₪ ҉ ][ألــوان مـن حيـــاتــي][ ҉ ₪

أحلام · 15 سبتمبر 2010

[align=center]

أرثيك أبي

شقاوة طفلة بنت الخمسة أعوام ما إن رأتك غائباً عن الدار حتى أعلنت غيابها عن الذهاب إلى " الروضة " ذاك اليوم

وكالعادة وصلك موجز الأخبار

فتتصل بها من حيث أنت .. وتحدثها بصوتك الرجولي الأخاذ .. وتحذرها بكل حنان من انت تعيد فعلتها وتعاود الغياب

ولأنك أبي ... الذي أحب ... حرصت وفي كل تلك الأعوام الدراسية أن اتصل بك صباحاً لآخذ موافقتك على رغبتي في التغيب هذا اليوم وان عانيتُ الإغماء ... لم أكن لأغيب دون موافقتك ... لأني أحببت رضاك !

أرثيك أبي

يوم أن قررتُ وقرر خالي أخذي لزيارة باقي الإمارات .. أنا وتوأمتي ابنته راز ..

فأودعكَ على وعد باللقاء بعد ثلاثة أيام

فأقضي ذاك النهار في الضحك والابتسام وشقاوة الأطفال

ويأتي الليل وأنا في دار الثقافة أتوسد الفراش

فتغمض عيناي من كثرة الحركة واللعب طول النهار

ويصلني بعدها أنك يومها لم تغمض لك عيناك

لبعدي عنك !

رغبتكَ في المجيء لأخذي ذاك المساء

إن حدث يومها كنت سأبكي لرغبتي بالاستمتاع

لكني الآن أعلم معنى ما أردت وتمنيت لو أنك أتيتني لتحضنني

لأبقى يومها بقربك دون أن تبقى عيناك شوقاً ساهرتان

أرثيك أبي

........................
وماذا الآآآآآن !! ؟؟

أقف هنا عجزاً عن الكلام بعد أن اغرورقت العينان شوقاً وحباً وحاجةً لوجودك الآن

[/align]

أحلام · 1 أكتوبر 2010

وااا إحراجاه :cry:

أمسات طلعت البحر مع الربع

يلسنا وتعشينا وخلصنا

ونحن في الموتر إلا وأشوف الكلينكس وبقايا الأكل في ايدهم

أول ما خطر في بالي انهم بيفرونه ع الرمل

فطالعتهم باستنكار وقلت : لا يكون انتوا من اللي يعقون الوساخة أي مكان ؟:h_9admah:

كان الرد : طبعاً لا .. >>> مادري هو صج لا ولا بس بسبب اسلوب سؤالي اللي أكيد أكيد يحرج أي حد خلاهم يقولون لا:g_haa:

كيف ما بستنكر وأنا اللي طول عمري كنت أوني يعني من اللي يحافظون على البيئة ونظافتها

وما أذكر إني كنت أعق الوصاخة إلا في مكانه .. إلا يوم واحد :Faces:

عمري ما بنسى ذاك اليوم :a050:

كان الوالد موقف عند الجمعية

نزلت أنا وخواتي وتشرينا

وبطبعي من أخلص حاجاتي .. أخوّن باللي معاي وأسير أحاسب وأطلع أيلس في الموتر ليما يخلصون:eh_s(6):

عاد ركبت الموتر ... وعطيت لأبوي قيتامين سي ... ( كانت عادة فيني أتشرى له فيتامين سي كل ما نزلت للجمعية بما إنه يتريانا في الموتر .. ولو مرة نسيت .. يقول بمزاح .. هييييه صرتي بخيله وما شريتي لي شي ... أيااااااااااااااااااام:21: )

المهم وجان أشرب لي عصير راني طماط اللي أتخبل عليه وما أحصله إلا في مكان واحد ... ومن خلصت ... استغفر الله مادري شو ياني وخلاني أعق القوطي من الدريشة .. :wat:

كيف عقيته وربي مادري

ثواني

ثواني بس إلا وأشوف حذال الدريشة واحد واقف ويناظرني من ورى المخفي

نزل وشل قوطي العصير ... وقف وعطاني آخر نظرة ... وسار

كان عامل النظافة اللي ينظفون الشوارع ويلمون القراطيس المرمية

وربي انحرجت واستحيت على عمري:050103hm_

نظرته لي والله ما انساها ... مع إنه ما شافني لأن الدريشة عليها مخفي ... بس والله نظرته غير شكل ... وكأنه كان خاطره يشنقني ...

وتميت طول الدرب عقبها ساكتة على غير العادة وهادية هدوء ملائكي حتى هلي استغربوا

تميت طول اليوم أتلوم فيه :212:

وأقول في خاطري ... طول عمري ما أعق شي ... وهالمرة يوم عقيت ما حصلت أعق إلا في مكان فيه عامل النظافة اللي أكيد توه منظف المكان:006:

مستوي لي شرات معلماتي قبل ..ما يشيكون ع الواجب إلا يوم أكون ناسية الدفتر في البيت ..:1577_1186768770:

موقف ما أنساه .. وما أتمناه يصير لحد .. لأنه إحراج ما بعده إحراج ممزوج بلوم وعتب للنفس :h_eheehe:

والواحد منا مب لازم يمر بهالموقف عسب يلتزم التزام كلي نابع من خاطره على إنه يساهم في مساعدة هالمساكين اللي تحت الشمس وفي البرد وفي كل الظروف المناخية يمشون ويلمون الوصاخة وينظفون بلادنا نحن

بس نحط في بالنا إن إسلامنا يوجب علينا هالشي ... وثانيا هذا بلادنا

واللي يعق الوصاخة ياااااااااااااا رب يمر بهالموقف عسب يحرم يعق شي مرة ثانية

io:... عيل بس أنا انحط في هالمواقف :a050: ...

*****

خارج المدونة .. سلامن كبير لـ بطة :ax:.. واتريي صورة قطوتي وي راسج .. بحطها من تكبر وتحلو .. ألحين بعدها صغيرة وزعيفونة وما تطلع حلوة بالصورة .. عليها خقة أعوذ بالله منه .. يلستها يلسة أميرات .. مب شرات القطوة الخريشة اللي حاطتنها في مدونتج .. :bad:

:122:

₪ ҉ ][ألــوان مـن حيـــاتــي][ ҉ ₪

أحلام

๑ . .شخصية هامة . . ๑

أحلام

๑ . .شخصية هامة . . ๑

نحن نقدر خصوصيتك