الطبخ جنون , فنون , لذّة ♥

[آلخزآمــے~]

غآده

حيآك الله

الله يسلمك ويخليك ويسعدك
من ذوقك ولطفك يآحبيبه ,

زييين والله حطيتي طريقة عجينة (آلبف) من زمآن أبغآهآ منك
بس وقتهآ مآيتوفر بجنبي قلم وورقة عشآن أحفظهآ وآلحين موجودة هنآ متى مآبغيتهآ . .

تسلميلي يآ غآده
تعآلي دآيم نوري هنآ .






مزنه

مرحبآ

كل سنة وأنتي طيبة وبسلآمة يآرب

غريبة ليه مآضبطت ؟
جآيز يكون مآذوّبتي آلمآرشميلو كويس . أو آلسكر عندك مو بودره نآعمة

..
.

فيه طريقة ثآنية لعمل عجينة آلسكر أو آلفوندآنت
ومآتحتآج لـ فرن .. في آلخلآط فقط , لكن مقآديرهآ أكثر شوي من عجينة آلمآرشميلو
بس على كلٍ سهلة وسريعة وأكيد بتضبط معك من أول مره . .
بحثت لك إيآهآ فيديو من آلشِف أسآمة عشآن تشوفينه وتتشجعين تجربين تسويهآ من جديد .

تفضلي :



بآلنسبة لـ ( corn syrup ) هو شرآب آلذرة ,
يجي منه نكهآت بس آلمستخدم هنآ هو آلسآده آلأبيض , تحصلينه في كآرفور قسم تزيين آلكيكآت .


أي سؤآل أنآ موجوده مزون.






عيدكم مبآرك جميعاً ينعآد علينآ وعليكم كل حول وإحنآ بأتم آلصحة وآلأمآن


جآيبه معي طريقة طهيي للكبدة بمآ إننآ بموسم آللحوم وآلأضآحي

بس قبلهآ بحكي لكم عن عيدنآ .
أنآ كل عيد أضحى أتولّى عمل آلقهوة وآلشآي وأحيآناً آلغدآء وهيك
وإخوآني وخوآتي آلكبآر يذبحون ويسلخون وأنآ أبقى بعيده عنهم وعن أجوآء آلذبح وآلدم ,
بس كل شوي ينآدوني خزآم جيبي سكين خزآم سنّي آلسآطور خزآم قربي آلطشت خزآم صبي آلقهوة
لكن هآلعيد آلسنه سويت شي مآتوقعتني أسويه , يآمآ ترجّآني أبوي أسوي هذآ آلشي وأنآ رآفضه بآلثلآث

سلخت خروفه


وآلغريب مآخليت أحد يعلمني كيف آلسلخ عآندت قلت أنآ بعلّم نفسي بنفسي
وبصرآحه (آلسلخ) ممتع ممتع ممتع .بس يكسر آلظهر
إستخدمت سكينه صغيرة على قدي وإخوآني سكآكينهم طويلة كم مرة بغوآ يطيرون أصآبعي بسم الله علي
ولمن رحت أغسل يدي بآلمطبخ آلخآرجي قلت بصور يدي وآلدم متيبس عليهآ للذكرى




وأرسلتهآ لشلتي وذبحوني من آلضحك .
آللي تقول أنتي مجرمة وآللي تقول أنتي وخوآتك سفآحآت يمه منكن وآللي مو مصدقه وآللي تقول إنهآ كرهتني بعد هآلمنظر

تغسل و تقطع آلكبده مكعبآت صغيرة,

على آلنآر وفي قدر : نحط بصل سلآيس ونشوّحه بزيت زيتون وثوم .
نضيف آلكبده ونقلبهآ 5 دقآئق وبعدهآ نضيف طمآطم مكعبآت صغيرة
وحبيحره رومي سلآيس وفلفل بودره أحمر وبهآرآت عربية أو هندية .
نقلبهآ مع آلكبدة مدة 5 دقآئق أخرى ونطفي عنهآ آلنآر ونغرفهآ في صحن آلتقديم . تُزيّن وتُقدّم

فيه أسهل من كذآ !

قلبي سُوريّه , لآيُشآبهني في حُبهآ أحدُ . .

---

التعديل الأخير تم بواسطة soooooooooomh ; 08-11-2011 الساعة 01:59 AM

[soooooooooomh]

خزومـۂ


[ غسلت ايدي من هآ العجينۂ ]

مآ شاء الله عليج

سلختيے خروف !

مآ اتخيل فـ يوم انيے اسلخ

تعرفين انيے أخاف اطبخ السمج و انظفۂ

اما الديايے و اللحم اموريے طيبۂ ويآه

بس لو تعرفين السبب الليے يخوفنيے بتموتين ضحك عليے

مبين ع هالكبده غآويه

بس البصل مخرب الشكل

[soooooooooomh]

مشآركه بسيطه مني فـ ها الموضوع و هي تطبيق لـ سويت نزلته قبل يومين

الرابط الاصلي للوصفه هني ~> حلو [ القهوه ] ..♥




المقادير:

♥ زبده
♥ بسكوت مطحون
♥ كراميل بودره
♥ حليب طازج
♥ ملعقة نسكافيه
♥ 6 حبات جبن كيري
♥ قشطه
♥ حليب مكثف [ فنيآن و نص ]


الطريقه :

الطبقه الأولى :

نطحن البسكويت و نعجنه مع الزبده السايحه و نوزعه فـ البايركس بطريقه متساويه.


الطبقه الثانيه :

نضع فـ الخلاط [ جبن الكيري و القشطه و الحليب المكثف ]
و نخلطه لين يتجانس و نصبه فوق الطبقه الأولى .
و ندخله الفرن( بس فوق ) لين يستوي لونه ذهبي

الطبقه الثالثه :

فـ جدر ع الغاز نحط [ الكراميل و الحليب و النسكافيه ]

نترياه لين يفور و عقب نبد النار عنه و نترياه لين يبرد و نصبه الطبقه الثانيه و ندخله فـ الثلاجه لين يتمآسك .

و بالعآفيه ع قلوبكم

[soooooooooomh]

سوريـﮱ الحين انتبهت إنيـﮱ عكست بين الخطوه الثالثـہ و الرابعـہ

[آلآميّرهـْہ]

موضوعُ جميلُ
ليُ عوده أكيييييدَ

الخزامىَ يعطيج العافيهُ

مزنه / بخصوصُ سؤالج عن الجيلاتينُ . . هووً نفس الجليُ بس بدون لونُ اعتقدَ جيُ . . عن نفسي انا ولا مره استخدمته خخ

صورتهُ هوونَ

17/4/2012
لو اُلمقآبر تسمَح بشوُف مرحوُمْ .. رحتَ ولمَحت المندفنْ فيِ ترآبهْ
هذآكْ لآ شفتهْ بكتْ عينيِ عزوُمْ .. وصآحَتْ ضلوعيّ بالغلآ والرحآبهْ

اللهُمْ آرحَمْ مَنْ آشتاقتْ لهمْ أروآحنّاْ وهُمْ تحتَ الترآابْ

[دياية منكوشة]

السلام عليكم ورحمة الله وبركاته
مراحب خيتؤؤؤ اسعد الله مسااج بكل خير
بصرااحة انا ونملووه على طوول نطووبخ دوووم يعني ما يمر يووم ما ندش المطبخ
ونبغي نشاارك بطبخااتنا لكن تعرفين وين العلة ان انا ويااها طماط في تعديل الصور
وتكشيخن وكل مرة نطلب من حد يعدل الصور حقنا خلااص عااد فشلة قفطن ويوهنا من
كثر ما نطلب من الاعضاا يعدلون الصور عشاان جي ما نووعدج ان نحط صوور هوون
بس بنتاابع بصمت من بعيد خخخخخخخخخخخخ
وتسلمين خيتؤؤؤ على هالمووضووع الناااايص

بنكسر بعض النااس وبنخليهم صدق جووارح نيااهااهاي

[ريح هوجاء]

السلام عليكم ورحمة الله وبركاته

الفكره حلوه وعجبتني
جميل الواحد يحط افكاره وابداعه هنيه
ان شالله ما نخيب ظنك فينا يامزنوووه

[دياية منكوشة]

السلام عليكم ورحمة الله وبركاته

من فترة سووويت عدسس وحبيت انقله لكم بعد ما كشختلي مزنووه الصوور تسلم ايدها
المهم اخليكم ويا الطبخة الفنتووكية خيخخيخيخي

المقاادير :



عدس الكمية الي تبونها
طماط حبتين اوو ثلاث مقطع صغير
بصلة وحدة مقطعة شراايح
4 حبات بطاطس والي يحب البطااطس عاااتي يكثر
زنجبيل مطعون ملعتين
ثوم اربع فصووص
بقدوونس شوويوونة مقطع صغير
بهااراات منوعة + ملح + سنوت(كمون) + فلفل
شوربة ماجة علبة وحدة ..


الطريقة :
او شي تحطين العدس في مااي فترة بسيطة عقب تحطيه في الجدر على الغااز بالمااي طبعا..




وعقب تخليه ربع سااعة تقريبا لحد ما يستووي جي شكله ..




الحين نحط البطااطس والزنجبيل ..





وبعدين شووي البصل والطماااطم ونخليهن نص سااعة لحد ما يذووبوون وتستووي البطااطس ...




ولحد ما يستووي الشي الي فووق نسير حق البهااراات لان شغلاانة يباالهم اوول شي نسخن شووية زيت ونحط البهااراات وشووربة المااجي وف3 فصووص ثووم وورق غاار اذا عندكم اذا ما عندكم عااتي مب لازم ونقليهم لحد ما يطلعن ريحة تخليكم تعووطسوون خخخخخ لا لحد ما يحمروو شووي ونحط البقدوونس ويااهم ودقاايق بسس ونبند عليهن ..
























عااد عقب نحط هالبههااراات على العدس ونخليه شووووي لحد ما يستووي وبالعاافية عليكم واذا بغيتووه شووربة ترى ينفع بس حطووع في الخلااط واخلطووه عقب ردووه على الغااز وبسسس ..



والسمووحة على القصوووور واي سؤؤال ولا استفساار حيااكم


وثااانكس مزنوووه على التكشيخ ما قصرتي .

بنكسر بعض النااس وبنخليهم صدق جووارح نيااهااهاي

[soooooooooomh]

ما شاء الله عليج ديايوه حرمة بيت . . /

يعطيج العافيه ع ألطريقه و الشرح الوافي

مشكلتي ما احب العدس

المره اليايه سويلنا شي فيه دياي

عساج ع القوه

[ريح هوجاء]

ما شالله عليج ديايه منكوشه
تعرفين اتسوين العدس
هوه صح ما يباله شي
بس يباله ايد ماهره ونفس بالطبخ

وعقبالي ما احط انا بالموضوع