عرض مشاركة واحدة
قديم 07-09-2009, 11:10 PM   المشاركة رقم : 6
 
الصورة الرمزية غزالة الجبال

غزالة الجبال

๑ . . إدارية. . ๑
غزالة الجبال غير متواجد حالياً









غزالة الجبال نشيط ومثاليغزالة الجبال نشيط ومثاليغزالة الجبال نشيط ومثاليغزالة الجبال نشيط ومثاليغزالة الجبال نشيط ومثاليغزالة الجبال نشيط ومثاليغزالة الجبال نشيط ومثاليغزالة الجبال نشيط ومثاليغزالة الجبال نشيط ومثاليغزالة الجبال نشيط ومثاليغزالة الجبال نشيط ومثالي

ღ. الــزيـن يـفـرض نفســهـ .ღ.

افتراضي رد: » ღ غـزالـة الجـــبال ღ «







طفولتي....

الغزالهـ


كانت طفلهـ شقيهــ .. متفائلهـ بالحياه ... حركيهـ
... اجرااميهـ ....ما امخليه بقعهـ الا ولاعبهـ فيهااا....
راعيه سوالف وخبالـ....



لدرجهـ اني وحليلي حتى الروضه ماحد دخلني سيده
المدرسهـ مخي يوزن بلد غير عن عيال البرزة




كنتـ احبـــ


اللعبــ بالطين واشكلهـ على شكل حيواناتــ وطيور
وصراصير واوادم ..

احبــ المطر ... كل ما تطيح الامطار اذكر الوالد والوالده يدوروني دواره... وانا
برا البيتـ بالمطر ما يهمني تتبلل ثيابي ولا اي شيء من هالقبيل ولازم
ارد البيت متبهدلهـ وشعري خرسان من صوبـ وطبعااا احصل لي ضربـ
من الخاطر بس ماشي فايده راسي يابس .. تلاقي الوالده مغيره لي
ثيابي من صوبـ والا انا شارده من الباب الثاني ...><


احب حصه الرسم ...حصهـ الموسيقى ..الرياضه..

احبـ اشوفـ الرسوم المتحركهـ بشكل فضيع....تعجبني
الهداف والليدي ليدي .سالي.لبنه السريعه.. توته ...وفلونهـ... وهايدي ...... الخ

احبـ اسير عن الزريبهـ واللعب ويا العنز ....
حتى مره حصلت لي نطحهـ من السخل في بطني طيحتني الارض ...

احبـــ اكون لي بيتـ انا والشله الي وياي برع البيت.. كل واحد له بيت
من صوبـ ... وانا دايما يكون بيتي فوق الصمره (الشجره) ....
اظل اهناكي للمغربـ... بعد اذان المغربـ وتسود الدنيااا
ارجع البيتـــ....


كنتـ استغل الجراد وقص جناحهـ واقطع ريولاتهـ واحطهـ
داخل كلاس حتى اطبخهـ .... صدق مجرمه درجه اولى

وكنت بعد امسك السحالي الصغيره البريئه ,,تدرون شو اسوي
بها...
كنت امسك الغطايا مال قواطي الصلصال الحاده وامشيها على جلدها
حتى اونه اشل الجلد مثل ما تطبخ امي الديايهـ واقطعها بالنص .
صدق اني الوع الجبد .. وبعدني اتذكر هالامور واقول بنفسي كيف انا جذه ...
يغمضوني هالسحالي .....


كنت اذكر اتيلس وياي الشله واتحداهم منو فينا
يبلع اكثر حصى ....! عاد حتى ماحد يشوفنا ويشك فينا
كناا نييلس برا البيت وكل واحد فينا يبلع حصى ....



كنت احبـ احطي مقفطهـ مال الفيران (مصيده).... واستاانس يوم المقفطهـ
تمسك الفار ككككك ونتحدى بعض منو يمسك اكثر


مره مسويهـ جريمه بخواتي...>< الوالده سايره المستشفى وحضرتها ناسيه
المقص بمكاان انا اقدر اوصلهـ وانا عاد ما صدقتها من الله ...مستويه كوافيره.. ><

لا انا افهم شيء ولا خواتي يهالوه صغاريه.. فمسكتـهم ..ثلاثتهم واقصقص لهم شعرهم واخبي
الشعر ورا الخزانهـ حتى ما تنتبه له الوالده كككك انزين يااا غبيه يا غزاله اكيد الوالده
بتشوف بناتها يوم بترد جنهم خرفااان مقصقصين
يوم ما ينتسى انضربت ضربـ بالخيزران لين ما خلصت دموعي ..




على الرغم من هاالامور كلها الا اني اتصدقون عندي حنان زايد عن اللازم كككك
كنت احبـ اللعب بالكرخاانه ...(مكينه الخياطه ) واخيط ثياب
حق اللعب مالي ... واعتبرهم عيالي وانا امهم حتى ارقدهم حذالي .. واتحمل منهم ...


واذكر كذا مره اشوفـ بالصدفه عصفور مسكور جناحه او حمامه تعبانه
ما تقدر اتطير او عصفور عيونه ما يقدر ايشوف منهاا كنت اخبيهم عندي
واتحمل منهم واهتم فيهم ....

الحمامه اتعافتــــ....
وطيرتهااا...


بس العصفور ... كنت اتحمل منه لدرجه اني احطي له كريم بعيونه
واطعمه كل مره .... وبعد ما ارجع من المدرسه سيده عنده داخل الغرفهـ ...
لا دروس ولا مدرسه ولا شيء بس مجابلتنه بالاخير وانا راقده نشيت كان
المكيف وااااايد بارد ... وجان انصدم انه مب حذالي بالمكان الي انا حاطتنه
صحت له صياح من الخااطر وبعدين جان اشوفه بطرف الغرفهـ من برا ...
بعدهاا مرض وايد .... وماااتـ عني ... ضلتت حزينه عليه وايد
..... اذكر اليهال صوبنا يقولون لي ماعندج سالفه ياكثر
الحمام الي يموت يعني شو صار الحينه مات وخلاص ...
كنت اقول في نفسي هذا ولدي .... يعني كنت ولازلت حنووونه
وايد ككككككككككك بغض النظر عن الاجرام الي فووق





فاصل ونواصل...



تاابعوا طفولتي.....

يسرني تواصلكم......















(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )








-=[ لا إله إلا أنت سبحانك إني كنت من الظالمين ]=-

» ●● كن شامخاً في تواضعك » ●●ومتواضعا في شموخك●● »

رد مع اقتباس