت بلاوي واحترقت ثياب من وراه لانه مرات تكون الضو حاميه وتلبق لوحدها ونحن ساهيين عنها منا نروح الا الشياط والحريجة والحق ماتلحق
وانت وحظك


http://www.alnahaam.com/4images/data/media/12/043.jpg


قبل ما في عطور مثل لحين
الحين اشوف العطر والا على قولتنا قبل السمت او السنت غرشه كبرها كبر قد القفعه تنباع ويحطونها داخل المرش ويرشونها فوق الراس والا الثياب
وسيده الشعر الابيض اليوم الثاني طالع
هالعطر اشوفه لحين باسواق الامارات
وكانوا وايد يستخدمونه بالاعراس والا لما حد يزورنا بالبيت لازم الدخون وخرابيط الحريم والمرش


http://dubaieyes.net/up/upadmin/1262...-687139078.jpg


لا ننسى رادوا امي الله يحفظها
لازم حزة ما تسوي ريوق الفجر تشغله وتسمع القران اتذكر يحطون الحصري الله يرحمه وامام الحرم المدني ووقارئ مصري ما اتذكره وعقب تسمع نشرة الاخبار وياهي اخبار


والي الللقاء مع موضوع يديد عن لا نطول عليكم

شيبه محتشر 12-01-2011 02:01 PM

وقت النقاهه والراحه
 
السلام عليكم ورحمة الله وبركاته

مرات لما اروح ماكدونلدز اطلب عشاء لي ولانيس وخميس

ننزل حتى نطلب لمهم عاده هم من يشوفون الايسكريم

يقولون بابا نبي

اقولهم ان شاء الله

والعادة يطلبون ايس كريم بو ريال لي فيه بيسكويت من تحت

لمهم بعد ما نطلب عشا

اطلب الايسكريم وما انسى عمري

اطلب لي وااااحد

وانا طالع من ماكدونلدز ورايح السيارة اكل الايسكريم لانه من يذوب يطيح على الكندورة

يعني لا تتريا وبعدين شكله مغري

يقولك تفضل

فا شوف ناس تطالعني وانا اكل

سيده اتذكر سالفة الشيخ الجبيلان

واضحك



http://www.youtube.com/watch?v=654DteRFc_A

:^^:

شيبه محتشر 14-01-2011 10:24 AM

السلام عليكم ورحمة الله وبركاته

الاسبوع لي طاف رحت ويا ربعي افتتاح امم اسيا بقطر
باتفقوا انهم قبل لا نروح قطر نروح لنا ثلاث ايام الكويت نشوف شو فيها
طبعنا كلنا اول مرة نروح الكويت عمرنا ماطبيناها
وبصراحة انا كشخص لما اقرأ تاريخ الكويت وكيف كانت وكيف ساهمت في بناء اغلب دول الخليج من تعليم وتدريس وعلاج
اقول الله يرحم ايام اول صدق الكويت ما قصرت فينا
طبعا ما اتكلم عن الجيل الحالي لانه مالحق عليه انما انا لحقت على اواخره كانت الكتب والتغذية والعلاج كله باسم الكويت
وكلها عليها طبع شعار
فهالشي جميل الواحد ماينساه لاهل هالبلاد وشيوخها
فالله يحفظهم من كل شر ويرحم شيابهم وشيوخهم
ومن لا يشكر الناس لا يشكر الله

انا من النوع لي يحب السفر بالسيارة
وخاصة برمضان
وما حب اسوق مسافات طويله الا بالليل لانه اهدأ والمسافاة تمشي بدون لا تحس فيها

لمهم نبدأ الصور لي صورتها انا بالطريج ولي يحتاج لها تعليق بعلق عليها




http://www.alshohooh-upload.com/up/u...a7904f6b21.jpg





هذا ونحن بالطريج مرينا نعبي بترول عبينا بالامارات 110 دراهم وبعدين بنشوف كيف بنعبي بالسعودية
بس الفرق بين محطاتهم ومحطاتنا واااايد
وخاصة بالطرق الخارجية
احس لما نوصل هناك انه راجعين 50 سنه لورا
للحين ماعارف السبب او سبب تجاهل اصحاب المحطات من الاهتمام فيها




http://www.alshohooh-upload.com/up/u...fba315bb04.jpg



درجة الحرارة مثل ما نتوا شايفين طبعا هذا الظهر
على بالي لما بنوصل داخل السعودية بتنزل درجة الحرارة بدرجة كبيرة
لكن تفاجأنا انه الجو كان عادي




http://www.alshohooh-upload.com/up/u...adee7cbb16.jpg



هذا مدخل الغويفات وهي الحدود تربط بين الامارات والسعودية
وصلنا قريب المغرب
ما خذينا دقايق الا ونحن طالعين ماشاء الله عليهم الشباب هناك متعاونين





http://www.alshohooh-upload.com/up/u...68caecbb76.jpg




تونا بنطلع من حدود الامارات والا الشاحنات واقفه من الحدود للحدود
كلهم واقفين الدور
قلت الله يعينهم
لي يالس يسوي لها شاي ولي يجهز الشيشة ولي راقد ولي يالس يسولف
قلت بخاطري الحمدلله انه الله ماخلاني اشتغل هالشغله
الله يعينهم





http://www.alshohooh-upload.com/up/u...b407abdd35.jpg




بعد ما خلصنا اسطول الشاحنات وصلنا لحدود السعودية
وبعد الشباب هناك مو مثل اول
قبل يبهدول حياتنا حتى نطلع من الحدود كاننا مجرمين
انما لحين صار الوضع جدا مختلف
صاروا اكثر انفتاحية ودبلوماسية في التعامل
شكر خاص للشباب السعودي على هالمعاملة الراقية
ما خذينا دقايق الا نحن برا الحدود




http://www.alshohooh-upload.com/up/u...7aefef4417.jpg



وهذا المنفذ الحدودي



http://www.alshohooh-upload.com/up/u...f7bbeaeed9.jpg




تكلمنا على بترول الامارات
ولحين شوفوا بترول السعودية
يعني ربع والا خمس المبلغ





بس شوفوا المحطة



http://www.alshohooh-upload.com/up/u...0422d29215.jpg



وان شاء الله بنكمل وياااكم لما بكون فاضي:122:

شيبه محتشر 14-01-2011 10:18 PM

http://www.alshohooh-upload.com/up/u...3476a79257.jpg





( 1 ) : عندك حق حتى لما نعبي بترول هناك ويقولك 21 ريال تضحك لانه ريالتهم نيطان فما تعرف شو تسوي تعطي خمس وتقول
الباقي لك كانك عاطنه مية اقول الله يعينهم على هالبرور

( 2 ) : تتحرين كل الناس مثل لسانك العوي هذا واقع كل ما اسافر بطريج البر اشوفه فيمكن نقل الصورة يبين الفرق بين وبين ولكل شي
ايجابيات وسلبيات وان شاء الله يصير خير بس سوي لي قلته لك

( 3 ) : الله يسلمك من كل شر ومشكورة على تنويرك للمدونه

( 4 ) : الله يبارك بحياتك

( 5 ) : طاااااااااااااااااااااااخصار المدونة عمرها سنتين وتوك تنتبه
تم تحويل طلبك للادارة وقالوا لي بيغيرونه
وتسلم عزيزي على التنبيه
شسوي الله يهدي مدرس العربي كان يصفعنا ما كان يعلمنا
تسلم على التنبيه

( 6 ) : مناظر شفناها وحبينا ننقل الصورة مو تنقيص بالمملكة بالعكس عيونا على السعودية بلاد المحبة والاسلام والعزة يكفي بلاد الحرمين
حتى نعتز فيها انما حب بتطور هالبلد


وتسلمون على التعليق وان شاء الله نكمل معاكم السفره


شيبه محتشر 15-01-2011 11:42 AM

السلام عليكم ورحمة الله وبركاته

نكمل رحلتنا طبعا وصلنا الحدود قريب المغرب صلينا المغرب والعشاء قصر وجمع
وبدينا نمشي
في البداية كلنا اول مرة نروح الكويت ماعارفين الطريج
وكل ما عتمدنا على الجي بي اس يعطينا طريج بعيد مثل لي يقولون له وين اذنك يقول الصوب الثاني
حتى لما توقف حد وتساله يتفاجأ انه اكثر من بيته ما يدل
المهم اتبعنا طريق الهفوف - الخبر - الدمام - الجبيل - الخفجي - حدود الكويت
هذا طريقنا والمسافات تعتمد بين 200 كيلو - الي 400 كيلو بين منطقة والثانية
ودام انه نسوق بليل ماعلينا خوف ولا ملل لانه ما نشوف غير صحرا قاحلة
حتى لما كنت اسوق السيارة امشي بين 160 و170 تشوف سيارات مسرعة تضرب لك ليتات تبي تجاوزك ومن تجاوزك
تتفاجأ بأنها كورولا والا بيك اب هايلكس
اقول لربعي دام نحن نمشي جي ونقول مسرعين هذين شو يسمونهم
ما اقول غير الله يحفظهم ويمكن لانهم صاروا متعودين على الطريج
خلال هالطريج ما نشوف غير الطريج والشوارع لك عليها مرات زينه ومرات حفر ومرات تمشي الحال بس نحن كشعب راس الخيمة متعودين على هالسوالف الخير عندهم وعندنا

وصلنا الحدود الكويتيه
وما اخبي عليكم كنت ما خذ فكرة انه الشعب الكويتي رافع خشمه وانه شايف نفسه على اهل الخليج وانه هالعقدة فيهم
لكن تفاجأت من المعاملة الحلوة والانطباع الاول يعكس لك حضارة البلد
كانوا قمة بالمعاملة والاتيكيت اسلوبهم هين لين مرحبانيين
اول مادخلنا الكويت والا الجي اس يقول انت بالفحيحيل تذكرت حزتها عبدالرحمن العقل بمسرحيته



http://www.alshohooh-upload.com/up/u...4edb406936.jpg


وصلنا وحده بليل
حتى سألت اهل السعودية قلت لهم شو الجو عندكم قالوا لي 5 او 6 درجات
ما خليت شي ماخذيته كنادير صوب وجاكيت واندروير
لكن تفاجأت بدرجة الحرارة وهذا بالبر وتشوفونها جدامكم
مع انه يقولون الكويت ابرد منطقة بالخليج بشتاء

لمهم كملنا طريجنا لين وصلنا مدينة الكويت كانت تبعد تقريب 90 كيلو
وبهدلوا حياتنا بالدارئري الخامس والدائري السادس ونحن مثل لي ضايع بمتاهه وهالجي بي اس حاشرنا
turn right و turn left
ومحد مضيعنا غيره
ما مدانا من وصلنا مدينة السالمية الا شفنا اول فندق مافي الشباب كل واحد يناخر
جان ننزل اغراضنا بدون لا نساله في غرف الا المكان زين والا السعر كم
حتى هو تفاجأ يقول بخاطره شو هالالواح
طلع صعيدي
قلنا له نبي اي مكان نرقد فيه وباجر يصير خير
بس طلع الفندق لا بأس فيه نظيفة ومرتب


http://www.alshohooh-upload.com/up/u...29cc12524c.jpg


غمضوني الشباب خليتهم يروحون فوق وانا يلست ادور بمحيط المكان ادور لهم شي ياكلونه قبل لا يرقدون
شفت مطاعم مصرية ويالسين يتضاربون مادري شو السبب
قلت بسم الله من اولها
وطبعا ياغريب كن اديب
ويمدحون الصيام بليل
جان ارجع وقلت لهم صوموا تصحوا ورقدوا


لمهم قمنا اول الصبح طبعا مو من التعب من اليوع
رايحين ندور لنا مطعم نتريق فيه
لقينا مطعم مصري ( على فكرة الكويت منتشرين فيهم المصاروه والصعايدة بشكل خاص )
تريقنا فيه ويلسنا نلف وندور بالكويت نأخذ فكرة اولية عنها
ونشوف الصور


شارع الكورنيش او الخليج العربي والابراج

http://www.alshohooh-upload.com/up/u...0f22dd7b05.jpg



لي يذكر هالشعار كان يطلع بتلفزيون الكويت عند السلام الوطني والا شعار التلفزيون
ونشيدة وطني الكويت سلمت للمجد


http://www.alshohooh-upload.com/up/u...03254eafb6.jpg




وهذي صورة الابراج رحنا بندخل قالوا لنا ما تفتح لحين صبروا للساعة عشر حد يتغدى ساعة عشر
ماشاء الله علينا



http://www.alshohooh-upload.com/up/u...72effb5584.jpg



وبعدين على الطريج شفنا هالمجمع
مجمع يسمونه سوق شرق
صغير واغلبه كوفيات ومطاعم وشيشة ويلسه على البحر


http://www.alshohooh-upload.com/up/u...5b1cb338be.jpg




طبعا هذا كله تلفيف مادخلنا نبي نشوف اول الكويت شو فيها حتى نطح الخطه بالحواطه واللف
هذا يسمونه المسجد الكبير معروف عندهم



http://www.alshohooh-upload.com/up/u...75552dcfd7.jpg



وبنكمل لكم باقي الحواطه والانطباع عن الكويت واهلها

شيبه محتشر 16-01-2011 02:58 PM

السلام عليكم ورحمة الله وبركاته



اشكر كل من قيم ويالس يتابع السفره

ونكمل رحلتنا
بعد النظرة العامة للكويت وكيف شكلها توه الظهر يقول الله اكبر
الا والشباب يسالون وين بتتغدون
صلينا ونحن طالعين سألنا كويتي قلنا له شو من المطاعم الكويتية الحلوة عندكم
قال لنا مطبق زبيدي ومالكم الا مطعم فريج صويلح روحوا هالصوب وهالصوب ومني ومني بتوصلونه
عاد نحن نسمع فيه عن مطبق زبيدي من المسلسلات والمسرحيات الكويتية عاد تقولوا جربناه ابد
لمهم طلع المطعم مايضيع
اول ماوصلنا والا صدق المطعم متروس دورين دور فوق للعامة ودور ارضي للعوايل
قلنا هذا هو
وبنشوف الصور وبكلمكم عنه


( عزيزي عميراوي انا اكتب وما ارد اراجع لي كتبته بالسموحة منك يعني طوف وخل واستر )

http://www.alshohooh-upload.com/up/u...ba66861865.jpg


هذي قائمة الطعام المنيو على قولة المتطورين


http://www.alshohooh-upload.com/up/u...c12e6b9615.jpg


هذا البوم موجه من الامير لاحد الاشخاص مثل ما تقولون محكمة قديمة
لي ما يعرف يقرأها بترجمها له بس كبروا الخط


http://www.alshohooh-upload.com/up/u...f43d5dd4cf.jpg


هذا ديكور المطعم اول ما تدخل


http://www.alshohooh-upload.com/up/u...3f04fa9ec1.jpg



تراني قلت للشباب صبوا بصور قبل لا تتغدون
وهذي كانت النتيجة
ناس يواهيش ما شايفين خير



http://www.alshohooh-upload.com/up/u...f8ddd529e4.jpg


بالنهاية ياب لنا شاي سنقيني بغوري وشوية قيمات
بس بصراحة ترد الروح


بالنسبة للمطعم صراحة مرتب وانا نزلت حتى اشوف مكان العوايل طلع المكان جدااا راقي ولو مافيه حريم كنت صورته لكم
بس الوضع ما كان يساعد لانه عوايل
اكلهم مثل ما انتوا شايفين الشباب شو سووو فيه
اكل نظيف ولذيذ
وللامانة كل واحد منا طلب طلب يجربه
مطبق زبيدي ومطبق هامور وبرياني ربيان ومجبوس لحم
وكل الاكلات تقول انا
حتى شوربتهم لو تلاحظون الخبزة الكبيرة ترى الشوربة كانت فيها
بس نحن من دفاشتنا ما رتحنا الا لما خلصنا الاكل وترسنا كروشنا
وقالوا لي لحين تفيج صور :cry:
ونصيحة لي بيروح الكويت ما يفوته هالمطعم



بعد ما خلصنا من غداانا رجعنا الفندق ماحسينا بعمرنا الا بعد صلاة العشا
طبعا كله من تعب الطريج
وانا من النوع لي ما يحب يطلع بليل يتمشى بدون شغلة بنزلت بالاستقبال ويلست اطالع التلفزيون واقرأ الجرايد مالهم
بصراحة جرايدهم عجيبه من كل نواحي كل ما يخص الكويت فيها من صغير وكبير
حتى لو لو حد صرخ بالجهرا يسمعه لي ساكن بفيلكا ( مالكم خص بهالسوالف ):^^:
الشباب طلعوا يتمشون بالسيارة وانا رجعت رقدت وقمنا ليوم الثاني
جان نسال لي بالاستقبال وين الاسواق هني
قال روحوا المباركية
قلنا حزن بنروح المباركية نشوف شو فيها
لما رحنا تذكرت سوق نايف بس بدون هنود شالوا الهنود وحطوا صعايده
بس بعد احسن لانه بتلاقي حد تتفاهم وياه
وتعال للمصري والله والله ولما تدش محل تقول انه عنده البضاعة لي تبيها وما عند غيره
ولي مجرب المصاروه بيعرف شو اعني بكلامي
مو تنزيل من قيمتهم انما باسلوبهم بالبيع والشرا
اول ما وصلنا السوق الا وتحت موقف دخلنا فيه
بتركم للصور وبعدين بكلمكم عنه



http://www.alshohooh-upload.com/up/u...e64a151cad.jpg



http://www.alshohooh-upload.com/up/u...d74b47ad94.jpg


سوق الخضرة


http://www.alshohooh-upload.com/up/u...1b8f300794.jpg


لي يذكر مسلسل رقية وسبيجة ووين صوروا بمسلسلهم بيعرف هالمكان



http://www.alshohooh-upload.com/up/u...314b3d4b44.jpg



http://www.alshohooh-upload.com/up/u...b45e3d4e80.jpg


السوق شبيه بسوق نايف
بس بشكل موسع
سوق لحم وسوق سمج وسوق خضرة وسوق عطور وسوق ذهب وسوق اقمشة وسوق ساعات
وكذا اسواق في سوق
يعني لما تبي تشتري حاجه ما بتتعب تدور بمكان ثاني
يبي له 3 ايام حتى تلفه كله
هناك شفنا الشعب الكويتي يالس
وخاصة الشياب يسولفون واغلبهم على القهاوي
يلسنا وياهم شربنا شاي
طلع شايهم كشري ومررررررررررررررررررر
مال مصاروه
ولو تلاحظون مداخل االسوق ومخارجه دخلنا الصبح ما خلصنا من السوق الا قريب المغرب
رحنا تعشينا وقلنا بنروح نيلس بمجمع نشرب لنا كابتشينوا وناكل كيك
فلما رحنا المارينا مول على قولته
ما شفنا حد غيرنا
فسالنا قلنا لهم وين الشعب
قالوا لنا من الساعة 7 كل واحد يرد بيته والا يروح الديوانية
فيلس كل واحد منا يطالع الثاني
شربنا الكوفي مانا وردينا الفندق يلسنا نطالع التلفزيون لباجر نشوف شو نسوي
لمهم ليوم الثاني
قمنا الصبح سالنا عن المولات قالوا لنا في 3 مولات اف نيوز و360 ومارينا
المارينا يلسنا فيه ولك عليه مو لهناك
رحنا ندور هالاف نيوز من الساعة 3 الظهر الي الساعة 9 بليل ونحن نلف بمكانا
اعتمدنا على الجي بي اس شوي وبيودينا العراق
كل حين وقفنا حد نساله قال لنا روحوا مني ومني ولما ييكم الدائري الخامس اتبعوه
ونمشي على الوصف ولما نييي على الدائري الخامس تبدأ الوهقه
يبدأ يلف فينا ويردنا مكان ما كنا
فقلنا ماشي غير نوقف تاكسي ويودينا ونلحقه
وكل ما نلحق تاكسي نشوف حد وياه ومو فاضي
لين كملت تسع قالوا الشباب يوعانين
فرجعنا مدينة الكويت نتعشى لانه ماندل غيرها
ليوم لي بعده قلنا خلاص بنروح قطر ماشي فايدة
لمهم جهزنا اغراضنا وقبل لا نطلع لازم ناخذ شي حتي نقول لاهالينا انا رحنا الكويت
فسالنا عن الدرابيل وين يبيعونها
قالوا بالهيل والزعفران
مثل لي عندنا في حلوياتهم احلى
ونحن طالعين رايحين الحدود الا مول الاف نيوز جدامنا
فاتفقوا على انه عن الحلال والحرام ندخله
حتى لو حد سالنا نقول له هيه شفناه تغدينا فيه
وصلينا
وكملنا طريجنا شوي والا مول 360 جدامنا
قلنا شو هالخرابيط والخربطة بس الزين انه كان بالشارع الثاني فمن جي ما تشجعنا وكملنا طريجنا للحدود
ومن طلعنا من مدينة الكويت الي ام سمرا الحدود لي تربط بين الكويت والسعودية
والا نتفاجأ انه على طول الطريج خيم يمين ويسار الشارع
طبعا مو رمل مثل رملنا
رملة بيضا او قاااااف يعني ارضية مالحه
بس على طول الشارع يمكن مشينا قريب 50 كيلو متر وكلها خيم
قلنا ماشاء الله كل اهل الكويت يخيمون برا
الله اعلم ماسالنا حد

كملنا طريجنا ووصلنا قريب المغرب الحدود ومثل ما دخلنا بسلام طلعنا بسلام
ومثل ما استقبلونا اهل الكويت والسعودية ببشاشة وترحيب
ودعونا كذلك


وان شاء الله بنكمل طريجنا لقطر بالموضوع الياي
:wrd:


( عزيزي عميراوي انا اكتب وما ارد اراجع لي كتبته بالسموحة منك يعني طوف وخل واستر )

شيبه محتشر 18-01-2011 11:21 AM

السلام عليكم ورحمة الله وبركاته

شكرا للي قيم وزار المدونة
مادري كان ودي اكتب عن انطباعي عن الكويت
لكن بأجل الموضوع يمكن ما اكتبه او احاول اكتب الانطباع عن قطر والكويت مرة وحدة

لمهم طلعنا من حدود الكويت قريب المغرب
والحمدلله كان خروجنا مثل دخولنا بسلاسه وسهولة ووصلنا الخفجي

http://www.alshohooh-upload.com/up/u...716d6e22f9.jpg


طبعا مرينا نصب بترول بالسعودية :^^:
مع انه بترول الكويت مو غالي
لاني عبيت السيارة بالكويت تقريب 4 دنانير و300 فلس يعني قريب 60 درهم عندنا


http://www.alshohooh-upload.com/up/u...0bde8e17c5.jpg


وطبعا كنا مشترين دلتين وحدة للكوفي ووحدة للشاي المغربي
لانه بصراحة بالسعودية يسوون شاي مغربي عجيب
فنحن ما ناخذ كاس
نخليه يعبي الدلات
للطريج

http://www.alshohooh-upload.com/up/u...c53c9df362.jpg


نزل واحد من الشباب وعبى لنا



http://www.alshohooh-upload.com/up/u...b8dc368959.jpg


ونحن بالطريج طاحت لنا نفت مطر قبل لا نطلع من الخفجي غسلتنا شوي
فشغلنا عمو الجي بي اس
كتبنا له قطر
فلما رفعنا الخريطة جان نشوف الطريق الخفجي الرياض الهفوف قطر
قلت لهم عز الله فلحنا من وراااه
هذا لي يتبع شور الحريم
طبوووها
وخلونا على اللافتات
لمهم مشينا بالطريج الخفجي الدمام الهفوف سلوى قطر
ووصلنا الساعة وحدة 11 بليل
قبل الحدود للقطر كان جدام كروزر يمشي بسرعة فلحقنا والطريج مظلم
والحبيب يسرع ما تفاجأنا الا مطبات
اتاري الحبيب متعود وعنده سيارة كبيرة ما سوي لها سالفة ونحن لي كان راقد تشاهد
من كثر الخضه والنطه لي صارت والحمدلله على السلامة
بس هذي جزاة لي يتبع الشباب
:cry:

وصلنا لقطر واستغربت بليل انه لي يداومون على الجمارك حريم اخر الليل وعلى الحدود
فحطيت علامات استفهام :D: على ويهي
لمهم وصلنا بليل سيده وينك يالفندق فرقدنا وما نشينا الا الصبح
خذينا جولة بقطر
وبحط لك الصور

http://www.alshohooh-upload.com/up/u...0a223c31cf.jpg


الكورنيش معلم مشهور بقطر


http://www.alshohooh-upload.com/up/u...d1a9b85108.jpg


ما نعرفه بس نعرف انه الرقم من الامارات فكفخته بصورة :122:
خل يفرح
:^^:


فسرنا ندور لنا مسيد نصلي فيه الجمعة
وسالنا عن مسيد الشيخ القرضاوي فما دليناه
لانه اغلبهم ما يدلونه
ورحنا مسيد كبير قالوا للحين ما فتحوه
فلقينا مسيد بفريج باسم عايلتنا
ما شاء الله علينا مشهورين :^^:


طلعنا من المسيد رحنا المول نتغدى

http://www.alshohooh-upload.com/up/u...9717b951eb.jpg



http://www.alshohooh-upload.com/up/u...d069aaba5c.jpg


طبعا ما بحط لكم الاكل لانه الانتقادات يتني من بعض الاعضاء
شسوي فيهم يواااهيش الربع
ما عندهم اتيكيت
:^^:


http://www.alshohooh-upload.com/up/u...86015c9b87.jpg


حتى بقطر
يا معشر الهنود :D:



بعد الحواطه بالمول الساعة 4 طلعنا حتى نلحق للافتتاح
ونحن بالطريج


http://www.alshohooh-upload.com/up/u...5cd99dfb55.jpg



وهذي احتفالات بالطريج


http://www.alshohooh-upload.com/up/u...7f7df22a20.jpg


وبكل فترة محطين لكل ثقافة عن كل فريق مشاركة
والمشكلة كلهم حريم لي يرقصون
فما بحطها لكم


ووانتظرونا في الافتتاح

:122:

شيبه محتشر 18-01-2011 08:17 PM

السلام عليكم ورحمة الله وبركاته


لي يلومني بعميراوي

يتفضل


:212:


http://www.alshohooh-upload.com/up/u...59b4e0b714.jpg

مع اني مأكد عليه

اقوله تراني اكتب وما اراجع لي اكتبه

:cry:

شيبه محتشر 19-01-2011 11:54 AM

السلام عليكم ورحمة الله وبركاته


شكرا لكل من قيم ويتابع




ملاحضة
لا تحاتون عميراوي مابيزعل لاني ادري انه قلبه كبير ومن النوع لي يتحمل السوالف ولو كانت ثجيله


وصلنا قريب استاد خليفة لي بيقام فيه الافتتاح بس كان المكااان زحمة ووقفنا على بعد 5 كيلو بس كان الجو جميل وحلو للمشي فمشينا
الي ان وصلنا الاستاذ
فلما كنا نبي ندخل تفاجأنا انه مافي بوابة دخول الا وحدة ومن الصوب المقابل للي كنا فيه
فيعني يبي لنا ندور الاستاد كله حتى ندخل
ولما وصلنا لمكان الدخول والا حمود فوق عبود لانه مكان الدخول واحد
فقلنا الله يعينا
تفتيش فرد فرد وعندهم حق ما يبون اي مشاكل تصير ولو كانت بسيطه تخرب الاحتفال
اول مادخلنا من البوابة الرئسية رحنا ندور البوابة رقم 15 حتى نيلس بكراسينا وطلعت البوابة 15 بالصوب المعاكس لبوابة الدخول
يعني بنرد ندور الاستاد كله
يعني طلعنا قيمة الغدا والريوق والعشا مال امس بكل هالمشي
اول ماوصلنا تمسحنا وصلينا المغرب والعشا
ويلسنا بكراسينا
والا الجماهير محد لها
عجبني الافتتاح بسيط بس روووعة
والاروع النشيد الوطني القطري
والاجمل الحوار لي دار بين الشيخ حمد واحد شياب قطر والكل يسمع
ولي خرب كل شي المباراة وكيف كان المنتخب القطر تعيس فيها
بترككم ويا الصور وبعدها شوي بتكلم


http://www.alshohooh-upload.com/up/u...41f5c634dd.jpg




شعلة الاولمبيات لي كانت بقطر قريبة من الاستاذ




http://www.alshohooh-upload.com/up/u...e376215b6e.jpg



الافتتاح بشكل مبسط جميل



http://www.alshohooh-upload.com/up/u...73ac775ea2.jpg




http://www.alshohooh-upload.com/up/u...e0b2cb16ba.jpg




دخول المنتخبين وعزف النشيد الوطني وانا مصورنه فيديو بس لولا وجود صورة لربعي وعوايل كنت حطيته بس حتى تسمعون النشيد:^^:




http://www.alshohooh-upload.com/up/u...6ddd13c30b.jpg





يقرون الفاتحة قبل المباراة
استغربت ربع الفريج مسيحي
والباجي اجانب مادري من وين
بهذين شو يقولون لما يجتمعون بنص الملعب :D:




http://www.alshohooh-upload.com/up/u...71cead414b.jpg




كتكوتي قطر
قال الا تصورني
قلت له منتخبك خسرااان شصور فيك
قال شو علي منه
انت صورني هذا منتخب اجانب
جان اكفخه حتى ما يزعل



http://www.alshohooh-upload.com/up/u...a9a93aae34.jpg




عيبني النشيد الوطني وكلماته
بس بعده ما كان له صدى
لانه اتذكر لما كنا بفتتاح الخليج بابوظبي
والجمهور شارك بالنشيد الوطني كان الصوت من شدته يرجع لك من الحماس
شفت لشعب القطري اقل حمااااس
بالمرة الياية بخبركم شو السبب



وللحديث بقية




عميراوي تراني انا كاتب ملاحضة جي حتى اقولك شكثر انت تهتم بالتفاصيل وتترك المضمون
استر على اخيك يا اخوك
لي ما شاف غصبا عليه بتخليه يشوف
خذ وخل

شيبه محتشر 21-01-2011 10:50 AM

السلام عليكم ورحمة الله وبركاته


الشكر لكل من تابع وقيم وقرأ

نتابع وياكم الرحلة ونظرتي عن الكويت وقطر
يمكن ما تكون منصفه او انه نظرة خاطفة بس كوني اول مرة ازور الدولتين بتكلم عن الفكرة وكيف شفتها بنظري


الكويت
1- شعارها الكويت للكوتيين عجبني هالشعار
2- كنت احس انه الشعب الكويتي من النوع لي رافع خشمه وانه شايف نفسه على اهل الخليج وبصراحة لقيت العكس شعب جدا لطيف خدوم اسلوبه راقي في التعامل صار لي مواقف معاهم كانوا ودهم يخدمونك بعيونهم سواءا الشباب او الشياب ما وقفنا مع احد نسأله الا تفيج لنا وترك شغله
3- احس انه الشعب مختلط الثقافات والاصول لي تشوفه لابسه كندوره ولي تشوفه سبورت ولي تشوفه كاشخ ببدله حتى بناتهم بعد نفس الحاجه مثل الشعب اللبناني
4 - عجيب اكلهم كل المطاعم لي دخلناها نظيفه واكلها طيب ما شفنا هندي يطبخ اما مصريين او لبنانيين
5 - اغلبية الشعب بيده مسباح مادري هي موضة والا يسبحون ويهللون فيها بس ما شفت حد الا وبيده مسباح
6- شعارهم لا للشعب الهندي مادري ليش قليل ما اشفت هندي هناك اغلبهم مصاروه وبالاخص صعايده جانك بصعيد مصر بس بخاطري اقول بعد احس من الهنود على الاقل تتفاهم وياهم
7 - بر الكويت كله خير سؤال للحين مالقيت له اجابة ولو قلنا انه الكويت فيها 100 الف بيت فالبر فيه 100 الف خيمة ولي ما يصدق يروح ويشوف
8 - شبابهم جدا لطيف باسلوبه لما ضيعنا بالدائري الخامس شفنا واحد سيارته خربانه بالفريج جان نوقف عنده حتى يدلينا حليله شوي وبينخش لنا داخل الجامه حتى يشرح حليله
9 - مدينة الكويت تشبه عيمان لي يبي يروح الكويت يروح احسن له عيمان ولا يتعب عمره
10 - لما وصلنا كان فيه استجواب لرئيس مجلس الوزراء ووممنوع الدخول على الكورنيش قلنا خوووش زيارة زرناها
11 - شوارعها وخاصه الداخلية تذكرني براس الخيمة
12- لما كنت اشوف المسلسلات الكويتية وديكوراتها قلت هذي هي فلا وصلت تغيرت النظرة بيوت جدا عادية كلها ديكورات تصوير


وبالاخير تحية للكويت واهلها وشعبها
وما ننسى فضلكم علينا بعد الله لما كنا ما لاقين حد يعلمنا


قطر

1- بلد صغير فيه مدينة يديده كلها بنايات طبعا للاجانب وكورنيش و3 مولات
2 - اغلب الموجود اجانب ومثل دبي كلها هنود
3 - الشعب القطري شعب راقي اسلوب جنتل في التعامل
4 - معتز بهويته الوطنية واسلوبه وطريقة لبسه حتى اليهال ما يطلعون من البيت الا غترتهم وعقالهم وبزمتهم عليهم
5 - شعب مختفي بالنادر تشوفه هنااااك لانه بالمدينة كلها اجانب بعدهم محافظين على انتمائهم لبلدهم وهويتهم سواءا رياييل او بنات
6 - قطر كدولة ما كنت اتمنى انه تحذوا حذو دبي وتحافظ على هويتها الوطنية ولكن اتوقع انه العدوا يايتنها
7 - شعب معتز بشيخه واسلوب التعامل معاهم جدا سلس
8 - الشوارع والمناطق مرتبة وجميلة وبادية في التطور والوصول الي العالمية


والسموحة من اهل الكويت وقطر
مو تنزيل من قيمة البلاد فكلنا اهل بلاد وحدة انما نظرة سطحية من اخ لكم زار بلده الثاني

لحين باجي لي ازور
جده غير اشوف شو الغير فيها
والقصيم اشوف مزارع التمر

وانا شاء الله اول الشهر بروح العمرة وبمر جده يومين ووان شاء الله اوافيكم بتقرير جده غير والا مو غير :122:

شيبه محتشر 22-01-2011 08:57 PM

السلام عليكم ورحمة الله وبركاته

الصبح ليوم طلعت من بيت امي بعد ما شربت قهوة ويلست وياها
قلت بروح راس الخيمة اشرب لي كرك
وايلس على البحر مكاني المعتاد
ولما خلصت من يلستي وشربت كركي
وانا راجع شفت شي عجيب
استغربت منه
وبصرااااحة ما عيبني الا انكد فيه
شوفوا الصورة وبعدين بقول لكم الحوار لي دار بيني وبينه


http://www.alshohooh-upload.com/up/u...5ded255eb4.jpg


بيب بيب
بيب بيب بيب بيب
صحى رفيق من رقاد الهنا

الشيبه : السلام عليكم شو فيه رفيق انت مريز
رفيق : لا بابا ما في مريز انا
الشيبه : ليش في نوم هني انت وين شغل
رفيق : انا في مخبز ايراني منااااك ( يأشر بيد)
الشيبه : يعني مافي مريز
رفيق : يجيب حطب حق مخبر بس في شوي نوم
الشيبه : اوكي اندوك مافي تخريب رقادك ورحت عنه


اقول بخاااطري
والله نومة هذا في مكان فيه خرابه ووووصخ وهو هادي ومستريح
يتمناها من يملك قصور واموال وكنوز الدنيا ولكنه ما يقدر يستريخ في نومه خمس دقايق على بعض

:122:

شيبه محتشر 12-04-2011 01:53 PM

السلام عليكم ورحمة الله وبركاته

لما يقصون عليك اليهال ويحتلون مكانك

وتستوي حبيس رغباتهم

اما انك تصغي لطلباتهم او انك تسمع صراخهم

كل لي سويته اني رحت ابدل ثيابي وارجع بسسسسس

وهذا لي شفته




وميلسين لي هذين مادري


http://www.alshohooh-upload.com/up/u...3881b90ed8.jpg


مادري شو الحكمة منها

هم يسكتوني والا انا لي اسكتهم
:1577_1186768770:
[/SIZE]

شيبه محتشر 11-05-2011 12:19 PM

السلام عليكم ورحمة الله وبركاته
بسم الله الرحمن الرحيم

خلال ايام السنة ومع مرور الايام الانسان يطفر ويحب يغير روتين حياته ولو بشئ خفيف
حتى يرد العقل يتنشط والعين ترتاح والجسم يعود نشاطه
فحبيت اسافر لاي مكان ماحددت ولا قررت
واجتمعت ويا الربع وقلت لهم الفكرة
ثلاثة منهم قالوا ماعندهم مانع ويبون يغيرون جو وخاصة انه حريمهم مدرسات يعني ماعليهم قيود :^^:
ولا بيلاقون سبب للممانعة من وزارة الداخلية اما باقي الربع فخذ وخل
كل عذر اسخف من الثاني
وكل ذلك يرجع لقوة وزارة الداخلية في مملكتهم
المهم لحين خلصنا موضوع السفر
يت الوهقة وين نروح
بشروا يا شباب وين تبون تروحون
لي برا المجموعة شار علينا بالعمرة
قلنا له ترى كل رمضان نروح والا تبون تخربون علينا السفر
بعد التشاور
الصين - المغرب - المانيا - اسبانيا - تايلند - تركيا - سنغفورا - ماليزيا
:1577_1186768770:
اتفقنا على انه وحده من هالدول
وكل واحد يقول انا ماعندي مانع لحين كيف نختار
اخر شي اتفقنا على انه تنكتب باوراق صغار ونخلي واحد من ربعنا يختار
على انه ما نغير رأينا بأي حال من الاحوال دام اتفقنا على هذين
وطلعت لنا تايلند
طبعا ولا واحد منا طبها قبل هالمرة
فعزمنا نروحها سألنا الاشخاص لي راحوها قبل
قالوا لنا روحوا بوكت وشنغماي وبانكوك وايد عليكم الا هي عشر ايام
اتفقنا على بوكت وبانكوك 4 ايام ب6 ايام ونرجع
حجزنا وتوكنا على الله نروح نشوف شو فيها هالبلاد لي الناس تراكض وراها ويقولون لي ما تشوفه بالبلاد بتشوفه هناااك
لمهم حتى ما تيودون علي تراها رحله شبابية
ومن عوايدنا انه لما نسافر سفرة شباب نأمر علينا أمير
وهالمرة طلع اميرنا اكبرنا لي عليه الدور
والامير له مميزات وعليه امور وطلبات لازم ينفزها
من مميزاته انه له صوتين بأي شي نختلف عليه او فكرة تطرح براسنا
اما من سلبياته فانه حليله يراكض ورا طلباتنا وييبها لنا ووووو وغيرها من الحياة اليومية
وحليله عاد اميرنا هالمرة خدوووم بكل شي
ودفعنا جمعية 3000 درهم من كل شخص
هي تكون مصرفنا طول الرحلة اكل شرب طلعات كشتات تكاسي تجوال
واذا تنقص نزيدها طبعا بعد ما يخبرنا الامير
والحمدلله كفتنا وزاادت وااايد
اما المصارف الشخصية فكل واحد من جيبه
هذي طبيعة رحلاتنا
طلعنا من الامارات كل واحد لابس برمودا وفانيلة ونعال زنوبة تقولون رايحين نلعب كرة ما رايحين مسافرين
الطيارة كانت سبع المغرب
اول ماركبنا الطيارة قرينا دعاء السفر وتوكلنا على الله
وودعنا دبي
http://www.alshohooh-upload.com/up/u...649eb6aec4.jpg
الطيارة كانت خالية من الركاب يمكن نصها
بعدنا ماكملنا خمس دقايق من الاقلاع اطالع وراي والا
http://www.alshohooh-upload.com/up/u...9379c0906e.jpg
متلحف وراقد الحبيب لا وبعد يناخر
سرت اطالع اخوي والا نفس الشئ بس يلاسي
http://www.alshohooh-upload.com/up/u...54c6bdbe9e.jpg

كيف ياه الرقاد جي الله اعلم
وربيعنا الثالث كان يقاوم بس اسمع نخيره وراااا لانه سكروا اللتات
اما انا فمكانين ما احب فيهم الرقاد السيارة والطيارة فيلست اتابع التلفزيون مالهم وكلها افلام جديمه وما فيها شبي زين فيلست اجلب واصور
اونه حتى تطلع الصورة واضحة
http://www.alshohooh-upload.com/up/u...0bf0b75861.jpg


سبع ساعات شسوي فيها يلست اخمس وعلشان اقضي الوقت يلست اصور فترة شروق الشمس وشوفوا النتيجة

توها الشمس بتشرق
http://www.alshohooh-upload.com/up/u...256eff16d1.jpg

لو تلاحظون الشفق

http://www.alshohooh-upload.com/up/u...5a063ed846.jpg


http://www.alshohooh-upload.com/up/u...151a130161.jpg


http://www.alshohooh-upload.com/up/u...c4b5e57f15.jpg



http://www.alshohooh-upload.com/up/u...6271a39c51.jpg


http://www.alshohooh-upload.com/up/u...df984cf93c.jpg


جان يسكرون الليتات حتى لي ماياه رقاد يرقد غصب
:^^:

http://www.alshohooh-upload.com/up/u...bc4ce2061f.jpg


بعد جهد جهيد بدأ الطيار ينزل يعني وصلنا
وبانت الارض

http://www.alshohooh-upload.com/up/u...0cbdefa614.jpg

دقايق والا نحن بمطار بانكوك

http://www.alshohooh-upload.com/up/u...d8892fee64.jpg


لمهم دخلنا ترانزيت 3 ساعات حتى نغير طيارة لبوكت
فيلسنا نخمس بالمطار ورحنا نأكل لنا شي
ويلست اصور المطار

http://www.alshohooh-upload.com/up/u...0dc66ceeaa.jpg

صورتين للحديقة الخارجية

http://www.alshohooh-upload.com/up/u...0bfc6bd294.jpg


والا اشوف هالحبيب يالس تذكرت فريق عيمان والرمس
قلت يمكن لاعب منهم اتاريه راهب ياااا واحد حذاله يلس يدعي له والا عليه مادري

http://www.alshohooh-upload.com/up/u...4f968b0f56.jpg

عقب ما خلص جان الحبيب بخششه كم من ربية فراح يشترى فيها والا من وين له جيوب حتى يحط بيزات

http://www.alshohooh-upload.com/up/u...5cb7011f78.jpg


وهذي الطيارة لي وصلتنا بوكت


http://www.alshohooh-upload.com/up/u...57a23d949b.jpg


بس هالمرة مزحومه ومافي مكان للرقاد بيلسنا نسولف ويا الربع

http://www.alshohooh-upload.com/up/u...be7026acfc.jpg

كراسيها مريحة واوسع من طيران الامارات وشكلها يفتح النفس


خلصنا اجراءات المطار

وطلعنا نبي نروح الفندق الا متيمعينا فوقنا وكل واحد يقول لنا الزود عندي
فيلسنا نكاسرهم وابي اصورهم الا الحبيب مرتز

http://www.alshohooh-upload.com/up/u...cde66bab36.jpg


بس بعد على دمه الخفيف طلع ارخصهم ورحنا ويااااه

والبقية تأتي

اذن الظهر
:122:

شيبه محتشر 11-05-2011 11:00 PM




وحط موضوع بقسم الصور ونزل فيهم صور تآيلند أحلى


ممممممممممممم

احط صور السفره

بالمدونة والا بموضوع لحاله بقسم التصوير ؟؟؟

شو رايكم للي يدخل ويشوف

يخبرني اذا نزلته هنااك بتفكوني عبولة التعليق على الصور

وبنزلها كلها ويا كثرها

:d:

طلعوا وااايد وانا مادري

لمهم بتريا لباجر وبشوف شو يقولون الاعضاء وشو يتفقون وولي يناسبهم بسويه

:122:

شيبه محتشر 19-05-2011 08:17 PM

السلام عليكم ورحمة الله وبركاته

شكرا لكل من شارك. وقيم على الموضوع


وحبيت ارقم الصور حتى تكون مرتبة

( 1 )


الساعة الآن 12:58 PM.

Powered by vBulletin® Version 3.8.11 - Copyright ©2002 - 2022, Jelsoft Enterprises Ltd.
لا تتحمل برزة الشحوح أي مسئولية حول المواضيع المنشورة لأنها تعبر عن رأي كاتبها