الجدال مع الاجنبي

استراتيجية مفكر · 27 يناير 2011

السلام عليكم ورحمة الله وبركاته

كيف حال اعضائنا الكرام
نتمنا لكم دوام الصحة والعافية

الموضوع امس

بينما كان المفكر يتسوق في السوق كان هدفي احدى العطور التي اعدت ان استخدمها والتي سعرها يتراوح مابين 125 الى 135 درهم

تحاورت مع صاحب محل العطور وهو اسيوي بلمختصر هندي ....

المفكر : عندك العطر الفلاني

الهندي : موجود بابا

المفكر : عطني العطر وكم صار سعره اكيد نزل

الهندي : بابا هذه عطر قيمة 210

المفكر : ليش قبل ستة شهور كان 125 درهم والحين شو اللي وصله 210 ؟؟؟

الهندي : بابا هذه اول الحين كلو عطر يجي غالي

وبعد جدال وكلام اتفقنا على سعر135 درهم و لولا علمي بسعر زجاجة العطر لا اشتريته بسعر اغلى مما هو عليه

بعد ذلك دار حديث بيني وبين صاحب المحل فقلت له لماذا انتم هكذا وهل تعتقدون انه المواطن الخليجي يقف على كنز عظيم

معظم المواطنين موظفين لدى الحكومة وراوتبهم محدده وحالهم من حالك وربما انت اكثر غنى كون التجارة شطارة
والدليل انك قبل قليل كنت ساتبيع لي عطر بسعر مضاعف ...... قلت له ساافتح محل بجانبك لانه سيدر لي ارزق الوفير وسا اديره بنفسي

قال الهندي وهو يضحك .......

انه معظم الزبائن نساء وانه النساء اذا وجدو مواطن في المحل لن يدخلو المحل وسوف تخسر
قلت له على ماذا تستند بهذه القول ؟ قال انا اعمل في المحل منذو 15 عام تقريبا

كلما دخلت امراة عندي في المحل تاخذ حريتها بكشف وجهها وحريتها بنظر الى الامتعه والعطور والاحذية ولكن بحال دخول مواطن فانها تتغضى وتصبح جاده
ومن هذه اخبرك انه النساء لديكم لايعتبروننا رجال

او ربما لاننا اغراب عنكم ياخذون حريتهم في التسوق دون تشدد ..........

ومن هذه الموضوع استنتج بعض النقاط وكل منها مختلفه عن الاخرى....

اين الرقابة على سعر السلع والادوات والالبسه وكل المستلزمات ؟؟؟؟؟

وكذلك سؤال الى النساء

وهل فعلا ستمتنعون عن الذهاب الى محل يعمل به مواطن ؟ اتوقع معظم الاجابات بنعم على هذه السؤال:^^:

وهل تعتبرون الهنود ليسو برجال ام اغراب ؟

والسؤال العام

وهلا ارتفاع الاسعار الغير مبرره سببها المواطن كونه يدفع المبلغ دون جدال ؟

ومن اكثر يدفع بدون جدال الرجال ام النساء ؟

بالنهاية هدفي من الموضوع امرين اين الرقابة على الاسعار ؟؟؟؟

ولماذا النساء لايخجلون من تصرفاتهم امام الاجانب ؟؟؟؟[/color]

مع اجمل تحية

فتى العرب · 27 يناير 2011

سبحان الله انا [mark=#FFFF00]نفس الحاله[/mark] لازم تطلع عينهم
مرات أسير آخذ عطور ولا غتر ولا شي جي
وأقعد أكاسر وأكاسر ولما اطلع اكون بعدني حاس انه [mark=#FFFF00]قاص [/mark]علي بالقيمة ههههه:^^:<....حسستكم صح...!!
بس إذا شي تعرف قيمته لازم تاخذه بنفس القيمة
عيل مرة غرشة عطر تعودت آخذها على قيمة يمكن 150 يا 115 ما أذكر اللي هي [mark=#FFFF00]212 [/mark]رجالي
فدشيت محل على ما أعتقد إسمه [mark=#FFFF00]أريج [/mark]ولقيته ب350
خيييبه لها الدرجه رافعين القيمه مع انه نفس الغرشة والمشكله هالمحلات ما تقدر تكاسرها
فأنا لو آخذ الغرشة برع أحس
والحريم ما يصدقون اعمارهن كل شي [mark=#FFFF00]لقدام [/mark]
ما يكاسرون ولا شي لازم تسير وياهم علشان ما ينقص عليهن
[mark=#FFFF00]وبلاوي[/mark]
الله يستر بس

ĴũşŦ ŠмǐŁẻ™☺ · 27 يناير 2011

[align=center] وعليكم السلام ورحمة الله وبركاته ..

اين الرقابة على الاسعار ؟؟؟؟
بالفعل لا تووجد رقآبه صارمه على الأسعــآر ..
يعني الكل يعرف مثلا انه شركة أجمل لهآ أسعآر ثابته تكوون ع علبة العطر كل دولة بعملتها ..!
بس العجيب أنه العآمل رآفع ضعف السعر المحدد ..!!
ولمآ قآله الوآلد انه سعر العطر بسعر الفلآني وقيمة ثآبته قآل هذا عشان فآيده عنوبوآ الفآيدة ضعف السعر ..
بعد جدآل خذنآه بالسعر المحدد ..
وفي بعض العمآل يقولون أنه لو كآنت السلعه أو البضآعه رخيصه محد يشتريهآ ..
بالأصح بعض الحريم يآخذون الرخيص بسعر الغآلي وبدون جدال بس عشآن الفشخره ..

ولماذا النساء لايخجلون من تصرفاتهم امام الاجانب ؟؟؟؟
للإسف هذه الظآهره منتشره وآيد ولم نقول لها فلآنه هذا بعد ريآل ترد إلا هوو هندي ..؟
زين هندي بس بعد ريآل ..!! بصرآحه مآ عندي مبرر مقنع عن هذا السلوك ..
بس نحن فالبيت نعتبره حآله من حآل إي ريآل غريب نتغطى عنه ..

شكرا ع طرح الموضوع ..
[/align]

ربي ثبت قلبي... · 27 يناير 2011

وعليكم السلام ورحمة الله وبركاته

اين الرقابة على سعر السلع والادوات والالبسه وكل المستلزمات ؟؟؟؟؟

مدري! لكن الاكيد ماتجروى على الشئ هذا الا انهم لقوا اقبال من الزبون "الشاري "

وكذلك سؤال الى النساء

وهل فعلا ستمتنعون عن الذهاب الى محل يعمل به مواطن ؟

لا .. وبصراحه اكثير بالسوق يمنين ان كانو بائعين او تجار .. فا ماتوقع راح يكون افضل من المواطن ..

وهل تعتبرون الهنود ليسو برجال ام اغراب ؟

لا .. اغراب اكيد .. ويخوفون يعني نقول المواطن فيه الغيره ...

والسؤال العام

وهلا ارتفاع الاسعار الغير مبرره سببها المواطن كونه يدفع المبلغ دون جدال ؟

هيه

ومن اكثر يدفع بدون جدال الرجال ام النساء ؟

مدري .؟ اتوقع الرجال ويمكن النساء ..

ولماذا النساء لايخجلون من تصرفاتهم امام الاجانب ؟؟؟؟

حتى انا مستغربة ..يمكن لانه غريب فتأمن شر مع انه العكس !..

مشكور على الموضوع ..

ربي يوفقك ..

عطرالاماكن · 27 يناير 2011

وعليكم السلام ورحمة الله وبركاته

اين الرقابة على سعر السلع والادوات والالبسه وكل المستلزمات ؟؟؟؟؟

ماشي رقابه بس كلام جرايد وحبر ع الاوراق عند المسؤولين

وكذلك سؤال الى النساء

وهل فعلا ستمتنعون عن الذهاب الى محل يعمل به مواطن ؟

يلا بنات ردووو... بأعتقادي يسكر المحل أحسن له

وهل تعتبرون الهنود ليسو برجال ام اغراب ؟

سمعتها بأذني ..مره أنا داش مركز مركاتو واسمع بنات وراي يرمسون يقولون نيلس بكوفي ما فيه مواطنين
وجان الترد وحده منهن ليش الزلمات((شغالين بالكوفي)) مب رياييل .. جان ترد عليها الثانيه هاااذيل عادي .. وأنا منصدم منهن

والسؤال العام

وهل ارتفاع الاسعار الغير مبرره سببها المواطن كونه يدفع المبلغ دون جدال ؟

نعم في شباب يدفعون ولا يهمهم ... مايحاسبون

ومن اكثر يدفع بدون جدال الرجال ام النساء ؟

التوقع الحريم ... بسرعه ينقص عليهن

ولماذا النساء لايخجلون من تصرفاتهم امام الاجانب ؟؟؟؟

هذا السؤال اللي محيرني أنا؟؟؟

مشكور على الموضوع

أخوي ودومك ممميز بمواضيعك

أخوكم

عطرالاماكن

استراتيجية مفكر · 27 يناير 2011

فتى العرب
ĴũşŦ ŠмǐŁẻ™☺

ربي ثبت قلبي

[mark=#ffff00]عطر الاماكن [/mark]

شكرا للمروركم الكريم واجمل تحيه لكم

شيبه محتشر · 27 يناير 2011

السلام عليكم ورحمة الله وبركاته

قروو الجملة

انا سايرة اشتري عباة لي قيمتها 2500 من المحل الفلاني

هالجملة خلت الهنود وامثالهم يلعبون بالسوق

الخقه والفشخرة على الشي والماشي عند الكثير من الحريم والقليل من الرياييل هي لي خلت الاسعار ترتفع

انا ما الوم الهنود

قد ما الوم لي يشتري منهم

الهندي يقول بخاطره البيزات طايحه عندهم ولا يسألون عن السلعة وكم سعرها

ولو سألوا ينزلون عشر والا عشرين وهم فرحانين

لو بس يحشون الحريم ريولهم عن الشارع الكويتي والمنار بس شهر

شوفوا اذا ما رد زمن الليلام للبيوت

بس بترمس منو

الهندي يدري انه الحرمه لو يت بتسال عن السلعة ولو شافتها رخيصه

شوفوا تفكيره شو بيقول لها

اكيد هالسلعه مقلدة والا خربانه والا طايح سوقها والا ما جان باعها

على بالها ذكية يعلها العله

لانه لما تروح عند الحريم ويسالونها انت بكم خذيتها تستحي تقول بعشر والا خمسين اذا ماقالت بخمس مية والا اكثر والا ما بترتاح

اما الشباب فالله يهديهم

يمكن نسبتهم اقل

دخلت محل العطور مرة وانا عارف العطر كم سعره فقال له الهندي 250
اخر كم كم اخر وصل 200
مع اني اخذه ب 110
فيلست اطالع الولد اقول البيزات لاقنها بالشارع حضرتها

خل يولون خل لهم اغراضهم
لي ما محتاجينه لا تشترونه
عطر واحد بالسيارة وبالبيت يكفي
خل يقولون بخيل والا زطي
لمهم يكون عندنا على الاقل ثقافة للشراء
نقول للهنود انهم طميم
واشهد انه نحن الطميم مو هم
لي خلينهم يستغلون بالطريقة لي هم يبونها

:cry:

غادة الرياض · 27 يناير 2011

حياك الرحمن اخوي المفكر
وبالنسبة لي راح أجيبك على هالسؤال ..

وهل فعلا ستمتنعون عن الذهاب الى محل يعمل به مواطن ؟

أنا عني أحب أتعامل مع الســـــعودي بكل مجال مو بس مجال البيع والشراء ..
لأن السعودي يفهم أكثر ويعرف الأصول بالتعامل ، بمعنى اللي يشوفها محترمه بيحترمها ..
وهذا شيء مريح عكس الأجنبي ماتفرق معه ..
أذكر مره كانت معي أخوات صديقاتي الصغار وكانوا يبغون يصرفون فلوس عشان يتقاسمونها ..
فرحت عند كشك تاجير سيارات الأطفال قلت عندك صرف قال إيه ولما طلبت يصرف لي ..
رفض بحجة استأجري عربه أول !!
طنشته ورحت الكشك اللي عقبه وكان للحلويات ونفس الشيء ..
قالوا لي الصغار اللي معي شوفي اللي هناك وكان عبارة عن صفة كوشكات بوسط المول
أغلبها أجانب ..
طنشتهم والبنات مستغربين أشرت على أحد الكشكات اللي يبع فيها سعودي ..
وقلت لهم هذا هو الوحيد اللي بيصرف لنا وبكل ذوق ..
وفعلا ماقصر الرجال حتى انه يسأل أي فئة تبون !
كانوا البنات مستغربين وشلون عرفتي إنه بيصرف لنا ..
فحبيت أعطيهم خلفيه عشان يستفيدون وشرحت لهم السبب ببساطه لأنه
رجل سعودي ..

شكرا لك المفكر ع الطرح ..

ReaL DaY · 27 يناير 2011

قال الهندي وهو يضحك .......

انه معظم الزبائن نساء وانه النساء اذا وجدو مواطن في المحل لن يدخلو المحل وسوف تخسر
قلت له على ماذا تستند بهذه القول ؟ قال انا اعمل في المحل منذو 15 عام تقريبا

كلما دخلت امراة عندي في المحل تاخذ حريتها بكشف وجهها وحريتها بنظر الى الامتعه والعطور والاحذية ولكن بحال دخول مواطن فانها تتغضى وتصبح جاده
ومن هذه اخبرك انه النساء لديكم لايعتبروننا رجال

او ربما لاننا اغراب عنكم ياخذون حريتهم في التسوق دون تشدد ..........

خخ حشا ما ترمس هندي جنك ترمس ويا فارس
( اننا ونحن والامتعه لايعتبروننا ):^^:

رفيق مثقف ماشاء الله

الي مال مقصه بينقص عليه

والعطور تراه تعبئه جبل علي

نظرة غرآم · 27 يناير 2011

وَعَليكُمْ السَلآمْ وَ الرَحْمَهْ
مِشْ السآلْفَهْ الرِقآبَهْ عَ الْأَسْعآرْ
الْمُصيبَهْ إِنَ نِحِنْ الْإِمآرآتِيينْ مِقَصَهْ سَوآءْ بِالدَوْلَهْ وَ لـِ بَرَعْ
الإِمآرآتِيينْ لِلْأَسَفْ مآآ ايْدَوْرونْ إِلآ عَلَى الشِيْ الْغآلِي حَتَى لَوْ مآ كآنْ يِسْتآهِلْ
يَعْنِيْ بَسْ مَظآهِرْ

وَعَنْ سآلْفَهْ ليشْ نِتْغَشَى عِنْدْ الْمِوآطِنْ والْهِنْدِيْ مآ نِتْغَشَى يِدآمَهْ
اسْتِوَتْ عآدَهْ لِلْأَسَفْ
يِمْكِنْ الْهِنْدِيْ انْرومْ نِتْجَآدَلْ وِيآهْ أَمآ الْمِوآطِنْ لآآ
بَسْ أَنآ امْرَيْحَهْ رآسِيْ مآ اتْغَشَى إِلآ بِالزَحْمَهْ خخخ

وَبَعْدينْ مُسْتَحيييلْ وَ مِنْ سآبِعْ الْمُسْتَحيلآتْ اتْشوفونْ مِوآطِنْ يِشْتِغِلْ بِمَحَلْ بَعَكْسْ الدُوَلْ الْخَليجِيَهْ إِلآ كِلْ مَحَلْ بِنْدِشَهْ مِنْ أَهْلْ الْبِلآدْ
لآ اتْلومونآآ لَوْ كَثْرَتْ البَطآلَهْ عِنْدِنآآ لِأَنْ الْمِوآطْنيينْ بَسْ يِبونْ شِغِلْ مِكآتِبْ وَ مُريحْ وَ مآ يِبونْ أَيْ شِغْلَهْ
لآ اتْلومونْ الدَوْلَهْ لَوْ رآحَتْ لِلْعَمآلَهْ الْأَجْنَبِيَهْ لِأَنْ مَحَلْ ثِقَهْ أَكْثَرْ مِنْ الْمِوآطِنْ
الْمِوآطِنْ لَوْ لِقَى شَغْلَهْ مُريحَهْ أَكْثَرْ مِنْ شِغْلِتَهْ بَيِرْفِسْ شِغْلِتَهْ وَ بَيْسيرْ لِلِثآنْيَهْ

وَهييكْ يَعْنِيْ
إنْزينْ وَ كيفْ هِنْدِي ويِرْمِسْ لُغَهْ عَرَبِيَهْ
خَطيرْ الصَرآحَهْ خخخخخ

ثآنْكْسْ اسْتِرآتيجِيَهْ =]

الجدال مع الاجنبي

استراتيجية مفكر

๑ . . شخصية هامة . . ๑

فتى العرب

๑ . . عضو برونزي . . ๑

ĴũşŦ ŠмǐŁẻ™☺

๑ . . عضو ماسي . . ๑

ربي ثبت قلبي...

๑ . . مشرفة برزة الدراسات والبحوث . . ๑

عطرالاماكن

لا إله إلا الله محمد رسول الله

استراتيجية مفكر

๑ . . شخصية هامة . . ๑

شيبه محتشر

๑ . . عضو إمبراطوري . . ๑

غادة الرياض

๑ . . مشرفة برزة أخبار العالم والمواضيع العامة . .

ReaL DaY

๑ . . عضو مؤسس . . ๑

نظرة غرآم

๑ . . عضو برونزي . . ๑

نحن نقدر خصوصيتك