• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ولــد بوظبي ..

  • بادئ الموضوع A.D
  • تاريخ البدء
  • الردود: الردود 86
  • المشاهدات: المشاهدات 64K

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

صباح النور والسرور .. جيف الحـال ..علكم بخير ..

اليوم اتعس يوم في حياتي .. انا رااقد وفسابع نوومه واحلى حلـم >>مابقولكم شو الحلم <<هع وايي ابويه يدق الباب ويقولي الخداامه شردت انزين انا تحريت عمري بعدني فالحلم وقلتله انزين انزين ورديت ارقد قالي نش الخدامه شردت وانا فيه رقااااااد قلتله ان شا الله بترد قبل الفطور هههه اشوي وبيهفني بطراق عطاني النظره هييج
وانا دريت انه السالفه جـد والحق ع روحي قبل لا انهزب وينجرح صيامنا ..المهم طلعت برا البيت ولا غسلت ويهي ولا شي قلت يمكن تسولف ويا ربيعاتها ولا اتعق الزباله اكرمكم الله..سرت مني مناك مالقيت حد ابوي يحليله ظهر يدور وياي خذنا لفه بالسياره عالفريح لا حس ولا خــبر .. اول شي فكرت فيه انه بنتوهق ومحد بيسوي الفطور اليوم هههه الخدامه الثانيه ابقره ماتعرف تطبخ بس مال تنظيف وازيدكم من الشعر بيت عندها ايميل هههه << اخر زمن ..الموهيم يأسنا ونحن اندور عليها شكلها سارت ويا راعي الدكان حبيبها تستاانس عليه سود الله ويوهم حد يشرد في رمضان اتريو انزين شردي فالعيد محتااجينج يابنت الناس ههههه.. فطورنا من المطعم شكله اليوم
انا منقهر لني من اليوم ورايح محد بيسويلي اندومي سنـــع شرات مالها ولا طاعت تعطيني الوصفه ..خسيسه من يومها هههه .. بس بس طولت عليكم
المهم اللي يلقاها يخبرني هــــــــــــــــــــــــع.. ودمتم سالمين ^^
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

السلام عليكم والرحمه ..مباركن عيدكم اخواني وعيال عمي واصدقائي العزيزين ^.^ هذا اول عيد لي فالبرزه هـع ولازم احط فالمدونه تذكار >>>


95%5B1%5D%5B11%5D.gif


500


15.jpg


565727440.gif


بلّغيه يا رسايل
اني بالعيد أهنيه
وأقوله
كل عام وهو بألف بخير
*******
حبيبي يمر العيد
وإنت عني بعيد
وشوقي لك يزيد
وأتمنى لك عيد سعيد
*******

ألا يا عقد من الماس

ألا ياللي القمر جارك

أقولك قبل كل الناس

يجعل عيدك مبارك

,,,,,,,,,,, ,,,,,,,,,,, ,,,,,,,,,,,,,,,, ,,,,,,,,,,

باقة أزهار وورود

وسلة بخور وعود

والعيد عليكم يعود

وكل عام وانتم بخير


,,,,,,,,,,,,,,,, ,,,,,,,,,,,,,,,,,,,,, ,,,,,,,,,,,,,,

اسأل من اعد العيد

وطوى الشهر الفقيد

يمدكم بعمر مديد

يجعل حياتكم عيد سعيــد

,,,,,,,,,,,,,,,,,,,, ,,,,,,,,,,,,,,,,,, ,,,,,,,,,,,,,,

حلات العيد شوفتكم

حلاته نلتقي معكم

عساكم من العايدين

واسعد ناس بأعياده


,,,,,,,,,,,,,,, ,,,,,,,,,,,,,,,,, ,,,,,,,,,,,,,,,,,,,

عسا ايامكم كلها افراح :ax::gooddw:
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

صـباح الخيـر ياويوه الخيـر شحـــــــالكم عساكم بخيـر ^_^

والله اكتب الموضوع وانا منقـهر .. المهم قولو آمين << الله ياخذ كل بويه في الكون كله..

آآه يالقـهر .. يالس احاوط في المواقع لين اذان الفيـر قلت خلني اسير اصـلي وعقب بتريق في المطعم تولهت ع أكل الهنود .. وصلت المسيد وخلصت الصـلاه

وسرت المطعم لين مايزهب الاكل الهندي ويها رقاد توه فاج .. المهم بلعت وخلصت وانا طالع لمحت واحد يالس فوق السياره واقول فخاطري منو قوي العين هذا .. لا ويناظرني جنها سيارته ويقولي شفيك اطالع ههه .. قرربت شفت تشكيلة جسمه مب ولـد 100% عقب قالي هذي سيارتك ؟؟ قلتله شرايك قرربت اكثر واكثر هههه اطلعت بويــه عافنا الله ..
وبعد لابسه مال الاسكيت ها التواير مال الشارع وثيابها جنه سايره مسابقة تزلج .. اشوي عقب مانزلت شخططـــت البونيت >___< بجوتيها الغــبي قلتلها حووه اشوي اشوي

عطتني نظره هههه حســيت انها بتظربني .. قلت فخاطري يلا اصغر عني ومريضه نفسيا شو بقولها قلتلها الله يهديج وراحت بيتهم وانا يلست افـسر وافكـر من وين بييب ورقة عشان ارد اصبـغ البونيت هههه معنه ماتأثـر وايد بس اتشوه المنظــر الجميل .. عـــل ريلها تنكــسر وينكسر الجوتي مالها وياه

>> اشتقت للمدونه وربي << سلملم
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

هااي .. عوده اليكم من يديد..

والله مادري من وين ابــدا بس قررت بدورلي دكتور نفسيه ههه ..مادري انا ضيعت الـفرصه ولا اللي سويته صـح !!

احساسي يقول انه صـــح واللي حولي يقولون غلطان بس متأأأكد انه قراري صــحيح ..والله يستر من اليااي

اشـتقت لهم ..صح لازم افرحلهم لنهم سارو بهدف العـلم .. بس 4 مرره وحده ههه مابقا حد من جيه مطييح فالبرزه كل يوم وسهران

انا كنت الخامس بس فكرت فيها زيين معنه كل الناس قالو ساافر وكمل برا .. بس مادري حسيتها مو جويي ..ومشكلتي اولــه واشتاق مثل الياهل

وبـــــس ترا كل هالخرابيط مالها معــنى بس موضوع القط الاسود ذكرني بالشباب الله يوفقهم .. وقلت بكتب كم كلمه فالمدونه دامها فااضيه ..ومال بلاش هع

ســي يأآ
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

عوده حزيـنه للمدونه ..سلام عليكم يميــع شحالكم ربكم بخير

ماعرف شـقول بس بعتررف انه وفاة اخونا الشـبح صحــــتني من غـفوه مدتها شهور معنه ماعرفه ولا يعرفني ولا اذكر اني شفته في مواضيعي او شاركت في مواضيعه لني يديد عالبرزه وماستوالي فتره طويله ..بس قـبله توفوا 3 اشخاص لهم معزهـ في القلب وارد اراجع نفسي اشوف انه اللي كان وياي في المسا عقبها بساعات يتوفا انزين ممكن اكون انا بداله لولا انها اقدار .. المهم راح الاول ووبعد شهـر كامل من التعقيد والكآبه بس الحلو اني حافظت ع صلاتي وكنت خايـف ووقتها محد يدري متى اييه الموت.. عقبها ردت ريما لعادتها الجديمه نسينا الموت ومخاوفه .. ربـكم يبا يوعينا مره ثانيه وتوفا عقبه بشهرين الثاني وكاان عزيـــــز عزـــــيز علي ..واهنيه كانت الطامه يا اخوان وصار فيني اللي صار امم عقبها نسينا الموت ترا الانسان من النسيان ..وبعده الله نبهنا وتوفا الثالث وعقبها اقتنعت قنااااااعه تامه .. وكلــهم شباب ..يعني شوف يافلان الموت مب للشياب بس ولاتفكر انه العمر جدامك طوييل.. وحسيت بالفرق يوم يتوفا شاايب ولا عيوز ويوم يتوفا الشاب ولا الطفل .. الشايب انقول عنه مرض ولا كبر في السـن لكن الشاب يوم يتوفا يحــرك فينا نحن الشباب احـــس في فــرق
ماقول غير الله يرحم كل موتى المسـلمين .. ووالله صحيــتنا ووعيتنا يالشـبح وعسا الكـل ينتبه لها الشي ويستعد للسفر الطويل ..
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

مسا الخيـر ..كيفكون طيبين ؟ كيف الصحه ؟

آل بهلول بمووضوعه ذكرني بأيام الثنويه خخخ اظني 2 ثنوي بقولكم شصارلي ..

كنا في امتحان نص السـنه وكان آخـر يوم اظني علم نفس مادري تاريخ المهم ماده فيها حفظ ..وكنا بس نحن اللي آخر يوم ثالث ثنوي وأول ثنوي خلصوا قبلنا

ماعلينا ..الشباب يتصلون يبون يغروني يلا ويانا ويانا السينما وبنسهر نلعب ورقه والاقتصاد سهل مايباله شي كله عن الفلوس حليلي اتقردن بسرعه

رديت افكر قلت الحين لا بقدر ادرس بينشغل بالي بطلعة الشباب ..تلبست وقلت يلا علاماتنا زينه وطلـعت وياهم وسهرنا هم يلعبون ورقه وانا ابرشم خخخخ

حق باجـر في ورقة دفتر تبان من بعد كيــلو بس خلاص آخـر يوم واللي يصير يصير

سرت الامتحان وحليت من البراشيم اللي عندي ويلست لين آخر الوقت وانا مستااانس طااااااااااايـر من الفرحه ..من الفرحه والغبااء سلمتهم الورقه مال الامتحان وداخلها ورقةالبراشيم ههههه ترا اوراق الامتحان جنها مذكره فيها غلاف ورا وجدام شرات الدفتر ..وانا لين الحين مادري اني سلمته البراشيم داخل ورقة الامتحان لين ماوصلت عند باب الاداره تذكرت خخخخخ ويافرحه ماتمت يلست افكر اقول بيرسبوني ولا بيظحكون عليه وبيرحموني ويالس اهم ماياني رقاد

آخـر شي يت الشهاده لقيت عمري راسب في الماده اتحطمت وانقهـــرررت من خاطرخبرت ابوي بالسالفه اذكره قالي انت اغرب واحد في عيالي هههه حسيت روحي مميز بغبائي هع بس ظحكت ع روحي ومن يومها ماقمت افرح الاعقب ما خلااص يتــم الشي بالكاامل بعدين اشـق حلجي 20 متر

طلاب المدارس يوم بتغشون دورولكم اساليب يديده اظمن واشـرف هههه.. يعطيكم العافيه ^_^
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

سلام عليكم جميييعا

شخباركم شو الصحه

بما انه العيد قررب ..اباكم اتييبولي خطـه .. ابويه مشروعه هالعيد انه انا اللي أذبح لنه علمني قبل سنتين وذبحت بس ماتهنيت فيه يلست احلم في الجـبش

المهم والعيد اللي طاف كان دوري يبا يقيم مهارتي خخخ ترا كل عيد ايخلي واحد من اخواني يذبح..بس انا سويت روحي مريض وتعبان وماذبحت

هالعيد قالي انت آخر العنقود لازم تذبح جدامي عشان ارتاح واقول علمت كل اعيالي خخخخ <<مب صاحي

وانا كل يوم افكـر بعذر ولا شــرررده .. ياناس ابا اتهنى بالعيد بيــلس اهم اللي ذبحته والدم وشكله وهو يخــمس ويصارخ ..خلوها لأهلها اقولهم لكن ماشي فايده

اممم عطوني افكار هههه اييـبله باكستاني مفاجأه واخليه يذبح ولا ارقد واغلق التلفون هع الله يكون في العون ان شا الله يغير رايه ويفكني من الشغله
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

يالمدونه يالغاليه تعاآـلي ههه

اليوم بكتب فيج عن الوالده وفرحتها خخ

اليوم كان عيد ميلاد الوالده ..وهي بروحها ماتعرف انه ميلادها

نحن طبيعتنا لنه اشويه في البيت والكل يداوم الا انا خخخ قلت انا أول وااحد بهديها .. مب انه نحتفل ونعزم ناس لا كل واحد ايي ويهديها شي ونيلس وياها

فكـرت فكـرت قلت الهدايا الماديه امي في غنى عنها ابا اعطي شي محد عطاها ولا حد بيعطيها خخخ

سرتلها قلتلها فاضيه ؟

امي : لا باجر عندنا اجتماع
انا: انزين 5 دقايق بس ابسمعج شـي
امي: قـول
انا : ................... غنيـتلها هع
اميه مبتسمه : اتحراك شايل عودك ساير عند ربعك اثاريك ياي تغنيـلي وتمت تنصحني كالعاده وياولدي بسك وماباك في هالدرب
انا : لاتحاتين يالقلب. بس هديــتج اليوم عيد ميلادج يالعيوز هع نســيتي ؟!
اميـه :تدعي وتدعي وتدعي قطعت قلبي..

مب ها المهم اهم شي .. عقب ماوصلو اخواني وابويه .. اميه يلست تحكيـلهم عقب ياني اخـويه قالي منو قــدك نحن اللي يبنالها ويبنالها ماستانست علينا كثرك

وانا شقيــت الحــلج ^_____^.. ياخي وناسه يوم تقدر اتفرح امك بشي مب ماادي اتحس انك دشيت قلبها بشي طالع من داخلك

لعب الاحاسيس حـلو هههه

وسلامتكم يالغاليـــين ..
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

السـلاآم عليكم .. شحآلكم عالــصـبح الحلو

كل عام وانتو بخيـر وعسا ايامنا كلها افراح واعياد ..

البارحه يالس سهران عالنت ماياني رقاد ..يت الساعه 5 ونص وعوني نشيت لين ماتسبح واتلبس وصلت الساعه 6 و10 يمكن المهـم

اخــوكم راح المســيد على صوت تكبيرات المسايد ..وصلت شفت الباركنات فااضيه شو السآلفه ؟؟ قلت يمكن الناس تيمعوا في الباركنات الثانيه زين لقينا باركن

دشيت المسيد لقيت الامام ووياه 3 يكبرون و4 يصلون ركعتين ..الامااام عطاانــــي ابتسااااااامه اول مره اشوفها ..انا ابتسمتله ويلست قالي تعال تعال كبر ويانا !!

قلتله لا لا انا مستمع بس .. قالي أجـرك عظيم احرجني جدام المطاوعه اللي وياه ..سلمت امري ويلست وياهم اكـبر ..كان خوفي حد يشوفني

من الشباب بستوي نكتة العيـــــد دش ابويه واخويه .. ابوي مستااااانس وشاق الحلج واخوي حسيت ظحكته بتطلع من عينه هع

المهم ابا اتعذر مابا حد من الشباب يشوف..اشوي لمحت 4 من الربع تووهم بيدشون المسيد شافوني لفو يمين صوب مكان الوضوء ههههه وانا والله اسمع صوت ظحكاااتهم خخخخ قلت فخاطري الله يستر بنــقرض قرض عقب الصـلاهـ هههه..عقب ترخصت من الامام قلتله بسير اشرب ماي جــف ريجي

وطلعت لقيتهم يسولفون مصخرونــي عالخفيف خخخ وانا اقولهم اهم شي الاجــر <<<4 على واحد مابقدر والدنيا عيد هع <<ياحيهم الشباب^^

نسيــت اخبركم عن جـدولي في العيـد طبعا انسا انك تطلع اول يوم لنه محد بيخاويك كلن ويا هله

اامم بتسألون وين هلي صـح .؟!

للأسف مايعــيدون اهنيه في العيد يسافرون برا مادري شو من عيد في دوله اجنبيه !!والمشـــكله كلهم يعني مايبقا غير بيتنا وبيت خالي ..بيتـنا المتأصل اونه هع

فـ عشان جيـه بيــلس ع جبد البـرزه بحااوط ..بقهوي الاعضاء ^^ لين ما اييني الرقاد

وباجي ايام العيـد مثل اولـها ..وياحيــكم حــي

الله يحفظكم وعساكم من عواده
 

A.D

๑ . . مشرف برزة تــعلــم اللغـــات . . ๑
مشرف
التسجيل
14 يونيو 2009
رقم العضوية
10559
المشاركات
4,552
مستوى التفاعل
1,201
الجنس
الإقامة
بوظبــي
رد: ولــد بوظبي ..

صباح الخيـر .. جيـف الحاآل ^^شخبار العيـد وياكم

يمدحونها القريه ذلوني فيها ..البارحه سرتها قلت بشووف ع شو المديـح

بخـبركم عن الالعاب ..وعقب بخبركم عن القرى ..اول مادخلت شفت الناتشوز جداامــي فجيت حلجي خذتلي ويلست احاوط فيه ماعليـنا

الالعاب الله يسلمكم 4 <<< اللي ايخوفن وينعرفون من اشكالهم هههه اول وحده مال الكوره اللي اطيير فووق آآآآه

كلنا داشين بقــوهـ ..اول ماطارت الكوره كلنا صارخنا جنه حريـــم اصوات مادري من وين طلعت .. ماكملنا يالسين انشرله وقفها

خاف الريال ووقفها خخخخ قال شو فيكم قلنا له مانبا نكمـل <<<خووووف مب طبيـعي

اللعبه الثانيه مادري كيف اشرحها بس مثل عقارب الساعه ..دشيناها وندمنــــــــــــــــا كل ماذكر اقول الحمد لله ماستوابنا شي ..اشوف القريه كلها تحتي ويا شوارع دبي والناس جنهم نمـــل يلست ادعـــي واكبر

عقب هاللعبه واحد من الشباب رجــع كل اللي في بطنه حليله والله

وشي لعبتين مافيهن ارتفاع..بس ايخـــوفن الصراحه..انصحكم لا تلعبون بالالعاب ولا اتجربون وتذكرون رمستي اما اللي متعود شي ثاني ..تــــــوبه تـــــوبه

نرجع للـقرى ..دشيت القريه المصــريه حاوطت مالقيت شي والسوريه نفس الشي ..الشباب داشين القريه التركيه يبون يلقون لمييس ولا وحده تشبهها

خخخ لقوا الاتراك تعرفون شنبــهم شـ عرضه .. ياهم احباط وطلعنا

القريه الكويتيه ماشي يميزها جنه سوق عبي وجلاليــب

القـريه العماانيه كانت الــجو الاصـيل خخخخ .. سمعت صوت مزمار ..وسمعت الايـقاع ع طووول قلت ليـــواا شكلها

احب هالسوالف سرنا انشوف وشوووفلك من ذاك الهــز استوت معلايه اشوي يا ريال غتره وعقال وكااااااااااااااشخ <<خال شراتهم بس شكله شخصيه

دش جي بينا يوسع بأيدينه انا قلت بيقولهم حشموا اعمــاركم ولا بيسوي شي زين .. دش عطاهم حركة كهربا لو تعرفونها هههه

غــطا عليهم بـ ـرقصه طويل العـمر الناس كلها اتصفقله <<<طاح من عيني كنت متأمل فيه خيــر بس ظحك والله هههههههه

القريه السعوديه خاروها الحريــم <<<شكشــــكه حتى الثماله ((ثنتين ثنتين ثنتين))

انا استحيت وهم ماستحوا <<الله بالســتر

وسوالف المغازل ماتخلص وصلت الجرأه انه يغازل جدام امها وخالتها والعيله الكريمه كلـها هالشي اللي ماعيــبني وايد بس بعد ظحكت عليهم خخخخ

مانصح حسناوات البـرزه ايسيرن بروحهن لازم واحد وياهم الافضل يعني جان تبون ترتاحون

طلــعنا في درب الـرده وقـفنا تحريات قال اجلعوا الصور مال عيد الاتحاد اللي عالدرايش الجانبيه وجدام <<قانون دبي شكله

قلناله ان شا الله وما خالفنا..مال بوظبي قولهم كل شي لعيــون عيدنا وشيوخنا ايهــون ايهدونك ..مال فزعات دورياتنا خخخخخ

وانتهت الـرحله رديت البيت الساعه 4يمكن كان منهد حيـلي .. سمعت نوآل اتعدل مزاجــي هع..عقب يلست اكتـب كوردات اشويه

كوردات = نوتات =دو ري مي فا <<< هذا مال يهال بس عشان افهمكم خلصت نص والنص الباجي باجـر قلت بكمله

يلست في البرزه لين هالوقت اكتب في المدونه والحين استوت 7و43 ..احس اني بنخمد الحين بس مادري

اممم بســمع عبد الباسط عبد الصـمد خطييييييييييييير هالمقرئ .. الله يرحمه

اشوفكم ع خيـر في موضوع يديــد ولا قصه يديده

اشـكر اللي قيموني معنه المدونه كلها سوالف وقصص .. ماتقصرون عالتشجيع يالاخوان

ببــــاآي
 
عودة
أعلى