جلوس البنات في الكوفي شوب

مشاركة: جلوس البنات في الكوفي شوب

..شو اضرار الجلسه ..وايش الفايدة منها؟؟
يعني تجلس في الكوفي اكثر عن تجلس في البيت؟؟؟

الاضرار انها تخلي غيرهاا ياخذون فكرة سيئة عنها
وخاصه شبابنا ع طول من يشوفون وحده قاعده في الكوفي وحتى ولو مع اهلها امها مثلا ما يحترمونهاا

الفايده تكون بقلتها يعني ما ترتز هناك دايماا
وما تنسى بيتهاا ،، ودوم نشوفها بالكوفي
وهااي اللي تيلس في الكوفي اكثر من يلستها في بيتهاا
احسن لها تسوي لهاا برزة في بيتها ترتز فيها بدل الهياته البطاليه الدايمة في الكوفي شوب

وبعدين الوحده ليش تروح الكوفي
الكوفي للشباب ،،
والبنات اللي متعودات ع الكوفي الافضل ييلسون فييه حزة الفراغ
يعني ما يكون مليان بالشباب والشياب
يعني بس طاولتين بالكثير فيهم شباب والباجين فاضين
فيها عوايل يعني


والسموحه

والله يهدي بناتناا

رهف

مشاركة: جلوس البنات في الكوفي شوب

هذا هو الكلام الزين رهوووفه معاج حق...

ومثل ما قلت قبل... فتحوا لكم برزات في بيوتكم.. وسموها كوفي شوب.. بدال الطلعات اللي ما وراها فايده..

والله يهديكن ...

مشاركة: جلوس البنات في الكوفي شوب

تسلمين الغالية على الموضوع الصراحة حساس وصل في وقته
وخاصة ان في هذا الوقت ما تمت بنت تقعد في البيت

الكوفي شوب ..( هو مكان صغير في السناتر .. أو اي مكان للجلوس فيه لتبادل الكلام .. واعتقد للرجال .. او للعوائل من اخوانهم او الرجال بشكل اوضح .. يعني او للاستراحة فيه لفترة بسيطة .. اذا كانوا يتشرون في السوق..)

..شو اضرار الجلسه ..وايش الفايدة منها؟؟

الصراحة اضرارها للبنت انها تاخذ سمعة هب زينه اذا كانت روحها من غير محرم مثلا .. يعني شو الفادية بس علشان الرايح والراد يطالع .. جيه نحن وين في لندن

عافانا الله واياكم خواتي
والله يهدي البنات الي يروحن الكوفي شوب ويلسهن في بيوتهن

غاية

مشاركة: جلوس البنات في الكوفي شوب

البنت تيلس في بيتها اكرم و استر لها ..


يعني حتى لو كانت محترمة و حاشمة و ساترة عمرها بس بتم الروحة لنفس هالاماكن ( اللي اغلبها شباب ) ..
مب زينة لسمعةالبنت .. يعني ما بتموت عطش و لا بيغمى عليها جان اتسوقت و ما يلست في الكوفي شوب ..

لان المكان اصلا كله رياييل فاضين ماعندهم شغلة فشي طبيعي تكون محط انظارهم ..
لا تعور راسها في القيل و القال .. تحفظ عمرها من البداية يكون احسن قبل لاتييها الرمسة اللي مالها داعي..


و ان كان كوفي شوب في مكان كله بنات يعني مول او نادي مخصص للبنات فانا ماشوف ان فيها شي ..




و تسلمين غاليتي رمايل على الموضووع الحلوو ^_^



مهاااري

مشاركة: جلوس البنات في الكوفي شوب

تعاااااالوا مو شني رديت للموضوووع قبل وين سااار الرد لحول الله اكيد مات الله يرحمه


هلا هلا

الكوفي شوب له اضرااار كثيره

أصلا لبنيه من بيتها لا زم ما تطلع موووليه
الا اذا كانت ويا أهلها سااايرين السووق أو يقضووو حاجتهم مثل ما تقووولون ..

بس يجلسوون بكوفي شوب بوسط الرياييل ماااايستوي هالكلاام وين تنصرف هالرمسه ...

ده كلام ده المهم اشكرج ع الموضوووع وتعاالي كليوم ...

عين الصققققر

مشاركة: جلوس البنات في الكوفي شوب

السلام عليكم ورحمة الله وبركاته

مرحبابج اختي الغاليه رمايل
اشكرج على طرح هالموضوع الواقعي
من وجهة نظري

متى كانت الفتاة المسلمة تدخل أمثال هذه الأماكن المعروفة بالشبهات ونحن نعرف ما فيها !!

وليس من المنطق والعقل او من الأدب أن تجلس المرأة في الكوفي شوب لانها لاتخلو من الاختلاط ..

فأنصح اخواتي من الأفضل عدم خروجها من بيتها إلا للحاجه ..
وكذلك المفاسد المترتبة على وجود المراة لوحدها في هذا المكان كافية للمنع ..
(( قال النَّبِي صَلَّى اللَّه عَلَيْهِ وَسَلَّمَ قَالَ الْمَرْأَةُ عَوْرَةٌ فَإِذَا خَرَجَتِ اسْتَشْرَفَهَا الشَّيْطَانُ ))

جلوس المرأه في الكافيه يخدش حياءها هي قبل ما يسبب أحراج للرجل

الرسول عليه الصلاة والسلام قال ...
((إِيَّاكُمْ وَالْجُلُوسَ فِي الطُّرُقَاتِ ، قَالُوا : يَا رَسُولَ اللَّهِ مَا لَنَا مِنْ مَجَالِسِنَا بُدٌّ نَتَحَدَّثُ فِيهَا ، قَالَ : فَأَمَّا إِذَا أَبَيْتُمْ إِلا الْمَجْلِسَ فَأَعْطُوا الطَّرِيقَ حَقَّهُ ، قَالُوا : يَا رَسُولَ اللَّهِ فَمَا حَقُّ الطَّرِيقِ ؟ قَالَ : غَضُّ الْبَصَرِ ، وَكَفُّ الأَذَى ، وَرَدُّ السَّلامِ ، وَالأَمْرُ بِالْمَعْرُوفِ ، وَالنَّهْيُ عَنِ الْمُنْكَرِ)) .

وجهة نظر


عاشقة التراث​

مشاركة: جلوس البنات في الكوفي شوب


..
..
..
..
السلام عليكم ورحمة الله وبركاته
.
.
يجنبا ..عن اي طارئ



لا يسمح للبنت او الانثى الجلوس في الاماكن المختلطه
وخاصه الكوفي وما الى ذلك
.
.
.
تمنياتي لكم بالتوفيق
الصيـاد
..
..
..

مشاركة: جلوس البنات في الكوفي شوب

ليش مكبرين الموضوووووووووووووووع


البنت المحتشمة تراها محتشمة سواء بالكوفي شوب او غيره

مشاركة: جلوس البنات في الكوفي شوب

لا لا محتشمه او غير محتشمه.. شو يودها هالاماكن..

اذا تبغي كوفي شوب.. تقعد في بيتها .. وتفتح لها برزه كوفي شوب

مشاركة: جلوس البنات في الكوفي شوب

روح الحب
مثل ما قلتي الله يكون بالعون واشكر مرورج حبيبتي .

رهف
تسلمين حبيبتي ع ردج والله يهديهم .وشاكره لج مرورج .

راعي الويلات
زين لو يسمعون كلامك ويسون كوفي شوب بالبيت ..وشاكر مرورك .

غايه
تسلمين الغاليه ع مرورج ويعطيج اف عافيه .

مهاري
البنت تيلس في بيتها اكرم و استر لها .. هذا هو الكلام ..وشاكره لج مرورج الغاليه .

عين الصقر
انا بعد استغربت وين راح ردك ..مثل ما قلت الله يرحمه
مثل ما قلت الكوفي له اضراره للبنت ..
وتشكر ع مرورك الكريم ويعطيك الف عافيه


سلام
رمااااايل