ذكرت الود وايام التصابي

[برووق]

راعي الهوى ماله عذر
ما يترك الفن وهله

لو حج بيته وعتمر
الفن تـركه مشكـلـه

فالغي ما يبغي زقر
يدخل ع فنه ومزمله

شيطان راسه لي حضر
قطع قيود السنسله

✍🏻سعيد محمد الشخبوطي الشامسي

ياسعيد يلعبي الفكر
هذا الهوى لا حل له

يزمر على راسي زمر
شيطان له ما روم له

حاولت مره اختبر
نفسي وطحت فبهدله

الصبر عنه لا صبر
لو تقيدوني بسلسله

✍🏻صالح عبدالله الحصن الشحي


ي سعيد حيرة الفكر
ف الفن وين المشكله

نحي التراث المندثر
ونمشي على سنة هله

الشعر عيدان وثمر
واثمارها متشاكله

الشعر وادي منهمر
من وين اروح اقابله

حييت ياساس الشعر
بالحصن عالي المنزله

ي سابح ف مد وجزر
سبع البحور تداقله

جبت القوافي م الغزر
جبت البيوت القاتله

لاشفت شيطانك حضر
اقرى ع روحي الزلزله

اهوى الهوى ومالي صبر
والفن خذته من هله

حبيت أشارك من حضر
يافاهمين المساله

✍🏻 بوراشد الشبلي


يا مرحبا عالي القدر
ترحيب به يستاهله

بوراشد سنادي وذخر
من دوم راعي الاوله

في مثلك إنته نفتخر
وما تنقطع لمواصله

الساس انتو للشعر
ونحنا معاك انكمله

آنوح في وقت العصر
فوق الغصون المايله

ك الراعبي ف قم السدر
ودموع عيني سايله

يوم اذكره ذاك الوطر
روح بزينه مع هله

إيتم قلبي يعتصر
لفراق اكبر مشكله

✍🏻صالح عبدالله الحصن الشحي

__________________

[برووق]

⚡⚡⚡⚡⚡⚡⚡⚡

عندي قلب مقسوم نصفين
في الشارجه نصه وفي دبي

القلب لي من حب هنتين
إيتم لا ميت ولا حي

ياليت عندي بس قلبين
شوي منه ومنه شوي

✍🏻 صالح الحصن الشحي


وش لي وزاك تحب هنتين
من الشارقه تركض الى دبي

تحزم على راسك حزمتين
وتشل حملن يقتل الحي

سويت لي مثل المجانين
حمت البحر يوم البحر عي

طاوعت شور القلب والعين
وإلا الطمع شلك مع الغي

الشي لي ماملك ليدين
لاتحسبه في حوزتك شي

اسلم بوحده يابو هنتين
تسلم من التشكيع والكي

✍🏻 سالم مصبح المقبالي


بوسعيد لك مني سلامين
سلام من قلبي وفي إيدي

سلام يا نسل الكريمين
إعداد ما البراق يلظي

وانا ابليت بأريش العين
من ومنه وش أسوي

والثالثه ع الخط الحين
جمالها ما هو طبيعي

صاير مثل نحل البساتين
بين الزهور اوارد المي

م الشارجه ل ينوبي العين
وعايش شراغه دامني حي

✍🏻 صالح الحصن الشحي


ياصالح استغفر ومب زين
لا ياخذك للهاويه العي

العمر مره هوب مرتين
وانت بعدك مواصل الغي

يوم البصر يحتد والعين
تشخص بشيّن دونما شي

✍🏻داوود بن سليمان الشحي


يامرحبا ومليون أهلين
يا حي بو سليمان يا حي

نصحيتك ع الراس والعين
م الغي ناوي أغسل إيدي

هبه وماشي مول الحين
وما عاد لي زااغور للغي

أطلبك يا ربي لي تعين
وتغفر ذنوبي يوم انا صبي

عبدك ضعيف اليوم مسكين
يا رب تغفر لي ومخطي

✍🏻 صالح الحصن الشحي

⚡⚡⚡⚡⚡⚡⚡⚡

__________________

[برووق]

🎗🎗🎗🎗🎗🎗

ما يعتزل سالم سويدان
وصالح ع باب الفن موجود

ليهم رسوم بكل ميدان
على كلامي عندي شهوود

✍🏻سيف بن احمد الكعبي

يا بو حمد سالم سويدان
بابه عن الزاغور مسدود

تاب وتغير كل ما كان
والفن ماله فيه مقصود

✍🏻سالم سويدان المقبالي

وانا تركت الغي والدان
ولا أصدد لنعييم العود

والكوس لي من هب ذنان
آطوول ركوعي ولسجوود

✍🏻صالح الحصن الشحي

🎗🎗🎗🎗🎗🎗

__________________

[برووق]

🎗🎗🎗🎗🎗🎗🎗🎗

تعبان حمو لي مياسم
كان الوسم بيداوي العوق

كل السبب عذب المباسم
ياخذ حقوقه ويهظم حقوق

حسبي لحظي الي معاسم
والغير كل حظوظهم فوق

سوو لي حروز وطلاسم
وأمسيت متلته ومشنوق

آنوح لي من هب ناسم
وأحوط من سوق الى سوق

يحظر وأسوي له مراسم
إلي جماله ذوق في ذوق

حبه علي حسب المواسم
ياشوق هزنيه بهوى الشوق

✍🏻 صالح الحصن الشحي

🎗🎗🎗🎗🎗🎗🎗🎗

__________________

[برووق]

⚡⚡⚡⚡⚡⚡⚡⚡

الـغـرام اللـي يـسـمـونـه غـرام
مـا عـرفـنـا يا جـمـاعه قصـته

أن مـشينا فـيه يحرمـنا المنام
وان رحـلـنـا رافـقــتـنـا رصـته

ليت حقه صف يالناس لحشام
والله انـي مـا بـودر حـصـتـه

كود انجح في حسابه والارقام
واعـتـلي عـالي بـروج مـنصته

واهـتني من بعد شوقي والهيام
ويسـتريح الـقلب مـنه وغـصـته

✍🏻 أبو عدنان المقبالي


الغرام إمحرم عيوني المنام
مثل بوعدنان طحت ف بلوته

العي لخلي مثل ماينوح الحمام
وافديته هوه وام يابته

الصدر ميدان وخصوره هضاام
وان مشي يهتز ردفه بمشيته

ما حلا خده إذا شل اللثام
وهالله هالله يا حلا غمازته

يا سلام الله عليهم يا سلام
ليتني ساكن قريب لديرته

✍🏻 صالح الحصن الشحي

⚡⚡⚡⚡⚡⚡⚡⚡

__________________

[برووق]

ناسٍ يساووا في غلاهم عِيوني
واليوم خلّوني على الـــّرفّ تِذكار

ياليتهــــم آخــــر لقـــــى علموني
ان كانِ ما هّلت مِنِ دْموعِيِ غْزار

مرت شهــور وكنهم قــد نسوني
لِفراق في قلبي شعل لاهبه نار

في كل صباح وْكِل مساء عّودوني
تلفي رسايلهم مثل نـــف لمطــــار

واليوم مدري شِالسّبب قاطعوني
شوقي يشلني صوبهم وأنظر الدار

كانوا سند لي والذّخر هم وِعُوني
ماشي مثلهم في الملا وْكلّ لقطار

يا ساكنيــن القلــب لا تظلموني
ما حيلتي غيــــر المثايل ولشعار

ياليت يا المحبوب بس تذكروني
ويا ملحّنِ الْابيات دنــدن ع لوتار

الشاعر /صالح الحصن الشحي

__________________

[برووق]

🌪🌪🌪🌪🌪🌪🌪🌪

يالشيب بانت لك علايم
عني رحل وقت الشبابي

قزرت لي إسنين هايم
العي على رؤؤس الروابي

ماشي ع حاله يتم دايم
وعن الطرب باصك بابي

ماقدر ولو باقول رايم
با غادر وبحمل زهابي

فبحر الشعر غايص وعايم
وخطيت م حروفه بكتابي

ياما ربينا في نعايم
ومالذ من قوت وشرابي

وياكم كسبنا من غنايم
وياكم انا غزرت نابي

لانسان ما بيظل نايم
لازم يفكر في الحسابي

ياطير لي بالجو حايم
برسلك الى عالي الجنابي

قله تراه القلب صايم
وعن المحبه اليوم تابي

البارحه هبت نسايم
وزادت لي الذكرى عذابي

وورقنيه صوت الحمايم
وقت المسى والجو طابي

يالشيب بانت لك علايم
يا ليت يرجع لي شبابي

الشاعر / صالح الحصن الشحي

🌪🌪🌪🌪🌪🌪🌪🌪

__________________

[برووق]

نــــاس بقلبــــي غلاهــــم
فـــي مهجتــــي الداخليــــه

القلــــب لــــي مــــن طراهم
يقودنــي كــــــ المطيـــــــه

سنتيـــن لا مـــــا سلاهـــم
وآنــــوح صبـــــح ومسيـــه

آخـــر لقـــى لـــي معاهـــم
من بعـــــد عيــــــد الضحيه

مـــادري متـــى ملتقاهـــــم
ياليـــــت يعطـــف عليــــــه

مـــــاروم أصبـــر بلاهــــم
عايـــــش حياتـــي شقيـــــه

صالــح الحصـــن الشحــــي

__________________

[برووق]

⚡⚡⚡⚡⚡⚡⚡⚡

لا تسالو ياناس وش بي
شوفو الدمع ع الخد سكاب

أصفق يدي ولا معي شي
خلي هجرني بدوون أسباب

مرات اسرح داخل الغي
العين تدمع والوعي غاب

إيعي قلبي ك البحر عي
من زود همي الراس قد شاب

الحصن لاميت ولاحي
مرماي قلبه رمي نشاب

تمضي حياته شويه شوي
مجروح وجرح الود ماطاب

حاولت أطوي صفحته طي
ما رمت لنه مشيد طناب

يادبي ما بنساج يادبي
أول لقى فيها بلحباب

للشاعر / صالح الحصن الشحي

⚡⚡⚡⚡⚡⚡⚡⚡

__________________