• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

بقـَشةْ عِيَايـزْ ;`

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
مِنْ خَــلقنا الله وحِنا عَزيزينْ النُـفوس . .
مَا نَوطي شمخ الرُوس غــير لربّها ;`

اللِيــَالي عَلمتنّا وصَمينا الدرُوس !*
نَعرف النَفس المَريضة ونعرف طبّها `


:ah:


السَلامْ عَليكمْ ورَحمة الله وبَركاته . .
يسعد لي مساكمْ جميعاً بكل خير وعافيه :00100:


غناتي تكرر شكرها وتقديرها لكل المتابعينْ . .
لاخليت ولاعدمتْ . .

♥ ,`

قبل كم إسبوع سوينا عملية اللحمية وتصغير اللوز لـ ولد اختيه الصغير ( فارس ) . .
والحمدلله ع سلامتـه :)

albarzah-aa47803403.jpg



اللي يجـز مايشوف الصورة . . هاي اللحمية وجزء من اللوز . .

albarzah-095ac45a33.jpg


عندنا وراثه . . كنّا مسوين حق بطي اخوه عملية اللحمية واللوز . .
وبعد ميره بنت اخوية شالين عنها اللحمية :eh_s(1):


وعزيمة غدا بمناسبة سلامته علنيه افدا خدوده :3nb:

albarzah-9e66c73a69.jpg



♥ ,`

يـوم الخميس هليه سارو راس الخيمـة . . كنت اتشاور لين آخر ربع ساعه قبل مايطلعون . .
وشكراً جزيلاً أكبر شي لـ العضو اللي حمسني اسير :ax:


وأهم شي قبل مـا أطلع من بوظبي :ah:

albarzah-2e95af4591.jpg



وهيّا بنا إلى هناك . . فديت خشمك يابويه . . الله يحفظك :20:

albarzah-fee377f583.jpg



انا احب السفر مساءاً احلى احس الطريق اقصر . . :D:
مرات افضله صباحاً عشان التصوير . .

albarzah-86000aa44f.jpg



طبعاً يوم وصلنا راك الأجواء لاتوصف :)
رقدت من وقت .. تعب الخط ونشه الدوام من الصبح . .


وصباح الجمـعه :yaw:

albarzah-54a8463eb0.jpg


~> يايبه الباتشي والمكرونز معاها من بوظبي :3nb:


الجو يشرح الخاطر . . وريوق البيت وكرك البيت ماشي شراته . .
طبعاً ابويه وامايه ينشون من غبشه ويقومون بأداء الواجبات الاجتماعيه ونحن عفانا الله رقااااد :eh_s(6):


وبعد صلاة الظهـر . .

albarzah-c6f6b821c1.jpg



مطر مطر :a040:



وبعد الغدا ابى حد يطلعني اصور . . ماحصلت طبعاً . .
وياحليلي يلست بروحي والكل دخل يقيل :212:

albarzah-5d110f4f11.jpg



العصر سرت اسلم ع عموه ويدتيه . .
وسمعت لي كم هزبه انه ليش مانيي راك ونسلم عليهم -_-"


المغرب قالو بيسيرون السوق عشان مخاويرهم :1577_1186768770:
مع اني ماداني هالبقعه .. بس قلت يالله شي احسن من لاشي . . يكفي الأجواء جميلة . .


وسرت وكنت في قمّة الوناسة . . :yaw:

albarzah-408ca65568.jpg



ويوم رجعت احلى مفاجئة . .
يايبين لي تووووووووووووووووووووووت ♥♥♥♥

albarzah-9a3d30e082.jpg



وبصبح السبت . . Back 2 AD _____



albarzah-cf6a2dee51.jpg



صح ماسرت مكان عشان اصور و وايد زعلت :(
بس يكفي اني شفت المطر وكلت توت . .


السموحه طولت عليكم :bt:

خــذني . .
حزن في مدمعك . . فرح في مبسمك . .
بس خذني مــعك `
أسهـر معك . . أبحر معـك . .

حتى لـو تبـكي أنا . .
ببكي معك
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
albarzah-08e3f9dd1e.jpg


فـِي خَـاطري من زَحمة الهَـم ضِـيقة . .
ودّي عـَلى مّكة ونـسمة هِواها !*

أسوق رجلِي بالطِواف لـَو دِقيـقه ;~
وأصد عَــن كِل الهمُوم وغِثــاها `



السَلام عَليكمْ ورحمة الله وبَركاته :00100:

أسْٺوْدِعُڪُمْ اللهْ الذي لاتضِيعْ وَدائِعُهْ . .
متوجهه اليوم مسَاءاً بإذن الله تعالى إلى مكه المكـرمه . .

السموحه منكم جميعاً . .
وأشوفكم ع خيـر إن شاءلله . .
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~

فـقط قــُل :
الحـَمد لله
صباحاً ومساءً . .
لـ يخف أنيــنك . . وتضمحـل أوجاعـك . .
اللهم لَــك الحمد حتّى تـرضى . .
ولك الحـمد إذا رضيـت . . ولك الحَـمد بَعـد الرضــَى ;

♥ ;`


السَلامْ عليكم ورَحمة الله وبَـركاته . .
مساكمْ جميعاً خير وبركه بإذنه تــعالى :00100:

إشـحالكم عساكم بخيـر . . ؟
من زمـان ابى انزل شي في المـدونه واتعـايز او بالأحرى ماشي وقـت :Afkr:

هالإسبوع كان عندي اجازة وقلت بعدل صور العمره . .
والحمدلله يعتبر انجاز اني نزلت موضوع في قسم التصوير بهذه السـرعه . . :sheer:

وايـد اشيا استوت الفتره للي الطافت وكنت ابى اخبركم عنها بس انشغلت . .
اممممممم . . نرمس عن اجواء العمره شـوي . .

انا اول مره اعتمر :Afkr:
كانت من أمنياتي الرئيسيه في حياتي اللي ابى اسويها قبل ما اموت . .

يوم الخميس في الليل كانت طيارتنا . .
توجهنا من مطار جده . . ومن جده براً الى مـكه المكرمه . .
العمره نفسها الحمدلله مافيها اي تعب احس الرحلة نفسها متعبه . . من المطار وطريج البر لين مكه . . الدرب مُتعب . .


أعضاء الرحلة : ابويه الله يطول بعمره - اختيه - اخويه الصغير - سلامـة اللي هي انا محدثتكم :ah:


وصلنا الفـندق . . كنّا ساكنين في رفلـز - قصر مكّه . .
ورفلز في دبي غني عن التعريف وصدق من اجمل الفنادق اللي احبهن . .

albarzah-cff58cdf31.jpg


كنّا انا واختيه ماخذين سويت . . صاله وغرفه وابويه واخويه نفس الشي . .
طبعاً انا حاطين لي اكسترا بـيد . . لاني وايد اتحرك في الليل وبضيّج اخيته :3nb:

albarzah-3848fdbdf9.jpg



وهذا المنـظر اللي اطل عليه حجرتـنا . .

albarzah-eff6e5fcfa.jpg



نحن نحط اغراضنا في الفندق اذن الفـير . . فـ بسرعه تمسحنا ونزلنا صلينا . .
وانا امشي بسرعه شفقانه ع شوفة الكعبة . . بس اول مادخلنا من باب الملك فهد . . ع طول الحريم قالن سيرن فوق ماشي مكان :cry:

صلينـا فوق وبعدها نزلنا تحت لتأدية مناسك العمره . .
اول ماشفت الكعبة تميت اصـيح . . صدق غيـيـر يوم تشوفها في التلفزيون وع الطبيعه مختلفه تماماً . . تحس برهبه . .

الحمدلله الإمور كانت مُـيسره . . بس في الطواف زحمه عفصونـي كل شوي اشوف ابويه مختفي . .
ويرد يسحبني يقول لي تعالي هني انتي مش ويه طواف لو في الحي شو بتسوين . .
اصلاً موسم ايرانيـين هم محتلين المكان كله ويدزوني :cm:


الكل كان يقول لي لاتودين الكاميرا بيشلونها عنج . .
وابويه قال بثجّل عليج في المناسك لا تودينها . . فـ اول يوم ماوديتها بس صورت بالآي فون . .
بس اشوف كل الناس تصور بالكاميرات الصغيره . . قلت الصلاة الياية بشلها . .


خلصنا المناسك ولله الحمد والمنّه وردينا الفندق وانا كنت وحده بموت من اليوع . .
رحت ع طول سبحت ورحنا نتريق في البوفيه . .

كان المطعم يطل ع الحرم من بعيد :

albarzah-7334e7dcbd.jpg



اقـربو حياكم :

albarzah-3bd8add283.jpg



ومامدانا رقدنا ساعتين ونزلنا عشان صلاة اليمعه . .
اجواء مختلفه تماماً مجرد انك تسمع صوت الآذان . . ويوم تنزل تشوف كل الناس متجهين للحرم . .
آه شعور ما اقدر اوصفـه ♥♥♥♥♥


تميت اشل الكاميرا خلاف معايه كل صلاه . .
وكتبت الموقف في موضوع التصوير :

في صلاة الجمعه فتشو والحمدلله ماكنت ماخذتنها . .
عصر الجمعه . . مستقويه بصور في الصحن تحت . . :eek:io:

اول ماوصلت شي شرطي يراقبني مادري ليش حاس فيّه وانا الحراميه لي كاشفه عمري :h015:
وين ما اتلفت يطالعني فجاه اختفى . . قلت يالله يا سلامة فرصتج تصورين من مكان قريب وواضح . .
توني بطلعها الا اشوفه ورايه . .

الشرطي : الكاميرا ممنوعة !!
انا : الكل يصور . .
الشرطي : لا هم جوال ولا كاميرا صغيرااا هادي كبيرااا !!
انا : شو الفرق ترى كلهن كاميرات ~> لاحظ مستقوية ماتسكت بعد :3nb:
الشرطي : لا هادي كبيراا دخليها اذا حد شافك بيصادرها عنك انا راح اسوي نفسي ماشفتها . .


صور مختلفه للحـرم :

albarzah-819c75aa8f.jpg



لرؤية بقية الصور هُنـا :

http://alshohooh.ws/vb/showthread.php?t=96417

الوقت مر بسـرعه ماحسيت الا نحن نستعد انه نرد . .
وانا ريولي اللي كانت مكسورة ردت تعورني وانتفحت عليه :eh_s(6):

والشرطه مستغربه منهم جيه كله مال دفاشه . .
بس يروغون الناس . . يالله يا حاج . . انزين هو يصلي في الصحن يقول له يالله خلص يا حاج . .
افكر في خاطريه يعني شو يختصر ركعه وحده يصلي :Afkr:


غرفتنا آخر يوم :

albarzah-9fa0087b93.jpg




وفـير الأحد . . عُدنا إلى دار زايد :00100:

albarzah-2e03aa0fe4.jpg



اول ماوصلت البلاد حسيت اني تولهت ع شوفة الحرم مره ثانيه . .
خاطريه اسير بس ايام الشتا يقولون ماشي هالزحمه وبيكون الجو افضل :)


عسى الرحمن يرزق كل من في خاطره عمره عاجلة غير آجله :00100:
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
من كثيرك ما أبي . . إلاّ قليل `
القناعه | كَنز | يا ريحة . . هَلي !*



♥ ;`


السَلام علَيكمْ ورحمة الله وبَركاته . .
مسّاكم الله بالخير والعافيه جميعاً :00100:

اشحالكم عساكم بخــير . . ؟
من زمـان ماسويت أبديت للـمدونه قلت أنزّل شي تنشيط لها فقط لاغير :Afkr:


طبعاً السالفه الرايده في البيت هاليومين شييين اللي هم :
1 . السـفر . . وابويه مب مخلنّا نسافر يقول بلاد الغرب ما طمّن كلها امراض :bad:
2 . عرس اخويه . . عقب رمضان مباشره . . لازم نخلص كل شي احينه لانه رمضان محد له بارض حق هالأشياء . .


انزين شو كنت بقول . . آخر واهم الأشياء لي استوت الفتره اللي طافت . .

♥ ;`


اخـويه سلـطان فديت خشمه كانت ملجته شهر 4 . . وطبعاً هذا الغالي وكل شي غير . .
وتحضريات الملجـه . .


albarzah-b8a2ac955e.jpg


albarzah-b61ca5af05.jpg


albarzah-23c7c7377b.jpg


albarzah-cae06b57a5.jpg



اقول للشباب لاتعرسون . . صدق خساير :h015:
ومن غير الهدايا . . آآآآ اقصد لا لا عقبالكم ان شاءلله يا عزابيّة البرزه . .


♥ ;`


شهر 5 كان يوم ميلاد صديقتيه الصدوقه منـى . . فـ لازم اسوي لها شي سبيـشل :ah:
هي تحب التصوير شراتي فـ سويت لها كيكه ع شكل كانون . .

albarzah-7afd668c7e.jpg



امممممممم . . من فتره قبل ماسير العمره بكم يـوم . .
سرت دبي يلست هناك يومين . . استانستا مع الصغاريه . . بس الجو مايساعد ابداً -_-"


albarzah-441f9b9f24.jpg


وسرت دبـي مول . .
وأهم شييين سويتهن . . شفت النافورة وأخيراً :sheer:

albarzah-033e22fc51.jpg



أول مره اسير إلـها . . الكل شايفنها الا انا . .
ع قولتهم عقب ماشفتها احينه صرتي مواطنه خلاص :h015:


ويلست في لادوري ♥♥♥♥

albarzah-7444185ffc.jpg



وبعد بخبركم عن شي . . أحلى كيكة تـمر كلتها . .

albarzah-e8283c1b5b.jpg



كوفي اسمه joe's cafe . . في دبي مول طبعاً . .
عجيييبه صدق . . مابتندمون جربوها . .:eh_s(6):



♥ ;`

امممممممممممم بخبركم عن فندق وايد حلو في دبي . .
سواء للسكن في الغرف او للمطعم . . نحن سرنا نتغدى فيه . .

هو اسعار الغرف شوي غاليه بس يستاهل . .
اسمه : زعبيل سراي . . Jumeirah Zabeel Saray . . هو موجود في جزيرة النخلة . .

albarzah-0f0f211141.jpg



انا عرفته عن طريق امممم كنّا نبى نسوي فيه مؤتمر خاص في دوامنا . .
بس استبعدنا المكان . . ومنها دخلت دورت عليه وعيبني . . ستايله من العصر العثماني جيه شكل سرايا ونقوش تركيه . .


♥ ;`

وبمناسبة فوز البرسا سويت حق الدوام . .

albarzah-f8ff2cfd84.jpg


♥ ;`


اممممممممم وايد رمست خلاص تعبت باقي آخر شي . .
يتني تقييمات وايد من فتره ع قولتكم بسكوت :3nb:

هذا مش بسكوت امممم ولا كيك . . مادري كيف اوصفه . .
المهم اسمه macarons . . مكرونز . .

ووايد سؤلوني وين يبيعونه . .
احلى مكان يسوي المكرونز هو الكوفي الفرنسي laduree . . اللي حطيت صورته فوق في دبي مول . .
طبعاً من بعد فرنسا هو اللي في دبي هو اول فرع في الشرق الأوسط . .

وهاي جيسته . .

albarzah-8386f21405.jpg



اللي هو هذا :ah:

albarzah-f7d3843477.jpg



ويبيعونه بعد في vivel . .
وهذا هو :

albarzah-ae648fad76.jpg



ومن فتره قامو اييبونه في لابريوش . . وبعد شي منه في باول . .
وبس خلصنا :bt:

اسمحولي ابديت عادي بسيت حبيت اجدد المدونّه . .
واشوفكم ع خير :==:


المذمه بظهر الشخص عيب . . والمدايح بوجهه ماهي وفا `
كان تبغى تزود الطيب طيب . . ذم بالوجه وامدح بالقفى !*
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
بــِعيد لكنّك هِــنا بين الضـلوع المِرهفات . .
أضّـم حبّك بالحِشا وأتنفـسه صِبح ومِســا ;`


♥ ;`

السَلام علَيكمْ ورحمة الله وبَركاته . .
مسّاكم الله بالخير :t6t: ~> يجنن هالفيس وايد احبه . .

اشحالكم عساكم بخـير . . ؟
أشكر كل المتابعين لـمدونة بقشـة عيايز . . لاخليت ولاعدمت :shyy:


بمـا انه ابويه بعده مستخدم معانا سياسة القمع والاحباط ومب مخلنّا نسافر . .
قلنا نسـير دبي يومين نغيّر جـو انا واخواني :ala:


كانت مهمتي الرئيسية حجز الفندق . . وهم بنفسهم اختارو ( أبراج الإمارات )
اللي هي هـاي " الصورة مش من تصويري طبعاً "

images



رتبت لهم الحجز . . وكان الجيك ان السبت والجيك آوت الإثنين . .
ليلة السبت ابى ارقد هب رايمه وهم قايلين بيظهرون بدري . .

انا لين هالوقت وبعدني واعيه -_-"

albarzah-01429da135.jpg



كانت حالة أرق غريبه . . وبعد معاناه رقدت :ili:
الصبح حشروني وكسرو الباب ع راسي نشّي ونشّي . . طبعاً انا دوم آخر وحده . .
استوى الضحى العود لين قفضنا اغراضنا . .

يوم نزلت تحت انا جاهزه والشباب بعدهم يلعبون بلي ستيشن :1577_1186768770:

albarzah-87ca777fb1.jpg



طلعنا بسيارتين عسب مانزاحم بعض واريح . .
انا واختيه بموترها وهم ماخذين موتر الدريول :3nb:

albarzah-f9026f466f.jpg



اول وجهه كانت مردف سيتي سنتر -_-"
كان وقت الغدا فـ اختارو انهم يتغدون في مطعم هندي . .

albarzah-b655503903.jpg



أولاً . . انا ما آكل الأكل الهندي ما أحبه وعشان معدتيه ماتتحمله . .
ثانياً . . شكل الصحون مايساعد haah


فـ فضلّت اني ما آكل . . وبعد ما خلصو سرت اتغدى اسكريم wahh

albarzah-aa849eb859.jpg



تمشينا في المول لين العصر . . ومن بعدها رحنا الفندق نسوي جيك ان . .
والكايد يقوم بالمهمّه :eh_s(6):

albarzah-4fd58faf84.jpg



حياكم الله تفضلو تفضلو . . هاي غرفتيه انا واختيه . .

albarzah-04b663c520.jpg



حطينا اغراضنا وريحنا لين عقب صلاة المغرب . .
خلاف قالو شو رايكم نجّرب الميترو . . يا الله ماعندي اي اشكال . . وبالفعل سرنا كلنا وركبنا الميترو 58g
وكانت وجهتنا لـ مول الإمارات . .
ماحطنا وايد لانه سايرين متأخر اصلاً . . تعشينا هناك وهالمطعم انا وايد احبه :t6t:
ومن بعدها ردينا الفندق . .

albarzah-966042deb1.jpg


الأحد . . :eek:oo:


صبح الأحـد . . وعووني غصباً عنّي اونه نشي ريووق . .
اوووف انزين منو قال ابى :cm:

albarzah-0391f59ed7.jpg


اسمعو اخواني والله مخبّل . .
قالو امس ماتمشينا عدل في مول الإمارات اليوم بنروحه مره ثانيه . .
عفواً شو هي لعبه بتقيمونها :good:

قلت لهم سمعو انا وحده ماحب احوط في المول . .
لي حايات معينه كاتبتنهن . . باجر باخذهن من دبي مول بالمره . .

احينه بسير ايلس في بوردرز . .
تعرفونها المكتبه لي عدال السينما . . ؟ داخلها ستار بكس . .
بس فيه اجانب وهدوء . . انا يايبه معايه روايتي . . سرت هناك ويلست اقراها بكل هدوء . .

albarzah-b3adc74c27.jpg



كنّا متفقين واخويه واعدني يدخلني السينما الفلم لي كنت ابى اشوفه . .
شيكّنا ع الوقت 4 ونص مناسب . .
تخيلو انا يالسه من الضحى بروحي لين 3 مابيّنو ولا لهـم حــس . .
خلاف اتصلو قالو يالله بنروح نتغدى . .

albarzah-6da9228392.jpg



تغدينا في كرم بيروت . .
ومن بعدها هيّا إلى السينما وفلم مونتا كارلو wahh


albarzah-4053b822c5.jpg



خلاف ردينا الفندق . .
ارتاحو اخواني من الحواطه شوي . . :ili:

المغرب قالو بنروح الممشى . . هالمكان انا اكرهه . . زحمه اوف تعقدت منه . .
قلت لهم اسمحولي انا مابروح بتم في الفندق . .


قبل مايروحون العشا نزلت ستار بكس اللي في الفندق تحت . .
وخذت لي وايت موكا وسرت حجرتيه يلست اطالع تلفزيون . .

albarzah-ee3dc01f22.jpg



يوم يـو من برع يايبين لي هديه . .
OMG !! اختيه الكبيره موصتنهم . . هالساعه كانت في خاطريه . .
واااااااااااااايد استانست :ah:



الإثنين . . :eek:oo:


بالصبح قلت لهم مابى انزل اتريق . .
بس ييـبولي من ستار بكس . . طرشت واحد من الأولاد ويابو لي ~> ادمان :t6t:

albarzah-83a447a2cf.jpg



تريقو وحطينا اغراضنا . .
وكنّا متفقين انه طول الوقت يوم الاثنين بيخلونه لدبي مول . .
وسوينا جيك آوت . .

albarzah-edf8da3421.jpg


يخوّف هاللفت مال الفندق . .
نحن ساكنين في الدور 24 يوم يطلع وينزل يطل ع خاري انا اموت من الخوف . .
ماحب الأماكن المرتفعه وهو ينزل بسرعه احس بيغمى عليه ::eek:ko::


وهيّا إلى دبـي مول . .

albarzah-a66d0f5720.jpg



وأول شي سرت بابا روتي . .
اللي ماجرّب هالشي بيفوته . . جربوه وايد حلو :gooddw:

albarzah-4278e0d46e.jpg



خلاف بدا الـ Shopping :msafer:
واكتشفت مكان حلو ويديد شكل المحل من داخل يجنن يبيع مكرونز وشوكليت . .

albarzah-d26ca3ed8f.jpg


وخذت لي طبعاً :t6t:

albarzah-6aff9eb8f8.jpg



حطنا لين تعبنا . . وهذا دبي مول الصراحه يباله سكوتر حشا تعب :laaa:
وسـرنا نتغدا . .

albarzah-a224cc3d2a.jpg



وكملنا حواطه عقب الغدا . .
ومنّ بعدها Back 2 AD :rbshah:

albarzah-0f43b4cb44.jpg



ونتائج الـ Shopping :ah:


albarzah-b17c66d04c.jpg



هـاي كانت سيرتنا لـ دبي . . ان شاءلله استانستو معايه ^_^
اشوفكم ع خـير . . :rose:

أنا رفيقه بالليالي المعاسير . . ولا الرخاء ، كلٍ ، يسد بمكاني ;`
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
هَذي أول سنـة أصومْ بوجودك . .
وهذي أول سنة بَدعي لك مَعاي


السَلام عَليكم ورحمة الله وبـَركاته . .
صباحكم / مساكم . . خير ومغفره من رب العالمين sos3

مبارك عليكم الشهر اخواني وخواتي . .
وأعاننا الرحمن على صيامه وقيامه :)

:fafaf:

كالعاده متأخره بالأبديت مـالي . . بس مافيش وأت لـ حاجة خالص haah
باخذكم معايه دبـي . . كانت السيرة بالأربعاء والعودة الخميس . .


شردت من الدوام بدري انا واختيه . . اقصد استأذنا من وقت :t6t:
السيره كانت عباره عن تغيير جو قبل دخول اجواء رمضان . . وانهاء بعض الامور المتعلقة بالعرس المنتظر لـ اخويه الغالي . .

عرسة عقب رمضان مباشره . .
هالفترة كله مراكض عشانه -_-"


وهّيـا إلى دبي :qlb:

albarzah-5cee4c9396.jpg



أول وجهه كانت وافي . . بنتلاقى مع المعرس عشان نسير الشارجة نخلص موضوع البطايق :gooddw:
السموحه أدري ابكم صيّام بس ماشي وقت انزل الأبديت المسا :awxc:


albarzah-3c1b705cbc.jpg



بعد الغدا افترقنا . . الشباب سارو دبي مول ونحن توجهنا إلى الشارقة . .
وزحمة الشارجة اللتي لا تُطاق أبداً . .

albarzah-55dbbd0855.jpg



خلصنا تقريباً موضوع البطايق بعد عناء . .
وانا طبعاً مايحتاي اقول لكم ابى جيه وابى جيه لا وغيري جيه . . وسلطان اهم شي مقتنع في ذوقنا :eh_s(6):

albarzah-f27c6b07d4.jpg



هاي مش بطاقته طبعاً بس لانه مكتوب عليها الشحي صورتها :awxc:


بعد ساعات طويلة . . وتوجهنا الى دبي مول نتلاقى مع الشباب . .
واحلى شي اني شفت النافورة من Joe's Café كافيه . . تجنن وايد احبها wahh

albarzah-5303becdb6.jpg



جولة سريعة في دبي مول من بعدها هيّا إلى الفندق . .

albarzah-50930855c3.jpg


أول مره نسكن فيه اسمه روز ريحان - روتانا . . مرتب وحلو واسعار جداً ممتازة . .
ومن أطول الأبراج الفندقية . . فيه تقريباً شي وستين دور . .
بس عيبه حسيت الغرف شوي ضيقة . .

albarzah-35d02e00cb.jpg


بخبركم معلومة عن louis vuitton . .
يوم تاخذون مثل هالشنط مال السفر ترومون تطبعون عليهم الحروف لي تبونهم 2 بس . .
طبعاً نحن محطين AD :eek:oo:


بصباح الخميس والناس مداومة وطفرانه 58g
و تحتنا ستار بكس . . اقترحت ع اختيه اريقها هناك بما انه اخواني حمد والكايد موطلين لين ينشون :yy:


albarzah-f7313ae1dd.jpg



لين مانشّو اخواني المفاليع . .
سوينا الجيك أوت . . وبعدها توجهنا لـ دبي مول مره اخرى :rqdah:

albarzah-51e7f167b3.jpg


~> الشنطة الجفير :awxc:

تحوطنا لين تعبو استسلمو للغـداء . .
هذا مطعم ايطالي . . بس نصيحة من اختكم غناة البرزة محد ياكل فيه . . اكل هب حلو -_-"

albarzah-11fd7a40e6.jpg


ولازم نخطف ع لادوريه مره ثانيه :qlb:
قبل طريق العودة . . ولازم شيشة البترول . .

albarzah-12f86bfd2e.jpg



والوصول إلى بوظبي بالسلامة :shyy:

albarzah-ff20419c43.jpg



تحسونها سيره مال بسرعة بسرعة صح . . ViV
استانسنا وغيرنا جـو . . وحبيت اسوي ابديت لمدونتي لانّي حسيتها تحتضر :3nb:


السموحه ع صور الأكل مجدداً . .
وأتمنى لكم يوماً سعيداً لا تنسوني من دعائكم :)


sos3
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
albarzah-bed03b6291.jpg



Countdown . . . . . .
9 days left
مَـبروكْ يـَا سِلطَـان مِن قـــَلبْ يـــِفداك ;`
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
albarzah-6916383e25.jpg


:yola::yola::yola::yola:

أسعدكْ ربيّ يا سلطان وهنّاك . .
بأجملْ ليالي العمرْ وأجمل جميلة ;`

:yola::yola::yola::yola:


بسـمْ الله الرَحمنْ الرَحيمْ
" اللهم بَارك لهما وبَارك عَليهما وأجمعْ بينهما في خيـَرْ "


مسّاكم أفراح وسعادة من رب العالمين sos3
الأبديت متأخر . . السموحه ع القــصور . .

جولة سريعة في أجواء العـرس . .
في البداية . . شكراً من القلب لـ اخويه الجارح 2003 . .
على الإلقاء الجميل للـقصيدة مهداه لـ المعرس سلطان . .

لـ الإستماع :

http://www.4shared.com/audio/_Pmkioix/__online.html

ألف شكـر :00100:

بعد ما وصلت البطايق وبدا التوزيع . .
من العين لين راس الخيمة . . بدا تركيب الليتات . . وهني حسيت فرحة غير . . وانّي احس بسعادة داخلية غريبه . .

albarzah-6998223066.jpg



كنت ايلس اطالعها وافكر بشعور سلطان وشعور العروس . .
يمكن ما اقدر اوصفه لانه مشاعرهم مختلفة عن الجميع . .

ليلة العيد كانت مهمتي اييب كل صواني الشوكليت لي حطيناهم قبل يومين . .
وكل المحلات زحمة من طلبيات العيد . . ماشي مكان تحط ريولك والاوردر بالأرقام :imok:


albarzah-95b08f7f58.jpg



يوم العـرس - العين - 2 - 9 - 2011 :klolooosh:
طبعاً اهل المعرس كل الأضواء عليهم ولازم كل شي يكون بياض ويه . .

متابعة تركيب الكوشة وترتيب الطاولات والصبابات . . . . . . إلـخ . .

albarzah-2979c16471.jpg



كان خاطريه اشوف عرس الرياييل . .
لان صوت الرزيف كان يوصل عندنا احس اجواء حماسيّه واحلى عن اجواء عرس الحريم :awxc:

ومبروكْ يا سلطان من قلب يفداك . .

albarzah-5d13ac412a.jpg



الحمدلله تعب كم شهر بيّن في العرس . .
وكان كل شي منظّم . .wahh


الله يسعدك ويوفقك يا الغالي . .
وشكراً جزيلاً لكل من نورنّا بحضوره . .

عقبال عزابيّة البرزة :klolooosh:
 

غنَاتْيـے

مُصورَه فُوتُوغرَافيه ♥
التسجيل
1 أغسطس 2005
رقم العضوية
3845
المشاركات
14,841
مستوى التفاعل
4,076
الجنس
الإقامة
بــوظَبيـے . . *~
September Queen - غنَاتْيـے
10 - 9 - 2011 it's my birthday . .

albarzah-22510f7831.jpg


From Blurry's :*

[ 1O ] of September ♥.♥ kl 3am o enty b5air ya a'3la mn skn AD♥
e5ty elKbeerh enShalah a7tfl with you every year *-* ♥♥ that's my one & only wish ..

♥♥♥

Some people no matter how old they get, never lose their Beauty
They Merely move it from their Faces to their Heart -♥-

♥♥♥

*You will always be my favorite September Queen ♥♥♥
i hope all your dreams come true *-* enjoy your amazing day غناتي ♥ :* love you.

♥♥♥
 
عودة
أعلى