• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ويبكي القلب

  • بادئ الموضوع رهف
  • تاريخ البدء
  • الردود: الردود 267
  • المشاهدات: المشاهدات 50K

بو هزاع

๑ . . زائر . . ๑
التسجيل
9 أغسطس 2004
رقم العضوية
2059
المشاركات
7,494
مستوى التفاعل
45
الجنس
الإقامة
دبي
مشاركة: ويبكي القلب

لا لا

عندج الكسرة مب ظاهرة على حرف النون المرفوع في اخرة بالاضافة الى عندج الخبر والمبتداء فلازم ايي الخبر قبل المبتدا مع انج ما دخلتي جمع مذكر جعفر لانة غيروة من جمع مذكر سالم الى جمع مذكر جعفر وانتي ما التزمتي في التغير مع عندج بعض الاخطاء اللغوية في النون وما يصنعون والكاف وما تنلاف والسين ما تلين وعندج بعد فيبالج احتكاك ما ااصحاب الاقلام النيرة والعقول الواعية انا ومعاني يعني شدي حيلج اوكيك نتمنى ان نشوفج شراتنا بعدين



بوهزاع
خخخخ
 

النشمي

๑ . . موقوف . . ๑
التسجيل
31 أغسطس 2004
رقم العضوية
2122
المشاركات
3,459
مستوى التفاعل
107
العمر
27
الجنس
الإقامة
في البيت
مشاركة: ويبكي القلب

خلاص بوهزاع راوي مشهووووووووووووووور شوما سمعتي



ومشكووووووووووووور اختي
 

بو هزاع

๑ . . زائر . . ๑
التسجيل
9 أغسطس 2004
رقم العضوية
2059
المشاركات
7,494
مستوى التفاعل
45
الجنس
الإقامة
دبي
مشاركة: ويبكي القلب

مشكور يا زعيم الشلة وهذا من طيب اصلك



بوهزاع
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
مشاركة: ويبكي القلب

رهــــــف...

صدعتي بالـراسي ...

كافي راي الاعضــــــــاء...

قصتج بدايتها و ايــــــــد حلـــــــــوووه... حتى اسلــوبج في الحـوار وايد يجذب... .. :tongue:

اتمنــــــــي انج اتحطين الجزء الثاني جريب..
 

رهف

♣ القلمـ الخجول ♣
التسجيل
27 نوفمبر 2004
رقم العضوية
2513
المشاركات
21,478
مستوى التفاعل
1,455
الجنس
الإقامة
ღ. راك .ღ.
مشاركة: ويبكي القلب

زعيم الشلة
========
مشكور على تواجدك
واكيد سمعت بالكاتب العقبري " بو هزاع "
اللي حصل جائزة نوبل السنة الماضية


بو هزاع
=======
يعني تشوفني كاتبة في البداية
هذه أول قصة لي
يعني المفرووض ابي تشجيع ورفع معنويات
ما ابي احباط وسد نفس
هذا وانا كاتبتها بالعامية
ما خليت أخطاء ما طلعتها عليّ
عيل لو كاتبتها بالفصحى شو كنت سويت ؟؟ :mf_jumpon

وبعدين أنا ادري لو كتبت حوالي 50 قصة
ما بقدر أوصل لكتابتك انت ومعاني وعبقريتكم في التعامل مع الالفاظ

ومشكور على تواجدك يا ابو القلم النير :cool:



معاني
=====
متى حنيت على راسج وزنيت
انتي من وين اتيبن هالرمسة
وبعدين حبوبه انتي حشرتينا ويالجزء الثاني
ان شاء الله يومين وبحطه :mf_franki

والله حاله


المبدعة :cool: رهوووووووف
 

خيالة الشحوح

๑ . . عضو محترف . . ๑
التسجيل
9 مارس 2005
رقم العضوية
3241
المشاركات
699
مستوى التفاعل
4
العمر
38
الجنس
الإقامة
راس الخيمة
مشاركة: ويبكي القلب

حلو
شي الصراحة
القصة وايد عيبتني
اتمنى لش التوفيق :mf_zippy:
وانا انشوف التكملة :tongue:
 

رهف

♣ القلمـ الخجول ♣
التسجيل
27 نوفمبر 2004
رقم العضوية
2513
المشاركات
21,478
مستوى التفاعل
1,455
الجنس
الإقامة
ღ. راك .ღ.
مشاركة: ويبكي القلب

خيالة الشحوح
========
مشكورة اختي
والله يوفق الجميع



رهوووووووووفه
 

رهف

♣ القلمـ الخجول ♣
التسجيل
27 نوفمبر 2004
رقم العضوية
2513
المشاركات
21,478
مستوى التفاعل
1,455
الجنس
الإقامة
ღ. راك .ღ.
مشاركة: ويبكي القلب

الحين اتفضلوا الجزء الثااني

بس بلييز بلييز

ابي رفع معنويات
ولو مجاملات
ولاّ بكتفي للجزء الثاني


رهووووفه
 

رهف

♣ القلمـ الخجول ♣
التسجيل
27 نوفمبر 2004
رقم العضوية
2513
المشاركات
21,478
مستوى التفاعل
1,455
الجنس
الإقامة
ღ. راك .ღ.
مشاركة: ويبكي القلب

الجزء الثاني


في ابوظبي
في شقة حمد وسيف

بعد ما سكر سيف عن ريم

سيف : تعرف حمود
حمد : ايه انت ويا ويهك ، شو حمود ، اصغر عيالك ؟
سيف : رحت فوق نزلت تحت بتم حمود
حمد : حمود بعينك سيفوه
سيف: ( يضحك ) : عاادي يعيبني سيفوووه ،، غربلات ابليسك ،، نسيتني شو بقول
حمد : أحسن حتى تحترم نفسك
سيف : اقول حمود
قاطعه حمد : انت متى بتحترم نفسك
سيف : زين حمد ولا تعصب
حمد : هي جيه خلك رياال
سيف : امبوني رياال وينشد فيني الظهر ،،
يسكت شوي وعقب يقول له
سيف : المزيونه ،، طلبت مني اكلم اهلي عنها ،،
حمد : زين وكلمتهم ؟
سيف : شو كلمتهم ،،يا اخي انا بعدني ما عرفتها عدل ،، اللهم بعض السوالف في الجات والتلفون
حمد : خلاص اجذب عليها وقول لها انك كلمتهم ،، واهي شدراها ؟
سيف : قلت لها كلمتهم ،، والحين تبي تكلم اختي حتى تتأكد ..
حمد : ههههههههههههه ،، شكلها بتورطك
سيف )بصوت واطي ) : لا هي تحبني ،، بس تخااف اقصّ عليهاا
حمد : قوم عني لاه ،، شو تحبك ،، عزالله ما مخليه حد ما مكلمتنه قبلك
سيف : شو تقول انت ،، اهي حلفتلي اني انا اول واحد في حياتها
حمد : وانت تصدقها ؟؟
سيف : وليش لا ؟
حمد ( شكله ما عايبتنه الرمسه ) : ما علينا منها ما بتعشيني اليوم ؟
سيف : الحين انا اكلمك بسالفة خطيرة وانت تحاتي بطنك
حمد : شو الخطير فيها ،، روح لاه
ويقوم حمد يشل غترته وعقاله ،يبي يطلع
سيف : اكلمك انا ،، وين راايح ؟!
حمد : خلني اترس بطني عقب بتفيج لك ،، انا طالع ،، ما بترياك واايد
ويقوم سيف ورااه ،، وراحوا عقب المطعم


==================


في بيت بو حميد

الكل يالس على العشاا

بوحميد : سعود انت متى بتصطلب وبتغدي رياال ،، ترااك الحين بالثانوية ،، خل عنك الهوامه في الشوارع وجابل كتبك شوي
سعود : ( عقب ما بلع لقمته ) : ومنو قالك ما اجابلهم ؟
بو حميد : ما لازم حد يقولي ،، من اتي من المدرسة محد يشوفك الا بالليل ،، قولي متى اذاكر؟
سعود ( يخف صوته ) : اذاكر قبل لا ارقد
أم حميد: بو حميد ،، خل الولد يتعشاا عقب سولف وياه على راحتك
اليدة : شو يتعشاا فيه ،، تعرفين ولدج بيتعشاا وعقب محد بيشوفه خل يأدبه
أم حميد : لا دام ابوه يبغيه ييلس وياه ،، سعود رياال والنعم فيه
اليدة : دلعي الولد انتي ،، مسود الويه هذا اذا رسب مثل العام ،، يا اخلي ابوه يربطه باللوزة ، ما اكون شيخة اذا ما سويتها
وتلتفت لولدها ( بو حميد ) واسموه هاي بعد لا مذاكره ولا شيء كله مجابله هالتلفزيون .
اسما ( اطالع يدتها واهي معصبة وبصوت عالي ) : الحين انا شدخلني
اليدة : بعدج ما انهديتي ،، خفي صوتج ..
اسماء : اوهووووووو ،، ما ابي عشاا تعشوو بروحكم
اليدة : عنبوه دارج انتي محد يقدر يكلمج في هالبيت الا مديتي لسان ،، ما تبغين عشاا قومي ياللا
أم حميد: شو فيج عموه ،، ترى البنت صغيرة وما تعرف شيء
اليدة : ( تاشر لولدها ) : جان بتخلي هاي تربي العيال عزالله فلحواا
ام حميد اطالعت اليده بنظرات واطالعت عيالها

وتم الكل يتعشاا ويسولف الا موزة كانت سرحاانه

بو حميد ( يطالع موزة ) : موزة يبه شفيج ،، ليش ما تتعشين
موزة ( بتوتر ) : يالسه اتعشاا ،، بس عندي امتحان بااجر وبرووح اذاكر
بو حميد : زين كملي عشاج عقب روحي ذاكري
موزة : لا خلاص شبعت
اليدة ( اطالع سعود واسماا ) : شوفوا ما شاء الله عليها ،، ما قالوا انتوا الخدية والدبدوبه
اسماا ( تبين انها محرجه ) : شيخوه تراا انا واايد ساكته عنج
اليدة ( تضربها بالخيزرانه ) : مسودة الويه ،، اشوف لسانج طول زيااده ويباله قص - وترجع تضربها - والكل يضحك –
اسما (تقوم من مكانها و تبوس رااس يدتها ) فديتج يالغلا ،، كم شويخ عندنا نحن ،،
اليدة : قومي نشي عني


ويلسوا على نفس المواال طوال العشاا ^^



=============
 
التعديل الأخير:

رهف

♣ القلمـ الخجول ♣
التسجيل
27 نوفمبر 2004
رقم العضوية
2513
المشاركات
21,478
مستوى التفاعل
1,455
الجنس
الإقامة
ღ. راك .ღ.
مشاركة: ويبكي القلب


في غرفة موزة

كانت يالسة تسولف ويا ريم ع الموبايل
موزة : ريموه ،، اتصلي به وقوليله لا يتصل خلاص
ريم : حرام عليج انتي قلتي بتكلمينه ليش تغيرين راايج عقب ما قلت له يتصل
موزة : ريمووه والله خاايفة
ريم : حبوبه لا تخاافين ،، ما بصير شيء ،، ولاّ انا ما استاهل اتسوين لي خدمة
موزة : ...................
ريم : والله عاادي ،، ما بيعرفج ،، وبعدين انا ما بقوله اسمج
موزة :....................
انتي عطيتيه رقمي ؟؟
ريم : لااا عقب شوي بطرشه له
موزه : لا ريموه .. لا اطرشين .. اخاف ..
ريم ( تسمع صوت امها تزقرها ) : اقول موزوة الله يخليج كلميه عسب خاطري اوكى ،، بخليج الحين امي تزقرني ،، يالله في امان الله
موزة ( وشافت انه خلاص ما شيء امل ) : خلاص يصير خير ،، في امان الله


==========


الساعة 11:45 م ،، في شقة سيف وحمد

سيف : شو اقول لها هااي الحين اذا كلمتهاا
حمد : وانا اشعرفني عنك ،، قول لها أي شيء ،، والا اقولك عطني بكلمها انا
سيف : شو تكلمها انت !!
حمد : عاادي حبيبي ،، اهي شعرفهاا ، ما تعرف صوتك
سيف : لا لا لا ،، خلني انا اكلمهاا يمكن تسألني أشياء ربيعتها قايلتنها لها ،، وعقب انت ما بتعرف شو تقول لها
حمد : يا رياال ،، شكلها مثل ربيعتها ،، عاادي من تسمع صوتي بتنسى ربيعتها وبتنساك ..
سيف : ايه انت وويهك ،، ربيعتيه محترمه ،، واكيد ربيعاتها بيكونون محترمات شراتها
حمد ( يقلده ) ربيعتيه محترمه ،، واكيد ربيعاتها بيكونون محترمات شراتها ،، قاص على عمرك انت ،، شوف حبيبي انا ما بعيد وبزيد ،، لا تتوهق وياهاا
سيف : ( ما عايبنه حمد لما يشكك في حبيبته ) شو اتوهق انت بعد ،، قوم رووح حجرتك يالله فاارق ،، الشره عليّ انا اللي اقولك ،، اصلاً انا للحين ما شفتها ولا اهي شافتني
حمد : شوو زعلت ،، حبوب تراا ابي مصلحتك ،، المهم ماشيء باقي ع الساعة 12 – ويغمز له – بفارق وبخليك تآخذ راحتك ،، وبااجر باخذ منك لعلوم .. بس هاا لا تورط عمرك وياا هالبنات تراا كلهم نفس الطينة .. لعابات

وطلع عنه ورااح حجرته ،، ويلس سيف يطالع ساعته ،، ويتريا الوقت


============


اما موزة فحالتها حاله ،، وحليلها ما قط كلمت ريال ما تعرفه - ،، وما عارفه اليوم شو بتسوي ،،منسدحه على سريرها وكل شوي اطالع الساعة والموبايل ،، تبي تغلقه ، بس تخاف ريموه تزعل

دقايق ويرن موبايل موزة
( لا تفكر كيف تكسب مية شخص بظرف عام ،، الشطارة كيف تكسب قلب واحد ميت عام ،، قلب يوفيلك ويبقالك على مر الزمان قلب يهواك وتحبه ما يخونك في الغرام )

قامت موزة ترتجف ،، ومب قادره ترد ،، خلته ع الصامت،، وتم الموبايل يرن ويرن ويرن وعقب ضغطت عالرد ،،

موزة : .............
سيف : ................
فترة سكوت عقب تجرأ سيف وتكلم
سيف : السلام عليكم
موزة ( وتاخذ نفس عميق ،، وبصوت خفيف ) : وعليكم السلام
سيف : ( عقب ما اخذ نفس هو بعد ) : شحالج اختي ؟؟
موزة : الحمد لله
سكتت شوي عقب قالت
موزة : شحالك انت ؟
سيف : الحمد لله يسرج الحال
موزة : .................
سيف : ربيعت ريم صح ؟
موزه مستحية : هييه
سيف : الا ما قلتيلي عن اسمج
موزة : هااااا
سيف : يعني يوم بكلمج الحين بشو ازقرج ؟
موزة ( افففففف ) : قول لي أختي وبس
سيف : براحتج أختي ،، ( سكت شوي وعقب رجع يتكلم )
سيف : اووووه تذكرت اسمج ،، وحده من الثنتين ،، يا خلود ؟؟ يا موزة ؟؟
موزة : . !!!!!!!!!!!!!!!
وحليلها موزة وقف قلبها ،، وتقول في نفسها ،، الحين هاا ساكت يذكر اسمي ،، ما عليه يا ريموه تقولين ما عطيتيه اسمي
سيف : ما جاوبتي أي وحده انتي فيهم
موزة ( مرتبكة ) : انا ،، انا خلود
سيف : يا هلا والله ،، عاشت الاسامي
موزة : عاشت ايامك
سيف : اقول اخت خلود ،، ريم شو تقولج عني
موزة: ماتقول الا كل خير
سيف : مثل شو يعني
موزة ( تجاوب بعد تفكير ) : تقول انك طيب ،، وريال والنعم فيك ،، تحترمها وتقدرها ،، وتخاف عليها
سيف : بس جيه ؟
موزة : بلى تقول ووااايد
سيف ( ومتلهف يبي يعرف شو تقول عنه ) : مثل شو ؟
موزة: والله ما اذكر كل شيء ،، بس المهم انها تقول انك ( وتهمس ) تحبها
سيف ( مستانس ) : شو ما سمعت
موزة ( تكلم نفسها : اقص ايدي اذا ما سمعت ) : تقول انك تحبها واهي تحبك
سيف ( يبي يعرف التفاصيل ) : اكيد احبها وتحبني وشو بعد
موزة ( شو سالفته هذا ،، شكله يبي يطول المكالمة ) : اقول اخوي انت كلمت اهلك عن ريم ؟
سيف ( شو هالسؤال ؟!! ) : اكيد .. هييه اختي كلمتهم
موزة: زين شو راي اهلك
سيف :( يا هي حالة ) : الصراحة يا اخت خلود اذا انا موافق اكيد اهلي بيوافقون بس انا الحين بعدني شوي ،، ما افكر اتزوج هالسنة
موزة : لا والله ،، يعني بتيلس تكلم ريم جيه من غير أي ارتباط ،، شو بنات الناس لعبة في ايدك
سيف : انا ما قلت جيه ،، انا قلت بتزوجها بس مب الحين
موزة : يعني انت كلمت اهلك عنها ؟؟؟
سيف : هي كلمتهم
موزة : عيل عطاا رقم اختك لريم تبي تكلمها وتتفاهم وياها
سيف ( على شو يتفاهمون ) : هب مشكلة ،، بعطيها الرقم


(يلسوا يسولفون عن ريم .. طالعت موزة ساعتها اففففففففف الساعة صارت 1:30 )
موزة : خلاص اخوي ،، بغيت شيء ؟
سيف : شو بتسكرين ؟؟
موزة ( مستغربة سؤاله ) : هي بسكر !
سيف : زين ما رمسنا عدل
موزة ( تكلم نفسها شو ما رمسنا عدل ،، منو هو حتى يكلمني ) : سوري اخوي ،، بس الساعة صارت 1:30 و باجر عندي كلية ،، لازم ارقد الحين
سيف : انتي ويا ريم في نفس الكلاس
موزة : هي
سيف : ومنو اشطر؟؟
موزة ( والله حاله ) : نفس المستوى
سيف : مبين عليج اشطر ،، ريموه ما تذاكر عدل ،، الا اقول خلود ... عادي ازقرج خلود ؟
موزة : عادي براحتك
سيف : خلود ،، ( وبصوت خفيف ) انتي ما قط حبيتي ؟؟
موزة : ..!!!!!!!!!! - شو هالجرأة -
سيف : براحتج اختي لا تجاوبين اذا ما تبين
موزة ( بينها وبين نفسها ،، يوم ما تبي تسمع الجواب ليش تسأل وتدفش) : ريم ما قالت لك شيء عني
سيف : لا والله ما قالت شيء
موزة : خلاص بجاوبك ،، ما حبيت ،، ولا بحب غير زوجي
سيف : يعني ولا مرة كلمتي واحد
موزة : لا ولا مرة،، واسمحلي اخوي والله طولت
سيف : براحتج اختي ،، والسموحة
موزة : مسموح
سيف : تصبحين على خير
موزة : وانت من اهل الخير .. بس ما اوصيك امسح رقمي ..
سيف : امسحه ليش ..
موزه : ........
سيف : خلاص خلاص بمسحه .. وسلمي على ريم
موزة : الله يسلمك

وبسرعة سكرت موزة الموبايل قبل لا يقول شيء ثاني وغلقته ، وخذت نفس عميق
وانسدحت على الشبرية ورقدت





أ . هـ
الجزء الثاني


رهوووووووووووفه
 
التعديل الأخير:
عودة
أعلى