الردود والأسئلة والأستفسارات الخاصة بدورة التصوير

رد: الردود والأسئلة والأستفسارات الخاصة بدورة التصوير

حياج ولهانة..

منورة..

عشان أجاوب عليج لازم أعرف الميزانية عندج كم..

أنا بنصحج بالشي اللي يناسب ميزانيتج..

طبعا مافي شك أن ال5d تأتي في المقدمه..بس طبعا أغلاهم..بحدود 14000 مع العدسة 24-105مم

بعدها الـ7d بحدود 10000 مع العدسة..

والخيار الثالث الـ500d ..

طبعا الـ5d فل فريم..والـ7d والـ500d كروب فريم..

الـ5d تعتبر أحترافية وماتحتاجين أنك تبدلينها لين فترة طويلة..وأمكانياتها رهيبه..بس لو تصويرج عشان تعرضين الصور في المنتديات وأشياء بسيطة لا تخسرين بيزاتج..

ولو تحبين تتعلمين وتطبقين الدروس اللي تتعلمينها وتتقنين الشغلة بعدين تحترفين أنصحج بالـ450d سعرها مناسب..ومواصفاتها حلوة..

رد: الردود والأسئلة والأستفسارات الخاصة بدورة التصوير

وعليكم السلام ورحمة الله وبركاته..

صباح النور والسرور للطالبة المجتهده الغناة..

اولاً ما أسوقْ . . ولاثانياً ماقدر اطلع اي وقت اباه عشان التصوير [ :cm: ]

أنقر للتوسيع...

تدرين أن هناك مجال في التصوير يسمونه الـستل لايف..أو الحياة الساكنة..وهو مايتطلب أنك تطلعين من باب الغرفة..ومع ذلك تطلعين تحف من الكاميرا اللي عندك..:

بعد الماكرو مجال خصب للتصوير داخل المنزل..

يبقى بعد ذلك أغتنام أوقات الطلعات مع الأهل لأقتناص بعض اللقطات الجميلة مثل اللي نشوفها لك هنا..

لو تسمح لي بسألك عن الكاميرا مره ثانيه . .

بومحمد شو رايك بالـ 50D . . ؟
بالـ national store . .
AED 5000 only body

أنقر للتوسيع...

نصيحة من أخ..دامك حاطة فبالك أنك بتاخذين البدي بـ5000 والعدسة بـ6000..يعني المبلغ الأجمالي 11000 زيدي 1220 وهو مبلغ بسيط جدا مقارنة بالجودة..

وخذي الـ7D وصدقيني ماراح تبدلينها أبد.. مواصفاتها أفضل من الـ1DsM1 الأحترافية والفرق بس أنها كروب فريم..

بعد الـ7D مواصفاتها لا تقارن أبدا بالـ50D ولو تبيني أحط لك المميزات والفرق بينهم ماعندي مانع..

سعرها بدي عند الـnational store بـ7700 بعد الخصم بـ7470 وممكن مع شوي كم آخر آخر كم تحصلينها أقل :yaw:

ولو ماحصلتيها بالتخفيض اللي خبرتج عنه في أبوظبي تعالي الشارجة فرع السيتي سنتر وقولي لهم أنك من طرفي .. بيعطونك بدون كلام..

صدقيني ماراح تندمين أبد..الكاميرا جبارة ونتايجها قمة.. وهي الوحيدة اللي حصلت 93% كنتيجة عامة على الـ(CameraLabs)

انا ابى عدسة ثابته ماشلها وتفيديني دوم . .
الكل قال لي 24-105 . . وانا شفتها عند ربيعتي وايد عايبتني . .
وسعرها AED 5000 في national store . .

أنقر للتوسيع...

لو خذتي الـ24-105 mm ماراح ترضين بغيرها.. العدسة عندي ونتايجها غير معقولة.. الفوكس فيها سريع والشاربنس ماعليه كلام.. وبتغنيج عن أي عدسة ثانية..

خاصة والكاميرا اللي عندج كروب سنسر يعني توصل للـ165mm .. ومادام عندج الوايد أنجل معناته ماراح تحتاجين الا عدسة الماكرو لو تبينها وفلاش خارجي .. وأنصحج بالـ580EX سبيد لايت..الفلاش الأسطورة.. وفلتر بولارايزر وتصير عدتج كاملة ..

ابى تنصحني بعدسة zoom ممتازه وشو الفرق بينها وبين الـ Telephoto . . ؟

أنقر للتوسيع...

عدسة الزوم 24-105mm وبس.. والفرق بينها وبين التليفوتو أنها تبدأ من قياسات صغيرة والتليفوتو تبدأ من 70 مم تقريبا.. الفرق الجوهري بينهم أن عدسة التليفوتو ثابتة الطول البؤري..يعني ماتتحرك بس الزووم متغيرة الطول البؤري.. يعني تلاحظين أنها تطلع للخارج يوم تقربين الشي..


أتمنى أني أكون وفقت في الأجابة..وأتمنى بعد كل المشاركين في الدورة يسألون مثلج..

لأن الأسئلة تختصر لكم أشياء وايد..وتساعدكم على الفهم أكثر.. وبنفس الوقت تحسسني أنه في تفاعل ..

عموما أنا بنزل موضوع عن الـcanon 7D مري عليه وأن شاء الله تقتنعين بالنصيحة..:122:

رد: الردود والأسئلة والأستفسارات الخاصة بدورة التصوير

السَلامْ عليكمْ ورحمة الله وبَركاته . .
طَابت جمعتكْ إستاذي . .


أولاً احييكْ ع صبرك عليه وطولة بالك . .
وإجاباتكْ على كل أسئلتني بطريقه وافيه وكافيه . .


طبعاً استاذي اعرف عن الـ still life . .
بس ما أميل له هو والـ macro كثر ميولي لتصوير الطبيعه والأماكن التراثيه . .


حمستني للـ 7 D . . الصراحه . .
بس بتكون كروب فريم . .
هل عدساتي السابقه بيركبن عليها . . [ 50 mm و Wide Angle 22 - 10 ] . . ؟


هذا اللي اطمح له تكون عدتي كامله وتناسب امكانياتي في التصوير . .
باخذ اذا الله راد الكاميرا اول . . وبشوف شو باقيلي . . وإن شاءلله بعدها ع طول الـ 24 - 105 . .



بالنسبه لدرس اليوم . . انا كان عندي فلتر واحد وحمايه . .
وطاح وتكسر وبعدها ماخذت غيره . .


كنت ابى اسير آخذ Tripod . . بس قلت بنشدك اول خلاف باخذ لي واحد . .
هل في ماركه معينه تنصحني فيها . . ؟



شكراً لك مره اخرى استاذي . .
يعطيك العافيه وماقصرت ابد

رد: الردود والأسئلة والأستفسارات الخاصة بدورة التصوير

السلام عليكم ورحمة الله وبركاته . .

عندي سؤال شو رايكْ بـــ 500d ؟؟
و كَم سعرهــا؟؟

رد: الردود والأسئلة والأستفسارات الخاصة بدورة التصوير

الله يطيب حالج الغناة..

والله أستانس يوم أرد على الأستفسارات..

ومافيها أزعاج مولية..

شوفي كيف ملعوزينها مسكينه..





وبالرغم من هالظروف الصعبة..نجحت..شكلها مذاكرة عدل..

صدقيني مابتندمين..

بالنسبة لعدسة الـ10-22 mm تركب عليها عادي لأنها أصلا للكروب فريم..وماتركب على الفل فريم..

مابيتم عندك غير العدسة 24-105 mm وتكون العدة خلاص..

بالنسبة للترايبود الـgitzo ممتاز بس غالي ..

بعده الـmanfrotto وايد زين وأسعاره مناسبة..

على فكرة بالنسبة للترايبود من النوع الجيد يجي الراس بروحه.. يعني ماتحصلين الترايبود مع الراس..



ونصيحة خذي الرأس الدائري .. بتحبينه..

بالتوفيق أن شاء الله..

رد: الردود والأسئلة والأستفسارات الخاصة بدورة التصوير

حي الله الظبي..

منورة الموضوع أختي..

بالنسبة للـ500D ممتازة..

وتصور فيديو بعد بتقنية الـHD .. وأنا أشوفها أفضل من الـ50D

سعرها عند الوكيل الـnational store بــ3599 درهم مع العدسة 18-55 mm

وفي عرض عندهم لو تبينه.. يعطونك عدسة زيادة اللي هي 18-200 mm ويكون السعر 5399 درهم.. يعني زيادة 2000..

طبعا العدسة لو تشترينها لحالها تطلع أغلى من هالسعر..

بعد يعطونك شنطة لحمل الكاميرا + كومباكت فلاش 4 جيجا بايت..مجانا..

رد: الردود والأسئلة والأستفسارات الخاصة بدورة التصوير

غيـث قال:

حي الله الظبي..

منورة الموضوع أختي..

بالنسبة للـ500D ممتازة..

وتصور فيديو بعد بتقنية الـHD .. وأنا أشوفها أفضل من الـ50D

سعرها عند الوكيل الـnational store بــ3599 درهم مع العدسة 18-55 mm

وفي عرض عندهم لو تبينه.. يعطونك عدسة زيادة اللي هي 18-200 mm ويكون السعر 5399 درهم.. يعني زيادة 2000..

طبعا العدسة لو تشترينها لحالها تطلع أغلى من هالسعر..

بعد يعطونك شنطة لحمل الكاميرا + كومباكت فلاش 4 جيجا بايت..مجانا..

أنقر للتوسيع...

تسْلَم عَ الرد اخويه ..
إن شاء الله باخذها عقب الامتحاناتْ ..

شــكْراَ :ax:

رد: الردود والأسئلة والأستفسارات الخاصة بدورة التصوير

متابعين للدروس ^^


بارك الله فيك ~~



امرؤ

رد: الردود والأسئلة والأستفسارات الخاصة بدورة التصوير

الظبي..

العفو أختي..

بالتوفيق أن شاء الله..











أمرؤ..

حياك بن عمي..

الله يبارك فيك..

تمنياتي لك بمتابعة مفيدة..




سحروتة..

بنت ناس..

رهف..

ولهانة زايد..

بن دغفل..

رعد..

سنو..

خيمينا..

القلب الشجاع..


حكومة راك..





غياب.....ليش..؟؟؟؟؟