• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

تعرفت عليها بالصدفه

  • بادئ الموضوع тσƒυ
  • تاريخ البدء
  • الردود: الردود 2
  • المشاهدات: المشاهدات 9K

тσƒυ

๑ . . حبوب البرزة . . ๑
التسجيل
25 أبريل 2012
رقم العضوية
14466
المشاركات
133
مستوى التفاعل
17
الجنس
السلام عليكم ورحمة الله وبركاته

هذي قصتي ويا ربيعتي اللي تعرفت عليها بالصدفه
يوم كنت صغيره كنت العب ويا ربيعتي بالطفووله وهي عندي هني بالجامعه
كنت يوم انش الصبح اتغسل وجي وع طوول اسير بيتهم العب وياها لين العصر
فامي كانت تتفشل مني لانها كانت تقوول:
بس خلاص لا تسيرين عندهم وقت الغدا شو بقولون عنا
وانا كنت اعاند وواسير العب عندها وعقب يت امي بيتهم وقالت لامها
سامحيني الغاليه ع دفاشه بنتي
مره ثانيه ما بخليها تيي عندكم بهالوقت وعقب خذتني عندها وانا اصيح لاني ما بغييت ارجع بيتنا
المهم دخلت بيتنا وكنت اصييح وكنت ما اكلم امي
وعقب دخل ابوي وقال:ليش تصيحين وانا سرت وما رديت له
وسار عند امي وسالها وامي قالت له ع الموضوع
وعقب الغدا ابوي يا عندي وقال:الملسونه (اللي هي انا جي كانوا يلقبوني يوم صغيره)
سمعت انج تكونين صداقات و صار عندج ربيعه تسيرين حقها
وعقب قلت حقه هيه وهي طيبه وتحب تلعب عندي واااايد
ضحك ابوي وقال حقي :سيري عندها الحين وانا ما بخبر امج (هع ابوي طلع يتستر علي )
وانا عطوول لبست نعالي وطلعت ودقيت جرس بيتهم وطلعت هي تقوول حقي :ليش ييتي امج بتنازعج
عقب قطعت كلامها وقلت حقها:ابوي قالي ايي العب عندج
هههههههههه كنا نلعب ونسولف وكانت تيي بيتنا وتمينا على ه الحاله شهر
ويوم كنت سايره الجمعه عسب العب وياها شفت سياره كبيره يحطون فيها اغراضهم
ويوم دخلت بيتهم شفت امها وسالتها شو تسووون
قالت حقي :بننتقل بنسير بيتنا لان ه البيت ماجرينه لين ما يخلص بيتهم
وقالت حقي بتشووفين عبقوور داخل الغرفه (هذا كان دلعها لانها كانت تحب تشووف الرسووم المتحركه عبقووور)
ودخلت وشفتها قاعده وسالتها ليش ما خبرتيني انج بتسيرين
قالت حقي لاني ادري انج بتمين بيتنا وعقب بتيي امج بتظربج وبتاخذج عني ونعم الصديق والله كانت تحاتيني
المهم عقب يا ابوي وسلم على ابوها وجي وكان يسولفون وانا ما افهم شو يقووولون
المهم رتبوا اموورهم وجي وانا ما كنت اركز الا لعبقوور عقب دخلت السياره وراحت
وانا كنت اصيح عقب ابوي قال :صبري يمكن ينتقل حد لهالبيت وبتتعرفين ع البنت بالصدفه
كنت كله اطلع برع واتريا اشووف حد يسكن ه البيت
تميت على ه الحاله شهر وعقب مليت
بس يوم الاربعاء يوم انا كنت راده من المدرسه سمعت امي تقوول لربيعتها ان في حد بيسكن البيت
انا على طوول سرت عند ابووي وخبرته وقالي:صبري شوي لين ما ينتقلوون ولا تسيرين عندهم خليهم اسبووعين عقب سيري
مر اسبووعين وعقب امي طلعت تسلم عليهم وانا رزيت عمري وياها
يوم دخلت شفت بنتين واثنيناتهم اكبر عني بكم سنه بس اكبر وحده شدت انتباهي لانها تبتسم وااايد
وقررت اصادقها وكلما بغت امي اطرش اكل وجي كنت اخذه عطوول عندهم وهي كانت تفتح الباب تاخذه وتدخل
انا زعلت ع بالي ما تحبني وكنت احاول اتعرف عليها وما قدرت بس في يووم كنت العب حذال بيتها ودخلت الكووره بيتهم
عقب انا كنت اصارخ حذال بيتهم عسب ابي الكووره طلعت وقالت حقي انتي حشره شو تبين
قلت ابا الكووره مالي عندكم بالبيت دخلت ويابت حقي الكوره انا سالتها :تبين تلعبين عندي؟>>بدايه تعارف
وقالت حقي :هي ابا طبعا انا صرت جي
وكنت اسير بيتهم واااايد وكنت ادل بيتهم عدل شرات الدليل السياحي
بما ان بدينا نكبر وقمنا نركز ع الدراسه وبدينا نفترق شوي شوي
بس كنت اسير بيتهم بالمناسبات عسب اسلم عليها واختها

وسبحان الله يا هذا اليوووم وخذا مني بنت شرات اختي وربيعتي
 

اسيل السعوديه

๑ . . شخصية هامة . . ๑
التسجيل
4 يوليو 2010
رقم العضوية
12319
المشاركات
11,827
مستوى التفاعل
1,570
الجنس
الإقامة
ديرتي نجد يابعدحيي
مقدر ومكتوب يآاختـــي ..وربنا يصبرك ويعينــــك ...


.. والله يارب كمآ جمعتهم بالدنيا ان يجمعهم بالآخره .. ياااارب


ونحن معآكم باعلى الجنـــــــــــآن .. وصديقتك محتاااجه دعاء الان .. او حاولي تصدقين عنك وعنها .. ربنا يرحم الجميع ..


وكلنا راحلــــــــــــــــــون ...:a050: الى باذن الله جنات لاضيق فيها ولا هم ولا غم ...
 
التعديل الأخير:

بنــــي لصــــم

๑ . . عضو مشارك . . ๑
التسجيل
29 يناير 2010
رقم العضوية
11552
المشاركات
165
مستوى التفاعل
24
الجنس
الإقامة
مـإأآيخصكمـ
والله سوااالف استمتعنا بقصتج اختي
 
عودة
أعلى