• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

مــــــن لي الآن

الوفية_الوافية

๑ . . عضو بقراطيسة . . ๑
التسجيل
28 يوليو 2004
رقم العضوية
2038
المشاركات
20
مستوى التفاعل
0
العمر
42
الجنس
الإقامة
في قلب أمي الحنون
سعود يجري اتصال هاتفي
سعود: انت يا هيه
زياد: وش تبي يا هوه
سعود: كلمتها
زياد: نصاب !!!!!!!!!!
سعود: تدري يالله يالله انا باروووح مشغول ياخوي وش تبي بكيفي ما ابي اكمل يوه
زياد: هد السرعة شوي رح انا ما ابي اسمع الله لا يردك الحين بادق عليها وآخذ السالفة من طقطق الى السلام عليكم
سعود: انت ما تلاحظ انك ذاب وجهك شوي؟؟؟؟؟؟؟؟؟؟؟؟؟؟
زياد: بالله لو سمحت انا مشغوووول ممكن تدق علي وقت ثاني ؟
سعود: أقووول اعقل لا تخليني اجي اكوفنك الحين
زياد: ياماما يابابا ابي ابوي ابي امي ابي زوجي وينك يابوباي والا باتمان اي واحد من الشلة
سعود: اذا انت رجال قابلني الحين اصلا الموضوع زاد عن حده
زياد: تدري وش صار لي من الخوف . اغمن عليا اغمن عليا اغمن عليا اغمن عليا
سعود: يا ثقل دمك
زياد: اعترف حركتي عجبتك صح؟
سعود: ورطتني الله يرجك
زياد:طيب وش ناوي تسوي.؟
سعود: باكلم خويها الحيوان
زياد: وش بتقوووووله؟


نرجع حق محور حديثنا


قبل لا نرجع

انا اشكر كل اللي تابعوا القصة وابي اقووولهم

ان القصة والله كانت ارتجال مافي اي تحضير ولاشي

امسك الكيبورد وادهر عموما اشكركم مرة ثانية واتمنى الجزء هذا يعجبكم ولو اني اتوقع انه

طويل حبتين كل الشكر لكم مر أخرى

بس لتمنى ردودكم تحتوي على انطباعكم عن الاسلوب

العيوب ورأيكم بشخصيات القصة


نرجع حق محور حديثنا


زياد: انت مانتب صاحي
سعود: ادري والا ما كان ماشيتك
زياد: لا والله انت من جد مهبووووول
سعود: ليه ؟؟؟؟؟
زياد: لا انت ابوووها ولا امها ولا احد يقربلها وش دخلك .؟؟
سعود: ياخوي انا بانصحه
زياد: بصفتك ايش؟
سعود: دكتورها
زياد: دكتورها ما يعطيك الحق انك تتدخل بامورها الشخصية
سعود: اجل وش اسوي؟
زياد: خلها تسنع اموووورها بنفسها
سعود: ياخوووي البنت مسيكينة ما تقدر تسوي شي
زياد: مو مشكلتك هي حره
سعود: طيب يالله انقلع
زياد: ياخوووي انت العناد وراك وراك



المهم الحبيب يبي يخربها

ومن بكرة يجي اتصال من رنا <<<<<<<<<<< تصدقوا والله نسيت اسمها


المهم

رنا: سلاااااااام
سعود: سلامين ازايك؟
رنا: ماشي الحال يامعلم
سعود: ههههههههههههه
رنا : جعلها دوم
سعود: ايه هيا اللي دوووم ديه
رنا:الضحكه
سعود:ضحكة ايه ديه
رنا: اقووول وش فيك انت
سعود: لا معليش حبيت اصير صعيدي جد
رنا: هههههههههه مالت عليكم صعايده اغبياء
سعود: حطخك بالمليان هههه
رنا: طيب خلنا نرجع سعوديين
سعود:طيب وش رايك باللبنانيين
رنا: لا ما اطيقهم
سعود: مي از ويل
رنا: يا عيني على الانجلش
سعود: اسمعي رنا انا ابيكي من جد بموضوع خطير
رنا : خطير خطير خطير والا خطير
سعود:لا من جد انا ابي اكلم ...
رنا: الله يخليك انسى
سعود: خليني اكمل
رنا : لا انا ادري انك بتقولي ابي اكلمه من اول
سعود: خليني طيب اشرح وجهة نظري
رنا : ارجوووك لا
سعود: ليه طيب؟
رنا:بعدين اقوووولك
سعود: وليه مو الحين
رنا: سعود انا الحين عايشه شي انحرمت منه سنين
سعود: اللي هو ؟
رنا: الامان الانوثة انت باهتمامك فيني تحسسني اني انثى
سعود: ما فهمت
رنا: انت لا تحسب اني زعلت يوم قلت انك تبي تكلمه انا من جد
فرحت لاني تأكدت انك خايف علي ويهمك امري وانا ابي اشكرك
على كل اللي حسستني اياه بهذي المدة صدقني انا محرووومة من اشياء
كثيرة ولقيتها باهتمامك فيني
سعود: رنا انا مو قصدي اني علاقتنا راح تتميز بـطابع حـ......
رنا:لا لا لا الله يخليك لا تفهمني غلط انا ما ابي الا اللي انت تبي تعطيني
سعود: انامو قصدي انك ما تعنين لي شي بس ....
رنا : خلينا نغير الموضوع لاني فرحانه بصوتك ما ابي اضيع الوقت بالسوالف هذي
سعود: ها وش ناوية تسوين اليوم ؟
رنا : باروووح اتسوق
سعود: ليه ناقصك شي تبين تشترينه
رنا: لا بس طفشانه ابي اطلع
سعود: طيب ممكن سؤال رنا ؟
رنا : اكيد
سعود: ممكن اعرف اذا عندك خوال او عمان ؟
رنا: ابوي وحيد ابوه وامه امي الله يرحمها
كان عندها اخت توفت قبل سبع سنوات
سعود: ما عندها عيال ؟
رنا : عندها بنت كبيرة مره يمكن توصل الاربعين
سعود: طيب وش رايك تزورينها اليوم
رنا : لا صعبة
سعود: ليش؟
رنا : ما اعرفها ولا بيننا اي اتصال ولا شي
سعود: طيب عادي صلة الرحم ترى مهمة للتكوين النفساني للانسان
اضافة الا انها دينيا من الواجبات
رنا: لا ياخي مااقدر
سعود: طيب اذا قلت بليييييييييييييييز
رنا: والله صعبة
سعود: يالله علشاني
رنا : طيب انا ما اعرف رقمهم
سعود: روحيلهم من غير اتصال
رنا: ههههههه انت مجنون
سعود: لحظه هي عندها عيال ؟
رنا : ايه
سعود: خذي لهم هدايا معك واعتذري منها وقلي لها الحق لك وانك كنتي مقصرة
بس من اليوم صفحة جديدة وانك انتي بمقام اختها الصغيرة ومن ذا الكلام
رنا: اروووح بس بشرط .
سعود: وش هو؟
رنا: انتي اللي تختار الهدايا .
سعود: هههههه اوكي



ويختار الهدايا وتروح تشتريها

وتتوجه الى بيت بنت خالتها








ويدق سعود على زياد




زياد: هاه يا عنتر بن شداد
سعود: ياخووووي البنت هذي والله تحفة
زياد: قال ايش قال ضد الحب
سعود:ياخوووي انا اكلمك من جد واللله البنت مسكينة
زياد: تنحب؟؟؟؟؟؟؟؟
سعود: الصدق والله تنحب




غريزة الانسان ما يقدر يتحكم بمشاعره هو يقدر يتصنع الثقل
يتصنع الكره ولكن ما يقدر يبرمج مشاعره على اللي هو يبغاه
هي مبرمجه على اللي هي تبغاه



المهم



اتصال

رنا: يالله لو تدري وش اللي صار
سعود: وش اللي صار ؟
رنا: انت والله رهيب
سعود: ادري بس وش اللي صار
رنا : طاروا فيني ما يعرفون وش يسوون وش يبقون
سعود: بالله عليكي
رنا: والله قعدت بنت خلتي تصيح وتذكر امي وتقول انتي بنت الغالية
وتوريني صور وتحكيلي قصصها مع امي وتقولي اني كنت دايم ببالها
وكم مرة دقت علي وما تلقاني وتخاف من ابوي لا يدري لانه ما يطيقهم
سعود: ممتاز

رنا: والله ناس مره حبوبين لحظه سعود لو سمحت


وتغيب رنا ثواني وترجع


رنا : الو
سعود: شكلك مشغوووولة
رنا : لا بس انا بطريق الامير عبدالله بهارديز وقلت للسواق وش يطلب
سعود: بالعافية .
رنا : على قلبك يارب
سعود: ايوه كملي
رنا : والله انت صراحه سويتلي خدمة كبيييييره وينك من زمان ياخوي
سعود: انا شمعة تحترق لتضىء طريق الاخرين
رنا : لا ياشيـ....



وقبل لا تكمل جملتها صوت قوي وينقطع الاتصال



ويدق سعود الجوال مقفل


وسعود حاس ان في شي




ويروح سعود صاروخ الى طريق الامير عبدالله



هارديز








حادث مروي


تشجع



















تفحيط














































حادث










































وفاة فتاة كانت في سيارة بالمواقف



















































كل ما خطر على سعود الحلم الذي ضل يراوده من صغره
امه تحمل ثلاثة ورود وردتان بيضاء ووردة حمراء
هل كانت رنا الوردة الاخيرة؟؟؟؟؟؟
انتهى
 

بحر الشوق

๑ . . عضو محترف . . ๑
التسجيل
14 ديسمبر 2002
رقم العضوية
33
المشاركات
660
مستوى التفاعل
2
الجنس
الإقامة
RAK
الموقع الالكتروني
مشاركة: مــــــن لي الآن

مــــشكوره على القصه

بحر الشوق

ملاحظه:

الـــسموحه على التأخير
 
عودة
أعلى