شيخة البنات
๑ . . عضو مؤسس . . ๑
مساء الورد
وعيدكم مبااارك :ax:
حاسه بارهاق من حظكم فمن جيه ماقدر وايد اثرثر
اليوم العصر سويت لزانيا
انمااااا ايييييييييه
احلى لزانيا كلتها فحياتي >>>>> طبعا لانها من صنع ايديه هع
ملاحظه : اهم شي لنجاح اللزانيا هو : الروز ماري ( اكليل الجبل ) مجموعة اعشاب تعطي للزانيا النكهه الايطاليه المعروفه لهالاكله بالذات...بدونها تطلع مب لين هناك
وطبعا واكيييييد عند اللزانيا او المعكرونه بشكل عام لا بد من السلطه .... واحب السلطه المقطعه طوليا لهالنوعيه من الاكلات ...ولا تنسوا italian souce تعطي طعم مميز للسلطه شراتي انا يعني :ah:
اخر يوم فرمضان سويت بيتزا باطراف الجين لاول مره....وبصراحه طلعت روووعه حلو التغييير والشكل بعد وااايد مغري ...سويت النوعين بالجبن وبدونه ...وبخليكم مع الصور بدل الكلام اللي لا يودي ولا يجيييب :212:
وهالسويييت الله يسلمكم قبل العيد بيوم نشيت الظهر وكان خاااااااااااااطري فكيكة فيها جوكليت .... فدشيت المطبخ وجربت هالكيكه بكذا طبقه لاول مره بس الله يسلمكم ملتم شي نظيف في المطبخ ... لا خاشوقه لا صحن لا قالب كل شي كل شي استخدمه واقطه ...وادعي ربي اخلص كل شي قبل لا تدش امي المطبخ .... ومن خلصتها ودخلتها الثلاجه ...خذت لفه بنظري ع المطبخ وجااان انصدم .... :00eek: .... وقررت افر بجلدي من البيت بكبره ....شغلت السياره وضربت سلف ماشوفني الا في الصالون اعتني بويهي ههه واسوي فيشل سبشل لويهي الجميل عند وحده تايلنديه مع شوية مساج تايلندي ههههه اقول فسري مالومهم يوم يسيروا تايلند الشباب يسووا مساج هع هع هع :^^: ... من رديت البيت قبل المغرب ماتمت كلمه ماسبوني بها خخخخخ بسبة المطبخ :ah: بعدهم يقولوا البنات مايدشن ولا يطبخن ....كيف تبونا نتعلم دام هذا اسلوبكم ويانا ...وااااااااااااالله .... لبستهم وقمت اطالع ويهي الحلو المشرق بعد الفيشل والمساااج :
وهذا بعد سويس رول بالجوكليت امسوتنه من فتره ...هو حلو ويدتي عيبها وااايد... بس انا مب مقتنعه لهذيج الدرجه ... لانه كان تجربتي الاولى وعرفت شو اخطائي فيه والمره القادمه بيكون احلى طبعا .... بس قلت اعرضه لكم عادي انتو تاكلوا اي شي خخخ:
واخيرا حبيبي اللي انقطعت عنه من شهور شربته شوي عن فوادي مع اللزانيا :Afkr:
وبهيييك شييي نكون انتهينا من ملخص اكلات هالسبوع
عاد مايستوي تعطونا الوسام ع الفشوش
هع
وهذي نوف المساعد والداعم الاساسي لهواية الطبخ عند شوشو
تسلم عليكم وتقولكم : عطوني عيديه وتقول ل غناتي شو رايج بحناااي ؟ :^^:
تعبت >>>> الله يستر لو كنت مب تعبانه لوين بيوصل الموضوع خخ
شوشو