• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

#خوله وناصر قصه حب حقيقه ((في دبي))#

غزالة الجبال

๑ . . إدارية. . ๑
التسجيل
15 يوليو 2004
رقم العضوية
2007
المشاركات
56,666
مستوى التفاعل
1,834
الجنس
الإقامة
RAK
alshohooh-21_5_2006-1148234810.gif


w6w_20060324092442a8ea6f1b.gif


خوله وناصر ..قصه حب حقيقه ((في دبي))

هذي قصه قريته وعجبتني وايد وحبيت أنقلها لكم

يوم الخميس الذي كان يمثل يوم عام لزوار القرية العالمية , دخل ناصر واصدقائه القرية فقال سيف : أقولكم تراني ما روم امشي من اليوع مشو بسرعة طوفو جدامي خلونا ناكل لقمة
يرد نا صر وهو مبقق عيونه : ما شاء الله عليك ما تشبع انت..دومك يوعان .. وعلى قولتك اسوي ريجيم
محمد وهو يضحك :أي ريجيم ..... خل يحمد ربه انه رام يلبس الجينز (طبعا الشباب متجنزين عسب بيلعبون في الالعاب)
---خلونا نتمشى في القرية شوي----
في القرية المصرية:-
سارة: أمي بسرعة عاد تراني مليت
آلام : صبري ... شوفي الجلابيب شو حلاااااااااتهن
سارة وهي تافف:أمايا انتي ما تشبعين من الجلابيب عيل هاذيل اللي بالترولي حق منو شاريتنهم حشى مب درزن نحن
آلام: حسبي يالله على ابليسج لي انا ولكم انتو ولبنات خالوتج وحليلهم ........ شوفي شوفي شحلات الجلابيب اللي بها المحل
سارة : لاحووووووووول...............سارت الام صوب المحل وخلت سارة تحرطم.......
أسما : هه هه هه هه ساروه امي وينها؟
سارة : دوج دوج الماي عن تطيحين علينا
حصة: وحليلها ها كله من السوري ... اقولج ما شفتيها وهي تكاسر الريال خسرته 50 درهم ههههههههههههههه
أسما : عيل اخليه الهرم يقص عليي......... المهم ما قلتي لي امي وينها؟
سارة: امج ..... طايحة في ها الجلابيب ... الناس يتطورون ونحن بعدنا على الجلابية.
حصة: صدقج الكل قام يلبس قمصان نوم ونحن على نياتنا
أسما (طبعا هي معرسة):عيب عليكن .....خلو القمصان هذي لرياييلكن مب احين تلبسونهن
سارة: سيري سيري عند اماية انتي شراتها تراج معرسة وخالصة
اسما وحصة يضحكون على رمسة سارة

-----نسير صوب المطاعم----
محمد :هاه سيف ترست كرشتك ولا؟
سيف: الحمد لله ياخوي ... اااااااااه احين ارتحت
محمد: صدق الله يعين اللي بتاخذها
ناصر : لا يا حمود حلات سيف وهو مدبب جي
ويلسو يتضحكون .......... وياهم الجرسون وخذ منهم الحساب ونشو الشباب يتحوطون

وهم ماشين طاحت عين سيف على الكنافة وقال لهم شرايكم نحلي
محمد: اف منك محد يروم يظهر وياك ........... حشى درام مب بطن
سيف: الله واكبر .. مب يالسلا اكل على حسابك انا( وهو مغيظ)
ناصر: حوووو انتو بس عاد فظحتونا ..... بعدين ترا كله ولا سيف مع انه اسمه ما يليق عليه ههههههههههههه
طوفوا يلسوا على الطاولة وانا عازمنكم
سيف وهو شاق الحلج: هيه هاذيل الربع ولا بلاش والنعم بو نويصر
وسار نا صر عسب يطلب

الام: اقول يا بنيات خل نيلس مكان تراني تعبت
سارة: هيه انا بقول لكم ..... سارة الحلوة عازمتنكم على صحن كنافة ((انما ايييييييييييه))
اسما وهي ميودة بطنها: كنافة يا الزطية يلا ما علي مقبولة
سارة : بس بس مب احين العشا عقب عقب
الام: سيري اماية سيري اطلبي
سارت سارة واسما تفكر انه الناس يحلون عقب العشا مب قبله......... المهم سارت سارة ووقفت شوي بعيد عن ناصر
ناصر شاف سارة وقام رد ورا عسب تتجدم هي
ففهمت سارة وتجدمت وقالت في نفسها ((صدق انه ولد اصول))
البايع: اهلين نورتي بطلتك ... اامريني
سارة: لو سمحت بغيت 3 كنافة وصحن بسبوسة
البياع:ايه على راسي .. تفضلي لمحللك وراح اجيب لك احلى صحن كنافة
سارة: والحساب
البياع: 40 وكرمال عيونك 35........وسارة وهي تطلع البيزات جان يطيح شي من بوكها لكنها ما انتبهت عطته البيزات وردت مكانها
ناصر وهو يبا يطلب ..تذكر.. شاف شي طاح من شنطتها .. نزل ولقطه...واول ما يشوف اللي بيده...يتيبس مكانه من اللي شافه .. ويه ولا ويه القمر
عيون ولا عيون المها .. تم مبحلق بالصورة..... فجاة البياع: خيو ... بتأمر على شي تاني؟
ناصر: لا سلامتك ويعطيه الحساب ويشل الصحن ........... وهو يمشي يفكر بالصورة يردها ولا لا؟
حط الصحن على الطاولة وسأل محمد : عيل وينه الدب؟
محمد: سار يسلم على قوم خالته ........... وما ان يصد ناصرصوب الطاولة اللي كان عندها سيف الا يلمح البنت المتغشية
وقال في نفسه : اوووووووه الحمد لله زين اني ما سرت ولا وين بودي ويهي من سيف !
قطع حبل افكاره محمد : نصور بلاك ما تاكل مممممممم وايد لذيذة الكنافة
ناصر: لا بس اتريا سيف ويضحك محمد ويقول له : ما عندك سالفة
رد سيف... وتم محمد يغايظه ونا صر يضحك بس مو من قلبه لان كل باله عند الغزال اللي شافها

------خلونا نظهر من القرية-----


في بيت حارب
حارب: حطي حواطة اليوم اسما ونسيتي ريلج
اسما : ما عاش اللي ينساك ... في وحدة تنسى ريلها الغالي
خولة: بس بس بعدين تغزلو .... هاه اسما خبريني طبعتو صورتي على الميدالية؟
اسما وهي خايفة ومرتبكة : منو؟؟
خولة: سارة اختج تراني عطيتها صورتي اليوم بالمدرسة وقلت لها خل تطبع لي اياها على الميدالية
اسما : ما ادري بها بس ما علي باجر ان شاء الله بتصل بها
وتنش اسما ..... وتسير الحجرة وتتصل بسارة
اسما: حسبي يالله عليج يا ساروووه احين شقول حق خولة انا
سارة : واللي يسلمج لا تزيديني هم روحي مب ناقصة ما اعرف شقول لها يوم السبت
اسما:عيل انا شقول اللي اخوها ريلي؟!!!
سارة: لا تحاتين عندج صورتها عطيني اياها وبسير باجر ويا ابويه القرية وبطبع لها هناك
اسما: لا بعد تبين صورتها عسب تضيعينها المهم خلاص باجر ونتي سايرة مري عليي وبعطيج اياها
سارة: فديت اختي اللي وياي على الخط
اسما: بس جب يا الله سيري ذاكري وسلمي على امايه
وتسكر اسما عن سارة
-------في حجرة ناصر------
ناصر وهو منسدح على بطنه... ويطالع الصورة ويجرب الصورة من عيونه اكثر وينجلب على ظهره
ويقول ااااااااااااه لو بس اعرف منو انتي
وتم على ها الحالة اسبوع كامل ..... حس انه بدا يحس بمشاعر حلوة بمشاعر اول مرة يحس بها ... تم يفكر شو يسو كيف بيتعرف عليها
بس فجاة ترن.. ترن .. ترن رن موبايله
محمد : مرحبا
ناصر: يا مرحبا الساع ... هلا والله ببوجاسم
محمد: شحالك يا القاطع
ناصر: حالي........ آآآآآآآآآآآه من حالي انا
محمد:لالالالالا من متى يا الكتوم
ناصر: محمد دخيلك ساعدني تراني تعباااااان
محمد( حس انه السالفة صدق وخطيرة بعد):انت تامر يا الغالي
ناصر قال له السالفة كللللللللللللها
محمد: والله شقول لك ...... بس انت يمكن انعجبت بها
ناصر :الا قول انجذبت لها قول تعلقت بها ........ يا ريال اباها
محمد:انت متاكد من اللي تقوله... بعدين تعال انت ما تعرف اسم البنت ولا منو هي
ناصر : هي بنت خالة سيف
محمد: منو قال لك ... نحن شدرانا انه البنات اللي كانو ويا سيف هن بنات خالته.... ولا تنسى انه حاط عينه على بنت من بنات خالته
ناصر:خلاص اتصل بسيف واتاكد
محمد:لالالالا انت شو تقول ....اصبرويصير خير خلنا نتاكد اول
ناصر: انا مليت من الصبر الا الصبر مل مني
فجاة ... ناصر: حمووووووووووووووووووووود
محمد: شوي شوي ........ صمغتني
ناصروهو مستانس: حمود ددد ددد د اسمها خولة بنت فلان الفلاني
محمد وهو فاج حلجه : صدق انه عصر السرعة ..... ولا جاسك شي اللهم سكنهم مساكنهم
ناصر: جب .... هو اصلا مكتوب ورا الصورة
محمد: عاد اسبوع ما ادري اكثر عندك الصورة وتوك تعرف انه اسمها مكتوب ورا الصورة
ناصروهوينسدح والصورة بايده: من حلاتها ما ياه ببالي اني اجلب الصورة
محمد: هههههههههههههههه وحليلك بديت تحب
ناصر : الااموت بها .... حمود لواني غالي عليك اسال حرمتك عنها
محمد: خلاص تم كم من نصور عندنا يلا في امان الله
ناصر: واللي يسلمك لا تبطي
-------يتصل محمد بهنادي اللي مالج عليها------
هنادي وهي ناشة من الرقاد: الو.......... غصب طلعت منها
محمد: السلا م عليكم
هنادي وهي تحج عيونها وتتثاوب :اهلين
محمد: وايد عليج ..... المهم هذا وانا قايل لج لا ترقدين لاني بتصل
هنادي: حبيبي لاني كنت تعبانة تعرف المدرسة وبلاويها
محمد: مسموحة حبي وسلامتج من التعب......... المهم فتحي وياي عدل لاني بقولج شي خطيييييييييير
تفز هنادي من مكانها: كلي آذان صاغية
محمد خبرها كللللللللللللل السالفة
طار النوم من عيون هنادي : انت متاكد من الاسم
محمد:هيه متاكد
هنادي وهي متضايجة: انزين ما قال لك شقايل شكل البنت
محمد: ممممم اللي اعرفه انه سحرته من اول نظرة .....هيه وصفها لي بس نسيت
هنادي وهي تافف: اسميك انا بوادي وانت بوادي بس اصبر شوي
ويا بت صورة عندها........ وتمت توصف له
محمد: هيه هذي مواصفاتها........ هنودة تعرفينها؟؟
هنادي وهي مترددة:أأ.... ما اعرف ... ما اعرفها .....لالالا ما أعرفها
محمد وهو رافع حياته:هنودة حبيبتي بلاج؟!!!!!!!
هنادي: لالالا ما بلاني بس .......
محمد: بس شو ؟؟ رمسي ما باكلج
هنادي:هي ربيعتي الروح بالروح
محمد وهو مو مصدق: صدق ............. فديتج انا
هنادي: بس حمادة قول له ما يسوي شي بالصورة خله يعطيك اياها واللي يسلمك
محمد:لا حياتي لا تحاتين ادري بج خايفة عليها بس صدقيني نا صر ما عنده ها السوالف ريال يعرف الاصول
هنادي : الحمد لله ريحتني
وتم محمد ويا هنادي ........لييييين ما وصل له مسج من اللي يتريا على نار ناصر
سكر محمد عن هنادي وعلى طول اتصل بناصر
ناصر: وينك يا ريال
محمد: ماشي كنت اخبرها السالفة وبعدين لا تنسى يعني خذتنا السوالف شوي
ناصر : شوي !!!!! المهم بطوفها لك هاه بشرني شوه تعرفها ولا لا
محمد: لا
ناصر : احلف
محمد: هيه
ناصر: حموووود لا تلعب باعصابي قول لي الصدق
محمد: بخبرك بس تعزمني على العشا باجر في ميركاتو
ناصر: موافق حتى لو ببرج العرب انت بس ريحني
محمد: البنت الله يسلمك اسمها خولة بنت فلان الفلاني وهي بثالث ثانوي يعني 18 سنة وهي عايشة عند اخوهاالعود والاحلى من جي انها ربيعة حرمتي الروح بالروح ولا مب محيرة لحد واحمد ربك انك ما اتصلت بسسيف ولا جان طحت من عينه
ناصر وهو يحس انه بيوصل السما السابعة من الوناسة مو مصدق اللي يالس يسمعه عرف كل شي عن الغزالة اللي شافها ومب باجي الا يصيدها
:: بو جاسم , سمعني انا من باجر ان شاء الله بسير عند اخوها وبخطبها بتيي ويا ي حياك الله
محمد: هههههههههههه اثقل يا ريال فكر بالموضوع وشاور هلك والخطبة لاحقين عليها
وبعدين تعال عزيمتي ؟؟
ناصر: صدقني لو بايدي جان عشيتك بكل المطاعم اللي بالعالم يا الغالي .... والنعم فيك
وخذتهم السوالف شوي ................ وبعدين سكر نا صر عن محمد
وقام نا صر وصلى ركعتين شكر لربه



اتمنى ان القصه ما اتكون مكرره .. ^_^


تابعوا معي بقيه الاحداث.

:m_razfah:

م.






(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )


 
التعديل الأخير بواسطة المشرف:

السـ2004ـاهر

๑ . . عضو قيادي . . ๑
التسجيل
30 ديسمبر 2003
رقم العضوية
1012
المشاركات
5,801
مستوى التفاعل
19
الجنس
الإقامة
الإمارات
رد : #خوله وناصر قصه حب حقيقه ((في دبي))#

تسلمين غزوووووووووووولة على هاااااااااااااااي القصة.....



والله لاااااااااااااااا هااااااااااانج...



والسموووووووووووووووووووحة
 

أسما

๑ . . عضو نشيط . . ๑
التسجيل
3 فبراير 2006
رقم العضوية
4589
المشاركات
336
مستوى التفاعل
0
الجنس
رد : #خوله وناصر قصه حب حقيقه ((في دبي))#

يسلموووووووو على القصة
 

غزالة الجبال

๑ . . إدارية. . ๑
التسجيل
15 يوليو 2004
رقم العضوية
2007
المشاركات
56,666
مستوى التفاعل
1,834
الجنس
الإقامة
RAK
رد : #خوله وناصر قصه حب حقيقه ((في دبي))#



w6w_20060324092442a8ea6f1b.gif



ياامرحباااااااابك مليون اخوي الساهر

شاكره لك هالتواصل الطيب ولا عدمناك .

^_^




(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )


 

راعي مزاج وكيف

๑ . . عضو ماسي . . ๑
التسجيل
5 فبراير 2005
رقم العضوية
3070
المشاركات
1,387
مستوى التفاعل
7
الجنس
الإقامة
دار العز والكـــرم الإمارات
الموقع الالكتروني
رد : #خوله وناصر قصه حب حقيقه ((في دبي))#

والله حيا

مشكوره قصه حلوه الصراحه ولا تحرمينا من مواضيعج
 

غزالة الجبال

๑ . . إدارية. . ๑
التسجيل
15 يوليو 2004
رقم العضوية
2007
المشاركات
56,666
مستوى التفاعل
1,834
الجنس
الإقامة
RAK
رد : #خوله وناصر قصه حب حقيقه ((في دبي))#



w6w_20060324092442a8ea6f1b.gif



ياامرحبااااا الساع

حياا الله اسووووووووومتي

شااكره لج هالطله ولا عدمناااج ^_^



(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )


 

غزالة الجبال

๑ . . إدارية. . ๑
التسجيل
15 يوليو 2004
رقم العضوية
2007
المشاركات
56,666
مستوى التفاعل
1,834
الجنس
الإقامة
RAK
رد : #خوله وناصر قصه حب حقيقه ((في دبي))#



w6w_20060324092442a8ea6f1b.gif



الشحي2222

شاااكره لك هالطله ولاحرمنااا هالتواجد يالطيب ^_^



(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )


 

غزالة الجبال

๑ . . إدارية. . ๑
التسجيل
15 يوليو 2004
رقم العضوية
2007
المشاركات
56,666
مستوى التفاعل
1,834
الجنس
الإقامة
RAK
رد : #خوله وناصر قصه حب حقيقه ((في دبي))#



w6w_20060324092442a8ea6f1b.gif



ياامرحبا الساع ^_^

نكمل القصه ..

---------في ميركاتو-------
محمد وناصر يتحوطون في ميركاتو
وخولة واسما وهنادي وخلود بعد كانو هناك
هنادي: يا ويلي ... بنذبح اليوم .... خولوه خشيني وراج
خولة : بلاج..... منو اللي بيذبحج؟؟
هنادي: شوفي هناك .. وتأشر ...
خولة اول ما صدت ... عيونها صارت جي @__@ شافت واحد.... لابس كندورة بنية(اوبيج) .. ونافخ صدره .. ومثبت رقبته عدل عسب الغترة ما تخترب والعقال منسدل بطربوشه......وعليه ذاك الطول المسكت.... والكتف المعضل ....والعيوووووووون يا عيني على العيون العسلية ...خولة ما رامت تشل عينها من ها المنظر الحلو اللي شافته
وطبعا هنادي وحليلها تحرطم وخولة بالها مكان ثاني....... الا مرة وحدة تقول لها هنادي : هاه خولو .. طلعيني من ها الورطة
خولة وهي ما تعرف بشو ترد عليها مو منها.... من اللي شافته جان تعق عليها ها الرمسة وهي ما تعرف السالفة: لا تحطين ببالج
هنادي تتحرى انه خولة وياها على الخط : شقايل ما احط ببالي هو لو عرف اني هني بدون ما اخبره بيجلع رقبتي
خولة توها تفهم السالفة: اها انزين انا بقولج ... سيري عنده وقولي له سبرااااااااااااااااااايز
هنادي : احلفي .. انتي بس احلفي ...وجدام ربيعه ياسلااااااااااااااام ... بيدفني وانا حية
خوله: اوهو حشرتينا تراج .. يا بوي اتصلي به وخبريه انج هني منوه قالج ما تخبرينه
هنادي وودها تعطي خولة بوكس على حلجها عسب تعدل رمستها ....
خلود : خوالي ... انا يوعانة
خولة : يحليلج يلا احين بنسير بس صبري خليني اخبر اسما
خبرت اسما ... وسارو هم الثلاث خولة وخلود وهنادي صوب المطاعم وهم سايرين الحبايب محمد وناصر كاانو ذاك الصوب ولمح محمد هنادي
وعلو طوول اتصل بها
محمد: هنودة حبيبتي وينج نتي
هنادي اونها عاد: الناس يسلمون قبل
محمد: خلصينا وقولي لي وينج نتي
هنادي: أأ .....أأنا حزر فزر
محمد: ميركاتو صح؟؟
هنادي: عليك نوووووووووور
محمد: انزين يا بنت امج وابوج ... وما تخبريني ولا جني ريلج
هنادي: لا بس ترا........
محمد: بس شو؟... المهم سيري هناك ويأشر لهاوانا بييج احين وبنتفاهم.......... ويسكر عنها
هنادي:خولوه ما اوصيج على امي وخواتي زوريهم لا تقطعين واغراضي كلهم لج نتي.....اشهد ان لا اله الا الله
خولة وهي ناقعة من الضحك على هنادي: في امان الله
وتمت خولة يالسة على الطاولة عند اختها خلود اللي كانت تتعشى طبعا هي ما تروم لانها متغشية
ناصر شاف ربيعه محمد سار صوب وحدة وعرف انها حرمته ....وهو يالس شاف على الطاولة اللي كانت هناك بنت صغيرة تشبه خولة ظهر صورة خولة من بوكه وتم يطالع الصورة والبنت الصغيرة شافهم يتشابهون.... وشاف البنت المتغشية... فز من مكانه لانه حس انه قلبه عرف محبوبته ونش بغى يسير لها لكنه تذكر انه في ميركاتو وعيب عليه ها الحركات ويمكن ما تكون هي ... ورد مكانه مع انه مب مقتنع .... وتم يتريا محمد على نار عسب يتخبر منه..المهم انه خولة كانت تفكر باللي شافته وحست شي بقلبها شعور اول مرة تحس به.. معقولة انعجبت او انجذبت له .... المهم يتها هنادي وهي محررررررجة: أف شو هاحشى ما رمت ارمس !!
خولة وهي تضحك: ههههههه ليش شو قال لج؟؟
هنادي :هيه ضحكي .. ش وراج نتي
خولة: لا حبيبتي صدقيني مب قاصدة
هنادي : يا الله شنازل عليج حبيبتي تقولين لي
خولة: اوهو ما عرفنا لج يا لقوطي
هنادي: ما علي بطوفها لج.. لانه اليوم يوم الهزاب العالمي... اقولج
خولة : امري
هنادي: ما يامر عليج قطو.... شرايج باللي ويا حمود؟! وتغمز لها
خولة تيبست اول ما شافته وقالت لها:ما شاء الله عليه جمال على وسامة على هيبة .... بعدين تعالي ليش ها السؤال
هنادي : يسسسسس زين احين تطمنت المهم سمعيني عدل... وقالت لها السالفة كلللللها
خولة وهي مصدومة ... تسمعها ترمس بس جنها ما تسمع ... هي مركزة وياها لكنها مشوشة
هنادي: هاه خولة شراييييج؟؟
خولة وهي معصبة:هنادي نتي يالسة تخورطين من عندج ولا شسالفتج؟
هنادي:والله العظيم... بخدو كه قسسسسسسسم.... اني ما اخورط والسالفة صدق في صدق... واف يو دونت بليف مي تصلي بحمادة حبيبي وساليه
خولة:....................................
هنادي: اوه هذي رنة من الدريول شفتي التطور عاد .... المهم امي هازبتني لاني تاخرت واحين اسمحي لي حبوبة وهي تطبطب على ظهرها عاد ما اوصيج بحلقي به عدل...... شااااااااااااو
خولة ... لو نطق الحجر يمكن يمكن هي تنطق!!
رد محمد مكانه وشاف نا صر يالس يطالع خولة... فحس انه يمكن عرفها(( طبعا محمد مسوي الطبخة كلها. اصلا هنادي نزلت مب عسب الدريول ..لا .. نزلت تتريا محمد))
محمد: نصور. عندي لك خبر يسوى ملايييين
ناصروهو حاس: قول واللي يسلمك قول
محمد : سم بسم الله
ناصر: اوووووف حمود بتقول ولا ؟؟ لا تلعب باعصابي
محمد: انزين انزين ....تعرف البنت اللي يالس تبحلق فيها ... هاي الله يسلمك محبوبتك
ناصر من الوناسة غص بالكباشينو وقام محمد ودحاه على ظهره
محمد: حلا ل... حلال
ناصر نش من مكانه لكن محمد زخاه :اثقل يا رييال ...شوف الناس اللي هني
ناصر: والله وصدق احساسي... انا ماعليه من الناس وبسير لها عيل اخلي هالفرصة تضيع مني
محمد: وغلاتها عندك ما تسير ... شو تبا تفضح عمرك انت
وتم محمد يحاول يقنعه انه ما يسير لها... لين ما حلفاه انه ما يقرب منها
محمد:المهم قم احين خلنا نسير
ناصر: والله ما ني هاد الكرسي لين ما تشبع عيوني منها
محمد: نصور .. اعقل .. بس انا ماروم اتم .. ناس يتريوني تحت
ناصر: في امان الله اخوي
محمد: لا يالهرم... مو منك مني انا الخدية اللي ما فتهم وخبرتك
ناصروهو يضحك: ترا ناس يتريونك تحت
محمد وهو ماشي: عن تنسى عمرك تراك في ميركاتو
ناصر: واحلى ميركاتو
--ناصر يفكر ويفكر فيها---
لين ما نشت من مكانها ... ناصر ما عطى الوقت فرصة وسار وراها بدون ما تحس..خولة اتصلت باسما تتخبرها عن مكانها.... علىطول ظهر موبايله
وسحب رقم موبايلها( هاي التقنية اليديدة الللي ظاهرة احين).. وما هدها لييين ما ظهرت من ميركاتو
----في حجرة خولة------
يست تذكر كل كلمة قالت لها هنادي.....وهي مب مصدقة شقايل صورتها عند واحد انزين يمكن مب هي يمكن وحدة ثانية بس هنادي كانت متاكدة من اللي تقوله..... تمت تصيح ... ما تعرف شو تسوي تتصل بها ولا لا ...لين ما ثبتت على راي واحد هو انها تتصل بهنادي وتتاكد منها اكثر...لكن رن موبايلها قبل لا تتصل.... الرقم غريب ...من الفضول اللي فيها ردت: الو وهي خايفة
ناصر : خولة؟!
خولة وهي تتنافض: منو انت
ناصر:دخيلج خولة لا تسكرين .... انا ناصر اللي رمستج عني ربيعتج
لا اراديا سكرت موبايلها....وعلى طوووول اتصلت بهنادي
هنادي: يا مرح.....
خولة: جــــــــــب.. افا يا هنود انا ربيعتج جي تسوين فيني... وتصيح
هنادي وهي مصدومة: خولة حبيبتي لا تعورين قلبي واللي يسلمج لا تصيحين
خولة:جب جب جب جب وتصيح
هنادي: انزين انتي خبريني السالفة وانا بنجب وبسكت
خولة: لج ويه تسالين عن السالفة.. يا حسافة الايام اللي ككانت وياج
هنادي ودموعها اربع اربع:خوالي حبيبتي شوي شوي عليي ...فديتج انا والله ما اعرف شو السالفة بلاج انتي قولي لي عسب نتفاهم
خولة وهدت شوي:هنادي.... لولا معزتج بقلبي جان حلفت اني ما رمسج....بس سمعي هو سؤال واحد بس.. واباج تردين بهيه او لا
هنادي:حاااااااااضر
خولة: مو ا نتي اللي عطيتي رقمي لناصر؟
هنادي وهي تعتدل في يلستها وبكل ثقة:لا والف لا
خولة:عيل من وين ياب الرقم
هنادي: هيه
خولة:شو هيه يا الهبلة ... بلاج؟؟
هنادي : لا اتحرا انه مب مسموح لي الا بها الكلمتين
خولة: نتي ما تيوزين من حركاتج...... المهم قولي
هنادي:خولة انا بخبرج السالفة ونتي حكمي...... وخبرتها عن الطبخة اللي طبختها هي ومحمد
خولة وهي تصيح: يا ربي ...انا بنتحر ... رقمي عند واحد يعرفني والاحلى انه صورتي عنده
هنادي هدتها شوي ... وخبرتها انها بتتصل بمحمد وتتخبر منه السالفة
خولة: وراس حمود لا تبطين لاني بين...
-----ترن ترن موبايل محمد-----




تابع






(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )


 

غزالة الجبال

๑ . . إدارية. . ๑
التسجيل
15 يوليو 2004
رقم العضوية
2007
المشاركات
56,666
مستوى التفاعل
1,834
الجنس
الإقامة
RAK
رد : #خوله وناصر قصه حب حقيقه ((في دبي))#



w6w_20060324092442a8ea6f1b.gif


محمد: ياهلا بالزين كله.. هاه بشري بالاخبار الحلوة مثلج
هنادي وهي متضايجة: واحلى من الحلوة.... الله لايبشر عدوك بخير.... وقالت له اللي صار ويا خولة.. وانها منهارة لان صورتها ورقمها عند واحد
محمد: ويت ويت.... الصورة عنده... لكن الرقم ؟! يديدة
هنادي طلبت منه انه يتصل به ويتخبره من وين يا ب الرقم...... وطلبت مننه انه ما يسو شي بالصورة

---------- هالمرة ترن ترن لموبايل ناصر----------
محمد ساله عن الرقم وانه من وين لقاه.... ناصر تردد بالاول .... بس ويا زنة محمد خبره السالفة
محمد: اها احين فهمت..... ناصر شوي شوي على البنت
ناصر: مو بيدي .... قلبي ما يرحمني... صدقني احبها
محمد:انزين انت ما تعرفها ...يمكن ويمكن؟!
ناصر: محمد ما سمح لك... كفاية حرمتك تعرفها وانا سالت عنها وعن اهلها وظهرو ناس مزاييين وما عليهم رمسة
محمد: برايك... بس يمكن هي حاطه ببالها حد ثاني
ناصر: فال الله ولا فالك... لا بوجاسم البنات يحبون العيناويين وانا بو الدم البنفسجي
محمد: اسميييك منو ياب طاري العين احين( تراهو نصراوي) المهم جي ما تخطبها؟؟
ناصر:ودي اليوم قبل باجر ...بس باالول اتاكد من مشاعرها
محمد : انت سر خطبها ... وبتتاكد من مشاعرها...اثبت لها انك تباها ونيتك صافية
ناصر وهو متردد: مممممم .... خلاص شورك وهداية الله
سكر ناصر عن محمد........ وسار الصالة شاف امه ياسة ... رمسها عن السالفة...
الام وهي ما خذه السالفة غشمرة: صدق... كم الرقم عسب اخطبها احين
ناصر: فديت امي انا وحبها على راسها
الام:ههههههههه فديتك انت نسيت انك توك متوظف والبنت وحليلها بعدها ما تخرجت.... بعدين بنات هلك اولى
ناصر وهو محرج:ا لبيزات مب مشكلة الحمد لله عندنا خير .....وانابسير خطبها عسب ما تطير مني... وبنات هلي الله يرزقهم
الام شافت انه ناصر جاد بكلامه ... نشت وخبرت بوناصر الي طار من الوناسة اول ما سمع الخبر وسار عنده... وقال له انهم بيزورونهم على اخر الاسبوع
في الليل ...... يلس ناصر وما ياله رقاد ...وتم ميود الصورة وحاطنها على قلبه..... لين ما فكر انه يطرش لها مسج .. وكتب لها((لقيت روحي بعد ما انا لقيتك .. بعد اللقا ارجوك لا تغيبي))
واتصل بمحمد ربيعه.....وخبره السالفة ... محمد بارك له مقدما وتم يلعوزه شوي..... ومحمد بدوره اتصل بهنادي وخبرها.... وهنادي من كثر ما هي استانست عطته بوسة بالتلفون وتفدته لين ما قال بس وسكرت عنه يعني ما عطته فرصة ..... والمسكين الريال رايح فيها
------------
خولة ....... تعبت من التفكير وتعبت من كثر ما انها تحاتي صورتها... ياويلها من شباب ها الزمن...ويلست تصيح....فجاة سكتت.. وفكرت في انه شقايل لقى صورتها ... وتمت تفكر انه صورها ما تعطيهم حق حد..... لكن رن موبايلها... وهي تتنافض يودت الموبايل وشافت الرقم ..: اوه الحمد لله هاي هنادي
خولة: الحمد لله انج تصلتي يا هنادي
هنادي: خواااااالي ..... بصوت عالي
خولة: لا اختي مغلطة في الرقم مب الطواري هني
هنادي: جب.... عندي لج خبر يسوى عسجد
خولة: صددق ..... اكيد الصورة عندج
هنادي:أي صورة واي خرابيط ..... خولوه استعدي لتلقي الخبر واحد اثنين ثلاث
مبــــروووووك
خولة وهي مبعدة الموبايل عن اذنها: حسبي ياالله عليج ....صمغتيني
هنادي:خولوووووه .......والله اني احبج هههههههههههه سمعي السالفة.......... ناصر وهله بييون وبيخطبونج يااااااااااااااااي
خولة وهي مصدومة على مستحية على مو مصدقة
هنادي: بلاج يالعروس ساكتة......... ههههه اونج تستحين
خولة:هنادي.... لا يكون انتي مسوية ها الرمسة من وراي
هنادي:انا ما يخصني.... توه حمود فديته داق علي ... وخبرني..... شفتي يوم اقولج انه الريال شهم وما عنده ها الحركات وحلى شي انه عيناوي
خولة: هنود نسيتي اني وصلاوية ودمي اصفر...... المهم احين عرفت قصده من المسج
هنادي: اوب اوب مسجات ومن ورانا لا يكوووون!
خولة: جب ياللي ما تستحين .... كلن يرى الناس بعين طبعه
وتمت هنادي تلعوزها .... لين ما : هنادو... جلبي ويهج
هنادي: طاع طاع ما تبا ترمسني .... ترا صرنا مال اول
خولة: اكسز موا.. جلبي فيسج
هنادي: خووب .. بجلب فيسي بس هاه لا تفكرين وايد ..تراج بتعيزين
خولة: ان شاء الله عموه بس فارجي
هنادي : هاه ما خطبها وجي ..... عيل لو خطبها اكيد بتسوي لنا بلوك
وسكرت خولة عن هنادي............... وناصر يطرش لها مسجات بالهبل..... طول الايام....وهي تبا تطرش بس كبرياءها ...واخر مسج طرش لها قبل
لا ييونهم البيت ..((نامت عيون الناس الا عيوني تنشدني عن اللي احبهم ليتهم يذكروني))

*******

ومرت الايام ....ويا اليوم الموعود------



يالله اترياكمـ تقرونها لانها روووووعه وبكملهاا لكمـ ..





(`'•.¸(` '•. ¸ * ¸.•'´)¸.•'´)
«´¨`.¸.* غزوووووووووووووولة *. ¸.´¨`»
(¸. •'´(¸.•'´ * `'•.¸)`'•.¸ )


 

رماااايل

๑ . . عضو إمبراطوري . . ๑
التسجيل
13 فبراير 2005
رقم العضوية
3121
المشاركات
4,303
مستوى التفاعل
52
الجنس
الإقامة
بنبض القصيد
رد : #خوله وناصر قصه حب حقيقه ((في دبي))#

عجبتني وايد القصه

تسلمين غزوله

ونتريا تنزلين الجزء



رماااايل
 
عودة
أعلى