• مرحبا ٬ في حال تعتذر تسجيل الدخول ، يرجى عمل استرجاع كلمه المرور هنا

ღ.ღ. مثل الهــوا و المــاي .. سيـــف ضـروري ღ.ღ.

مهاري

๑ . . حبوب البرزة . . ๑
التسجيل
10 نوفمبر 2004
رقم العضوية
2425
المشاركات
122
مستوى التفاعل
0
العمر
35
الجنس
الإقامة
مدينة الحب و الجمال راك سيتي لول
رد : ღ.ღ. مثل الهــوا و المــاي .. سيـــف ضـروري ღ.ღ.

tslmeen el shekha ma3ani 3 el radd o sh7ia qe7 9edeg jelbat el denia lo0o0o0l












بارت 6

^^ حسدت الطفل بضمة حنونة لصدرك الحاني تمنيت الطفولة تعود و اكون بضمتك اولى ^^


ماوعت شما غير بامها تزقرها عسب تفازع فاطمة تنسف الاكل ع السفرة فاضطرت انها ترد داخل وهي متحسرة لانها مابتروم تشووفه .. وهي تغبط عين مهرة ع شوفته ..
وسيف من شاف مهرة وقف مكانه .. و مهرة بعد وقفت مكانها .. وشوي و الا يربع حمود صوب عمه سيف .. و يتلقفه سيف و يشله ع جتفه ..

حمود :: عممممييييي ... يبون ياخذون كورتي يفشوونهاا ..

مهرة تصد صوب سلطان و هند وهي تتحرطم :: الله يغربلكم فشلتووووناااا ..

سيف :: ماعليه حبيبي .. خلهم يلعبوون وياااك ..

حمود :: يبوون يفشووونهااااااا ..

سيف :: لا ما بيفشوونهااا .. انت بس سير العب وياهم .. و يكمل رمسته و هو يهمس باذنه .. :: لو خليتهم بوديك القرية العالمية ...

حمود بحمااااس وهو يربع صووبهم :: خذووو خذووو .. انا اصلا بسير ويا عمي القرية العالمية ..

مهرة و هي راسها بالارض و ماسكة هند :: السموحة منك الشيخ.. عيالنا شياااطين ..

سيف :: لا ماعليه الشيخة .. ترا حمود بعد شطانته مالية الدنياا ..

سيف و هو يرمس حمود :: حبيبي ... انت تعرف الحين شو تسوي ..

هز حمود راسه و تجدم صوب مهرة و الصغارية و هو يقول :: اسف عمووه .. يلا نرد نلعب ..

بعدها شل سيف ولد اخوه حمود وباسه ::: شاااطر حمووود ... يستااهل ناخذه القرية ..
مهرة تطالعه و تطالع كيف هو حنوووون ويا ولد اخته .. لا بعد مقصر فيه الدووب معلمنه الادب و السنع على اصوووول .. اللللللله عليه .. زين ما صنع ..

مهرة :: لا اخوية المفروض هند و سلطان هم اللي يتأسفووون ..

هند + سلطان :: اسفيــــن ..

هند :: عيل نحن بعد نبا نسير القرية العالمية ..

سيف :: هههههههه يهااااااال ماتفوتون شي .. فاااالكم طيب .. و ترابعوو الصغااارية كلهم صوبه و هو يشل واحد ع جتفه و واحد متعلق بذراعه و الثااني ماسك طرف كندوورته ..

سيف و هو يرمس مهرة ::خلاص الشيخة ماصار الا الخير تراهم الا يهال ... اتفضلي صوب الحرمات ..

و رد نزل راسه يلاعب الصغارية و يضحك وياهم .. و مهرة يلست تطالعه لين ما حدر بهم الميلس .. و بعدين هي سااارت صوب الحرماات و هي حاااسة باحساااس غريــــــــــــــــــــب ..

دخلت مهرة صوب الحرمات و يلست تتغدى و بين برهة و برهة ترد تسرح و تتذكر المواقف اللي استوت لها ويا هالريال .. اللي لحد الحين مب عارفة اسمه .. هي تذكر ان امها تخبرت اخوها سعيد عنه يوم فزع لهم في نص الدرب.. بس هي ما كانت منتبهة وياهم .. امممممممم يمكن سالم يمكن سعيد يمكن امممممم مادري بس اللي احيده انه شي بيدا بحرف السين .. و تنهدت ع الخفيف و يلست تكمل اكلها .. و الحرمات لاحظن ان مهرة من ردت الحوي و هي مب شرات قبل اول ما حدرت بيت فاطمة .. واكثر من انتبه لهالشي روضة و حصة .. لانهن يالسات حذالها .. وحدة ع يمينها و وحدة ع يسارها ..

روضة بصوت خفيف :: مهروووه ..

مهرة تقلب بالصحن و مب حاسة ابهن ..

حصة :: ايه مهاااري ..

مهرة .. :: هاااا ... شووو ؟؟

روضة :: شو شو ؟؟

حصة :: شو بلاج ؟؟

مهرة :: ااااااه ... مادري ..

روضة :: شو السالفة ؟؟

مهرة :: خلاف بخبركن ..

و في ميلس الرياييل ..من عقب ماخلصو غدا يلسو يشربون قهوا و جاي و ياكلون سويت و كيك .. كانو كلهم يسولفون و يضحكوون و مستاانسيـــن سوااا .. و شوي و الا يرن موبايل حمدان ...

حمدان :: الــو ..

مايد :: مرحبااا السااع ..

حمدان من سمع صوت مااايد فز يرضف التراحيب :: ياااا مرحبااااااااااااااااااااااااااا بك ملايين من داااارك لي دااااري ... عااااش من سمع هالصووووت ... ويننك يا ريااااال .. من خلصنا امتحانات الكلية ماقمنا نشوفك ؟؟

مايد :: والله موجود ... شحالك .. ؟؟

حمدان :: بخير و نعمة و انت ؟

مايد :: تمااام الحمدلله ..

حمدان :: يعله مدييييييم ..

مايد :: يااحيك .. الا تعال بتخبرك ..ترا انا و سهيل الحين في الكوفي شوب اللي في سينما قراند .. و عقب نص ساعة تقريبا بنسير السنما .. في خاطرك تيي ويانا .. ؟؟

حمدان :: يااااااااااااااليييييت .. بس والله ماقدر ..

مايد :: افا ليش ..

حمدان :: انا الحين بدار غير بوظبي .. تراية ساير بيت المصطاف مال عمي اللي بأقصى بالبلاد ... ان شاء الله بوقت ثااني ..

مايد :: خلاص يصير خير ان شااء الله .. عاد خلنا نسمع صوتك ..

حمدان ::ان شااء الله ..

ومن صكر مايد عن حمدان التفت صوبه سهيل

$$ سهيل هذا وااااااااااااحد حيواااان بكل مافي الكلمة من معنى .. دووووووومه يلاحق البنات سواء مواطنات و الا شاميات و الا اجنبيات عاد هو موته و حياته الاجنبيات لانهن وايد يسارنه و يتسااهلن وياه ... و ماهمه غير دنيته و البنات و الفلووس و السيايير.. هو ولد ناااس اغنيااااا و مريشين و وسيييم بالقوووووو .. يعني حتى البنات مايقصرن..هن اللي يرابعن وراه .. يعني باختصااار حياة هالانسان مهزززززلة $$ ..

سهيل:: بيي و الا لا ..؟؟

مايد :: لا مايقدر هو مب في بوظبي اصلا ..

سهيل و هو يولع صلب زقارة :: ها ميووود ... شحال الحياة ويااااك .. ؟؟

مايد :: والله ماشي .. اتمنى اني انجح في اختبارات الكلية .. بنبدا دوامات عقب اسبوع و شي ..

سهيل وهو ينفخ الزقاير :: هههه .. حليلك والله ها همك .. شحال البنات وياك ؟؟

مايد وهو يشرب الميلك شيك :: اممممم ... ماشي ... البارحة شليت عن اميرة الورود نك الرقااابة لانها صدق رااافعة لي ضغطي ..

سهيل :: هههههه انت بعدك ويا الجااات ..

مايد :: ودرته فترة.. و عقب رديت فتحت موقع جات خاص فيني ... الحمدلله ماشي سوقه هههه ..

سهيل :: شي بنات ؟؟

مايد :: افا علييييييك .. هههههههه ..

سهيل :: شو نكك انت هناك؟

مايد :: .. بما اني الجات ماستر .. فنكي جات ماستر مكتوب بالانقليزي وباللون الاخضر ..

سهيل :: خلاص انا بعد بحدر هناك .. شو رايك احدر بنك .. امممممم .. جزاع .. يطيح البنات ها هههههههه ..

مايد :: ههههههههههههههههههههه مووول مب هين .. لاحلوو حلوو .. خلاص بخليك مراقب .. احمررر ..

سهيل و هو يدخن :: غصبن عنك ..

مايد :: ههههههه طوف طوف خل نلحق ع الفلم ..

=-=-=-=--=-=-=-=-=-=-=-=-=-=-=-=-=-=-=-=-=-=-=-=-=-=-

من بعد ما خلصن الحريم من غداهن .. نشن الحرمات الكبار يتقهون و يحلن بصووب و البنات بصوب ثاني بعيد عنهن شوي .. و شما و فاطمة كانن يرتبن البيت و يدخننه ..

روضة وهي تاخذ حبة عنب :: مهرووه .. شو مستوي فيج يا هبلة ؟؟

مهرة :: كيف يعني شو مستوي فية ؟؟

حصة :: نقصد انج من ييتي من الحوي و انتي سرحانة .. بلاااااج ؟؟

مهرة و هي تطالع الفراولة بيدها و تبتسم :: اممممممم .. ماعرف شو اقولكن ..

روضة :: قووولي ..

مهرة وهي تهد الاكل من ايديها و تساند راسها ع اليدار :: امممممممم .. شفت واحد شفته مرتين قبل.. قد لاحظت عليه صفة عجبتني ..

وحصة و روضة هب فاهمات شي ..

مهرة و هي تضحك ع اشكالهن :: هههههه بلااااااااكن .. يوم بنرد البيت بخبركن شو اقصد ... ومنو هالشخص ..

وشوي والا تربع صوبهن هنودة وهي شايلة دفتر تلوين مال ميني ماوس و الوان خشبية ..

هند :: شوفوووووو حمود شو عطااااااني ..

سلطان وهو بيده دفتر تلوين سبايدر مان :: واناااااا بعددد ..

وحمود يمشي وراهم و هو مستحي ... و روضة تتلقفه ...

روضة :: فدييييت حمووودي الطائي هههه .. تعال اييلس ع ثبااني ..

ويلسوو البنااات يلعبن ويا الصغارية ... وعقب فترة بسيطة الاولاد عبادي و سلطان و حمود سارو عنهم ..

هند :: مهرووه .. تعالي نلون سوااا

روضة و حصة بعد رزن فيسهن و زخن اقلام تلوين و يلسن يلونن وياهم .. كل وحدة فيهن ماسكة زاوية من الرسمة تلون فيهاا ..

سلطان و هو يزقر هند :: هنووووووووووود ... تعالي بنسير المريحاانة ..

ومن سمعته هند هدت الالوان و ربعت صوب الحوي.. و تمن روضة و حصة لاصقات فبعض.. شوي يغنن ..و شوي يلونن.. و شوي يرمس عن ربيعاتهن.. و شوي يتناقرن .. بس مهرة اللي كانت يالسة ابعد عنهن بشــوي كانت طووول الوقت يالسة تلون بايد و بالايد الثانية حاطة ايدها على خدها و هي بعااااالم ثاااااااني .. و ما حست بعمرهاا الا و هي زاخة قلم الالوان الازرق و تكتب حرف الاس ( s ) .. و تلونه .. و روضة من انتبهت نغزت حصة ...

روضة :: حصوووه ..

حصة :: بلاج .. زيغتيني ..

روضة :: شوفي مهرة شو تسوي .. ايييييه لا تصدين الحين عن تنتبه ان شفنااها ..

حصة و هي ماسكة عمرها غصب عن تصد :: ليش شوووووو ..

روضة :: لفي لفي الحين طالعي بسرعة و ردي ويهج صوبي ..

لفت حصة صوبهاو شافتها ملونة حرف الاس بالانقليزي ع طرف الصفحة ..

حصة وهي معقدة حياتها :: شو تستهبل ..

روضة :: انا اقول مب طبيعية من يوم ردت من الحوي ..

حصة :: لايكوون شافت راعي الدكان سنجاي و وقعت في حبه ..

روضة :: هههههههههه .. اصلا مهرة وين و الحب وين .. هي مب مال هالسوالف .. خاطري اعرف شو بلاهاا ..

و سارن روضة و حصة و زيغنها فجأأة ..

مهرة و هي زايغة :: اييييييييييه ..

روضة :: منو اس اعترفي ..

نزلت مهرة راسهاا و هي مغيضة عليهن لانهن قطعن عليها افكارها ..

ومن حست حصة ان مهرة جادة ..

حصة بنبرة حازمة :: مهروووووه .. شو فيج ؟؟

تمت مهرة ساكتة قرااب الدقيقة و هن يطالعنهاا و ساكتاات ..
وشوي و تقوم مهرة من مكانها و زخت بايدها اليمين حصة و بايدها اليسار روضة و مشت ابهن برا الصالة ..

مهرة و هي تلتفت اخر الصالة وين امهاتها يالسات :: امي بنسير نمشي شوي قريب من البحر و بنيي ..

ام مهرة :: لا تتاخرن ..

ام روضة :: انتبهن ع عماركن ..

ام حصة :: ردن بسرعة ..

و مهرة ضاغطة ع ايدهن بالقووو و هي توسع خطواتها و تسير صوب البحر .. في هاللحظة حست حصة و روضة ان مهرة ايديها حارة و تعرق .. شو بلاااهااا ؟؟


CUT
 

معاني

::أديبة البرزة ::
التسجيل
24 نوفمبر 2004
رقم العضوية
2489
المشاركات
7,525
مستوى التفاعل
39
الجنس
الإقامة
قلب زايـد
رد : ღ.ღ. مثل الهــوا و المــاي .. سيـــف ضـروري ღ.ღ.

:mf_zippy:

:mf_zippy:


شو بستوي ع مهره جان عرفت ان الي حبته سيف !!

مشكوره ع الجزء الحلو..

و ننتظر جديدج ..

معاني..
 

سمسوم خصب

๑ . . عضو متميز . . ๑
التسجيل
12 سبتمبر 2005
رقم العضوية
3992
المشاركات
592
مستوى التفاعل
7
الجنس
الإقامة
قصر سمسوم
رد : ღ.ღ. مثل الهــوا و المــاي .. سيـــف ضـروري ღ.ღ.

شــــــــــــــــــــــــي

تسلمين ع الجزء الروووووووووووووعة


وانا اتريااااااااااا الاجزاااااااااء الياية على احر من الجمر
 

دلع بنوتة

๑ . . عضو مخضرم . . ๑
التسجيل
3 ديسمبر 2007
رقم العضوية
8117
المشاركات
6,155
مستوى التفاعل
391
العمر
28
الجنس
رد: ღ.ღ. مثل الهــوا و المــاي .. سيـــف ضـروري ღ.ღ.

يسلمووووووووو ع القصة

والسموحة
 

وردة

๑ . . عضو فعال . . ๑
التسجيل
24 أبريل 2010
رقم العضوية
11964
المشاركات
466
مستوى التفاعل
19
الجنس
الإقامة
rak
السلام عليكم ورحمة الله وبركاته
قصة روعة
نتريا التكملة
 

ط¬ظ…ط§ظ†ط© .

๑ . . عضو بقراطيسة . . ๑
التسجيل
5 نوفمبر 2010
رقم العضوية
12844
المشاركات
2
مستوى التفاعل
0
الجنس
[align=center]وين التكملة ؟؟
=’’’’’’’’’’’[/align]
 

عسولة الشحوح

๑ . . مشرفة برزة الترحيب والتعارف . . ๑
مشرف
التسجيل
17 يناير 2009
رقم العضوية
10034
المشاركات
12,648
مستوى التفاعل
1,497
الجنس
الإقامة
بقصري ‏ الشامخ ..♥‏
السلام عليكم ورحمة الله وبركاته
يسلمو
نتريا التكمله
 
عودة
أعلى