عرض مشاركة واحدة
قديم 19-05-2010, 03:26 PM   المشاركة رقم : 23
 
الصورة الرمزية شيبه محتشر

شيبه محتشر

๑ . . عضو إمبراطوري . . ๑

شيبه محتشر غير متواجد حالياً










شيبه محتشر نشيط ومثاليشيبه محتشر نشيط ومثاليشيبه محتشر نشيط ومثاليشيبه محتشر نشيط ومثاليشيبه محتشر نشيط ومثاليشيبه محتشر نشيط ومثاليشيبه محتشر نشيط ومثاليشيبه محتشر نشيط ومثاليشيبه محتشر نشيط ومثاليشيبه محتشر نشيط ومثاليشيبه محتشر نشيط ومثالي

قولوا وراي سبحان الله وبحمده سبحان الله العظيم عدد خلقه ورضى نفسه وزنة

افتراضي

ماشاء الله



















مشكورين للي قيمني ورفع من معنوياتي
واشكر اكثر كل من يتابع من ورا الكواليس
فلكم مني كل شكر وتقدير



ليوم بترك الماضي شوي وبتكلم عن الحاضر القريب
من باب التغيير
وان شاء الله بكمل وياكم ماضينا الجميل



سنة الحياة انه الانسان يتزوج ومثل ماكان هو طفل اكيد بيونه اطفال
ومثل ما عاش تحت كنف اهله اكيد عيالك بيعيشون تحت كنفك

مع الايام الله رزقني بتوائم بنات تحف بكل شي
مع احترامي الشديد لشخصيتي بس بعدي ما مقتنع اني ابو
او انه بناتي يزقروني باسم بابا
بس شسوي هذي الدنيا وكل كبير يشيب
مادري مع الايام هم بيحكمون علي اذا كنت اب صالح والا طايح من عينهم


لمهم معاملة التوائم شي عجيب





يمكن انا استمتع فيه
في البداية كانت الوهقه بالاسامي
فمن جي انا اخترت لهم اسمين يمكن قريبين من قلبي
اماني وامال
وحطيت لهم اسم حركي
انيس وخميس
يمكن بالبيت ازقرهم انيس وخميس لما اتوهق ووحده منهم تيني
لانه لازم يوني ثنينتهم حتى اعرف منهو انيس ومنهو خميس







امال
او
انيس
حبوبة بشوشه لي يكلمها يرتاح لها اجتماعيه احسن وحده تدوس وتهمز
تعرف من اي تؤكل الكتف وخاصه وياي
اسلوبها هادي
خجولة نوعا ما
مع العشرة شفت البنات بالروضة والمدرسة وااايد يحبونها
شطورة بالمدرسة
تسمع الكلام مافيها عناد
كريمه لابعد الحدود
اعتبرها المظلومة






اماني
او
خميس
دايم تضرب بوز عنيده عناد اليهد
كله بتضارب واذا مالقت حد تضاربه تضاربت ويا عمرها
حسسسسساسه وايد لما اقول لها كلمة لا تصيح
تغمضني فمن جي من تصيح اراضيها
اسلوبها عنيف
بس بنفس الوقت حبوبة وطيبه ولما تشوف حد اكبر منها تحبه فوق راسه
اجتماعيه ويا الكل
طييييوبه كريمه للي تعرفهم
بالمدرسة الابلوات يحبونها لانها تعرف تدهن سيرهم ولانها بعد اجتماعيه
اعتبرها الظالم بس ويا اختها








هذي نسخة من الظالم والمظلوم
والمشكلة انها تضرب اختها وتتييي تصيح
المثل ينطبق عليها
ضربني وبكى
بس بنفس الوقت ما تحب حد يضرب اختها والا يقول لها كلمة
تروح تضاربه وتخمس فيهم الدنيا
حنونه مع اختها لما تبجي تحضنها وتمسح دمعتها الله عاطنها رحمة بقلبها








بحبون يلعبون مع بعض
بس خميس دوم هي لي تاخذ الافضلية بكل شي
اذا ركبت سيكل لازم خميس تدزها
ولما تبي تلعب بلي ستيشن هي تاخذ الجهاز الاول
لانه يمكن بطبع انيس مسالم وحبوب وماتهون عليه زعل اختها
يحبون يلعبون مع بعض
ولما وحدة منهم تشوفها تلعب مع بنت ثانية تروح لهم وتدز ويهها لمهم لازم انا ويا اختي









الله يعافي الجميع
من تمرض وحدة وتروح المستشفى لاي سبب كان غير الجروح
لازم تمرض الثانية
ويجيها نفس المرض
وينقلب البيت كأبه ما تلاقي حد يلعب وياه
انيس لما اختها تمرض دوم تيلس حذالها تجابلها
خميس لا
تسوي لها اكبر طااااف







ام خماس وام سلوم
صار الملبس واحد
وهالشي مو مني منهم
لازم اذا خذيت لوحده شي لازم تكون الثانية نفس اللون والشكل
والا استوت الضرابة واشتعلت الحرب
على من لي ياخذ اللون الحلو
من جي لما اروح اشتري لهم شي لازم يكون نفس اللون ونفس الشكل حتى ما اطيح بوهقه وياهم
من جي الغريب لما يشوفهم يمكن ما يفرق بينهم
بس مع العشرة وياهم
صار الموضوع عادي
الا بحالة وحدة
وهي لما تدخل لك وحدة منهم والثانية توها طالعه عنك
استوي
وخاصة خميس دومها تقص علي
ومرات تاخذ مالها ومال اختها
طالعه كلكشيه من لحين







يمكن الشي الحلو فيهم انهم مع بعض ومتحابين
وحتى لما يتضاربون ما يزعلون من بعض
مع انه لكل وحدة منهم سرير الا انهم يرقدون بسرير واحد
وما يهنى لهم الرقاد الا حذال بعض
المشكلة لما يبون يرقدون وياي
احط وحدة يمين ووحده يسار مو مشكلة بس الويه لازم يكون لمنو
واسمع الضرابة والحشرة الي ان تقتنع وحده منهم
المدرسة كانت تتوهق بالروضة فمن جي لزقت لهم الاسامي بالصدر
ويا ويل الابلة لو مالبسوا الاسامي
وبالمدرسة الابلة يلست وحده بطابور والثانية بطابور
لانه قايل لهم يحطونهم بصف واحد
حتى مايتعبون
ومايتعبوني








بالنهاية
يسلمون عليكم وان شاء الله بعد ما اكبر شيب
يكبرون ويزورونكم بالبرزة
ويشوفون اعمارهم
بعد عمر طويل
بس ما بيهم يطلعون مثل العيوز ولا ريلي داي
مع انه اغلب الصفات فيهم




وبالمرة اليليه بنعود للماضي بس حبيت اغير شوي






سبحان الله وبحمده

عدد خلقه - ورضا نفسه - وزنة عرشه - ومداد كلماته

رد مع اقتباس