بقـَشةْ عِيَايـزْ ;`

غنَاتْيـے · 28 أغسطس 2009

خلّكْ عَلى خُبري كَما ريحة العُودْ . . . ;`
إذا احترقْ بالنَار يزدَاد طيبه !*

Special thanks :00100:

شيخة البنات ; عيوز مشتطه ; جلنار ; القاضي ; »ǾùTlâw« ; الحزن بدمي ;
KиMάήά ; الزبرجد ; الجارح 2003 ; bella adolescente ; ِ~همـِسـِة الشـِـِووووقـِ~ ; أبو البراء ; ٱڶظپے ;

يسعد لي أيامكم جميعًا ;`
الأيام موول مافيها بركه . . تمر بسرعه :212:

لين اللحينه ماسرت خذت قطع وفصلتهن حق العيد . .
يايويلي من امايه لو درت . . انا دووم آخر الناس :bad:

احيد العيد اللي طاف . . نفس اليوم بنسير راك عسب نعيّد هناك . .
وتذكرت اني مايبتهن من الخياط في نفس الوقت سايره اييبهن . . تهزأت من قلب :eh_s(6):

كل weekend لازم تيينا ختيه وعيالها . . وماشاءلله عليهم . .
بس الصراحه يسووون النا جو في البيت . .

~> هزاع وبطي كانو يقولون لي قصه شيّقه :h015:

هذا امس كانو يايينا عرب . . ويالسين نترياهم . .
شوفو الشلّه . . ماشاءلله :eh_s(6):

انا ماخذتلهم كلهم نفس الشي . .
من اليمين لـ اليسار . . محمد [ ولد اخويه ] . . هزاع ; بطي ; منصور [ عيال ختيه ] . .

التزهيبات لحضور الخطّار . .

وايد استانست امس . .
أحب لمّت رمضان :==:

اليوم نشيت 11 . . كان حلمي ارقد لين 12 . .
اعوض رقاد ايام الدوام . . مع انه الحمدلله دوامنا في رمضان من 9 لين 2 . . :a040:

تسبحت وتلبست . .

~> احبها هاي ع قولتهم بوطيره [ :ah: ]

ويلست اكمل قراية القرآن . .
الله يرزقني بأكثر من ختمه ;

ظهرت خاري و ورينا ضو حق الشباب قبل مايسيرون المسيد . .
ودخنّاهم . .

ومر اليوم عادي . . بس من بعد المغرب بدون حشرة قوم هزاع وبطي . .
سارو بيت عمتيه . . الله يعيينكم قوووم رعشة هدب :h015:

زَارني طِيفكْ عَلى غفله ورَاح . .
مَاعرفته هُو حقيقه أو خيَال !*

لَو تسلْ الروح م الجسمْ استَراح ;`
من لهيبْ الهجرْ وآلام الغرام . .

:ax:

غنَاتْيـے · 29 أغسطس 2009

قَالُو مِريضْ قلتْ يَارب يشفيه . .
ويصير عقبْ المرض في سهاله !*

من كثرْ ما أحبه وأغليه ;`
أستغفر الله ودّي امرض بداله . . . ~

مَساكمْ تصوير فوتوغرافي :m88b6:
اشحالكم كلن بحاله . . ؟!

بنرمس عن التصوير في حياتي . .
وخاصه عن الـ Queen ♥ ,`

رحبو فيها :m_love:

زئفي زئفي . . canon زئفي [ :m_9afgah: ]
~> تأثير الصداع . .

بديت التصوير في سنة 2006 تقريباً . .
بس كنت أستخدم sony . . كانت كاميرا ممتازه لمستواي كـ مبتئده وهاويه . .

مع الأيام تعلقت في التصوير أكثر وكل شي يخص عالم العدسه . .
واصبحت الـ canon ترافقني كل مكان . .

أول ماخذتها كان فيها العدسه الأصليه بس . .
أما اللحينه عندي 3 + الأصليه

macro lens ; Zoom ; wild angel lens . . !*

أحب تصوير الأماكن التراثيه والطبيعه أكثر وأميل لهن . .
لي تجارب بسيطه في البورتريت والتصوير الليلي والماكرو والستل لايف . .
بس مب كثر الأشياء الثانيه . .

ناويه ان شاءلله على كاميرا وعدسه يديده :m_mest7y:
أحاول اطور من عمري واتعلم كل شي يديد . .
اتمنى اوصل لمستوى راضيه عنّه . .

شكرْ خاص من قلبي [ :ax: ]
لكل شخص ساهم في تطوير عدستي ومساندتي . .

- ربيعتيه منى . .

- ولد بوظبي [ محمد الشحي ] ;`

- الوالد اللي يعطيني ويه ويظهرني يوم نكون في RAK . .

- My models . . اخواني الكايد وسلطان . .

- لكل واحد منكم تابع تصويري ورد عليه وشجعني . .

♥ ,`

بعض من الصور اللي أحبهن ومقربات لـ نفسي :m_thumb:

مكان التصوير : الشلالات ماليزيا ;

مكان التصوير : خور نيد ;

مكان التصوير : سوق واقف - قطر ;

مكان التصوير : بخا ;

مكان التصوير : البستكيه - دبي ;

مكان التصوير : كوالالمبور ;

مكان التصوير : عوافي ;

مكان التصوير : خصب ;

مكان التصوير : بخا ;

مكان التصوير : اليادي ;

مكان التصوير : بخا ;

مكان التصوير : حِل ;

مكان التصوير : راس الخيمه ;

مكان التصوير : قدى ;

مكان التصوير : بخا ;

♥ ,`

ليتْ الوَجعْ بعروقْ قَلبي ولافيكْ . .
وليتْ المرضْ غلطانْ ساهي ولا جاكْ . . ~

غنَاتْيـے · 29 أغسطس 2009

خِذنِي عَلى صَدركْ أبى بَسْ غَفوه ;`
. . واسمعْ تَناهيدْ الخفُوقْ بغيابكْ !*

merci :ax:

مس اتصالات ; »ǾùTlâw« ; الحزن بدمي ; بنت ناس ماتنداس ; القاضي ; شحشوحة صغيرونه ; الجارح 2003 ;
القيصر ; أטּــآ ۈ قـلـبـﮯ ; عيوز مشتطه ; ٱڶظپے ; Qlass ; جلنار ; •●Ł7n๑ДŁm6r●• ; ِ~همـِسـِة الشـِـِووووقـِ~ ;

اليوم سرت الجمعيه . . مادري ليش في خاطريه حلاوه ~> ياهل :yaw:
وخذت خرابيط . .

حصلت هالكاكاو مال أول . .
وخذت لي ماكنتوش . . محد يقول مال أول :1577_1186768770:

يقول المثل : جديمك نديمك ولو اليديد اغناك ~> يخصّه ولا مايخصه . . ؟!

أدور شي من متى . . حقي وحق منى . .
اللي يحصله لي [ :cm: ]

واللي سألني اذا اسوق ولا لا . . انا ماسوق . . هَزلتْ ماعندنا بنات يسوقن . .
آ آ لا أقول الصدق انا اخاف أسوق ; ومافكر في السالفه :ah:

لأننا نتقن الصمت حملونا وزر النوايا ;

هذا الكايد . . مرّه يبته ولعبت فيه لعب . .
وهو مسكين مايقول شي

io:

اليوم رسّام البرزه . . أبو البراء . .

طرش لي رسمه يديده من ابداعاته . . :122:
لها قصه . . بتكون معاه في مدونته إن شاءلله

الف شكر . . لاعدمنا هالتميَزْ :bt:

قبل ما يدخل القيض . . وكان الجو حلو . .
كل مره اييونا هزاع وبطي نسير الحديقه . . وايد احب اروح واتمريح :sheer:

كنت استانس وامشي حافيه ع الحشيش . . شعور رائع . .
يوم كسرت ريلي افتقدت الحديقه . . وأول مارمت امشي ع عكازين مسافات طويله سرت ع طول :eh_s(1):

sesame street lover ;

~> ياكل عيش وسمج :h015:

أشتاق لـ المطر بكل تفاصيله . . :Afkr:

غنَاتْيـے · 30 أغسطس 2009

بلّغه بالحَالْ يَاريف [ ن ] سَرى . .
مِخطر [ ن ] حَالي ولي سَايرْ يِسيرْ ;`

. . كِلْ مَارديتْ بالذكِرى وَرى !*
مَادريتْ الا عَلى خدّي غِديرْ . . . ~

♥ ,`

شكراً هااااااااااااكثرْ لكل من يتابعني . . لاخليتْ ولاعدمتْ :ax:

بنت ناس ماتنداس ; شيخة البنات ; القاضي ; الخقاق ; ِ~همـِسـِة الشـِـِووووقـِ~ ; الجارح 2003 . .
عيوز مشتطه ; شحشوحة صغيرونه ; الزبرجد ; قطوة سوده ; أبو البراء ; ٱڶظپے . .

مبروكْ لـ ختيه ع الموتر اليديد

يعطيج خيره ويكفيج شرّه فديت خشمج . .

أتريا العزيمة أنا :eh_s(6):

تدرونْ انا بعدني مانتقلت غرفتيه . .
من كم يوم بس مركبين البيبان :bad:

الكل تحوّل . . بقيت انا الاجئه . .
قلت لهم يوم بتخلصون مووول ازقروني بيييكم :yaw:

اليومْ . . يوم باقات الورد . .
شكّو فيّه في الدوام من كثر الورد

io:

هَاي باقة المَكتب :

ومنى مطرشه لي ورد شرات ماعودتني خلال فترة سفرها . .
علنيه افداج . . متى تردين بالسلامه [ :cry: ]

وانا ماخذه ورد حق وحده معانا في الدوام . .
تحب التويلب ^_^

سِرت Life style . . ماعتقد شي بنت ماتحب هالمحل :eh_s(1):

شوفو الخربطان اللي خذته كالعاده [ :a040: ]

وايد عيبني هذا . . حق الخواتم ~> من زود ماتلبس خواتم يعني . .
وفي مكان تصبون فيه عطور . . :ay:

والثانيه اظني شنطة مكياج . . بس انا ماعندي مكياج . . :eh_s(6):
حسيتها تنفع حق السفر تحط في معجون وفرشاة أسنان وهالسوالف ~> تفكيرها منطقي هالبنت . .

وخذت بعد اللي يعلقن فيه الشغابات :$

اشتريت حصّاله . . :eh_s(6):
ولازم لازم كالعاده كوب يديد . . واختيه تقول لي بخبر عليج امايه ولا كم تدفعين ~> اونه اشتري سكوتها :bad:

شغابات و Lo lo . . وخذت منّه حق منى بعد :a050:

~> مال اليهّال !!

بالهُونْ يا موترٍ سَايقه بطرانْ

io:

غنَاتْيـے · 5 سبتمبر 2009

يَا سَيدي يَاولدْ لَكرامْ ;
يَا معَادلْ الرُوحْ الخفيّه !*

. . أشُوفْ رويَاكمْ بالأحلاَمْ . . . ~
ومدِيمْ في عيني خليّه . .

:a040:

يسعد لي أيامكم جميعاً ;
ازيكو يا عيال عاملين إيه . . ؟

طبعاً في البداية بخبركم . . بخبر حلو بالنسبه لي . .
هي صح صح . . منى ردت من السفر :sheer:

الحمدلله ع السلامه علنيه افداج . . نورت الدار بوجودج والله :a050:

مممم . . أنا من النوع اللي ماحب اخلي شي في خاطريه . .
لو شو ماكلفني هالشي . . أجيبه يعني اجيبه حتى ولو تحت الحراسه :eh_s(6):

من بداية رمضان وانا في خاطريه اسير الشرق . . يعني عن خاطريه لو يوم . .
فـ اخويه فديت خشمه قال بيوديني :==:

طبعاً وقفتنا الأولى كانت في راك . .
وع أساس بعد الفطور بنشرق . . وتعالي يا غناتي ماتم شي في خاطريه الا اطلبّه :eh_s(6):

أول ماوصلنا قلت لهم أبى سمبوسه . .
تموو يدورن لي جان نحصل الإمارات . . يعني حلوه سمبوسته بس مش واااو . .

عقب الفطور . . ابى من هذا الشربت . .
لانه في دكانا في بوظبي ماشي . . فــ حليلهم بعد يابو لي :ah:

خلاف هيّا بنا . . إلى الشرق متجهون . . :a040:

مادري كيف هذا اليوم تميت سهرانه لين 2 ونص . .
مع اني كنت هلكانه . . مدوامه وخلاف سيده خط لين راك وعقب لين الشرق . . أدري مستخفه

io:

اليومْ اللي عقبه . . لازم أقوم بجولة تصويريه انا وعدستي . .
الجو مايساعد وسرنا بس المناطق المجاوره . . :eh_s(6):

لو تدري امايه وين سرت وكيف ركبت ع الحصا عسب التصوير . .
جان اللحينه بتدفني . . صدق في الليل تمت ريولي تعورني :cry:

طلعت بكم صوره زينه . .
عقبال الجو الحلو والأماكن الثانيه ^_^

أول حصيله من الصور :gooddw:

http://www.alshohooh.ws/vb/showthread.php?t=76429

ع المغرب طرى في بالي شي مااال أول . .
وطرشتهم الدكان ويابو لي :yaw:

واليوم الصبح . . Back 2 AD :ah:
Home sweet home ;

عَلمتنّي في لَحظة الضعفْ مَابكي ;
وكَابرتْ بـ فراقكمْ مع إني تَألمتْ !*

. . وعَلمتنّي في سَاعة الضيقْ مَاشكي . . ~
واليومْ ضَاقتْ ; بَسْ مَاتكلمتْ . .

غنَاتْيـے · 6 سبتمبر 2009

رد: بقـَشةْ عِيَايـزْ ;`

مَالكْ أملْ أرجعْ إلا بشَرطينْ ;
نَفذْ شروطي كَانكْ تبيني أرجعْ !*

. . الشَرطْ الأول رَجعتْ فلسطينْ ,`
أو خلْ الشَمسْ في الليلْ تِطلعْ ~

♥ ,`

شكراً لـ [ :ah: ]
بدونكم مدونتي ماتستمر

رهفْ ; سفاحة راك ; »ǾùTlâw« ; عذبة الوصايف ; بوحمده ; شيخة البنات . .
قطوة سودا ; الجارح 2003 ; القاضي ; عيوز مشتطه ; أبو البراء ; خيماويه والنعم . .
الزبرجد ; رعشة هدب ; ِ~همـِسـِة الشـِـِووووقـِ~ ; بنت ناس ماتنداس ; دمعة الحزن . .

وهاي لكم :

♥ ,`

يسعد لي أيامكم يارب :==:
يالله كيف الأيام تمر بسرعه . . ومابقى شي وبيخلص رمضان . . :cm:

يوم سرت الشرق . . كلت هالخربطان المثلج . .
وانا ماعرف ارقد الا الكنديشن يضرب ع ويهي :ah:

نشيت أمس وبلاعيمي تعورني . . والكحه تذبح :cm:
والسعله النذله ماتزيد الا في الليل . .

رديت من الدوام ابى ارقد ماقدر من كثر ماكح . .
ماغفيت الا 5 وشوي . . ما أوعى الا ع صوت حد بيكسر باب الحجره . .

سرت بيتنا وانا توني خاطفه صوب غرفة الطعام اسمع امايه تقول . .
امايه : فلانه بعدها [ منجدئه ] :00eek:

تتحراني مافهمت وماسمعت :1577_1186768770:
حدرت وعيوني ميفنه وحصلت هزبه مرتبه ما أبى غيرها :ah:

تَدري وشْ ذَبحني يُومْ ضَميته . . . ؟
شَميتْ عطرٍ مثلْ عطركْ على شمَاغة . . ;`

اليوم منى دَاومت . . صباح العاصمة غير بوجودها في الدار :wrd:
طرشت لها باقة ورد المكتب . . هي تحب الجوري الأحمر . .

سرت خذت حق عيال خويه ميره ومحمد حصالات . .
هذاك اليوم شافو مالي وعيبتهم . .

قلت لهم اللي يحدر البيت عطوه الحصاله يحط لكم فيها . .
ولاترضون بالخرده . . نوط أخضر وفوق . . وخلاف نتجاسم النص بالنص :^^:

باقة المكتب لـ هذا الإسبوع . .

عَجزتْ أدَورْ لي أمَلْ في ظرُوفكْ . .
لينْ اقتنَعتْ إنكْ مِثلْ حَبة الكُوع ;~

غنَاتْيـے · 10 سبتمبر 2009

أربع وعشريني عَساها تصيرْ ميّه ; عامْ على عِزْ وعَامْ على عبَاده ♥ ,`

يسعد لي أيامكم بكلْ حب وسعاده . . :ax:
إشحالكم عساكم بخير

في البداية حبيت أشكر كل شخص كتب لي رد في موضوع تهنئة يوم ميلادي . .
شكراً بحجم السماء :bt:

»Đl3_ Βŋσστα« ; الزبرجد ; الجارح 2003 ; عيوز مشتطه ; القاضي ; AL_MTHWER ; الشحي ; قلب العاصمـﮧ ; الأسرار . .
ReaL DaY ; بنت ناس ماتنداس ; ٱڶظپے ; رهف ; •●Ł7n๑ДŁm6r●• ; استاذي قارئ الكلمة ; العود الأزرق ; بن ناعور ; غزالة الجبال ; عنابه . .

وشكر خاص لـ »ǾùTlâw« ع الـ Cute card . .

ارق تحيه لـ : كركورتيه ; EL Dood ; Bado Queen . .
ولاخليت منكم . . لكل واحد مانساني اليوم وطرش لي مسج أو إتصل بي [ :ah: ]

♥ ,`

انا من الإسبوع اللي طاف ميهوده . . حمى وكحه وبلاعيم واذني تعورني >.<
~> بقى شي

io:

ومعانده مب طايعه اسير الدختر . .
اليوم حسيت اني خلاص ماسمع وماروم اتنصخ . . وحصلت هزبه جان اسير :ha:

مداومه وانا مالي خلق . . ومديري مسافر . .
ماشي شغل . . ملل . . ياغير احوط في البرزه من اصبحت . .

عقب الدوام سرت مركز التعليم المبكر . .
اشتري هديه حق ميره بنت اخويه . . امس كان يوم ميلادها :wrd:

خبلت في الريال هناك . . قلت له ادور هديه حق بنت بين 6 و 7 سنين . .
كل مايراويني شي اقول له عندها عندها :h015:

♥ ,`

واليوم لانه الكل متجمع . . يابو لها كيك . .
حقي وحقها . . نتضارب كيكة منو الأحلى [ :cm: ]

شكراً لكل من جعل يومي مميزاً . .
بمسج أو بإتصال أو بكلمه طيبه :ax:

♥ ,`

منى : ليت المرض بعروق قلبي ولافيج

غنَاتْيـے · 12 سبتمبر 2009

مِنْ يحطكْ تَحتْ لاتعَليه فُوقْ . .
ومن يحطك فُوق يبشرْ لانوى /`

الكَرامه مَايوطيها مَخلُوقْ !*
. . والنجمْ لاطَاح قَالو له هوى

مَساكم وأيامكم خير وبركه :ax:
في البدايه حبيت اشكر كل من يتابعني . . لاخليت

سمحولي لانه يوم حد يقيمك تنزل التقييمات تحت . .
وكل الأسما نزلت عشان موضوع التصوير ومالحقت اكتبهن [ :212: ]

شفت stamps . . اخترت من الأشيا اللي أحبهن . . :ah:

العيد قرّب . . وأونه امايه وابويه يسوون استفتاء وتصويت . .
منو يبى يعّيد في بوظبي ومنو يبى يعيّد في راس الخيمه . .

آخر شي يقصون علينا لازم نسير راس الخيمه :1577_1186768770:

انا لين اللحينه ماخذت اي شي حق العيد !!
مادري شو أسوي بعمري :eh_s(1):

متعاااايزه . . امبونها ختيه تخلص لي مشاويري . .
هالمره هي مشغوله وانا محد مسوي لي سالفه :ah:

عندي مخوره وحده في الخياط من فتره . .
تذكرت بطرشهم اييبونها . . بس تنفع حق ثاني عيد . .

وانا ماحب البس تنوره وقميص وهالخرابيط يا مخور يا مغربي :gooddw:

سرت اليوم marks and spencer . . خذت شوية اغراض مال البنات . .
تعرفوني كبرت لازم استخدم هالأشيا اللي يسوونها :==:

لازم يوم اسير هناك . . آخذ من عندهم بسكوت وشبس . .
هاذيلا الـ 2 . . جربوووهم مابتندمون :eh_s(6):

ومستااانسه اوني سويت انجاز . .
وظهرت عباة العيد :yola:

أول مره اسوي عباه فيها ألوان . . حق العيد بس . .
اللي يسمع يوم اسير راس الخيمه اطلع من بيتنا . . :eh_s(1):

خلاف سرت accessories الّقط شوية خربطان . .

وخذت هذا highlighter حق المكتب . . وايد cute ;

وجه التِشابه بِينينا أكثرْ من إحسَاسْ وشُعورْ ;
يَا أحلى أيَامْ العمرْ يَا قبلَها ويَابعدها !*

model : هزاعْ و بطي [ ماشاءلله ] '

غنَاتْيـے · 13 سبتمبر 2009

بَاعني لَو كِنتْ مَا دلّه ;`
مَا اتحملْ طُولْ فرقَاكمْ !*

. . ليتْ عندي رقمْ بسجّله . . . ~
تيلفون أقراه وأنصاكم /`

♥ ,`

مِساكم جوري أحمر . . :ax:
شكراً أكثرْ شي في الدنيا لـ :

ٱڶظپے ; عيوز مشتطه ; شيخة البنات ; جلنار . .
سفاحة راك ; القاضي ; جدايل ; محرز بن حريز ; بوحمده . .

تسلمون خواني وخواتيه لاهانكم آدمي . .

♥ ,`

اليوم اتعبلْ في شنطة الكاميرا . . فـ شفت ميموري حطيتها في الكاميرا . .
طلعت فيها صور ماليزيا و سنغافور . .

وانا امبوني كنت ابى احطهن عشان انا والقاضي نتعاشى . .
هو هبْ عايبتنه ماليزيا وانا اقول له ودي اسيرها مره ثانيه :1577_1186768770:

أفرادْ الرحله :

غنَاتْيـے ; اختيه ; سلطان ; الكايد ; اخويه اصغر واحد . . بالإسم اصغر بس بالحجم لا . . ولقبه [ العود ] :h015:

امايه وابويه مايحبون يسيرون معانا . .
كانت طيارتنا الساعه 1 ليلاً من مطار بوظبي . .

نحن سرنا بيننج و كلالمبور . .
بيننج جزيره . . سكنّا في فندق مطل ع البحر . . البقعه تشرح الخاطر . .

قوم سلطان ينشون يلعبون ع السكوترات والدراجات . .
وتخيلو انا اصيح اقول حق سلطان ابى اركب السكوتر :a050:

انا : ركبني وراك انزين انا لابسه عباه . .
سلطان : تحلمين . . ماعندنا بنات يركبن سكوترات ارقدي واحلمي ولا يوم بتعرسين قولي حق ريلج :cm:

هالشي في خاطريه لين اليوم [ :cry: ]

♥ ,`

حطينا لنا دريول ومرشد سياحي . .
كل يوم يودينا مكان وانا خبّلت فيه من الأسئله

io:

بالنسبه لي جنتنق احلى شي في الدنيا . .
كلها طبيعيه وانا عوقي الخضره . . ماحبيت كولالمبور وايد اكثرها مولات . .

سرنا في جنتنق . . حديقة الفواكه ;
وانا خلال هاذيج الفتره اكتشفت انه اخواني هنود . . ياكثر ماتصوّرو في ماليزيا . .

حديقة الفراشات . .
وااايد حبيييييييييييتها من قلب . . الفراشات تجنن . .
سبحان الله أشكال وأنواع . .

وغير الفراشات في ربع قوم تيمون و بومبا :h015:

سرنا صوب الشلالات . . اخواني الأنذال دوم هم جدّام وانا ورا . .
انا ايلس اصوّر وهم يسيرون جدااام وانا حليلي بعدني ابدّل العدسات واتسّحب . .

الجزيره فيها بعد مولات ومحلات راقيه . .
بس حق الطبيعه احلى . . وماتنمل . . يعني عادي عندي كنت ايلس واجابل البحر طول الوقت . .
تمينا فيها كم يوم . . ماذكر اشكثر . . :Afkr:

♥ ,`

خلاف سرنا العاصمه بالطيران الداخلي . .
في كولالمبور سكنّا في شنجريلا . .

سرنا وايد أماكن . . حاولت أتذكر قد ماقدر من الصور . .
زرنا حديقة السبلان . . حديقه عوده كلها شير وخضره وفيها بس سبلان . . وااايد كبيره . .

ع قولة سلطان : شوفو هاذيلا اخوانكم :bad:

♥ ,`

كنّا في الفندق كونكتد رومْ . . الشباب من ايي الليل . .
يفتحون الباب ويقعدون عندنا وسوالف . . ولعب بلي استسشن وقرض . .

التوين تاور كان يبين من غرفتهم . . وسرنا مره من أطول المنارات في العالم . .
كانت تبيّن منها كوالالمبور كامله . . يومها صب مطر وااايد [ :a050: ]

♥ ,`

رحنا أكبر حديقة طيور مفتوحه في العالم . .
مساحتها ضخمه . . يبالها لياقه ومشي

io:

يوم من الأيّام اخواني عزرّو الا يزورون المعبد الموجود عند حديقه السبلان . .
شو تسووون . . :212:

مشييينا هذاك اليوم لين عيزنا . .
لين نوصل هالمكان . . دري طويييييييييييل اطول شي بالدنيا . .

♥ ,`

جدام التوين تور . . شي الأكويريوم . . سبحان الله انواع الأسماك اول مره اشوفها في حياتي . .
وزرنا بعد عيون ماليزيا . .

من العاصمه نفسها لين تقريباً ساعه ونص . .
شي منطقه اسمها [ آفا موسى ] فيها سفاري وفيها اماكن للرمايه والصيد والألعاب وتركبين القارب تسيرين جزيره بعد فيها قرود . . وفي عرض كوبوي وسيرك حيوانات وانتو بكرامه . . . .

كلنا استانسنا فيها . .
تمينا فيها من الصبح لين في الليل . .

♥ ,`

سرنا جنتنق . . ماااااااااااادري كيف نسيت انزل الصور . .
هي منطقه فوق اليبل . . نسير الها بالتلفريك ~> تخاف منه :a050:

إن شاءلله في المره اليايه بكمل لكم . .
وبخبركم عن سيرتنا لـ سنغافور :bt:

♥ ,`

غمّضتْ أردْ الرُوحْ منْ خَلفْ الأجفانْ . .
عشَانْ اصدّقْ كذبة إنكْ تِجيني ;`

=)

غنَاتْيـے · 15 سبتمبر 2009

مصِيبهْ يُومْ مَانرتَاحْ والسبّة عِوَايدنا !*
نِداريها عَنْ الذَم وعنْ اللومْ وعن المَنقُودْ ;`

. . عَشرْ مَراتْ فَرقنا الزمن لكننا عدنا . . . ~
أيا لِــيت الزمنْ يرجع يفرقنا عشانْ نعودْ . .

السَلام عليكمْ ورحمة الله وبركاته :wrd:
اشحالكم عساكم بخير . . ؟

شكراً لـ :

عيوزْ مشتطه ; ℓσνє šтσяу ; سفاحة راك ; الجارح 2003 . .
ولد الحكومة ; شيخة البنات ; قطوة سوده ; ٱڶظپے . .
غزالة الجبال ; ِ~همـِسـِة الشـِـِووووقـِ~ ; أبو البراء ; امرؤ القيسے . .

:ax:

♥ ,`

أبى أزوع :je_suis_d
~> يا لوعة الجبد . .

لاتقولون لي حطي صبعج في ثمج . .
منو عنده حل ثاني :eh_s(6):

♥ ,`

إخترتْ لكم اليُوم :

كتاب : مع تحيات أبو قلم ;
تأليف : أحمد أميري . . ~

الكتاب بتحصلونه في المكتبات . .
شي في : بوردرز \ كارفور \ جرير \ المجرودي . .

يحتوي على مقالات بإسلوب فكاهي ساخر . .
كلها مواضيع تتكلم عن المجتمع الإماراتي . .

ممتع جداً :122:

♥ ,`

عطر : black orchid من tom ford . .

السموحه ع القصور :bt:

بقـَشةْ عِيَايـزْ ;`

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

غنَاتْيـے

مُصورَه فُوتُوغرَافيه ♥

نحن نقدر خصوصيتك