• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

من رداة الحظ وافتنا حصاة . . ~

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
ديمه<<بالصاله اتبربر على رفيجتهاا مي ...

مي " هذي صديقة العايله كل علومنا توصلها قبل لاتوصلنا ، احيانا احس انها

اختي وانها اهم مني بالعايله ..!! هالمسكينه اول مره وحده تكسر خاطري اكثر

مننا ابووها معقد وداايم ادق وتستشيرناا على طرق الانتقاام منه والحمدلله احنا

مانقصر كل مصيبه دخلنا فيهاا مع وليد اندخلهاا فيهاا مع ابووهاا ، وطبعاا داقه

تاخذ اعلووم خزنه وبناتها عشاان اطبقهاا على بناات عماتهاا وعيــال عمانهاا

الخمه ، السخيفه فضحتنا من دخلنا بيت عمي واهي تدق وتدق اخرتهاا سكرنااا

اجهزتنا << والسبب ان عيال عمي ماشالله يقدمون نيتهم الزينه قبل الشينه ،

وطبعاا بنات خزنه اللهم لاحسدد احسن رادارات عندنا وبفضحوونا يعنيي ببساطه

نو وي احد يكلم عندهم ..<<طيب ليش جبنا تليفوناتنا ..!!



نوور << بالمطبخ تزرررط " غلا اختي ما متنت وذبحها الزرط لين رافجت نوور
بس نوور ضعيفه وجسمها غير قابل للسمنه مهما تاكل ومهمااا اتسوي وغلا المسكينه

اقل شي يبين عليهااا فطالعين جنهم خوات سندريلاا الضعيفه والبطه ..!!



دانه << بغرفتهاا منغثه من شنو مدري قاعده واطالع بالمنظره واتزف واتزف

واتلعن .." احيانا احس فيهاا حاله نفسيه "

،،،طقيت الباب عليهاا

انــا :: دانووه ..انتي داخل << والله خايفه انه غرفتهاا تكوون مسكوونه

الوضع مو طبيعي

دانه :: خير شتبيــــــــن ..؟؟

انا :: آآآ .. منو عندج من البناات

دانه :: محد من الشيفات عندي ..

انــا :: منو كنتي اتكلميــن..

دانه :: اكلم رووحي ، بعديــن كافي وليد واحد بالعايله يلا طسي عن وجههي..انا :: انهبليتي اتكلميــن رووحج ..!!

دانه ::والي يقعد بهالبيت يقعد فيه عقللل

انا << مليوون تعجب على راسي ، بس ما ألومها هالبنت حساسه ووانولدت في

عايله مافيهاا من الذووق شعره لا وتعتبر حساسيتهاا خباااال ورفلات حريــــم !!



وانا طالعه قلت برووح غرفتي اقعد عالنت استهبل اشووي زهقت كلهم

مشغووليــن..



وانا بغرفتي سمعت صووت وقلت وااو ..عيال جيرانا بالحوش ،طفيت اللمبات

ورحت اتسمع واطل من الدريشه ..ماسمعت شي بس

شفت ابوو شوورت احمر لابس شورت احمر غير الي قبل الي قبل كان فيه

تخريجات بيضه وهذا فيه طباعه سووده ...بـــــــــس..لالالا مستحيل شنو هذاا ..!!!

ويــن صرنا مو لهدرجه هالهبله شتسووي ...



المنظر ..

ولد جيرانا بالحووش يسولف ويتبووسم ..

واختي السخيفه تمشي مع مشيته واتبووسم ..

التافهه مواعده برىى والله لادفنهاا واتوطى وببطنهآآآ

ورحت رككككككض ...

انا :: دانه بسرررعه بطلي الباب ..

دانه ::خير اشعندج خلصيني ..

انا :: مايصير بطلي بسررعه

دانه " بطلت الباب بنفس خايسه " :: خيرر خلصيني ..

انا :: الحيواانه نوور مواعده ابوو شورت حمممر واتسوولف معاه بالحوش لا واتبوووسم

ديمه اطلعت من ورااي:: خيــــــــــــــر هالحيواانه اتغازل اخووي

<< صدقت ..!!طبعا ديمه قصدها العايله الي صقطت منهاا سهواا ..

دانه :: ديمه تبن بوجهج جب مو وقت مزح ..فرح انتي من صجج قولي لهاا

على الاقل تصبر لين اعرس لا يطلقني نااصر من ورى عمايلهااا ..!!

:::::::::::::وطبعاا رحنا رككككككض لهااا ..


بالمطبخ .. قدام الباب الي يودي للحوش انتفرج على الشيخه نوور واهي تمشي

ومعطتنا ظهرهااا ...

دانه :: انا بروووح امصع رقبتها...

ديمــه ::لالالا خلينا نرووح شوي اشوي انصيدهاا بالجرم المشهوود مو احسن ..

انــا :: امبلى يلااااااااا<< ورحنا انتسحب لين صرنا وراهااا

ابوو شوورت حممممر::حيااتي ..سوسو فديتج..لالالا...


<< في هذه الاثنااء اكتشفنا ان ما عندها ما عند جدي وقعدنآآآ ...

أنــا << اسجل محادثتها بسمعهاا رفيجااتي

ديــمه << قاعد ادوور بلووتووث واتشووف نكه ، وبعدين دقت على رفيجتهاا

تحرهاا رفيجتهاا قامت تصيح وتقووول انطروو بلبس عبااتي واجيكم .."شكوو"

دانه << اتحفظ كلامه عشاان بعدين تجك نااصر اذا كانت له سواابق..!!

نوور<<كالعاده اتبووووووووسم وبس ...!!



وطبعاً لازال الاخ :: امووت عليج مو بس احبج.. حياتووو .. هههههااي..حوووبي

يييييييييييييييييييييييييييي ..<<<بعديــــــن الاخ انطرب ..يسؤلوووني ليــه احبك

حب مااااااحبه بشــــر

وليـــــه انتي في حياتي

شمسهاااا واانتـي القمـر

ولين صووتك لي وصلــ..... << قطعته صرخه ....سببت زلزاال قووم الشاااااااااااارع كله ...

يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااا

ااااااااااااااااااااااااااااااوو..يماااااااااااااا اااااااااااااااااااااااااااااااااااااااااااااااااا ااااااااااا

اااااااااااااااااااااااااااااااااااااااااااااااااا ااااااااااااااااااااااااااااااااااااااااااا ااااااااااااااه..

,,, وقمنا نركض وانهابد ونصااارخ ....ودخلنا دااخل وررركض على غرفتي

انا وانا الهث: الله ياخذهاا خرعتني ..((مرت قطوه سودها عالسور الي يفصل بينا وبينه اتخرررررررع .. والمسكينه اكيد جتهاا جلطه ..،،..))

نوور::يمه شكلهاا يرووع

ديمه :تهبى.. سوده وعيونها خضر واتخزخز..

دانه :: الله ياخذكم عسا مامر ناصر ويسمع صيااحي والله ليطلقني ..!!<<كلن

على همه..

أنــا تذكرت الدريشه ونطيت سكرت الباب وطليت من الدريشه ..

ابو شورت حمممر ليلحين واقف ..مصدوووم مسكين والله شكله يكسر الخاااطروبعد ربع سااعه زهقت وقلت ماعنده ماعند جدتي رخمه روووعه صيااح الحريــم

مصيــــــــــــره يتعود ..خفت لايكوون جد صدمناه ....... بعدين قلت اصواتنا

الناعمه مو لهدرجه اترووع ،،بعدهاا طنشنااا و رحننا ننام .......
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
ــــــ الصبح الساعه 11ـــــــ



كالعاده قمت على صوت عياال جيرانا الي صاارت اصواتهم بالنسبه لناا

روتين يومي احس اني صرت نااعمه من اسكنوو عندناا <<شكوو>>،

بس طبعاا رحت للدريش صبحت بوجيهم الي تفتح النفس وعشت جوو

خطيـــــــر بس،، كالعاده ..قطعتني ...



حصوه :: يمااااااااااااااااااااااااااااااااااااااااال المرض يالرفلاااااات يالخايسااااااات..

<<محد رد ..

حصوه : والله ان ما جيتوو لطرش عليكم وليد واهو يتصرف معاكم ...

<< ماكملت كلمتهاا الا احنا كلنا قداام عيونهاا

انا :: هلا ماما ناديتيني ...<< تو الناااس!!

دانه :: انتي حصووه تخوفيني بولدج المعقد..<< احيانا عليهاا طلعاات

حصووه ::نواف ولد خالج بالدوانيه سوو له جاي وطلعووه الدوانيه بسررعه

دانه :: ولد اخوج احنا شكو "وطبعا اترقع "الله يهديج نزلتنا كلنا على

سكانتيـن جااي..نوور تسويهم

نوور:: نعــــــ..<<مامداها كملت الاحصه عطتهاا خزه وانزلت الاخت ..



و البناات كل وحده ردة داارهااا وكالعاااده..

ديمه <<منسدحه بفراشهاا مسويه لرووحها جو حاطه الهاند فري

وتسمع لحمااقي" احلى حاجه "..<< تقوول سحيم كاتبهاا فيهاا..

دانه << تسوي رياضه بغرفتهاا عشان يمديها تضعف قبل عرسها

" من عرفت اختي واهي في رجيــم دائم بلا نتائج ايجابيه وكل شهر

تمتن زوود عن الي قبله ، على شنوو الرجيم الله اعلم .."

نور،بالمطبخ <<قاعده اتحلطم مو ناقصني الا نوييف اسوي له جاي

وحطته بأزبل مطاره عندنا لا مسحتهاا ولا شي ، وحطت بيالات

عاااديه مالت استعمالنا اليومي مغسلتهم ويقطروون ماااي ولا مسحت

الصنيه ولا فوحة الجاي يدووب ماي حاار وحطت اوراق الجاي فيه وسكر برى مالها خلق اتحطه ..بعدين دقت على وليــد يجي ياخذه..

وليـد جا للمطبخ مستعجل وبيدها اورااق جنجفه:: هاا وين الجاي ..؟؟

نوور:: خذ..

وليــد:: يووه شنو هذاا ،<<قام يبطل بالكبتات يدور بيالات زيااده

نوور :خير من عندك غير نويف شتبي بالزوود

وليــد :: مشعل وسلطان وفهد و عادل ""<< فز قلب نوور عاادل ..رفيج

وليد مزيوووووووووون ..دايم تمدحه اخته عندنهاا عكس نوور الي دايم تسب وليد عند رفيجاتهاا..!!لا ولدرجة انهاااا تقوول لرفيجتهاا مدري اخوج على

شنوو مرافج اخوووي ..!!



نوور:: هـ ..آآآآ .. لا رووح وانا اجيب لك فشله ماكوو طقم كامل من هذا ..

راح وليد وقالها انه بيرد بسرعه ..

نور<< ترقص وراحت فوحة جاي وطلعت صواني كشخه واتمسح بالمطاطير

واتنظف الصنيه لين صاارت اتلااامع هذا عاادل مو حي الله نفررر ذوبت السكروحطة نعناع برى وطلعت بسكووت بالعربي ماخلت شي بالمطبخ ما حطته بالصنيه ..ودقت على وليد عطته الاغراااض وراحت غرفتهاا تركض نامت على الدريش

تنطره يطلع بس ما شاافته << على قولتهاا يكفيهاا فخر انه في مزيوون ذاق من

جايهاا..
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
طبــعـآآ في مبــآلغـآآت بسيــطهـ بهـذآ آلبــآآرت

لززووم آلآكـــشن ..!!!!





/////////الساعه 8 بالليل ...///////////




،،،،،،، موعد المبااراه المنتظره ...



..مر الشوط الاول بهدف لصالحنا ، اللاعب الي كلمته نوور مالعب بالشوط

الاول واول الشوط الثاني دخلووه وشكله كاان معصب لانه طوول الشوط الاول

قاعد يم المدرب ويكلمه ،وبصرااااااااااااحه فاجئنا حتى المعلق انهبل عمررره

مالعب جذي .. الله يستر بس...





انــا << اطالع عادي مو مال كره بس اشووف خواتي معصباات ..

ديمــه : هذا اشفيه انهبل من متى يعرف يلعب ..؟؟دانه : لعنبو داره ..آخ شوفي يحرث الارض يبي يقوول

ديمه :تبن بوجهه ماعرف يلعب الا بأهم مبارااه

................."هذي المباره الي يفووز فيهاا ياخذ الدوري "

دانه : لالالا .. ابي آسيــاا..<< وسكتت على صيااح المعلق على قوول ضاع

نوور << لاااااااااااااااااااا تعليــــــــــــــــق ، وجهها منصفق وساكته

،، لاول مره اشووف نوور جذي متروعه وخاااايفه ، بس هم لاول مره يخدمنا الحظ ومادخلوو قووول عليناا مع انهم بالشووط الثاني لعبو لعب

مو طبيعي واللاعب الي تهاوشت معااه نور فاز بجائزة افضل لاعب بس

مبين عليه انه ماستانس فيهاا <<شكله متحسرر يبي قوووووووووول



نوور<< بتطيييييييير من الوناسه ...

دانه << راحت اتصلي ركعتين شكر ..ديمه <<راحت دخلت للمنتدى واتقلب فيه طبعاا مو ناديهاا منتدى النادي

الخسراان للشماته الي كل مباراه تسجل باسم جديد لانه اوردي حاذفينهاا

حذفه ماترد بعدهااا..

انا << اتفرج على خبالهم ، بعدين تذكرت ان وليد موصيني علي شي وصعدت فوق لشقته ابي اكلمه ..طقيت الباب ودخلتني مرته وقعدة بغرفة التلفزيوون انطر

الاخ يبدل لقيت على الطاوله علبة سي دي عليها صووره جذبتني يوم قربت ((مي

عز الدين وثامر حسني )) فلم عمر وسلمى ..بطلت العلبه واخذت السي دي لأن

شكلهم شايفينه قلت ماراح يفقدوونه بس حذفته علبة السي دي ورى الغنفه

وبطلتهاا يعنني طيحهاا فيصل ...



طول وليــد وطنشت فيه نزززززلت رككككض للبنات وقلت لهم عن الفلم ، طبعاا كالعاده ايدووني بشده وقلنا لاراح الدووام بنتفرج عليه ... صلينا

ورحنا ننام بدري عشاان نقووم بدري ونتفرج عليه ..



؛؛؛؛؛؛؛؛؛ بس مانمنا اطلعت لناا حصووه وقاااااااامت تصيــــــــح ..نزلنــا نركض ...

حصوص:: ماشالله من متى الشيخاات ينامون هالحزه ..

دانه : خير والي يعيش في هالبيت مايناام عشان جذي أي حزه تختفوون فيهاا نرووح ننام ونفتك منكم>>ياشيخه نامي وهم موجوديين هم تفتكين



ـــــــــــــــــــــــــــــــــــــــــــــــــ قمــت الصبح الساعه 9ــــــــ

دخلت غرفت التلفزيوون لقيت دانه اتريق ..

انا ::صبااح الخيـر ...،،...<<شكلي تأثرة بجيراننا

دانه تغمرز لي :: صبااح النوور اقلطي ..

حصووه :: جعلها عاده ياسعااده شالطااري قايمين بدري اليوم ..

<<< الا بدخلت نوور..

نور باست راسي امي لاول مره تبوسهاا بغير اياام العيد :: صبااح الخير<<من

صجناا تأثرناا فيهم ..!!

<< ركضض عالدرجه ، دخلت ديمه متخرعه مو مغسله وجهها

ديمه :: هابنات شغلتوووه ،آآآآ... صبااح الخير ..امممم شالريووق<< راحت اتغسل وواتوضى ، بعد ما تطمنت اننا ما شغلنااه..

دانه تساسرني :: امشيناا خلونا انشغله قبل لايجي وليــد..

اناا :: اوك بس خل تجي ديمه لاتفضحناا ..

نوور :: صعدت فووق وظبطة الدي في دي بغرفة التفزيوون الي دريشتهاا

على مصافط السيارات ..وبطلت الدريشه عشاان انراقب ......

<<< صعدناا فووق نتفرج ، شغلنا الفلم وتفرجنااا.... فجأه سمعنا صوته

وليـــــد:: السلاام عليـــــــكم ..

انا :: آآآى .. وليــــــد !!

ديمه :: انا مالي شغل << انحاشت غرفتهااا ..

دانه :: انا برووح تحت ألهيه وانتو اخلصوو بسررررعه..

نور << طلعت السي دي واحذفته علي ادسه وبطلت الدي في دي وراحت

ترده تحت ...

انا << يممممممه ارتبكت بدخل غرفتي رجوولي خانتني نزلززتني على

الدرج ،الا انا بوجه وليـــــد..

وليــد<<شافني مرتبكه وطالع بيدي، سحب الفلم شاافهه ونزززل معصب لأهلي ..، انا دخلت

غرفتي وكالعاااده قعدة اصيح ومدري شسوي ، ديمه انزلت اتسمع



/// بغرفة القعدده ،، امي وابوي ودانه قاعده اتقهويهم ...<< ومنصفق ووجهها

من الخرعه ..



دش وليـــــــد بعصبيه :: يباا شف ..<< ويأشر على الصوره الي على السي دي

ابوي ببراءه :: شنو هذاا ..

امي :: خير شالسالفه ..

وليــــد :: يبا عطهاا خلهاا اتعرف بناتها عددل واتعرف ااني انا الي اقووله

داايم صح وانه مو فاهم حركاتهم وتصرفات هالسخيفاات غيررري ..<<عشتوو

امي <<اخذت السي دي اتفرج عالصووره ..

وليـــــــد :: شفتي هذي اخرته دلالج لبناتج<< وينــــــه ..؟؟

ويكمل الاخ المحترم :: انا و انا رجاال وابو عياال حجزت له برووح انا ومرتي ويووم قريت القصه كش جسمي ولاعت جبدي وكنسلت الحجز ولا رحت وبنتج

من ورااج شاريته واتفرج عليه<<<< يخرب بيته اشلون يوصل السالفه ..!!

دانه :: اما عااد سنيما الكويت حتى الي تلبس قصير تقطع فقرته، واعرفك

خابرهااا...

الاخ المحترم :: ايه بس انا كش جسمي من الصووره ولا فكرت اشوفه

..<< من شوي كان قاري القصه وكنسل بسبتهاا والحين من الصوره

وشوي من شنووو ..؟؟

دانه بصووت واطي اتكلم روحهاا ::ايه بس ماكش جسمك يوم شريته..



ناداني ابوووي "ياويلي ويلاااااااااااااااااااااااااااااااااه" بتجيني جلطه من الخرعه

ورجولي اتصفق ابعض وحده ترووح يمين والثانيه يساار ...!!

نوور << عقب ماتسمعت مع ديمه اصعدت لي :: ماعليج رووحي تحت

وقولي انج اخذتيه من شقته ووو..<<اقطعتهاا ديمه

ديمه:: اووف عااد والله يخيس عند اهله، بس يويلج ان درى انج ماخذته

منه ياويلج استري على نفسج احسلج ..<<ليش طالعه مفصخه



خلصت السالفه وانا مارحت لاني ببساطه ماقدرت اروووح ،وانتهت على ان الدي

في دي ينحط بالصاله وممنوع نشتري أي فلم قبل لايشوووفه وليد ويسمح لنانشووفه

...........!!! << بيني وبينكم السالفه سخيييييييفه و ماتسوى واهلي حاسين

بهالشي بس ما بغوو يكسروون كلمت وليد ودانووه السخيفه قالت لامي اني اخذت السي دي من شقته عشااان تنقذني من هالسالفه واطلع جذبة وليــد عند اهلي ،،

بس كالعاده الولد ماايعيـــــــبه شي ..!!!
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
///// العصر الساعه 4 \\\\\



الحمدلله اخلصت السالفه على خير..ووليد يعنني زعلان مني على شنو مدريمنو المفرووظ يزعل انا الي مصخرني عند اهلي ولاهوو ..اووووووه قلعته انا شكوو

عنه مارضى..

رحت ادوور خواتي ..ووو

مشالله لقيتهم متجمعين عند نوور بغرفة سلطان شابكه مسن وصاكه كل الي عندهاا

بلوووك تنطر اللاعب الي كلمته ، قعدت وبسطت معاهم انطره ...



،،،،،،،،،،،،، دخل اللاعب ونك نيمه اسمه واسم ابووه، اما نوور فنك نيمهاا

الصداااااره لنا والخرفااان اوووه..اقصد الـ..خلفنااا j

نور: اهليـــــــــــــن

اللاعب طوول لين رد : هلا ..،مبروووك الفووز <<ياحليله رووحه رياضيهنور:وين القووووول ..؟؟

اللاعب : الله ماكتب ..

نور: اذا انت منت قد الكلام لاتقطه..

اللاعب: يبا قلناا مبرووك خلاص

نور:لالالالا .. ميته عليهاا من لساانك عذال اللهم ياكافي ..

اللاعب <<مارد

نوور: اصلا مالك وجهه ترد ..ادري

اللاعب : انا ماحط عقلي بعقل مره

نوور:اقوول بس خسااره هالشوارب الي بوجهك عز الله ماطلعت على رجااال ..

اللاعب :: خيــــــــــر

نوور : رووح بس رووح نتفهم خسااره بوجهك هالشوراب..

اللاعب :تدرين ان لسانج يبيله قص

نوور:: في ام (ن) جابتك خير جرب ..

اللاعب : ترى البنت حلاتها بنعومتهاا ، عيب هالحجي ؛؛ << مؤدب

<< في هذه الاثناء دخل لاعب ثاني من نفس النادي وحبت تستهبل عطت

الاول بلوووك وكلمت الثااني ..

نوور:: السلام عليكم ..

<< ماكوو رد ..

نوور:: السلاااااام لله ..

اللاعب : اهلين وعليكم السلام

نوور: أنت اللاعب الخلوق

اللاعب : مشكوره

نوور::لالالالا .. أنا أسألك

اللاعب << مافي رد

نوور: ليش سموك اللاعب الخلوق

اللاعب : والله مادري

نور :يمكن عشانك كل مباراة تتفل عالحكم والجمهور واللاعبين

اللاعب : انتي ما تستحين على ويهج

نور : لا ليش قلت شي غلط !!!

اللاعب : أي ,,, عيل ليش ضايفتني

نور : لحظه هوووووووووب ..,, لا يكون حسبالك ضايفتك معجبه عووووووووع

مالقيت الا انت اعجب فيك

اللاعب : انتي شكلج تبين بلوك

نور : لا تكفاا يرحم امك بموت اذا عطيتني بلوك ماقول الا الله يعين مرتك على مقابلك يالدلخ

اللاعب : تفوو عليج وعلى ويهج

نور : ههههههههههههه صدقو يوم قالو بو تفله حتى بالمسن تتفل يالبريعصي

اللاعب : بلوك وديليت

نور : مالت عليك وعلى خشتك ,, بس قول لمرتك تصبر على بلى الدنيا وراها الجنه تدشها بدون حساب

اللاعب : انتي قليلة ادب ومو متربيه
نور ( طالع منو يتكلم عن الادب ههههههههه) : ههههههههه مخليه الادب لك

يا بو تفله تفوووو على هيك اشكال

اللاعب : ترااي ساكت لج

نوور:: خيــــــــر اشعندك اطربني ،اقصاك بريعصي طقت زنووبه

تفطسه ..

<<مارد ..

نوووور:: يااربي مشكله الي يحاول يصير رجاال وهو رخمه ، ماقوول الا

ياكبر خسااارة امك مااجابت رجاال ..

<<مارد ..

نووور:: روح رووح مووت حيااتك خسااره..؛؛<< هم مارد ..

اللاعب : تم تسجيل الخروج<< عطاها بلوك وديليت بعد ما ارتاحت نفسيا انها

مصخرته وتقول ان الدور عالباقي,,, عشان يبطلون يصرحون تصاريح مو قدها..

انــا :كا\\\\\\\\\ك يخرب بيتج بجيتيه ..



ديمه : مو صاااحيه قومي بس ببطل ايميلي بضيف وحده قبل لانسى ايميلهاا

<<بطلت ديمه ايميلها وقالت هي قالتلي بي بس مدري عصايتها فووق والا الي تحت ..؟؟

قالت لهاا نوور ضيفي الاثنين ورفيجتج اهي الي بتستقبل..

على طوول استقبل الاضافه ..ودخل

الشخص : مرحبا

ديمه : اهلين

الشخص : منو معااي

ديمه ( بنات شكله بالغلط مو رفيجتي شوفو حاط صوره الشاعر ......واسمه وهي ماتحبه)

بصكه دليت

نور : لالالا يويلج اسأليه هوو الشاعر والا لأ اول

ديمه: يؤيؤيؤ .. شكلي ضايفتك بالغلط

الشخص :انتي من المنتدى ؟؟

ديمه ( أي منتدى ) : لا انا مخربطه بالايميل بس ممكن سؤال؟

الشخص:ممكن

ديمه : انت الشاعر .............

الشخص : لا أنا اخوه الصغير اسمي عبدالله عمري 19 سنه > وطبعا هالدلخحط رقم سيارته ورقم الجواز والرقم المدني

ديمه: يالجذاب اشلون عمرك 19 رقمك المدني يقول انك مواليد 79 ؟؟

الشخص (يرقع لعمره ): انا خربطت اخذت بطاقه الشاعر..... وحط رقم مدني ثاني<< يعنني اعرف شعاار مشهوريين وااااجد ابوووووك يالسخاااافه

ديما عرفت انه ورع وخلصت المحادثه بسرعه وماعطته وجه بس

استانست انها لقت احد جديد اتربيه وتكسب فيه اجر << مادري على شنو
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
>>>>>>>>>> انتهت المحادثه <<<<<<<<<<<



راحت ديمه رككككككض ودقت على رفيجتهاا مهووي

(مهــوي بأختصــآر آلمحقق كونــآآن تعرف أخباار الي بالكويت كلــهم
عايشه في رجيم دائم
بلا نتائج ايجابيه )

ديمه : قوه مهوي اخبارج؟

مهووي : اخبااري خير انتي.؟

ديمه : انا عاال العاال .. تعالي ضعفتي والا كرشتج زايده طبقاتها

مهوي : ناويه اخليها ناطحات سحااب هههههههههههههههه

ديمه :ههههههه انزين تعالي بسألج الشاعر ..... عنده اخو اسمه عبدالله عمره 19

مهووي : لا >> وطبعا عطت ديووم تفصيل كامل عن العايله كلهااا من كبيرهم لي صغيرهم ومنو مناسبين وسكنهم شياكلون وشيشربوون بالعربي ادق التفااصيل

وديووم اعرفت ان الكمخه جذووب بس قررت تكمل معاه عشاان اتفشله وتربيه

وتسوي خير باهل الشاعر لانه الكمخه يوصخ سمعتهم<< غصب تقنع نفسها ان

الي تسويه خيـــــر ..؟؟؟؟ غريبه هالبنت



ــــــــــــــــــــــــــــــــــــــــــــــــــ ـــــــــ الساعه 10 بالليل بعد العشاا ـــــــــ



دقت خالتي ام خالد ((مرت عمي سعد ))اتخطب لعياالها فهيد وفاارس ، طبعا

حصوص كتمت عالخبر ماتبيه يوصل لناا ، صج عقد ناس خاطبينا احناا اهم

يتشااوروون بالموضووع ويقرورون عننا ..دانه سمعت طرف السالفه وجت ترركض

ووجهها احممممممممممر ...<<طبعاا امي حلفتهاا ماتقول لنااا



دانه قداام غرفتي :: بناات بسررررررعه تعالوو لغرفة ديمه ..

كالعاده شميناا ريحت خبر وجينا ركض ، طبعا بعد ماقفلت الباب وحلفتنا

وقسمتنا على مليوون يمين انه مانوصل الخبر لاحد ولانحسس امي اننا عرفنا

دانه :: فهيد خطب ديمه ..

انا :صج مبرووووووك

نوور: يووووه ياحظج اشحلاته فهيد مزيوووووووون..ديمه طيرت حاجبهاا بقرف : خيييييييييييير انشالله ..

دانه : اشفيج ..

ديمه : مابقى الاهو ...

دانه بصدمه :ليه انشالله اشفيه ..

ديمه :اولا يصير ولد عمي ،ثانيا عقيدي ،ثالث انتي تصيرين مرت اخووه ،رابعاا اسمه فهيد ..حتى مو فهد فهيييييييييييد ابووك يالعقاده ..

انا والبناات انطالعهاا وعلى راسناا مليوون استفهاام فهيد صار عقيدي ..

(( فهيد ولد عمي عمره 24 سنه مهندس بترول ..قمه بالذوووق واحلى عياال

العايله انا ماشفته عددل ولامره ،بس نور ودانه متحطماات فيه ، من النووع الي

اذا مر ريحة عطره تترس الممر وكشييييييييخ ))



دانه : آآآآ... و فاارس خطب فروووح..

أنــا<<انصفق ووجهي مدري ليش بس احس اني استحيت ،بس بصرااحه

مااهتميت لاني بعدي اصغيره وهالموضووع من آآآآآآآآآخر اهتمامااتي .. نوور::ياحظج فاارس احلى مافيه اسمممه..

دانه :: ههههااي وناسه باجر انرووح وانجنن عاليووه..

نوور ::آآآآخ ودي اشووف ردة فعلهاا بس اتعرف انهم اخبطوو، بتمووت من الحره

ديمه : موت جدي.. اكبر همي احرهاا ..!!وفهيد لو شيصير ماآخذه يفضحي لو يدرون

رفيجاتي ان خاطبني وااحد اسمه فهيد والله لآصير مضحكتهم !! ؛؛<<ياشيخه اكلي تبن



<< ديمه مسكينه معشمه نفسها انها بتآخذ سحيم وعايشه على هالواقع

لاوتقول بدخل الاناقه والاتكيت بمناهج بناتهم وبتلبسهم ع المووضه واذا ضحكنا عليهاا تقووول::

انتو واجد عليكم تفكروون براعي غنم <<< انطمي زين تحرجنا بهالكلمه نحس

اننا هيلق بزياده ههههههههههههه



ــــــــــــــــــــــــــــــــــــــــــــــ الساااعه 11 بالليــــــل ــــــــــــــــــــ



نوور<<راحت تناام باجر اوول يووم درااسي لهاا ..

غلا <<من زماااااااااااااااااااان نامت بترووح بدري اتحجز لهاا ولرفيجاتهاا

دانه <<راحت اتسحب حجي من حصووه ،بخصووص الخطبه وشصار

وشبيسووون ، وعرفت انهم كتموو عالخبر وبس بيعلموون بخطبه ديمه اما

بالنسبه لي فبيأجلوونهاا لين اخلص اول سنتين بالجامعه...



دخلت على ديمه ولقيتهاا شابكه مسن مع الكمخه الي ضافته قبل ...نبذه عن الكمخه >> شاب ورع بدوي عمره 19 سنه وعقله بو 9 سنين

وشركهاا بالمنتدى الي اهو مشاارك فيه عشااان تمدح وترد عليه و بعد

جذاااب ويلزق رووحه بنااس مشهووره عشاان البنات مسكين ماطااح الا عندنا

واحنا عارفين هالعايله صم يعني كل جذباته مكشووفه فقررت ديووم

انها تربيه وتكسب فيه اجر عشان يبطل هيااط وجذب ويصير رجال من

عرض الريااجيل آمله من الله ان يجعله بميزان حسناتنا..!



ديمه :تعالي شوفي يقول في خليجيه سابته تقول انت مو رجال و يبيني افزع لــه..

أنا : والله ما ألومها خليها تسبه وتلعن خيره يمكن يصير رجال عقب الزف

ديمه : والله انهاا صاجه لو هو رجاال جان ادبهاا بس حرااام استفزع فيني

كسر خاطري بجرب يمكن يبين بعينه!! >> وطبعا سوا دعوه للخليجيه...

وديمه ماقصرت مسحت فيها البلاط واتوقع ان البنت انجلطت من الكلام الي

سمعته من ديمه لانها ماقدرت ترد على ديمه وعندي يقيين ان هاليوم هو آخر

يوم تقعد فيه هالبنت عالمسن يعني اتوقع ان البنت تابت على ايدينهاا << بعدين

الكمخه عطا البنت بلوك ودلييت ...

ديمه : السموحه ع القصوور >> (الدور جايك يارخمه)

الكمخه : مامن قصوور يالغاليه شوفي بوريج سيارتي

ديمه(ورع والله ورع ):نعــم..!! شبي فيهاا >> ماتحب تستقبل فيديوات

او أي شي

الكمخه : والله بتنهبليين لا شفتيهاا البنات انجنو عليها

ديمه ( ياااسخفه رجال طول وعرض وهذي سالفته ) :و منو بناات الفقرالي طايح اتكلمهم هذوول.. >> شرواااك

الكمخه : كيفج انتي الخسرانه
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
قمت الظهر عالساعه 2ونص صليت و دانه وديمه لسآآ ماقامووو ونوور و غلا

بس ردوو من الدوااام تغدو وحطوو روسهم ونااموو..، نزلت الصاله سلمت

على امي ولقيت مرة وليــد تطل من دريشة الصاااله ...



انا :: هاااااااي ، <<بنظرات شك اتذكرهاا بزوجها>> تطلين على منوو

يالصايعه والله لاعلم رجلج ..

ام فيصل:بسمممم الله خرعتيني ، طلعت فيصل يجيب اوراق جايبهم فارسلوليـــــد ..انتي اشتبين يلا طسي حاشرتني ..

انــا ونفسي اطل فلآآآآزم اوزعهاا :: ..آآآآآآ.. انتي مجنونه مطرشه ولدج

هالحزه والله لويلقط مادريتي عنه لا ويعني بطلين عليه من اهني اطلعي

الحوش خلج قريبه منه سبحان الله ماتظمنين شيصير <<الحبيبه خقت

ورااحت ركض للحوووش ..

وطبعاً عقب مانحشتهااا ..،يصير ما اطل اصلا خواااتي ما يرضوونهاا لي ،

ورحت اطلطل ...وانطررر...و انططططر... اوووف.. ولاززلت انطررر...،، و

ووو... وصل الاخو المطراااشي ...آآآآآآ... شنو هذااا يـــــــ.... ،،..... يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااا

اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااو...

الدشدااشه معفسه ، خشه "وجه" ..،،.. مغبرر سيااااااره مشلخه

وتوااااير مقطعه من كثر التقحيص وشمااغ حااذفه على متنه ،و قحفيــه

فوقهااا عقاال مااايــــــل.. يعني عررررربجي..!! لالالا .. عربجي خاطبني ...ياااااااااااااااااااو

مو مصدقه نفسي وزقاارته بيده بعـــد..!! لالالا هذا اشلوون طلع بالعاايله يااااااااااااااااااااوو....

يجنن يجنن ..... آآآآ ... لالالالالا ..... لالالالالالالا .... لالالالالا .... مومعقوووووووووووووووله

... مووو قااادره اصدق ... بنجن بنجن عووورني قلبي يووم شفته ..،، .. حلـم حيــااااتي !!

بغت تجيني جللللطه هذا ..آآآ..هذا خاطبني واهلي يبوووون يشااوروني لا وعقب سنتين بعد ..،

،.. بنهببببببببببل !! ...و رحت رككككض اناقز على سرير ديمه، واصيح واول مادرة ديمه رااحت

ركض للدريشه تبي تشووفه ،،... بس المشهد طاااااااااافهااا ياااااااااااااااو ليتني مصوورته ، اول مره

بحياااتي يعجبني شكل رجااال مع انه موو حلووو وكل خواتي يطنزوون علي يقولون من زينه وشيفه

وووو... بس احس انه شلع قلللبي وتربع مكاااااانه ..، عربجي عربجييي بشكل موووو طبيعي بس

انا احب هالستايل ما احس ان الي قدااااااامي رجاال الا اذا كان جذي شكله .......!! << انسدحت

على سريري ودخلت بأحلآآآآآآم واحلآآآآآآآآآآم ..،،.. آآآآآآآآآآآآآآآآآآآآآآخ ... قطعني صوت ماما الرقيق

:: ياماااال حريمت الراااحه انشاالله ..



انــا اعددل قعدتي : اهلين ماما ..يامرحبااا....

ديمه << تخرعت ان امي ادخلت واهي نااايمه فقامت اتمثل ::..آآخ احس

اني تعبااانه ماقدرت انــااام امس ..

حصوص::جعلت حريمة النوووم انشاالله بيقفل العصر وانتوو نايمين ..

انا :: يمه الله يهداااج لاحقين على القوومه بدري دوامتناا باااجر ..!!

ديــمه :: يوووووووووه ..ذكرتيني جيكتي على الجدوول ..

انا ::لالالا..نسيــــــت ابرووح اشووفه اكيد لغوو قوائم الانتظاار..

حصوص <<يوم شافتناا انتكلم عن الجامعه اطلعت ورااحت اتقووم دانه..

،،انا اطردووني من مااده وديمه اطردووهاا من ثلاث مواااد ، فقعدة المسكينه

ادوور ماده ولقت ماده بس انهاا بكلية ..... ،وطبعاا الخبيره الوحيده .....
دانه ..،رحت اسألهاا..



اناا : دانووه الدكتوره فـ...اشلونهاا انا وديمه بناخذ عندهاا..؟؟

دانه ..كانت اتكلم رفيجتهاا: اووووه اتجنن تاخذينa وانتي منسدحه..،

وقعدة تضحك وتكلم رفيجتهاا تخيلي يسألووني عن الدكتووره فـ.. ههههههااي..



انا وديووم سجلنا عندهاا لان ماعندنا غيرهاا بعدين ايه وانا منسدحه منوو عايف

، وبعدهاا نزلنــــــا عند حصوص ولقيناا الاخ المحترم قاعد عندهاا وبما انه قرب

دوامناا قعد يعطيناا محاظراات عن الادب والحشمه ومغاازل الجامعه ومن سوالف

المعقدين امثااله ، ...واثنااء ما الاخ يسوولف..

ديمه :: فرووح ذقتي الحلووو..؟؟

انا : آآآ ...أيــه شوفي ترى هذي احلى ,, بطعم التوفي

الاخ المحترم <<عطاناا خزه لانه كان يتكلم وقطعناه..

ديمه ::آآآ ايه ابوو فيصل كمل اشكنت تقوول..؟؟

الاخ المحترم ((وليــــد)) ::انتي عارفه اشكنت اقووول وترى العلووم تووصل

بالذااات فرووح كل ربعي بالاجتمااعيه هناااك وكل شي يووصلني ..

انا ::وربعك شموديهم هناااك ..؟؟ الي اعرفه انهم موظفيــن..

وليــد::آآآ .. اخواان ربعي والمهم كل شي بتسوينه بيووصل ..؟؟

ديمه " ايه هين "::ايه ماشاالله عليك خااالي انت مايفووتك شي ..

<< بعدهااا قام الحبيب بعد ما ظن انه خووفنااا واننا بتخااف من انه

يطلع لناا بأي زاويه من زوااياا الجامعه .....
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
ــــــــــــــــــــــــــــــــــــــــــــ المغرب السااعه 7و نص ـــــــــــــــــ



انا وديمه ودانه وامي راادين من السووق ..،، دقت على امي خالتي ام خالد

وطلبتهآآ تجي واتقهوى عندهااا ..،،انــا طرت من الفرحه لانه في احتماال كبيــــــــر اني اشووف فاارس اما ديمه فضااق خلقهــآآ لانها متوقعه انهم

بيلمحوون عليهاا ويقطوون نغزاات مااااالهــــــــآآ دااعي ..،،اما دانه فعادي

تمنت انهاا تشووف ناصر لانهاا من زماان ودهاا تزفه <<مدري على شنوو ،

وتمنت انهاا ماتشوفه لانهاا خايفه تتهور معااه ويطلقهآآآ ...



<<< دخلنــا البيت وسلمناا على خاالتي كانت قااعده برووحهاا بالصاله وبعد وصلوولنا

انزلت عاليه ودقت على حزب البعث وبظرف خمس دقاايق الحزب اكتمل ..



عاليه: خاله شفتي العشااا ..

خالتي ::آآ لاتو الناااس ..وبعدين من متى تسألين ؟؟؟ " عاليه وخوااتها ارفل ما خلق ربي بس

يطامروون قداام الناس يعنني شوفوناا سنعاات "

عاليه : ...هااا..آآ.. لا بس اليوم عندنا ضيووف مايصير انطلعهم جواعاا ..

اميره:لالالالا..والله ماتقومين انا برووح اسوي العشاا للضيوف <<اذا احنا ضيووف انتي شنوو..!!اسما :اساعدج اميره .. تعرفيني احب المطبخ و الطبآآخ..<<وقامت الاخت..

وقعدنا نضحك وانسوولف ودق تلفوون خالتي ..

خالتي ::ألوو ..اهليــن ،،ايه بس العرب ماردوو،،خير متى،،..ووو...

<<صكرت خالتي السمااعه واهي مصدووووووومهـ ...



امي : خير يام خالد عسى ماشر ..؟؟

خالتي : نااااااس جنو وقعدووو..!!

امي :منو ..؟؟

خالتي : نجلا عمة عياالي "نجلا عمتي متزووجه سعودي وعايشه هنااك

ولهاا اكثر من عشر سنين ماجت الكويت بسبب ظرووف شغل زوجهآآآ"

امي : وش فيهــآآ..؟؟

خالتي واهي لاازاالت مصدووومه ::تخلي سمعت بخبر خطبة فهيد وداااقه

معصبه تقوول قبل انا قايله لفهيد تبي بنتي ووافق وحجرتهااا له وألحيــن

يووم كبرت بنتي بيبورهــآآ علي حشاا مايااخذ غيــر ساااره وهذا كلامي و

ان خذا غيرهاا يام مشيـــعل ماتلوومين غير نفسج ..!! ..وهذ كلاامي وصلج

وقد اعذر من انذر ..!!!!!!!

امي " مو مصدقه " : انتي من صجج ..!!

دانه : متى شاورته ..متى وافق ..متى اصلاا جت الكويـت ..متى شااافته!!



×× دقت خااالتي على فهيد وقالت له الساالفه وجاا البيـت بسرررررررعه ××

دخل فهيد البيت ودخلنا بالاستقبال الدااخلي وقعد هو وامه بالصاله وطبعاا احنا

كالعااده انتسمع ××



فهيد::يمه امااانه انتي صااجه باللي تقولين..؟؟

خالتي :: ماتعودت اجذب عليك ياوليدي بس متى كلمتهااا ..؟؟
فهيد :: يم انا علمي فيهااا .. يوم تجي بعد الغزوو بأربع سنين يوم تجي تاخذ نصيبهاا

من ورث جدي عقب ساافرت ماقط سمعت لهاا حس ..

<< اخذ فهيد نقاال امه ودق على عمته ..

فهيد : السلام عليكم ، اشلوونج عمه ..؟؟

عمته : لاسلاام ولاكلآآآم صدق الي سمعته يافهيد؟؟

فهيد : خير وش سمعتي ..؟؟

عمته :: انك خاطب ديمووه وتبي تعرس عليهاا..""ماعطته مجاال يتكلم "

بنتي ويجونهاا خطاطيب الدنيا واردهم عشاانك والحين تبي اتبورهاا علي ..

فهيد:: بنتج على العين والراس بس انا ماا خطبتهاا ياعمه لاتصيرين امخربطه ..

عمتي:انا ما اخربط يااولد وانا عندي شهوود استح على وجهك اتعشم البنت ثم

تنكررر وانت منت مااخذ شينت الحلايا ديمووه وبنتي ماراح ياخذهاا غيــرك

هذاا كلامي يااولد وماعندددي غيــره وانت ياعديــم الاخلاق اتخلي بنت عمتك

وتااخذ الغريبه "بنت عمه غريبه ..!!" ...<< صكرت السمااعه بوجهه وصكرت

جهاازها عشاان محد يرد يدق عليــهآآ..، قال لامه الكلام الي قالته عمتي وطلعمن البيت وهو معصب ومو مصدق...!!شنوو موقفه من عمته واشلوون بيتصرف معااهاا ؟؟

احنااا<< قمة الصدمه متى خطبهآآ ..،،.. واشلون الاخ يخطب ويخطب على خطبته

الاوليــه معقووله ..لالالا..ولااا ياخبر بفلووس بااجر ببلاش

ديمــه وهي تصيــح وتطق الارض وتطير غباارهاا:: أنــا انا اخذ فضلة سويرووه ..<<ببساطه

ماعااد الاتمووت.. ، مع انهاا كانت راافضه ..بس انغثت..



..الووضع في البيت كاان حده مكهرب وقلناا انسلم ونطلع لاننا ماقدرنا انخفف عن خالتي ، وانا طاالعه انغزتني دانه تقول سمعت حس بالمقلط ويووم طلت طلع فااااارس ..يااااااو ..ودي ادخل اشووفه ,,لالالا

اخااف يشووفني اممم عادي واذا شاافني مو بصير مرته بعدين خل اعدل كشتي وازلق ملفعي يمكن اطيحه

وينجن علي نفس الي بالروياات ... لالالا حرااام ياخبلي خبلااه آخذ ذنووب وما راح آخذه هذا ان شافني

جذي بطييح من عينه هذيييل حدهم معقدين << صاجه ديمه انا افكر بشنوو ..مااااااااالت علي ، ورحت

لحقت خوااتي للسيااره ..



؛؛؛؛ صلينا العشا ورحنا ننام وكل وحده برااسهاا مليووووووون موواال ....

دانه<<بينبط راااسهاا من التفكير بمووضوع خطبت فهيد...

ديمه <<مادرت عن هوى دارنا ولا اهتمت بالسالفه يمكن جاندرا خدامتهم مهتمه اكثر منهاا ..

اناا<<بصرااحه خقيت عقب ماعجبني فاارس يطلع اخووه خاطب اخاف يكوون الحبيب نفسه ...بس اشلوون اتأكد مدري ..

نوور وغلاا<<نااااااايماااات ...مادروو عن ولااشي ..
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
ــــــــــــــــــــــــــــــــــــــــــــــــــ ـ الصبح السااعه 10 ونص ـــــــــــــــــــــــــ



قمت من النووم كالعاده صبحت على جيراناا المؤدبين وقوومت ديمه لانه حصوص متحلفه

فينااا وبتذبحناا ان ماقمنا بدري ...!!

دخلناا غرفة التلفزيوون الاامي وغلووي و وليد ومرته ولده وألمااس بنته الصغيره ...

أنــا :: صبااح الخير << رحت مسكت فيصل وقعدة ألعبه ..

وشوي الاديمه ودانه ونوور دخلوو :: مرحباا..صبااح الخير..احلى صباح على احلى ماما <<< فيصل ومرته وحصووه ..!!! لا تعليـــــــــق مستغربين ما ألوومهم حتى انا مستغربه

،احس اننا صرنا ذربين من سكنو جيرانا عندنا ...!!

بعدين قعدنا انتريق ...

ام فيصل:: آآآآآآآآآآآ.......وليد وليد

<<<كلنا لفينااا ، الا المــاس وقفت ...

وليد : طار من الوناسه ومسك تلفوونه وقام يصور بنته ...

نوور:: هآآآ ..وليد انت مواعدنا اطلعنا لا ووللمكان الي احنا نبيه بعد..؟؟ لا وقفت بنتك..

أنــا :: نبي نرووح السينماا ..في فلم رفيجااتي يمدحوونه حيييييييل خل انطالعه ...

وليــد<<عصب بيتكلم بس ... قاطعته ديمه ..

ديمه :: آآآ ..ايه خلاص يلاه نوور شوفي لنا حجز بسرررعه

دانه : من صجكم انتوو ..والله مايوديكم اهو مطعم وكباين وبالموووووت يوديناا هالمره

سينماا مره وحده ..!!

أنــا ::وليد وعدنا وهو عند كلمته << انصفق وجه وليد ..

نور::ايه رجال وكلمته وحده ..

ديمه : أنـــآآآ آشهـــــــــــد << وليد رآح فيهــآآآ ..

غلا : صج ..اجل برووح ألبس..

دانه "وشوي وتضحك على وجه وليــد": ها وليد متى بنطلع ..

وليــد "وهو يكتم تعصيبه بس كلينااه مايقدر يتكلم ":خلاص شوفو موعد بدري قبل

المغرب وشووف بمتروو ..

أنــا : نــعم ..!!

نوور : هذي مالت الهنووود ..

وليــــد : عاجبكـ....

ديمه : خالي انت قلت الي تبوونه يعني الي نبيه واحنا نبي الافنيووز.. وانت قد كلمتك<<

هههههههههههههههههآآآي كلينااه بقشوووره

نوور: ايه حلوه الافنيووز برووح اشووف الموااعيد <<وراحت نوور وليد سكت ماعلق

لانه مستحيـــــــــــل يكسر بكلمته
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
×××××× شفنا حجز عالساعه 4ونص العصر ورحنا انتلبس ××××××××

....طق وليد الباب علينا ..::



" الي تحط كحل ابط عيوونهاا،،مسكرا انتف رمووشهاا ،،ملفع فيه لمعه ولاستراس اخنقهاا

فيه ،، كبه عاليه اكسرهاا على راسهاا ،،نعل اطقطق احش رجولهااا ،،حمره اقطع براطمهاا

موتقولوون قلووس ولا طبيعي ...وقد اعذر من انذر سلاام ."

خلص كلامه وعلى طووول طلعنا من الغرفه ببساطه لاننا ماسوينا شي ..!!!!!!!



دانه :: عسا مايشوفني ناصر ويحسب اني خدامه منحاشه من مكتب ..

ديمه :: يااااارب مايشوفني احد يعرفني ..نوور::بنااات اشرايكم نلبس نقاباات ..

انــا:: والله جننا مراضى وجيهنا تفشششل

ديمه : تكلمي عن وجهج انتي << خيــر ..!!!

نور : أقول امشوو خل انجننه بالسووق والله لأطلع له قرووون

ديــمه : انا عن نفسي بضيع وبسكر جهازي واذا خلصو القاكم بالسياره

؛؛؛ ونزل وليد مع حرمه المصوون وعياااله ؛؛<<نعم..

أنــا : يلا خلصناا ..

ام فيصل :: ثواني بس خل احط بامبرز ألمااس بالجنطه ..

ديمه : ليه بترووح معاناا ..!!

نور:: رايحين ملااهي ....؟؟

وليــد : اصلاا الطلعه عشاانها وقفت وماتبونهاا اترووح ..

ديمه :ليه رايحين الافنيووز انتقشقش جننا غنم..

داانه وهي تضحك :: والله لتنحشوون الافنيووز ودنا مالت الصليبخاات واجد علينا

انا :خيــر ..مابي ابي الافنيووز ...

نوور: والله الافنيووز روحي لهاا مع رجلج مومعانا اتفشلين واتعنسين حتى فاارس لو يشوفج

هناك فسخ خطبته ..

ديمه :: والله احرااااااااااااااج ..انا بمشي بعيد عنكم جني مو منكم وانتلاقي بالكراسي
يم بعض..

دانه ::اقوول ام فيصل بتبدلين البامبرز مال يوور دوتر واحنا انتفرج عالفلم ..

ديمه ::لا دانه الله يهداج بالدعاياات...<< تتطنز عليهااا

البناات << هههههههههههههههههههههههههههههههههههههاااي

ام فيصل :: رايحه رايحه مثل ماانتو عمركم ماشفتوها حتى انا بشوفهاا..

انا والبناات (("خخخخخخخخخخخخخخخخخخخخخخخخخخخخخخ

خخخخخ... صج معقده مثل رجلج مابقى سنيما بالكويت ودبي مادخلنااها

بس طبعا من ورى رجلج المعقد ياعزي عنهاا اضعيفه متزوجه معقد بيهبل فيهاا "))

وليـــد : بلا هبال ... خلصونا خل نمشي ...

وطلعنــا من البيت وليد شايل ألمااس و مرته شايله الجنطه وماسك فيصل

وانا والبناات من وراهم نضحك عليهاا وهي ميته من القهر ..المهم جت بنت

جيراننا الجدد ...



ليلى :: الله شحلاتهااا .."اطالع وليــد" بنتكـ

وليد :: ايه ..

ليلى :ممكن ..<<عطاها وليد البنت >> الله يخليهاا لك اشحلاتهااا وصاارت تبوسهاا..

وليد :تسلميـــن ..<<عطته البنت وراحت ..طبعاا بعد ما لاعت جبدهاا

من نظراات ام فيصل الي ماعاد الا تذبحهاا ..وليد اخوي ترى حليو ومملووح

بس احنا عمرنا ماشفناا هالشي بسبب حركاته معانا ولا كل رفيجاتنا متحطماات

فيه ..
 

جرحي جديم..!

๑ . . عضو مؤسس . . ๑
التسجيل
29 مارس 2006
رقم العضوية
4674
المشاركات
15,223
مستوى التفاعل
541
الجنس
الإقامة
rak
×××××××××××××× بالسيــــــــــــاره ×××××××××××××××××



وليــد :: والله ياحليهاا بنت جيراناا .. استانست على ألماااس << وليد

يموووت بألمااس بنته ويستانس اذا لقى احد يعطيهاا وجه ويلعب معاهاا

انا :: ايه والله شكلهاا هي واهلهاا حليوين <<مادريت الا بكووع من دانه

نوور:: صج يعني عادي اذا شفت ولد جيرانا مع بنته ولعبتهاا..

ديمه :: ايه عاادي بالعكس بيقعد يمدح فيج ويقوول ياحلووج..

وليــد: ايه جربي امصع ايدينج الثنتين ..!!

نوور:: خير توك تقوول ياحليلهاا ..

وليــد يرقع : ...آآآ... هم عندهم عاادي احناا عندنا عيب ..



؛؛؛؛؛؛؛؛؛؛ وانقلبت قعدة السياره لمحاظرات عن عاداتنا وتقاليدناا

وعن العيب والمنقوود وخبااال هالمعقديـــــــــــن ؛؛؛؛؛؛؛؛؛؛؛؛؛



في مصاافط الافنيووز ...

وليــد : الي تلف رقبتهاا اكسرهاا ، والي ترفع راسهاا اطالع امصعه

واحطه بين ايدنهاا ، والي تحرك عيونهاا يمين يساار ابطهم لهاااااا،

والي ترفع تليفونهاا اتكلم اكسره على راسها ..ووو...من الي مايخلص ..

دخلناا الافنيوز .......

ام فيصل شايله ألمااس وشايله الجنطه بجتفهاا شكلهاا تحفه وتصيح على نور تبيها تمسك

يد فيــصل ...
نوور : والله من أحمل زهمل .

قالت لديمه.:

ديمه :هيييييييييي شقالولج بيبي ستر .

قالت لدانه.:

دانه : خليهم يوسعوون صدوورهم تستاهلين قلنا لج خليهم ..



أما انا اتلفت يمين يسااار : بناات وين وليد ..؟؟ << دق تليفووني

وليد ::بصرااااااااااااخ ياحيواانه ولله لقطع ارقبتج ..

أنـا :: آآآ.. انا ادورك وينك ..؟؟وليد :: انا قدامكم يا سخيفه << صقع السماعه بوجهي ..!!

طالعت قداامنا الا واحد متلثم ولابس نظارات شمسيه ويمشي بسررعه ولااجنه مننا

...<< معقد مايبي احد يشوفه معانا ..بس ماألوومه شكلنااا واااااااااااو قمه في

الاحرااج وديمه تمشي على بعد ميلين عننا ونوور مبتلشه بغلا لااااااازقه فيهااا وانا

دانه نمشي برووحنا وام فيصل خخخخخخخ.. حجز لنا وليد بالفلم ودخلنا القاعه و

بصرااحه ابتلش فيناا يبي يحطنا قداام عشان مانشووف احد ويبي يحطنا ورى عشان

محد يشووفنا وبالاخير حطنا ورى بعد ما سطر تعليماته على رووسنا واحناا.....

مستمعين لاااا اكثر ..دخلناا على فلم مصري لاحمد حلمي ..وبعد عشر دقايق من الفلم..



غلاا : وليـــــــــــــــــــد ابي نفيش ..

وليد : اكلي تبن مافي ..

غلا قامت تبجي : بمووت من الجووع والله لعلم امي عليك ..ووو...

وليد : والله لشق حلجج بــــــــــــــــــس!!

دانه : وليد اقووم انا اجيب ..؟؟

فيصل :: بابا ابي عصيير ..

قام وليد وهو معصب واخذ فيصل معااه ..وماااطوول اقل من خمس دقايق ووصل

جاب معااه 6 بيبسي و2 بوب كورن اكبر حجم شكله رهيـــــــب وهو شايلهم برووحه..

<<< لاكثر خيره بوب كورن2 لست انفااار .؟؟؟!!



ديمه :: ياااااااااو شوفي الناس اشلوون اطالعه ..

انا :: مسكين كلو وجهه..دانه :: يستاهل قلت له بقووم وعيا كيفيه ,,

نوور :: بصراحه ما ألوومه لو اني مكانه مافكرة اطلعكم معااي دراازن واتفشلووون!!



ـــــــــــــــــــــ أثنااء ما النااس اطالع الفلم ــــــــــــــــــــــــــــــــــــــــــــــــــ ـ



نوور<< الجو عجبهاا وماتعودة اتفرج على فلم واللمباات طافيه فــ نآآآآآآآآآآآآآآآمت<<

اصلا داييم اتخمد هناااك

دانه << قاعده واتسمع سوالف واحد هو ومرته مدري رفيجته يضحكوون ويسولفون

ويوكلهاا بطاط ... ببساطه فلــم ثاااااااااااااااااااني << وتنطر اليوم الي يوديهاا ناصر

السينماا ( بروووحهم طبعا ..!! ) ..

انا << قاعده اطالع قفاا الاوادم وادوور المزيوون بينهم ....!!

ديمه << الوحيده الي اطالع الفلم ومندمجه فيــه ..

ام فيصل<< ازعجتهاا ألمااس قعدة معاهاا بالمطااعم الي براا..

غلاا << عجبهها النفيش بالكراميل فما طلعت راسهاا من علبته ..!!

<<<<<<< على شنوو رايحين سينمااا .. الله أعلــــــــــم !!!

بالوقت الي اندمجنا فيه كلنااا صارت فقره اتضحك .!!

يصير مانضحك.!!!

هههههههههههههههههههههههههههههههههههههههههههه

هههههههههههههههههههههههههههههههههههههههههههههههههه ههههه

ههههههههههههههههههههههههههههههههههههههههههههههههآآ آآآي

لف وليـــد ولسوء حظ دانه الي كانت اقرب وحده عنده....صفقهاا صفقه على صمااخهااا

ضحكتنااا بزووووووووووووود وما قدرنااا نمسك اعمارنا والمسكين يغمز ويأشر ويتحلف ولا

قدرنااا نسكت ببسااطه فصلنــــــــــــــآآ عليه فطلعناا من السنماا والفلم مااا خلص بس

بصراااحه استنانسناا أول مره انشووف وليــــــد منحرج لهدرجه ...!!هههههههههههه

هههههههههههههههههههههههههههههههههههههههههههههههههه ههههاااااااااي



///////////////////وطلعنا بنرد للسيااره ، ركبناا فيهاا ونوور مو معانا\\\\\\\\\\\\\\\\\\



وليــد :: بناات جنكم ناقصيــن

<< ماكوو رد

لف عليناا وقام يعدناا وبعدين اكتشف ان نوور اختفت وقعد هو يدورهاا ....

ولا لقااااااااااااااااااااااااااااها ياويلناااا ويلآآآآآآآآآآآآآآآآآآآآآآآآآآآه ...


ديمه<< خاقه وتدعي ان هالعنز اتبين لا يذبحنا وليــد ..

دانه <<تدق عليه كل اشوي تسأله ..

غلا << قاامت تصيح تحسبهااا ضاايعة ..

انا<< بطلع ادوورهاا بس خواتي امسكووني .. يقولون كافي بلوه وحده ..!! وبغيت

انجلط من الخرعه ...!!



؛؛؛؛؛؛؛ بعد اكثر من نص سااعه ..اطلعت نووور؛؛؛؛؛؛



نور " وهي تبجي ":: ويــنكم الله ياخذكم <<<<<<كملت بجي ..تمثل

انا والبناات <<تخرعنا عليهااا وقمنا انسكتهااا ودانه دقت على وليــد وقالت

له انهاا ردة ...



دخل وليد السيااره ولا شعوريآآ عطآآه كف كسر ضرووسهاا وبعدين يووم شاف دموعهاا

تحسف ..

وليــد :: خير انشالله وين كنتي ..

نور<<لاااا تعليق تبجي وبس..!!

دانه :: حرام عليك البنت فووق ماهي ضايعه ومتخرعه تزيد عليهاا..

وليــد :: احسن عشاان اتأدب وتنتبه مره ثاانيه غلا ماضااعت نوور تضيع ..!!

<<< وقعد الأخ طوول الطريق وهو يعطي محاظراات مالهاا اول ولا تالي ..!!>>>
 
عودة
أعلى