سؤال محرج للبنات .....والجريئه تجاوب!!!

[طيووبه]

أهلين بنات


سؤال محرج للبنات وأبي من الكل يجاوب ....


اتمنى تشاركون كلكم ويا ويل الي ما راح تشارك تراني
بزعل منها

لو مثلا انتي كنتي ظيجانه ونايمه الظهر ويوم قمتي لقيتي اهلج صاحين وجالسين يتغدوون جلستي معهم وانتي واصلة معاج ومخج مقفل
الا امك تتطالعج وتضحك وانتي كل شوي تعدلين بشكلك تحسين فيج شي غلط ويوم خلص ابوج من الغداء وقام هو واخوانج


التفتت عليج امج وقالت لج :مبرووووك يا بنتي
انتي : مبروووك على شو؟
امك : اليوم كلمتني مرة (حرمة)
وتبي تتقدملج حق ولدها
طبعا راح تتغير ملامح وجهج وتروح الطفره ويصير وجهج مايحتاج بشوش لانج بتاخذين تمساح وهذي امنيتك بس بتستحين من امج وبتخلين وجهج خجول وبتقولين



انتي : شو تباااا الحرمة (انواع الاستهبال ايه هين علينا)


امك : تبيج تكنسين حوشهم وش تبي يعني تتصور مع ويهج



انتي : يعني تبي تخطبني (مقطعتنج البرائه والطفولة وزين ما صحتي .... طبعا من الفرح لكن توضحين لأمج انج ما تبين بحجة أني ما ابي افارقكم) ...


امك : هااا شو قلتي


انتي : ماابغى اعرس (احلى يالقويه مسويه فيها وماهمج لو ماتستحين كان طبيتي من سطحكم من الفرحه )


امك : طيب بطرشها لبنت خالج ( حشا صاااار ايميل مو ولد )



انتي : ياحليلج يمه تراني امزح على طول تصدقين (عاد انتي ماصدقتي يجيج واحد يخطبج انتي وهالكشره )



المهم بعد يومين دقت ام المعرس



ام المعرس : الووووو (متحمسة) وولدها جنبها



امج : الوووووو
ام المعرس : وشلونكم
امك : طيبين الله يسلمج


ام المعرس : وش قلتوااااااا


امك : موافقين


ام المعرس : عيل ترى يوم الخميس بنيب ولدنا يشوووف بنتكم



امك : اوكي (عادي امك متطورة تعرف انجليزى )
المهم خلصوووووو وانتي بدا قلبك يقول طمبق طرنق طربق اليوم الاثنين ويوم الخميس قريب .




سؤااااااااالي هنا ابغى اعرف وش بتسوين من يوم الاثنين للخميس ويوم الخميس بالذااااات وش بتسوووووين ؟؟؟؟؟؟؟



عاد سامحوني على الأسئلة المحرجة

........

انتظر ردود البنات الامورات

آنَا لسَتُ مُلزِمَةً آنَ آشَكلُ نفَسيْ!وَ فـَقْ آهَوآءْ النـَآسْ!
آنَ آعَجَبهم فهَذآ طَبعَيْ!وَ آنَ لـَمْ آعَجبَهمْ فـَـكَثيَرةٍ
هـَيْ الجَدرآنْ!وَآنَ تُحدثَوآعَنيْ...آتَمَنىْ آنَ
لآ يُسكَتوآ!فـَ كَل آنسَآنْ لهُ ذنُوبْ،،
وَآريـَدُ مَن يخَففهَآ عَنيْ.