** عطـــــــــــر البرزه **

السلام عليكم ورحمة الله وبركاته



حياكم الله فمدونتي الخاصه






-------------









الاسم : (( خبله اقولكم )) رشة عطر ويدلعوني رشرش:==:



العمر : 22-8


من دار زايد رحمة الله عليه


الهوايات : القراءه ومتابعة الافلام الاجنبيه وخاصه الاكشن والرعب:^^:

واخر فلم شفته (( دراق مي تو هيل )) مب متفيجه اكتب بالانجليزي خخخ:yaw:


بدايتي فالبرزه



تاريخ التسجيل :

10 -8-2008

يعني عقب شهرين ان شاء الله بكمل وياكم سنه وجان استانس كككك



كيف عرفت البرزه؟؟؟؟؟؟

اممم قلت لكم السالفه من قبل بس مب مشكله نعيد مره ثانيه هع

الله يسلمكم انا كنت من المعجبات بقصص وروايات الكاتبه معاني اللي كانت عضوه اهنا فالبرزه فقلت ليش ما اسجل واكون متابعهتها اول باول


بس تعرفون شو صار؟؟ اول ما سجلت انا فالبرزه معاني شكلها حلفتانها مادش البرزه مووووووول مادري ليش:cry: خخخخخخخ

صدق واللله ولا يوم شاركت من عقب تسجيلي انا

اتهقون نحاسة فيني ولا صدفه؟




---------------------------------


فاول ايام لي كنت ادخل واطمش وبس

يعني ما كنت اشارك وايد


وشدتني مشاركات (( بنت ناس ما تنداس )) وع هاك الايام صورتها الرمزيه كانت لبنوته ام خدود وايد كانت اتعيبني


وبديت اشارك شوي شوي وتعرفت ع اعضاء رهيبين بمعنى الكلمه


واولهم (( همسة الشوق -الملكي - امرؤ القيس - دلوعة دبي -الثلاثي المرح(( بنت الاصايل وبنت الشوق وبنت الغلا )) 0-- عيوز مشتطه -سحروته))
وحسيت في واااااااايد اعضاء كاهيني ماعرف ليش كككككك يمكن لاني عهاك الايام كنت ملسونه شوي هاااااااااع



اول مشاركه لي كانت ردا ع موضوع ل ((همسة الشوق ))
اول موضوع انا نزلته كان عن (( ظاهرة انتشار الاعجاب بين طالبات المدارس )) فبرزة الحوار والمناقشات

اول طلب صداقه طرشيتها ل ((معاني )) وللحين قيد الانتظار خخخ

اول رساله شخصيه طرشيتها كانت ل (( بنت الاصايل ))


وتقريبا معظم مشاركاتي كانت فالاستراحه

واااااااااااااااايد كنت احب العب اهناك


وسحروته الله يذكرها بالير نزلت موضوع حلو كان اسمه (( محكمة برزة الشحوح )) وقالت اللي عنده اي شكوى ضد اي حد ايي اهنا ويشتكي

وانا فديتي ماقصرت سرت واشتكيت ع 2من الاعضاء اللي كانو مطفرين بي

بس تعرفون شو صار ؟ هم كسبو القضيه خخ

وانا سحروته رقعتني بوسام الاعدام اللي للحين امفشلني خخخخخخ


يابوكم اخاف الناس تاخذ عني فكره مب زينه هااااااااع:cry:








وبث


لي عوده

رد: ** عطـــــــــــر البرزه **



السلام عليكم ورحمة الله وبركاته


مساكم الله بالخير

رجعنا لكم من يديد


وابغي اشكر كل من قيمن واخص بالذكر:



هموسه الهقهاقه


الاخ النشمي(( ليش موقفينه خخخ)):yaw:

مرفوعة الراس الغاليه

الاخ خيماوي صغيرون

عنابتي الحلوه


---------------

اشياء تحبها رشرش:



الامبراطور الوصلاوي




بديت اشجع فريق الوصل من يوم كنت بنوته صغنونه يمكن لان اللي ويانا فالبيت اغلبهم وصلاويه وانا مشيت وياهم ع حب الوصل


الباستا




احب كل انواع الباستا والمكرونات

الذ شي ممكن تقدمونه لي يمي:122:


الشوكولاته





ماقدر اعيش من دونها



البحر




قصتي مع البحر قصه طوييييييييله بس مب متفيجه اقولكم شي الحين كككك


الاطفال





ادري مافي حد ما يحب اليهال بس مب شراتي

اموووووت فيهم و احس الحياه ما تكمل بدونهم

وان شاء الله ربي يرزقني الذريه الصالحه قولو آمين:


--------------------------


أحلى أيام حياتي :



أولا : اليوم اللي استويت فيه خاله (( يعني اختي ربت مب الخاله اللي خبركم كككك)):yaw:

حسيت اني كبرت واستويت مسئوله معنه هيه اللي يابت الولد مب انا هاااااااااع


ثانيا: اليوم اللي تلقيت فيه خبر نجاحي فالثانويه العامه وبنسبه عاليه


ثالثا : يوم زفافي طبعا وجان استحي:wrd:

هاللي اذكره حاليا وان شاء الله ايامي وايامكم كلها اتكون افراح فافراح

--------------------------


وبث

مع السلامه

نلتقي على خير فوقت آخر:00cool:

رد: ** عطـــــــــــر البرزه **

هااي


---------


من أكبر مخاوفي فالحياة اني افقد انسان غالي عليه بين يوم وليله

مادري ليش دايما افكاري تاخذني لبعيييييييييييييييييييييييييييد وافكر بسلبيه كبيره

الحمدلله للحين ماعشت شعور فقدان شخص عزيز و قريب لكن دايما اتخيل كيف بكون متواجده فعزا فلان وعلان اذا توفو

واذا بصيح ولا بيكون عادي ولا بيغمى عليه من الصدمه

واحيانا اذا عصبت ع حد اخواني الصغار واظهرهم برع حجرتي افكر سيده اذا استوى به شي الحين شو بسوي ؟ واحس بتانيب ضمير فظييييييييييييع

----------


وبث