هلا اختي مزنه
السموحه ع التأخير..
- المشكله الاولى: قرص السي مليان عندج.. الظاهر انج
تنزلي عليه ملفات من النت
ما تمسحي الملفات المؤقته
يمكن عندج ملفات ما لها داعي فالقرص
الحل..
هناك عدة حلول لهذي المشكله
اول شي لازم تسوي فحص كامل للقرص يدويا يعني تدشي السي وتشوفيه فولدر فولدر بس مب فولدرات السستم
الفولدرات اللي تدشيها مثلا
Program Files
Users
وبس
بالنسبه للفولدر الاول بتحصلي فولدرات مال برامج يمكن ما سحتيها من النظام لكن بعض البرامج ما تمسح ملفات البرنامج ع القرص لذلك يتطلب مسحها يدويا
والفولدر الثاني يتضمن ملفات المستخدم
فيها ملفات التنزيل وغيره والمستندات وسطح المكتب
-----------------------------------------------------------------
------------------------------------------------------------
من تخلصي دشي سلة المحذوفات وحذفي الاشياء اللي مو محذوفه (إن وجدت)
--------------------------------
بإمكانج استخدام برنامج CCleaner كذلك برنامج عن نفسي اعطيه 10 على 10
يمسح الملفات المؤقته والغير مستخدمه:
نظف جهازك مع Ccleaner برنامج مع الشرح (بالصور)
- حل آخر كذلك اذا ما بغيتي تمسحي ملفات من المستندات مثلا .. بإمكانج نقلهم لقرص الدي او اي قرص ثاني عندج ع الكمبيوتر
جربي هذي الحلول واذا في استفسار ان شاء الله بنساعدج..
:::::::::::|||||||||||||||||||||||||||:::::::::::: :
اما مشكلة الأنترنت إكسبلورر
- ( انا هالبرنامج ما اطيقه ) خخخ
المهم دشي خيارات
بعدين دوري ع شي اسمه
AutoComplete Settings
سوي نفس الصوره
ف انتظار الرد منج اختي
مشكلتين [ امتلاء القرص & تخزين اسم المستخدم و كلمة المرور ]
العرض العادي
