تلع لعناق
๑ . . عضو . . ๑
- التسجيل
- 30 أكتوبر 2005
- رقم العضوية
- 4236
- المشاركات
- 70
- مستوى التفاعل
- 0
- الجنس
- الإقامة
- اماراتّ العزً ..
رد : " الـــــــروح الغراميـــــــــة "
الجزء الثالث
باجرها اتفق بو سعيد ويه بو حمد يقربونهم بعد صلاه المغرب .. وميثه ذاك الوقت كانت فبيت عمها ويه اختها سلامه ..و قوم بوسعيد وبوميثه يالسين بالميلس .. بوحمد ويه بوسعيد يرمسون بالشغل .. وحمد يالس يصّب القهوه .. وسعيد ضاربنه حفوز مب طبيعي ويفكر بميثه ومب مصدق بانه اخيرا بيخطبها وبتستوي حلاله ..
بوسعيد :بو حمد نحنا يايين صوبكم اليوم وشاريين بنتك لولديه سعيد ..
بوحمد وويهه متغير ومتردد بنفس الوقت : والله ماادري شو اقولك ياراشد !! لكن انا ماعندي غير وحده وهي ميثه .. وهذي بعدها عودها طري مب مال عرس ..
وبوحمد يرمس هالرمسه وسعيد راسه يدور به .. والدنيا بدت تظلم بويهه .. مب عارف بشو يفكر ..ولا شو يرد عليه ..!!
سعيد :عمي .. ماعليه انا برقبها ماعندي مانع ..
بوحمد: والله لو عندي بنت غير ميثه ياسعيد ما بياخذها غيرك .. الا ميثه محيرنها لولد عمها .. جان بترقب شمه عقب ثمان سنين من صوبك ..
بوسعيد مستغرب :والله !! اسمحلنا يابوحمد والله ما عندناعلم .. ولا خبر ..
وسعيد يحس بقلبه يتفتت لاشلاء .. والدنيا تدور به ... ومب مستوعب اللى يقوله بوحمد ..
بوحمد : لنا الشرف يابوسعيد نناسبكم الا مثل مادريتوا مقربين بولد عمها .. ولا والله سعيد ماينرد وجان عندي بنيه غيرها جان يوزتها له ..
بوسعيد :ماعليه يابوحمد مالنا نصيب بكم .. بنترخص نحن ..
بوحمد: ماتنشون العشى عندي الليله ..
وسعيد طول ذيج الفتره صاخ .. مب عارف لحاله .. كل اللى يفكر به انه ميثه مب له .. ميثه مخطوبه لولد عمها ..بس هذا اللى في باله ..
بوسعيد ينش: مره ثانيه ان شاء الله يابوحمد .. مشاغل الدنيا ورانا ..
بوحمد:اسمحلي ع القصور ياراشد ..
بوسعيد :والله مابدى منكم أي قصور ياسعيد ..
وعند ظهرتهم وبالسكه وبو سعيد غامضنه ولده .. وهو يشوفه ساكت ..
بوسعيد ميود جتف ولده : ماعليه سعيد ياولديه ماعليه .. مالك نصيب ابها ..اتخير وحده من البنيات الفريج وانا بسير اخطبلك ..ألف من تتمناك يابوعسكور ..
سعيد والدمعه حايره وسط عينه :ماايي منك قصور يابويه .. انا بسير بيت اربيعي خليفه ..
ويدخل بوسعيد بيته وهو هاد ولده وراه بدايره الهموم والعذاااااب ..
صرت أنا واياها ضمن التايهين .. والحزن في دربنا توا استهل .. ليش يادنيا في ويهي تعبثين .. ؟؟ليش يادنيا في ويهي تعبسين ؟؟ ليش ياربي في ويهي تعبسين ؟؟متى حظي المايل ياربي يعتدل .. متى؟؟؟؟
وفي ميلس قوم خليفه .. سعيد يالس يتريا خليفه .. ويحس بدموعه متيمعه بعينه وخاطرها اطيح وتستريح وتريح سعيد معاها .. خاطره يشاهق وينوح .. الا مب قادر ..
خليفه يتفحص ويه اربيعه : ها بشر عسى ... وسكت يتفحصه ...و ثواني .. ماقربوبك؟؟؟رمس؟؟
سعيد ودمعه حاره نازله ع خده اليمين :خليفه .. ميثه مخطوبه لولد عمها ياخليفه ..ميثه خلااااااص راحت ..
خليفه :شووه..؟
سعيد بحزن :راحت ..
خليفه متغصص:حرااااام ليش ؟؟ ليش ؟؟دام انكم تحبون بعض ليش يحرمونكم من بعض ..
سعيد يهز راسه :روحت خلاص .. روحت ..
خليفه يمسك راسه :استغفر الله ..ويرد يطالع اربيعه بحزن..
سعيد :أحبها .. حياتي ماتكتمل دونها .. أنا محتايها ياخليفه ..محتايها ..ماتخيل ميثه تكون لغيري .. مااتخيل ..
خليفه يطالع اربيعه :كافي ياسعيد دخيلك .. ربك مب كاتبنها لك .. أنساها ..
سعيد افتر صوب خليفه :أنساها !! انته تخبلت .. كيف تقولي انساها وانته اكثر واحد تعرف حبي لها ..بهالسهوله تقولي انساها .. كيف انسى من رسمت احلامي وياها و انا صغير .. خليفه القول سهل بس الفعل صعب .. صعب موووت ..
خليفه يثور :ياخي مب من نصيبك .. لازم تنساها ..
سعيد :ضااامي ومن شوفتها عيوني يروّن ..(ويسند راسه عالييدار ) وواللحين منوه بيرويها عيوني .. حليلج ياعيونيه ؟؟
خليفه يطالع اربيعه :قم نّش ..قااام .. مب سعيد اللى بينخضع راسه بسبة الهوى .. قم ..
سعيد :خليفه حس بي يوفي مطعون ..
خليفه :قول لن يصيبنا الا ماكتبه الله لنا ..
وذيج الليله ماقدر خليفه يمنع سيل دموعه .. لشوفه اربيعه محطم جداه ..
وبوحمد خبر امه وحرمته بكل شي .. ووصاهن مايخبرن ميثه شي .. وام حمد فخاطرها كانت تريد سعيد لبنتها بس يدوه ظبيه كانت تريد قايد لميثه وولد عمها وهو اولى ابها ..وميثه من ردت وهيه بحجرتها ومب حاسه بشي ..
وبذيج اللحظه بدى الغيث ينزل ..وميثه ظهرت من حجرتها .. وتتطالع يدوتها يالسه في الليوان ..
ميثه :يدوه اعقصيه شعريه.. تلعوزت منه ففففف .. بقصه اخير لي ..
يدوه ظبيه تتطالعها : بقص رقبتج قبل ماتقصينه ..
ميثه تضحك بغنج :ههههههههههههه وأهون عليج ..؟
يدوه ظبيه تحب راسها :فديت روحج ماتهونين عليا ..
ميثه تضحك وتفتر حول يدتها وتحبها براسها وبويها ..
ميثه :علني مااخلا من ذا الويه السموح .. الله يطولنا بعمرج ..
يدوه :ان شاء الله اشوفج عروس انتي وشمه واشوف عيالكن.. وتبتسم ..
ميثه تعدل عقصها :يدوه وانا كلما ايلس وياج اسمع شرا هالرمسه ..
يدوه ظبيه :اشبلاها هالرمسه مايازتلج .. البنيه مالها الا بيت ريلها هذا هو سترها ..
ميثه تفكر بسعيد وتمت تتطالع النفاف وتتامل الصبّه بنظره حالمه .. وما ردت على يدوتها ..
وباجرها المطر بعده صبيب ..وميثه من يومين ماشافت مزنه .. ادق عليها الييدار ومحد يرد .. تمت تحاتي مب بالعاده ينقطعون يومين ورا بعض ومايتشاوفون ..
ميثه :شمامي فديتج روحي بيت مزنه وقولي لها ميثه تسال عنج .. يالله سيري ..
شمه تفتر صوب يدوتها:مابسير مابسير ..
ميثه يلست جداها :يالله شمووه .. اذا تحبين بابا ..
شمه تروح عنها بعيد :مابسير ..اخاف ..
ميثه:انا وياج يالطمه ..بوصلج ..
ام حمد :ويديه .. وين بطرشينها؟
ميثه تفتر حول امها:هنيه جريب ..بيت عمي راشد ..اتخبر عن مزنووه ..اتصدقين امايه من يومين مقاطعتني ..
ام حمد :انتي ماتشوفين السيل ماوقف بطرشين هالياهل روحها ..
ميثه تتطالعهم:عيل انا بسير ..
يدوه :اصص أحش ريولج حش ان قبضتي الباب .. ثقلي من يخف السيل روحيلها ..
وميثه من غصتها سارت وضربت شمه ..وشمه صاحت ..
ام حمد :ماعليه العلوم عند بوج يالهرمه ..
يدوه تهدي شمه ويلستها فثبانها : حسبيه الله عليج ..جانج محطيه راسج براس هالياهل ..
ميثه:اوووووه انتوا اشفيكم ماتحسون ..
يدوه:ظهريه من هنيه .. مسودت الويه ..
ميثه تثور عنهم :روحي ظاهره بدون لاترمسون ..من زين اليلسه وياكم ...
يدوه :يبالج وسم ..ع طوله اللسان هذي ..
ومر رابع يوم وخامس يوم والمطر بعده ماوقف ..اسبوع كامل ماتعرف اخبار سعيد ولا شافت مزنه ..
حمد :ميثوووه خطيلي كندورتي انطرت ؟
ميثه بدون لاتتطالعه :مالي بارض ظهر برى ..
حمد فاج عيونه:اييييه شو ظهر برى ..انتي ماتستحين ؟يالله ..نشّي خيطيلي..
ميثه بتعب :شوه؟
حمد:اقولج خيطي كندورتي .. وفرها بويها وظهر ..
وميثه تعبانه مالها خاطر تسوي شي .. شوق سعيد والوله اللى بقلبها معذبنها مووت ..
ميثه والدمعه بعيونها وتتطالع الدريشه:وينك ؟؟
وعالرواح وقف المطر .. وميثه مستانسه لانها بتشوف مزنه .. وسارت عند حرمه المطوع وماحصلتها هناك .. وباجرها غسلن الثياب وبعد مايت ..
لطيفه:هزرج شو فيها؟
ميثه بحزن :ماادري والله ..انا كلما اطرش شموه اختي تقولها ..مشغوله او تعبانه او سارت بيت خالتها .. اول مره تسويها مزنووه فيني ..احس بها شي بس مب راضيه ترمس ..
حصه :لا اكيد ابها شي ..انتي بنفسج روحيلها ..
ومن خلصت ميثه من علوم الدين سارت لمزنه ..
ام سعيد :شحالج بنتي ؟ وشحال هلج؟
ميثه :الحمدلله كلنا ابخير .. الا انتو عمتيه مابينتوا من اسبوع ..
ام سعيد وقلبها متقطع ع ولدها :الا هنيه بنتي ماسرنا مكان .. قربي فديتج الميلس ..
ميثه تفتر صوب كل زاويه من البيت .. بحنين : مشكوه عمتيه الا بغيت مزنوه ..بسيرلها الحيره ..
ام سعيد تعين الخبز :سيريلها عيل ..
وميثه من سارت لمزنه .. ومزنه ترمس من طرف خشمها ..
ميثه:اشتقتلج .. الله يغربلج اسبوع !!! مب وايد تشوفينه ..
مزنه بجفى وبرود :الصراحه ماحسيت .. المهم انتي شحالج؟
ميثه:لا والله !! شقايل ماحسيتي ..وانتي من اول ما عرفتيني ما كد تقاطعنا يوم واحد فما بالج بسبوع ..
مزنه :مالي بارض لشي .. كارهه عمريه ..
ميثه:بسم الله عليج بلاج مزنوه فضفضي لي انا اربيعتج؟
مزنه:هه .. اربيعتج .. جيه ماخبرتيني انج محيره لولد عمج؟
وميثه منصدمه:شووه ؟؟محيره لولد عمي !!شو تخورطين انتي!!!
مزنه:على الاقل لو ادري جان ماخليت سعيد يخطبج .. نزلتوا راسنا بين العرب صراحه ..(وافترت عنها الصوب الثاني )..
ميثه بعدها مب مستوعبه الرمسه ..والعبره بدت تخنقها : سعيد خطبني !!! وبويه رده!!!
مزنه :عادي .. سعيد مب مهتم بالسالفه ..
ميثه والدنيا ادور ابها :سعيد خطبني وهلي ردوه وانا ماادري .. محد شاورني محد خبرني ..وتفتر للباب .. مزنوووه والله محد خبرني ..وقامت عبراتها تنزل ..
وهيه ظاهره من حجرة مزنه شافت بدربها سعيد .. ومن الصدمه ماتغشت .. تمت تتطالعه ثواني ودموعها تنزل وتمسحهم بطرف صبوعها .. وسعيد يطالعها ويشوف عيونها اللى عشقها عشق ماله حد وحدود .. عيونها ذبلانه ..عيونها الذبوحيه بدت تنعس من الحزن ..وجان ينزل راسه .. خطفت من عنده بدون لاتقول شي .. وسعيد سار لاخته اللى ظهرت ووقفت عند الباب ..
مزنه والدمعه بعيونها وحزنها على حال خوها واربيعتها .. ومن شافت سعيد ياي صوبها دخلت ..
سعيد:مزنووه ..ميثه تصيح ؟والله ظهرت من عندج تصيح .. شو قلتيلها؟
مزنه العبره خانقتنها:وليش مستهم منها .. الميث لولد عمها ..أنساها خلاص ..
سعيد بعصبيه: حرام عليج ..شو قلتيلها ؟
ومزنه تصيح ..
سعيد :رمسي شو قلتيلها ....؟
مزنه :ماقلت شي .. ماقلت شي .. انا مااريد اشوفك تتعذب جداي بسبتها ..
سعيد : حرام عليج يامزنه ..ميثه اربيعتج من خلقتي .. هيه شو يخصها اذا هلها يتحكمون بمصيرها ؟ .. هي شو ذنبها ؟.. صدقيني هي روحها ماتعرف انها محيره لولد عمها ...ماتعرف ..
ومزنه تصيح .. ويظهر سعيد ويخليها جذيه على حالها ..
وميثه من صدمتها دخلت حجرتها .. وماقدرت تواجه حد من هلها .. شو تقولهم .. ليش رديتوا سعيد ليش رديتوا حبيبي ؟؟؟؟ مستحيل تاخذ قايد مستحييييييييييييييييييييل .. افر عمريه بالبحر ولا اعرس به ..لالالا مستحيل انا اخذه ميثه تاخذ واحد شرات قايد ... لازم اواجه بويه لازم .. لازم اوقفهم عند حدهم ..
وظهرت ميثه تغسل ويها ..وهيه خاطفه في الممر.. شافتها يدوتها ..
يدوه:ماشاء الله كل ها ارقاد ..
وميثه خطفت ولاردت عليها .. ويوم زقروها تتعشى ماطاعت تتعشى وياهم ..
الميث تغير حالها من عقب ما خطبها سعيد .. قامت تجفي الكل .. حتى بوها اللى تمووت عليه .. قامت ماتتريق ولا تتغدى ولاتتعشى وياهم .. واذا سألوها ردت عليهم بطرف خشمها .. حتى العلوم الدينيه ماقامت تاخذها واذا بتغسل الثياب تخلي حمد يوصلها وتغسل بروحها بدون شوفت البنيات ..والعلوم هذي وصلت لبوها .. في مره من المرات ..
بو ميثه .. عصب من اسلوب ميثه اليديد .. ودخل حجرتها ..وشافها يالسه عند الدريشه ومحطيه راسها على ركبها ..ومن دخلت بوها .. صلبت عمرها ويلست ع الشبريه ..
بوحمد:بلاج انتي ؟؟من اسبوعين ماتاكلين ..
ميثه:بويه ماريد مب مشتهيه ..
بوحمد ثاير :مب مشتهيه .. شحقه ؟؟ حد من هلج مات .. بوج مات .. ولا شو ؟؟؟
ميثه تشاهق والدموع بدت اطيح :ليش اداعي على عمرك . ..
بوحمد : يالله نشّي اشوف جدامي ..
ميثه تتطالعه بعين ذبلانه :وين؟
بوحمد:نشّي تعشي؟
ميثه :ماريد ..
و تجدم بوها صوبها سحبها من ايدها وظهرها برى .. والكل منصدم من هالحركه ..
بوحمد يزاعق : خواتج ما سّون سواتج .. اللحين انتي على آخر عمريه بتكسرين جلمتي انا وعمج .. ولد عمج مصيرج تاخذينه بتاخذينه ..تبيني ايوزج ع واحد غريب وولد عمج موجود ..شو تبين العرب يقولون ..
وميثه يالسه عالارض و تناهي بصوت خفيف .. وهلها يالسين ع طرف يتعشون ..وحمد ضاربتنه غصه مايريد قايد ياخذ اخته لانه مايستاهلها ..
بوحمد :ان تميتي على هالحال .. من باجر بتشوفين الملاج بالميلس ..
وميثه من سمعت هالجلام تمت تصيح بصوت عالي ..
ميثه وبصوت متقطع :حرام عليكم .. حرام ..
وهنيه يدوتها وامها نشّن عليها .. بس بوحمد ماخلهن .. وحمد ماقدر يطالع اخته جذيه وهو مب قادر يسويلها شي نش وسار حجرته ..
بوحمد :برايها اميه .. لحد يقرب صوبها خلها تودر عنها هالبزى .. تمي صيحي لين باجر محد بيسمع شورج .. وولد عمج تاخذينه تاخذينه ..
يدوه ظبيه متقطع فوادها :حرام عليك ولديه..
ودخل بوحمد حجرته ودخلت وراه ام حمد عشان تهديه ..ويدوه سارت صوب ميثه اللى يلست تصيح عالارض .. ويدوه تمسح دموعها بطرف شيلتها ..
يدوه تصيح :ميثه اميه .. نشّي فديتج علني ماذوق حزنج عسى .. بلاج اميه ماكله عمرج اكل .. وتذرف دمعاتها الحنونه ..
ميثه محطيه راسها ع ثبان يدوتها :يدوه الله يخليج لاتخلين بويه اييب الملاج .. الله يخليج ماريد اعرس .. ماريده ..
وتمت تقول رمسه تقطع القلب .. وباجرها .. ميثه على نفس الحال ..
في غيابك ياسعيد .. ضاق فيني المكان الدنيا سجن وانا فيها سجين ..الدقايق كئيبه في حدود الزمان .. مااقول الا كلمه وحده ( الله يعين ) ..
ام حمد :ميثه اميه .. اربيعاتج حليلهن في الميلس سيريلهن ..
ميثه محطيه طرف راسها ع حدايد الدريشه :ماريد .. قوليلهم راقده ..
ام حمد :حي ..من يرقد الضحى ..؟
ميثه تتطالع السما ..
ام حمد :بنتي بلاج؟ نشي استانسي وياهم بدال هاليلسه اللى اتييب المرض ..من اسبوع ماظهرتي وياهن ..
ميثه متردده :مزنه وياهم ..
ام حمد :فديتج .. هن ثنتين لطيفه وحصه حليلهن فازعات من اخر الفريج .. نشي سلمي حرام تجفين ابهم ..
ميثه تفكر .. واطيح دموعها وتحاول تمسحها عن تشوفها امها ..
وتظهر ام حمد من بعد ماتلاقي الجواب من عند ميثه ..
ام حمد :الله يهديج يابنتي ويصلح بالج ..
وبنفس هاليوم الفليل .. سار حمد لحجره اخته .. وشافها تقرى قرآن .. حمد ربه لانها هدت اشوي ..
ميثه تسكر القرآن :هلا حمد .. بغيت شي ..؟
حمد :أريد أرمسج .. أريح بالج ..
ميثه مب مهتمه : شوه أسمعك ؟
حمد :الميث أنا مااريدج تاخذين ولد عمنا .. وان شاء الله اذا الله راد مابتاخذينه .. وبحاول ارمس بويه بهالموضوع ..مره ثانيه ..ولا تشلين هّم دام خوج حمد وياج ..
ميثه من بعد مافقدت الامل : قول والله !!!
حمد يتاملها : قايد مايستاهلج ..
ميثه أخيرا بدى يشع بقلبها بصيص من الأمل : فديتك اخويه ..
ومرت الايام .. والميث ومزنه مقاطعين بعض .. وميثه تعودت على جو البيت .. وشوقها لسعيد مقطع فوادها .. من فتره ماشافته ولا شافت مزنه .. يالله فديت روحج يامزنووه اشتقتلج ...
وهناك عند رمله البحر يالس سعيد روحه .. يفكر بهالدنيا الفانيه ..
ترى فرقى الولايف سم قاتل .. ولا له من دوى يسعف بحيله .. مثل معشوق ليلى كد تدون في تاريخ الهوى وآنا مثيله .. آآآاااه ياميثه ..
ويقطع تفكيره خليفه :السلام عليك ..
سعيد يطالعه :وعليك السلام .. من وين ياي ..؟
خليفه :شو من وين ياي ؟ نش المعزب يريدنا نشل اليريد ونكمل العريش.. قم ..
سعيد :سر خبره يعطيني بنته وعقب يصير خير .. قوله اني أحبها وهي تحبنيه ..حرام اللى يفرق بين الخلان ..
خليفه :نش نش هناك بنقوله هالرمسه .. يالله انقفض ..
سعيد يقوم وينفض الرمل من كندورته : ونيت ياخليفه ونات .. ونه لذي في اليوف مطعون ساهر وطول الليل مابات ودمعي جرى من موق لعيون كل السبب سيد البنيات خلا حياتي هم ومزون ..
وسعيد من خلص من العريش اللى سوه .. رد البيت منهد حيله .. نفسيا اكثر من جسميا باضعاف واضعاف .. وفي السكه لمح شمه تلعب بالطين بين بيتهم وبيت ميثه ..سار صوبها ..
بس تم يطالعها دون لايرمسها .. تذكره بميثه يوم كانت صغيره .. نفس النظره ..سبحان الله ..
شمه :سعيد اشفيك ؟
سعيد :ليش تلعبين روحج وين اربيعاتج؟
شمه :سارن البيت ..كل وحده تخاف من بوها ..
سعيد :وانتي ليش ماسرتي ..؟
شمه :اوووه اللحين لاتقولي شرات ميثه ..
سعيد ب وله :ليش ميثه شو تقولج ؟
شمه :ماتخليني العب كله ادخلني البيت واتخبر بويه عليا ..
سعيد يبتسم ويمسح ع راسها : افديت روحج ..
شمه بعفويه وهي تسوي الرمله :اييه ماخبرتك .. أمسات تمت تصيح ماتبا تعرس .. حتى ماتاكل شي ..بويه نازعها تمت تصيح واايد .. ماتبا تعرس ولد عمي تبا تعرس واحد ثاني ..
سعيد قلبه قابضنه .. ويفكر ..
شمه فرحانه بوجود سعيد وياها: سعيد تم العب وياي كل يوم ..
وسعيد سرحان بفكره ..
شمه تتطالعه وتاشر بايدها: ايييه سعيد ..
وسعيد بويه حزين .. ضامي ومن شوفك عيوني يروّن .. والشوق مع قربك يزيد التهابه .. واليوم في بعدك حروفي تطّون .. ترسم حروف الشوق داخل كتابه ياويل من قلب عن البعد هوّن .. من بعد ماظلم الليالي غدابه .. من بعد ما حزن العشق فيه دوّن ..ذيك الرعود اللى ارعدت من عذابه فيه الليالي من قسا الحزن سوّن للدمع في عين المعنى سحابه .. رق الخفوق اللى عروقه تلّون من كثر ماعاف الصبر والتوابه .. مشتاقلك يامن غرامه تكّون في كل مافي الكون صدق وسرابه مشتاق لك يامن لعينه أدوّن أجمل معاني الحب باحلى كتابه ..
*للتنويه : كلمات الشيخ عمر بن زايد آل نهيان "الياه "..الله يطولنا بعمره ..
شمه :ايييييه شوفني ..
شمه تفر عليه رمل بويهه .. وسعيد من الرمل يصد بويه عالصوب الثاني ..
سعيد ينظف ويهه:خسج الله من بنيه ..
وشمه تضحك بصوت عالي .. عايبتنها السالفه ..
سعيد بعيون حاده :بذبحج شمووه ..
بهاللحظه افتر ع يمينه وسمع صوت ميثه تزقر اختها .. ومن شافها تم يطالعها وميثه من شافته اطالعته ثانيه وعقب دخلت ..
شمه تنظف ايدها :اللحين بتنازعني ..
وميثه ورىالباب ..تحس بوسط قلبها شوق ينادي سعيد .. يناديه باعلى صوت بالحيل مشتااااااق ..وثواني وشافت شمه تضحك وترمسه عند الباب ..
سعيد :السلام عليج ..شحالج ؟
ميثه من ورى الباب وعيونها تلمع :وعليك السلام ..ابخير ربي يسلمك .. ومن صوبك ؟
سعيد يطالع شمه وبصوت حزين قطع فواد حبيبته :أنا .. لاتتخبرين .. أنا حالي بلياكم ماتسر العدو حتى..
ميثه صاخه .. وشمه ترد ببراءه :ميثاني شوفي شنبه ولحيته كله طين .. انا فريته بالطين .. وتضحك ..
وبهالرمسه اللى عقتها شمه وشردت .. ضحكت ابها قلوب محطمه .. وابها جروح داميه تنزف سيل من الألم ولوعه الفراق .. سعيد وميثه ..
ميثه تضحك :السموحه ..
سعيد يضحك :تستسمحين ع شوه ؟.. كفايه انها تذكرني بج ..
وميثه ساكته ..والحزن يجيسها كل ثانيه ويقطعها بنبره صوت سعيد ..
سعيد متردد:طلبتج ؟
ميثه :عونك ..
سعيد :اتحملي من عمرج . ..
وميثه ساكته .. ومن سكوتها راح سعيد ..
والأيام تمر .. وتمر .. والميث نست شي اسمه ضحكه من القلب ..
سلامه :ايييييه ميثاني جني ارمس ويه الطوفه .. وففففف..
ميثه سرحانه :شوه ؟
سلامه خاطفه عنها :اميه تقولج شلي الثياب وحطيهن ع الغدان .. يالله انقفضي ..
ميثه تنش ومالها خاطر ابد فشي .. ويدوه ظبيه يالسه توزع الحق الليله لصغاريه .. وعيال عفره ومريم ملتفين حولها ومطفرين ابها ..
الهنوف تخش ايدها :يدوه انا ماعندي حواوه ..
راشد :تكذب يدوه .. اكو مخباها متروس ..ويصرق من مخبى الهنوف .. وهيه تصارخ ..
الهنوف :آآآآآآآآآآآآآآآآآآآآآآآآآآآآآآآآ
شمه : رشووود السبااااااااااااااااااال ..
يدوه تزاعق:يوز عنها حسبيه الله عليكم ..
بطي يخش ايده في البقشه ويشرد ..
يدوه ظبيه :ويديه .. غربلك الله من صبّي .. تعالي الريم شلي ولدج ..
مريم خاطفه في الممر: بطوي .. رّد اللى خذيته .. عيب ..
بس بطي ظهر وماسمع الرمسه .. بهاللحظه دخل قايد .. والبنات اللى يالسات في الليوان تلثمن .. والميث ربعت الحجره ..
مريم :قايد جان مسكت بطي ودخلته ..
قايد :جفته الطفس يالس يتراكض في السكه .. زقرته مارد عليه ..
قايد يفتر بين الحجر والليوان :مريم .. الميث وين ؟
مريم تطالعه :اشدارانيه ابها .. وسارت ..
و يفتر صوب يدوه ويشوف اليهال :هههههههههههه يدتيه والله ملعوزه بعمرج ..
يدوه : روح هاتلي تّب تحت ذيج الصرمه .. انقفض ..
وقايد يفتر .. ويطالع الحجر .. وهو داش الحوطه مال النخل .. شاف ميثه يالسه تسقي الشتلات الصغيره مالت بوها .. ووياها شمه ..
قايد :السلام عليكم ..
وقايد من شافها غصب عنه نزل راسه مايدري ليش ؟ أول مره يسويها ويه الميث .. اقشعر يمبه من شافها .. حسها جريبه من قلبه وايد ..
وميثه من سمعت صوت ريال تغشت ..
ميثه منصدمه بوجوده هنيه وبجفى :وعليك السلام ..
وقايد يطالعها .. ويطالع الحوي وراه..
قايد :يدوه تريد التّب هذا ..
وميثه احلى طاف .. وشمه يالسه تلعب ..
ميثه من خلصت :يالله شموه نظهر .. بويه بيهزبج ان خربتي زرعه ..
قايد :ايييييه انتي .. يالسه ارمسج ..؟
وميثه خطفت من عنده تسحب وراها شمه ..
ميثه :شماني طوفي ..
قايد يسمعها: ماعليه ان ماخليتج تندمين عهالحركه .. براويج يابنت العم ..
ومن حركه ميثه .. ظهر قايد مضايج من بيت عمه ..
وقايد من سار عند ربعه وهو باله ويه بنت عمه .. ليش تقسى عليه .. وهيه كل الرقه والنعومه آااه منها تقهرررررررررر .. انا خليتها جذيه بسبب معاملتي لها .. أنا لازم اكسب ودها ورضاها .. مره ثانيه ..
غيث :حوووووووه ..
فلاح يضحك: اشحالها ؟
غيث يتمصخر:يااخي اريد أحب ..
فلاح :لابويه .. اللهم عافينا منو يدور المرض .. شوف ولد راشد ..
غيث:شو بلاه؟
قايد : ليش شو فيه سعيد بن راشد ؟
فلاح ارتبك :هاه .. لا ماشي بس جي شكله تعبان وضعفان وايد هاليومين .. قلت يمكن الريال يحب ..
غيث :لالالا شكله قايد طاح طيحه ..
قايد :وفففف .. سيروا انزين .. ونش عنهم ..
وربعه يضحكون عليه ..
فلاح :انته ماتدري انه سعيد ولد راشد خطب بنت سعيد .. اللى هيه بنت عم قايد ..
غيث منصدم : وبوحمد ماقرببهم؟
فلاح :لا يالخوي ماقرب به .. أنا اقول يمكن امبينهم شي .. يعني يحب بنت بوحمد ..
غيث :والله مايستاهل سعيد .. ريال والنعم به ..
فلاح يفكر :هزرك يحبها؟
غيث بعين الصقر :وانته شلك باعراض الناس ..
وتم غيث يفكر بسعيد .. صدق مايستاهل هالريال .. وعقبها سار غيث القهوه ويه قايد .. وهم يالسين .. دخلو سعيد وخليفه ويلسو ع طرف ..وسعيد من شاف قايد عوره قلبه ..
قايد : بلاه ولد راشد .. كنه شايل هموم الدنيا ع راسه ؟
غيث بعفويه :ليش ماتدري انه خطب بنت عمك .. وعمك ماقربهم ؟
قايد منصدم :شوووووه ؟؟خطب ميثه ..
غيث:لاتقول ماتعرف .. شقايل وانته ولد عمها ..
قايد يفز :منوه خبرك انته؟
غيث يفتر في القهوه وبصوت واطي :ايلس .. فضحتنا بلاك اتزاعق ..
وقاله السالفه كلها .. وقايد معصب حده .. وهو ظاهر اطالع سعيد وخليفه بنظره .. وظهر ..وسار دكان فلاح ..
غيث :ياريال استهدي بالله .. والله مايرزى ..
ومن وصلو الدكان .. هبشه قايد من صدره ..
فلاح بنظره حاده :شوو بلاك ؟
قايد :ترمس عن بنت عمي شحقه .. ترمس من ورى ظهري .. ليش ماقلت ذيج الرمسه وانا اهناك ..ليييش هاه رمس ..
وفلاح شل ايده ونزلها بقوه :روووح انزين .. شف عمرك ..تسد سواتك ذيج المره .. وسعيد يوم ضربك وخلك ماتسوى بيزه .. هه .. مستقوي علينا شحقه ..
وقايد ماقدر يستحمل زود .. تم يضربه ويشوته .. وفلاح ماقصر .. والعرب يتفازعون .. حتى غيث ضاع امبينهم .. هو مايقصد يسوي هالمشكله ظهرت منه عفويه ..
قايد يمسح الدم اللى ظهر من حلجه بطرف كندورته ..: والله ان يبت طاري بنت عمي ع السانك ..لاتلوم الا نفسك .. بنت عمي أشرف من هذا اللى تقوله ..
فلاح ينافخ بصعوبه :جب جب روحك خديه .. ماتنلام .. مضيع مذهبك
وميثه مب داريه عن شي .. وفي يوم من الايام .. وميثه يالسه فحجرتها سمعت حد يدق الييدار .. استانست .. هذي أكيد مزنه .. فديتج مزنووووه .. وسارت السطح ..
مزنه بشوق: فديت روحج ..
ميثه عيونها تدمع :يالله يامزنه هانت عليج صداقتنا ..
مزنه تيود ايد ميثه :علني ماانحرم منج يالغاليه .. سامحيني ع القصور..
ميثه : فديت روحج .. أريد اشوف ويهج أكيد احلويتي ..
مزنه :هه .. انتي ماتشوفين حالتي دونج .. والله كني يالسه فعزى ..
ميثه :وأنا مب أخير عنج ..
وثواني ..
ميثه تتذكر سعيد : اشحاله ؟
مزنه: ابخير لاتحاتينه .. بس انتي غاديه ضعيفه وايد ..
ميثه بحزن :مزنه .. أنا روحي وحيده فهالدنيا بدونج انتي وسعيد .. من يوم ردو سعيد و انتي ودرتيني وانا مب فحاله ..
مزنه :لج وعد مني من اليوم ورايح بكون وياج وماراح اتخلى عنج ..
قايد يمشي في السكه ياي من المسيد .. و يالس على نار .. ومضايج من الرمسه اللى سمعها .. معقوله سعيد وميثه بينهم شي ؟؟؟ يعني شّكي طلع صدق .. سعيد يحبها ..! شو هالدنيا .. يوم قلبي خفق بحبها دريت انه قلبها واهبتنه لغيري .. ليش بس ليييش ؟؟ والله انج يادنيا دواره ومافيج خير .. وتم قايد ذيج الليله يهاذي بانسانه اسمها "ميثه "
وباجرها من الغبشه ..الشبيبه متوالفين يسوون العريش .. وبوحمد كان وياهم ..
وقايد يالس يطالع سعيد .. بنظرات حقد وغيره وسعيد كان يشتغل بضمير ومب حاس بالحوليه .. وقايد مايدري انه في عيون تراقبه .. كانت هذي عيون خليفه
خليفه :قايد .. فازعني بهاليريد .. يالله نريد نخلصه اليوم ؟
قايد : ماحصلت غيري .. ونش عنه ..
خليفه :ههههههههههههههههههههه ماحصلت غيري .. ليش معصب انزين ..! تعال كفخني شو رايك؟ ..
قايد يشل اليريد روحه : واللى يسلمك .. روحي اللى فيني مكفيني لاتزيد عليه ..
وعقب من خذو يلسه استراحه .. قايد وغيث يالسين ع طرف ..
قايد يفتر بكل صوب :وين سعيد ؟
غيث:زقره بوحمد .. يمكن سار الدكان ..
قايد :هذوه عمي .. يعني مودرنه بالدكان روحه ..
غيث : ماادريبه والله ..
بهاللحظه نشّ قايد .. وسار دكان عمه .. وشاف سعيد وحمد يالسين هناك .. ويلس وياهم .. وطبعا سعيد وقايد جافيين بعض .. وقايد يالس يخطط فباله أشيا وايده .. ..
حمد ينش :سعيد تم انته في الدكان وانا بروح البيت اشوي وبرد ..
سعيد :لاتبطي .. روحي عندي شغل مكود ..
وقايد يطالعه .. وسعيد مب مفتكر به ولاكنه موجود ..
قايد بخبث : سمعت انك خطبت بنت عمي .. وردوك ..
سعيد بطرف عينه : اسمحلنا مادريت اني خاطبنها فوق خطبتك ..
قايد منقهر من بروده :لا مسموح يوم ماعندك علم ..
وسعيد مجروح من هالرمسه الا انه يكابر .. يكابر بمشاعره واحاسيسه ..
قايد يطالعه .. وبهاللحظه استغل قايد انشغال سعيد ويه الزباين .. فتح الدرج وخذ صرّه البيزات .. وراح .. واشوي وبوحمد راد .. وسعيد اترخص منه ..
وعند البحر .. قايد يالس يطالع البيزات ويحسبهن .. ومن وراه ..
غيث منصدم :اللللله .. فلووووس من وين لك كل هالبيزات ..
قايد : الله يغربلك فلختبي ..
غيث:من وين لك هالفلوس؟
قايد مرتبك :وانته شلك تتخبر .. ااا بويه عطني اياهن ..
غيث :معقوله عمي بوحميد يفر لك هالفلوس كلها .. هذي بتعيشك سنين ..
قايد :شو مقصدك ؟
غيث وعيونه عالفلوس:هاه .. لاماشي .. امايه تريد تخطبلي وانا احيرها لاني بعدي مالوفت بيزات .. يعني اقولك شرايك نتقاسمها ونعرس ابها..
قايد :شووووووووووووو .. وايد أحلامك كبيره ..
غيث :روبتين من صوبي .. حليلي ..
وباجرها الدنيا بعدها رطبه وريحه الطين تفوح بكل بقعه .. وميثه والبنات سايرات بيت المطوع .. ويشوفون لمه عرب صوب الدكاكين .. والبنات يبن يعرفن السالفه ..
مزنه :بلاهم العرب ملتمين جيه ؟
والبنات يطالعن ..
ميثه : يالله ترحمنا .. اخاف حد منهم صايبنه شي ..
ولا اشوي صبّي يربع من جداهم .. ويباغم ..
الولد :صرقو بوحمد .. صرقو بوحمد ..
ميثه منصدمه :شووووو؟؟ وزقرته ...
لطيفه :صرقو بوحمد !!!!!!!
الولد :أقولج صرقو بوحمد .. صرقو البيزات من دكانه ..وسار ..
وميثه ردت البيت هيه ومزنه .. ولطيفه وحصه كملن دربهن ..
ميثه مستهمه ع بوها :فديتك يابويه جانك من سنين تكد هالبيزات واخر شي تنهف عنك ..
مزنه :منو هاللى مايخاف ربه يسوي جذيه .. عاد بيزات مره وحده .. بنقول خبز ولا سمج ..
وهن يمشن في السكيك .. شافن سعيد ويه خليفه وسعيد محتشر لدرجه انه ماشاف البنات وهن يمرن جداه ..
سعيد:والله مايخصني ياخليفه .. انا البارحه اصلن مافتحت الدرج موليه .. حتى السمج اللى بعته بغياب حمد .. الفلوس سلمتها بايد بوحمد بنفسي .. ماحطيت شي بالصرّه ..
خليفه :الله يهديك ياسعيد انته تخبرني .. انا اعرفك محشوم عن هالسوايا .. بس خلنا نتفاهم ويه بوحميد هذا حاشر الدنيا ..
يالله ...
امممممممممممم هالمره أريد تحليل في الشخصيات ..
يالله ظهروا ابداعكم في التحليل ...
تلع لعناق
الجزء الثالث
باجرها اتفق بو سعيد ويه بو حمد يقربونهم بعد صلاه المغرب .. وميثه ذاك الوقت كانت فبيت عمها ويه اختها سلامه ..و قوم بوسعيد وبوميثه يالسين بالميلس .. بوحمد ويه بوسعيد يرمسون بالشغل .. وحمد يالس يصّب القهوه .. وسعيد ضاربنه حفوز مب طبيعي ويفكر بميثه ومب مصدق بانه اخيرا بيخطبها وبتستوي حلاله ..
بوسعيد :بو حمد نحنا يايين صوبكم اليوم وشاريين بنتك لولديه سعيد ..
بوحمد وويهه متغير ومتردد بنفس الوقت : والله ماادري شو اقولك ياراشد !! لكن انا ماعندي غير وحده وهي ميثه .. وهذي بعدها عودها طري مب مال عرس ..
وبوحمد يرمس هالرمسه وسعيد راسه يدور به .. والدنيا بدت تظلم بويهه .. مب عارف بشو يفكر ..ولا شو يرد عليه ..!!
سعيد :عمي .. ماعليه انا برقبها ماعندي مانع ..
بوحمد: والله لو عندي بنت غير ميثه ياسعيد ما بياخذها غيرك .. الا ميثه محيرنها لولد عمها .. جان بترقب شمه عقب ثمان سنين من صوبك ..
بوسعيد مستغرب :والله !! اسمحلنا يابوحمد والله ما عندناعلم .. ولا خبر ..
وسعيد يحس بقلبه يتفتت لاشلاء .. والدنيا تدور به ... ومب مستوعب اللى يقوله بوحمد ..
بوحمد : لنا الشرف يابوسعيد نناسبكم الا مثل مادريتوا مقربين بولد عمها .. ولا والله سعيد ماينرد وجان عندي بنيه غيرها جان يوزتها له ..
بوسعيد :ماعليه يابوحمد مالنا نصيب بكم .. بنترخص نحن ..
بوحمد: ماتنشون العشى عندي الليله ..
وسعيد طول ذيج الفتره صاخ .. مب عارف لحاله .. كل اللى يفكر به انه ميثه مب له .. ميثه مخطوبه لولد عمها ..بس هذا اللى في باله ..
بوسعيد ينش: مره ثانيه ان شاء الله يابوحمد .. مشاغل الدنيا ورانا ..
بوحمد:اسمحلي ع القصور ياراشد ..
بوسعيد :والله مابدى منكم أي قصور ياسعيد ..
وعند ظهرتهم وبالسكه وبو سعيد غامضنه ولده .. وهو يشوفه ساكت ..
بوسعيد ميود جتف ولده : ماعليه سعيد ياولديه ماعليه .. مالك نصيب ابها ..اتخير وحده من البنيات الفريج وانا بسير اخطبلك ..ألف من تتمناك يابوعسكور ..
سعيد والدمعه حايره وسط عينه :ماايي منك قصور يابويه .. انا بسير بيت اربيعي خليفه ..
ويدخل بوسعيد بيته وهو هاد ولده وراه بدايره الهموم والعذاااااب ..
صرت أنا واياها ضمن التايهين .. والحزن في دربنا توا استهل .. ليش يادنيا في ويهي تعبثين .. ؟؟ليش يادنيا في ويهي تعبسين ؟؟ ليش ياربي في ويهي تعبسين ؟؟متى حظي المايل ياربي يعتدل .. متى؟؟؟؟
وفي ميلس قوم خليفه .. سعيد يالس يتريا خليفه .. ويحس بدموعه متيمعه بعينه وخاطرها اطيح وتستريح وتريح سعيد معاها .. خاطره يشاهق وينوح .. الا مب قادر ..
خليفه يتفحص ويه اربيعه : ها بشر عسى ... وسكت يتفحصه ...و ثواني .. ماقربوبك؟؟؟رمس؟؟
سعيد ودمعه حاره نازله ع خده اليمين :خليفه .. ميثه مخطوبه لولد عمها ياخليفه ..ميثه خلااااااص راحت ..
خليفه :شووه..؟
سعيد بحزن :راحت ..
خليفه متغصص:حرااااام ليش ؟؟ ليش ؟؟دام انكم تحبون بعض ليش يحرمونكم من بعض ..
سعيد يهز راسه :روحت خلاص .. روحت ..
خليفه يمسك راسه :استغفر الله ..ويرد يطالع اربيعه بحزن..
سعيد :أحبها .. حياتي ماتكتمل دونها .. أنا محتايها ياخليفه ..محتايها ..ماتخيل ميثه تكون لغيري .. مااتخيل ..
خليفه يطالع اربيعه :كافي ياسعيد دخيلك .. ربك مب كاتبنها لك .. أنساها ..
سعيد افتر صوب خليفه :أنساها !! انته تخبلت .. كيف تقولي انساها وانته اكثر واحد تعرف حبي لها ..بهالسهوله تقولي انساها .. كيف انسى من رسمت احلامي وياها و انا صغير .. خليفه القول سهل بس الفعل صعب .. صعب موووت ..
خليفه يثور :ياخي مب من نصيبك .. لازم تنساها ..
سعيد :ضااامي ومن شوفتها عيوني يروّن ..(ويسند راسه عالييدار ) وواللحين منوه بيرويها عيوني .. حليلج ياعيونيه ؟؟
خليفه يطالع اربيعه :قم نّش ..قااام .. مب سعيد اللى بينخضع راسه بسبة الهوى .. قم ..
سعيد :خليفه حس بي يوفي مطعون ..
خليفه :قول لن يصيبنا الا ماكتبه الله لنا ..
وذيج الليله ماقدر خليفه يمنع سيل دموعه .. لشوفه اربيعه محطم جداه ..
وبوحمد خبر امه وحرمته بكل شي .. ووصاهن مايخبرن ميثه شي .. وام حمد فخاطرها كانت تريد سعيد لبنتها بس يدوه ظبيه كانت تريد قايد لميثه وولد عمها وهو اولى ابها ..وميثه من ردت وهيه بحجرتها ومب حاسه بشي ..
وبذيج اللحظه بدى الغيث ينزل ..وميثه ظهرت من حجرتها .. وتتطالع يدوتها يالسه في الليوان ..
ميثه :يدوه اعقصيه شعريه.. تلعوزت منه ففففف .. بقصه اخير لي ..
يدوه ظبيه تتطالعها : بقص رقبتج قبل ماتقصينه ..
ميثه تضحك بغنج :ههههههههههههه وأهون عليج ..؟
يدوه ظبيه تحب راسها :فديت روحج ماتهونين عليا ..
ميثه تضحك وتفتر حول يدتها وتحبها براسها وبويها ..
ميثه :علني مااخلا من ذا الويه السموح .. الله يطولنا بعمرج ..
يدوه :ان شاء الله اشوفج عروس انتي وشمه واشوف عيالكن.. وتبتسم ..
ميثه تعدل عقصها :يدوه وانا كلما ايلس وياج اسمع شرا هالرمسه ..
يدوه ظبيه :اشبلاها هالرمسه مايازتلج .. البنيه مالها الا بيت ريلها هذا هو سترها ..
ميثه تفكر بسعيد وتمت تتطالع النفاف وتتامل الصبّه بنظره حالمه .. وما ردت على يدوتها ..
وباجرها المطر بعده صبيب ..وميثه من يومين ماشافت مزنه .. ادق عليها الييدار ومحد يرد .. تمت تحاتي مب بالعاده ينقطعون يومين ورا بعض ومايتشاوفون ..
ميثه :شمامي فديتج روحي بيت مزنه وقولي لها ميثه تسال عنج .. يالله سيري ..
شمه تفتر صوب يدوتها:مابسير مابسير ..
ميثه يلست جداها :يالله شمووه .. اذا تحبين بابا ..
شمه تروح عنها بعيد :مابسير ..اخاف ..
ميثه:انا وياج يالطمه ..بوصلج ..
ام حمد :ويديه .. وين بطرشينها؟
ميثه تفتر حول امها:هنيه جريب ..بيت عمي راشد ..اتخبر عن مزنووه ..اتصدقين امايه من يومين مقاطعتني ..
ام حمد :انتي ماتشوفين السيل ماوقف بطرشين هالياهل روحها ..
ميثه تتطالعهم:عيل انا بسير ..
يدوه :اصص أحش ريولج حش ان قبضتي الباب .. ثقلي من يخف السيل روحيلها ..
وميثه من غصتها سارت وضربت شمه ..وشمه صاحت ..
ام حمد :ماعليه العلوم عند بوج يالهرمه ..
يدوه تهدي شمه ويلستها فثبانها : حسبيه الله عليج ..جانج محطيه راسج براس هالياهل ..
ميثه:اوووووه انتوا اشفيكم ماتحسون ..
يدوه:ظهريه من هنيه .. مسودت الويه ..
ميثه تثور عنهم :روحي ظاهره بدون لاترمسون ..من زين اليلسه وياكم ...
يدوه :يبالج وسم ..ع طوله اللسان هذي ..
ومر رابع يوم وخامس يوم والمطر بعده ماوقف ..اسبوع كامل ماتعرف اخبار سعيد ولا شافت مزنه ..
حمد :ميثوووه خطيلي كندورتي انطرت ؟
ميثه بدون لاتتطالعه :مالي بارض ظهر برى ..
حمد فاج عيونه:اييييه شو ظهر برى ..انتي ماتستحين ؟يالله ..نشّي خيطيلي..
ميثه بتعب :شوه؟
حمد:اقولج خيطي كندورتي .. وفرها بويها وظهر ..
وميثه تعبانه مالها خاطر تسوي شي .. شوق سعيد والوله اللى بقلبها معذبنها مووت ..
ميثه والدمعه بعيونها وتتطالع الدريشه:وينك ؟؟
وعالرواح وقف المطر .. وميثه مستانسه لانها بتشوف مزنه .. وسارت عند حرمه المطوع وماحصلتها هناك .. وباجرها غسلن الثياب وبعد مايت ..
لطيفه:هزرج شو فيها؟
ميثه بحزن :ماادري والله ..انا كلما اطرش شموه اختي تقولها ..مشغوله او تعبانه او سارت بيت خالتها .. اول مره تسويها مزنووه فيني ..احس بها شي بس مب راضيه ترمس ..
حصه :لا اكيد ابها شي ..انتي بنفسج روحيلها ..
ومن خلصت ميثه من علوم الدين سارت لمزنه ..
ام سعيد :شحالج بنتي ؟ وشحال هلج؟
ميثه :الحمدلله كلنا ابخير .. الا انتو عمتيه مابينتوا من اسبوع ..
ام سعيد وقلبها متقطع ع ولدها :الا هنيه بنتي ماسرنا مكان .. قربي فديتج الميلس ..
ميثه تفتر صوب كل زاويه من البيت .. بحنين : مشكوه عمتيه الا بغيت مزنوه ..بسيرلها الحيره ..
ام سعيد تعين الخبز :سيريلها عيل ..
وميثه من سارت لمزنه .. ومزنه ترمس من طرف خشمها ..
ميثه:اشتقتلج .. الله يغربلج اسبوع !!! مب وايد تشوفينه ..
مزنه بجفى وبرود :الصراحه ماحسيت .. المهم انتي شحالج؟
ميثه:لا والله !! شقايل ماحسيتي ..وانتي من اول ما عرفتيني ما كد تقاطعنا يوم واحد فما بالج بسبوع ..
مزنه :مالي بارض لشي .. كارهه عمريه ..
ميثه:بسم الله عليج بلاج مزنوه فضفضي لي انا اربيعتج؟
مزنه:هه .. اربيعتج .. جيه ماخبرتيني انج محيره لولد عمج؟
وميثه منصدمه:شووه ؟؟محيره لولد عمي !!شو تخورطين انتي!!!
مزنه:على الاقل لو ادري جان ماخليت سعيد يخطبج .. نزلتوا راسنا بين العرب صراحه ..(وافترت عنها الصوب الثاني )..
ميثه بعدها مب مستوعبه الرمسه ..والعبره بدت تخنقها : سعيد خطبني !!! وبويه رده!!!
مزنه :عادي .. سعيد مب مهتم بالسالفه ..
ميثه والدنيا ادور ابها :سعيد خطبني وهلي ردوه وانا ماادري .. محد شاورني محد خبرني ..وتفتر للباب .. مزنوووه والله محد خبرني ..وقامت عبراتها تنزل ..
وهيه ظاهره من حجرة مزنه شافت بدربها سعيد .. ومن الصدمه ماتغشت .. تمت تتطالعه ثواني ودموعها تنزل وتمسحهم بطرف صبوعها .. وسعيد يطالعها ويشوف عيونها اللى عشقها عشق ماله حد وحدود .. عيونها ذبلانه ..عيونها الذبوحيه بدت تنعس من الحزن ..وجان ينزل راسه .. خطفت من عنده بدون لاتقول شي .. وسعيد سار لاخته اللى ظهرت ووقفت عند الباب ..
مزنه والدمعه بعيونها وحزنها على حال خوها واربيعتها .. ومن شافت سعيد ياي صوبها دخلت ..
سعيد:مزنووه ..ميثه تصيح ؟والله ظهرت من عندج تصيح .. شو قلتيلها؟
مزنه العبره خانقتنها:وليش مستهم منها .. الميث لولد عمها ..أنساها خلاص ..
سعيد بعصبيه: حرام عليج ..شو قلتيلها ؟
ومزنه تصيح ..
سعيد :رمسي شو قلتيلها ....؟
مزنه :ماقلت شي .. ماقلت شي .. انا مااريد اشوفك تتعذب جداي بسبتها ..
سعيد : حرام عليج يامزنه ..ميثه اربيعتج من خلقتي .. هيه شو يخصها اذا هلها يتحكمون بمصيرها ؟ .. هي شو ذنبها ؟.. صدقيني هي روحها ماتعرف انها محيره لولد عمها ...ماتعرف ..
ومزنه تصيح .. ويظهر سعيد ويخليها جذيه على حالها ..
وميثه من صدمتها دخلت حجرتها .. وماقدرت تواجه حد من هلها .. شو تقولهم .. ليش رديتوا سعيد ليش رديتوا حبيبي ؟؟؟؟ مستحيل تاخذ قايد مستحييييييييييييييييييييل .. افر عمريه بالبحر ولا اعرس به ..لالالا مستحيل انا اخذه ميثه تاخذ واحد شرات قايد ... لازم اواجه بويه لازم .. لازم اوقفهم عند حدهم ..
وظهرت ميثه تغسل ويها ..وهيه خاطفه في الممر.. شافتها يدوتها ..
يدوه:ماشاء الله كل ها ارقاد ..
وميثه خطفت ولاردت عليها .. ويوم زقروها تتعشى ماطاعت تتعشى وياهم ..
الميث تغير حالها من عقب ما خطبها سعيد .. قامت تجفي الكل .. حتى بوها اللى تمووت عليه .. قامت ماتتريق ولا تتغدى ولاتتعشى وياهم .. واذا سألوها ردت عليهم بطرف خشمها .. حتى العلوم الدينيه ماقامت تاخذها واذا بتغسل الثياب تخلي حمد يوصلها وتغسل بروحها بدون شوفت البنيات ..والعلوم هذي وصلت لبوها .. في مره من المرات ..
بو ميثه .. عصب من اسلوب ميثه اليديد .. ودخل حجرتها ..وشافها يالسه عند الدريشه ومحطيه راسها على ركبها ..ومن دخلت بوها .. صلبت عمرها ويلست ع الشبريه ..
بوحمد:بلاج انتي ؟؟من اسبوعين ماتاكلين ..
ميثه:بويه ماريد مب مشتهيه ..
بوحمد ثاير :مب مشتهيه .. شحقه ؟؟ حد من هلج مات .. بوج مات .. ولا شو ؟؟؟
ميثه تشاهق والدموع بدت اطيح :ليش اداعي على عمرك . ..
بوحمد : يالله نشّي اشوف جدامي ..
ميثه تتطالعه بعين ذبلانه :وين؟
بوحمد:نشّي تعشي؟
ميثه :ماريد ..
و تجدم بوها صوبها سحبها من ايدها وظهرها برى .. والكل منصدم من هالحركه ..
بوحمد يزاعق : خواتج ما سّون سواتج .. اللحين انتي على آخر عمريه بتكسرين جلمتي انا وعمج .. ولد عمج مصيرج تاخذينه بتاخذينه ..تبيني ايوزج ع واحد غريب وولد عمج موجود ..شو تبين العرب يقولون ..
وميثه يالسه عالارض و تناهي بصوت خفيف .. وهلها يالسين ع طرف يتعشون ..وحمد ضاربتنه غصه مايريد قايد ياخذ اخته لانه مايستاهلها ..
بوحمد :ان تميتي على هالحال .. من باجر بتشوفين الملاج بالميلس ..
وميثه من سمعت هالجلام تمت تصيح بصوت عالي ..
ميثه وبصوت متقطع :حرام عليكم .. حرام ..
وهنيه يدوتها وامها نشّن عليها .. بس بوحمد ماخلهن .. وحمد ماقدر يطالع اخته جذيه وهو مب قادر يسويلها شي نش وسار حجرته ..
بوحمد :برايها اميه .. لحد يقرب صوبها خلها تودر عنها هالبزى .. تمي صيحي لين باجر محد بيسمع شورج .. وولد عمج تاخذينه تاخذينه ..
يدوه ظبيه متقطع فوادها :حرام عليك ولديه..
ودخل بوحمد حجرته ودخلت وراه ام حمد عشان تهديه ..ويدوه سارت صوب ميثه اللى يلست تصيح عالارض .. ويدوه تمسح دموعها بطرف شيلتها ..
يدوه تصيح :ميثه اميه .. نشّي فديتج علني ماذوق حزنج عسى .. بلاج اميه ماكله عمرج اكل .. وتذرف دمعاتها الحنونه ..
ميثه محطيه راسها ع ثبان يدوتها :يدوه الله يخليج لاتخلين بويه اييب الملاج .. الله يخليج ماريد اعرس .. ماريده ..
وتمت تقول رمسه تقطع القلب .. وباجرها .. ميثه على نفس الحال ..
في غيابك ياسعيد .. ضاق فيني المكان الدنيا سجن وانا فيها سجين ..الدقايق كئيبه في حدود الزمان .. مااقول الا كلمه وحده ( الله يعين ) ..
ام حمد :ميثه اميه .. اربيعاتج حليلهن في الميلس سيريلهن ..
ميثه محطيه طرف راسها ع حدايد الدريشه :ماريد .. قوليلهم راقده ..
ام حمد :حي ..من يرقد الضحى ..؟
ميثه تتطالع السما ..
ام حمد :بنتي بلاج؟ نشي استانسي وياهم بدال هاليلسه اللى اتييب المرض ..من اسبوع ماظهرتي وياهن ..
ميثه متردده :مزنه وياهم ..
ام حمد :فديتج .. هن ثنتين لطيفه وحصه حليلهن فازعات من اخر الفريج .. نشي سلمي حرام تجفين ابهم ..
ميثه تفكر .. واطيح دموعها وتحاول تمسحها عن تشوفها امها ..
وتظهر ام حمد من بعد ماتلاقي الجواب من عند ميثه ..
ام حمد :الله يهديج يابنتي ويصلح بالج ..
وبنفس هاليوم الفليل .. سار حمد لحجره اخته .. وشافها تقرى قرآن .. حمد ربه لانها هدت اشوي ..
ميثه تسكر القرآن :هلا حمد .. بغيت شي ..؟
حمد :أريد أرمسج .. أريح بالج ..
ميثه مب مهتمه : شوه أسمعك ؟
حمد :الميث أنا مااريدج تاخذين ولد عمنا .. وان شاء الله اذا الله راد مابتاخذينه .. وبحاول ارمس بويه بهالموضوع ..مره ثانيه ..ولا تشلين هّم دام خوج حمد وياج ..
ميثه من بعد مافقدت الامل : قول والله !!!
حمد يتاملها : قايد مايستاهلج ..
ميثه أخيرا بدى يشع بقلبها بصيص من الأمل : فديتك اخويه ..
ومرت الايام .. والميث ومزنه مقاطعين بعض .. وميثه تعودت على جو البيت .. وشوقها لسعيد مقطع فوادها .. من فتره ماشافته ولا شافت مزنه .. يالله فديت روحج يامزنووه اشتقتلج ...
وهناك عند رمله البحر يالس سعيد روحه .. يفكر بهالدنيا الفانيه ..
ترى فرقى الولايف سم قاتل .. ولا له من دوى يسعف بحيله .. مثل معشوق ليلى كد تدون في تاريخ الهوى وآنا مثيله .. آآآاااه ياميثه ..
ويقطع تفكيره خليفه :السلام عليك ..
سعيد يطالعه :وعليك السلام .. من وين ياي ..؟
خليفه :شو من وين ياي ؟ نش المعزب يريدنا نشل اليريد ونكمل العريش.. قم ..
سعيد :سر خبره يعطيني بنته وعقب يصير خير .. قوله اني أحبها وهي تحبنيه ..حرام اللى يفرق بين الخلان ..
خليفه :نش نش هناك بنقوله هالرمسه .. يالله انقفض ..
سعيد يقوم وينفض الرمل من كندورته : ونيت ياخليفه ونات .. ونه لذي في اليوف مطعون ساهر وطول الليل مابات ودمعي جرى من موق لعيون كل السبب سيد البنيات خلا حياتي هم ومزون ..
وسعيد من خلص من العريش اللى سوه .. رد البيت منهد حيله .. نفسيا اكثر من جسميا باضعاف واضعاف .. وفي السكه لمح شمه تلعب بالطين بين بيتهم وبيت ميثه ..سار صوبها ..
بس تم يطالعها دون لايرمسها .. تذكره بميثه يوم كانت صغيره .. نفس النظره ..سبحان الله ..
شمه :سعيد اشفيك ؟
سعيد :ليش تلعبين روحج وين اربيعاتج؟
شمه :سارن البيت ..كل وحده تخاف من بوها ..
سعيد :وانتي ليش ماسرتي ..؟
شمه :اوووه اللحين لاتقولي شرات ميثه ..
سعيد ب وله :ليش ميثه شو تقولج ؟
شمه :ماتخليني العب كله ادخلني البيت واتخبر بويه عليا ..
سعيد يبتسم ويمسح ع راسها : افديت روحج ..
شمه بعفويه وهي تسوي الرمله :اييه ماخبرتك .. أمسات تمت تصيح ماتبا تعرس .. حتى ماتاكل شي ..بويه نازعها تمت تصيح واايد .. ماتبا تعرس ولد عمي تبا تعرس واحد ثاني ..
سعيد قلبه قابضنه .. ويفكر ..
شمه فرحانه بوجود سعيد وياها: سعيد تم العب وياي كل يوم ..
وسعيد سرحان بفكره ..
شمه تتطالعه وتاشر بايدها: ايييه سعيد ..
وسعيد بويه حزين .. ضامي ومن شوفك عيوني يروّن .. والشوق مع قربك يزيد التهابه .. واليوم في بعدك حروفي تطّون .. ترسم حروف الشوق داخل كتابه ياويل من قلب عن البعد هوّن .. من بعد ماظلم الليالي غدابه .. من بعد ما حزن العشق فيه دوّن ..ذيك الرعود اللى ارعدت من عذابه فيه الليالي من قسا الحزن سوّن للدمع في عين المعنى سحابه .. رق الخفوق اللى عروقه تلّون من كثر ماعاف الصبر والتوابه .. مشتاقلك يامن غرامه تكّون في كل مافي الكون صدق وسرابه مشتاق لك يامن لعينه أدوّن أجمل معاني الحب باحلى كتابه ..
*للتنويه : كلمات الشيخ عمر بن زايد آل نهيان "الياه "..الله يطولنا بعمره ..
شمه :ايييييه شوفني ..
شمه تفر عليه رمل بويهه .. وسعيد من الرمل يصد بويه عالصوب الثاني ..
سعيد ينظف ويهه:خسج الله من بنيه ..
وشمه تضحك بصوت عالي .. عايبتنها السالفه ..
سعيد بعيون حاده :بذبحج شمووه ..
بهاللحظه افتر ع يمينه وسمع صوت ميثه تزقر اختها .. ومن شافها تم يطالعها وميثه من شافته اطالعته ثانيه وعقب دخلت ..
شمه تنظف ايدها :اللحين بتنازعني ..
وميثه ورىالباب ..تحس بوسط قلبها شوق ينادي سعيد .. يناديه باعلى صوت بالحيل مشتااااااق ..وثواني وشافت شمه تضحك وترمسه عند الباب ..
سعيد :السلام عليج ..شحالج ؟
ميثه من ورى الباب وعيونها تلمع :وعليك السلام ..ابخير ربي يسلمك .. ومن صوبك ؟
سعيد يطالع شمه وبصوت حزين قطع فواد حبيبته :أنا .. لاتتخبرين .. أنا حالي بلياكم ماتسر العدو حتى..
ميثه صاخه .. وشمه ترد ببراءه :ميثاني شوفي شنبه ولحيته كله طين .. انا فريته بالطين .. وتضحك ..
وبهالرمسه اللى عقتها شمه وشردت .. ضحكت ابها قلوب محطمه .. وابها جروح داميه تنزف سيل من الألم ولوعه الفراق .. سعيد وميثه ..
ميثه تضحك :السموحه ..
سعيد يضحك :تستسمحين ع شوه ؟.. كفايه انها تذكرني بج ..
وميثه ساكته ..والحزن يجيسها كل ثانيه ويقطعها بنبره صوت سعيد ..
سعيد متردد:طلبتج ؟
ميثه :عونك ..
سعيد :اتحملي من عمرج . ..
وميثه ساكته .. ومن سكوتها راح سعيد ..
والأيام تمر .. وتمر .. والميث نست شي اسمه ضحكه من القلب ..
سلامه :ايييييه ميثاني جني ارمس ويه الطوفه .. وففففف..
ميثه سرحانه :شوه ؟
سلامه خاطفه عنها :اميه تقولج شلي الثياب وحطيهن ع الغدان .. يالله انقفضي ..
ميثه تنش ومالها خاطر ابد فشي .. ويدوه ظبيه يالسه توزع الحق الليله لصغاريه .. وعيال عفره ومريم ملتفين حولها ومطفرين ابها ..
الهنوف تخش ايدها :يدوه انا ماعندي حواوه ..
راشد :تكذب يدوه .. اكو مخباها متروس ..ويصرق من مخبى الهنوف .. وهيه تصارخ ..
الهنوف :آآآآآآآآآآآآآآآآآآآآآآآآآآآآآآآآ
شمه : رشووود السبااااااااااااااااااال ..
يدوه تزاعق:يوز عنها حسبيه الله عليكم ..
بطي يخش ايده في البقشه ويشرد ..
يدوه ظبيه :ويديه .. غربلك الله من صبّي .. تعالي الريم شلي ولدج ..
مريم خاطفه في الممر: بطوي .. رّد اللى خذيته .. عيب ..
بس بطي ظهر وماسمع الرمسه .. بهاللحظه دخل قايد .. والبنات اللى يالسات في الليوان تلثمن .. والميث ربعت الحجره ..
مريم :قايد جان مسكت بطي ودخلته ..
قايد :جفته الطفس يالس يتراكض في السكه .. زقرته مارد عليه ..
قايد يفتر بين الحجر والليوان :مريم .. الميث وين ؟
مريم تطالعه :اشدارانيه ابها .. وسارت ..
و يفتر صوب يدوه ويشوف اليهال :هههههههههههه يدتيه والله ملعوزه بعمرج ..
يدوه : روح هاتلي تّب تحت ذيج الصرمه .. انقفض ..
وقايد يفتر .. ويطالع الحجر .. وهو داش الحوطه مال النخل .. شاف ميثه يالسه تسقي الشتلات الصغيره مالت بوها .. ووياها شمه ..
قايد :السلام عليكم ..
وقايد من شافها غصب عنه نزل راسه مايدري ليش ؟ أول مره يسويها ويه الميث .. اقشعر يمبه من شافها .. حسها جريبه من قلبه وايد ..
وميثه من سمعت صوت ريال تغشت ..
ميثه منصدمه بوجوده هنيه وبجفى :وعليك السلام ..
وقايد يطالعها .. ويطالع الحوي وراه..
قايد :يدوه تريد التّب هذا ..
وميثه احلى طاف .. وشمه يالسه تلعب ..
ميثه من خلصت :يالله شموه نظهر .. بويه بيهزبج ان خربتي زرعه ..
قايد :ايييييه انتي .. يالسه ارمسج ..؟
وميثه خطفت من عنده تسحب وراها شمه ..
ميثه :شماني طوفي ..
قايد يسمعها: ماعليه ان ماخليتج تندمين عهالحركه .. براويج يابنت العم ..
ومن حركه ميثه .. ظهر قايد مضايج من بيت عمه ..
وقايد من سار عند ربعه وهو باله ويه بنت عمه .. ليش تقسى عليه .. وهيه كل الرقه والنعومه آااه منها تقهرررررررررر .. انا خليتها جذيه بسبب معاملتي لها .. أنا لازم اكسب ودها ورضاها .. مره ثانيه ..
غيث :حوووووووه ..
فلاح يضحك: اشحالها ؟
غيث يتمصخر:يااخي اريد أحب ..
فلاح :لابويه .. اللهم عافينا منو يدور المرض .. شوف ولد راشد ..
غيث:شو بلاه؟
قايد : ليش شو فيه سعيد بن راشد ؟
فلاح ارتبك :هاه .. لا ماشي بس جي شكله تعبان وضعفان وايد هاليومين .. قلت يمكن الريال يحب ..
غيث :لالالا شكله قايد طاح طيحه ..
قايد :وفففف .. سيروا انزين .. ونش عنهم ..
وربعه يضحكون عليه ..
فلاح :انته ماتدري انه سعيد ولد راشد خطب بنت سعيد .. اللى هيه بنت عم قايد ..
غيث منصدم : وبوحمد ماقرببهم؟
فلاح :لا يالخوي ماقرب به .. أنا اقول يمكن امبينهم شي .. يعني يحب بنت بوحمد ..
غيث :والله مايستاهل سعيد .. ريال والنعم به ..
فلاح يفكر :هزرك يحبها؟
غيث بعين الصقر :وانته شلك باعراض الناس ..
وتم غيث يفكر بسعيد .. صدق مايستاهل هالريال .. وعقبها سار غيث القهوه ويه قايد .. وهم يالسين .. دخلو سعيد وخليفه ويلسو ع طرف ..وسعيد من شاف قايد عوره قلبه ..
قايد : بلاه ولد راشد .. كنه شايل هموم الدنيا ع راسه ؟
غيث بعفويه :ليش ماتدري انه خطب بنت عمك .. وعمك ماقربهم ؟
قايد منصدم :شوووووه ؟؟خطب ميثه ..
غيث:لاتقول ماتعرف .. شقايل وانته ولد عمها ..
قايد يفز :منوه خبرك انته؟
غيث يفتر في القهوه وبصوت واطي :ايلس .. فضحتنا بلاك اتزاعق ..
وقاله السالفه كلها .. وقايد معصب حده .. وهو ظاهر اطالع سعيد وخليفه بنظره .. وظهر ..وسار دكان فلاح ..
غيث :ياريال استهدي بالله .. والله مايرزى ..
ومن وصلو الدكان .. هبشه قايد من صدره ..
فلاح بنظره حاده :شوو بلاك ؟
قايد :ترمس عن بنت عمي شحقه .. ترمس من ورى ظهري .. ليش ماقلت ذيج الرمسه وانا اهناك ..ليييش هاه رمس ..
وفلاح شل ايده ونزلها بقوه :روووح انزين .. شف عمرك ..تسد سواتك ذيج المره .. وسعيد يوم ضربك وخلك ماتسوى بيزه .. هه .. مستقوي علينا شحقه ..
وقايد ماقدر يستحمل زود .. تم يضربه ويشوته .. وفلاح ماقصر .. والعرب يتفازعون .. حتى غيث ضاع امبينهم .. هو مايقصد يسوي هالمشكله ظهرت منه عفويه ..
قايد يمسح الدم اللى ظهر من حلجه بطرف كندورته ..: والله ان يبت طاري بنت عمي ع السانك ..لاتلوم الا نفسك .. بنت عمي أشرف من هذا اللى تقوله ..
فلاح ينافخ بصعوبه :جب جب روحك خديه .. ماتنلام .. مضيع مذهبك
وميثه مب داريه عن شي .. وفي يوم من الايام .. وميثه يالسه فحجرتها سمعت حد يدق الييدار .. استانست .. هذي أكيد مزنه .. فديتج مزنووووه .. وسارت السطح ..
مزنه بشوق: فديت روحج ..
ميثه عيونها تدمع :يالله يامزنه هانت عليج صداقتنا ..
مزنه تيود ايد ميثه :علني ماانحرم منج يالغاليه .. سامحيني ع القصور..
ميثه : فديت روحج .. أريد اشوف ويهج أكيد احلويتي ..
مزنه :هه .. انتي ماتشوفين حالتي دونج .. والله كني يالسه فعزى ..
ميثه :وأنا مب أخير عنج ..
وثواني ..
ميثه تتذكر سعيد : اشحاله ؟
مزنه: ابخير لاتحاتينه .. بس انتي غاديه ضعيفه وايد ..
ميثه بحزن :مزنه .. أنا روحي وحيده فهالدنيا بدونج انتي وسعيد .. من يوم ردو سعيد و انتي ودرتيني وانا مب فحاله ..
مزنه :لج وعد مني من اليوم ورايح بكون وياج وماراح اتخلى عنج ..
قايد يمشي في السكه ياي من المسيد .. و يالس على نار .. ومضايج من الرمسه اللى سمعها .. معقوله سعيد وميثه بينهم شي ؟؟؟ يعني شّكي طلع صدق .. سعيد يحبها ..! شو هالدنيا .. يوم قلبي خفق بحبها دريت انه قلبها واهبتنه لغيري .. ليش بس ليييش ؟؟ والله انج يادنيا دواره ومافيج خير .. وتم قايد ذيج الليله يهاذي بانسانه اسمها "ميثه "
وباجرها من الغبشه ..الشبيبه متوالفين يسوون العريش .. وبوحمد كان وياهم ..
وقايد يالس يطالع سعيد .. بنظرات حقد وغيره وسعيد كان يشتغل بضمير ومب حاس بالحوليه .. وقايد مايدري انه في عيون تراقبه .. كانت هذي عيون خليفه
خليفه :قايد .. فازعني بهاليريد .. يالله نريد نخلصه اليوم ؟
قايد : ماحصلت غيري .. ونش عنه ..
خليفه :ههههههههههههههههههههه ماحصلت غيري .. ليش معصب انزين ..! تعال كفخني شو رايك؟ ..
قايد يشل اليريد روحه : واللى يسلمك .. روحي اللى فيني مكفيني لاتزيد عليه ..
وعقب من خذو يلسه استراحه .. قايد وغيث يالسين ع طرف ..
قايد يفتر بكل صوب :وين سعيد ؟
غيث:زقره بوحمد .. يمكن سار الدكان ..
قايد :هذوه عمي .. يعني مودرنه بالدكان روحه ..
غيث : ماادريبه والله ..
بهاللحظه نشّ قايد .. وسار دكان عمه .. وشاف سعيد وحمد يالسين هناك .. ويلس وياهم .. وطبعا سعيد وقايد جافيين بعض .. وقايد يالس يخطط فباله أشيا وايده .. ..
حمد ينش :سعيد تم انته في الدكان وانا بروح البيت اشوي وبرد ..
سعيد :لاتبطي .. روحي عندي شغل مكود ..
وقايد يطالعه .. وسعيد مب مفتكر به ولاكنه موجود ..
قايد بخبث : سمعت انك خطبت بنت عمي .. وردوك ..
سعيد بطرف عينه : اسمحلنا مادريت اني خاطبنها فوق خطبتك ..
قايد منقهر من بروده :لا مسموح يوم ماعندك علم ..
وسعيد مجروح من هالرمسه الا انه يكابر .. يكابر بمشاعره واحاسيسه ..
قايد يطالعه .. وبهاللحظه استغل قايد انشغال سعيد ويه الزباين .. فتح الدرج وخذ صرّه البيزات .. وراح .. واشوي وبوحمد راد .. وسعيد اترخص منه ..
وعند البحر .. قايد يالس يطالع البيزات ويحسبهن .. ومن وراه ..
غيث منصدم :اللللله .. فلووووس من وين لك كل هالبيزات ..
قايد : الله يغربلك فلختبي ..
غيث:من وين لك هالفلوس؟
قايد مرتبك :وانته شلك تتخبر .. ااا بويه عطني اياهن ..
غيث :معقوله عمي بوحميد يفر لك هالفلوس كلها .. هذي بتعيشك سنين ..
قايد :شو مقصدك ؟
غيث وعيونه عالفلوس:هاه .. لاماشي .. امايه تريد تخطبلي وانا احيرها لاني بعدي مالوفت بيزات .. يعني اقولك شرايك نتقاسمها ونعرس ابها..
قايد :شووووووووووووو .. وايد أحلامك كبيره ..
غيث :روبتين من صوبي .. حليلي ..
وباجرها الدنيا بعدها رطبه وريحه الطين تفوح بكل بقعه .. وميثه والبنات سايرات بيت المطوع .. ويشوفون لمه عرب صوب الدكاكين .. والبنات يبن يعرفن السالفه ..
مزنه :بلاهم العرب ملتمين جيه ؟
والبنات يطالعن ..
ميثه : يالله ترحمنا .. اخاف حد منهم صايبنه شي ..
ولا اشوي صبّي يربع من جداهم .. ويباغم ..
الولد :صرقو بوحمد .. صرقو بوحمد ..
ميثه منصدمه :شووووو؟؟ وزقرته ...
لطيفه :صرقو بوحمد !!!!!!!
الولد :أقولج صرقو بوحمد .. صرقو البيزات من دكانه ..وسار ..
وميثه ردت البيت هيه ومزنه .. ولطيفه وحصه كملن دربهن ..
ميثه مستهمه ع بوها :فديتك يابويه جانك من سنين تكد هالبيزات واخر شي تنهف عنك ..
مزنه :منو هاللى مايخاف ربه يسوي جذيه .. عاد بيزات مره وحده .. بنقول خبز ولا سمج ..
وهن يمشن في السكيك .. شافن سعيد ويه خليفه وسعيد محتشر لدرجه انه ماشاف البنات وهن يمرن جداه ..
سعيد:والله مايخصني ياخليفه .. انا البارحه اصلن مافتحت الدرج موليه .. حتى السمج اللى بعته بغياب حمد .. الفلوس سلمتها بايد بوحمد بنفسي .. ماحطيت شي بالصرّه ..
خليفه :الله يهديك ياسعيد انته تخبرني .. انا اعرفك محشوم عن هالسوايا .. بس خلنا نتفاهم ويه بوحميد هذا حاشر الدنيا ..
يالله ...
امممممممممممم هالمره أريد تحليل في الشخصيات ..
يالله ظهروا ابداعكم في التحليل ...
تلع لعناق
