• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

اللي عنده مشاكل فالأسنان

  • بادئ الموضوع dr.x
  • تاريخ البدء
  • الردود: الردود 61
  • المشاهدات: المشاهدات 110K

نظرة غرآم

๑ . . عضو برونزي . . ๑
التسجيل
19 يونيو 2007
رقم العضوية
7045
المشاركات
9,048
مستوى التفاعل
2,074
الجنس
الإقامة
بوظَبِـِـِـِـِـِـِـِيْ
أَنآ حآلِيآ مآ عِنْدِيْ مِشْكِلَهْ بِأَسْنآنِيْ وَلِلَهْ الْحَمْدْ

بَسْ دِكْتورْتنآ حَبيتْ أَسْئَلْجْ كَمْ مِنْ سُؤآلْ !!

أَوَلْ شِيْ الِلِيْ أَعَرْفَهْ إٍنَ الْفِرْشآهْ وَالْمَعْجونْ وَنَوْعيتَهْ تِلْعَبْ دورْ فِ الْمُحآفَظَهْ عَ الْأَسْنآنْ ، فَأَبآ أَسْئَلْجْ شو النَوْعِيَهْ الْمَضْمونَهْ الِلِي تِنْصَحْينآ فيهآ ؟!

وَعِنْدِيْ سُؤآلْ ثآنِيْ ~>
بِالنِسْبَهْ لِلَتَقْويمْ أَنآ مآبآقيلِيْ شِيْ وأَخَوْزَهْ ، بَسْ شِيْ نآسْ مِنْ بَعَدْ مآ شآلووهْ التَقْويمْ اخْتِرَبْ أَسْنآنْهُمْ زوودْ ، شو الْحَلْ ؟!

وَبِالنِسْبَهْ لِتَنْظيفْ الِلِسآنْ ، شو الطَريقَهْ الصَحيحَهْ لِلْمَحآفَظَهْ عَلَى نَظآفْتَهْ ؟!

وَبَسْ وَيَعْطيجْ الْعآفْيَهْ دِكْتورْتنآ
وأَتْمَنَى تِسْتِمِرينْ وِيآنآ بِالْمُنْتَدَى <~ مَصْلَحَهْ خخخخخ
 

واثق الخطوة

๑ . . عضو مجتهد . . ๑
التسجيل
28 مايو 2008
رقم العضوية
9051
المشاركات
830
مستوى التفاعل
585
الجنس
الإقامة
في قلب أمي
مرررررررررحبا دكتوووووووورة .. منووووورة واللهــ

بما انج مب متخصصة فالتقويم , انا عندي سؤال بسيط عنه

خاطري أحط تقويم, بس مب علاج لان اسناني مافيهن شي الحمدلله ,
ودي أحط التقويم مال ( الخقة ) اللي هو حق الزينة بس ..

فأبا اعرف , هل يأثر على صحة الأسنان و اللثة ؟ و هل يسبب اصفرار الأسنان ؟!
و كم المدة اللي مفروض أخليه عقب اعقه ؟

و السموووحة منج ^!^
 

شيختهم

๑ . . عضو محترف . . ๑
التسجيل
20 أغسطس 2009
رقم العضوية
10846
المشاركات
650
مستوى التفاعل
276
العمر
29
الجنس
الإقامة
الولايـات المتحدة العينـاوية ..! ^^
مرررررررررحبا دكتوووووووورة .. منووووورة واللهــ

بما انج مب متخصصة فالتقويم , انا عندي سؤال بسيط عنه

خاطري أحط تقويم, بس مب علاج لان اسناني مافيهن شي الحمدلله ,
ودي أحط التقويم مال ( الخقة ) اللي هو حق الزينة بس ..

فأبا اعرف , هل يأثر على صحة الأسنان و اللثة ؟ و هل يسبب اصفرار الأسنان ؟!
و كم المدة اللي مفروض أخليه عقب اعقه ؟

و السموووحة منج ^!^

هيه مب متخصصه تقويم ,, بس انـآ بخبرك من عنديه ~> لقآفه :syad: خخخ

شوف الله يسلمك ,, حمد ربك ان ضروسك زينـآت وما فيهن شي ,, تقويم الخقه مب حلو >_< ويخرب الضروس ,, ومرات يعور يعني بتتعب وبتعاني وياه ^^

صح كلاميه دكتووره ؟!!

هون هون مب حلو مب حلو >_<
 

نظرة غرآم

๑ . . عضو برونزي . . ๑
التسجيل
19 يونيو 2007
رقم العضوية
7045
المشاركات
9,048
مستوى التفاعل
2,074
الجنس
الإقامة
بوظَبِـِـِـِـِـِـِـِيْ
بِالنِسْبَهْ لِتَقْويمْ الْخَقَهْ وآيِدْ نآسْ حَطوهْ وَمآ أَثَرْ عَليهُمْ
بَسْ لِأَنْ يومْ بَتْسيرْ الْعِيآدَهْ بَيِسْئِلونِكْ [ تَقْويمْ عِلآجْ ولـ زينَهْ ] ؟؟
فَالْعِلآجْ يِكونْ مَضْغوطْ أَكْثَرْ ورآصْ عَ الْأَسْنآنْ
أَمآ الزينَهْ بَسْ يِكونْ كَشَكِلْ وَمآ اتْحِسْ فيهْ إِلآ أَوَلْ يومينْ

وَبِالأَوَلْ وَبِالْأَخيرْ رآيْ الدِكْتورَهْ بِيفيدِكْ ^.*
 

واثق الخطوة

๑ . . عضو مجتهد . . ๑
التسجيل
28 مايو 2008
رقم العضوية
9051
المشاركات
830
مستوى التفاعل
585
الجنس
الإقامة
في قلب أمي
ثااااااااااااانكســــ شيختهم الملقولة و نظرة غرام الدريع ,,
يسلمووا على رايكمـ ,,

شيختهم قالت يعور ..!! و نظرة غرام قلتي ما بحس فيه .!!

ننتظر راي الدكتورة ^_^
 

اسيل السعوديه

๑ . . شخصية هامة . . ๑
التسجيل
4 يوليو 2010
رقم العضوية
12319
المشاركات
11,827
مستوى التفاعل
1,570
الجنس
الإقامة
ديرتي نجد يابعدحيي


السلام عليكم ورحمة الله وبركاته


حلو الموضووع اول شي اشكرك على هالطرح الرائع والمفيد


مشكلتي يابوسيف انا مركبه تقويم طيب بس فوق ركبت والدكتور راح لسوريا


ولي شهرين مارحت وكل ماروح يصرفوني وغير كذا حبه طاحت ذاك اليوم اكلت شي قاسي وانفكت


وانا اللحين مادري شسوي يعني .. مادري شسوي اروح دكتور ثاني ولا اصبر الين يجي من سوريا مع العلم اني مادري هو يرجع اولا

وغير كذا انا مابي دكتور ولادكتوره الا هالسوري ...لاني مول ماحب الاسنان وذاممتاز مره ..

وناس قالولي اذا تاخرتي والتقويم فيه ترا سنونك تطيح :cry:


وهيك يعني ..شو الحل &__^
 

الهنـــوف ]~

๑ . . عضو محترف . . ๑
التسجيل
6 سبتمبر 2010
رقم العضوية
12658
المشاركات
686
مستوى التفاعل
455
الجنس
الإقامة
الذيــد
السـلام عليكم ورحمـة الله وبركـاته

مسـاكم الله بالخيـر والنـور . .

دكتورتنـا / بـادره طيبـة منـج الغاليـة .. ويزآج الله الف خيـر ع الافاده ..
وع النصـايــح ، صـار لي كم يوم ما حدرت لظروووف الدرآســـة . . ومـن حدرت البرزة
اليـوم شفت هالموضوع الحلــوو .. وربي وآيــد استانست .. لانه مجـال تخصصي :yaw:

بالنسبـة لاخويه وآثق الخـطوة اسمـح لي اجـاوبك بإختصار . .

في كثيـر نـاس من اللي استخدمـوا تقويم " الزينـة " حصل لهم تحرك في الاسنان لاوضاع غير
طبيعيه بالاضافه الى التهابات وتقرحات في اللثه وانسجة الخد واللسان هذا غير تصبغـات فــــي
الاسنان صعب ازالتها بسبب قلة الاهتمام بالنظافه والتفريش ..

عـادة اللي يستخدمـون التقويم الطبي يكرهون حيـاتهم لانهم ما يقدرون ياخذون رآحتهم فـ الاكل
وبيـن الاكل لابـد تنظيف وحـاله . . فـ يقول المثـل " الباب اللي اييك منه الريح سده واستريـح "
يعني انتـــه جي مـرتاح وابتسـامتك اكيـد حلـوه :122: . . فـ ماله دآعي تبلش عمرك . .
هذا الطبي يا كيف الزينـة !!؟؟

اتمنى اكـون فدتك بشي . .

السمــوحه / اختك الهنـوف ]~
 

dr.x

๑ . . عضو . . ๑
التسجيل
18 أكتوبر 2009
رقم العضوية
11081
المشاركات
43
مستوى التفاعل
5
الجنس
الإقامة
جميرا
:122:
جزاك الله خيراًّ
عندي ضرسين مسوسة ما اقدر اشيلها
لأنه سبق ونزعت 2 وافترقت اسناني
لما رحت للطبيبة قالت لازم تعملي تقويم للأسنان
هذا شيء
ولكن ما أريد أشيل الضرسين لأنه سيبقى المكان خالي
مثل الأولين فما الحل برأيك
؟؟
مع العلم اني افرشها دوما
والمسوسة تعمل لي صداع احيانا
وقد تسوست بعضها ما الحل وجزاك الله خيرر



أول شي لازم الدكتورة اتجيكلج على أسنانج إذا التسوس مب واصل للعصب ما يحتاي تشله بس تحشيلج اياه ..

ثاني شي إذا كان التسوس واصل للعصب بيكون عندج خيارين يا أنج تسوين علاج عصب واللا تخلعلج اياه يعني عندج خيارين ... وفي ناس تفضل الخلع لان علاج العصب يباله أكثر عن جلسه ..

بس في حالات مايكون عندج خيار غير انج تخلعينه .. وانتي لازم اجوفين تشخيص الدكتوره وساعات بيني وبينج يلجأون للخلع عشان له مردود مادي وساعات لان علاج العصب مرهق للدكتور ومؤلم للمريض إذا ماكان بطريقة صحيحة فالتشخيص التشخيص أهم شي ...

ثالث شي انتي خلعتي أسنانج المفروض تحطلج الدكتوره space maintainer عشان أسنانج ماتتحرك وبعدين إذا بغيتي تزرعيلج سن مكان السن المفقود ماتضطرين تسوين تقويم وعباله ...

نصيحتي لج اذا التسوس واصل للعصب سوي علاج عصب وإذا اضطريتي تشلينه خل تحطلج ال space maintainer بعد مايبرا الجرح

أتمنى أكون فدتج
 

dr.x

๑ . . عضو . . ๑
التسجيل
18 أكتوبر 2009
رقم العضوية
11081
المشاركات
43
مستوى التفاعل
5
الجنس
الإقامة
جميرا
نعم عند البدء بتنظيف
واحيانا عندما اقوم من النوم احس انه فيه دم

ووفقك ربي

معناته عندك التهاب فاللثة ,,,

انت تفرش أسنانك بطريق صحيحه وبعد كل وجبة ؟

تستخدم غسول الفم والخيط ؟

تاخذ أي أدوية ؟

فيك سكري ؟

عندك مشاكل فالدم ؟

عندك أي مشاكل صحية بشكل عام ؟

اتدخن ؟

عندك تكلسات وجير على أسننك واللا تحت اللثة ؟

في ناس تكون عرضة لمشاكل اللثة أكثر عن غيرها ... كل الأشياء اللي ذكرتها فوق ممكن تكون سبب ..



نصيحتي روح عند أي دكتور وخل يجيكلك على لثتك .. بيقيسلك عمق اللثة ونسبة النزيف ال pucket depth - bleeding in probing - loss of attachment loss




سامحوني ماعرف المصطلحات عدل بالعربي

أتمنى أكون فدتك شوي
 

dr.x

๑ . . عضو . . ๑
التسجيل
18 أكتوبر 2009
رقم العضوية
11081
المشاركات
43
مستوى التفاعل
5
الجنس
الإقامة
جميرا
أَنآ حآلِيآ مآ عِنْدِيْ مِشْكِلَهْ بِأَسْنآنِيْ وَلِلَهْ الْحَمْدْ

بَسْ دِكْتورْتنآ حَبيتْ أَسْئَلْجْ كَمْ مِنْ سُؤآلْ !!

أَوَلْ شِيْ الِلِيْ أَعَرْفَهْ إٍنَ الْفِرْشآهْ وَالْمَعْجونْ وَنَوْعيتَهْ تِلْعَبْ دورْ فِ الْمُحآفَظَهْ عَ الْأَسْنآنْ ، فَأَبآ أَسْئَلْجْ شو النَوْعِيَهْ الْمَضْمونَهْ الِلِي تِنْصَحْينآ فيهآ ؟!

وَعِنْدِيْ سُؤآلْ ثآنِيْ ~>
بِالنِسْبَهْ لِلَتَقْويمْ أَنآ مآبآقيلِيْ شِيْ وأَخَوْزَهْ ، بَسْ شِيْ نآسْ مِنْ بَعَدْ مآ شآلووهْ التَقْويمْ اخْتِرَبْ أَسْنآنْهُمْ زوودْ ، شو الْحَلْ ؟!

وَبِالنِسْبَهْ لِتَنْظيفْ الِلِسآنْ ، شو الطَريقَهْ الصَحيحَهْ لِلْمَحآفَظَهْ عَلَى نَظآفْتَهْ ؟!

وَبَسْ وَيَعْطيجْ الْعآفْيَهْ دِكْتورْتنآ
وأَتْمَنَى تِسْتِمِرينْ وِيآنآ بِالْمُنْتَدَى <~ مَصْلَحَهْ خخخخخ



حبيبتي بالنسبة لمعجون الاسنان جوفي تركيز الفلورايد 1500ppm يستخدم لجميع الأعمار بس اللي تحت الثلاث سنين تركيزه يكون أقل لان في حالة بلعه ساعات ممكن يستويلهم تسمم واللا تستخدمين نفس المعجون وتحطين كمية صغييييرة عشان تكونين فالسيف سايد

وعندج الجل وعندج الرغو وعندج أكثر من نوع وماقدر أقولج هذا أحسن عن هذا أنا عن نفسي أحب الكلوس أب جل

ولاتنسين غسول الفم في منه يستخدم يوميا وفي مرتين فالأسبوع على حسب التركيز بس لاتستخدمينه وايد لان ممكن يسويلج صبغات عالأسنان ...

وطبعا الخيط أهم وأهم عشان تشلين اللي يتجمع بين الأسنان ...

بالنسبة للفرشاة خذي النوع الناعم عشان ماتجرحين السن واللي ماييج كله نفس السايز ... والشكل ..

وحاولي ماتفرشين بشكل أفقي لانه يسبب تآكل السن بشكل كبير ...

وتنظيف اللسان ممكن يكون من الجهة الخلفية للفرشاة واللا بأداة خاصة تاخذينها بس للسان ...

بالنسبة للتقويم .. اول ماتشلينه بيعطيج الدكتور removable appliance تقدرين تشلينه وتحطينه مدة 3 شهور تقريبا ايثبتلج الأسنان وعقب بيحطلج retainer بشكل دائم حق الأسنان الأمامية عشان ماتتحرك ,, وفي ناس ماحطوه وردت أسنانهم تحركت ..


وأي سؤال ثاني أنا حاظرة
 
عودة
أعلى