• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ذكريات طفولتك

حنين الأيام

๑ . . شخصية هامة . . ๑
التسجيل
1 يناير 2009
رقم العضوية
9966
المشاركات
11,394
مستوى التفاعل
2,264
الجنس
الإقامة
في دار زايد
السلام عليكم ورحمة الله وبركاته


كنت بحطي الموضوع برزة الحوار بس خفت مشرف القسم يشوت الموضوع للاستراحه ويي فوق راس عنابه خخ



بحطي لكم اسئله عن الطفوله وبختار عضو يجاوب ,, و بعد ما يجاوب يختار عضو ثاني يجاوب بعده

واللي بيدش عرض بيشوف دواه خخ لا اللي يبي يجاوب , يجاوب عادي



اكيد في اسئله اكثر بس ها اللي حضرني الحين



كيف كانت طفولتك؟؟



هل كنت طفل شقي ام هادي ام.... ؟؟


ما هو اجمل موقف تتذكره من طفولتك؟؟



احزن موقف مر عليك في طفولتك؟؟


هل انطقيت يوم صغير ؟ ولماذا؟



اجمل هديه تلقيتها في طفولتك؟؟



احلى لعبه كنت تلعب فيها؟؟


افضل رسوم متحركه عندك؟؟


افضل برنامج تلفزيوني؟؟




يا الله

انا اختااار

السنيوره
 

الطرف الحور

๑ . . عضو محترف . . ๑
التسجيل
8 يونيو 2008
رقم العضوية
9100
المشاركات
687
مستوى التفاعل
33
الجنس
الإقامة
الدوله الشحيه
بسم الله الرحمن الرحيم


مشكوره أختي حنين الأيام للموضوع اللي

يذكرنا بأيام الطفوله الحلوه


أنتي أخترتي السنيوره بس أنا شكلي رزيت ويهي :hm00mm:




كيف كانت طفولتك؟؟

ولا أروع طماشه

هل كنت طفل شقي ام هادي ام.... ؟؟

شقي ولله الحمد

ما هو اجمل موقف تتذكره من طفولتك؟؟

يوم إيكون أبوي ياي من دبي وإلا أبوظبي عشان أشوف شو يايب لي :mf_boobie

احزن موقف مر عليك في طفولتك؟؟

موت خالي رحمة الله عليه

هل انطقيت يوم صغير ؟ ولماذا؟

لا ولله الحمد مع إني كنت مأخلي شي أخسف الدنيا فوق تحت:d7aim:

اجمل هديه تلقيتها في طفولتك؟؟

مامتذكر زين بس يمكن إيكون سيكل:eh_s(6)::cry:

احلى لعبه كنت تلعب فيها؟؟

المريحانه ---- والكوبيه خخخخخ :ah:

افضل رسوم متحركه عندك؟؟

سالي

افضل برنامج تلفزيوني؟؟

أفتح ياسمسم


والحمد لله اللي هدانا



ومشكوره أختي الكريمه حنين الأيام


وأنا أختار الأستاذ: غيث لو مر على هالصفحه

تحياتي
الطرف الحور
 

السنيورة

๑ . . عضو ماسي . . ๑
التسجيل
3 مارس 2010
رقم العضوية
11693
المشاركات
1,717
مستوى التفاعل
774
الجنس
الإقامة
بين السما والأرض .. بس مب حرف الواو
اللي فوق ... شو هالحركات ؟؟؟ ليش تاخذ مكاني ؟؟؟ ^^

:h035:

وناااااااسة اللعبة خخخ

يالله نجاوب

كيف كانت طفولتك؟؟

كانت هادية .. وجميلة

هل كنت طفل شقي ام هادي ام.... ؟؟

كنت ملسونة ههه

ما هو اجمل موقف تتذكره من طفولتك؟؟

يوم اسمع الحريم يهزبون لأمي لنها كانت تضربني ويقولون نتمنى بناتنا يكونون نفس السنيورة .. كنت اتشقق

احزن موقف مر عليك في طفولتك؟؟

كنت ازعل يوم تسليم الشهادات لني احصل هزاااب ... وما فيه شي محززن الحمد لله

هل انطقيت يوم صغير ؟ ولماذا؟


هيه .. امي وابوي واخوي العود .. ماقصروا هههه

اجمل هديه تلقيتها في طفولتك؟؟

يوم طلعت الثاني ابوي اشترى لي (صورة) كانت راهيه وعيبتني

احلى لعبه كنت تلعب فيها؟؟

الفاميلي خخخ

افضل رسوم متحركه عندك؟؟

كنت احب كامبا وسندباد

افضل برنامج تلفزيوني؟؟

المناهل




ويسلموا عالأسئلة يا حنون
وانا اختار أخوي التوووم

عطر الأماكن

ورجاءا محد يجاوب لين يطلع اسمه
لا تخربون اللعبة :bad:
 

عطرالاماكن

لا إله إلا الله محمد رسول الله
التسجيل
23 سبتمبر 2006
رقم العضوية
5431
المشاركات
3,797
مستوى التفاعل
2,291
العمر
39
الجنس
الإقامة
في ربــــوع الإمآرآت
أسميج وهقتيني
....
...
..
.

كيف كانت طفولتك؟؟

كانت شيطنه بشيطنه

هل كنت طفل شقي ام هادي ام.... ؟؟

كنت ملسون والضرب اليهال اللي بفريجنا

ما هو اجمل موقف تتذكره من طفولتك؟؟

يوم كان أخوي راجع من السفر ويايب لي لعبه وكنت الغايض فيها عيال الفريج

احزن موقف مر عليك في طفولتك؟؟

يوم فلعت وااحد من فريجنا حصى والعلامه موجوده لليوم ............والنضربت ع الفعله وحبسوني بالبيت 4 أيام


هل انطقيت يوم صغير ؟ ولماذا؟

شي أكيد من أبوي ......... لأني كسرت دريشة مطوع فريجنا

اجمل هديه تلقيتها في طفولتك؟؟

يوم نجحت ثالث أبيتدائي أبوي شرالي سيكل ...بمكس...خخ

احلى لعبه كنت تلعب فيها؟؟

سباق نحدد مكان نوصله ونرد المكان الاولي واللي يطلع الاول

افضل رسوم متحركه عندك؟؟

النسر الذهبي و سنان

افضل برنامج تلفزيوني؟؟

ما أذكر شي

.......
....
...
..
.

أختار



الصياد
 

الصيـاد

๑ . . نائب المدير العام. . ๑
طاقم الإدارة
التسجيل
28 ديسمبر 2002
رقم العضوية
60
المشاركات
13,018
مستوى التفاعل
10,253
العمر
40
الجنس
الإقامة
Ooحيث أناoO
الموقع الالكتروني

.
..
..
..
..
وانت وهجتني انا يا عطر الاماكن .
.
.
.

كيف كانت طفولتك؟؟

هي افضل مرحله عشتها في حياتك ، اذا اغلب المواقف الي عشتها في الطفوله .


هل كنت طفل شقي ام هادي ام.... ؟؟

من كلام الوالد والوالده في البدايه كنت هادئ جدا :D: ومن تعلمت الخروج من البيت تعديت عداد الشقاوه سوينا الي ما حد يسويه هههههه:eh_s(6):


ما هو اجمل موقف تتذكره من طفولتك؟؟

كنت افرح لما أبوي ياخذنا دبي او بوظبي لزيارة الاهل ، و انا عشان اتكشت مني ومناك .:^^:


احزن موقف مر عليك في طفولتك؟؟

حين ودعت صديق الطفوله ، الذي عاش معي كل لحظة في فترة الطفوله ، حتى كنا نرقد بنفس المهد (و المهد لازال موجود):a050:

هل انطقيت يوم صغير ؟ ولماذا؟

خخخخخ واايد وااايد ، اكثر مره انضربت فيها ولعت نار وحطيت عليها مواد بلاستيكيه (نايلون) وحرقت فيها بنت عمتي عقاب لها لانها ما طاعت تخوز عنا . :a050:


اجمل هديه تلقيتها في طفولتك؟؟

اذكر ان ابوي اشترى لي ولاخوي الاكبر مني سيارة صغيره نركب عليها و نسوقها :a040: ، اذكر لونها احمر .


احلى لعبه كنت تلعب فيها؟؟

لعبة صيااااد ، و لعبة سبت .

افضل رسوم متحركه عندك؟؟

رعد العملاق

افضل برنامج تلفزيوني؟؟

كنت ولا زالت ما اتابع التلفزيون الا فترة العصر عشان انتظر رسوم المتحركه :eh_s(6):، و اكثر برنامج هو افتح يا سمسم .
.
.
الشكر لج يا حنين الايام
لا تقلب في قلبي صفحة الذكريات . :D:
.
.
.
بحفظ الله
الصيـاد
..
..
..
..
.
اختار


عنابة
 

عنابة

๑ . . حسناء البرزة . . ๑
التسجيل
25 مارس 2008
رقم العضوية
8669
المشاركات
26,063
مستوى التفاعل
4,383
الجنس


خخ

شكراا مديرناا ع الدعوه ..

كيف كانت طفولتك؟؟

اناا مشيت ورمسة قبل اليهاال اللي من عمري .. وكنت ملسونه وأضرب وماا احب ألعب ويااهم كله بروحي واللي ايي صوبي يااويله .. كنت شرسه :msgplusimg1434pm9: هع

هل كنت طفل شقي ام هادي ام.... ؟؟

قبل الدرااسه كنت شقيه جداا جداا .. وعقب ماا درست استهديت واستويت رقيقه :ah: خخ

ما هو اجمل موقف تتذكره من طفولتك؟؟

كاانت جمعااتناا ولعبناا العصر أحلى شي

احزن موقف مر عليك في طفولتك؟؟

يوم ضربني ابوي يوم العيد بدون سبب .. كاان معصب وحط حرته فيني خخ .. موقف لم لن انسااه :a050: خخ

هل انطقيت يوم صغير ؟ ولماذا؟

كتييييييييير كتييييييير خخ

اجمل هديه تلقيتها في طفولتك؟؟

اذكر كاان يظهر ورى اللبااان ملصقاات .. ونحن انجمعهاا ونكملهاا بالكتيب الصغير ماله .. واللي يجمع الصور كاامله يفوز بهديه .. واناا كملتهاا وفزت بتصويره او عروسه خخ

احلى لعبه كنت تلعب فيها؟؟

جحييييييييييييف خخ

افضل رسوم متحركه عندك؟؟

عنابة .. وسالي .. ليدي .. لبناا السريعه .. الخ كنت ولاازلت اجوفهاا

افضل برنامج تلفزيوني؟؟


افتح ياا سمسم .. الحصن اذكر نترياا يوم الجمعه عشاان هالبرناامج

يعطيج العاافية حنونه .. واختااار سحروته
 
التعديل الأخير:

سحروتـــه

آڷعيْـۈڼ آڷڛآهرة..♥
طاقم الإدارة
التسجيل
24 يونيو 2006
رقم العضوية
1111
المشاركات
46,726
مستوى التفاعل
7,686
الجنس
الإقامة
.:"لا مكــآن":.
[TBL]http://www.alshohooh-upload.com/up/uploads/images/albarzah-e436d2cebe.jpg[/TBL]



آڷڛڷآمِ عڷيْـڪمِ ۈرحمِة [آڷڷه] ۈبرڪآته

هلا ومرحب

أول شي نشكرج عزيزتي حنين على الموضوع الحلو

ومن خلاله سنسترجع به ذكرياتنا إلي كانت من أجمل لحظات عمرنا

ويسلمو عنابه على ترشيحنا

ونبدأ

[mark=#FF99FF]كيف كانت طفولتك؟؟[/mark]
كنا ترشين وما نقر مكان واحد وكنت مشخله خخخ


[mark=#FF99FF]هل كنت طفل شقي ام هادي ام.... ؟؟[/mark]
شقاوه ما بعدها شقاوه:msgplusimg1434pm9: خخخ

[mark=#FF99FF]ما هو اجمل موقف تتذكره من طفولتك؟؟[/mark]
ممم أحلى شي يوم كنا نبات في بيت عمي ويوميا تقريبا سهر طول الليل صباحي
أفلام هنديه ونلعب ونسولف عن السحره والجن وغيره
وحتى أيام ما نخبر أهلنا إنه بنبات وانط من بيتنا لبيتهم لأنه حذالنا
والصبح على الساعه 6 نرجع البيت ومرات يجكونا ومرات لا خخخ أحس ما كنا نسمع الرمسه:eh_s(6):

[mark=#FF99FF]احزن موقف مر عليك في طفولتك؟؟[/mark]
كان موقف قاسي عليه يوم كنت في بيت ييرانا وطايح مطر
وهم كانوا عاقين دوشك مال الشبريه برى ومتروووس عاد ماي من المطر
وخبرونا يالله انط من فوق البيت وطلعنا وتشططنا ووحده ورى الثانيه تنط
وانا تمييت متردده وقالولي عادي ما يخوف نطي :bad: وعاد يا دوري خخ
وخلاص تعلقت على اساس بنط وميوده بإيدي وعقب خفت
ما طعت أهد وأقوللهم أسحبوني ما ابا أنط خخخخ
ومب طايعين ويضربون إيدي يبوني اطييح إجراااام خخخ
ويتمون يشجعووني عادي ما استوالنا شي وعلى هالكلمات التشجيعيه
قررت إني أهد إيدي وطيييييييييييييييي طاااااخ طحت على الدوشك
وتيبست والصريييخ في الجو وتمت كلتي تعورني
الله يخس إبليسهم قتلووني هاك اليوم واحتشرت عليه اميييه عقب صدق حاله

[mark=#FF99FF]هل انطقيت يوم صغير ؟ ولماذا؟[/mark]
خخخخخخخخخ ويييييجد من الأكشنات إلي نسويها
وايد مواقف..تذكرت موقف يوم أهلي مخلينا تحت رحمة عمتي
وكانت تغصبني على الأكل وانا ما أبا آكل
لأنه ما اداني السمج خير شر وهيه مسويه صالونه سمج باا
وانا اصيح وتيبلي الخيزران إلا غصب تخليني آكل..كانت أيام تعيسه بالنسبه لي
لا ومره غير يوم تييلنا سيارة المخبز أنا أطلبلي سندويج جبن دووم
وأطلع الجبن إلي داخل وآكله وأخلي الكرواسون
وكنت أبا أقص على أختي أقوللها إخذي السندويجه ما ابيها

واختي عاد تعرفني كنت أجذب تقولي كلتي الجبن
قلتلها لا ما كلت إخذيه
وتراقب الموقف عمتي
يتلي جان تقولي لو طلع إنج ماكله الجبن بتنضربين
وانا بعد معانده ما رديت في كلامي
إلا أختي تشوفني ما كلتنه وجان اطلع الخيزران
وتميت اصيييح لها إنه ما تضربني وبخبر عليها أبووي
وهييييه طاااف قهر والله
إنزين من البدايه انطمي خخخخ
اسميه روتنا الويل.... من دلع أبوي
لين العذاب إلي تعذبناه من وراها هع


[mark=#FF99FF]اجمل هديه تلقيتها في طفولتك؟؟[/mark]
مممم يوم أهلي مسافرين برى
يابولي عروسه وحده كبيره
والثانيه صغيرونه ويايبيلي لبس غريب بعد
كان وايد يعيبني وألبسه هيج الفتره مرتقده خخخخ

[mark=#FF99FF]احلى لعبه كنت تلعب فيها؟؟[/mark]
كله كنت أشتري الصور(إلي هيه العرايس بأشكالها)
أما الألعاب..حله وباجله خخ وجحيف وكبه (إلي هيه العصا مع حطبه صغيره ونضربه نفس المضرب)
وكوووك وغميضه ومسرحيات وعرووض انطبق إلي في المدرسه في الفريج

[mark=#FF99FF]افضل رسوم متحركه عندك؟؟[/mark]
وايد كل رسوم قبل وأكثرها ريما وتوته وعقلة الإصبع ورنا وليدي ...إلخ

[mark=#FF99FF]افضل برنامج تلفزيوني؟؟[/mark]
المناهل&افتح يا سمسم


وايد رمست:eh_s(6):

أختار عيوز مشتطه..♥



 

عيوز مشتطه

๑ . . مشرفه برزة المواضيع العامه. . ๑
مشرف
التسجيل
1 يونيو 2006
رقم العضوية
4813
المشاركات
23,709
مستوى التفاعل
3,005
الجنس
الإقامة
فـ بونيت الكلوزر
هل كنت طفل شقي ام هادي ام.... ؟؟



شقيه ويا اخواني وربعي


وهاديه جدام ابويه وامايه




ما هو اجمل موقف تتذكره من طفولتك؟؟



يوم العب كوره فالدوااااااااااار ويا عيال الفريج :a040:



احزن موقف مر عليك في طفولتك؟؟



يوم تروغني البكره روووووووغ من العزبه لين البيت ~~> اظن ريولي يوصلن راسي يوم كنت اربع هلكت هذاك اليوم :cry:



هل انطقيت يوم صغير ؟ ولماذا؟



الا انغسل شراعي غسااال



اجمل هديه تلقيتها في طفولتك؟؟



لعبه المكعبات من ابلة الروضه خخخ



احلى لعبه كنت تلعب فيها؟؟


صيد السمج



افضل رسوم متحركه عندك؟؟



توم وجيري ولين الحين اتابعهم



افضل برنامج تلفزيوني؟؟



قوم ابو الحرووووووووووف



اختار سطام بن زيد
 

سطام بن زيد

๑ . . عضو قيادي . . ๑
التسجيل
4 أبريل 2003
رقم العضوية
266
المشاركات
5,906
مستوى التفاعل
1,894
الجنس
الإقامة
دبــآا
هل كنت طفل شقي ام هادي ام.... ؟؟


بصراااحة انا عشت طفووولتي باحسن ما يمكن

واستمتعت بهااا كل استمتاااع


وكنت اشقى الاشقياااء في الفرييج

وكل شي اشتكى مني ما خليييت قطااوة ولا تيوووس

ولا طيوور

كلهم عذبتهم

خخخ





ما هو اجمل موقف تتذكره من طفولتك؟؟


ممممممم

اجمل موووقف

خخخخخخخخخخخخخ

ما بقوول

بقوول الثااني الاقل جمااليه من الاول

اجمل موقف الله يسلمكم

مرة ساااير بييت يدوووه

الله يرحمها

وكاان عندها لووز

المهم وزعت عاليهاال كلهم

عياال عمتي وعياال عمي



ويووم يا دوووري

قاالت خلص

وجااان ارررررررررررن

ويوم ساارو كلهم

تمييت اررن انا

جاان تقوولي

معقولة هذولا اخليهم نفسك

وطلعت 3 لوزااات كبااار لونهم احمررررررررررر

وقالت انا بغيتهم يسيروون عسب ما يشوفوني اعطييك احسن 3


وجااان استاانس

الله يرحمها ويغفر لها





احزن موقف مر عليك في طفولتك؟؟


وفاااة اخوووي الصغيييير





هل انطقيت يوم صغير ؟ ولماذا؟

انطقيييت وانربطت

واتعلقت

وانجلدت

ذقت جمييع انواااع العذاااب

لاني كنت فضووولي

وكل يووم اضرب حد

اذكر مرة كاان الظهر


وكنا يالسين عند الباااب

ولد ييرانا عندهم بيكب ازرق

ونحن استييشن احمررررر

المهم

انا كنت اشل الوصااخ والحجاارة افرها على سياارتهم

يا الولد وفر على سياارتنا

رحت ضربته بحصا على رااسه وانكسر رااسه

خخخ

رااح عند ابووه

طلع ابوووه وعنده خيزرااان

ضربني ضررررررررب

وجااان اررررررررررن

خخخ

حتى الحيين ما انسى هالضرب كله

خخخ

مسكيين الابو معصب مني موول

كل يووم اضرب ولده

واليووم كااسر رااسه

اياام والله


اجمل هديه تلقيتها في طفولتك؟؟

سيييكل بو سكانييين .. ابووي ياابه لي لاني طلعت الاول صف ثاالث





احلى لعبه كنت تلعب فيها؟؟


الاتاااري ... خخخ طموووووووشه بأاا



افضل رسوم متحركه عندك؟؟


ممممممممم .. ما اذكر اني كنت اتاابع التلفزيوون واايد

مب متفيج اصلا

خخخخ





افضل برنامج تلفزيوني؟؟

ما اعرف



ومشكورة العيوز عالدعوة


ويا حيكم بأاا


اختااار جيم اوووفر


ويا حيكم بأاا
 

ŦĦẽ ŠŢoяm

๑ . . شخصية هامه . . ๑
التسجيل
14 يوليو 2003
رقم العضوية
465
المشاركات
3,298
مستوى التفاعل
362
الجنس
الإقامة
In my own world~
يا سلام أختاروني :yaw:

يلا نبدأ


هل كنت طفل شقي ام هادي ام.... ؟؟


مممممممم والله انا كنت هاديه فالمدرسه ذبابه ما اكشها عن ويهي خخخخخخ
بس فالبيت طبعا شقيه وايد بعد .. وكنت واااااااااااااااايد أصيح
صياحه نمب رون


ما هو اجمل موقف تتذكره من طفولتك؟؟


الموقف اللي اتذكره دوم ويظحكني يقولكم يوم من الأيام كنا رقود
ودخل علينا ولد عمي وعااااانا انا واختي وقال وهو يرمس شوي شوي
تعالو بنسير رحله وقص علينا وظهرنا بدون ما حد يشوفنا
وودانا بعيييييييييييد اونه رحله وحااااااااافيين عاد انتو اتخيلو
المهم مشينا واااااااااااااااايد
اتعرفون وين امودنا .. كان مودنا عند المدرسه خخخخخ
المهم وتمينا هنااااااك الين حد شافنا وخبر أهلنا ويو شلونا وظربونا كلنا
ونرررررررررررررررررررن خخخخخ


احزن موقف مر عليك في طفولتك؟؟


يوم اخويه دزني من فوق وقصيت لسااااااااااني
اذكر كنت اصيح بشكل فظيع وموديني المستشفى ثيابي كلها دم وثياب امي كلها دم
وبعدين يا الدكتور وحسيت انهم بيخيطون لساني

ويزييييييييد الصراخ والصياااااااااااح وكل حد ميودني من صوب وانا ياهله بعدني ما ادرس
المهم بعد ما يودوني والنيرس ميوده لسااااااااااني والدكتور يخيط
اتخيلو انتو :cm:

هالموقف بحياتي ما بنسااااااااااه :a050:




هل انطقيت يوم صغير ؟ ولماذا؟

ما كنت انظرب .. اللي أذكره اني كنت أظرب خخخخخخ

بت شريّه

اجمل هديه تلقيتها في طفولتك؟؟

مذكره حلووووه كان شكلها حلووو من زجاج على شكل ورده
كانت من عمي بيود ميلادي

احلى لعبه كنت تلعب فيها؟؟


الفماميلي .. طبعا خمست ب ماريوو تخميس ومال التفق خخخ اللي ينقعون بالحمام :yola:


افضل رسوم متحركه عندك؟؟


وااااااااايد بس اللي اذكرهم الحين
فتاة البراري وو لحن الحياه

افضل برنامج تلفزيوني؟؟

الحصن مال المسابقات الكوريين ويكونون لابسين حروف
عاد كل حد ويشجع فريق حرفه خخخخ فنان كاااااااااااااااااااااااااااان




وبسسسسسسسسسسسس أشكر سطاااااااام بن زيد لأنه أختارني :a040:

وأختار زيتونه:^^:
 
عودة
أعلى