مسلمة ترنو للإيمان
๑ . . حبوب البرزة . . ๑
- التسجيل
- 19 أغسطس 2008
- رقم العضوية
- 9391
- المشاركات
- 82
- مستوى التفاعل
- 0
- الجنس
- الإقامة
- الإمارات
اكتب هالكلمات وأنا روحي ما اعرف شو اكتب .... اللي اعرفه إني احس بغصة بداخلي ... يمكن هو شعور الغربة والوحدة ... ويمكن هو الخوف
أنا مب وحيدة ... الكل حولي ... بس مع هذا احس نفسي وحيدة!!!!
ليش؟
الرفض مب ياي من عندهم
الغريبة إني أنا نفسي حكمت على نفسي بهالوحدة وهالحزن
كل ما رحت أنام قعدت افكر بحالي
ودوم ألقى نفسي مهمشة
مهمشة بكل شي بحياتي
بصديقاتي وهلي وشغلي!!!!!
وكل ما قعدت افكر بالسبب ألقى نفسي هي السبب
أهو الخوف ولا العقدة ولا شو بالضبط ما اعرف
صداقة!
يا ليتني أعرف معنى هالكلمة
صدقوني ما عندي صديقة ارتاح لها واصارحها بمشاعري تشاركني افراحي واحزاني واشاركها افراحها واحزانها
دورت على السبب لقيت نفسي معقدة
هي صعبة الواحد يقول عن نفسه معقد
بس انا اعترف
أنا متعقدة من هالموضوع
ليش؟
لأني بصغري مر جدامي سلسلة خيانات ... مب لنفسي ... للي حولي
أبوي خانه أعز وأقرب أصدقاءه
وخواتي لاقوا نفس المصير ... صديقاتهم سببوا لهم مشاكل ماله أول ولا آخر تحت اسم الصداقة
أنا مب ياهل الحين واعرف أنا أصابعي مب كلها سوا .... بس مع هذا هالشي اثر علي
سبب انعزالي اكثر ما كنت منعزلة بطبعي وسبب لي خوف من كل اللي حولي
خلاني اعامل اللي حولي برسمية بعيد عن العفوية
اليوم سمعت اختي ترمس ربيعتها بالتلفون بعفوية وتضحك وتنكت وياها
وسألت نفسي ليش ما أروم أسوي مثلها!!!
ليش علاقتي برفيجاتي رسمية لدرجة إني انفرهم مني!!!!!
وللأسف رجع الجواب لنفسي
نفسي هي السبب
هلي!!!
بين هلي أنا البنت المنعزلة والهادية وبنفس الوقت البعيدة عنهم!!!
ليش؟!!!
يمكن بسبب المثالية اللي اوهموا نفسهم أنها أنا
الكل يعاملني باحترام وينفذون اللي اطلبهم
أدري أن هالشي ماحد يتذمر منه
بس الموضوع مختلف بالنسبة لي
صدقوني اتعذب وضميري دوم يأنبني
أخاف دوم اتصرف تصرف ممكن يضايقهم
ولأني المثالية بنظرهم ما بينطقون ولا بيقولون لي عن ضيقهم
دوم أفكر مليون مرة قبل ما اخطوا أي خطوة
أفكر شو شعورهم إذا تصرفت هالتصرف
وأذا صدر مني تصرف غلط ولمست من ملامحهم الضيق يضيق نفسي
وسؤالي لنفسي دوم
ليش؟
ليش ما يتكلمون
ليش ما يعاتبوني
ما يعرفون أن سكوتهم عني يعذبني زود!!!
لو صرخوا وعاتبوا بينزل دمعة أو اثنين بس ما بعاني مثل ما اعاني من سكوتهم وبنفس الوقت بيكون عندي مجال اصحح غلطي!!!!
وهالسبب اللي خلاني ابتعد عنهم أكثر
خوف من إني أقول أو أسوي شي يأذيهم وأنا مب حاسة!!!
واللوم على نفسي!!!
شغلي!!
أنا اليد العاملة ... أنا الآلة اللي عليها تشتغل وبس
واللوم مب على مديري بالشغل ولا على اللي يشتغلون وياي
اللوم على نفسي
نفسي الخايفة من المسؤولية
نفسي الجبانة المترددة
خلتني بدون ما احس انسانة مالها راي ولا قرار
عليها الشغل وبس
أحياناً اتمنى أغير من نفسي وأكون انسانة ثانية
بس اكتشفت إنه صعب ومستحيل أكون غير نفسي
نفسي اللي اعاتبها دوم
صعب ومستحيل اتخلى عنها أو أغيرها!
نفسي سبب حزني ووحدتي!!!
أنا مب وحيدة ... الكل حولي ... بس مع هذا احس نفسي وحيدة!!!!
ليش؟
الرفض مب ياي من عندهم
الغريبة إني أنا نفسي حكمت على نفسي بهالوحدة وهالحزن
كل ما رحت أنام قعدت افكر بحالي
ودوم ألقى نفسي مهمشة
مهمشة بكل شي بحياتي
بصديقاتي وهلي وشغلي!!!!!
وكل ما قعدت افكر بالسبب ألقى نفسي هي السبب
أهو الخوف ولا العقدة ولا شو بالضبط ما اعرف
صداقة!
يا ليتني أعرف معنى هالكلمة
صدقوني ما عندي صديقة ارتاح لها واصارحها بمشاعري تشاركني افراحي واحزاني واشاركها افراحها واحزانها
دورت على السبب لقيت نفسي معقدة
هي صعبة الواحد يقول عن نفسه معقد
بس انا اعترف
أنا متعقدة من هالموضوع
ليش؟
لأني بصغري مر جدامي سلسلة خيانات ... مب لنفسي ... للي حولي
أبوي خانه أعز وأقرب أصدقاءه
وخواتي لاقوا نفس المصير ... صديقاتهم سببوا لهم مشاكل ماله أول ولا آخر تحت اسم الصداقة
أنا مب ياهل الحين واعرف أنا أصابعي مب كلها سوا .... بس مع هذا هالشي اثر علي
سبب انعزالي اكثر ما كنت منعزلة بطبعي وسبب لي خوف من كل اللي حولي
خلاني اعامل اللي حولي برسمية بعيد عن العفوية
اليوم سمعت اختي ترمس ربيعتها بالتلفون بعفوية وتضحك وتنكت وياها
وسألت نفسي ليش ما أروم أسوي مثلها!!!
ليش علاقتي برفيجاتي رسمية لدرجة إني انفرهم مني!!!!!
وللأسف رجع الجواب لنفسي
نفسي هي السبب
هلي!!!
بين هلي أنا البنت المنعزلة والهادية وبنفس الوقت البعيدة عنهم!!!
ليش؟!!!
يمكن بسبب المثالية اللي اوهموا نفسهم أنها أنا
الكل يعاملني باحترام وينفذون اللي اطلبهم
أدري أن هالشي ماحد يتذمر منه
بس الموضوع مختلف بالنسبة لي
صدقوني اتعذب وضميري دوم يأنبني
أخاف دوم اتصرف تصرف ممكن يضايقهم
ولأني المثالية بنظرهم ما بينطقون ولا بيقولون لي عن ضيقهم
دوم أفكر مليون مرة قبل ما اخطوا أي خطوة
أفكر شو شعورهم إذا تصرفت هالتصرف
وأذا صدر مني تصرف غلط ولمست من ملامحهم الضيق يضيق نفسي
وسؤالي لنفسي دوم
ليش؟
ليش ما يتكلمون
ليش ما يعاتبوني
ما يعرفون أن سكوتهم عني يعذبني زود!!!
لو صرخوا وعاتبوا بينزل دمعة أو اثنين بس ما بعاني مثل ما اعاني من سكوتهم وبنفس الوقت بيكون عندي مجال اصحح غلطي!!!!
وهالسبب اللي خلاني ابتعد عنهم أكثر
خوف من إني أقول أو أسوي شي يأذيهم وأنا مب حاسة!!!
واللوم على نفسي!!!
شغلي!!
أنا اليد العاملة ... أنا الآلة اللي عليها تشتغل وبس
واللوم مب على مديري بالشغل ولا على اللي يشتغلون وياي
اللوم على نفسي
نفسي الخايفة من المسؤولية
نفسي الجبانة المترددة
خلتني بدون ما احس انسانة مالها راي ولا قرار
عليها الشغل وبس
أحياناً اتمنى أغير من نفسي وأكون انسانة ثانية
بس اكتشفت إنه صعب ومستحيل أكون غير نفسي
نفسي اللي اعاتبها دوم
صعب ومستحيل اتخلى عنها أو أغيرها!
نفسي سبب حزني ووحدتي!!!