بعض العيون حقدها في نظرها ]~*

..لاتمــــــــــر النــــــــار..وثيابـــــــــــــك حريـــــــــــــــــر...!
....
بجناح عناد ..
كان واقف بقامته الطويله المميزه لجميع عائلته...واصابعه تتحرك بخفه على الجرائد الموضوعه بعنايه بالغه وباذخه على الطاوله ..
مرر أصابعه برقه بين الجرائد الموجوده..
ليسحب الجريده التي يترئسها...مرر عيونه بين صفحاتها بهدوء ..لتعلو الأبتسامه على شفتيه..
صورته تزين المقال الي نزله..سبب ضجه..محاربة تجار الأسعار...
طالع المقال من بعيد...
..
لماذا..نرضخ لهولاء..المرتزقه الذين يعيشون على أمتصاص أموال الطبقه الفقيره والمتوسطه..
فل نقاطعهم..ونحمل عليهم حملة نجتث بها أصولهم...
بئس الأهل هم..وبئس الكبار هم..وبئس الاخوه هم..
لم يراعُ صغارنا با رفع سعر الحليب..الخُبز..البيض..الاجبان..وحتى العصائر ...
لم يراعُ كبارنا..با الدقيق..الأرز..الدجاج...الخُضار..الفواكه
لما لا نقف ..وقفت رجلاً واحد..يقول لهم..وبملئ فاه..لاااااااااااااا
...غمض عيونه وهو يدعي على ها التجار المرتزقه ...
-السلام عليكم...
صوتها الرقيق يكسر الصمت الذي كان محيط بجسار...وهدوء المكان الا من أصوات الأجهزه القريبه من عناد....
جسار ينزل الجريده من يده\وعليكم السلام ...
ملوك تاخذ الدوسيه الي على الطاولة ..وهي تحاول جاهده تثبت صوتها على وتيره وحده وهي الهدوء\ها كيفك عناد اليوم ..
عناد\...
انتبهت لجسار الي نزل الجريده الي كانت بيده\دكتوره ترى من الصبح مارد على احد منا..!
قربت ملوك منه ..طالعت الأجهزه الي قريب منه ..قاست الضغط كل شي تمام وطبيعي..
ملوك تضوق عيونها با اوراقه من جديد وماحصلت شي مو طبيعي \اوكي كل شي كويس وتمام...
جسار طالع في ملوك يبي يستفسر منها..!
ملوك برتباك\يالله يقوم بسلامه..راح اشوف وضعك بصباح..يالله عن اذنكم...
طلعت ملوك من جناح عناد ولحقها جسار..
جسار ببحه\لو سمحتي دكتوره..؟
التفت له ملوك\نعم..
جسار بتوتر\عناد ماحكى مع احد معنى مادري شفيه..؟
ملوك من غير اهتمام\عادي ممكن ردة فعل ماراح تستمر بذن الله كم ساعه ..
-دكتوره ملوك
التفت ملوك للجه الثانيه شافت ياسر تجاهلته.....
لفت لجهة جسار\اي خدمه ثانيه استاذ جسار...
-جسار باابتسامه\لا مشكوره الله يعطيك العافيه...
دخل جسار داخل جناح عناد وهو يتمتم بكلمات لايكاد يسمعها غيره\ماشاء الله وش ها الاحتشام.....الله يزيدها..؟
مشت ملوك للجه الثانيه..ودخلت على قسم الأشعه..
ياسر بعصبيه\ملوك ماتسمعين!
التفت ملوك وبعصبيه\نعم شتبي..؟
ياسر مسك يدها\انتي شفيك..
ملوك تئففت\يعني شفيني اسر..مافيني شي..
خذت ملوك اشعه كانت طالبتها من القسم وطلعت متوجه للخارج القسم
ياسر بعصبيه كان بيلحقها لما استوقفه رنين الجوال ورقمها....
حبس انفاسه لثواني ..من ثم زفر بعصبيه...وحاول يعد للعشره...يعرف نفسه مايحب يجرحها...وهي اكيد داقه عشان نفس السالفه...
السالفه وتخصه..العالم ليه يتعازمون عليها...
قرر يرد..وهو يقلب تردد موجته ..عشان خاطر عيون ظبيهم....
بثقل \نور جوالي يانور الشرقيه ومطفيه انوار الرياض ببعدك عنها...
....
..لاتمــــــــــر النــــــــار..وثيابـــــــــــــك حريـــــــــــــــــر...!
....
دخلت ملوك على الكافتريا وجلست على اول طاوله نزلة الملف ونزلة معه عصير تفاح
ماهي الا لحظات......
وجلس بثقل على الكرسي...تئملها وواضح عليها الانسجام التام بين اوراق ها الملف..
ليتك بس تعرفين..!شكثر آعاني..وانتي بس
تئجلين....وتئجلين ..وتئجلين..ماتدرين بتئجيلك تحرقين الضلوع..ضلع ..ضلع..ضلع...
ماتدرين بنظراتك الي من سنه تغيرت..مادري سببها ايش...وش تسوي فيني...؟
تكفين قولي ..انا غلطان...؟؟
والا انا ماشي صح..عكس التيار...والا هم الي عكسه...
طالعيني ...بردي جوفي بشي...,,,؟
خلي ايدك معي.......
ترى مهما كنت قوي...
يذبحني صدك...
هو صد..والا ..تغلي...؟
وان كان تغلي..!.ها الي تغلى..؟ مادرى انه معمر قصور بصدري من يومه طفل يلعب بحضني...!
ليت الي سمعته من الظبي ماتسمعينه يوم ويجرحك واموت من اسباب دمعك...,,؟
ياااااه يا الظبي...غاليه والمشكله الغالي لاعرف بغلاته....
حاول يجمع انفاسه الي تشتت...وبصوت حنون على كثر علاقاته لكن نبرة الحنان وهدوء تردد الصوت مايظهر الا لها ببحه
\ملوك...انتي ليه تبعدين يوم عن يوم...مزعلك انا بشي..وانتي خاشته عني...
ملوك من غير ماترفع راسها مظهره له التجاهل.\من قال..!هاذا انا..بمكاني ماتغيرت...!وانت..!
ارتفع اصبعه ليمسح الجزء الاخير من حاجبه وبتوتر\انا ايش..!
ملوك لفت له وبهدوء\فيك شي..!
.. قطع عليهم...الاجواء المتحفزه من الطرفين
جمال نزل الاوراق على الطاوله وبقرف\ماطيق هاالبنات يجون هنا من لاشي وكئن مافي حالات تستدعي تواجدنا..
ياسر بعد عيونه بصعوبه عنها...ومثل شبح ابتسامه ارتقت بئلم لتعانقه\شفيك جمال...وش مسوين لك البنات...؟
جمال بعصبيه\ياخي تجيك الوحده بميوعه واخر شي ياانفلونزا خفيفه ..ياحرق بسيط وماقدرت الهانم تحط عليه أي مرهم وتخمد في بيتهم
ضحك ياسر بقوى على جملة جمال الاخيره \ياخي من جيبك شي ها..؟
ملوك توقف \عن اذنكم....
مشت ملوك وطلعت من الكافتريا متوجه لقسمها
جمال باابتسامه يمد الكبريت لياسر الي طلع علبة بكت الدخان \ترى ممنوع يا الغالي هنا ..دخن في مكان ثاني ياحضرة الدكتور...
مانتبه ياسر لكلام جمال انتبه بس لشي واحد وهو الكبريت بيد جمال..!
ياسر باأبتسامه وهو ينزل البكت ويسحب الكبريت \هههه من وين لك الكبريت..من زمان ماشفته ..!
جمال بخفة دم\والله انفجرت مره الولاعه بيدي وحلفت ماشيلها وصرت اشيل الكبريت..احسن مو..!قديمك نديمك..!
سكت ياسر وبا الاصح مانتبه..غرق في ذكرياته الصغيره والصغيره حيل..
-صفو ..صفو...ابيكم صف واحد بنلعب لعبه حلوه....هاذي اعواد الكبريت بحطها على رموشكم وانتم تناظروني لاتحركون عيونكم بشوف
اذا ثبت عود الكبريت على رموش اي وحده فيكم هي الي بتفوز..!!
يالله هدى ...وانتي يا مها ...وانتي يانوره... وبعد ملوك انتي معهم اتركي العرايس
الي بيدك ...اساساً ابي اشوف اعواد الكبريت على رموشك ...متحدي انا مع مناف ..انك بتغلبين بنات جيرانا..
.ملوك طالعيني لاتطالعينهم عشان مايطيح عود الكبريت...
ثبت..ثبت ...ماطاح...
هههههههههه قلت لكم ملوك هي الي بتفوز.
هي اطولكم رموش..هي الي فازت...
ههههههه..
جمال بصوته الحاد\الله يقلعك ياسر وش استفدت كسرت اعواد الكبريت وش تحس..!!
ياسر انتبه من غفوته وسرحانه بعالم الطفوله لعواد الكبريت بيده شبه مكسره وماليه الطاوله...ابتسم\والله ماكنت معك سرحت شوي...!
....

..لاتمــــــــــر النــــــــار..وثيابـــــــــــــك حريـــــــــــــــــر...!
....
يوم جديد..,,
با المشفى...
سمعت ملوك صوت صغير وكئنه يبكي..
طلت من الممر القريب...شافت بنوته صغيره تبكي..
ملوك مشت لجهتها ونزلة لمستواها\ليه تبكين..؟
درر بعبره\انا ضعت ..
ملوك باابتسامه حانيه\لا....
درر بين دموعها الطفوليه\انا ابي عمو...
ابتسمت ملوك\طيب خبريني بسمك..؟
درر\اسمي درر...
ملوك \درر..حلو اسمك مره..وانا اسمي ملوك..
مدت ملوك بحب يدها لدرر..درر مسحت دموعها وصافحت بطفوله يد ملوك.
ملوك \طيب ممكن اعرف انتي جايه مع من..؟
درر\مع ناني...
ملوك بتقطيب حاجب\ناني ..!
درر تحرك فستانها القصير بطفوله وبرتباك ترفع يدها لطوقها الي ضايقها\اممم..عمو حبيبي هنا تعبان..
ملوك ضحكت عليها\طيب...عمك ايش اسمه...
صوته الحاد.. يكسر هدوء الممر بخشونته\درر...!!
التفت ملوك لجهت الصوت وانصدمت بتواجد عناد ..!!
غريب هاذا الشخص..!!
يرسم بعبق... جودة حضوره المهيب..
يجبر من يحيط به او من يتواجد بمكان هو فيه..ان يعلق عيناه بهذا الشخص..ويلتزم الصمت..والصمت فقط...!!
وكئن شموخه يملك المكان بئسره الغريب...
عناد بعصبيه\درر ليش انتي هنا من غير مربيتك..؟
درر ركضت لعند عناد وحضنت رجوله بطفولتها الجميله\عمو طيب هي بطئيه ماتعرف تمشي كئنها بطه..بعدين انا ماعرفت انت وين...
عناد نزل لمستواها\طيب الحين تجي المربيه تاخذك.. مابيك تجلسي هنا خلاص روحي للبيت..بعدين ماما تزعل عليك وتعاقبك..
درر بعناد\اوف منك عمو اوف..طب بابا ماحكى شي..ليش انت تقول لاء..
عناد مسك انفها الصغير\يالله بلا غلبه شوفي ناني وصلت..
درر التفتت لجهت ملوك\شكرا ملوك..لما أجي عمو مره ثانيه راح اشوفك طيب..
ملوك باابتسامه \بذن الله عمو راح يطلع قريب باي..
لوحت لها درر وهي مع المربيه حقتها متوجه لجهت الاصنصير..
عناد طالعها بستغراب وهي واقفه عند الاله(الماكينه) خذت لها مويه..بعدين التفت له\اشوفك تحكي كويس..
صوتها الغريب...بذبذابات غريبه...وغريبه..حس انها تخنقه..بصوتها الانثوي الطاغي...المستفز...الذي يشعره بين الضجيج
با الهدوء..كا صوتها ونبرتها الهادئه... الساخره ..!
عناد طالعها بستغراب\ليه تبين اظل طول عمري اخرس...
ملوك قطبت حواجبها بعصبيه\بس انا ماحكيت كذا..ليش تقول كذا..؟
عناد بحدة مزاجه المنقلب\بس اسكتي!!
الجم تصرف عناد الغير مهذب فم ملوك..بوقحاته...حست بقشعريرات قرف..من وقحاته والعكس تمام لمظهره
عناد توجه لجهة الا الأله وانتظر طلبه..
ملوك بعصبيه من كلامه\الحين انت متعود تحكي كذا,,,!!
تجاهل تمام عناد تواجدها ..مظهر التحقير...كما وضح للملوك...!
ضرب برجله قاعدة الأله ونزل الطلب بسرعه
ملوك بعصبيه\بلا تخلف...شها الحركه..؟؟؟متخلف ووقـــح..آجــــــــتمعو مع بعـــــــــض..
..
نقف هنا يا أحبتي ...
..
همسة محبه للجميع\فضائل الاستغفار
أنه طاعة لله عز وجل
أنه سبب لمغفرة الذنوب: فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراًا
نزول الأمطار: يُرْسِلِ السَّمَاء عَلَيْكُم مِّدْرَاراً
الإمداد بالأموال والبنين: وَيُمْدِدْكُمْ بِأَمْوَالٍ وَبَنِينَ
دخول الجنات :وَيَجْعَل لَّكُمْ جَنَّاتٍ
زيادة القوة بكل معانيها :وَيَزِدْكُمْ قُوَّةً إِلَى قُوَّتِكُمْ
المتاع الحسن :يُمَتِّعْكُم مَّتَاعاً حَسَناً
دفع البلاء :وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ
وهو سبب لايتاء كل ذي فضل فضله: وَيُؤْتِ كُلَّ ذِي فَضْلٍ فَضْلَهُ
العباد أحوج ما يكونون إلى الاستغفار، لأنهم يخطئون بالليل والنهار، فاذا استغفروا الله غفر الله لهم.
الاستغفار سبب لنزول الرحمة: لَوْلَا تَسْتَغْفِرُونَ اللَّهَ لَعَلَّكُمْ تُرْحَمُونَ
كفارة للمجلس
وهو تأسٍ بالنبي صلى الله عليه وسلم ؛ لأنه كان يستغفر الله في المجلس الواحد سبعين مرة، وفي رواية: مائة مرة.
صيغ الاستغفار
1 - سيد الاستغفار وهو أفضلها، وهو أن يقول العبد: ( اللهم أنت ربي لا إله الا أنت، خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك عليّ وأبوء بذنبي، فاغفر لي، فإنه لا يغفر الذنوب إلا أنت ).
2 - أستغفر الله.
3 - رب اغفر لي.
4 - ( اللهم إني ظلمت نفسي فاغفر لي، فإنه لا يغفر الذنوب إلا أنت ).
5 - ( رب اغفر لي وتب عليّ إنك أنت التواب الغفور، أو التواب الرحيم ).
6 - ( اللهم إني ظلمت نفسي ظلماً كثيراً ولا يغفر الذنوب إلا الله، فاغفر لي مغفرةً من عندك، وارحمني إنك أنت الغفور الرحيم ).
7 - ( أستغفر الله الذي لا إله إلا هو الحي القيوم وأتوب إليه ).
..

..نظرة حقد......3....
...
بسم الله الرحمن الرحيم...

بدايه..
مدخل..
تباعدنا انا وياكـ وخذاكـ الوقت غصب عني
وتهنا في خطاوينا ودروب الفرقــــــا ذباحه
انا مدري عن اخبــــاركـ وقلبــــــــــــي
في بعادكـ كل يوم تزيد به جراحـــــــــــــه
حبيب العمــــــــر ياليتكـ عن احوالكـ
تطمنــــــــــــــــــــــي
وتريح قلبي اللي ماعرف للطعم ابد راحـــــــــهـ
حبيبي والوفاء فينا وقلبي عنكـ يسالنــــــي
ذبحنـي كــــــــــل مامرت طيوفكـ بعيني لماحهـ
عساكـ بدنيتكـ مبسوط وعايش دوم متهنــي
وعسى قلبكـ على خبـــــــري دايم عايش افراحـهـ
حبيبي فرحة ايامي ابيكـ اليوم تعـــذرني
ذكرتكـ وهلت الدمعــة وعيني دوم فضاحـــــــــــه
ذبحني الشوق في غيابك
عذبنــــــــــــــي وجننــــــــــــي
لانك يا الغالي بعــــــــيد وانا والله ماظنـي ابقـدر
زود اتحمــــــل همــــــــومـ القلب وجراحــــــه
كئيب وحالتي حالة وبعدكـ من يصبرني تعال وشووف
هالعالم كيف الحـــــــزن اجتاحــــــــهـ
حبيبي يا توام روحــــــــي
انا ابيك تفهمني ترى هالكون من دونك ظلام وانت مصباحه

..
بدايه...
اليوم البارت جدا مهم في كشف جوانب كذا شخصيه...وايضاً يحمل تواجد رقيق لشخصيه فرعيه اطرحها بألم
...الشخصيه تحمل بين جوانبها الم..هي مرادفاً للعسل وبحلاوته...رحبو معي بتواجد الرقيق لبطلتي الفرعيه..شهد...
اتمنى ان تجد بقلوبكم وقع جميل...

..
لاحظت تواجد النجوم والحركات وتدليع الكاتبات لكم...طيب انا ماراح احط نجوم..انا بحط اوسمه=اكشخ صح
وسام التميز لبارتي السابق نالته اختي الصغيره الشقيه شوشو...ونالته زوزو باطرحها المميز...
...
نبدا بسم الله..
...
خطواته الكبيره التي تجاوزت المسافه الفاصله بينهم.....ارعبتها وتراجعت خطوتين للخلف....
من بين اسنانه \لو مانتي بمره...كان شفتي شي مايعجبك....!
تنفست الصعداء وهي تشوف ظله الثقيل يرحل من الممر...,,,,
آنا وش خلاني احكي كذا...ماني بصاحيه...كيف افلت لساني...,,,بس هو قهرني كيف يحكي معي بها الاسلوب.....
اعوذ بالله من لسانه..,,,,,,
,,,
دخل عناد الجناح رمى نفسه على الكنبه القريبه .....
جسار نزل الجوال الي كان يحكي فيه وبهدوء\امي تسلم عليك..وهم بعد المغرب بيجون يسلمون عليك..,,,,
عناد بهدوء\لايكلفون على انفسهم....انا بطلع الحين..,,,
دارت عيون جسار لجهت عناد\كيف....!كئني ماسمعت زين....!
قطع عليه عناد كلامه واستفسارته بوقوفه وتوجه لكبت وفتحه واخراجه لتيشرت وبنطلون..,,,
جسار باابتسامه باهته وهو يوقف ويقرب لعناد يساعده\بس يا ابو رعد ماكتب لك خروج...وحتى ابوي ماعنده خبر..ارتاح على الاقل لبكره...
عناد يعدل التيشرت ويلتفت لجهت الكومدينة وياخذ قارورة المويه\انا ان جلست اكثر من كذا بتعب..
جسار يلتقط جواله\طيب بكلم ابوي وبقول له....
عناد\انا طالع....تبي تجلس هنا وتخبره بكيفك...بس ترى بوقف لي اي احد يوصلني للبيت...
...
ليه ماصانت سواحلك السفينه...؟
مثل ماخنت معاليك المواني...!
...
شركة مقرن العاجي...
بمكتبه الفخم...,,,المتداخل الالوان بجمال وروعه تعكس شخصيته الحاده والقويه ...التي ماتلبث ان تضرب وبيد من حديد.....وحتى ان
ركنة للهدوء في بعض الاوقات...فهي كا البركان ان خمد...فئنه لايؤمن ثورته...,,,,ولا نستبعد بطشته..,,,
-ابو فلك...آوامر ثانيه طال عمرك...
رفع عيونه وبهدوء\ابو الظبي با الاجتماع والا طلع...
السكرتير \طال عمرك ماطلع ..
نزل عيون لساعه وبستغراب\غريبه با العاده اجتماعه يخلص قبل اجتماعي المعتاد..,,,طيب اذا خلص عطني خبر...
استئذن السكرتير باحترام وطلع بهدوء....
ماهي الا لحظات وسمع من الجهاز المشترك بينه وبين السكرتير\طال عمرك....الدكتور ياسر يستئذن بدخول..,,,
بوتيره مبتعده عن الهدوء\يعني وش ظنك...مخليك حارس على بنايه..ياسر مايحتاج استئذان خله يدخل....ترى ان تكرر تنبيهي لك على ها الشغله
ماراح يبسطك قراري..
السكرتير برتباك\سم طال عمرك...
لحظات وانفتح الباب..ودخل ياسر بابتسامه\صبحك الله با الخير يابو فلك.....
ابتسم بتال وهو يرفع عيونه عن الاوراق الي يوقع عليها\صباحك رضى......خير....ياما جاب الغراب لمه....
ارتفعت وتيرة ضحك ياسر وهو يطبع قبله على راس عمه\محشوم ياعمي..توى نصبحك با الخير وش غربانه وطيوره...افا عليك بس ماهقيتها..
بتال بسخريه\انثبر في اي كرسي لحد ماخلص الي بين ايديني ولااسمع لك صوت...
ياسر يظهر الخوف المصتنع بخفة دم\عمي ياقشرك...هد هد..انا ترى ياسر..ماني با السكرتير الي كليته بقشوره والضعيف ماحكي شي..,,,
بتال يغلق الملف وبهدوء\عندك شي مهم احك...ماعندك اقضب الباب...بعد نص ساعه بتمام بطلع اشوف المشروع الجديد...
ياسر ابتسم\لاوالله كنت قريب قلت امر...ودام انت متكاثرني لاحول بقوم....
بتال رفع عيونه وبهدوء\تكلم....والله ماضربت لك مشوار الا عندك شي...!
حك ياسر دقنه وبهدوء\بتزوج ملوك ها اليومين.....!
في هاالوقت حس بتال بقنبله القيت عليه وشطرته لأجزاء متناثره ....يصعب على كائن من كان ان يعيد تجميعها ولو اصبحت جثته هامده..,,,
تغير لونه...بل.....اختفى......
قلبه يعتصره...او قد تكون توقفة نبضاته با الفعل......
كل الذكريات التي يحملها موجعه مؤلمه....يحتفظ بها ولنفسه...لنفسه فقط ..كل ليله على عدد ليالي تلك السنوات التي مرت على
قلبه دهور ودهور..ينثرها على بساط الوجع..من ثم يبدئ بفرزها..جرح ..جرح...و...وجع..وجع...
لاينكر...انه رغم هاذا الوجع...فئنه صنع من شخصيته المتردده..الخجوله..المنطويه قليلاً على نفسها...شيء اخر تماماً...
صنع لنفسه تمثالا شمعياً ...لايتجرئ كائن من كان على اعتراضه..او حتى كسره او صهره...
وعندما بنى نفسه...وقوي عوده...واشتد...
وقرر العوده لها...,,,لجميلته التي تركها مجبر..
سمع با الفاجعه التي قسمة ظهر الجمل...,,,تزوجت...!
اختارت هي الابتعاد الأبدي عن امل احتضانها من جديد واستنشاق عبيرها وسلوته بقربها..,,,
ماتمنى ابداً الفراق...ولم يكن احدى اختيارته..,,,,
يتذكر جيداً لقائه الاخير معها... تلك الليله ........,,,,,التي انهت كل شي,,,كل شي,,,
ياسر بستغراب\عمي..معي او ضدي...,.؟
استرجع بتال نبضاته التي كانت سترحل مع هروب انفاسه وبثقل\الدعوه ماهي معك او ضدك...لاتغلط غلطتي....ولايكسر عودك احد....
اذا كنت تبيها ومثل ماتقول...انت متعدي الثلاثين وبواجد...منت بصغير يفرض عليك احد قراراته...ومنت بطفل يعلمك احد كيف تحكي...
ان خذيتها آحتويها...خلك الامان لها...والعز لها...ارفعه لك..ولاتتركها ...وان كان قرارتك بتهتز وبيدخل على خط حياتك احد...لاتجرح
ها العايله ولاتزيد مواجعهم... ان اخترتها تذكر ثنين بيوقفون في وجهك..واذا انت مو قد مواجتهم ...خلها تشوف نصيبها..
انتفض ياسر بعنف من الكلمه الاخيره من عمه ومن بين اسنانه\آنا هو نصيبها...وش فيك عمي اختلطت عليك الامور...
قاطع كلامه بتال \انتهت النص ساعه...توكل....وانت خلك مثل الجمال الي لآبركت تشيل حمولها...!
قام ياسر بصمت وتوجه للباب وبهدوء ارسل له نظره متحديه\ماودك يكون العرس عرسين.....؟
طلع ياسر بعد ما رمى جملته...وهو متعمد...يزيد وجع عمه..وتذكيره بشي مانساه..
....
...

ليه ماصانت سواحلك السفينه...؟
مثل ماخنت معاليك المواني...!
...
با بفلة الجده هيا
الجده\يامرحبا يامرحبا..ياجعلني ماذوق حزنك يا عنادي..
عناد يطبع بوسه على راسها\الله يخليك ياالغاليه كان ماكلفتي على عمرك تعب والله عليك..
الجده وهي مبتسمه\لا والله وسلامتك عندي قليله..بس والله هاذي ماهو حقك ..حق سلامتك علي نذر...لازم اوفيه...
ابتسم عناد لجهتها...
ام جسار بابتسامه\ياربي عليك ياخاله كثرتي والله من الاطباق الي طالبتها من الخدم ..من بياكل هاذا كله..
الجده بعصبيه\ياكله الي ياكله..تحسبين قدر عناد عندي ها الصحون..سلامته تسوى عندي كل روس الي قاعدين...,,
جسار يتدارك الموقف بينا الاثنتين\عناد ترى درر مجهزه لك هديه..
ابتسم عناد يحاول يقاوم الحزن جواته\الليدي شجايبه لعمو..
درر متوجه له وتعطيه الهديه وتطبع على خده بوسه..
عناد ابتسم\ياعمري والله ياليدي انا..
كان بيفتح عناد الهديه لما منعته ايدين ناعمه وصغيره\عمو بفتحها لك انت ماتعرف تحوس الهديه...
ضحك عناد وخلاها تفتح الهديه حقتها واخر شي\ها شرايك بهديتي صح حلوه...
عناد مبتسم وهو ياخذ تعليقة باربي بلونها الفوشي مايحب الاطفال ولاخرابيطهم لكن ها البنت يعشق حتى همسها \هاذي شسوي فيها..وين احطها..
زعلت درر وبعيونها توعدته بعقاب .....!
حضنتها ايدين عناد وضمها لصدره ورفعها لحضنه\طيب طيب..يمه منك وعيونك.. لاتزعلين راح اعلقها بسيارتي ياحب عمك انتي...
الجده\خل منك ها البزر وتعش..
عناد\خلصت كثر الله خيرك يا الغاليه والله مافيني بزياده..
...
...
ليه ماصانت سواحلك السفينه...؟
مثل ماخنت معاليك المواني...!
...
بطابق الثاني
شهد بصوت واطي\ريان انت من جدك وها الحاله قسم بالله لو تدري جدتي ان تروح فيها...هاذا غير ابوي وامي...؟
ابتسم ريان وهو يقلب المجله بين يدينه\يعني اقدمهم على نفسي...انا وضي من سنيتن متزوجين ومبسوط معها..
شهد\طيب ولمتى.!كم سنه ناوي تخبي...اوكي وضعها هي ماعندها اي مشكله اهلها دارين ..وانت...امس اسمع امي تبي تخطب لك وحده تعرفها..
اتسعت عيون ريان \متى قالت ها الكلام..
شهد\لما مريت من عند جناحهم اسمعها تكلم ابوي وتاخذ رايه...
رمى المجله \كلام فاضي.....ماني من الي يفصل له ويلبس على ذوقهم....
مانتهى ريان من جملته حتى استوقفته اشاره من يد شهد يسكت التفتت للجه الثانيه ..وينصدم بتوسط عناد المكان..!
تئفف ريان ,,,
شهد بتثاقل قامت وهي تعد الخطوات الفاصله وببرود تطبع قبله على خد عناد\الحمد لله على سلامتك..,,,
من ثم رجعت بهدوء وجلست ملاصقه لريان.....,,,
ريان بخبث\الناس يسلمون اذا دخلو مكان...مو يروعون بدخولهم الصامت...وكئنهم يتجسسون...والا شغلك اثر عليك..تحسب بتقنص لك شغله!!
ببحه\مايحتاج اقنص لي شغلات مابيها با الوقت الحالي..بخليها على نار هاديه عشان تستوي...!
رفع ريان عيون وبنظرات غريبه وجها لعناد..,,,
عناد تجاهله وهو يسمع صوت درر متوجه له...,,,
شهد بعصبيه\درير...ليش تسحبين بطنيتك ...سلامات....روحي لغرفتك يالــــــــــــلـــه...
تجاهلت درر كلام شهد وحركت بخفه يد عناد\يالله عمو انا فيني نوم..يلآ
عناد بحه\طيب اسبقيني...انا بغسل وجهي واجيك....
قبل ماينتهي عناد من كلامه كانت درر تسحب البطانيه متوجه لجناحه وهاذا رسم شبه ابتسامه على وجه...
ريان وهو يوقف\الحين الي اعرفه والشي الطبيعي ان مشاعرك الابويه الجميله الي تكبكب يمين وشمال ومغرقه الدنيا مفروض ان توجها
السليم لولدك رعد.........! مو لدرر.!!
عناد ناظره وبسخريه\صدقني ماني مروق لك الحين انت واختك...
اعلن عناد انقطاع المناقشه بينهم با اعطاء ريان لظهره وتوجه للجناح المخصص له....
شهد\يآخي في كلمه او مصطلح بمعنى ثقالة دم لكن تكون اقوى من ها الكلمه....
ريان وهو يجلس وبستخاف \ايه فيه....عناد...هو المرادف الكامل لها الكلمه...
......
ليه ماصانت سواحلك السفينه...؟
مثل ماخنت معاليك المواني...!
...
يوم جديد....
ببيت ابو مناف..
فتحت عيونها بتعب..اليوم اجازه عندها...حركت عيونها بارجاء الغرفه وقامت..
تحس جسمها مكسر من كثر ماهو مهدود..سحبت لها اقرب بنطلون ولبسته ولبست عليه قميص ابيض ..رفعت شعرها بهمال..وطلعت...
نزلت لدور الي تحت وشافت الجميع جالسين يشربون الشاي الاخضر ..ابتسمت لما شافت عمتها تهلي وترحب فيها..
فلك\تعالي يانور ها البيت ..يازين الزين زيناه..!!
مناف بدقه\هع هع من مداح العروسه عمتها..
فلك تضربه بكوعه\عمة عين العدو..لاتقولي عمه لااذبحك..تعالي ملوكه تعالي هنا ..
ملوك جلست وخذت الكاسه الي مادتها لها فلوك والابتسامه مرسومه على ثغرها..\شتسون..؟
فلك\نلعب كيرم!!!شنسوي يعني نشرب شاي وقاعده اهذر مع ها النشبه...والعاله على المجتمع!!
مناف يمسكها ويثبت ايديها ويبي يعضها وهي تصارخ..
طالعتهم ملوك وصارت تضحك على تعبها يبعثون على نفسها الضحك دائما...رغم الاعصارات المدويه من مناف....,,,
عمتها الجميله الغارقه بحزنها القديم وبحب انقتل قبل ولادته..
وتؤمها مناف ..ولحظات مسروقه معه عندما يكون معلي الجو...!!!وماخلصت حبوب السم الي ياكلها!!!!
شافت جوالها يئشر\هلا منى...
كيف من سمح للمريض عناد يطلع انا المشرفه على حالته..
الدكتور سطاام!!طيب طيب...خلاص..
مع السلامه..
قفلت الجوال وهي متضايقه كيف يطلع مريض وهو يعرف اني مشرفه عليه ..اوف
........
ليه ماصانت سواحلك السفينه...؟
مثل ماخنت معاليك المواني...!
...

با الجريده...
جسار باجتماع مع الكادر..
جسار بحزم\ابي تغطيه كامله لسيول جده..ابي معناة الشعب يسمعها المسئولين الكبار..من كان له ضمير يصحى..
مانبي ها البطانه السئيه تحجب الروئيه عند من كان له ضمير من الكبار..الكل فيه خير لكن المفسدين مايخلون للخيرين خير..
..العاملين با الجريده يكتبون ملاحظات جسار الدقيقه وتوجيهاته...
جسار بصرامه\مواد تغذيه منتهيه الصلاحيه آبحثو عن المفسدين افضحوهم على الملا..
مستحيل هاذولا يكونون من بلاد الحرمين ويكونون من اولاد ها البلد الطاهر..
لكل مفسد لازم له من يضرب على يده ويقول له مكانك مو في ها الكرسي... مكانك يكون باالصفوف الخلفيه..
مو واجه لمجتمع أسلامي متكاتف كاالبنيان المرصوص..
مستحيل نسمح لهم يغلبونا باآعمالهم..مستحيل نخليهم يزورون با التواريخ التغذيه ويفلتون من دون عقاب..
هاذي مهمتنا كصحفين نكشفهم للمسؤلين الكبار..
الامير خالد الفيصل على راس المحققين في هاذي الجريمه البشعه...كلنا لازم نكون يد وحده ونكشف المجرمين...
وهاذا مو معناته ننشغل بوضعنا الداخلي وننسى قضيتنا المهمه...
آخوانا في فلسطين...لازم ننقل لراي العام كل شي بتجرد بجرائم يندى لها الجبين.
في ها الوقت وقف جسار وضغط با الكنترول الي معه شاشة البلازما المتوسطه مكتبه الانيق...
لتظهر عبرات طفل يبكي قريب من جثة امه..وبجانبها كانت سيارة تحترق..
ثم تنتقل اللقطه لجه اخرى تماماً..
عجوز تصرخ من ائلم جراء ضرب جندي صهيوني لكتفها بقسوه ...فيوقعها على الارض بئلم ووجع كاوجع امة كامله ...
جسار بصرامه\انا ماشوف في ها الجرايد ..الا..تغطيه لأخبار الممثلين والفنانين او الفضائح...ليه نتجه لقضيه ماهي بقضيتنا...!
ماظن ها المناظر انتم بغافلين عنها..وماظن حال فلسطين ومدنها وصوت بكائها بعيد عن اذانكم وانتم الصحفين الي نعتبركم
بمثابة النور الساطع الي يسلط على قسوة المحتل ومايعانونه اخواتنا واخوانا هناك...!
شبعنا اخبار عن الفن..شبعنا اخبار عن الممثلين
والمطربين....بعدنا كثير عن الشي الاساسي الي درسنها نحنى الصحفاين..ماظن تخصصنا في ها المجال..
عشان اخبار اهل الفن ومايقدمونه
في رمضان...!
وين نحنى عن الجرائم الي تنتهك بحق شعبنا الصامد بوجع هناك....وين..؟مالنا اي عذر....مالنا اي عذر...!
اللجمة كلمات جسار القويه الصارمه العميقه اقلام باقي الكادر الصحفي المجتمع الذين كانت اعينهم معلقه على شاشة البلازما
وتنقل الى كلمات جسار الموجعه الى حد الأنين....
جسار يمشي بخطوات واثقه متوجه للكرسي الرئيسي با الطاوله الطويله..جلس بهدوء...وبصوته الصارم\والحين تقدرون تتفضلون لمكاتبكم الا من كان
له استفسار ..
طلعو الموظفين وكل واحد يحمل على عاتقه مسؤليه موكله بها ...
انحنى قلم جسار على صفحه بيضا قدامه...
وكتب..
عذراً...فلسطين...!
ومن ثم بداء بكتابة مقالة جديده قرر نزولها مع العدد الجديد....لجريدته....
.....
فلة الجده هيا......
ليه ماصانت سواحلك السفينه...؟
مثل ماخنت معاليك المواني...!
...
بصالة الاستقبال الداخليه..,,,,’’
حركة عيونها بثقل بين الموجودين..,,,,..
الجده ترتشف من فنجالها ومن ثم تتبعه بعدد قليل من التمرات ..وهي تحسبها دائماً سبع تمرات متئسيه با السنه..,,,,
من ثم انتقلت عيونها بتعب للمكان قريب لكرسي مجاور للجده...حديث هادئ جداً ..بستراقها الصغير وارهافها للسمع..عرفت الموضوع
التي تتكلم فيه آمها بتئنق شديد في آختيار الكلمات..,,,
آنتقلت عيونها لصوت الموسيقى التي تعزفها اصوات الكعب التي ترديها انيقة البيت بل والعائله بآسرها..سيوف وهي تعلن خروجها عن
البيت..,,,,
لآحد...لآحد..لآحد..قريب..,,مني الان...
طعم الدم يعطر فمي ويشعرني بمغص شديد...ورائحة الاستفراغ مازالت تعبث بحاسة الشم عندي...هذا العوارض الأوليه...يارب
مافيني اتحمل هاالشي اكثر...مافيني...
يارب ساعدني...
منذو متى..وهاذا الشئ يلازمني ويعبث في طاقاتي لتحمل وقدرتي على الحياه الطبيعيه كا باقي البشر..!
اذاً فهي تعطيني الاشاره بحضورها الغير مرحب فيه..,,,
دائماً هي تفرض علي حضورها..,,,لم يسبق في يوماً ان اخلفت موعدها..
الم في معدتي...,,,
ودوار يدعبني منذو لحضات...
وتنمل شديد اصاب يدي منذو الصباح الباكر
فاجئتها..آحتضان ايدي دافئها...ثم مالبثت ان وضعتها بخفه على صدره...تعرف هاذه الرائحه المميزه والمحببه الى قلبها الصغير..,,
يحفظ تقاسيمها وعن ظهر قلب يتنبئ بحضور الضيف الثقيل الذي يخيفها دائماً
ريان ببحه وبصوت خافت \وجهك صار اصفر..,,,تبيني اشيلك ..
شهد ابتسمت بتعب\لا..مو لها الدرجه...بس ها اليومين اكيد فيها شيله..
ابتسم بخفه\ياحلوك وش خفك وانا اشيلك كنك قطوتك الي ماتت قبل كم اسبوع
رفعت راسها بتعب وعقدة حواجبها\الحين انا قطوه يا الثور....
قطع عليهم حديثهم صوت الام الخائفه\شهودي فيك شي..!
...
...
ليه ماصانت سواحلك السفينه...؟
مثل ماخنت معاليك المواني...!
...
..
با الجريده..,,
جسار بصرامه\انت تحكي بئي اسم وتمثل اي راس..؟
محمد \ولاشي...,,لاتكبر الامور وهي صغيره..,,,,وش تستفيد..؟تبي توصل لئيش بضبط..,,تبي تكشف اي حقيقه...
الي تبي تفضحهم ..هم الي 70%من الاعلانات في الجريده لهم..,,,
جسار وهو يسحب القلم الرصاص الموجود قدامه\تهديد يعني...!
استوى واقف جسار وهو يمشي بخطوات ثابته لمحمد الموجه نظراته بحده لجسار ويكمل حديثه\ماوصلنا لمرحلة التهديد
لكن اذا انت تبي ها المرحله ان حنى نوصلها...خل في بالك انه مو زينه ها المرحله..؟
قدام عيون محمد...اشار با القلم جسار\نعم..!ماسمعت..!قصدك ابيع شرف ها القلم عشان كم اعلان...
انا جسار الراسي..,..مو كم شركه او كم راس او كم تاجر وسخ يكسرون قلمه...
وقف محمد بهدوء وباابتسامه سحب القلم ثاني من المقلمه الانيقه وبابتسامه اكبر كسره ونزل القطعتين على الطاوله\صدقني....حالك بيصر
مثل هذا...القلم...!
قبل لا يعطيه ظهره كانت يد جسار قابضه بقوه على معصم محمد وبصوت واثق وهو يفتح يد محمد بقوه ويحط القلم الي كان بيده ..بيد محمد\والقلم
بداله الف قلم..,,,,وماينكسر ها الوطن دام فيه رجاله....؟رح بلغ الي مرسلينك...؟
......
ليه ماصانت سواحلك السفينه...؟
مثل ماخنت معاليك المواني...!
...
في مكان ثاني...
وبوقت مختلف...مسائي....
مناير بتريقه\اقول يابو ريالين..ترى ماظن بينام عندك الليله..مايلام فديته..مايبي الابنت عمه...
التفت لها مناهل وانقهرت من كلامها ومعايرها لها بسم ابو ريالين لنها تعرف المكياج الثقيل الي تحطه وبكثره لحد التهريج\تكفين با العدال دابر املا!!!
مناير جلست على اولى الدرجات وبضحكه\راحمتك والله..تدرين والله ان بتال مخطط له على بلى...ياخوفي والله انه يبي الثالثه...
مناهل جلست على الكنبه بقهر\والله مدري يامنير ولد عمك هاذا ماحد يدري وش وراه هقوتك كذا!!
مناير طالعت ساعتها\ايه ..واقص شعري كله ان كان مايبي حرمتن جديده يجدد فيها شبابه..
مناهل\يامنير تراه صغير..وش يجدد شبابه وهو شاب..الا قولي انهم دايم يقولون الثالثه ثابته ياويلي يامنير ان كانه صدق..ان اموت برضي
مناير بخوف\لابسم الله عليس..شدي حيليس واحملي..وبذن الله مايجيب على روسنا الثالثه ..
مناهل مسكت قلبها بخوف\ياويلي والله من ابوه..هو البلا كله يبي له ولد..اكيد انه يبي يزوجه عشان يجي له ولد..
مناير \تدرين ماظن ان بتال بيجي الليله تعالي معي لجناحي في ثلاجتي شوكلاتات وعصيرات وحب خلينا نقشم ونسولف ماظني والله
انه بيجي اكيد بينام عنده خويه ابو يزيد..
مناهل وهي توقف\يالله شورك وهدايته...مدري ذا الرجال متى بنملي عينه..
........
ليه ماصانت سواحلك السفينه...؟
مثل ماخنت معاليك المواني...!

الباركنق...
الساعه 1صباحا...
ملوك وهي نازله من الفان..\ ابو عبد الله ..الله يخليك لاتروح لما تشوفني داخله خلاص..
ابو عبدالله بحراج\والله يابنتي الدنيا آمان انا منزلك قريب والله
اني مستعجل تو ..ام عبدالله متصله علي تقول ولدي سلام تعبان وحرارته مرتفعه..
ملوك باحراج\طيب...معليش..الله يخليه لك..
سكرت الباب وتحرك ابو عبدالله بسرعه حتى قبل لاتخطي خطواتها لقدام...
ثبتت عباتها بخوف..وخذت الشنطه الصغيره وسحبت جوالها..
المكان ماكان بعيد..بس المواقف ها الوقت مظلمه..وهاديه..والوقت متئخر...
تمتمت با المعوذات..
طالعت ساعتها..شافتها مقاربه للوحده...يارب..
ليش طالبينا وفي وقت البريك تبعي..مايراعون اني انسانه ولي عالمي الثاني..مايراعون اني
بنت وفي مثل ها الوقت صعب اطلع مايراعون ها الاشياء كلها..
لالا ملوك..انتي دخلتي ها المجال وعارفه ها الشي...معليش..تحملي...
مشت خطوات مرتبكه وخايفه..تحس با البروده في عز الحر...ماهي الا خطوات بسيطه وتجمدت بمكانها...
غمضت عيونها وفتحتها من جديد..عل وعسى ها الشي الي قدامها تهيئات...
-اوه حمد شوف الغزال...؟؟؟
حمد باابتسامه\يازينه من غزال..شف الطول...
اسامه باابتسامه\حمد شفيه وقف لايكون عطيته عين!!
حمد يطالع اسامه\هههه لا يمكن خايف..
سالم جاي لجهتهم وهو يسمع ضحكاتهم\لالا..الثنائي الشيطاني طايحين على شي!!
اسامه يلتفت لجهته\تعال تعال..
كانو الثلاثه قدام عيونها ..بمواقف بارده من ظلمة الليل..والانوار الصغيره المتوزعه بنتظام على طول الرصيف الامامي...
مو متواجد غير سيارات اكتستها رذاذات كانت متساقطه قبلها بساعتين...
وغير ها الوحوش الي قدامها..
ملوك بحده\لاشوف احد منكم مقرب..والله اصرخ وتشوفون كل الي باالباركنق مجتمع..!
ماسمعت غير صوت ضحكات مقتربه لجهتها..
ملوك امتلت عيونها بدموع وتراجعت لورى..
اسامه\طيب انتي خلينا نعرفك علينا..شيعرفك يمكن نعجبك...قالها وهو يضحك بقهقها!!!
حمد بئسرع من خطواتها المتراجعه سحب يدها..
وطاحت الشنطه الي كانت معها ...وانتثرت اغراضها على الرصيف على صرخات ملوك...
في هاذي اللحظه..انكبس النور لسياره كانت واقفه بين اسامه وسالم ..
وبين حمد الي كان ماسك يد ملوك بقذاره..
ضغط على بنزين السياره.. ومشت بسرعه لتوقف بقوه بينهم ..
خلت ها الحركه الجنونيه اسامه وسالم يتوجهون بخوف لخطوات
سريعه وطويله لورى...
حمد الي جمد بمكانه من السياره الي الكفر تبعها مايبعد عن رجوله سوا سنتي مترات ..
كانت كافيه لو تزيد ان تقضي عليه.. وملوك الي اختفت النبضات بجسمها..في هاذي اللحظه..
وادعيه مستغيثه تدعو فيها الله بداخلها.. على شهقات مرتفعه..
سرعة حركة الشخص الموجود.. وتحكمه بزمام الامور..
ماكان معطي شلة الشباب اي حركه تعطي ردة فعل ضده..
استوعب حمد الشخص الي نزل بسرعه من سيارة..
بطوله الفارع وعيونه الحاده...متوجه لجهته وسحبه بقوه على جه حاده من السياره
عناد بحده والمسدس بيده \انت وها الكلاب الي معك شايفين الدنيا فوضى...!!!!
اسامه وسالم اختفو بسرعه من لما شافو عناد نازل وبيده مسدس...
وبقى با الواجها حمد وحده..يواجه مغبت فعلته مع شخص لايرحم...
عناد بصراخ\تكلم!!!
حمد برعب\والله مااقصد انا كنت ابي اخوفها والله ماقصد!!!
عناد زادة عصبيته ولو ذراع حمد وخلاه يوقف\انت ياكلب..وامثالك مسببين اذى وللجميع..!!
لايف نزل من سيارة عناد وببحه\عناد اتركه..اتركه..خله يولي
عناد ناظر لايف بعصبيه\الحين لو ها الكلب مسوي ها الحركه بهلك بترضى!!
ولا لو نحنى ماكنا هنا شو بضنك بيصير...
دق على الضابط طلال وخله يبعث لنا دوريه...
لايف\ياخي ماهي بحلوه مو عشان ها الكلب بحق سمعت هاالبنت الي ماتت من الرعب وراك....
انتبه عناد لكلمات لايف والتفت بسرعه لجهت ملوك وشافها حاضنه شنطتها برعب وتشاهق من البكى..
عناد دف حمد وطاح باالارض...بعد اخذ نصيبه من ضربه على فكه..
عناد بعصبيه\انقلع عن وجهي لغير راي...؟
لمم حمد نفسه وراح من المكان وهو يركض....
ملوك مشت بخطوات متعثره..وبشفايف مرتجفه\الله يجزاكم خير...
مشت كم خطوه لما استوقفتها صوت عناد المستغرب..
عناد بصدمه\دكتوره ملوك...انتي الدكتوره ملوك!!
ملوك بربكه وهي تحس جسمها كله يرجف تجاهلت عناد ومشت بسرعه لجهت المستشفى,,,,
عناد التفت لجهت لايف وبحده\هذي الدكتوره اعرفها,,انتظرني بسياره بروح اطمن عليها وراجع...
ملوك برجفه تضغط على ازرة الجوال بصابع مرتجفه وتضغط على رقم ياسر.....ماهي الا لحظات وجاها الرد..
-هلا ملاكي
ملوك بخنقه\ياسر وينك انا عند بوابة المستشفى..
ياسر بنوم\راحت علي نومه..دوامي يبدا 8الصباح..
ملوك بلعت عبرتها\طيب يالله باي..
سكرة من غير تسمع جواب..وحاولت تستجمع البقايا المتبقيه منها..
عناد بصوت هادي\دكتوره ملوك..انتي بخير ...
انتبهت ملوك لشخص الي استوى واقف قدامها..امتلى بعطره اجواءها المرتعبه..
لتحضن بهدوء ذرات الانفاس الخائفه بجوائها..وتطمئنها با الامان..
ملوك بلعت ريقها الي نشف من اللحظات الي عاشتها\ايه ..انا بخير..
عناد بحده\ثاني مره حاولي اخوك يوصلك والا ابوك مب تجين بلحالك بنصاص الليالي...دامكم مو قد ها المجال وطلباته ليش تدخلونه...
ملوك عدلت وقفتها المرتجفه..كانت بتمسح فيه الرصيف..لكن سكتت اجباري..ومشت..,,
عناد \ لحظه..ماخلصت حكي على شان تمشين متاجلهتني..
ملوك لفت بعصبيه\وانا ايش يجبرني اوقف مع واحد مثلك...!!!
عناد طالع وقفتها المتحديه قدامه رد عليه بوقاحه\يجبرك مجالك ها الي داخلته...
رفع يده عناد\يدي..شديت عليها اليوم..وانفكت الغرز ..ومثل ماتشوفين...
.......
ليه ماصانت سواحلك السفينه...؟
مثل ماخنت معاليك المواني...!
...
..
بطوارئ المستشفى....
فتحت الستاره ,,,
رفع عيونه لجهتها...عقد حواجبه بحده وهو يطالعها ..
ملوك بهدوء وهي تطالع الممرضه\مريم..انا بخيط الجرح...المريض مريضي....
مريم با ابتسامه نزلت الادوات من يدها على الطاوله الصغيره\مسويه خير دكتوره انا هنا من الصباح,,,واحس راسي ماصار يجمع,,,
ابتسمت ملوك \يعطيك العافيه..,,تقدرين تروحين...
قاطعهم صوته الحاد..\نعم!!ليه المرضى عندكم تعازمون عليهم والا الطلعات من دوامتكم خذني جيتك!!استني يااخت وخيط الجرح
الي بيدي...
مريم ارتبكت \والله مو قصدي ياخوي بس هي دكتوره و...
ملوك بعصبيه\تفضلي مريم روحي...
طالعته بحده\وانت يأخ الظاهر انا الدكتوره هنا وانا الي اقرر..مو انت يا المريض...
ماعطت ملوك عناد اي فرصه يرد لما سحبت يده الي كانت اساسا ممدوه بسبب الدم ماينزل على ملابسه,,,,
ملوك برتباك تخيط الجرح من جديد ويدينها ترجف..مستغربه الهدوء الي حل..على ها الشخص الي قدامها...والي كرهته من اعماقها...
اما عناد حاله من الصدمه اجتاحت عناد والتبلد التام وهو يشوفها ماسكه كفه وتخيط الجرح...
حاله من الصمت تملكته وهو يشوف ردها الصارم الواثق الي اسكته بشموخ...ماقدر يرد وهو يشوفهاا الحين تخيط يده ويبان تركيزها في يدها
وصف الرموش واضحه وضوح الشمس في حالة المغيب من ورى فتحات نقابها الصغيره.....
نقف هنا...,,,

اعذروني يارقيقات على البارت ماراجعت الاخطاء الاملائيه فيه ولادققت والله انا اليومين هاذي مشغوله اتمنى من كل قلبي انه يكون اعجبكم
دمتم بحب ضمني بين الاهداب

همسة حب....عن ابي هريرة قال : قال رسول الله صلى الله عليه وسلم :" من قرأ حم الدخان في ليلة اصبح يستغفر له سبعون الف ملك"


وروى ابو هريرة ايضا عن رسول الله قال:
" من قرا حم الدخان في ليلة الجمعة غفر له"

..نظرة حقد ..4..
..
..
..
مدخل..
..
..
..
في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انتشينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الـــــريــــــــــــاض ) تالي الليل ..
انا لو ابي ..
خذتها بيدها ..ا ومشينا ..

***
يا نصيبي من الصور .. والرسايل
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. غربت فكري قبايل ..
وين احب الليله .. وين اهيم ..
اقبلي مثل ديم ..
مثل نار في هشيم ..من غصون ضي من ليل الغضى...
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ..

***
وين احب الليله .. وين أهيم ..
ارفعي طرقة الشيله .. عن سديم ..عن شموس
وكوكبٍ وهاج ..
اجرحيني بنصل طرف سادرا وحجاج...
شقيقيني يا الهبوب العارضيه...
لين اغني للهوى... والهوى ماهو خطيه...
اقطعيني بنصل طرفٍ سادرٍ وحجاج ..
واهدمني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
انا لو ابي ..
خذتها بيدها .. ومشينا

|

|

|

بدايه..
|

|

|
صباحكم...ورد,,
حآبهـ والله اليومـ أوضحـ عدة نقاط مهمهـ ..بروايه..
1-قضية الطفل المفقود..خذت حيز كبير..والمشكله انكم تدورون بحلقه مغلقه..ممكن يآبسماتي..تتركون
قضية الطفل على جنب..على الأقل ها الكم بارت الجايه...,,>>نصيحه من ضمضم..
..
2-شهد..مرضها يابنات آبحرتو في عالم ذكر امراض كثيره .. الله يكفينا شرها..
مع ان اعراض مرض شهد واضحه...
بس مرضها ماهو سر أحاول أحط له غموض وتشويق..لا.. لا..
أوراقي لشهد كاشفتها لكم ..مرضها هو _الصرع_..
طبعاً مو اقصد الصرع هو المس..لا..
الصرع إلي يكون كهرباء زايده با الجسم..على حسب علمي ماشفت إي كاتبه
ناقشة ها المرض بجميع جوانبه..؟..إلا إذا فيه وماكان عندي خلفيه..
بس مو مشكله ..المرض هذا ماراح احد يقدر يوصفه ويوصل
اعماقه..
إلا منـ أحـرقتهـ شـرارهـ من شـرارتهـ..
..
.
..
آسمحو لي ان اقدم لكم نبذه مبسطه ..عن هاذا المرض ...
وهذا بيكون مفيد للأخوات الي ماعندهم خلفيه عنه..
...{الصرع }....
-هو حالة عصبية تُحدث من وقت لآخر ..
اختلال وقتي في النشاط الكهربائي الطبيعي للمخ ..
وينشأ النشاط الكهربائي الطبيعي للمخ من مرور ملايين الشحنات الكهربائية البسيطة من بين الخلايا العصبية
في المخ وأثناء انتشارها إلى جميع أجزاء الجسم ،...
وهذا النمط الطبيعي من النشاط الكهربائي من الممكن أن يختل بسبب انطلاق شحنات كهربائية شاذة
متقطعة لها تأثير كهربائي أقوى من تأثير الشحنات العادية . ..
ويكون لهذه الشحنات تأثير على وعى الإنسان وحركة جسمه وأحاسيسه لمدة قصيرة من الزمن ..
وهذه التغيرات الفيزيائية تسمى تشنجات صرعية ولذلك يسمى الصرع أحيانا "بالاضطراب التشنجي" ...
وقد تحدث نوبات من النشاط الكهربائي غير الطبيعي في منطقة محددة من المخ وتسمى النوبة حينئذ بالنوبة
الصرعية الجزئية أو النوبة الصرعية النوعية ...
وأحيانا يحدث اختلال كهربائي بجميع خلايا المخ وهنا يحدث ما يسمى بالنوبة الصرعية العامة أو الكبرى ...
ولا يرجع النشاط الطبيعي للمخ إلا بعد استقرار النشاط الكهربائي الطبيعي ...
ومن الممكن أن تكون العوامل التي تؤدى إلى مرض الصرع موجودة منذ الولادة .،
أو قد تحدث في سن متأخر بسبب حدوث إصابات أو عدوى أو حدوث تركيبات غير طبيعية في المخ
أو التعرض لبعض المواد السامة أو لأسباب أخرى غير معروفة حالياً .
وهناك العديد من الأمراض أو الإصابات الشديدة ..التي تؤثر على المخ.. لدرجة إحداث نوبة تشنجيه واحدة ..
وعندما تستمر نوبات التشنج بدون وجود سبب عضوي ظاهر...
أو عندما يكون تأثير المرض الذي أدى إلى
التشنج لا يمكن إصلاحه فهنا نطلق على المرض اسم {الصرع}.. ...
ويؤثر الصرع على الناس في جميع الأعمار والأجناس والبلدان
ويحدث مرض الصرع كذلك في الحيوانات مثل الكلاب والقطط والأرانب والفئران ...
..
ومضه..\كلامنا عن الصرع راح يطول..راح اطرح في شخصية شهد آمور كثيره ومهمه..وراح اصحح
مفاهيم خاطئه عن ها المرض...فأي مريض بصرع..او
قريب لشخص مريض فيه..راح يستفيد بذن الله...,,,
..
3-مقارنتكم لحب ياسر وحب بتال..
المقارنه يا اخوات بين الاثنين ظالمه بحق بتال..ليش..؟كم عمر بتال لما طلق فلك ..؟وكم عمر ياسر لما اقترن
بملوك...؟واحد ببداية العشرينات ..و..واحد قارب على انتصاف الثلاثينات...
..
4-شخصية جسار من منظور حبه لسيوف..
يا مميزات..مايقتل الشخصيات العظام والقاده الكبار إلا النساء...فا القلب لايملكه الاالله...لاحظت كم عضوه
تنقد شخصية جسار..وانه..ماينتبه لزوجته..حطو نفسكم مكانه..هو متئكد ان زوجته مثال لطهر والعفاف
مثل اي زوج خالي من العقد النفسيه والشك..زوج طبيعي..مستبعد اي نقطة شك بأخلاق زوجته وبشغلها..
هذا اذا حطينا بعين الأعتبار..
ان جسار يحارب على كذا جبها..وهاذي الحرب الأعلاميه والنفسيه تستنزف طاقته وتفكيره..
..

-آه....
رفعت عيونها بسرعه ملوك لعناد الي كان مغمض عيونه من الم...
ملوك برتباك\آسفه...
عناد بضيق طلعت منه ابتسامه على توترها..ماحب يزيد عليها اكثر...
الممرضه هنادي\دكتوره ممكن تخليني آكملها..؟
ناظرتها ملوك وتركتها تكمل الخياطه ..
عناد منتبه من البدايه ارتباكها وعاذرها الموقف إلي تعرضت له
مو بسيط..
يهز اي بنت..ومع كذا..قدرت على الأقل تحاول تخفي رعبها الواضح له..
وماكئنها البنت الي كانت ترجف قبل لحظات في الشارع...؟
طلعت ملوك بسرعه من الغرفه..وتوجهت لمكتبها...
دخلت المكتب وجلست برتباك ورجفه على الكرسي وماقدرت تقاوم الرغبه في البكاء..
في ها الوقت دخلت نوال المكتب \ملوك أنتي هنا..؟غريبه عندك اوف اليوم...؟والا مستدعينك...
ملوك مسحت دموعها بسرعه...
نوال بستغراب\شصاير ليش تصيحين..
ملوك تشرب قارورة مويه جنبها\مافيني شي..
نوال\ها..كيف مافيك شي وأنتي تصيحين..
ملوك بعصبيه\اوف شوي متضايقه..اتركيني ممكن..!!
نوال\لا مو ممكن بتقولين لي..؟؟
تنرفزة ملوك وطلعت برى المكتب...
مشت بخطوات تايها بتشوف هم مستدعينها ليه وإلا هو بس تحكم.. وبس ...
مافي حالات تستدعي تواجدها والاعشانا مبتدئين يبونا نغطي على الدكاتره الي من زمان هنا..
صدق حنى بغابه البقاء للقوي..
جلست بتعب على اول كرسي بستراحه مفتوحه ..بألم وبتعب...
طفشت وكرهت الطب..
ذوقها الويل والمر..
وماهي لاحقه على مصاريف البيت ..ولا..الاقصاد...الى متى!!!
انتبهت لتواجد عجوز كبيره ..والثانيه الواضح انها بنتها...وشكلها حامل وتعبانه ..
ركزت عيونها بوجع على حنان الأيدي المجعدتين ..وهي تمسح برقه حانيه على جبين البنت..
من ثم تنفث على صدرها بتمتمه جميله... اتضح لها انها تقرا سورة الفاتحه..,,
مؤلم فقدان الأم في سن مبكر..مراحل كثيره ..نحتاجها بئلم نتجرعه بوحدتنا...
تخنقها اللحظات المسروقه لذكريات بعيده لم تكن في ذاكرتها..بل كان شخص آخر يرويها...
ذكريات كثيره تمر بذاكره..وتقبع بزوايا الوحده..
ليلة العيد...!
تكره ها الليله...ومايشاركها بكرها الا شخص واحد..مثلها..
مو مناف...مناف حصل كل الحب من فلك والحنان..
بس انا..صحيح..فلك وابوي ماقصرو...
بس انا حتى اشم ريحتها بعض الايام من شوقي لها...
ابتسمت على الذكرى...,,,
ورى الباب الخشبي...
شهقاتي الضعيفه ..وثوب العيد بيدي واليد الثانيه ثوب مناف...
-يالله قومي بخلي فلك تغسله لك..والله مناف مانتبه يوم طاح الايسكريم عليه...وبعدين انتي تبين توسخين
ثوبه بعد حرام عليك...
ملوك بنرفزه طفوليه\الف مره قلت له لاياكل قريب من ثوب العيد بس هو مايسمع الا يجي واخرها
شف فستاني وش صار فيه..
دائم ياسر بجميع مراحل حياتي..,,,
في كل ممرات ذاكرتي..له ذكرى..,,,
يزاحم مناف ...في ذكريات الطفوله الجميله والبعيده..
كان هو الكبير الواعي الفاهم بنسبه لي...عالم ثاني..لكن عالم 'طفولي محبب...لقلبي...
عدلت نقابها انتبهت لنداء الأستدعاء لها..ابتسمت بتعب...وقامت...
......
......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.....
تطبق ملابسه بترتيبها الدائم وترفعها بهدوء ملامحها لرف المخصص له...
من ثم تعطر الملابس الثانيه وتعلقها بدرج الثاني...
ابتسمت له على تمتمته...وصوته الهادي المميز...
ماتذكر متى ماكنت بحياتي...؟
التفت مالقى سواك... انت عمري الي ابتدى... واول حياتي...
مولدي..لحظة لقاك...
وهاك..كلي..ضمني لك..احتويني..
حن لي..انا من لي..شوف عينك..غير ترفك دلني..
تتلخص الدنيا بحبك..ايه..وربك..
يالي..ما..غيرك ضروري..عالمي..والناس..انت...وحدك انت..فيك
متمادي....غروري
ضي تمسح بخجل طرف انفها الصغير\خلاص ريان ...استحي..
ريان يلف طرف خصلتها المتمرده على اصبعه بحب من ثم يتركها\فديت الي الخجل طبعه.. ياضيو
ذوبة لك عمري سكر بشاي...هههههه ...طيب..ماراح نزيد
الجرعه اليوم..شايف الدنيا تلونت بخدودك...هههه
ضي ابتسمت\انت قلت بتجيب شهد...من زمان عنها...ليش ماتجيبها...ياحبي لها ولخفة دمها....
تراجع لجهت التسريحه واستند عليها\شهودي ماقدر امشورها فوق مشاويرها للجامعه...تتعب والله...بس
اوعدك الجمعه...بحاول اجيبها...
ضي \شوف اذا اكيد خبرني قبل..بجهز لها اكلها الي تحبه...وبعدين ابي اروح انا وانت اجيب لي اغراض
ناقصتني...
ريان بضحكه يطالع الساعه\طيب كل الي تبينه بجيبه..بس والله حيل تئخرة...

........
.......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
........
........
بطوارئ...,,
هنادي\انتبه ليدك ...
عناد بطناش لها خذى جواله بيده اليسار وطلع ببطئ يحس بحكه بمكان الجرح ..
وها الدلخه حشى وش ها الكرم في الشاش الي لافته...
خخخ مو من مال ابوها...
رفع عيونه وشافها تمشي با الممر..
وهي تشوف جهاز بيدها..رفعت عيونها وشافته واقف..
ملوك بنصيحه طبيه بحته\آنتبه ليدك مو حلو الخياط ينضغط عليه او يتعرض لشي قاسي...ياليت تحط كلامناً محط
اهتمام....,,
اعطاها ظهره وهو متوجه لبوابه الرئيسيه\وأنتي انتبهي على نفسك..مو كل يوم بتحصلين احد معك...,,
........
.......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.....

الساعه 10 ص...
بصالون سيوف..
جاكلين بضحكه تعطي سيوف صور بنات..
سيوف باابتسامه\هاذي الي باالحمام المغربي عندنا.....
جاكلين\ايه..
سيوف بخبث\طيب اكيد مو واضح ديكورات المشغل علشان بكرا مايعرفون انه المشغل تبعي؟
جاكلين\كل شي مرتب ومزبوط مايهمك..نحنى اول طلب على الصور 4الالاف شو بنبيع لا الوه...
سيوف\اوكي ليش لا بدايه كويسه..
اخذت جاكلين الجوال وراحت تكلم الشخص الي يبي الصور...
سيوف ناظرت شكلها باالمرايه الي قدامها... وبطول الجدار بتعتيقات التفاحي.. الطاغيه عليه..
ابتسمت لجمال الرباني ..الموجود بوجها الملائكي البريء...
رفعت الخصل العسليه المتمرده على جبينها الصغير .... المصقول... ورفعتها لفوق..
ابتسمت وهي تشوف زبونات جديدات داخلات..
انتبهت ان بينهم عروس..اخذتها جزيل لركن ثاني تعمل لها كورس عروس...
انتبهت لجوالها وهو يندق لمره الثالثه ..ورقم جسار....
يتوج الشاشه ..
ردة سيوف بغنج وهي تعرف غنجها يذوب قلب جسار\هلا جساري..
با الجه الثانيه وباالجريده..
جسار بوله\كل سنه وانتي حبيبتي...شوفي هديتك عند الباب....
انبسط وهو يسمع ضحكات سيوف المغنجه ..
وهو عارف ومتئكد أنها ناسيه ان اليوم ذكرى يوم زواجهم....بس يحبها على كثر عيوبها ...
سكر السماعه منها وقلبه تزادد دقاته العاشقه على الكلام منها إذا راق جوها....

... ......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....

بشركة العاجي...
تقاسيم وجه التي انرسمت بدقة تفاصيل الزمان الذي مر..نظراته الحاده..
المسلطه .. تنئبى بقسوه شيطانيه تتراقص على ايقائعها...
حرك بهدوء فنجان القهوه..وقد برد...واجتاحه الصقيع..من طول انتظاره ليعانق شفتيه الباردتين..
جال بنظراته وتوقفت عند بتال..
بصوته الرخيم والغائر بقسوه\بتال..؟وين ياسر..؟
بتال طالعه بهدوء\يبه ياسر با المستشفى..؟
مقرن طالعه بتفحص\دق عليه خل يجي...
بتال بستغراب\يبه كيف يجي..هو بدوامه...
بصوت حاد وان قست عليه السنين إلا انه يتميز بجبروته\مع ها الحراميه بنت الحرام...!!
بتال تنرفز \يبه استغفر ربك..وش بنت الحرام..هاذاالكلام مايطلع منك..وانت رجال مصلي وصايم...
مقرن بعقدة حواجب\بتدافع وليه ماتدافع أكيد..اصلن انت يابتيل لو اني ماتداركتك..
كان رحت مراح الكحل من العين...
بتال قام بعنفوان ورجولته الي دايم من ابوه تنجرح \كنت صغير وجاهل..
والا لو اني مثل عبد العزيز كان ماكسرت عودي...
رمى بتال ها الكلمات على ابوه..كلمات موجعه من سنين وهي تسكن قلبه وتتكاثر..تهمس له ...
وتذكره..ان نسى أو تناسى..ترجع كا المنبه...تذكره بحبه الذي تركه بهدوء..
مقرن وهو يستقيم واقف با العصاة الانيقه .. التي يرتكي بجسمه النحيل عليها\ولو انك كبير بعد بكسر عودك ...هاذ الناقص....
تطلع بعد من شوري سوات سويد الوجه أخوك...
أشار بتال بيده لبوه مقاطعه\يبه سالفه وانتهت لاتعيد فيها وتزيد....كل حي خذى نصيبه...
تجعد وجه أكثر \والحين دق على ولد عبد العزيز...

.. ......
......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.....

بيت الجده هيا...
جالسه بهدوء تفطر..مافي البيت احد..وهاذا شي مو غريب...دوم ..البيت شبه فاضي...
مسحت فمها ..ووقفت ...
انصدمت بتواجده ..
عناد بتريقه\شايفه جن...!!
شهد ترمي المنديل على الطاولة\إلا أكثر....
عناد كان مزاجه زفت وتواجد شهد يرفعه لدرجة المليون..طنشها وجلس على الكنبه متجاهلها...
مافيه حيل لنقاش دائم وابدي بينهم...
هي وريان..صف واحد لايصيبه التصدع ولا ينخلع من جذوره..
من طفولتهم..ألعابهم ..مراهقتهم ..صباهم..دائماً مترافقين الى حد الاستغراب
طبعهم يميل للغموض..والهدوء...
بينما طبعي ناري ..مهاجم.. متحفز...
وعشان كذا فيه اتفاق مو قليل بيني وبين جسار...
اه جسار..وها الحيه الي عنده...ليتني آموت ولايدري...
رفع عيونه لها وشافها على نفس الوضعيه واقفه وبشخوص \لاحول قلنا ماحنا بجن..
قولي لصبح ياصبح لأقوم أعلقك بثريا إلي فوق راسك..!
أشاح بنظره عنها...وهو يحاول يعد للعشره ...يملك أعصابه...
دائماً تفقده أعصابه..
وخاصة بحضور ريان..
وكئنها تلوذ بأمانه..!
مع انه بوجوده...لا..وجود لئي ند..كبر ..أو ..صغر..
شهد بهمهمه ..تحرك شفايفها بيأس..تبي عناد يرفع عيونه لها من جديد..
ويسمعها..؟
موجات كهربائيه بأقوى فلترات العالم تضرب
راسها بصميمه....
ثقل لسانها وآختلط بطعم الدم...
حاولت تصرخ..خانها الصوت...
تسري في عروقها كهرباء فلا تبقي فيها ولاتذر ...
من ثم رجفة تمكنت من اضلاعها حتى اعلنت احتلالها التام لها ورفع اعلام الأنتصار...
اقسى من اي ماس كهربائي قد يرعبك بملامسته..فماذا لو كان يسكن احشائك...
من ثم يمزقها ..بتلذذ غريب منه...ببطئ...وكئنه يستل روحك بحد سكين مرة على شريان حياة يخصك...
والأدهى و الامر...ثقل اللسان الذي انقطع جميع اشارات الأرسال له ...
- في ها الوقت انتبه عناد لصوت الكرسي الي كان من لحظات ماسكه طرفه شهد.. يسقط على الأرضيه الرخاميه..
ويعلن صوت ضجيج في مكان ساكن...
...رمش بعيونه بسرعه وعدة مرات متتابعه يحاول يترجم الي قدامه..!
عناد بحده وهو متوجه لشهد يحتضنها\شهودي....
متشنجه إطرافها ..متصلبه..ممتده كشجرة صلبه..لايمكن إن تلين...
حاول يحتضنها..عل وعسى ينطوي جسمها اللين الذي تصلب بعناد...
...يرفض الأنطواء..وكئنه يسرق من اسم عناد كل شي...
عيون لاتتحرك..
وصوت واحد غير مفهوم...؟
وكئنها تتوسل له يخرجها من تيرات الكهربائيه التي تسكنها....
وكئنها جثه ....
.لاكنها تتحرك بقوه وهي ممتده...بتصلب...!
عناد ببحه\شهود بسم الله عليك شهود فوقي..شهد..
حط يده تحت راسها بمحاوله يائسه منه ان مايضرب الرخام من جديد..
سحب شماغه ودخله بفمها حتى ماتسبب ضرر بلسانها..
حاول انها تسترخي ولو انه محال في ها الوقت..
فجسمها اصبح قاسي لايمكن ان ينطوي..
وصرخ باآعلى صوته\ينــــــــــــــــاااااس البيت هـــــاذا مافيه احــــــد!!!
طلعت على صراخه الخادمه الفلبينيه وصرخ عليها بقسوه تنادي أمه..وتجيب له ثوم..
ماهي الا..لحظات وأم جسار تنزل من الدرج وهي تبكي ...
عناد ببحه\يمه شهد جاها الصرع شسوي يمه البنت بتروح من ايديني...
أم جسار تنزل لجهت شهد تحاول انها تهدي آطرافها المتصلبه ...وتشنجاتها القويه...
تبكي بحرارها وهي تشير براسها ان مافيه حل..!
ماهي الا لحظات ...
امتدت عند العيون الخائفه سنين...
وبدت التشجنات تخف...
ولان جسمها حتى سمح لعناد يضمها لصدره من جديد..ويعانق ضعفها\يمه ليه ساكتين عن حالها كذا..يمه مايصير..!!!
ام شهد تمسح دموعها بيئس\عناد مافي شي..لازم تنتظم على الحبوب هذا هو الحل..لها الشحنات..
عناد بعدها عن صدره بحنان ...وبعد شماغه عن فمها... ومسح بصابعه فمها من اثار الدم والعبره تخنقه على حالها..
ببحه لاتكاد تسمع\الله يروف بحالها...
ناظرته أم جسار بحنان\عناد هاذا انت حنون ليش تعاملني وتعامل اخوانك بها القسوه....ليه حنانك بس على جدتك...
طالعها عناد بحده ..وكئنها غرست لتو..خنجر مسموم بين ضلوعه..\ليه!!!من الي يحق له يطرح ,ليه,...؟؟
انا والا انتي....!!!
ليه !!من لما كنت طفل..وحيد..ليه!!
من لما كنت طفل..ماكان لي ام غير جدتي..ليه!!
من لما كنت آترجاك با العطل انك تجلسين انتي واخواني عندنا با الرياض وانتي ماتهتمين فيني ولابترجي..ليه!!
من لما كنت طفل وانا اشوفك تعرفين صحباتك على اخواني ولما يكون دوري تتجاوزينه...ليه !!
يايمه ماعرفتك زين إلا لما كان عمري با العشرينات...ماشوفك...ليه!!ليه!!وبعد ها العمر..تقولين لي ليه ياعناد!!!
ماانتظر منها عناد جواب..لأنه من زمان قفل باب الاجوبه والاسئله إلي تدور براسه وبصدره...
كان ينتظر منها تبريرات لما كان طفل..بس الحين لا..ماينتظر جوابات الأسئله...لئنه مل من برودها تجاه...
حمل شهد بين يدينه متوجه فيها لدور الثاني لما طل ريان من الباب الداخلي وانصدم من شهد يشيلها عناد...
طاحت عيون عناد بسرعه على عيون ريان الخايفه والمرعوبه على شهد تحركات ريان السريعه لجهت عناد ماكانت بئسرع من عناد.
الي نزل شهد بقسوه على الأريكه الي قدامه وبحده\شيل اختك..!!والأ اقلعها لئ مستشفى تتعالج فيه بدل ماتموت ماحد يدري عنها!!!
ريان طالع عناد وبفوران دم ماقدر يتحمله وبحده\انت مافي قلبك ذرة حنان ولاحب لنا..انت قلبك اسود مافيه نقطه بيضا ..تشفع لك عندنا
بتريقه من عناد\آوه تصدق معلومه جديده...عشان خاطرك بجيب لي بويه بيضا اصبغه..
بعدها تركه عناد وطلع لدور الثاني من المصعد..
الآبتسامه تعلو محياه وهو يشوف ريان يغلي قدامه ويتسكر الأصنصير بينهم...

. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.......
1 م
بيت ابو مناف..
ياسر يرمي البلاستيشن من يده وبخبث\وش مصلحه لنا ملوك خالتي فلكه!!
ضربته بكوعها ومن بين اسنانها\قسم بالله ان قلت فلكه مره ثانيه ان اكسر لك سنونك..
وبعدين عدال يا منال العالم وش مصلحها يعني
ماجاك ازحره واحمد ربك..كمل لعب كمل بس..شوي واغلبك يادكتورنا الكبير..
ياسر يتصنع الابتعاد من الخوف\ول ..مصارع..ماينمزح معك ابد..
فلك تطالعه بنص عين وترمي له شبس \عشانك بس يتيم بعطيك من بطاطس هذا أزحره لما تخلص حرمكم المصون...
وقف ياسر ورمى عليها الشبس\مابيه..الا غصب ..وقفي اللعبه لما اجيك..
فلك بنظرات خبث\ان طعتني انثبر في مكانك لا يجي مناف يشوتك من الباب حق المحلق بعد..وقسم بالله مادافع عنك
ناظرها ياسر بتهكم ومشى..
استوقه صوت خاله الحنون\ياسر وين بتروح..تغد..؟
بصوت عالي حتى يسمعه خاله\ياخال..بروح اشوف الغدى قريب والا باخذ لي غطه...يعني مالكم فكه مني..
ابومناف بصوته الهادئ الضعيف\عين فراش وعين لحاف ياولد الغالين..
ابتسم ياسر وطبع بوسه على راس خاله ومشى
لجهت المطبخ..
بخطوات خفيفه.. طل من الباب المردود.. آبتسم بحب... وهو يشوف انسجامها الواضح بطبخه..
دقق شوي..شافها بئناملها الناعمه.. توزع الجبن المبشور على صينة خضار قدامها..من ثم تدخله الفرن..
ابتسم اكثر..مسويه اكلتي المفضله..!
مشــى بخطــوات خــفيــفــه..
وشافها بهدوء تسكر الفرن من ثم ترتفع بخفه..لصنف الثاني الي اتضح له انها سبقتي ..
ملوك ببحه وهي تلتفت بسرعه للخلف\اوووووه نسيت الحلى...
تراجعت بخوف\يوه ياسر قل شي قبل لاتدخل روعتني الله يهديك..؟
قبل لاتكمل كلماتها رفع يدها الي كانت ماسكه فيها ملعقه.. وفيها بقايا من السبقتي ..ورفعها لفمه..
ملوك برتباك تركت الملعقه الي استقبلتها يده..
ياسر اتبنه لرتباكها لكن ماعلق ..وخذى الملعقه وتوجه لصحن السلطه ..
والأبتسامه مازالت بصمت مرسومه على شفتيه..
غرس الملعقه بصحن المزين وشاف حواجبها المعقوده بعصبيه..
ياسر بضحكه\حوريتي والله جوعان..وانتي الله يهديك من طلعتي من المستشفى وانتي هنا وماخلصتي..عصافير بطني
تذابحو...
ملوك\بس ربع ساعه لاتسد نفسك بتنقيط الاكل..
ياسر بضحكه\لو تنسد نفسي وانتي قدامي عساها ماتنفتح ابد..
ابتسمت ملوك وانشغلت با الأسبغتي..
تئمل تفاصيلها الصغيره..رفعت شعرها المهمله..
قطرات العرق العبقه... برائحة عبيرها... تداعب بخجل ...جبينها المصقول..طريقتها الدائمه
بمد شفتيها الصغيره للأمام..مؤكد تعب يخالج قلبها..
وحتى الاسواره الورديه المزينه بعذوبه معصمها الثلجي...كل شي فيها انثوي..بحت...
انتبه لجواله..ونغمتها المعروفه..الي اربكت ملوك..واعلنت عن ارتباكها صوت الملعقه با الأرضيه..
... ......
........
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
.......
.
بيت الجده هيا.
بجلسه مستقله تتوسط الطابق الثاني..
ابو جسار جالس بأريحه يقلب الجريده بين يديه...ابتسم لعناد الي كان في ها الوقت
يطبع قبله حانيه على راسه...\مساك الله باالخير..يابوي..وشلونك..؟
ابو جسار بابتسامه هادئه\بخير..انتي الي كيفك وكيفها يدك..؟
استوى عناد با الجلسه ورفع يده \انا وهي بخير..
ابو جسار بقلق\قرب خلني افتح الشاش واشوفها...
عناد بتكشيره\وش تشوف...كم غرزه..ماهي بمحمله...
ابو جسار ابتسم على شخصيته الغير مباليه لكن بقلق\ها المره غرزه..الله يستر من المره الجايه
عناد باابتسامه\المره الثانيه كفن..هههه تحسب اني اخاف من الموت...؟
ابو جسار بفزع\فال الله ولافالك وش ها الطاري..لاتطري الموت ابد...ماتحمل افقدك...
دارت عيون عناد بركان الجلسه وببحه\ماحرك لك جفن يوم تركتوني هنا والحين تقول لي ماتحمل افقدك
قال كيف عرفت انها كذبه قال من كبرها...!
تغيرة نبرة سطام للعتب\الله واكبر عليك الحين ها الشي بقلبك علي...
عناد بنبره ساخره\لا قلبي ولاعقلي..سنين ومشت مثل لمح البصر..؟
نزل الجريده وبيئس\تدري انك بكفه وها العالم بكفه..بس يمكن انا وامك ماوصلنا لك الشعور هذا ...
لئنك تربية بعيد عنا...
عناد بنبره محايده\من ناحية الشعور والتعبير..امي هيا كفت ووفت..وكبرنا على ها الكلام..اختط الشيب بروسنا..
سطام\كل يوم تجيني احس انك تشيل روحك بكفك..
وقف عناد وببحه\انا ماحب جلسات كشف الاوراق في الوقت الغلط...كذا الكل مرتاح..
استدار عناد ليتفاجئ بوجه باسم يحضن وجه بهدوء ويطبع قبلتين على خديه
تراجع عناد للخلف برتباك\يمه وش فيك..؟
ام جسار ببتسامه\مافيني شي...بس حلمت فيك حلم حلو...
رجع خطوتين للخلف من ثم اسند يده على كنبه \وش حلمه..عريس با البشت....هههه...
تحضن يده بحنان\لا طفل بلعبته...حلمت فيك احضنك وانت طفل
واللعبه بيدك...واحس ريحتك مثل النرجس...
عناد برتباك يطبع قبله على راسها \هههه ماتأكدتي من شكلي..يمكن رعد ولدي...!
مشى بخطوات سريعه تاركهم برتباك
...خارج الصاله ومتوجه لجه ثانيه...
سمع صوتها وهو يمر من عند جناحها..
صوتها الموغل في الماضي..البعيد...المملوئ با الدفئ وتعويض الحنان المفقود...
وقف بشموخه الدائم ..وطلته الغريبه.. البعيده كل البعد عن أي افراد عائلته..
يتميز بوقفه ومشيه غريبه..بعيده كل البعد ان يشبها احد من عائلة الراسي..
ابتسم بهدوء ..نزل جزماته آحترام وتقديراً لها ودخل بهدوء وهو يسحب الهواء
الذي با الغرفه ويحمل معه رائحه غريبه محببه الى صدره..
أرخت يديها المجعدتين وابتسمت له...\عنيد!!
عناد دخل ...باس راسها وارخى بجسمه وارخى راسه بهدوء بحضنها ومدد جسمه...
الجده هيا\شفيك يمه تعبان..يعورك شي..!يدك تعورك!!
عناد بهمس\لايمه..كملي دعواتك...سمعتك تدعين لي..
الجده\الله يسعدك ياوليدي..بس يمك ترى ولدك ماخذ قطعه من قلبي كل مايجي ويروح..
عناد بهمس\يمه الله يخليك لي..
وش اسوي..تبيني احرمه من امه..؟
يمه يرضيك يعني..؟
والله قلبي احسه ماعاد ينبض اذا نزلته
عند بيت امه..؟
بس وش اسوي انا مابيه يبعد عن امه..ويتعلق فيني..
وانا نظام شغلي يفرض علي دايم ساعات طويله..اتركه..عند امه
احسن...
من بعدها تنهد بهدوء والتزم الصمت..
الجده بحب تحرك اصابع يده بكفها\شفيك ياعنيد..ترى انت ماخذ طبع من جدك كثير..ماتحب تشكي..
عناد ببحه\يمه..وجدي عناد..كان كذا..ماحد يبيه..
هيا بحزن\ومن الي مايبيك ..
عناد\ها...لا يمه ..خليني شوي ابغفى..
ابتسمت الجده وتركته يغفى على حجرها بهدوء..
.. ......
......
.. مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !
.....
......