عزوف الشباب عن الزواج .. للنقاش

مشاركة: عزوف الشباب عن الزواج .. للنقاش

تسلم حبيبي العوسج بس اتمنى انه يفيد خواتي العضوات

مشاركة: عزوف الشباب عن الزواج .. للنقاش

مشكور أخوي رفيع الشان على النقل الجميل ...... وممكن الخص كل الكلام الي ناقلنه وأقول ان الله هو الي يرزق عباده ...... وإن الوحدهإذا تأخر نصيبها فهذا الشي مب نقص فيها ...... هذا قسمتها ونصيبها ..... ولازم ترضى بقضاء الله ..... والخروج والتبرج واللجوء للعلاقات غير الشرعية عمره ما راح ايب زوج ...... ما يودي غير الى الضياع والبعد عن الله ...... فعليها باللجوء إلى الله والدعاء ..... والصبر .... ( ومن يتقي الله يجعل له مخرجا )

وأتمنى من أخواتي قراءته وإن شاء الله يكون فيه فائدة للجميع ....


أختكم المحجبه

مشاركة: عزوف الشباب عن الزواج .. للنقاش

تسلمي اختي المحجبه ما قصرتي ومشكوره على المرور


تحياتي

مشاركة: عزوف الشباب عن الزواج .. للنقاش

وبعدين انا اسولف قريت الموضوع كامل بس ناقلنه يعني اقريه وان شاءالله تستفيدي

أنقر للتوسيع...

قريته اخوي
ولا اتحط بخاطرك كنت اسولف :mf_biggri

مشاركة: عزوف الشباب عن الزواج .. للنقاش

ما هي اسبابه؟
الواحد يبا يعيش وهو عزوبي مايبي يرتبط وهذا الجيل الجديد كله يبي يتزوج لما يبلغ 30 من عمره

و ماهي نتائجه؟

نتايج سليمه بإذن الله

وما هي الحلول المناسبة لحث الشباب على الزواج ؟

ماتحثنا نحن الشباب
بل البنات وآباءهن مشان يرخصون المهر شوي ومايكسرون ظهورنا حشى اتلعوزنا والله

مشاركة: عزوف الشباب عن الزواج .. للنقاش



ههههههههههه


شو ها انتوا يا الشباب .. شوه

يعني تبون تاخذوون البنت من بيت أهلها جذذذذذه يعني بدون تعب أو شي


اشمعنا تبخلون ع الحرمه الي بتاخذونها ،، وما تبخلون على عماركم


تراكم تكشخون + تغيرون مواتركم كل مره + تغيرون موبايلاتكم كل فتره + ما تخلون شي ما تكشخون به


وآخر شي تحطونها على البنــــــــــــت وأهلها.؟!


يعني ما يصير جييييه



الاسباب .. الشباب مستكثرين على البنت لي بياخذونها وبيعيشون وياها كم من بيزه

و اهم الاسباب الوازع الديني ،، والله لو يبون الحلال بيسوون اي شي عسب يوصلون له ،، بس الحينه المحرمات موجوده في كل مكاااان


اي شي الشباب يبونه الحينه بسهووووله بيوصلون له .. :mf_depres






النتايج

الله يستـــــــــــر........





شكراً عشوووقه ع الموضوع الواقعي

دايما تعيبني مواضيعج اختي .. ثاااانكس ^^




تحياتيه
اواشيهـــ

مشاركة: عزوف الشباب عن الزواج .. للنقاش

السلام عليكم ورحمة الله وبركاته

انا بقول رايي من بعد ما شفت مشاركات الاعضاء وتفاعلهم بالموضوع


اسباب عزوف الشباب عن الزواج

وانا بقولكم الاسباب الظاهريه الواضحه لنا ولكم في مجتمعنا

1_السبب الاول والاكبر والاهم هو غلاء المهور طبعا ويمكن بعض العوايل الحين قللت مهورها لكن في بعض المناطق وخاصه الشرقيه
وبعض المهور توصل لين 200 الف
والشاب معاشه يمكن بالكثير 9 الاف من وين له كل هالمهر يدفع للزوجه ؟؟

2_السبب الثاني هو ان بعض العوايل تفرض زواج ولد العم لبنت العم وبعض الشباب مايحبون ياخذون من بنات الاهل وبجي ارضاء لنفسه يقول في خاطره اتم بدون زواج احسن لي

3_السبب الثالث كثره الديون على الشباب كاقساط السياره والسفرات وغيرها وغيرها من المصاريف فمن جي الشاب مايفكر في الزواج الا بعد فتره طويله او مايفكر بالمره لانه ماعنده اللي يكفيه من مصاريف الزواج او اذا فكر
بيفكر ياخذ له وافده مهرها اقل بوايد

4_كثره الطلبات اللي تصير في بعض العوايل في مراسم الزواج
كالفندق وليله العرس والفرقه والليالي قبل العرس واحيائها
وليله الحنا وليله لربعه وليله الملجه وفستان العروس ومهرها وغيره وغيره من امور الزواج فهالاشياء كلها يفكر فيها الشاب قبل الخطوبه والزواج فبالتالي يهون عن الموضوع لان هالشي بيكسر ظهره


النتائج

_ كثره العوانس في دوله الامارات وتعددهم بسبب عزوف الشباب عن الزواج

_انتشار جرائم الزنا واللواط بين الشباب والبنات وفساد المجتمع
ويقضون حاجتهم بالحرام
بعضهم يقول ماقدر اتزوج وما عندي بيزات فشو اسوي غير اروح لهالطريج الفاسد

_زواج ابناء البلد من الوافدات وترك بنات البلاد عوانس خوفا من مهرها

***وما هي الحلول المناسبة لحث الشباب على الزواج ؟ اذكر امثلة مما قامت به الدولة لذلك

الحلول
_ان نقلل من المهور ونخليها كما قال الوالد زايد رحمه الله عليه بانه يكون قليل كثلاثين الف او 20 الف علشان يكون مناسب لجميع الشباب

_التخفيف من طلبات الزواج وترك العادات الاوليه واحياء ليالي كثيره في الاعراس
والاعتماد على ليله واحده وهي ليله الزفاف فقط توفيرا للمال
_نصح الشباب بالوسائل التعليميه وارشادهم بعدم
الزواج من الاجنبيات وانهم يتروكون طيشهم وسفراتهم برع الدوله وترك السلفيات من البنوك علشان الموتر والسفر وغيره والاهتمام بالزواج الحلال

_تذكر حديث الرسول عليه السلام بان اقلهن مهرا اكثرهن بركه وحث اولياء الامور بهذا الشي

ومثال ماقامت به دوله الامارات من اجل زواج الشباب وحثهم عليه
هو انهم قاموا بمنح الشباب من صندوق الزواج ومساعدتهم
ب70 الف وهاي مكرمه من المرحوم زايد منذ سنوات

وان بعض العوايل الكريمه قامت بعمل حفلات زواج جماعيه للتخفيف على الشباب ومساعدتهم
وهذان الشيئان ساعدا ابناء الدوله كثيرا على الزواج


بصراحه هالموضوع يستحق اكثر واكثر لانه موضوع مهم جدا في مجتمعنا بالاخص ولازم نتكلم بشكل اوسع واكبر

لكني حاولت اختصر لكم بعض النقاط المهمه المتعلقه بالموضوع علشان ماتملوني
لكن اختصرت الامور المهمه والواضحه في المجتمع الاماراتي

اختكم
عاشقة التراث

ولي رجعه بالموضوع علشان اعقب على كلام الاعضاء اللي شاركوني بالنقاش اولهم الاخ رفيع الشان

​

مشاركة: عزوف الشباب عن الزواج .. للنقاش

السلام عليكم ورحمه الله وبركاته

مشكوره اختي عاشقه التراث عالموضوع الجميل

واشكر الاعضاء عالتفاعل ومن نا حيتي فان وجهه نظري في هذا الموضوع كالتالي

ما هي اسبابه؟

الاسباب كثيره وعديده

الاسباب الخارجه عن اراده الشاب وهي مثل ما قلتوا غلاء المهور وها قضيه بالفعل حساسه يعني المروفض اهل العروس يحسون بالمعرس شو ويراعون حالته الماديه يعني بتحمل كل المصاريف وبعد يزيدون لح الحمل ترا الريال ياي ياخذ بنتكم ما ياي يشتري عشان اتغلون المهر واتزيدوه مب سلعه تراها... يعني هالريال ترا بصير من اهلكم بعد الزواج يعني خفي عليه

وبعد المشاكل الماديه لمعظم شبابنا يعني ما اقدر اقول مستحيل بس صعب ما تحصل شبابنا بهالايام ما يكون مديون للبنك لسياره او لبيت او اخره ...
يعني من وين له بعد عشان يدفع مصاريف العرس والمهر وهالسوالف


اما باقي الاسباب انه الشاب بروحه غير مستقيم بحياته يعني بمختصر الكلام انسان لعاب ومال سوالف مصخره وبروحه ما يبا يعرس ...وعندما تسال معظم الشباب ها ما بتعرس يرد يقولك وكل برود شو لنا بالزواج يا ريال خل نتهنى بشبابنا ..
كلمه الحق يجب ان تقال وهي شباب الامارات كلهم يقدروا يعرسوا ويعيشوا بديون وحياتهم بتكون زينه بس بروحهم الشباب ما ويه زواج
خلهم حق سوالف المصخره واللواته



و ماهي نتائجه؟

والنتايج معروفه :

1. انتشار العوانس والبنات الغير المتزوجات في الدوله وهالشي ملحوظ في السنوات الاخيره وهالزياده تزداد بشكل كبير جدا

2. وفي حاله الشباب طبعا اكيد بيكون انتشار الحرام والزنا بينهم وانتشار الفساد والامرضه والعياذ بالله



وما هي الحلول المناسبة لحث الشباب على الزواج ؟ اذكر امثلة مما قامت به الدولة لذلك


1. النصح والارشاد للشباب الدائم بضروره الزواج وفوائده

2. يجب على اهالي البنت التخفيف على المعرس من المهر ومن تكاليف الزواج االاخرى فيعنى نفس ما بتعرس بنتكم اليوم باجر بيعرس ولدكم وما تبون المصاريف حقه تزيد يعني خلوا في احساس في الغير

3. الله يخلي الدوله لشعبها والله يرحم بو خليفه ( اللهم امين) يعني وضع اسس حلوه للزواج يعني ما بتحصلها ببلدان العالم كلها حيث وضع صندوق الزواج وهذا الصندوق يحث الشباب على الزواج ...مع ان الصندوق خلال هالفتره يمر بازمه لكن بعده قائم وفي خطه مستقبليه سمعت انهم يزيدوا صندوق الزواج يعني يخلوه فوق 70 الف درهم



والسموحه منكم

مشاركة: عزوف الشباب عن الزواج .. للنقاش

السلام عليكم ورحمة الله وبركاته

يا مرحبابك اخوي رفيع الشان كفيت ووفيت بردك
ونقاشك الممتاز
بس يا ليت قبل ما تنقل الموضوع تقراها موب بس الفايده لنا نحن حتى الفايده لك انت

او انك كاتبنه بالمختصر المفيد عن طريق استنتاجك للقصص

وردك عيبني بخصوص النقاش
بس عندي تعليق بسيط لك اخوي

لان العرس يبا بيت ويبا مهر على الاقل 300 الف وخاصه الشحوح مهرهم معروف عن مهرهم


موب لازم 300 الف او اكثر او اقل اخوي
ولا تنسى اصابع ايدك هب شرات بعض موب كل الشحوح اخوي البعض منهم يمكن

اختك
عاشقة التراث
​

مشاركة: عزوف الشباب عن الزواج .. للنقاش

السلام عليكم ورحمة الله وبركاته


هلا اخوي اجبكم دوت كم
اشكرك على ردك على النقاش
وعلى اسلوبك بالرد

اكثر حالات الزواج لحين يطلبون البنت لي تشتغل حتى تساعدهم بمصاريف الحياة

موب شرط اخوي

انانية البنات المتزوجات وممانعت الزوجة من زواج الرجل من امراءة ثانية
وخامس شئ الاخير

اذا كان الزواج على الزوجه الاولى من دون اسباب بيكون هالشي موب مقنع وهذا ما يخصه بالعنوسه اخوي

اختك
عاشقة التراث

​