أفضل لابتوب في وجة نظرك

مشاركة: أفضل لابتوب في وجة نظرك

الصراحةيا الاسيف انا اشوف احسن الابتوبات

توشيبا

وعندك بعد لابتوب فيراري

مشاركة: أفضل لابتوب في وجة نظرك

مشاركة: أفضل لابتوب في وجة نظرك

طبعا انا بجاوب عشان اعطيكم دفعه معنويه وازيح عنكم الخوف والقلق من التصويت

انا ما عندي بس ناوي

واللي سمعته من الربع ,, ان التوشيبا احسن واحد بدون منافس لكن سعره غالي شوي وسمعت ان الإيسر احسن واحد بعد التوشيبا لأن الديل والكومباك وايد يتأثرون البركه فيهم حساسين لدرجه ما يتحملون شي مووول والأوسوس بعد ترتييييييب وما عليه كلام وما اعرف شي عن الآي بي إم ولا عن باقي الماركات

بس انا ناوري عالإيسر .. بلييز لا تحطموني وتقولون ما ينفع ويتعلل بسرعه وما ادري شو ..

بليز يعني

خلصت المحاضرة

افرنقعوا

مشاركة: أفضل لابتوب في وجة نظرك

خلاص توكل ع الله واشترا ايسر

مشاركة: أفضل لابتوب في وجة نظرك

تسلمين والله .,. صدق شجعتيني

ومشكوره عالرد والتعليق

الحين قررت اصوت عالإيسر .. اول كنت متردد

وبعطيكم مواصفاته المقتبسه من جوجل .. الله يخليه

1.هذا الموديل حديث جدا مقارنة بماهو موجود في السوق.
2.حجم الشاشة مناسب جدا خمسة عشر بوصة عريضة قليلا .
3. كرت الشاشة رائع حتى مع الالعاب التي تتطلب كرت شاشة عالي المواصفات.
4.كل ماتحتاجه للوايرلس والبلوتوث .
5.سعر اقل بكثير من اقرب المنافسين وسالت عنه بالسوق وحصلته ب 4500 بس


وهذي مواصات من عندي انا حصلتها في المحل

حجم الشاشه 15 تي إف تي
سنترينو 1.7 جيجا هرتز
256 رام
60 مساحة الدرايف المتاحه
كومبو يعني ديفيدي ريدر وسيدي رايتر


وبسسسسس

مشاركة: أفضل لابتوب في وجة نظرك

السلام عليكم ورحمة الله وبركاته،،،

اول شي أنا من طلاب الشريعة و القانون ..يعني ما عندي لابتوب

ثانياً : أعتقد ان الآي بي ام ...هو احسن نووووع ^__^

وثانكس ..

مشاركة: أفضل لابتوب في وجة نظرك

بعد لابتوب فيراري وايد سريع

بيس اذا محط عينك ع الايسر اشتراه


وهو صدق يبوعونه ب 4500


تعرف معهد النور ..

صوب المكتبة الحديثة تشوف معهد للكمبيوتر مااعرف اسمه يمكن اسمه معهد الكمبيوتر الحديث سير اشترا من عنده

مشاركة: أفضل لابتوب في وجة نظرك

القاضي

مشكور اخوي على ردك ومثل ما قلت قبل .. ما عندي خبرة بالآي بي إم


وبس

وله النعيمي

سكتي سكتي .. اخاف تقصدين المحل اللي اشتريت منه فلاش ميموري وطلع خربااان بس عليه ضمان سنه ويوم وديته يصلحه ذلني ذل واخر شي قال صلحته ويوم جربته مره ثانيه طلع لا مسوي فيه شي ولا شي .. تركته وقلت ينفد بالفلوس والله كريم ..

عالعموم .. اشتريته من هني ولا هناك .. كل واحد .. المهم قيمه وحده

ومشكوره على التشجيع وترقبي ردود الأعضاء .. أي واحد يحطمني انتي ردي عليه .. اوكي

هههههههههههههه

في امان الله

مشاركة: أفضل لابتوب في وجة نظرك

قص عليك

يمكن مب اهو الي اشتريت عنده

=====

ولا يهمك مابخلي اي احد يحطم معنوياتك