- التسجيل
- 11 ديسمبر 2005
- رقم العضوية
- 4474
- المشاركات
- 6,796
- مستوى التفاعل
- 1,908
- الجنس
- الإقامة
- زايـــ قلب ــــد
بسم الله الرحمن الرحيم
السلام عليكم ورحمة الله وبركاته
السلام عليكم ورحمة الله وبركاته
رسالة من كل زوجه وأم وبنت وأخت ويـدّه أو حتى جاره
رسالة من كل أب وابن او أخوو
رسالة من كل شخص يهتم لأمرك
لكم انتوآ يالشباب
بسكم تهور
بسكم استهتار
بسكم لعب
عايشين حياتكم ولا كأن في شخص يتريا ترجعولهم البيت
لي متى هالتهور فالسواقه..؟؟
فلان لف عليك، عصبت بتلف عليه
فلان يسوق بسرعه، انقهرت منه وسابقته
شفت حرمه تسوق بحذر، قمت اتهرن لها وآتجآوزهآ، وتتمسخر عليها
إيــد وحـده آتسـوق، والثانية تلعب بالموبايل
وللا مآسك البلاك بيري(الله يغربله من جهاز)، وآتسولف ويآ الربع ناسي الشارع وأهواله
وللآ اليهال يالسين ورااا .. وآنت آتلاعبهم أو اتهزأهم .. مب كأن التركيز جدام مش وراا
وللآ طالع من الدوام هلكان واتسوق وعينك امغمضه .. مب كأن ابلادنا متروسه مسايد عسب آتريح فيه
شو تتحرون السالفه تـحدي وبطــوله وعضلات ..؟؟
وين بتوصلكم هالبطوله ..؟؟
وتتمسخرون عاللي يمشي ع قوانين المرور وآتقولوله خوآف ..؟؟
والله إن هالخواف اللي ترمس عنه أحسن عنك
إذا هالخوف، هو اللي بيأمــن حيآتنـآ
عيل أفتخـر أقولكم إني [ خوآفه ] فالسواقه
هذي هي البطوله يآ رآعي الخبره ياللي أحسن وآحد اتسوق فالدنيآ :bad:
كل يوم والثاني نسمع ونشوف حوادث فظيعه ما تتحمله العين ولا القلب
كل يوم والثاني نفقد شاب ف عـز شبابه بسبب هالحوادث
يحرق قلب أمه اللي تتمنى تشوفه معرس
يحرق قلب مرته اللي ماتهنت فيه
يحرق قلب ولده أو بنته اللي ما كبروا تحت جناحه
يحرق قلب أخته اللي هو سندها
يحرق قلب ناسه وأحبابه اللي تعودوا عليه
متى بتحسون..؟؟
متى بتستوعبون..؟؟
ليما اتييك اللحظه ويفوت عليك الفوت..؟؟
آنزين شو ذنب اللي مآشي بحاله فالطريج .. وأتيون انتوا تخبطونه وآتولونه حياته من تهوركم ..؟؟
مـآ تخـآفـون من الموت الــفـجــأه ..؟؟!!
قوية صح..!!
انتوا تبون جيه حد يرمسكم
كااااااش بالويه
وما اعتتقد حد بيتأثر بعد
كلها ساعتين وآتردون شرات مآ كنتوا :bad:
كم وآحد فيكم مـآ تعرض لحـآدث إن كآن بسيط أو كبير بسبب التهور
كم وآحد فيكم مـآ فقـد إنسآن عزيز ع قلوبكم بســبة هالحوادث
لا آتقولون مـآ عندنـآ .. إلا وبتحصلون حــد
تـــذكــروآ زيـــن
أكبـر مثال عندكم [ الشبح & بيشوقه ] اللي ويآنآ فالبرزة
رآحــوآ ف حآدث .. ربي يغفر لهم ويرحمهم :h_eheehe:
يقولون [ الشباب ] هم جيل المستقبل
وينهم جيل المستقبل اللي يرمسون عنهم ..؟؟
يقولون [ الشباب ] هم درع الوطن
وين الدرع اللي بيحمينآ..؟؟
أغلبيتهم رآحوآ :sleep:
بسنــآ تــرى،
ناس مآ آلتقينا وياهم نسمع بوفاتهم ف هالفجاعه، كيآنآ يهتز لهم
كيف لو نــآس احتكينـآ فيهم وعرفنـآهم..؟؟
بسسس :a050: .. ~
والله العظيم تعبنـآ
فينـآ من آهموم الدنـيـآ اللي اتكفينـآ، اتيون انتوا اتزيدون علينا..؟؟
لــيش ..؟؟
ناقصين نحن عسب آنحآتيكم وآتزيدونآ ..؟؟
آنتــوآ شــو مآ تفهمون ..؟؟
تعبـوآ النآس من ينصحووون فيكم
لآ حيــآة لمن ينآدي
ويستمر اللآمبآلآه فيكم،
خلصتوآ هالموضوع من صوب، ركبتوآ سياييركم ودستوآ عالريس من صوب ثآني
مــب هـآمنكم حــد
لكن آنتــوآ آتهمونـآ .. نـبآكم عالأرض مش تحته :h_eheehe:
أتمنـى كلآمي يوصل ل [ عقولكم ] ~~> قبل قلوبكـم
التهور ضده الراي السديد
.......... والعقل زينه وللعقل احتراس
كل يوم بسبه السرعه نبيد
.......... والحوادث عذبت ناسٍ بناس
الله الساتر وحنا له عبيد
مكرم عباده ويشفي كل باس
الابيات منقوله
مـآ أقـول غيـر : اللـه يهديكم
ربي يحفظنآ وإيآكم من مخاطر الطريق وشـره، ويبعد عنـآ كل سـوء
اللهم آرحم جميع من سبقونـآ، وآرحمنـآ حين نلحقهم ونصبح تحت الثرى
اسمحولي عالاطالة
مــآلي فـالتعـبير وبحــوره، لكــن
فيض من غيض ><
السموحة
........ اختكم / ولهآنة زآيد :h_eheehe: