[MiNoOo 87]

صباح الـورد .,

الصداقه .. حلـوه ،،

فديــت ربيعاتـــي تولهت على أيام الجامعه ..

أحلـى أيام .. و صدق يوم قالوا بتشتاقين لهـــا ..

اشتقت لهـا وايد ،، طبعا مب الدراسه و الكراف و البروجكتات ..

اشتقت حق السكـن .. و يلست الربـع و سوالفنـا و أكشناتــــنا ..

أذكر لكم موقف استوا لي أول سنـة جامـعه ،،

يودوا أعمـاركم و لا تضحكون وايد >> الله يديم لك الضحك و الوناسه دوم ان شاء الله

كنا متيمعـات في غرفتنـا .. أنا و بنات غرفتي و جمن بنيه ويـانا ..

سوالف و ضحــك ..

و أنا يالسه فوق شبريتــي ..

بالغرفه في رف فوق الشبريه ،، عشان نحط فيه أغراضنا >> حلفي ،، ما يعرفون مثلا

و الرف مثبت بشو ؟! أكيد جيه شرات الحديد تحتــه ..

المهــم ..

عاد ما أدري شو قومني فوق الشبريه هاييج الحزه ..

و قمت بكل قوه >> نعم وين سايره

إلا و راسي دبوف بالحديد عاد أنا هنيــــــــــــــــه شو سويت !!

أوني عشان أمشي القفطــه ضحكت و فينــي صيحـــه ع أساس محد يضحك عليه ..

بعدني ما كملت الضحكه و جان أقطعهـا و أصيـــــــــــــــــــــــح

عاد تخيلوا الموقف إنتــوا

اسميهم ربيعاتي عقب ما خف العـوار و سكت ضحكوا عليــه لين ما قالوا بس


بدال لا أكحلهـا .. عميتـــــــــــــها

فديتكم و الله .. الله يحفظكم و يوفقكم وين ما تكونون ان شاء الله ..